Book List

<h2 style="text-align: center;">အခန်း(၉၉)</h2> <h2 style="text-align: center;">*</h2> <p> </p> <p>ဤအခိုက်အတန့်မှာ ပိုင်စုစု၏ ခန္ဓာကိုယ်သည် အဖွားအိုဆင့်ခေါ်ထားသော သံမဏိနွယ်ဒါဇင်ခန့်ဖြင့် ရစ်ပတ်ချုပ်နှောင်ခံထားရသည်။ သူက အားကုန်သုံး၍ ရုန်းကန်သော်လည်း သံမဏိနွယ်များ၏ ချုပ်နှောင်မှုမှ မရုန်းထွက်နိုင်ပေ။</p> <p>ဆွဲဆောင်မှုပြင်းသော အမျိုးသမီးသည် သူ၏ လက်ထဲမှာ ရွှေရောင်တင်းပုတ်ကို ကိုင်ထားသည်။ သူက တင်းပုတ်ကို မြှောက်၍ ပိုင်စုစု၏ ဦးခေါင်းကို ထုရိုက်နေသည်။ သူတစ်ချက်ထုလိုက်တိုင်း ပိုင်စုစုက နာကျင်စွာ အော်မြည်လိုက်သည်။</p> <p>အခြားတစ်ဖက်တွင် အဖိုးအိုသည် သူ့လက်ထဲမှ ထူးဆန်းသော အနက်ရောင်ပိုက်ကွန်ကို ဝေဟင်ပေါ်မှ ယင်းခုန်းထံသို့ ပစ်လွှတ်လိုက်သည်။ ယင်းခုန်းသည် အလွန်မြန်ဆန်သော အလျင်ကို အားကိုး၍ အနက်ရောင်ပိုက်ကွန်ကို အမြန်တိမ်းရှောင်လိုက်သည်။</p> <p>“ မသေမျိုးကျင့်ကြံသူတွေလို့ မျှော်လင့်ထားတဲ့အတိုင်းပါပဲ… မင်းတို့က ယင်းခုန်းနဲ့ စုစုကို ဖမ်းပြီး ရောင်းစားချင်တယ်လား… မင်းတို့က သေလမ်းရှာနေတာပဲ ”</p> <p>သီရှီထျန်၏ ကျားမျက်လုံးထဲမှာ အေးစက်စက်အလင်း ချက်ချင်း ထွက်ပေါ်လာသည်။ သူက ကျားလက်သည်ကို မြှောက်လိုက်ပြီး သူ့အရှေ့မှာ လွှဲယမ်းလိုက်သည်။ သူ၏ ခန္ဓာကိုယ်ထဲမှ မိစ္ဆာချီသည် သူ၏ လက်သည်းထဲသို့ အမြန်စီးဆင်းသွားသည်။ မျက်စိတစ်မှိတ်အတွင်းမှာ မဟူရာမိစ္ဆာချီက ကျားလက်သည်း၏ မျက်နှာပြင်ပေါ်မှာ ထွက်ပေါ်လာသည်။ ယင်းက ကျားလက်သည်းကို အေးတိအေးစက် အနက်ရောင်သတ္ထုအလင်း တောက်ပသွားစေသည်။</p> <p>သူက ကျားလက်သည်းကို ပိုင်စုစုအား ချည်နှောင်ထားသော သံမဏိနွယ်ထံသို့ ဦးတည်၍ လွှဲယမ်းလိုက်သည်။ လျှပ်တစ်ပြက်အတွင်းမှာ အနက်ရောင်ကျားလက်သည်းက သူ၏ ကျားလက်သည်းထံမှ ပျံသန်းထွက်သွားပြီး သံမဏိနွယ်၏ အရှေ့မှာ ထွက်ပေါ်လာသည်။</p> <p>သံမဏိနွယ်သည် အလွန်မာကျောသည်။ မသေမျိုးကျင့်ကြံသူများ၏ ဓမ္မလက်နက်များဖြင့် ယင်းကို လှီးဖြတ်မည်ဆိုလျှင်ပင် အချိန်အတော်ကြာလိမ့်မည်။ သို့သော်လည်း သီရှိထျန်၏ ကျားလက်သည်းက ယင်းကို ချိုးဖြတ်ချင်နေသည်။</p> <p>သံမဏိနွယ်သည် တောက်ပသော အလင်းရောင်ကို ထုတ်လွှတ်လိုက်ပြီး ကျားလက်သည်း၏ တိုက်ခိုက်မှုကို ခုခံရန် ကြိုးစားသည်။ သို့သော်လည်း ကျားလက်သည်းက အလွန်သန်မာသည်။ ယင်းက စူးရှတောက်ပသော အနက်ရောင်သတ္ထုအလင်းနှင့်အတူ သံမဏိနွယ်ကို ထက်ခြမ်း ပိုင်းဖြတ်လိုက်သည်။</p> <p>“ ရှဲ ရှဲ ”</p> <p>သီရှီထျန်ရောက်လာသည်ကို မြင်သောအခါ ပိုင်စုစုက မျက်လုံးဝင်းလက်သွားသည်။ သူက ခန္ဓာကိုယ်ထဲမှ မိစ္ဆာစွမ်းအားကို အမြန်လှည့်ပတ်လိုက်သည်။ သူ၏ ဧရာမမြွေဖြူခန္ဓာကိုယ်က ပြင်းထန်စွာ တုန်ယင်သွားပြီး အားကောင်းသော စွမ်းအားက သူ၏ ခန္ဓာကိုယ်ထဲမှ ပေါက်ကွဲထွက်လာသည်။ အဖြူရောင်အလင်းက သူ၏ ခန္ဓာကိုယ်တစ်လျှောက်သို့ ပျံ့နှံ့သွားသည်။</p> <p>“ ဘန်း… ဘန်း… ဘန်း… ”</p> <p>သူ့အောက်မှ မြေကြီးက တုန်ယင်သွားသည်။ သူ့ကို တင်းကျပ်စွာ ရစ်ပတ်ထားသော သံမဏိနွယ်သည် သူ့ခန္ဓာကိုယ်ထဲမှ ပေါက်ကွဲထွက်လာသော စွမ်းအားကို မခုခံနိုင်ပေ။ နွယ်ပင်သည် မြေကြီးထဲမှ အတင်းအကျပ် ဆွဲနုတ်ခံလိုက်ရသည်။ သံမဏိနွယ်သည် မြေကြီးကို အမှီပြု၍ ရှင်သန်ကြီးထွားသော ရတနာဖြစ်သည်။ နွယ်ပင်၏ အမြစ်များက အလွန်ထူထဲပြီး ယင်းတို့က မြေကြီးထဲမှာ နက်ရှိုင်းစွာ အမြစ်တွယ်နေကြသည်။ သာမန်ခွန်အားသည် နွယ်ပင်ကို မြေကြီးထဲမှ ဆွဲနုတ်ပစ်နိုင်လိမ့်မည် မဟုတ်ချေ။ ယင်းကို ကြည့်ခြင်းအားဖြင့် ပိုင်စုစု၏ ခွန်အားက မည်မျှကြီးမားကြောင်း စိတ်ကူးကြည့်နိုင်ပေ၏။</p> <p>“ အရှင်မင်းကြီး ”</p> <p>ပိုင်စုစုသည် အချုပ်အနှောင်မှ လွတ်မြောက်သွားပြီးနောက် သီရှီထျန်၏ ဘေးသို့ အမြန်တွားသွားသည်။ သူ၏ မျက်လုံးထဲမှာ စိတ်လှုပ်ရှားမှုဖြင့် ပြည့်နှက်နေသည်။</p> <p>“ အရှင်မင်းကြီး… အဲ့ဒီကျင့်ကြံသူတွေက စုစုနဲ့ ကျုပ်ကို ဖမ်းဆီးချင်နေကြတယ်… သူတို့ကို ကျုပ်တို့ အလွတ်ပေးလို့ မဖြစ်ဘူး ”</p> <p>ဝေဟင်ပေါ်မှ ယင်းခုန်းသည် အကြိမ်ရေအနည်းငယ် လှည့်ပတ်ပျံသန်းပြီးလျှင် သီရှီထျန်၏ ဘေးသို့ ဆင်းသက်လာပြီး ပြောသည်။ သူက သူ့အရှေ့မှ မသေမျိုးကျင့်ကြံသူငါးယောက်ကို မကျေချမ်းသော အကြည့်ဖြင့် စူးစိုက်ကြည့်လိုက်သည်။</p> <p>အဖြစ်အပျက်အားလုံးက မျက်စိတစ်မှိတ်အတွင်း ဖြစ်ပျက်သွားခဲ့ခြင်း ဖြစ်သည်။ ထိုသို့ရုတ်တရက်ဆန်သော အပြောင်းအလဲက လက်သင့်ခံနိုင်ရန် အချိန်အနည်းငယ်ကြာလိမ့်မည်။ အမှန်မှာ ကျင့်ကြံသူငါးယောက်သည် ကျားနက်တစ်ကောင် ထွက်ပေါ်လာကြောင်းသာ မြင်လိုက်ကြရသည်။ နောက်ပိုင်းဖြစ်ပျက်ခဲ့သော ကိစ္စများက သူတို့၏ နားလည်နိုင်စွမ်းထက် ကျော်လွန်သွားသည်။</p> <p>“ ကျားနက်… အဲ့ဒါ ကျားနက်ပဲ… ကောလဟာလအရ လီမိသားစုရဲ့ ဝိညာဉ်သံလိုက်အိမ်မြှောင်က ကျားနက်တစ်ကောင်ရဲ့ လက်ထဲမှာ ပျောက်ဆုံးသွားခဲ့တယ် ”</p> <p>လူငယ်သည် သီရှီထျန်ကို မြင်သောအခါ အံ့ဩထိတ်လန့်သွားသည်။ သူတို့အားလုံးသည် ကောလဟာလများကြားပြီးနောက် တောင်ပိုင်းမြေရိုင်းဒေသဆီသို့ အတူတကွ ထွက်လာခဲ့ကြသည်။ ထို့ကြောင့် ဝိညာဉ်သံလိုက်အိမ်မြှောင်ကို ကျားနက်တစ်ကောင်က ပိုင်ဆိုင်ထားကြောင်း သူတို့သိထားကြသည်။</p> <p>ဤလောကတွင် ကျားဖြူနှင့် ကျားနက်က အလွန်အမင်း ရှားပါးသည်။ အထူးသဖြင့် ကျားနက်က ကျားဖြူထက်ပင် ပိုပြီးရှားပါးသည်။ တောင်ပိုင်းမြေရိုင်းဒေသထဲမှာ ဒုတိယမြောက်ကျားနက်တစ်ကောင်ရှိရန် မည်သို့မှ မဖြစ်နိုင်ပေ။ ထို့ကြောင့် သီရှီထျန်ကို သူတို့မြင်လိုက်သည့်အချိန်မှာ ၎င်းက ထိုကောလဟာလများထဲမှ ကျားနက်ဖြစ်နိုင်ကြောင်း သေချာသွားကြသည်။</p> <p>“ ကြည့်စမ်း… အဲ့ဒီကျားနက်ရဲ့ ခန္ဓာကိုယ်ပေါ်မှာ သိုလှောင်အိတ်တစ်လုံးကို ချည်နှောင်ထားတယ် ”</p> <p>ဆွဲဆောင်မှုပြင်းသော အမျိုးသမီး၏ မျက်လုံးက အလွန်ထက်ရှသည်။ သူက အကြည့်တစ်ချက်နှင့်တင် သီရှီထျန်၏ ခန္ဓာကိုယ်ပေါ်မှ သိုလှောင်အိတ်ကို ရှာတွေ့သွားသည်။</p> <p>“ အဖိုးယု… ခင်ဗျားရဲ့ ကောင်းကင်ဖမ်းပိုက်ကွန်ကို မြန်မြန် အသုံးပြုပါ… အဲ့ဒီကျားနက်ကို ဖမ်းဆီးပြီး ဝိညာဉ်သံလိုက်အိမ်မြှောင်ကို အရယူမယ်… ပြီးကျရင် ကောင်းကင်မိစ္ဆာလျှို့ဝှက်နယ်မြေဆီ ငါတို့ဝင်ရောက်ကြမယ်… ဝိညာဉ်သံလိုက်အိမ်မြှောင်ရဲ့ အကူအညီနဲ့ဆိုရင် ကောင်းကင်မိစ္ဆာရဲ့ ရတနာတွေကို အလွယ်တကူ ငါတို့ရှာဖွေနိုင်လိမ့်မယ် ”</p> <p>လူငယ်သည် ကျားနက်ကို မြင်သွားသောအခါ မျက်လုံးဝင်းလက်သွားသည်။ သူက အဖိုးယုကို စိတ်လှုပ်ရှားစွာ အမြန်ပြောသည်။</p> <p>ယင်းကို ကြားသောအခါ အဖိုးယု၏ မျက်လုံးထဲမှာ လောဘအရိပ်အယောင် ထွက်ပေါ်လာသည်။ သူက လက်ထဲမှ အနက်ရောင်ပိုက်ကွန်ကို သီရှီထျန်၏ ဦးခေါင်းပေါ်သို့ ပစ်လွှတ်လိုက်သည်။</p> <p>“ ကောင်းကင်နဲ့ မြေပြင်ကို ဖြန့်ကြက်မယ်… ဘယ်သတ္တဝါမှ မလွတ်မြောက်နိုင်ဘူး… ချည်နှောင်လိုက်စမ်း… ”</p> <p>အဖိုးယုသည် ပိုက်ကွန်ကို ပစ်လွှတ်ပြီးသည်နှင့်ချက်ချင်း ကျယ်လောင်စွာ အော်လိုက်ပြီး သူ၏ လက်နှစ်ဖက်စလုံးဖြင့် ချိပ်တံဆိပ်လက်ဟန်များကို ဖွဲ့စည်းလိုက်သည်။ ချက်ချင်းဆိုသလိုပင် သားရေဘောလုံးအရွယ်အစားခန့်ရှိသော ပိုက်ကွန်က အနက်ရောင်အလင်းလွှာတစ်ခုကို ထုတ်လွှတ်လိုက်သည်။ အနက်ရောင်အလင်းအောက်တွင် ပိုက်ကွန်က မြန်ဆန်စွာ ကြီးမားသွားသည်။ စက္ကန့်ပိုင်းလေးအတွင်းမှာ ပိုက်ကွန်က ရှစ်မီတာ ကိုးမီတာအထိ ကျယ်ပြန့်သွားပြီး စက်ကရာနှင့် ပိုင်စုစုကို ဖုံးလွှမ်းသွားသည်။</p> <p>“ ဟွန့်… မင်းတို့က သေချာနေတာပဲ ”</p> <p>စက်ကရာက လူသားဘာသာစကားဖြင့် ပြောပြီး ကျယ်လောင်စွာ ဟိန်းဟောက်လိုက်သည်။ သာမန်ကျားတစ်ကောင်၏ အရွယ်အစားသာရှိသော သူ၏ ခန္ဓာကိုယ်ပေါ်တွင် သားရဲဘုရင်အရှိန်အဝါက ပေါ်လျှိုးလာသည်။ ယင်းက အလွန်လွှမ်းမိုးဗိုလ်ကျပြီး ကြောက်စရာကောင်းသည်။ ကြီးမားသော ဖိအားအောက်မှာ ဘေးပတ်ဝန်းကျင်မှ သစ်ပင်ကြီးများက ပြင်းထန်စွာ တုန်ယင်သွားကြသည်။ သစ်ပင်ငယ်များသည် ထိုဖိအားအောက်မှာ ကွေးညွတ်သွားကြသည်။ အေးစက်စက် လေကြမ်းက နေရာတိုင်းမှာ ရုတ်တရက် တိုက်ခတ်လာသည်။</p> <p>တောင်ကြီးတစ်တောင်နှယ် ကြီးမားလေးလံသော ဖိအားက ကျင့်ကြံသူငါးယောက်ပေါ်သို့ အကျဉ်းထောင်တစ်ခုပမာ ကျဆင်းလာသည်။ တစ်ချိန်တည်းမှာ သီရှီထျန်က ခေါင်းမော့လိုက်ပြီး သူ၏ အပေါ်မှ အနက်ရောင်ပိုက်ကွန်ကို အေးစက်စွာ ကြည့်လိုက်သည်။ သူက ကျားလက်သည်းကို နောက်တစ်ကြိမ် ဝှေ့ယမ်းလိုက်သည်။ ပမာဏများပြားသော မိစ္ဆာချီက သူ၏ မွေးညင်းပေါက်များထဲမှ စိမ့်ထွက်လာပြီး သူ၏ ကျားလက်သည်းကို အပြည့်အဝ ဖုံးအုပ်သွားသည်။ ပမာဏများပြားသော မိစ္ဆာချီက သူ၏ ကျားလက်သည်းထဲသို့ စီးဆင်းသွားသည်။ မိစ္ဆာချီ၏ ပေါင်းစပ်မှုအောက်မှာ သူ၏ ကျားလက်သည်းက အဆပေါင်းများစွာ အရွယ်အစားကြီးမားလာသည်။ ယင်းက အလွန်ရက်စက်ကြမ်းကြုတ်ပြီး ကြောက်စရာကောင်းသည်။</p> <p>“ လူသားဘာသာစကားကို ပြောနိုင်တယ်… အဲ့ဒီကျားနက်က မိစ္ဆာသားရဲပဲ ”</p> <p>သီရှီထျန်က လူသားဘာသာစကားပြောလိုက်ကြောင်း ကြားသောအခါ သီရှီထျန်ကို ဖမ်းဆီးပြီး ဝိညာဉ်သံလိုက်အိမ်မြှောင်ကို ရယူရန် ယုံကြည်ချက်ပြည့်ဝနေကြသော ကျင့်ကြံသူငါးယောက်က တစ်ချိန်တည်းမှာ အမူအရာပြောင်းလဲသွားကြသည်။ သူတို့က မျက်နှာဖြူဖျော့သွားကြသည်။</p> <p>မသေမျိုးကျင့်ကြံခြင်းလောကမှ ကျင့်ကြံသူအားလုံး နားလည်ထားသည်မှာ သာမန်ဝိညာဉ်သားရဲများဆီမှာ လူသားဘာသာစကားပြောနိုင်သော စွမ်းရည်မရှိပေ။ မိစ္ဆာသားရဲအဖြစ် ဆင့်ကဲပြောင်းလဲသွားပြီး သူတို့၏ လည်ချောင်းအရိုးကို သန့်စင်ပြီးထားသော မိစ္ဆာသားရဲများသည်သာ လူသားဘာသာစကားကို ပြောနိုင်ကြသည်။</p> <p>ယင်းက ဝိညာဉ်သားရဲနှင့် မိစ္ဆာသားရဲကို ခွဲခြားနိုင်သော အဓိကလက္ခဏာများထဲမှ တစ်ခုဖြစ်သည်။</p> <p>“ ပြေးကြ ”</p> <p>ယင်းက သူတို့ငါးယောက်၏ စိတ်ထဲမှာ တစ်ချိန်တည်း ထွက်ပေါ်လာသော အတွေးဖြစ်သည်။ ယခု သူတို့ဆီမှာ ကျားနက်ကို ဖမ်းဆီးချင်သောဆန္ဒ မရှိတော့ပေ။ သူတို့က ဤနေရာမှ အမြန်ဆုံး ထွက်ပြေးရန်သာ ဆန္ဒရှိကြတော့သည်။</p> <p>သို့သော်လည်း သူတို့၏ ခန္ဓာကိုယ်က မလှုပ်ရှားနိုင်မီ သီရှီထျန်၏ ခန္ဓာကိုယ်မှ ထုတ်လွှတ်နေသော ဖိအားက ကျင့်ကြံသူငါးယောက်စလုံးပေါ်သို့ ရုတ်တရက် ဖိကျလာသည်။ အနီးနားတွင် လေကြမ်းများ တိုက်ခတ်လာသည်။ မရေမတွက်နိုင်သော သစ်ရွက်များက အပေါ်သို့ မြှောက်တတ်သွားကြပြီး လေထဲ၌ ဓားပျံများသဖွယ် ကခုန်သွားကြသည်။ ဤသည်မှာ ဧရာမတောင်ကြီးက သူတို့၏ ခန္ဓာကိုယ်ပေါ်သို့ ဖိကျလာသည့်အလားပင်။</p> <p>“ ဘုတ် ”</p> <p>သူတို့၏ ခြေထောက်များက ဂျယ်လီသဖွယ် ပျော့ခွေသွားပြီး သူတို့၏ ခန္ဓာကိုယ်ထဲ ခွန်အားက ရုတ်တရက် ပျောက်ဆုံးသွားသည်။ သူတို့က မြေကြီးပေါ်မှာ ကြမ်းတမ်းစွာ ဒူးထောက်ကျသွားကြသည်။</p> <p>“ ဂရား ”</p> <p>အခြားတစ်ဖက်တွင် မိစ္ဆာချီကိန်းအောင်းနေသော ကျားလက်သည်းက ရုတ်တရက် အရှေ့သို့ ပျံသန်းထွက်သွားပြီး သူ၏ ဦးခေါင်းအပေါ်မှာ အနက်ရောင်ကျားလက်သည်းတစ်ခုအဖြစ် တိုက်ရိုက် ဖွဲ့စည်းသွားသည်။ မိစ္ဆာချီမှ ဖွဲ့စည်းသွားသော ကျားလက်သည်းသည် အစောနကထက် အများကြီး ပိုအားကောင်းပြီး အရွယ်အစားပိုကြီးမားသည်။</p> <p>အနက်ရောင်ကျားလက်သည်း ဖွဲ့စည်းသွားသည့်အခိုက် ဝိညာဉ်တုန်လှုပ်စေမည့် ကျားဟိန်းသံက ထွက်ပေါ်လာသည်။</p> <p>ကျားလက်သည်းက ဖွင့်လှစ်သွားသည့်အခါ ထက်ရှသော လက်သည်းတစ်ချောင်းစီက စူးရှသော အလင်းကို ထုတ်လွှတ်လိုက်ကြသည်။ မရေမတွက်နိုင်သော လက်သည်းပုံရိပ်များက လေထဲမှာ ထွက်ပေါ်လာကြပြီး အချင်းချင်း ချိတ်ဆက်သွားကြသည်။ လက်သည်းပုံရိပ်များသည် ဤလောကကို ဆုတ်ဖြဲချင်နေသည့်အလား အနက်ရောင်ပိုက်ကွန်ပေါ်သို့ ထိမှန်သွားကြသည်။</p> <p>အနက်ရောင်ပိုက်ကွန်က အနက်ရောင်အလင်းကို ထုတ်လွှတ်လိုက်သည်။ ထိုအနက်ရောင်အလင်းထဲ၌ ယိုယွင်းတိုက်စားသော စွမ်းရည်နှင့် အတင်းအဓမ္မ ချုပ်နှောင်သော စွမ်းရည်ရှိသည်။ ယင်းက အလွန်ထူးခြားသည်။ သို့သော်လည်း အနက်ရောင်ပိုက်ကွန်က ဓမ္မလက်နက်တစ်ခုမျှသာ ဖြစ်၏။ ယင်းက ဓမ္မရတနာမဟုတ်ပေ။ ထိုဓမ္မလက်နက်၏ ပိုင်ရှင်က ကျားရဲဖိအားအောက်မှာ ဒူးထောက်နေရသည်။ သူက ပိုက်ကွန်ကို မထိန်းချုပ်နိုင်တော့ပေ။</p> <p>ထို့ကြောင့် ကျားလက်သည်းဖြင့် ထိမှန်သွားသည့်အခါ အရေအတွက်များပြားသော အပေါက်များက ပိုက်ကွန်ပေါ်မှာ ထွက်ပေါ်လာကြသည်။ မျက်စိတစ်မှိတ်အတွင်းမှာ ပိုက်ကွန်က ဇကာပေါက်ဖြစ်သွားသည်။</p> <p>ပိုင်စုစုနှင့် ယင်းခုန်းသည် သူတို့၏ အရှင်မင်းကြီးက အလွန်သန်မာကြောင်း သိထားကြသည်။ သို့တိုင် သီရှီထျန်၏ ခွန်အားက သူတို့၏ စိတ်ကူးနိုင်စွမ်းထက် အဆပေါင်းများစွာ ကျော်လွန်နေမည်ဟု သူတို့မမျှော်လင့်ထားကြချေ။ သူတို့မရင်ဆိုင်နိုင်သော မသေမျိုးကျင့်ကြံသူများက သီရှီထျန်၏ ဖိအားအောက်မှာတင် မြေကြီးပေါ်မှာ ဒူးထောက်သွားကြရသည်။ ဓမ္မလက်နက်ဖြစ်သော အနက်ရောင်ပိုက်ကွန်သည်ပင် ဇကာပေါက်ဖြစ်သွားသည်။</p> <p>ထို့ကြောင့် သီရှီထျန်ကို ကြည့်သော သူတို့၏ မျက်လုံးထဲမှာ ကြောက်ရွံ့ရိုသေမှုနှင့် ချီးကျူးလေးစားမှုက အထင်အရှား ထွက်ပေါ်လာသည်။ ထို့ပြင် ပိုင်စုစု၏ မျက်လုံးထဲမှာ ရိုသေလေးစားမှုအပြင် ထူးဆန်းသော အကြည့်လည်း ရှိ၏။</p> <p>“ ဟွန့်… မင်းတို့က ငါ့ကို လိုက်ရှာနေတယ်လား ”</p> <p>သီရှီထျန်သည် မသေမျိုးကျင့်ကြံသူငါးယောက်ကို ချက်ချင်း မသတ်ပစ်ပေ။ ထိုလူများကို သူမြင်လိုက်စဉ် စိတ်မသက်မသာဖြစ်သော ခံစားမှုကို ရရှိသွားသည်။ ထိုလူများက သူ့အတွက်ကြောင့် ဤနေရာသို့ ရောက်လာကြကြောင်း ထင်ရှားပေသည်။ ယင်းက သူ့ကို ချက်ချင်း သတိထားစေသည်။</p> <p>သူက အေးစက်စွာ ပြောသည်။</p> <p>“ ပြောမလား… ဒါမှမဟုတ် အသေခံမလား ”</p> <p>သူစကားပြောလိုက်သည်နှင့်ချက်ချင်း ဘေးပတ်ဝန်းကျင်မှ အပူချိန်က ရုတ်တရက် နိမ့်ကျသွားသည်။ မသေမျိုးကျင့်ကြံသူငါးယောက်သည် အရိုးခိုက်ခိုက်တုန်စေမည့် ချမ်းစိမ့်မှုကို ခံစားသွားကြရသည်။</p> <p>သူ့အရှေ့မှ လူငါးယောက်သည် တစ်ကိုယ်တော်လေလွင့်ကျင့်ကြံသူများ ဖြစ်ကြသည်။ သူတို့သည် တောင်ပိုင်းမြေရိုင်းဒေသထဲသို့ မဝင်ရောက်မီ အုပ်စုငယ်တစ်စု ဖွဲ့ခဲ့ကြသည်။ သူတို့က ဝိညာဉ်သံလိုက်အိမ်မြှောင်ကို ရှာမတွေ့လျှင်ပင် သူတို့၏ ကျင့်ကြံခြင်းကို အထောက်အကူပေးနိုင်မည့် ဝိညာဉ်ဆေးပင်များကို ရှာဖွေချင်ကြသည်။ ထိုသို့ဆိုလျှင် သူတို့၏ ဤခရီးစဉ်က အလဟဿဖြစ်သွားတော့မည် မဟုတ်ချေ။</p> <p>သူတို့သည် တောင်တန်းဒေသထဲသို့ ဝင်ရောက်ပြီးနောက် လမ်းတစ်လျှောက်တွင် တန်ဖိုးရှိသော ဝိညာဉ်ဆေးပင်များကို ရှာတွေ့ခဲ့ကြသည်။ သူတို့က အန္တရာယ်တချို့ကိုလည်း တွေ့ကြုံခဲ့ကြသည်။ သူတို့၏ အတွေ့အကြုံရင့်ကျက်မှုကြောင့် အန္တရာယ်အားလုံးကို ဖြတ်ကျော်နိုင်ခဲ့သည်။</p> <p>သူတို့သည် အရှေ့သို့ ခရီးဆက်သွားနေစဉ် ဝိညာဉ်ဆေးပင်များ လိုက်လံရှာဖွေနေသော ယင်းခုန်းနှင့် ပိုင်စုစုကို မမျှော်လင့်ဘဲ တွေ့ဆုံသွားကြသည်။ သူတို့ငါးယောက်က ဝမ်းသာပျော်ရွှင်သွားကြသည်။</p> <p>ဝိညာဉ်သားရဲများသည် ကျင့်ကြံခြင်းလောကမှာ အလွန်ရှားပါးသည်။ အကယ်၍ သူတို့ထဲမှ တစ်ကောင်ကို ဖမ်းမိပြီး ရောင်းချနိုင်လျှင် အရေအတွက်ရာထောင်ချီသော ဝိညာဉ်ကျောက်တုံးများကို ရရှိလိမ့်မည်။ ထိုအခါ သူတို့က အနာဂတ်မှာ ဝိညာဉ်ကျောက်တုံးများ ပြတ်လပ်သွားမည်ကို စိုးရိမ်ရန် မလိုတော့ပေ။</p> <p>ထို့ကြောင့် သူတို့က ပိုင်စုစုနှင့် ယင်းခုန်းကို မြင်သည်နှင့် ချက်ချင်း တိုက်ခိုက်ခဲ့ကြသည်။ သူတို့ငါးယောက်သည် ချီသန့်စင်ခြင်းနယ်ပယ် နှောင်းပိုင်းအဆင့်နှင့် နီးကပ်နေကြသည်။ သူတို့က ချီသန့်စင်ခြင်းနယ်ပယ် အလယ်အလတ်အဆင့်၏ အထွတ်အထိပ်မှာ ဖြစ်ကြသည်။ ထို့ကြောင့် သူတို့သည် လက်ရွေးစင်များမဟုတ်သော်ငြား သာမန်ကျင့်ကြံသူများထက် အနည်းငယ် ပိုသာလွန်ကြသည်။ ယင်းခုန်းနှင့် ပိုင်စုစုသည် မကြာသေးမီက သီရှီထျန်ဆီမှ မိစ္ဆာကျင့်ကြံခြင်းနည်းလမ်းကို ရရှိခဲ့ကြသော်လည်း သူတို့က ဒုတိယအဆင့်ကို မချိုးဖြတ်နိုင်ကြသေးပေ။</p> <p>သူတို့၏ စွမ်းအားအရ ချီသန့်စင်ခြင်းနယ်ပယ် အလယ်အလတ်အဆင့် မသေမျိုးကျင့်ကြံသူတစ်ယောက်ကို အနိုင်ယူနိုင်ပေသည်။ သို့သော်လည်း တစ်ယောက်ထက်ပိုလာလျှင် အနိုင်ရရန် ခက်ခဲလိမ့်မည်။</p> <p>အကယ်၍ သီရှီထျန်သာ အရေးကြီးအချိန်မှာ ရောက်မလာခဲ့လျှင် ပိုင်စုစုနှင့် ယင်းခုန်းသည် ယနေ့ အကြီးအကျယ် ဒုက္ခရောက်သွားလိမ့်မည်။</p> <p>အကယ်၍ သီရှီထျန်သာ သူတို့၏ ပြောစကားကို မကြားခဲ့လျှင် သူတို့ကို နေရာမှာတင် ချက်ချင်း သူသတ်ပစ်လိမ့်မည်။</p> <p>“ အဲ့ဒါက… ”</p> <p>စက်ကရာ၏ ခန္ဓာကိုယ်ထံမှ ထုတ်လွှတ်နေသော ဖိအားကြောင့် မြေကြီးပေါ်မှာ ဒူးထောက်နေကြသော ကျင့်ကြံသူငါးယောက်သည် တစ်ချိန်တည်းမှာ အမူအရာပြောင်းလဲသွားကြသည်။ စက်ကရာ၏ မေးခွန်းမှတဆင့် သူတို့၏ အရှေ့မှ ကျားနက်က လူသားတစ်ယောက်ကဲ့သို့ အသိဉာဏ်မြင့်မားကြောင်း နောက်ဆုံးမှာ သူတို့နားလည်သွားကြသည်။ ကျားနက်သည် လုံးဝ သာမန်မဟုတ်ပေ။</p> <p>‘ လီမိသားစုရဲ့ ဝိညာဉ်သံလိုက်အိမ်မြှောင်က ဒီကျားနက်ရဲ့ လက်ထဲမှာ ဆုံးရှုံးသွားတာ မထူးဆန်းတော့ပါဘူး ’</p> <p>ထိုအတွေးက သူတို့ငါးယောက်စလုံး၏ စိတ်ထဲမှာ တစ်ပြိုင်နက် ထွက်ပေါ်လာသည်။</p> <p> </p> <p style="text-align: center;">***</p>


Save