Book List

<h2 style="text-align: center;">အခန်း(၉၄)</h2> <h2 style="text-align: center;">*</h2> <p> </p> <p>“ ဘန်း… ဘန်း… ဘန်း ”</p> <p>ထိုအခိုက်အတန့်တွင် သီရှီထျန် တံခါးပိတ်ကျင့်ကြံနေသော လှိုဏ်ဂူထဲတွင် ထူထဲသော အနက်ရောင်မြူခိုးဖြင့် ပြည့်နှက်နေသည်။ မိစ္ဆာမြူခိုးထုထဲတွင် သီရှီထျန်က ဟိန်းသံထုတ်လွှတ်ခြင်းကို ရပ်တန့်လိုက်သည်။ ယခု သူ၏ ခန္ဓာကိုယ်က ပေငါးဆယ်အမြင့်ထိ ကြီးမားသွားသည်။ ယင်းက အလွန်ထင်ရှားသော အပြောင်းအလဲကြီး ဖြစ်သည်။ ထိုစဉ် သူ၏ ခန္ဓာကိုယ်ပေါ်မှ အနက်ရောင်အလင်းက မှိတ်တုတ်မှိတ်တုတ် လင်းလက်သွားသည်။ နောက်အခိုက်အတန့်မှာ သူ၏ ဧရာမခန္ဓာကိုယ်က မူလအရွယ်အစားသို့ ပြန်ကျုံ့သွားသည်။</p> <p>ပေလေးဆယ်…</p> <p>ပေသုံးဆယ်…</p> <p>ပေနှစ်ဆယ်…</p> <p>ဆယ်ပေ…</p> <p>သူက သာမန်ကျားတစ်ကောင်၏ အရွယ်အစားသို့ ပြန်ရောက်သည်အထိ မရပ်ခဲ့ပေ။</p> <p>“ နောက်ဆုံးတော့ ငါ မိစ္ဆာသားရဲတစ်ကောင်ဖြစ်လာပြီ… မိစ္ဆာသားရဲဖြစ်လာပြီးနောက် ငါ့ရဲ့ ခန္ဓာကိုယ်အရွယ်အစားကို ဆန္ဒရှိသလို ထိန်းချုပ်နိုင်သွားပြီ… မဟုတ်ရင် လှိုဏ်ဂူထဲမှာ ငါ့ရဲ့ ပေငါးဆယ်ခန္ဓာကိုယ်နဲ့ နေထိုင်ဖို့ အဆင်မပြေဘူး ”</p> <p>မိစ္ဆာသားရဲဖြစ်လာပြီးနောက် သူရရှိခဲ့သော ပထမဆုံးအကျိုးအမြတ်က သူ၏ ခန္ဓာကိုယ်အရွယ်အစားကို ထိန်းချုပ်နိုင်ခြင်း ဖြစ်သည်။ မှန်ပေသည်။ ခန္ဓာကိုယ်အရွယ်အစားပြောင်းလဲမှုတွင် အကန့်အသတ်ရှိပေ။ ဥပမာ ပေငါးဆယ်ထက် ကျော်လွန်သော ခန္ဓာကိုယ်အရွယ်အစားသို့ သူမပြောင်းလဲနိုင်ပေ။ အရွယ်အစားကျုံ့သည့်အခါတွင်လည်း သာမန်ကျားတစ်ကောင်၏ အရွယ်အစားက သူ၏ အကန့်အသတ်ဖြစ်သည်။ ထူးခြားချက်တစ်ခုမှာ အရွယ်အစားပြောင်းလဲမှုက သူ၏ ခွန်အားအပေါ် ပြောင်းလဲမှုမဖြစ်စေပေ။</p> <p>ခန္ဓာကိုယ်ကျုံ့ပြီးနောက် သီရှီထျန်သည် တံခါးပိတ်ကျင့်ကြံခြင်းမှ ပြန်မထွက်လာပေ။ ယင်းအစား သူက နောက်တစ်ကြိမ် မျက်လုံးမှိတ်လိုက်ပြီး “ ကျားဟိန်းသံကျင့်စဉ် ”ကို လှည့်ပတ်လိုက်သည်။ အလွန်သန်စွမ်းသော မိစ္ဆာချီက သူ၏ မရီဒျန်များထဲမှာ အဆက်မပြတ် စီးဆင်းသွားသည်။</p> <p>မိစ္ဆာသားရဲဖြစ်လာပြီးနောက် သူက ပထမအကျိုးအမြတ်အနေနှင့် ခန္ဓာကိုယ်အရွယ်အစားကို ဆန္ဒရှိသကဲ့သို့ ထိန်းချုပ်နိုင်သွားသည်။ ဒုတိယအကျိုးအမြတ်မှာ သူ၏ လည်ပင်းမှ လည်ချောင်းအရိုးကို သန့်စင်နိုင်ခြင်း ဖြစ်သည်။ ထိုအရိုးကို သန့်စင်နိုင်သည့်အခါ လူသားဘာသာစကားကို သူပြောနိုင်လိမ့်မည်။</p> <p>တိရိစ္ဆာန်များက လူသားဘာသာစကားကို မပြောနိုင်ရခြင်းမှာ သူတို့က လည်ချောင်းအရိုးဖြင့် မွေးဖွားလာသောကြောင့် ဖြစ်သည်။ လည်ချောင်းအရိုး၏ တည်ရှိမှုက သူတို့ကို စကားမပြောနိုင်ရန် တားဆီးနေသည်။ ထိုအကြောင်းကို အစောကြီးကတည်းက သီရှီထျန်နားလည်ခဲ့သည်။ သို့သော်လည်း ထိုအချိန်တုန်းက သူ့မှာ လည်ချောင်းအရိုးကို သန့်စင်နိုင်သော စွမ်းရည်မရှိပေ။</p> <p>လည်ချောင်းအရိုး၏ တည်ရှိမှုကို သူအာရုံခံနိုင်သည်။ အတိတ်မှာ သူက တတိယအဆင့် မိစ္ဆာစွမ်းအားကို အသုံးပြု၍ လည်ချောင်းအရိုးကို သန့်စင်ရန် ကြိုးစားကြည့်ခဲ့သည်။ သို့သော်လည်း ကံမကောင်းစွာပင် လည်ချောင်းအရိုးက မိစ္ဆာစွမ်းအား၏ တိုက်ခိုက်မှုအောက်မှာ တောင်ကြီးတစ်တောင်နှယ် မြဲမြံနေသည်။ ယင်းက လုံးဝ မပြောင်းလဲသွားပေ။</p> <p>မိစ္ဆာသားရဲဖြစ်လာပြီးနောက် သူ၏ ခန္ဓာကိုယ်ထဲမှ မိစ္ဆာစွမ်းအားက အရည်အဖြစ် ပြောင်းလဲသွားသည်။ သူက လည်ချောင်းအရိုးကို သန့်စင်ရန် မိစ္ဆာချီကို အသုံးပြုနိုင်ပေသည်။</p> <p>“ အဲ့ဒီလည်ချောင်းအရိုးကို ငါသန့်စင်ပြီးသွားရင် လူသားဘာသာစကားကို ငါပြောနိုင်လိမ့်မယ် ”</p> <p>ထိုသို့တွေးမိသောအခါ စက်ကရာသည် နောက်ထပ် တုံ့ဆိုင်းမနေပေ။ သူက အဆင့်ချိုးဖြတ်ပြီးသည်နှင့်ချက်ချင်း သူ၏ လည်ချောင်းအရိုးကို သန့်စင်ရန် ပြင်ဆင်လိုက်သည်။ ချက်ချင်းဆိုသလိုပင် သူ၏ စိတ်အာရုံက ခန္ဓာကိုယ်ထဲသို့ ဝင်ရောက်သွားသည်။ မိစ္ဆာချီသည် မရီဒျန်များထဲမှာ တသွင်သွင် စီးဆင်းနေသည်။ သူ၏ ထိန်းချုပ်မှုအောက်မှာ မိစ္ဆာချီသည် လည်ပင်းဆီသို့ ဆန်တတ်သွားသည်။</p> <p>သူ၏ မိစ္ဆာအာရုံဖြင့် ကြည့်လိုက်သည့်အခါ လည်ပင်း၏ အလယ်တည့်တည့်တွင် အရွယ်အစားကြီးမားသော အနက်ရောင်အရိုးတစ်ချောင်းက တည်ရှိနေကြောင်း သူမြင်သွားသည်။</p> <p>ထိုလည်ချောင်းအရိုးသည် အစာစားခြင်းနှင့် အရည်သောက်ခြင်းကို ဒုက္ခမဖြစ်စေပေ။ ယင်းက စကားမပြောနိုင်ရန်သာ တားဆီးထားသည်။ စကားပြောရန် လိုအပ်သော လေယူလေသိမ်းကို ထိုလည်ချောင်းအရိုးက ပိတ်ပင်ထားသည်။ ထို့ကြောင့် လူသားဘာသာစကားကို သူမပြောနိုင်ပေ။ လူသားများဆီမှာ ထိုသို့လည်ချောင်းအရိုး မပါရှိပေ။ ထို့ကြောင့် သူတို့သည် ငယ်ငယ်လေးကတည်းက စကားပြောနိုင်ကြသည်။ မိစ္ဆာများသည်တော့ သူတို့က စကားပြောချင်လျှင် လည်ချောင်းအရိုးကို သန့်စင်ရမည်။</p> <p>“ အဲ့ဒါပဲ ”</p> <p>လည်ချောင်းအရိုးကို ရှာတွေ့သောအခါ သီရှီထျန်သည် တုံ့ဆိုင်းမနေပေ။ သူ၏ အတွေးတစ်ချက်ကြောင့် မိစ္ဆာချီလှိုင်းများက လည်ချောင်းအရိုးကို ရစ်ပတ်သွားကြပြီး စတင်သန့်စင်လိုက်ကြသည်။</p> <p>လည်ချောင်းအရိုးသည် အလွန်သန်မာသော်လည်း ယင်းက မိစ္ဆာချီ၏ ပြိုင်ဘက်မဟုတ်ပေ။ မိစ္ဆာချီ၏ အဆက်မပြတ် သန့်စင်မှုအောက်မှာ အရိုးက ဖြည်းဖြည်းချင်း အရည်ပျော်သွားသည်။ လည်ချောင်းအရိုးတစ်ခုလုံး အရည်ပျော်သွားရန် နှစ်နာရီကြာမြင့်သွားသည်။</p> <p>“ အာ ”</p> <p>မိစ္ဆာချီ၏ အဆက်မပြတ် သန့်စင်မှုအောက်မှာ လည်ချောင်းအရိုးက မြန်ဆန်စွာ အရည်ပျော်သွားသည်။ နှစ်နာရီကြာပြီးနောက် လည်ချောင်းအရိုးက အနက်ရောင်အရည်အဖြစ် လုံးဝ သန့်စင်ခံလိုက်ရသည်။ အရည်က စုဝေးသွားပြီး အနက်ရောင်အရည်စက်အဖြစ် သိပ်သည်းသွားသည်။ သူက ပါးစပ်ဟလိုက်ပြီး အနက်ရောင်အရည်စက်ကို ထွေးထုတ်လိုက်သည်။</p> <p>အနက်ရောင်အရည်စက်သည် သူ၏ ပါးစပ်မှ ထွက်သွားပြီး အပြင်ဘက်မှ လေနှင့် ထိတွေ့သွားသည့်အခါ ထူးဆန်းစွာ ပြောင်းလဲသွားသည်။ မူလက အရည်စက်သည် မြန်ဆန်စွာ ဒြပ်ထည်ရှိသွားသည်။ မျက်စိတစ်မှိတ်အတွင်းမှာ ယင်းက အနက်ရောင်ပုတီးစေ့အဖြစ် အသွင်ပြောင်းလဲသွားသည်။ ပုတီးစေ့သည် လုံးဝန်းပြီး ချောမွေ့သည်။ ပုတီးစေ့က မြေကြီးပေါ်သို့ ပြုတ်ကျသွားသည့်အခါ ယင်းက အနက်ရောင်အလင်းကို မှိတ်တုတ်မှိတ်တုတ် ထုတ်လွှတ်လိုက်သည်။</p> <p>“ လည်ချောင်းအရိုးက ပုတီးစေ့အဖြစ် ပြောင်းလဲသွားတယ်လား… အဲ့ဒါက ဘယ်လိုအသုံးဝင်တာလဲ ”</p> <p>ယင်းကို မြင်သောအခါ သီရှီထျန် အံ့ဩသွားသည်။ သူက ပုတီးစေ့ကို ကျားလက်သည်းဖြင့် ကောက်ယူလိုက်ပြီး သူ၏ မိစ္ဆာအာရုံကို ပုတီးစေ့ထဲသို့ စေလွှတ်ကာ စူးစမ်းလေ့လာလိုက်သည်။ သို့သော်လည်း သူ၏ မိစ္ဆာအာရုံက ပုတီးစေ့၏ အတွင်းပိုင်းကို မစူးစမ်းနိုင်ကြောင်း ရှာတွေ့သွားသည်။ ပုတီးစေ့မှာ မည်သည့်ထူးခြားချက်မှ မရှိဟန် ရ၏။</p> <p>သို့သော်လည်း ထိုပုတီးစေ့က သာမန်မဖြစ်နိုင်ကြောင်း သူခံစားမိသည်။ ယင်းကို လောလောဆယ် သူအဖြေမရှာနိုင်သေးသောကြောင့် သိုလှောင်အိတ်ထဲမှာ ထည့်သိမ်းလိုက်သည်။ သူ၏ ခန္ဓာကိုယ်အပြင်ဘက်တွင် မိစ္ဆာမြူခိုးက အပြင်းအထန် လှုပ်ခါသွားသည်။ ထို့နောက် မိစ္ဆာမြူခိုးသည် သူ၏ ခန္ဓာကိုယ်ပေါ်မှ မွေးညင်းပေါက်များထဲသို့ ပြန်ဝင်ရောက်သွားသည်။</p> <p>စက်ကရာသည် သားရဲအမွှေးပေါ်မှာ တိတ်တဆိတ် လဲလျောင်းလိုက်သည်။ သူ၏ မျက်လုံးက ထွန်းလင်းတောက်ပနေသည်။ သူ၏ ကျားမျက်လုံးထဲမှာ ယုံကြည်မှုအပြည့်ရှိသည်။</p> <p>ဤတစ်ကြိမ် တံခါးပိတ်ကျင့်ကြံခြင်းတွင် သူက အကျိုးအမြတ်အများကြီး ရရှိသွားသည်။</p> <p>သူက ကိုယ်ပိုင်မိစ္ဆာစံအိမ်ကို ဖွင့်လှစ်နိုင်သွားသည်။ ထို့ပြင် သူ၏ မိစ္ဆာစံအိမ်သည် ဟွမ်အဆင့်မဟုတ်သကဲ့သို့ အံ့ဖွယ်အဆင့်လည်း မဟုတ်ပေ။ ယင်းအစား အဆင့်အမြင့်ဆုံး ကောင်းကင်ဘုံအဆင့် မိစ္ဆာစံအိမ် ဖြစ်သည်။</p> <p>ယင်း၏ ဆိုလိုရင်းမှာ မိစ္ဆာကျင့်ကြံခြင်းတွင် သူ၏ ပါရမီက အလွန်အမင်း သာလွန်ထူးခြားသည်။ သူ၏ ကျင့်ကြံခြင်းအမြန်နှုန်းသည် သာမန်မိစ္ဆာသားရဲများထက် အဆပေါင်းများစွာ ပိုပြီးမြန်ဆန်လိမ့်မည်။</p> <p>ထိုသို့အားသာချက်ကြောင့် သူက အထွတ်အထိပ်သို့ မြန်ဆန်စွာ ရောက်ရှိသွားလိမ့်မည်။</p> <p>ထို့ပြင် သူ၏ မိစ္ဆာစံအိမ်ထဲမှာ အံ့ဖွယ်ကောင်းသော မိစ္ဆာသန့်စင်ခြင်းမီးဖိုလည်း ရှိသည်။ ထို့ကြောင့် မိစ္ဆာချီကို သန့်စင်ရန် အချိန်အများကြီး သူလိုအပ်လိမ့်မည် မဟုတ်ချေ။ မိစ္ဆာသန့်စင်ခြင်းမီးဖိုသည် မည်သည့်စွမ်းအားကိုမဆို မိစ္ဆာချီအဖြစ် မြန်ဆန်စွာ သန့်စင်ပေးလိမ့်မည်။</p> <p>မိစ္ဆာသားရဲဖြစ်လာပြီးနောက် သူသည် အဆင့်မချိုးဖြတ်ခင်ကထက် ဆယ်ဆထက်မနည်း ပိုပြီးသန်မာသွားသည်။ ယခု သူက အလွန်သန်မာသည်ဟု ခံစားမိသွားသည်။</p> <p>အကယ်၍ ယခု သူသာ ကြွက်ဘုရင်နှင့် ပြန်တိုက်ခိုက်မည်ဆိုလျှင် ကြွက်ဘုရင်၏ အံ့ဖွယ်ကောင်းသော ခုခံကာကွယ်မှုကို တစ်ချက်တည်းဖြင့် ရိုက်ချိုးပစ်နိုင်မည်ဟု သူ့ကိုယ်သူ ယုံကြည်မှုရှိသည်။</p> <p>ထို့ပြင် လည်ချောင်းအရိုးကို သူသန့်စင်ပြီးပြီ ဖြစ်၏။ ထို့ကြောင့် ယခုအချိန်မှစ၍ သူက လွတ်လပ်စွာ စကားပြောနိုင်လိမ့်မည်။</p> <p>အစောနက သူထုတ်လွှတ်ခဲ့သော ကျားဟိန်းသံမှတဆင့် တောင်ပိုင်းမြေရိုင်းဒေသ၏ အင်အားအခြေအနေနှင့် တခြားမိစ္ဆာသားရဲများ၏ တည်နေရာများကို သူအာရုံခံနိုင်သွားသည်။</p> <p>သူ၏ ကျားဟိန်းသံ ပဲ့တင်ထပ်သွားသည့်အချိန်တွင် ကျယ်လောင်သော အသံလေးသံက အရှေ့၊ အနောက်၊ တောင်နှင့် မြောက်မှ ထွက်ပေါ်လာကြပြီး သူ၏ ကျားဟိန်းသံကို ဖိနှိပ်ရန် ကြိုးစားကြသည်။ ယင်းကို ကြည့်ခြင်းအားဖြင့် တောင်ပိုင်းမြေရိုင်းဒေသထဲမှာ မိစ္ဆာသားရဲလေးကောင်ရှိနေကြောင်း ထင်ရှားပေသည်။</p> <p>“ တောင်ပိုင်းမြေရိုင်းဒေသထဲမှာ ငါ့အတွက် ခြေကုပ်တစ်နေရာရှာမယ်ဆိုရင် ငါ့ရဲ့ လက်ရှိစွမ်းအားအရ ဘာပြဿနာမှမရှိနိုင်ဘူး… ဒါပေမဲ့ တကယ်လို့ ငါက နောက်တစ်ဆင့်တတ်ပြီး တောင်ပိုင်းမြေရိုင်းဒေသတစ်ခုလုံးကို အမိန့်ပေးချင်တယ်ဆိုရင် အဲ့ဒီမိစ္ဆာသားရဲလေးကောင်က အနာဂတ်မှာ ငါ့အတွက် အတားအဆီးတွေ ဖြစ်လာနိုင်တယ်… အဲ့ဒါကို အနာဂတ်မှာ သေသေချာချာ ငါစုံစမ်းရမယ် ”</p> <p>သီရှီထျန်က စိတ်ထဲမှာ တိတ်တဆိတ် တွေးတောလိုက်သည်။ အစောနက ကျားဟိန်းသံကို သူထုတ်လွှတ်ခဲ့ခြင်းမှာ အကြောင်းအရင်းနှစ်ချက် ရှိသည်။ ပထမတစ်ချက်မှာ အောင်မြင်စွာ အဆင့်ချိုးဖြတ်နိုင်သွားသောကြောင့် သူက စိတ်လှုပ်ရှားစွာ ဟိန်းဟောက်လိုက်ခြင်း ဖြစ်သည်။ ဒုတိယတစ်ချက်မှာ တောင်ပိုင်းမြေရိုင်းဒေသထဲတွင် အစွမ်းထက်သားရဲများ မည်မျှရှိကြောင်း သူစူးစမ်းချင်သောကြောင့် ဖြစ်သည်။ သူ၏ စူးစမ်းမှုက အမှန်တကယ် ထိရောက်မှုရှိသည်။ ဤတောင်တန်းဒေသထဲမှာ သူ့ပြိုင်ဘက်ဖြစ်လာနိုင်သူများ လေးယောက်ရှိသည်။</p> <p>“ ကောင်းကင်ဘုံအဆင့် မိစ္ဆာစံအိမ်က အရမ်းအစွမ်းထက်တာပဲ… သွေးမျိုးဆက်အမွေအနှစ်ထဲမှာ ဖော်ပြထားတဲ့ အချက်အလက်တွေအရဆို ဝိညာဉ်သားရဲတစ်ကောင်က မိစ္ဆာစံအိမ် ဖွင့်လှစ်နိုင်သွားမယ်ဆိုရင်တောင် သူတို့ရဲ့ ခန္ဓာကိုယ်ထဲက မိစ္ဆာစွမ်းအားကို မိစ္ဆာချီအဖြစ် အပြည့်အဝ သန့်စင်ဖို့ အချိန်အကြာကြီး စောင့်ရလိမ့်မယ် ”</p> <p>“ ဒါပေမဲ့ ကောင်းကင်ဘုံအဆင့် မိစ္ဆာစံအိမ်က ငါ့ကို အချိန်ကုန်သက်သာစေတယ်… ငါ့ရဲ့ ခွန်အားက မိစ္ဆာသားရဲနယ်ပယ်မှာ ချက်ချင်း တည်ငြိမ်သွားတယ်… အဲ့ဒါက ငါ့ရဲ့ အားသာချက်ပဲ… ပြီးတော့ မိစ္ဆာသန့်စင်ခြင်းမီးဖို ရှိသေးတယ်… အဲ့ဒါက ငါ့ရဲ့ ကျင့်ကြံခြင်းအခြေခံအုတ်မြစ်ပဲ… ကံမကောင်းတာက မိစ္ဆာသန့်စင်ခြင်းမီးဖိုအကြောင်း နည်းနည်းပဲ ငါသိတယ်… အဲ့ဒါက မိုးမြေကြားက စွမ်းအားကို သန့်စင်ပေးနိုင်ပြီး မိစ္ဆာချီကို သိုလှောင်ပေးနိုင်တယ်… တခြားအကျိုးသက်ရောက်မှုတွေကိုတော့ ငါမသိဘူး… ကြည့်ရတာ အနာဂတ်မှာ မိစ္ဆာသန့်စင်ခြင်းမီးဖိုအကြောင်း စူးစမ်းလေ့လာဖို့ ငါအချိန်သက်သက်ပေးရလိမ့်မယ် ထင်တယ် ”</p> <p>သီရှီထျန်သည် တိတ်တဆိတ် တွေးတောနေရင်း သူ၏ အနာဂတ်ဦးတည်ရာကို ဆုံးဖြတ်လိုက်သည်။</p> <p>မှန်ပေသည်။ ယခု သူက မိစ္ဆာသားရဲတစ်ကောင်ဖြစ်လာသောကြောင့် စိတ်မအေးသွားပေ။ ယင်းအစား စိတ်ထဲမှာ သူ့ကိုယ်သူ သတိပေးလိုက်သည်။ ဤလောကက အလွန်ကျယ်ပြောသည်။ မိစ္ဆာသားရဲများထက် ပိုအစွမ်းထက်သော သက်ရှိများက မရေမတွက်နိုင်အောင် များပြားလှသည်။ မိစ္ဆာသားရဲသည် မိစ္ဆာလမ်းစဉ်၏ ပထမဆုံးခြေလှမ်းမျှသာ ဖြစ်၏။</p> <p>ရှေ့ဆက်လျှောက်ရမည့် လမ်းက အဝေးကြီး ကျန်နေသေး၏။</p> <p>“ အရှင်မင်းကြီး ”</p> <p>သီရှီထျန်က ကိစ္စတချို့ကို တွေးတောစဉ်းစားနေစဉ် ချီဟောင်နှင့် တခြားသားရဲဘုရင်များက လှိုဏ်ဂူအရှေ့မှာ ရိုသေလေးစားစွာ စောင့်နေကြကြောင်း သူ၏ မိစ္ဆာအာရုံဖြင့် ရှာတွေ့သွားသည်။ အစောနက သူပြုလုပ်ခဲ့သော ဆူပူအုံကြွမှုက အလွန်ကြီးမားသည်။ ထို့ပြင် သူ၏ လှိုဏ်ဂူအဝင်ဝကို ပိတ်ထားသော ဧရာမကျောက်တုံးက ပေါက်ကွဲသွားခဲ့သည်။ ထို့ကြောင့် တံခါးပိတ်ကျင့်ကြံခြင်းမှ သူပြန်ထွက်လာတော့မည်ဖြစ်ကြောင်း ချီဟောင်နှင့် တခြားလူများက တွေးလိုက်ကြသည်။ ထို့ကြောင့် သူတို့က လှိုဏ်ဂူအရှေ့မှာ သူ့ကို စောင့်နေကြခြင်းပင်။</p> <p>ယင်းကို မြင်သောအခါ သီရှိထျန်သည် လှိုဏ်ဂူထဲမှာ ကြာကြာမနေပေ။ သူက လှိုဏ်ဂူအပြင်သို့ ထွက်လျှောက်လာသည်။</p> <p>သီရှီထျန်၏ အရွယ်အစားက ရုတ်တရက် သေးငယ်သွားကြောင်း ချီဟောင်နှင့် တခြားလူများ မြင်သောအခါ သူတို့က အံ့ဩထိတ်လန့်သွားကြသည်။ သီရှီထျန်၏ ခန္ဓာကိုယ်မှ ထုတ်လွှတ်နေသော သားရဲဘုရင်အရှိန်အဝါကြောင့်မဟုတ်လျှင် ထိုကျားက သူတို့၏ အရှင်မင်းကြီးဖြစ်သည်ဟု ယုံကြည်ကြလိမ့်မည် မဟုတ်ချေ။ သီရှီထျန်က အရွယ်အစား သေးငယ်သွားသည့်တိုင် သူ့ထံမှ ထုတ်လွှတ်နေသော ဖိအားက ယခင်ကထက် အဆပေါင်းများစွာ ပိုအားကောင်းလာသည်။</p> <p>“ အင်း… အားလုံးထကြပါ… ချိုင့်ဝှမ်းထဲမှာ ဘာမှမဖြစ်ဘူးမလား ”</p> <p> </p> <p style="text-align: center;">***</p>


Save