Book List

<h2 style="text-align: center;">အပိုင်း(၂၄၃၆)</h2> <h2 style="text-align: center;">ကြိုဆိုပါ၏ တည်းခိုခန်း </h2> <h2 style="text-align: center;">*</h2> <p> </p> <p> </p> <p>        အင်အားစုတစ်ခုခုမှ စိန့်ကောင်းကင် နဝမပုံစံစွမ်းအားရှင်များသည် ပုံမှန်အားဖြင့် ကောင်းကင်ကပ်ဘေးကို မရင်ဆိုင်မီ သူတို့၏ ပိုင်ဆိုင်မှုများကို သူတို့၏ အင်အားစုများတွင် ချန်ထားရစ်လေ့ရှိကြသည်။ သို့သော်လည်း စိန့်ကောင်းကင် နဝမပုံစံသို့ ရောက်ရှိနေသော ဂိုဏ်းမဲ့ကျင့်ကြံသူ အတော်များများလည်း ရှိကြသည်။ သူတို့သည် မည်သည့် အင်အားစုထဲမှ မ၀င်ကြဘဲ အများစုမှာ မိသားစု သို့မဟုတ် သူငယ်ချင်းများလည်း မရှိကြပေ။ </p> <p> </p> <p>      ဤဂိုဏ်းမဲ့ကျင့်ကြံသူများသည် ကောင်းကင်ကပ်ဘေးကို ဖြတ်ကျော်ကာ တက်လှမ်းခြင်း မပြုမီ သို့မဟုတ် တက်လှမ်းရန် ကြိုးစားရင်း မသေဆုံးမီ သူတို့၏ ရတနာများ ပါဝင်သော ကွပ်လပ်လက်စွပ်များကို တစ်နေရာရာတွင် ဖွက်ထားလေ့ရှိကြသည်။ ထိုနေရာများကို နောက်ပိုင်းတွင် ရတနာသိုက်များဟု ခေါ်တွင်ခဲ့ကြသည်။ </p> <p> </p> <p> </p> <p> </p> <p>      စိန့်ကောင်းကင် နဝမပုံစံရှိ စွမ်းအားရှင်များ၏ ပိုင်ဆိုင်မှုများသည် သေချာပေါက် ရတနာများပင် ဖြစ်သည်။ </p> <p> </p> <p> </p> <p> </p> <p>      ဒါက ဂိုဏ်းမဲ့ကျင့်ကြံသူ အများကြီး ဒုစရိုက်မြို့တော်ကို လာဖို့ ဆုံးဖြတ်ရတဲ့ အကြောင်းရင်းရဲ့ တစ်စိတ်တစ်ပိုင်း ဖြစ်ပုံရတယ် </p> <p> </p> <p>      စိန့်ကောင်းကင် နဝမပုံစံစွမ်းအားရှင်တစ်ဦး၏ ရတနာသိုက် တည်နေရာနှင့် ပတ်သက်သော သတင်းများ တစ်ခါတစ်ရံ ပျံ့နှံ့လေ့ရှိကြောင်း ကြားသောအခါ သွမ့်လင်းထျန် ဤသို့ ကောက်ချက်ချလိုက်သည်။ သူကိုယ်တိုင်ပင်လျှင် စိန့်ကောင်းကင် နဝမပုံစံစွမ်းအားရှင်တစ်ဦး ချန်ထားရစ်ခဲ့သော ရတနာများကို စိတ်ဝင်စားသွားခဲ့သည်။ </p> <p> </p> <p>      စိန့်ကောင်းကင် နဝမပုံစံရှိ စွမ်းအားရှင်တစ်ဦး ချန်ထားရစ်ခဲ့သော ပစ္စည်းများသည် သာမန် ဖြစ်နိုင်ပါမည်လား...  </p> <p> </p> <p>     လုံးဝ မဖြစ်နိုင်ပေ။ </p> <p> </p> <p> </p> <p> </p> <p>      အတန်ကြာပြီးနောက် သွမ့်လင်းထျန်သည် စားသောက်ဆိုင်တွင် အသုံးဝင်သောအရာ ဘာမှ ထပ်မံ သိရှိနိုင်တော့မည် မဟုတ်ကြောင်း တွေ့ရှိရသဖြင့် စားသောက်ပြီးနောက် ကျသင့်ငွေရှင်းကာ ထွက်ခွာလာခဲ့သည်။ </p> <p> </p> <p> </p> <p> </p> <p>      ဒုစရိုက်မြို့တော်သို့ ယခုလေးတင် ရောက်ရှိလာသော ဂိုဏ်းမဲ့ကျင့်ကြံသူများအတွက် နေထိုင်စရာနှင့် ပတ်သက်၍ ရွေးချယ်စရာ သုံးခု ရှိသည်။ </p> <p> </p> <p>      ပထမတစ်ခုမှာ ဒုစရိုက်မြို့တော်က အထူးတည်ဆောက်ထားသော နေအိမ်များတွင် နေထိုင်ရန် ရွေးချယ်နိုင်သည်။ သို့သော်လည်း နေထိုင်ခွင့်ရရန်အတွက် တိုက်ခိုက်ရမည် ဖြစ်သည်။ အကယ်၍ တစ်ဦးတစ်ယောက်သည် လုံလောက်သော အင်အား မရှိပါက ၎င်းမှာ မဖြစ်နိုင်သော ကိစ္စဖြစ်သည်။ </p> <p> </p> <p>      ဒုတိယရွေးချယ်စရာမှာ မဟာမိတ်အဖွဲ့ အသီးသီးက ပံ့ပိုးပေးထားသော နေအိမ်များတွင် နေထိုင်ခြင်း ဖြစ်သည်။ ထိုနေရာတွင် နေထိုင်ရန် ထိုနေအိမ်ကို ပိုင်ဆိုင်သော မဟာမိတ်အဖွဲ့သို့ ဝင်ရောက်ရမည် ဖြစ်သည်။ </p> <p> </p> <p>      တတိယရွေးချယ်စရာမှာ တည်းခိုခန်းတစ်ခုတွင် နေထိုင်ခြင်း ဖြစ်သည်။ ဒုစရိုက်မြို့တော်ရှိ တည်းခိုခန်းတစ်ခုတွင် နေထိုင်ရန် ကုန်ကျစရိတ်မှာ အလွန်မြင့်မားသည်။ အခန်းအမျိုးအစား များစွာ ရှိသည်။ သာမန်အခန်းများအပြင် ခြံဝင်းပါသော အခန်းများလည်း ရှိသည်။ စံအိမ်ကြီးများပင် ရှိသေးသည်။ သဘာဝကျကျပင် စံအိမ်ကြီးများမှာ ပို၍ ဈေးကြီးသည်။ သာမန်လူများ တတ်နိုင်မည့်အရာ မဟုတ်ပေ။ </p> <p> </p> <p> </p> <p> </p> <p>       တည်းခိုခန်းတစ်ခု ရှာပြီးပဲ နေလိုက်တော့မယ်... </p> <p> </p> <p>      သွမ့်လင်းထျန်က ဆုံးဖြတ်ချက်ချလိုက်သည်။ ပထမရွေးချယ်စရာ နှစ်ခုကို သူ စဉ်းပင် မစဉ်းစားခဲ့ပေ။ </p> <p> </p> <p>      ဒုစရိုက်မြို့တော်ရှိ တည်းခိုခန်းများကို မဟာမိတ်အဖွဲ့ အသီးသီးက ပိုင်ဆိုင်ကြသည်။ သဘာဝကျစွာပင် ၎င်းတို့ကို ပိုင်ဆိုင်သော သက်ဆိုင်ရာ မဟာမိတ်အဖွဲ့များက ကာကွယ်ပေးထားသည်။ ဤအကြောင်းကြောင့် ဧည့်သည်များကို အေးချမ်းစွာ နေထိုင်နိုင်စေသည်။ ၎င်းမှာ သွမ့်လင်းထျန် တည်းခိုခန်းတွင် နေထိုင်ရန် ရွေးချယ်ရသည့် အကြောင်းရင်းများထဲမှ တစ်ခုဖြစ်သည်။ </p> <p> </p> <p>      ဒုစရိုက်မြို့တော်၏ မြို့လယ်ခေါင်ရှိ စားသောက်ဆိုင်မှ ထွက်ခွာလာပြီးနောက် သွမ့်လင်းထျန်သည်  အနီးအနားရှိ ဇိမ်ခံတည်းခိုခန်းတစ်ခုထံသို့ ချဉ်းကပ်သွားခဲ့သည်။ တည်းခိုခန်း၏ အမည်မှာ ‘ကြိုဆိုပါ၏ တည်းခိုခန်း’ ဖြစ်သည်။ </p> <p> </p> <p>      တည်းခိုခန်း၏ ဧည့်ကြိုကောင်တာ အနောက်ဘက်တွင် အဘိုးအိုတစ်ဦး ထိုင်ကာ ငိုက်မျဉ်းနေသည်။ သွမ့်လင်းထျန်ကြောင့် ဖြစ်ပေါ်လာသောဆူညံသံကို ကြားသောအခါ သူသည် မျက်လုံးများကို အလျင်အမြန် ဖွင့်လိုက်ပြီး သူ၏ မျက်နှာပေါ်တွင် အပြုံးတစ်ခုကို အတင်း ဆင်မြန်းလိုက်သည်။ </p> <p> </p> <p>      “ဧည့်သည်ပါလား” </p> <p> </p> <p> </p> <p> </p> <p>      ‘စိန့်ကောင်းကင်အဆင့် စွမ်းအားရှင်ပါလား... </p> <p> </p> <p>      အဘိုးအို မျက်လုံးဖွင့်လိုက်သည်နှင့် တစ်ပြိုင်နက် သွမ့်လင်းထျန်သည် အဘိုးအိုထံမှ စိန့်ကောင်းကင်အဆင့် စွမ်းအားရှင်တစ်ဦး၏ အငွေ့အသက်ကို ခံစားလိုက်ရသည်။ </p> <p> </p> <p> </p> <p> </p> <p>      “သူက စိန့်ကောင်းကင် ပထမပုံစံမှာ ရှိတယ်”  </p> <p> </p> <p>      အကြီးအကဲဟော်က သွမ့်လင်းထျန်၏ ခန့်မှန်းချက်ကို အတည်ပြုပေးလိုက်သည်။ </p> <p> </p> <p> </p> <p> </p> <p>      တည်းခိုခန်းပိုင်ရှင်လေးတောင် စိန့်ကောင်းကင်အဆင့် စွမ်းအားရှင်တစ်ယောက် ဖြစ်နေတယ်... ကြည့်ရတာ ဒီတည်းခိုခန်းကို ပိုင်တဲ့ မဟာမိတ်အဖွဲ့က သာမန် မဟုတ်ဘူးထင်တယ်.... </p> <p> </p> <p>      သွမ့်လင်းထျန်က စိတ်ထဲမှ တွေးလိုက်သည်။ </p> <p> </p> <p> </p> <p> </p> <p>      “ဟုတ်ပါတယ်... ကျုပ် ဒီမှာ တည်းမလို့”  </p> <p> </p> <p>      သွမ့်လင်းထျန်က အဘိုးအိုကို ပြန်ဖြေကာ ခေါင်းညိတ်ပြလိုက်သည်။ </p> <p> </p> <p>      သွမ့်လင်းထျန် တည်းခိုရန် ရည်ရွယ်ထားကြောင်း ကြားသောအခါ အဘိုးအို၏ အပြုံးက ပိုမိုကျယ်ပြန့်သွားသည်။ သူက စိတ်အားထက်သန်စွာဖြင့် မေးလိုက်သည်။ </p> <p> </p> <p>      “ကြိုဆိုပါ၏ တည်းခိုခန်းက ရနိုင်တဲ့ အခန်းတွေက ဒုစရိုက်မြို့တော်က တည်းခိုခန်း အများစုနဲ့ ဆင်တူပါတယ်... နေထိုင်စရာ သုံးမျိုး ရှိပါတယ်... သာမန်အခန်းတွေ၊ ခြံဝင်းပါတဲ့ အခန်းတွေနဲ့ စံအိမ်ကြီးတွေ ရှိပါတယ်... ဧည့်သည်က ဘယ်အခန်းမှာ တည်းချင်ပါလဲ” </p> <p> </p> <p>   </p> <p> </p> <p>      “အမျိုးအစား မတူတဲ့ အခန်းတွေအတွက် ဘယ်လောက် ပေးရလဲ”  </p> <p> </p> <p>      သွမ့်လင်းထျန်က မေးလိုက်သည်။ ဒုစရိုက်မြို့တော်ရှိ နေထိုင်စရာများမှာ ဈေးကြီးကြောင်း သွမ့်လင်းထျန် ကြားဖူးသော်လည်း မည်မျှ ဈေးကြီးသည်ကိုမူ သူ မသိပေ။ </p> <p> </p> <p> </p> <p> </p> <p>      အဘိုးအို၏ စကားကို ကြားသောအခါ သွမ့်လင်းထျန်သည် မျက်စိပွင့်နားပွင့် ဖြစ်သွားသလို ခံစားလိုက်ရသည်။ </p> <p> </p> <p>      “သာမန်အခန်း တစ်ခန်းအတွက်က တစ်ရက်ကို အဆင့်သုံး သူတော်စင်ကျောက်တုံး တစ်တုံးပါ... ခြံဝင်းပါတဲ့ အခန်းအတွက်က တစ်ရက်ကို အဆင့်နှစ် သူတော်စင်ကျောက်တုံးတစ်တုံးပါ... စံအိမ်အတွက်ကတော့ တစ်ရက်ကို အဆင့်တစ် သူတော်စင်ကျောက်တုံး တစ်တုံးပါ”  </p> <p> </p> <p>       အဘိုးအိုက ပြုံးကာ ပြောလိုက်သည်။ </p> <p> </p> <p> </p> <p> </p> <p>      အခန်းများ ဈေးကြီးမည်ကို သွမ့်လင်းထျန် သိသော်လည်း အခန်းများအတွက် တိကျသော ဈေးနှုန်းများကို ကြားသောအခါ စိတ်ထဲမှ သက်ပြင်းမချဘဲ မနေနိုင်အောင် ဖြစ်သွားသည်။ </p> <p> </p> <p>      အလွန်ဈေးကြီးလှသည်။ အထူးသဖြင့် ၎င်းမှာ တစ်ညစာအတွက်သာ ဖြစ်သည်။ တစ်ရက်တည်းသာ တည်းခိုမည်ဆိုလျှင် ဈေးကြီးမည် မဟုတ်ပေ။ သို့သော်လည်း လူအများစုမှာ တစ်ညထက် ပို၍ တည်းခိုကြမည်မှာ သေချာသည်။ </p> <p> </p> <p> </p> <p> </p> <p>      အဘိုးအိုသည် သွမ့်လင်းထျန်၏ အံ့သြမှုကို သတိထားမိပုံရသော်လည်း သူသည် ပုံမှန် မျက်နှာထားကိုသာ ထိန်းသိမ်းထားသည်။ သူက ပြုံးကာ မေးလိုက်သည်။ </p> <p> </p> <p>      “ဒုစရိုက်မြို့တော်ကို လာတာ ဒါ ပထမဆုံးအကြိမ်လား”  </p> <p> </p> <p> </p> <p> </p> <p>      “ဟုတ်ပါတယ်”  </p> <p> </p> <p>       သွမ့်လင်းထျန် ခေါင်းညိတ်ပြလိုက်သည်။ ဒုစရိုက်မြို့တော်သို့ ပထမဆုံးအကြိမ် လာခြင်းဖြစ်ကြောင်းကို ဖုံးကွယ်ထားရန် လိုအပ်သည်ဟု သူ မခံစားရပေ။ </p> <p> </p> <p> </p> <p> </p> <p>      “ဧည့်သည်တော်... ကြိုဆိုပါ၏ တည်းခိုခန်းက အခန်းတွေရဲ့ ဈေးနှုန်းတွေက မျှတပါတယ်... တခြား တည်းခိုခန်းတွေထက် ပိုမဈေးကြီးပါဘူး... ဒါ့အပြင် ကျုပ်တို့ရဲ့ ဝန်ဆောင်မှုတွေက ဒုစရိုက်မြို့တော်က တည်းခိုခန်း အများစုထက် သေချာပေါက် ပိုသာပါတယ်”  </p> <p> </p> <p>     အဘိုးအိုက ယုံကြည်မှုရှိရှိဖြင့် ပြောလိုက်သည်။ </p> <p> </p> <p>      “ကြိုဆိုပါ၏ တည်းခိုခန်းက အခန်းတွေရဲ့ အရည်အသွေးက တခြား တည်းခိုခန်းတွေနဲ့ ဆင်တူရင် တူနိုင်ပါတယ်... ဒါပေမဲ့ လုံခြုံရေးပိုင်းမှာဆိုရင်တော့ ကျုပ်တို့ကို ယှဉ်နိုင်တဲ့ တည်းခိုခန်း သိပ်မရှိပါဘူး... ကြိုဆိုပါ၏ တည်းခိုခန်းကို တန်ခိုးထွား  မဟာမိတ်အဖွဲ့ က ပိုင်ပါတယ်... ကျုပ်တို့ဆီမှာ အဲဒီမဟာမိတ်အဖွဲ့က စွမ်းအားရှင်တွေ အစောင့်အဖြစ် ရှိပါတယ်... ဧည့်သည်သာ ဒီမှာ တည်းမယ်ဆိုရင် ဧည့်သည်ရဲ့ လုံခြုံရေးအတွက် စိတ်ပူစရာ မလိုပါဘူး” </p> <p> </p> <p> </p> <p> </p> <p>      “တန်ခိုးထွား  မဟာမိတ်အဖွဲ့” </p> <p> </p> <p>      အဘိုးအို၏ စကားကို ကြားသောအခါ သွမ့်လင်းထျန်၏ မျက်လုံးများ အရောင်လက်သွားသည်။ အကြောင်းမှာ သူသည် ဒုစရိုက်မြို့တော်သို့ မရောက်လာမီကတည်းက ဤမဟာမိတ်အဖွဲ့ အကြောင်းကို ကြားဖူးသောကြောင့် ဖြစ်သည်။ </p> <p> </p> <p>      ဝမ်ယီဖော်ထံမှ သွမ့်လင်းထျန် ကြားသိခဲ့ရသလောက်ဆိုလျှင် တန်ခိုးထွား  မဟာမိတ်အဖွဲ့ သည် ဒုစရိုက်မြို့တော်တွင် အတော်လေး အင်အားကြီးသော မဟာမိတ်အဖွဲ့တစ်ခု ဖြစ်သည်။ </p> <p> </p> <p> </p> <p> </p> <p>      အဘိုးအိုမှာ အလွန်ပါးနပ်သည်။ သွမ့်လင်းထျန်၏ မျက်လုံးများ ပြောင်းလဲသွားသည်ကို သူ ချက်ချင်း သတိထားမိသွားသည်။  </p> <p> </p> <p>    “ကြည့်ရတာ ဧည့်သည်က တန်ခိုးထွား  မဟာမိတ်အဖွဲ့ အကြောင်းကို ကြားဖူးပုံရတယ်” </p> <p> </p> <p> </p> <p> </p> <p>      “ဟုတ်တယ်... ကျုပ် ကြားဖူးတယ်”  </p> <p> </p> <p>      သွမ့်လင်းထျန်က ငြင်းဆိုရန် မကြိုးစားပေ။ သူ ခေါင်းညိတ်ပြလိုက်ပြီးနောက် အဆင့်တစ် သူတော်စင်ကျောက်တုံး တစ်တုံးကို ထုတ်ကာ ကောင်တာပေါ်သို့ တင်လိုက်သည်။ </p> <p> </p> <p>     “သူဌေး... ကျုပ် ခြံဝင်းပါတဲ့ အခန်းကို ယူမယ်... ဆယ်ရက်စာအတွက် ပေးမယ်” </p> <p> </p> <p> </p> <p> </p> <p>      “ကောင်းပါပြီ”  </p> <p> </p> <p>      သွမ့်လင်းထျန်က ခြံဝင်းပါသော အခန်းတွင် တည်းခိုရန် ဆုံးဖြတ်လိုက်ကြောင်း ကြားသောအခါ တည်းခိုခန်းပိုင်ရှင် ပို၍ စိတ်အားထက်သန်သွားသည်။ </p> <p> </p> <p> </p> <p> </p> <p>      သွမ့်လင်းထျန်ကို စာရင်းသွင်းပြီးနောက် တည်းခိုခန်းပိုင်ရှင်သည် ‘ မြေ ၂၇’ဟု ရေးသားထားသော ကတ်ပြားတစ်ခုကို ကမ်းပေးလိုက်သည်။ ထိုကတ်ပြားမှာ အနည်းငယ် လေးလံသည်။ ထို့ပြင် ၎င်းမှ ထူးဆန်းသော စွမ်းအင်တစ်ခု ထုတ်လွှတ်နေပုံ ရသည်။ </p> <p> </p> <p> </p> <p> </p> <p>      အစီအရင် ပါတာလား... </p> <p> </p> <p>     ၎င်းမှာ အစီအရင်တစ်ခုထံမှ စွမ်းအင်ဖြစ်ကြောင်း သွမ့်လင်းထျန် ခန့်မှန်းသိရှိရန် မခက်ခဲပေ။ </p> <p> </p> <p> </p> <p> </p> <p>      “ခဏလေး စောင့်ပေးပါ... ဧည့်သည်ရဲ့ အခန်းဆီကို လိုက်ပို့ဖို့ တစ်ယောက်ယောက်ကို ခေါ်လိုက်ပါမယ်”  </p> <p> </p> <p>     တည်းခိုခန်းပိုင်ရှင်က ပြောလိုက်ပြီးနောက် တာအိုအဆောင်စာရွက် တစ်ရွက်ကို ဆွဲဖြဲလိုက်သည်။ </p> <p> </p> <p> </p> <p> </p> <p>      အသက်ရှိုက် သုံးစာခန့် ကြာပြီးနောက်... </p> <p> </p> <p>      ဝှစ်... </p> <p> </p> <p> </p> <p> </p> <p>      လေပြင်းတစ်ချက် တိုက်ခတ်လာပြီးနောက် အရပ်ပုသော်လည်း သွက်လက်ဖျတ်လတ်သော အစေခံတစ်ဦး ရောက်လာသည်။ သူသည် ‘ မြေ ၂၇’ ဟု ရေးသားထားသော ကတ်ပြားကို သွမ့်လင်းထျန်ထံမှ ယူကာ သွမ့်လင်းထျန်အား တည်းခိုခန်း၏ အနောက်ဘက်သို့ စတင် ခေါ်ဆောင်သွားသည်။ </p> <p> </p> <p>      မကြာမီမှာပင် သွမ့်လင်းထျန်သည် ကျယ်ဝန်းသော ခြံဝင်းတစ်ခုသို့ ရောက်ရှိသွားသည်။ ခြံဝင်းထဲတွင် ပန်းများနှင့် မြက်ခင်းများ ရှိသည်။ ၎င်းမှာ အလွန်လှပပြီး ကြည့်ရှုရတာ မျက်လုံးအေးစေသည်။ ၎င်း၏ အနောက်ဘက်တွင် သီးခြားအခန်းတစ်ခန်း ရှိသည်။ </p> <p> </p> <p> </p> <p> </p> <p>      “ဧည့်သည်တော်... ဒါက ဧည့်သည်တော်ရဲ့ အခန်းပါ” </p> <p> </p> <p> </p> <p> </p> <p>      “ဒီကတ်ပြားက ဧည့်သည်ရဲ့ အခန်းသော့ပါ... ဧည့်သည်က ဒီသော့နဲ့ဆိုရင် ဒီနေရာကို လွှမ်းခြုံထားတဲ့ အစီအရင်ကို အလွယ်တကူ ဖြတ်သန်းသွားလာနိုင်ပါတယ်”  </p> <p> </p> <p>     အစေခံက ကတ်ပြားကို သွမ့်လင်းထျန်ထံသို့ ပြန်ပေးရင်း ပြောလိုက်သည်။ </p> <p> </p> <p> </p> <p> </p> <p>      တစ်ချိန်တည်းမှာပင် သွမ့်လင်းထျန်သည် ခြံဝင်းအပေါ်တွင် ‘ မြေ ၂၇’ ဟု ရေးသားထားသော ဆိုင်းဘုတ်တစ်ခုကို မြင်လိုက်ရသည်။ </p> <p> </p> <p> </p> <p> </p> <p>      သွမ့်လင်းထျန် ခြံဝင်းထဲသို့ ဝင်သွားသည်ကို ကြည့်ပြီးနောက် အစေခံသည် ထွက်ခွာသွားခဲ့သည်။ </p> <p> </p> <p>      သွမ့်လင်းထျန် ခြံဝင်းထဲသို့ ခြေချလိုက်သည်နှင့် တစ်ပြိုင်နက် ထိုနေရာမှာ အလွန်တိတ်ဆိတ်နေကြောင်း သတိပြုမိလိုက်သည်။ </p> <p> </p> <p> </p> <p> </p> <p>      ဒီနေရာကို လွှမ်းခြုံထားတဲ့ အစီအရင်ထဲမှာ အသံလုံအစီအရင် တစ်ခုလည်း ပါပုံရတယ်... ဒါပေမဲ့ တစ်ညကို အဆင့်နှစ် သူတော်စင်ကျောက်တုံး တစ်တုံး ယူတာကတော့ ဈေးကြီးလွန်းသေးတယ်.... </p> <p> </p> <p>      သွမ့်လင်းထျန်က စိတ်ထဲမှ တွေးလိုက်သည်။ </p> <p> </p> <p> </p> <p> </p> <p>      အသံလုံအစီအရင်တစ်ခုကို အဆင့်နိမ့် သူတော်စင်ကျောက်တုံးအနည်းငယ်ဖြင့် အလွယ်တကူ ဖန်တီးနိုင်သည်။ </p> <p> </p> <p> </p> <p> </p> <p>      မည်သို့ပင်ဆိုစေကာမူ ကြိုဆိုပါ၏ တည်းခိုခန်းရှိ  မြေ ၂၇ သည် ဒုစရိုက်မြို့တော်တွင် သွမ့်လင်းထျန်၏ ယာယီနေထိုင်ရာ နေရာ ဖြစ်လာခဲ့သည်။ </p> <p> </p> <p> </p> <p> </p> <p>      .......... </p> <p> </p> <p> </p> <p> </p> <p>      တစ်ချိန်တည်းမှာပင် မြေပုဆိန်မဟာမိတ်အဖွဲ့၏ ခေါင်းဆောင်သည် ပုံတူပန်းချီ တစ်ချပ်ကို ဆွဲစေပြီး မဟာမိတ်အဖွဲ့ဝင်များကို ဝေငှရန် မိတ္တူများစွာ ကူးယူထားလိုက်သည်။ </p> <p> </p> <p>      ပန်းချီထဲက လူကို အရိုးကြေကြေ အရေခမ်းခမ်း အစွမ်းကုန်ရှာဖွေရမည်ဟု ယောင်းပုကျိ ကြေညာလိုက်သည်။ ထိုလူ၏ တည်နေရာနှင့် ပတ်သက်၍ သဲလွန်စပေးနိုင်သူ မည်သူ့ကိုမဆို အဆင့်တစ် သူတော်စင်ကျောက်တုံးတစ်ရာ ဆုချမည်ဖြစ်သည်။ အကယ်၍ ထိုလူကို မဟာမိတ်အဖွဲ့၏ ခြံဝင်းသို့ ခေါ်ဆောင်လာနိုင်ပါက တစ်ပိုင်း ကောင်းကင်အဆင့် သူတော်စင်ကျောက်တုံး တစ်ရာ ဆုချမည်ဖြစ်သည်။ </p> <p> </p> <p> </p> <p> </p> <p>      ‘ရက်ရောတဲ့ ဆုလာဘ်က လူတွေရဲ့ စိတ်အားထက်သန်မှုကို လှုံ့ဆော်ပေးတယ်’ ဟူသော စကားအတိုင်း မြေပုဆိန်မဟာမိတ်အဖွဲ့ဝင်များသည် သူတို့ခေါင်းဆောင်၏ အမိန့်ကို ကြားသောအခါ စိတ်လှုပ်ရှားစွာဖြင့် ဆူညံသွားကြသည်။ </p> <p> </p> <p>      မြေပုဆိန်မဟာမိတ်အဖွဲ့ရှိ စိန့်ကောင်းကင်အဆင့် စွမ်းအားရှင်များပင်လျှင် ပုံတူပန်းချီကို ယူဆောင်ကာ ဒုစရိုက်မြို့တော်တစ်ဝိုက်တွင် လိုက်လံရှာဖွေကြသည်။ </p> <p> </p> <p> </p> <p> </p> <p>      သွမ့်လင်းထျန်သည် မြေပုဆိန်မဟာမိတ်အဖွဲ့မှ လူနှစ်ဦးကို သတ်စဉ်က အသုံးပြုခဲ့သော မျက်နှာကိုသာ သုံးထားသောကြောင့် သူ ဒုစရိုက်မြို့တော်တွင် ရှိနေကြောင်းကို မြေပုဆိန်မဟာမိတ်အဖွဲ့ဝင်များ သိရှိရန် အချိန်သိပ်မကြာလိုက်ပေ။ သူ မည်သည့် စားသောက်ဆိုင်သို့ သွားခဲ့ပြီး မည်သည့်စားပွဲတွင် ထိုင်ခဲ့သည်ကိုပင် သူတို့ သိရှိသွားကြသည်။ ထို့ပြင် သူ တည်းခိုနေသော တည်းခိုခန်းကိုပါ သူတို့ ရှာဖွေတွေ့ရှိသွားကြသည်။ </p> <p> </p> <p> </p> <p> </p> <p>      သွမ့်လင်းထျန်သည် ကြိုဆိုပါ၏ တည်းခိုခန်းတွင် တည်းခိုနေကြောင်း သိရသောအခါ မြေပုဆိန်မဟာမိတ်အဖွဲ့၏ ခေါင်းဆောင် ယောင်းပုကျိ မျက်မှောင်ကြုတ်သွားသည်။ ထိုကိစ္စက ဤမျှအထိ ခက်ခဲလိမ့်မည်ဟု သူ မထင်ထားခဲ့ပေ။  </p> <p> </p> <p> </p> <p> </p> <p>     “ကြိုဆိုပါ၏ တည်းခိုခန်းလား” </p> <p> </p> <p>      ယောင်းပုကျိသည် ကြိုဆိုပါ၏ တည်းခိုခန်းကို မကြောက်ပေ။ သို့သော်လည်း ထိုတည်းခိုခန်းကို ပိုင်ဆိုင်သော တန်ခိုးထွား  မဟာမိတ်အဖွဲ့ ကိုမူ သူ သတိထားရသည်။ အဆုံး၌ သူနှင့် မြေပုဆိန်မဟာမိတ်အဖွဲ့သည် တန်ခိုးထွား  မဟာမိတ်အဖွဲ့ ကို လုံးဝ ယှဉ်နိုင်စွမ်း မရှိပေ။ </p> <p> </p> <p> </p> <p> </p> <p style="text-align: center;">***</p>


Save