Book List

<h2 style="text-align:center">အပိုင်း(၂၄၃၂)</h2> <h2 style="text-align:center">မီးပူဇော်ခြင်းဂိုဏ်း၏ မဟာလက်ရွေးစင်ပါရမီရှင်</h2> <h2 style="text-align:center">ရှစ်ယောက်ထဲမှ တစ်ယောက်လော </h2> <h2 style="text-align:center">*</h2> <p> </p> <p>          သွမ့်လင်းထျန်၏ မျက်လုံးများမှာ အေးစက်နေပြီး သူ၏ သတ်ဖြတ်ချင်စိတ်ကို လုံးဝ ဖုံးကွယ်ထားခြင်း မရှိပေ။ ပွဲလာကြည့်သော လူများပင်လျှင် ၎င်းကို ခံစားမိနေကြသည်။ </p> <p> </p> <p>      “ဒီမီးပူဇော်ခြင်းဂိုဏ်းက အစစ်အမှန်တပည့်က ကျောင်ထူကို သတ်ဖို့ ကြံနေတာလား” </p> <p>      ဂိုဏ်းမဲ့ကျင့်ကြံသူများစွာမှာ အံ့အားသင့်သွားကြသည်။ မီးပူဇော်ခြင်းဂိုဏ်းမှ အစစ်အမှန်တပည့်က ကျောင်ထူကို သတ်ရန် လိုက်လာခြင်းဖြစ်လိမ့်မည်ဟု သူတို့ မထင်ထားခဲ့ကြပေ။ </p> <p> </p> <p>      “ကျောင်ထူက သူ့ကို ဘယ်လိုများ စော်ကားမိလို့လဲ” </p> <p>      အချို့သော ဂိုဏ်းမဲ့ကျင့်ကြံသူများက တစ်ဦးကိုတစ်ဦး နားမလည်နိုင်စွာ ကြည့်လိုက်ကြသည်။ </p> <p> </p> <p>      “မင်း သူပြောတာ မကြားလိုက်ဘူးလား... သူက ကျောင်ထူကို မသိဘူးတဲ့... ကျောင်ထူရဲ့ ရုပ်ကို ကြည့်မရလို့ သတ်ချင်တာတဲ့လေ” </p> <p> </p> <p>      “မင်းက သူပြောတာကို ယုံတယ်ပေါ့” </p> <p> </p> <p>      “ငါကတော့ ယုံတယ်... ဘာပဲဖြစ်ဖြစ် ဒုစရိုက်မြို့တော်မှာ ကျီးကန်းနက်မဟာမိတ်အဖွဲ့က လူတွေက တခြားသူတွေအပေါ် အခွင့်ကောင်းယူတဲ့နေရာမှာ နာမည်ဆိုးနဲ့ ကျော်ကြားတာပဲကို... ဒီမီးပူဇော်ခြင်းဂိုဏ်းက အစစ်အမှန်တပည့်က အဲဒါကို မကြိုက်လို့ ကိုယ်တိုင်ဝင်ပါပြီး ကျီးကန်းနက်မဟာမိတ်အဖွဲ့က ကျောင်ထူကို သတ်ဖို့ ဆုံးဖြတ်လိုက်တာ ဖြစ်နိုင်တယ်” </p> <p> </p> <p>      “ဒီအကြောင်းပြချက်က နည်းနည်းတော့ ယုံရခက်တယ်လို့ ငါထင်တယ်... ပတ်ဝန်းကျင်မှာ ကျီးကန်းနက်မဟာမိတ်အဖွဲ့ဝင်တွေ အများကြီး ရှိနေတာကို ဘာလို့ ဒီမီးပူဇော်ခြင်းဂိုဏ်းက အစစ်အမှန်တပည့်က ကျောင်ထူကိုမှ ပစ်မှတ်ထားနေရတာလဲ... ဒါ့အပြင် ကျောင်ထူက ကျီးကန်းနက်မဟာမိတ်အဖွဲ့ရဲ့ သာမန်အဖွဲ့ဝင်တစ်ယောက်မှ မဟုတ်တာ” </p> <p> </p> <p>      “ငါလည်း နားမလည်နိုင်ဘူး... ကျောင်ထူက ကျီးကန်းနက်မဟာမိတ်အဖွဲ့ရဲ့ ဒုခေါင်းဆောင် ကျောင်ကျန်ရဲ့ ညီလေးကို... ပြီးတော့ ကျောင်ကျန်က စိန့်ကောင်းကင် ဒုတိယပုံစံမှာ ရှိပြီး အဓိပတိသူတော်စင်အဆင့်စာရင်းမှာ အဆင့် ၅၆၆ နေရာမှာ ရှိနေတာ” </p> <p> </p> <p>      “ကျောင်ကျန်ရဲ့ စွမ်းအားနဲ့ဆိုရင် သူ့ကို ယှဉ်နိုင်တဲ့ မီးပူဇော်ခြင်းဂိုဏ်းက အစစ်အမှန်တပည့် နည်းနည်းပဲ ရှိတာ... ဒီအစစ်အမှန်တပည့်က အဲဒီထဲမှာ ပါချင်မှ ပါမှာ” </p> <p> </p> <p>      “တကယ်ဆိုရင် သူက ကျောင်ကျန်ရဲ့ စွမ်းအားကြောင့် ကျောင်ထူကို ရန်စဖို့ ကြောက်ရမှာ” </p> <p> </p> <p>      ပွဲလာကြည့်ကြသော ဂိုဏ်းမဲ့ကျင့်ကြံသူများက အချင်းချင်း ဆွေးနွေးနေကြသည်။ သူတို့အားလုံး နားမလည်နိုင်အောင် ဖြစ်နေကြသည်။ </p> <p>       သဘာဝကျစွာပင် ကိစ္စများက ထိုမျှမရိုးရှင်းဟု ထင်မြင်သူ အချို့လည်း ရှိသည်။ ကျောင်ထူသည် ဤမီးပူဇော်ခြင်းဂိုဏ်းမှ အစစ်အမှန်တပည့်ကို တစ်ချိန်ချိန်က စော်ကားခဲ့ဖူးသည်ဟု သူတို့က ထင်ကြသည်။ </p> <p>      သို့မဟုတ်ပါက တစ်ဖက်လူက သူ့ကို သတ်ရန် အဘယ်ကြောင့် ဤမျှလောက်အထိ စိတ်ပိုင်းဖြတ်ထားမည်နည်း.... </p> <p> </p> <p>      “မီးပူဇော်ခြင်းဂိုဏ်းက မိတ်ဆွေ... ကျုပ်က ကျီးကန်းနက်မဟာမိတ်အဖွဲ့ရဲ့ သာမန်အဖွဲ့ဝင် တစ်ယောက်ဆိုပေမဲ့ ကျုပ်ရဲ့ ဒုတိယအစ်ကိုက ကျီးကန်းနက်မဟာမိတ်အဖွဲ့ရဲ့ ဒုခေါင်းဆောင် ကျောင်ကျန်နော်” </p> <p> </p> <p>      သတ်ဖြတ်ချင်စိတ် ပိုမိုအားကောင်းလာသည်ကို ခံစားလိုက်ရသောအခါ သွမ့်လင်းထျန်က တကယ်လုပ်မည်ဖြစ်ကြောင်း ကျောင်ထူ သိလိုက်သည်။ သူ၏ အသက်ကို ကယ်တင်ရန် ကြိုးပမ်းသည့်အနေဖြင့် သူ၏ အစ်ကိုအကြောင်းကို ထုတ်ပြောလိုက်သည်။ </p> <p> </p> <p>      သူ၏ အစ်ကိုမှာ ကျီးကန်းနက်မဟာမိတ်အဖွဲ့၏ ဒုခေါင်းဆောင်ဖြစ်ကြောင်းကို သွမ့်လင်းထျန်က ဂရုမစိုက်မည်ကို ကျောင်ထူ စိုးရိမ်နေပုံရသဖြင့် အလျင်အမြန်ပင် ဆက်ပြောလိုက်သည်။ </p> <p>       “ကျုပ်ရဲ့ ဒုတိယအစ်ကို ကျောင်ကျန်က စိန့်ကောင်းကင် ဒုတိယပုံစံမှာ ရှိတဲ့လူတွေထဲမှာ အသန်မာဆုံးလူတွေထဲက တစ်ယောက်ပဲ... သူက အဓိပတိသူတော်စင်အဆင့်စာရင်းမှာ အဆင့် ၅၆၆ နေရာမှာ ရှိတယ်”  </p> <p>       ကျောင်ထူသည် စကားပြောပြီးသွားသောအခါ သက်ပြင်းချလိုက်သည်။ </p> <p> </p> <p>      ကျောင်ထူ၏ အမြင်တွင် သူ၏ အစ်ကို ကျောင်ကျန်၏ အဓိပတိသူတော်စင်အဆင့်စာရင်းမှ အဆင့်ကို ထုတ်ဖော်ပြောဆိုလိုက်ပြီဖြစ်သဖြင့် မီးပူဇော်ခြင်းဂိုဏ်းမှ အစစ်အမှန်တပည့်သည် ထိတ်လန့်သွားပြီး သူ့ကို အန္တရာယ်ပြုဝံ့မည် မဟုတ်ဟု ထင်နေသည်။ </p> <p> </p> <p>      “သူက အဓိပတိသူတော်စင်အဆင့်စာရင်းမှာ အဆင့် ၅၆၆ လား”  </p> <p>     ကျောင်ထူ၏ စကားကို ကြားသောအခါ သွမ့်လင်းထျန်က မျက်လုံးများ ကျဉ်းမြောင်းသွားကာ အေးစက်စွာ ပြောလိုက်သည်။ </p> <p> </p> <p>      “ဟုတ်တယ်”  </p> <p>       ကျောင်ထူသည် ပုံမှန်လို ထောင်လွှားနေခြင်း မရှိတော့သော်လည်း ဂုဏ်ယူစွာဖြင့် ခေါင်းညိတ်ပြလိုက်သည်။ သူ၏ အစ်ကိုမှာ စွမ်းအားကြီးမားသော်လည်း လက်ရှိတွင် သူ၏ ဘေး၌ မရှိပေ။ </p> <p> </p> <p>      ဒီမီးပူဇော်ခြင်းဂိုဏ်းက လူက ငါ့အစ်ကိုက အဓိပတိသူတော်စင်အဆင့်စာရင်းမှာ အဆင့် ၅၆၆ နေရာမှာ ရှိတယ်ဆိုတာ သိသွားလို့ ကြောက်သွားပြီ ထင်တယ်... မဟုတ်ရင် အတည်ပြုဖို့ မေးမှာ မဟုတ်ဘူး..... </p> <p>      ကျောင်ထူက စိတ်ထဲမှ တွေးလိုက်သည်။ </p> <p> </p> <p> </p> <p>      တစ်ချိန်တည်းမှာပင် ပွဲလာကြည့်သော ဂိုဏ်းမဲ့ကျင့်ကြံသူ အများစုမှာလည်း ကျောင်ထူနည်းတူ တွေးနေကြသည်။ </p> <p> </p> <p>      “အခု မီးပူဇော်ခြင်းဂိုဏ်းက အစစ်အမှန်တပည့်က ကျောင်ထူရဲ့ အစ်ကို ကျောင်ကျန်က အဓိပတိသူတော်စင်အဆင့်စာရင်းမှာ အဆင့် ၅၆၆ ဆိုတာ သိသွားပြီဆိုတော့ သူ ကျောင်ထူကို အန္တရာယ်ပြုရဲတော့မှာ မဟုတ်ဘူး” </p> <p> </p> <p>      “ဒါတော့ သေချာတာပေါ့... ဒါ့ပြင် ကျောင်ကျန်က ကျီးကန်းနက်မဟာမိတ်အဖွဲ့မှာ ကာကွယ်ပေးတတ်တဲ့နေရာမှာ နာမည်ကြီးတယ်... သူက ကျီးကန်းနက်မဟာမိတ်အဖွဲ့က အဖွဲ့ဝင်တွေဆိုရင်တောင် မျက်နှာလိုက်တတ်တဲ့သူ... သူ့ရဲ့ ညီအရင်းဆိုရင်တော့ ပြောမနေနဲ့တော့” </p> <p> </p> <p>      “ကြည့်ရတာ ဆက်ကြည့်စရာ ဘာမှ မရှိတော့ဘူးထင်တယ်” </p> <p> </p> <p>      ဂိုဏ်းမဲ့ကျင့်ကြံသူများစွာက အချင်းချင်း တီးတိုးပြောဆိုနေကြပြီး မီးပူဇော်ခြင်းဂိုဏ်းမှ အစစ်အမှန်တပည့်သည် ကျောင်ထူ၏ နောက်ခံကို သိသွားပြီဖြစ်သဖြင့် ကျောင်ထူကို အန္တရာယ်ပြုရဲမည် မဟုတ်ဟု ထင်ကာ စိတ်ပျက်သွားကြသည်။ </p> <p> </p> <p>      သို့သော်လည်း သွမ့်လင်းထျန်က ကျောင်ထူ၏ နောက်ခံကြောင့် သူ့ကို ကြောက်ရွံ့ပြီး မသတ်ဘဲ နေမည်လား...  </p> <p>      လုံးဝ မဟုတ်ပေ။ </p> <p> </p> <p>      “ငါ့ရဲ့ မှတ်ဉာဏ်တွေ မမှားဘူးဆိုရင် ငါလည်း အဓိပတိသူတော်စင်အဆင့်စာရင်းမှာ ပါတယ်ထင်တယ်”  </p> <p>      သွမ့်လင်းထျန်က ပေါ့ပေါ့ပါးပါးပင် ပြောလိုက်သည်။ သူ၏ လေသံမှာ ပေါ့ပါးနေသော်လည်း သူ့ထံမှ ဖြာထွက်နေသော သတ်ဖြတ်လိုစိတ်မှာ ယခင်ကအတိုင်း အားကောင်းနေဆဲ ဖြစ်သည်။ တကယ်တမ်းတွင် ပို၍ပင် အားကောင်းလာပုံ ရသည်။ </p> <p> </p> <p>      သွမ့်လင်းထျန်၏ စကားကို ကြားသောအခါ ကျောင်ထူ၏ မျက်နှာထား ချက်ချင်း ပျက်ယွင်းသွားသည်။ </p> <p> </p> <p>      “အဓိပတိသူတော်စင်အဆင့်စာရင်းမှာ ပါတဲ့ မီးပူဇော်ခြင်းဂိုဏ်းက အစစ်အမှန်တပည့်လား...” </p> <p> </p> <p>      “ငါသိသလောက်တော့ မီးပူဇော်ခြင်းဂိုဏ်းမှာ ပါရမီရှင်အသစ် သွမ့်လင်းထျန် အပါအဝင် အဓိပတိသူတော်စင်အဆင့်စာရင်းမှာ ပါဝင်တဲ့ အစစ်အမှန်တပည့် ရှစ်ယောက်ပဲ ရှိတာ... အဲဒီရှစ်ယောက်ကို လူငယ်မျိုးဆက်တွေကြားမှာ မီးပူဇော်ခြင်းဂိုဏ်းရဲ့ မဟာလက်ရွေးစင်ပါရမီရှင်ရှစ်ယောက်လို့ လူသိများတယ်” </p> <p> </p> <p>      “ဒီလူက အဲဒီပါရမီရှင် ရှစ်ယောက်ထဲက ဘယ်သူများလဲ မသိဘူး” </p> <p> </p> <p>      သွမ့်လင်းထျန်၏ စကားကို ကြားသောအခါ ဂိုဏ်းမဲ့ကျင့်ကြံသူများ၏ မျက်လုံးများ ချက်ချင်း အရောင်လက်သွားကြသည်။ သွမ့်လင်းထျန်သည် ပါရမီရှင် ရှစ်ယောက်ထဲမှ မည်သူဖြစ်ကြောင်းကို သူတို့အားလုံး သိချင်နေကြသည်။ </p> <p> </p> <p>      “ကျုပ်... ကျုပ် မင်းကို မသိဘူး... မင်း... မင်းက မီးပူဇော်ခြင်းဂိုဏ်းရဲ့ မဟာလက်ရွေးစင်ပါရမီရှင်ရှစ်ယောက်ထဲက ဘယ်သူလဲ”  </p> <p>     ကျောင်ထူသည် သူ၏ သတ္တိများကို အကုန်စုစည်းပြီးနောက် မေးလိုက်သည်။ ဤအခိုက်အတန့်တွင် သူ အလွန်ထိတ်လန့်ကြောက်ရွံ့နေသည်။ </p> <p> </p> <p>      “အဲဒါ အရေးမကြီးပါဘူး... ဘာပဲဖြစ်ဖြစ် မင်း သေရတော့မှာပဲဟာကို...” </p> <p>      သွမ့်လင်းထျန်၏ စကားကို ကြားသောအခါ ကျောင်ထူ၏ မျက်နှာအမူအရာ အကြီးအကျယ် ပြောင်းလဲသွားသည်။ မီးပူဇော်ခြင်းဂိုဏ်းမှ အစစ်အမှန်တပည့်သည် သူ့ကို သတ်ရန် အခိုင်အမာ ဆုံးဖြတ်ထားကြောင်းကို သူ နောက်ဆုံးတွင် နားလည်သွားခဲ့သည်။ </p> <p> </p> <p>      “ထားပါ....ငါ မင်းကို ဒီအကြောင်း ပြောပြလို့လည်း ဘာမှ မထိခိုက်နိုင်ပါဘူး... ငါက မီးပူဇော်ခြင်းဂိုဏ်းရဲ့ အစစ်အမှန်တပည့် ပုဟုန်” </p> <p>      သွမ့်လင်းထျန်က သူ၏ အမည်ကို ထုတ်ပြောလိုက်ချိန်တွင် ကျောင်ထူမှာ ထိတ်လန့်နေဆဲ ဖြစ်သည်။ </p> <p> </p> <p>      ပုဟုန်... </p> <p>      ထိုအမည်ကို ကြားသောအခါ ကျောင်ထူ၏ မျက်လုံးများ တုန်လှုပ်မှုကြောင့် ပြူးကျယ်သွားသည်။ ထိုအမည်မှာ သူ့အတွက် သူစိမ်းတစ်ယောက် မဟုတ်ပေ။ </p> <p> </p> <p>      တကယ်တမ်းတွင် ထိုနေရာရှိ ဂိုဏ်းမဲ့ကျင့်ကြံသူများ အားလုံးက ထိုအမည်ကို သိကြသည်။ </p> <p> </p> <p>      မီးပူဇော်ခြင်းဂိုဏ်းရှိ မဟာလက်ရွေးစင်ပါရမီရှင်ရှစ်ယောက်ကို စိန့်ကောင်းကင် တတိယပုံစံရှိ စွမ်းအားရှင် သုံးဦးက ဦးဆောင်ထားသည်။ ပုဟုန်သည် မီးပူဇော်ခြင်းဂိုဏ်း၏ အစစ်အမှန်အဆင့်စာရင်းတွင် ဒုတိယနေရာ၌ ရှိသည်။ </p> <p> </p> <p>      သဘာဝကျစွာပင် ဤလူများသည် သွမ့်လင်းထျန်က ပုဟုန်ကို အနိုင်ယူလိုက်သည့် မီးပူဇော်ခြင်းဂိုဏ်း၏ မကြာသေးမီက သတင်းများကို မကြားကြသေးပေ။ သို့မဟုတ်ပါက ပုဟုန်သည် မီးပူဇော်ခြင်းဂိုဏ်းရှိ မဟာလက်ရွေးစင်ပါရမီရှင်ရှစ်ယောက်ထဲတွင် ဒုတိယနေရာ၌ မရှိတော့ကြောင်း သူတို့ သိကြပေလိမ့်မည်။ သူတို့ သိထားသလောက်ဆိုလျှင် မီးပူဇော်ခြင်းဂိုဏ်းမှ ပါရမီရှင်တစ်ဦးဖြစ်သော ပုဟုန်သည် အဓိပတိသူတော်စင်အဆင့်စာရင်းတွင် အဆင့် ၄၂၁ နေရာ၌ ရှိနေသည်။ </p> <p> </p> <p>      ဂိုဏ်းမဲ့ကျင့်ကြံသူများစွာသည် ချက်ချင်းပင် ကျောင်ထူကို အထင်အမြင်သေးစွာ ကြည့်လိုက်ကြသည်။ </p> <p> </p> <p>      ကျောင်ထူသည် ပုဟုန်ကို ခြောက်လှန့်ရန်အတွက် အဓိပတိသူတော်စင်အဆင့်စာရင်းတွင် အဆင့် ၅၆၆ နေရာ၌ ရှိသော ကျောင်ကျန်ကို အသုံးချခဲ့သည်။ တကယ်တမ်းတွင် ပုဟုန်သည် အဓိပတိသူတော်စင်အဆင့်စာရင်းတွင် အဆင့် ၄၂၁ နေရာ၌ ရှိနေသည်။  </p> <p>     မည်မျှ ရယ်စရာကောင်းလိုက်သနည်း... </p> <p> </p> <p>      ပုဟုန်အနေဖြင့် ကျောင်ကျန်ကို ကြောက်စရာ လိုပါသလား... </p> <p> </p> <p>      “သူက ပုဟုန်ဖြစ်နေလိမ့်မယ်လို့ ငါ မထင်ထားခဲ့ဘူး” </p> <p>      ဂိုဏ်းမဲ့ကျင့်ကြံသူများစွာမှာ အံ့အားသင့်နေကြသည်။ </p> <p> </p> <p>      “ပုဟုန်က မီးပူဇော်ခြင်းဂိုဏ်းရဲ့ မဟာလက်ရွေးစင်ပါရမီရှင်ရှစ်ယောက်ထဲမှာ ဒုတိယဖြစ်တဲ့အပြင် အဇူရာနဂါးပရ၀ဏ်ရဲ့ ပရ၀ဏ်ခေါင်းဆောင်ရဲ့ တိုက်ရိုက်တပည့်လည်း ဖြစ်သေးတယ်... ဒါ့ပြင် အဇူရာနဂါးပရ၀ဏ်ရဲ့ ပရ၀ဏ်ခေါင်းဆောင်က မီးပူဇော်ခြင်းဂိုဏ်းမှာ အသန်မာဆုံး ရွှေမီးလျှံအကြီးအကဲတွေထဲက တစ်ယောက်လို့တောင် သတ်မှတ်ခံထားရတာ” </p> <p>      ပုဟုန်၏ နောက်ခံကို သိသော ဂိုဏ်းမဲ့ကျင့်ကြံသူ အချို့လည်း ရှိသည်။ </p> <p> </p> <p>      “ပုဟုန်ရဲ့ စွမ်းအားနဲ့ နောက်ခံနဲ့ဆိုရင်... သူက ဘာလို့ ကျောင်ထူကို ကြောက်ရမှာလဲ” </p> <p> </p> <p>      ဂိုဏ်းမဲ့ကျင့်ကြံသူများစွာက ကျောင်ထူကို သနားစရာကောင်းသလို စတင် ကြည့်လာကြသည်။ </p> <p> </p> <p>      “နောက်ဘဝကျရင် ဒီထက်ပိုပြီး နှိမ့်ချတတ်အောင် သင်ထား... ပြီးတော့ ငရဲပြည်သွားတဲ့လမ်းမှာ မင်းကို သတ်လိုက်တဲ့သူက ငါ ပုဟုန်ဆိုတာကို သေချာ မှတ်သွားလိုက်” </p> <p>      လူတိုင်း အံ့သြတုန်လှုပ်နေဆဲအချိန်တွင် သွမ့်လင်းထျန်က အေးစက်စွာ ပြောလိုက်သည်။ </p> <p> </p> <p>      ကျောင်ထူ၏ မျက်နှာ အကြီးအကျယ် ပြောင်းလဲသွားသည်။ </p> <p> </p> <p>      ပြေး...  </p> <p>     နောက်တစ်ခဏတွင် ကျောင်ထူ လှည့်ပြေးတော့သည်။ သူသည် ယခင်လို ထောင်လွှားနေပြီး တခြားသူများအပေါ် ပေါ်တင် အခွင့်ကောင်းယူတတ်သူ မဟုတ်တော့ပေ။ လက်ရှိတွင် သူသည် အမြီးကုပ်ကာ ထွက်ပြေးနေသော ခွေးတစ်ကောင်လို သုတ်ခြေတင်လိုက်သည်။ </p> <p> </p> <p>      ရွှစ်... </p> <p> </p> <p>      သွမ့်လင်းထျန်သည် ဘာဖြစ်လာမည်ကို ကြိုသိနေပုံရသည်။ ကျောင်ထူ လှုပ်ရှားလိုက်သည်နှင့် တစ်ပြိုင်နက် သွမ့်လင်းထျန်က သူ၏နောက်သို့ လိုက်သွားလိုက်သည်။ သူသည် သူနှင့် ကျောင်ထူကြားရှိ အကွာအဝေးကို ထိန်းသိမ်းထားလိုက်သည်။ </p> <p> </p> <p>      သဘာဝကျစွာပင် ပွဲလာကြည့်နေသော ဂိုဏ်းမဲ့ကျင့်ကြံသူများက မီးပူဇော်ခြင်းဂိုဏ်းမှ အစစ်အမှန်တပည့် ပုဟုန်သည် ကျောင်ထူကို ကစားနေခြင်းဖြစ်ကြောင်း သိကြသည်။ </p> <p> </p> <p>      မီးပူဇော်ခြင်းဂိုဏ်းရှိ အစစ်အမှန်တပည့် အားလုံးနီးပါးသည် စိန့်ကောင်းကင်အဆင့်တွင် ရှိကြောင်း လူတိုင်းသိကြသည်။ သူတို့သည် သူတို့၏ မြင့်မားသော ပင်ကိုပါရမီကြောင့် အစစ်အမှန်တပည့်များ ဖြစ်လာနိုင်ခဲ့ကြခြင်း ဖြစ်သည်။ ပုဟုန်ကဲ့သို့သော သူဆိုလျှင် ပြောစရာပင် မလိုပေ။  သာမန် အစစ်အမှန်တပည့်များပင်လျှင် ကျောင်ထူကို အမီလိုက်ရန် တစ်စက္ကန့်မျှသာ ကြာပေမည်။ </p> <p> </p> <p>      ထို့ကြောင့် ပုဟုန်သည် ကျောင်ထူကို ကစားနေခြင်းသာဖြစ်ကြောင်း သူတို့အတွက် ရှင်းလင်းနေသည်။ </p> <p> </p> <p>      သို့သော်လည်း သူတို့ မသိသောအရာမှာ ကျောင်ထူနောက်သို့ လိုက်နေသူသည် ပုဟုန် မဟုတ်ဘဲ မီးပူဇော်ခြင်းဂိုဏ်းတွင် အလျင်အမြန် ကျော်ကြားလာခဲ့သော မကောင်းဆိုးဝါးပါရမီရှင် သွမ့်လင်းထျန် ဖြစ်နေခြင်းပင်။ </p> <p> </p> <p>      သွမ့်လင်းထျန် နှေးကွေးနေရသည့် အကြောင်းရင်းမှာ သူသည် ဒြပ်စင်ဝါးမျိုခြင်းနည်းစနစ် သို့မဟုတ် ရွှေကျီးကန်းအတောင်ပံများကို အသုံးမပြုထားသောကြောင့် ဖြစ်သည်။ သို့မဟုတ်ပါက မျက်တောင်တစ်ခတ်အတွင်းမှာပင် သူ ကျောင်ထူကို အမီလိုက်နိုင်မည် ဖြစ်သည်။ </p> <p> </p> <p>      သွမ့်လင်းထျန်သည် သူ မည်သူမည်ဝါဖြစ်ကြောင်း ပေါ်လွင်သွားမည်ကို စိုးရိမ်သဖြင့် ထိုနတ်ဘုရားစွမ်းရည် နှစ်ခုကို အသုံးမပြုခဲ့ခြင်း ဖြစ်သည်။ </p> <p> </p> <p>      လက်ရှိတွင် သွမ့်လင်းထျန်၏ နေသူတော်စင်စွမ်းအင်သည် အနှစ်သာရသူတော်စင်ကျွမ်းကျင်အဆင့်ကျင့်ကြံသူ၏ သူတော်စင်စွမ်းအင်နှင့် ညီမျှသည်။ ထို့ကြောင့် သူ၏ အမြန်နှုန်းမှာ အနှစ်သာရသူတော်စင်ကျွမ်းကျင်အဆင့် ကျင့်ကြံမှုရှိသော ကျောင်ထူနှင့် တူညီနေခြင်း ဖြစ်သည်။ </p> <p> </p> <p>      “ပုဟုန်... ကျုပ်တို့ကြားမှာ ဘာရန်ငြိုးမှ မရှိပါဘူး... ဘာလို့ ကျုပ်ကို ဒီလောက်သတ်ချင်နေရတာလဲ”  </p> <p>     ကျောင်ထူက ထိတ်လန့်တကြား မေးလိုက်သည်။ သွမ့်လင်းထျန်သည် သူ့နောက်သို့ သက်တောင့်သက်သာ အမြန်နှုန်းဖြင့် လိုက်လာကြောင်း သူ တွေ့ရှိလိုက်သည်။ အခြားသူများကဲ့သို့ပင် သွမ့်လင်းထျန်သည် သူ့ကို ကစားနေသည်ဟု သူ ထင်လိုက်သည်။ </p> <p> </p> <p>      “ငါ မင်းကို ပြောပြီးပြီလေ... မင်းမျက်နှာကို ကြည့်မရလို့ မင်းကို သတ်ချင်တာလို့”  </p> <p>      သွမ့်လင်းထျန်က အေးစက်စွာ ပြန်ဖြေလိုက်သည်။ </p> <p> </p> <p>      တစ်ချိန်တည်းမှာပင် သွမ့်လင်းထျန်သည် ဂိုဏ်းမဲ့ကျင့်ကြံသူများနှင့် အတော်လေး အလှမ်းဝေးသွားပြီဖြစ်ကြောင်း တွေ့ရှိလိုက်သည်။ သူသည် ဤအခွင့်အရေးကို အလျင်အမြန် အရယူကာ နတ်ဘုရားစွမ်းရည်ဖြစ်သော ဒြပ်စင်ဝါးမျိုခြင်းနည်းစနစ်ကို တိတ်တဆိတ် အသုံးပြုလိုက်သည်။ </p> <p> </p> <p style="text-align:center">***</p>


Save