Book List

<h2 style="text-align: center;">အခန်း (၂၉၅)</h2> <h2 style="text-align: center;">အကုန်လုံး သိမ်းကျုံးခေါ်သွားမယ် </h2> <h2 style="text-align: center;">*</h2> <p> </p> <p style="text-align:justify">ဆုချင်းလီ၏ ဆက်သွယ်ရန် အချက်အလက်များကို ရရှိပြီးနောက် ရှုကျင်းမင်က ဆက်ပြီး အချိန်ဆွဲမနေတော့ပေ။ သူက လင်းရွှမ်နှင့် ဆုချင်းလီတို့ကို နှုတ်ဆက်ကာ ဗီလာထဲမှ ထွက်ခွာလာခဲ့ပြီး အခြေအနေကို နားလည်သဘောပေါက်ရန် ဆရာရန်ကျန့်ထျန်းထံ ဦးစွာ သွားရောက်ရှာဖွေရန် ပြင်ဆင်လိုက်သည်။</p> <p style="text-align:justify">"နင့်ရဲ့ ဒီကျောင်းသားက တော်တော်လေး သတိကြီးတာပဲ" ဆုချင်းလီက အနည်းငယ် အံ့ဩစွာဖြင့် ပြောလိုက်သည်။ </p> <p style="text-align:justify">ဤကမ်းလှမ်းချက် လေးရပ်စလုံးက သူမ အစောကတည်းက ကြိုတင်ပြင်ဆင်ထားခဲ့သော အရာများ ဖြစ်သည်။ သူမကိုယ်တိုင် လူလုံးထွက်ပြလိုက်ခြင်းနှင့် ပေါင်းစပ်လိုက်လျှင် အခြား မည်သည့်ကျောင်းသားမဆို ထိုနေရာတွင်တင် ချက်ချင်း သဘောတူလိုက်လောက်ပြီ ဖြစ်သည်။ သို့သော် ရှုကျင်းမင်က ချွင်းချက်တစ်ခု ဖြစ်နေလိမ့်မည်ဟု သူမ မထင်ထားခဲ့ပေ။</p> <p style="text-align:justify">"သေချာတာပေါ့... သူက အခုဆို ငါတို့ မဂျစ်စီးတီး တက္ကသိုလ်ရဲ့ နံပါတ်တစ် ကျောင်းသားပဲလေ... စွမ်းအားအရပဲဖြစ်ဖြစ် စိတ်နေသဘောထားအရပဲဖြစ်ဖြစ် သူက ထိပ်တန်းအဆင့်မှာ ရှိတယ်လို့ သတ်မှတ်လို့ရတယ်" </p> <p style="text-align:justify">လင်းရွှမ်က သူမ၏ လေယူလေသိမ်းတွင် ဂုဏ်ယူဝင့်ကြွားမှု အရိပ်အယောင်လေး တစ်ခုနှင့်အတူ ပြန်ဖြေလိုက်သည်။</p> <p style="text-align:justify">"နင့်ရဲ့ မဂျစ်စီးတီး တက္ကသိုလ် ဟုတ်လား" </p> <p style="text-align:justify">ဆုချင်းလီ၏ သွယ်လျလှပသော မျက်ခုံးလေးများက အနည်းငယ် ပင့်တက်သွားသည်။ "သုံးနှစ်ကျော်လေး အတွင်းမှာ နင်က ငါတို့ရဲ့ မိုးကြိုးသိုင်းသင်တန်းကျောင်းကို လုံးဝ မေ့သွားပြီပေါ့... ငါတို့က အချစ်ဆုံး သူငယ်ချင်းတွေ ဖြစ်ခဲ့ကြတာကို..."</p> <p style="text-align:justify">ရှုကျင်းမင် ထွက်သွားပြီးနောက် ဆုချင်းလီကလည်း နဝမအဆင့် သိုင်းသူတော်စင် တစ်ဦးအဖြစ် ဟန်ဆောင်ထားမှုများကို စွန့်လွှတ်လိုက်သည်။ သူမ၏ အမူအရာက သစ္စာဖောက်ခံလိုက်ရသော မိန်းကလေး တစ်ယောက်အလား မကျေမနပ် ဖြစ်နေသည်။ သူမ၏ ဖြူစင်သန့်ရှင်းသော မျက်နှာလေးနှင့် ပေါင်းစပ်လိုက်သောအခါ ဖော်ပြ၍မရနိုင်လောက်အောင် လှပသောအသွင်ကို ဆောင်နေသည်။ ကံမကောင်းစွာဖြင့် ထိုနေရာတွင် ရှိနေသော လင်းရွှမ်မှလွဲ၍ အခြားမည်သူကမျှ ဤအလှတရားကို ခံစားခွင့် မရလိုက်ပေ။</p> <p style="text-align:justify">"ငါတို့က အချစ်ဆုံး သူငယ်ချင်းတွေ ဖြစ်နေလို့ကိုပဲ ငါက မိုးကြိုးသိုင်းသင်တန်းကျောင်းကို ပိုပြီး ပြတ်ပြတ်သားသား မေ့ပစ်ဖို့ လိုအပ်နေတာပေါ့... မဟုတ်ရင် ငါတို့ရဲ့ သိုင်းသင်တန်းကျောင်းကို အဲဒီ လီမိသားစုက လူတွေက နောက်တစ်ခါ ထပ်ပြီး အနှောင့်အယှက်ပေးတာကို နင်က လိုချင်လို့လား" </p> <p style="text-align:justify">လင်းရွှမ်က ခေါင်းခါယမ်းကာ သက်ပြင်းချလိုက်သည်။ အသက် ၁၆ နှစ်အရွယ်၊ သူမ၏ စွမ်းရည်ကို နိုးကြားလာစေခဲ့ပြီးနောက် မိုးကြိုးသိုင်းသင်တန်းကျောင်းသို့ ရွေးချယ်ခေါ်ယူခြင်း ခံခဲ့ရသည်။ နောက်ထပ် ဆယ်နှစ်ကျော် ကာလတစ်လျှောက်လုံး သူမ အချိန်ကုန်ခဲ့သည်မှာ မိုးကြိုးသိုင်းသင်တန်းကျောင်းတွင်သာ ဖြစ်ပြီး အဓိက အကျဆုံး အဖွဲ့ဝင်များထဲတွင် ပါဝင်ခဲ့သည်။ အကယ်၍ အထူးအကြောင်းပြချက်များသာ မရှိခဲ့လျှင် မဂျစ်စီးတီး တက္ကသိုလ်တွင် စာသင်ပြရန် ထိုနေရာမှ သူမ ဘာကြောင့် ထွက်ခွာလာရမည်နည်း။</p> <p style="text-align:justify">"အဲဒီ လီမိသားစုက လူတွေလား... အစောကြီးမဟုတ်ရင်တောင် နောက်ပိုင်းကျရင် သူတို့ကို ငါ သေချာပေါက် ရှင်းပစ်မယ်" </p> <p style="text-align:justify">လင်းရွှမ်က လီမိသားစုအကြောင်း ပြောလိုက်သည်ကို ကြားသောအခါ ဆုချင်းလီ၏ မျက်လုံးများကလည်း အနည်းငယ် အေးစက်သွားပြီး ခေတ္တရပ်ကာ ဆက်ပြောလိုက်သည်။ </p> <p style="text-align:justify">"ဒီတစ်ခေါက် ချင်းရွှီမြို့ကို လာတာက ရှုကျင်းမင် အတွက်အပြင် အဓိကက နင့်အတွက်လည်း ပါတာပေါ့.. ပြန်လာခဲ့ပါ... ငါ နင့်ကို လိုအပ်တယ်..." </p> <p style="text-align:justify">ဆုချင်းလီက ဖြူစင်သော မျက်နှာလေးဖြင့် လှမ်းကြည့်လာကာ သူမ၏ အမူအရာက လေးနက်ပြီး ရိုးသားလှသည်။</p> <p style="text-align:justify">"နင်က ငါ့ရဲ့ ကျောင်းသားကို ခိုးယူချင်ရုံတင် မကဘူး ငါ့ကိုတောင် လွှတ်မပေးဘူးပေါ့လေ... ငါတို့ နှစ်ယောက်စလုံးကို အကုန်လုံး သိမ်းကျုံးခေါ်သွားဖို့ နင့်မှာ အကြံအစည်ကောင်း ရှိနေတာပဲ" </p> <p style="text-align:justify">လင်းရွှမ်က ပြုံးလျက် နောက်ပြောင်လိုက်သော်လည်း ခေါင်းကိုမူ ခါယမ်းနေဆဲပင်။ </p> <p style="text-align:justify">"ထားလိုက်ပါတော့... ငါ ပြန်သွားတာနဲ့ လီမိသားစုက ငါ့အနံ့ကို ပြန်ရသွားလိမ့်မယ်... သူတို့နဲ့ ထပ်ပြီး မပတ်သက်ချင်တော့သလို မိုးကြိုးသိုင်းသင်တန်းကျောင်းကိုလည်း အကျပ်ရိုက်တဲ့ အခြေအနေမျိုး မရောက်စေချင်ဘူး"</p> <p style="text-align:justify">"သူတို့က ရဲလို့လား" </p> <p style="text-align:justify">ဆုချင်းလီက အေးစက်စွာ နှာမှုတ်လိုက်ပြီး မှိန်ဖျော့ဖျော့ ကြောက်မက်ဖွယ် မိုးကြိုးလျှပ်စီးများက သူမ၏ သွယ်လျသော ကိုယ်ခန္ဓာပတ်လည်တွင် လက်ခနဲ ဖြစ်သွားသည်။ </p> <p style="text-align:justify">"လွန်ခဲ့တဲ့ သုံးနှစ်က ငါ နဝမအဆင့်ကို တက်လှမ်းနိုင်ခါစမို့ ကျောင်းအုပ်ကြီး နေရာကို လွှဲယူလိုက်ရတဲ့ အချိန်မှာ ငါ့ရဲ့ အခြေခံအုတ်မြစ်က မခိုင်မာသေးဘူးလေ... ဒါကြောင့် နင် အချို့သော နစ်နာမှုတွေကို ခံစားခဲ့ရတာပါ... အခု ငါ့ရဲ့ အခြေခံအုတ်မြစ်က ခိုင်မာနေပြီဖြစ်လို့ လီမိသားစုမှာ ဆယ်ဆလောက် ပိုပြီး သတ္တိရှိနေရင်တောင် အရင်ကလိုမျိုး ငါတို့ရဲ့ ဌာနချုပ်ထဲကို တိုက်ရိုက် ဝင်မွှေရဲမှာ မဟုတ်ဘူး...” </p> <p style="text-align:justify">“ဒါ့အပြင် ငါတို့ရဲ့ မိုးကြိုးသိုင်းသင်တန်းကျောင်းက မကြာသေးခင်ကမှ Aအဆင့် ဟင်းလင်းပြင် စွမ်းရည်ရှိတဲ့ ကျောင်းသားတစ်ယောက်ကို စုဆောင်းရရှိထားတယ် နင် ကိုယ်တိုင် သူ့ကို လမ်းညွှန်သင်ကြားပေးရင် ပိုကောင်းမယ်လို့ ငါ ထင်တယ်"</p> <p style="text-align:justify">"Aအဆင့် ဟင်းလင်းပြင် စွမ်းရည်လား" လင်းရွှမ်က အနည်းငယ် အံ့ဩသွားသည်။ </p> <p style="text-align:justify">ကမ္ဘာပေါ်ရှိ များပြားလှသော စွမ်းရည် အမျိုးအစားများထဲတွင်ပင် ဟင်းလင်းပြင် စွမ်းရည်ဆိုသည်က သေချာပေါက် အလွန် ရှားပါးသော အမျိုးအစားတစ်ခု ဖြစ်သည်။ Aအဆင့်အထိ ရောက်ရှိရန် ဆိုသည်မှာ ပို၍ပင် ရှားပါးလှသည်။</p> <p style="text-align:justify">"ငါ့ကို အချိန်တစ်ခုပေးပြီး စဉ်းစားခွင့် ပြုပါဦး... သေချာ စဉ်းစားပြီးသွားရင် နင့်ကို အဖြေပေးပါ့မယ်" </p> <p style="text-align:justify">လင်းရွှမ်က ခေတ္တမျှ စဉ်းစားပြီးနောက် ညင်သာစွာ ပြန်ဖြေလိုက်သည်။ မဂျစ်စီးတီး တက္ကသိုလ်၏ ကျောင်းအုပ်ကြီးဟောင်းက သူမကို ထိုစဉ်က လက်ခံပေးခဲ့ခြင်း ဖြစ်သည်။ ထို့ကြောင့် သူမ တကယ်တမ်း ထွက်ခွာချင်လျှင်တောင် ကျောင်းအုပ်ကြီးဟောင်း၏ သဘောထားကို ဦးစွာ ရယူရမည် ဖြစ်သည်။</p> <p style="text-align:justify">"ရှုကျင်းမင်က တစ်ယောက်... နင်က တစ်ယောက်... နှစ်ယောက်စလုံးက အချိန်တစ်ခုပေးပြီး စဉ်းစားဦးမယ်တဲ့လေ... ငါ ဒီအထိ လာရတာ အလကား မဖြစ်သွားပါစေနဲ့နော်" </p> <p style="text-align:justify">ဆုချင်းလီမှာ ကူကယ်ရာမဲ့ ဖြစ်သွားသော်လည်း နားလည်ကြောင်း ပြသသည့်အနေဖြင့် ခေါင်းညိတ်ပြရုံသာ တတ်နိုင်တော့သည်။ မည်သို့ပင်ဆိုစေ ဤနှစ်ယောက်စလုံးက အလွယ်တကူ ကိုင်တွယ်ဖြေရှင်း၍ ရမည့်သူများ မဟုတ်ပေ။ ဆုချင်းလီနှင့် လင်းရွှမ်တို့၏ နောက်ဆက်တွဲ စကားပြောဆိုမှုများကို ရှုကျင်းမင် သဘာဝကျကျပင် မသိရှိခဲ့ပေ။  ထိုအချိန်တွင် သူက ဆရာရန်ကျန့်ထျန်း၏ ဗီလာသို့ ရောက်ရှိနေပြီ ဖြစ်သည်။ ပြိုင်ပွဲအပြီးတွင် ဆရာရန်ကလည်း တည်းခိုဆောင်သို့ ပြန်ရောက်နေပြီ ဖြစ်သည်။ ရှုကျင်းမင်ထံမှ ဖြစ်ပျက်ခဲ့သမျှကို ကြားလိုက်ရသောအခါ ရန်ကျန့်ထျန်းမှာ မအံ့ဩဘဲ မနေနိုင်တော့ပေ။ </p> <p style="text-align:justify">"အဓိက ကမ်းလှမ်းချက် လေးရပ်တောင်လား... မိုးကြိုးသိုင်းသင်တန်းကျောင်းက တကယ်ကို အစွမ်းကုန် ပုံအောလိုက်တာပဲ" </p> <p style="text-align:justify">မဂျစ်စီးတီး တက္ကသိုလ်မှ ကျောင်းဆင်းများစွာကို မိုးကြိုးသိုင်းသင်တန်းကျောင်းက ရွေးချယ်ခေါ်ယူခဲ့ဖူးသည်။ သို့သော် ထိုကျောင်းဆင်းများကို ပေးအပ်သော ခံစားခွင့်များမှာ လစဉ် လှုပ်ရှားမှု ရန်ပုံငွေအနေဖြင့် မဟာနွေရာသီသုံးငွေ သန်းဆယ်ဂဏန်း အများဆုံးသာ ရှိခဲ့သည်။</p> <p style="text-align:justify">တိုက်ခိုက်ရေးနည်းစနစ် ကျမ်းစာများနှင့် ပတ်သက်၍မူ Cအဆင့်အောက်များကိုသာ အခမဲ့ ကြည့်ရှုခွင့် ရကြသည်။ သို့သော် Cအဆင့်နှင့်အထက် တိုက်ခိုက်ရေးနည်းစနစ် ကျမ်းစာတစ်ခုစီကို ဝယ်ယူရန်အတွက်မူ မဟာနွေရာသီသုံးငွေ အမြောက်အမြား ပေးချေရလေသည်။  မိုးကြိုးသိုင်းသင်တန်းကျောင်း၏ အဆင့်မြင့် စီမံခန့်ခွဲသူများပင်လျှင် ဤကဲ့သို့သော ခံစားခွင့်ကိုသာ ရရှိကြသည်။ ပြီးခဲ့သည့်နှစ်က ကျောင်းဆင်းသွားသော ကျန်းလော့ပင်လျှင် အနည်းငယ်မျှသာ ပိုကောင်းသည့် ခံစားခွင့်ကို ရရှိခဲ့ခြင်း ဖြစ်သည်။</p> <p style="text-align:justify">ရှုကျင်းမင်ကို ကမ်းလှမ်းလိုက်သော ခံစားခွင့်များက ရိုးရှင်းစွာပင် ကောင်းလွန်းနေခဲ့သည်။ သေချာသည်ကတော့ ဤသည်မှာလည်း ပုံမှန်သာ ဖြစ်သည်။ ရှုကျင်းမင်၏ SSအဆင့် စွမ်းရည်နှင့် ယခု လက်ရှိ သူ ပြသထားခဲ့သော အံ့မခန်း တိုက်ခိုက်ရေးစွမ်းအားတို့ကြောင့် အခြား မည်သည့် အင်အားစုမဆို သူ့ကို ခေါ်ယူရန် ကြီးမားစွာ ရင်းနှီးမြှုပ်နှံလိုကြမည်သာ ဖြစ်သည်။</p> <p style="text-align:justify">"ဒါဆို ကျောင်းအုပ်ကြီးဆု ရှင်းပြသွားတဲ့ စွမ်းအင်ပညာရှင်တွေနဲ့ ဝိညာဉ်သန့်စင်ရေး တိုက်ခိုက်ရေးနည်းစနစ်တွေ အကြောင်းက အကုန်အမှန်တွေပေါ့" ရှုကျင်းမင်က စဉ်းစားခန်း ဝင်လိုက်သည်။ </p> <p style="text-align:justify">"သေချာတာပေါ့... နဝမအဆင့် သိုင်းသူတော်စင် တစ်ယောက်က မင်းလို ကျောင်းသားတစ်ယောက်ကို လှည့်စားဖို့အထိ အဆင့်နှိမ့်မှာ မဟုတ်ပါဘူး" ရန်ကျန့်ထျန်းက ပြုံးလျက် ပြောလိုက်သည်။ "ဒါပေမဲ့ စွမ်းအင်ပညာရှင်တွေက အဝေးကနေ ဗုံးကြဲတိုက်ခိုက်တဲ့ လမ်းကြောင်းကို ရွေးချယ်ကြတာလေ... မင်းသာ အနီးကပ် တိုက်ရည်ခိုက်ရည် လမ်းကြောင်းကို ဆက်သွားချင်တယ်ဆိုရင်တော့ ဝက်ဝံကြမ်း သိုင်းသင်တန်းကျောင်းက နောက်ပိုင်း ကမ်းလှမ်းလာမယ့် အခြေအနေတွေကို စောင့်နားထောင်ပြီးမှ အရာအားလုံးကို ဘက်စုံ ထည့်သွင်းစဉ်းစားလို့ ရပါတယ်"</p> <p style="text-align:justify">မဟာနွေရာသီ တိုင်းပြည်၏ ထိပ်တန်း သိုင်းသင်တန်းကျောင်းကြီး နှစ်ခုဖြစ်သော မိုးကြိုးသိုင်းသင်တန်းကျောင်းနှင့် ဝက်ဝံကြမ်း သိုင်းသင်တန်းကျောင်း နှစ်ခုစလုံးတွင် နဝမအဆင့် သိုင်းသူတော်စင် တစ်ဦးထက်မက ရှိကြသည်။ </p> <p style="text-align:justify">သူတို့၏ အင်အားက အလွန် ကြီးမားလှသည်။ ကွာခြားချက်မှာ မိုးကြိုးသိုင်းသင်တန်းကျောင်းက စွမ်းအင်ပညာရှင်များကို ပြုစုပျိုးထောင်ရာတွင် ပိုမို ကျွမ်းကျင်ပြီး ဝက်ဝံကြမ်း သိုင်းသင်တန်းကျောင်းကမူ သိုင်းပညာရှင်များကို ပြုစုပျိုးထောင်ရာတွင် ပိုမို ကျွမ်းကျင်ခြင်းပင် ဖြစ်သည်။</p> <p style="text-align:justify">"ဝက်ဝံကြမ်း သိုင်းသင်တန်းကျောင်းမှာရော SSအဆင့် ဝိညာဉ်သန့်စင်ရေး တိုက်ခိုက်ရေးနည်းစနစ် ရှိလို့လား" ရှုကျင်းမင်က မျက်တောင်တဖျပ်ဖျပ် ခတ်လိုက်သည်။ </p> <p style="text-align:justify">"မရှိဘူး... ငါ စုံစမ်းရရှိထားတဲ့ အချက်အလက်တွေအရဆိုရင် မဟာနွေရာသီ တိုင်းပြည် တစ်ခုလုံးမှာ မိုးကြိုးသိုင်းသင်တန်းကျောင်း တစ်ခုတည်းမှာပဲ ရှိပုံရတယ်... တချို့သော ရှေးဟောင်း စွမ်းရည်ပိုင်ရှင် မိသားစုတွေမှာလည်း ရှိကောင်း ရှိနိုင်ပေမဲ့ သူတို့က တစ်ခါမှ ထုတ်ဖော်ပြသလေ့ မရှိဘူးလေ" ရန်ကျန့်ထျန်းက ခေါင်းခါယမ်းလိုက်သည်။</p> <p style="text-align:justify">"သဘောပေါက်ပါပြီ" </p> <p style="text-align:justify">ရှုကျင်းမင်က ရုတ်တရက် နားလည်သွားပြီးနောက် ပြုံးလျက် ပြောလိုက်သည်။ "ကြည့်ရတာ မိုးကြိုးသိုင်းသင်တန်းကျောင်းက ကျွန်တော့်အတွက် တကယ်ကို ပိုပြီး သင့်တော်နေပုံရတယ်..."</p> <p style="text-align:justify"> </p> <p style="text-align: center;">***</p>


Save