Book List

<h2 style="text-align: center;">အခန်း (၂၉၇)</h2> <h2 style="text-align: center;">ကောင်းကင်မိုးကြိုး ကျင့်စဉ်လား</h2> <h2 style="text-align: center;">*</h2> <p> </p> <p style="text-align:justify">ဆရာများ ထိုင်သည့်နေရာတွင် ပေကျင်း တက္ကသိုလ်၏ ဒုတိယကျောင်းအုပ်ကြီး ရှုဖျင်မှာ ပုံမှန်အားဖြင့် စကားနည်းလှသော လင်းရွှမ်က သူ့ကို စတင် စကားလာပြောသည်ကို မြင်လိုက်ရသဖြင့် အနည်းငယ် အံ့ဩသွားမိသည်။  သို့သော် သူမ၏ စကားများကို ကြားပြီးနောက်တွင်မူ သူ၏ နှုတ်ခမ်းများ မဲ့သွားလေတော့သည်။</p> <p style="text-align:justify">မနေ့က တစ်ဦးချင်းပြိုင်ပွဲတွေမှာတောင် သူ အလောင်းအစား မလုပ်ရဲခဲ့ဘူး။ အခု ဝမ်ချီက ရှုကျင်းမင်ကို ရှုံးထားလို့ ဒဏ်ရာတွေနဲ့ ကွင်းထဲကို ဝင်လာရတဲ့ အခြေအနေမျိုးလေ။ ပေကျင်း တက္ကသိုလ်ရဲ့ နိုင်နိုင်ခြေက သုံးဆယ်ရာခိုင်နှုန်းတောင် မပြည့်တော့ဘူး။ သူက ဘယ်လိုလုပ် အလောင်းအစား လုပ်ရဲပါ့မလဲ။</p> <p style="text-align:justify">ထို့ကြောင့် သူက အမြန် လက်ကာပြလိုက်ပြီး "ဟင့်အင်း... မလုပ်တော့ဘူး... ကျွန်တော်တို့ အဖွဲ့အပေါ် အဲဒီလောက်ထိ ယုံကြည်မှု မရှိသေးပါဘူးဗျာ"</p> <p style="text-align:justify">"ဒီလိုလား... ဒါဆိုလည်း ပြီးရောလေ" လင်းရွှမ်က နောင်တရသလို အရိပ်အယောင်လေး တစ်ခုနှင့်အတူ သူမ၏ အကြည့်ကို ရုပ်သိမ်းလိုက်သည်။</p> <p style="text-align:justify">ထို့အတူ နောင်တရနေသူ နောက်တစ်ယောက်မှာ သိပ်မဝေးလှသော နေရာတွင် ထိုင်နေသည့် ကျင်းချန်း တက္ကသိုလ်၏ ဒုတိယကျောင်းအုပ်ကြီး ကျန်းမူပင် ဖြစ်သည်။ သူက တမန်မနေ့ကမှ မဂျစ်စီးတီး တက္ကသိုလ်ထံသို့ SSအဆင့် အရင်းအမြစ်တစ်ခု ရှုံးလိုက်ရသဖြင့် ရင်နာနေဆဲ ဖြစ်သည်။ </p> <p style="text-align:justify">“ရှုဖျင် တစ်ယောက် အရင်းအမြစ်တစ်ခု ရှုံးသွားတာကို သူမမြင်လိုက်ရတာ တကယ့်ကို နှမြောစရာပါပဲ...”</p> <p style="text-align:justify">ကွင်းထဲတွင်မူ မဂျစ်စီးတီး တက္ကသိုလ် အဖွဲ့ဝင်များက သူတို့၏ နေရာယူမှု ပုံစံကို လျင်မြန်စွာ ဖွဲ့စည်းလိုက်ကြသည်။ ယခင်က သူတို့၏ နေရာယူမှုများနှင့် မတူဘဲ ဤတစ်ကြိမ်တွင် ရှုကျင်းမင်က အရှေ့ဆုံးတွင် ရပ်မနေခဲ့ပေ။ ထိုအစား သူက အဝေးပစ် ဗုံးကြဲတိုက်ခိုက်ရန် တာဝန်ယူထားသော ယောင်ဖန်နှင့်အတူ နောက်ဘက်သို့ အတော်လေး ဆုတ်၍ ရပ်နေခဲ့သည်။</p> <p style="text-align:justify">အဖွဲ့၏ အရှေ့ဆုံး မီတာ ၅၀ ခန့်အကွာတွင် ဧရာမ ဒိုင်းလွှာကြီးနှင့် တိုက်ပွဲဝင် ဓားမကြီးကို ကိုင်ဆောင်ထားသော ခုန်းရှီနှင့် ဓားမြှောင်တစ်လက်ကို ကိုင်ဆောင်ထားသော ရှန်ဒုံလင်းတို့က နေရာယူထားကြသည်။</p> <p style="text-align:justify">"ဟေး... ကြည့်ကြစမ်း... မဂျစ်စီးတီး တက္ကသိုလ်က ဘာလို့ သူတို့ရဲ့ နေရာယူမှု ပုံစံကို ပြောင်းလိုက်တာလဲ"</p> <p style="text-align:justify">"တကယ်ပဲ... မိုးကြိုးဧကရာဇ်က အနောက်ဆုံးကို ရောက်သွားပါလား"</p> <p style="text-align:justify">"ဘာတွေ ဖြစ်နေတာလဲ... မိုးကြိုးဧကရာဇ်က အရှေ့ဆုံးကနေ ဦးဆောင်ပြီး မတိုက်တော့ဘူးလား"</p> <p style="text-align:justify">အဖွဲ့လိုက်ပြိုင်ပွဲများတွင် နေရာယူမှု ပုံစံများက အလွန်တရာ နက်နဲ ရှုပ်ထွေးလှသည်။ တစ်ခါတစ်ရံတွင် ပွဲတစ်ပွဲ၏ အနိုင်အရှုံးကို နေရာယူမှုကပင် အဆုံးအဖြတ် ပေးသွားနိုင်သည်။ မဂျစ်စီးတီး တက္ကသိုလ်က ယခင်က တစ်ခါမှ မပြသဖူးသေးသော နေရာယူမှု ပုံစံကို ရုတ်တရက် အသုံးပြုလိုက်သည်ကို မြင်သောအခါ ပရိသတ်များစွာမှာ အံ့အားသင့်သွားကြသည်။</p> <p style="text-align:justify">အမှန်တကယ်တွင် မဂျစ်စီးတီး တက္ကသိုလ်၌ မူလက နံပါတ် ၁ နှင့် နံပါတ် ၂ ဆိုသော နေရာယူမှု ပုံစံ နှစ်ခုသာ ရှိခဲ့သည်။ နံပါတ် ၁ နေရာယူမှု ပုံစံမှာ မူလက ဆရာရန်ကျန့်ထျန်းက ပေကျင်း တက္ကသိုလ်အတွက် ချန်ထားခဲ့သော အံ့ဩစရာ လက်ဆောင်တစ်ခု ဖြစ်သော်လည်း ကျင်းချန်း တက္ကသိုလ်နှင့် ပွဲစဉ်တွင် စောစီးစွာ အသုံးပြုလိုက်ရလိမ့်မည်ဟု သူ မမျှော်လင့်ထားခဲ့ပေ။</p> <p style="text-align:justify">ထို့ကြောင့် ထိုနေ့က ပြိုင်ပွဲပြီးဆုံးသွားပြီးနောက် ဆရာရန်က နံပါတ် ၃ နေရာယူမှု ပုံစံကို အသစ် ရေးဆွဲခဲ့ခြင်း ဖြစ်သည်။ ယင်းက ပေကျင်း တက္ကသိုလ်ကို ရင်ဆိုင်ရန်အတွက် သီးသန့် ပြင်ဆင်ထားခြင်း ဖြစ်သည်။</p> <p style="text-align:justify">"ပြီးခဲ့တဲ့ တစ်ခေါက်က ကျင်းချန်း တက္ကသိုလ်ကို လုပ်လိုက်သလိုမျိုး မိုးကြိုးနတ်ဘုရား လက်ချောင်းနဲ့ တစ်ချက်တည်း အပြတ်ရှင်းဖို့များ ကြံနေတာလား"</p> <p style="text-align:justify">ပရိသတ်တစ်ဦးက ခန့်မှန်းလိုက်သော်လည်း အခြားသူများက ချက်ချင်းပင် ငြင်းဆိုလိုက်ကြသည်။</p> <p style="text-align:justify">"မိုးကြိုးနတ်ဘုရား လက်ချောင်းက အားကောင်းတာတော့ မှန်ပါတယ်... ဒါပေမဲ့ အဲဒါက ကျင်းချန်း တက္ကသိုလ်ရဲ့ နေရာယူမှုက အရမ်း စုပြုံနေလို့ မိုးကြိုးဧကရာဇ်အတွက် တစ်ချက်တည်းနဲ့ အပြတ်ရှင်းဖို့ အခွင့်အရေး ရသွားတာလေ"</p> <p style="text-align:justify">"အတူတူပဲ ဖြစ်တဲ့ လှည့်ကွက်တစ်ခုကို တစ်ခါ သုံးပြီးသွားပြီ။ ပေကျင်း တက္ကသိုလ်က ဘယ်လိုလုပ် ပြင်ဆင်မထားဘဲ နေမှာလဲ"</p> <p style="text-align:justify">အမှန်ပင် အကြွင်းမဲ့ ကာကွယ်ရေးက ကျင်းချန်း တက္ကသိုလ်အား ကြောက်မက်ဖွယ် ကာကွယ်ရေးစွမ်းအားကို ပေးစွမ်းနိုင်ခဲ့သော်လည်း သူတို့က ကာကွယ်ရေး ဒိုင်းလွှာကြီးထဲတွင် စုပြုံနေခဲ့ရပြီး မလှုပ်မရှားနိုင် ဖြစ်သွားခဲ့သည်။ ယင်းက ဧရိယာကျယ်ပြန့်သော တိုက်ခိုက်ရေးနည်းစနစ်ကြီး တစ်ခု၏ တစ်ကြိမ်တည်းဖြင့် အားလုံးကို ပြောင်သလင်းခါသွားစေရန် လွယ်ကူသွားစေခဲ့သည်။</p> <p style="text-align:justify">သို့သော် နေရာယူမှုက အနည်းငယ် ပိုမို ပြန့်ကျဲနေမည်ဆိုပါက သေစေနိုင်လောက်သော စွမ်းအားက ထိုမျှလောက် ပြင်းထန်မည် မဟုတ်တော့ပေ။ ပရိသတ်များ ပြောသကဲ့သို့ပင် ကွင်းထဲတွင် ပေကျင်း တက္ကသိုလ်အဖွဲ့မှ အဖွဲ့ဝင် ငါးဦးမှာ အလွန်တရာ ပြန့်ကျဲစွာ နေရာယူထားကြသည်။ တစ်ယောက်နှင့်တစ်ယောက် အကွာအဝေးမှာ အနည်းဆုံး မီတာ သုံးဆယ် သို့မဟုတ် ထို့ထက်မက ရှိနေကြသည်။</p> <p style="text-align:justify">၎င်းက ရှုကျင်းမင်၏ မိုးကြိုးနတ်ဘုရား လက်ချောင်းကို ကာကွယ်ရန်ဖြစ်ကြောင်း သိသာထင်ရှားလှသည်။ မိုးကြိုးနတ်ဘုရား လက်ချောင်းကို စတင် အသုံးပြုနေပြီဟု သူတို့ မြင်လိုက်သည်နှင့် တပြိုင်နက် ထိုထက်မက ပို၍ပင် ပြန့်ကျဲသွားကြလိမ့်ဦးမည် ဖြစ်သည်။ ဤသည်က သတင်းအချက်အလက် ကြိုတင်ရရှိထားခြင်း၏ အားသာချက်ပင်။</p> <p style="text-align:justify">"မဂျစ်စီးတီး တက္ကသိုလ်က ရှုကျင်းမင်ကို အဝေးပစ် ဗုံးကြဲတိုက်ခိုက်တဲ့ နေရာမှာ ထားသုံးချင်တာလား" </p> <p style="text-align:justify">နဝမအဆင့် မှော်သူတော်စင် တစ်ဦးအနေဖြင့် ဆုချင်းလီက မဂျစ်စီးတီး တက္ကသိုလ်၏ နေရာယူမှု ရည်ရွယ်ချက်ကို ချက်ချင်းပင် မြင်သာသွားသည်။ ပြိုင်ပွဲ စတင်လိုက်သည်နှင့် ပေကျင်း တက္ကသိုလ်ဘက်မှ ပြေးဝင်တိုက်ခိုက်လာလျှင်တောင် ခုန်းရှီနှင့် အခြားသူများက အရှေ့ဆုံးမှနေ၍ ရှုကျင်းမင် သူ၏ တိုက်ခိုက်ရေးနည်းစနစ်များကို ထုတ်လွှတ်ရန် လုံလောက်သော အချိန်ရရှိအောင် ပံ့ပိုးပေးနိုင်မည် ဖြစ်သည်။</p> <p style="text-align:justify">"ဒါပေမဲ့ သူက အနီးကပ် တိုက်ရည်ခိုက်ရည်မှာ ပိုပြီး ကျွမ်းကျင်တာ မဟုတ်ဘူးလား... ဘာလို့ ဒီလို နေရာယူရတာလဲ"</p> <p style="text-align:justify">ဆုချင်းလီ၏ ကြည်လင်သော မျက်ဝန်းများထဲတွင် စပ်စုလိုစိတ်များ လက်ခနဲ ဖြစ်သွားသည်...</p> <p style="text-align:justify">"ဒီလောက် အနောက်ရောက်နေတဲ့ နေရာယူမှုနဲ့ မဂျစ်စီးတီး တက္ကသိုလ်က ဘာလုပ်ချင်နေတာလဲ" </p> <p style="text-align:justify">ကွင်းထဲတွင် ဝမ်ချီလည်း မျက်မှောင်အနည်းငယ် ကြုတ်လိုက်သည်။ "ဒါပေမဲ့ ဒါလည်း ကောင်းတာပါပဲ... မဂျစ်စီးတီး တက္ကသိုလ်က တခြား အဖွဲ့ဝင်တွေကို အရင်ဆုံး ရှင်းပစ်လိုက်လို့ ရတာပေါ့"</p> <p style="text-align:justify">"ငါ့အဖွဲ့ဝင်တွေအတွက် ဖိအားတချို့ကို လျှော့ချပေးလိုက်သလိုလည်း ဖြစ်သွားတာပေါ့" </p> <p style="text-align:justify">ဝမ်ချီ၏ အကြည့်က ခုန်းရှီ၏ဘေးတွင် ရပ်နေသော သွယ်လျလျ ပုံရိပ်လေးဆီသို့ ရောက်သွားသည်။ Aအဆင့် ခန္ဓာကိုယ်စွမ်းရည် မြှင့်တင်ပေးသော လစန္ဒာ သွေးမြေခွေး စွမ်းရည်ကို ပိုင်ဆိုင်ထားသည့် ရှန်ဒုံလင်းပင် ဖြစ်သည်။ ဤကဲ့သို့သော ခန္ဓာကိုယ်စွမ်းရည် မြှင့်တင်ပေးသော အမျိုးအစားများအတွက် စွမ်းရည်ကို အသက်သွင်းလိုက်ပြီးနောက် ခန္ဓာကိုယ် ခံနိုင်ရည်ပိုင်းတွင် တိုးတက်မှု ရှိလာသော်လည်း ကာကွယ်ရေးစွမ်းအားကတော့ သိပ်ပြီး အားမကောင်းလှပေ။ ၎င်းက လျင်မြန်ဖြတ်လတ်မှုကိုသာ အဓိက မြှင့်တင်ပေးခြင်း ဖြစ်သည်။</p> <p style="text-align:justify">အဖွဲ့လိုက်ပြိုင်ပွဲတွင် ရှန်ဒုံလင်း၏ အခန်းကဏ္ဍက လုပ်ကြံသတ်ဖြတ်သူ တစ်ယောက်ဖြစ်ပြီး သူမက နှိုင်းယှဉ်ချက်အရ ထိခိုက်လွယ်ကာ စတုတ္ထအဆင့်နိမ့်သာ ရှိသေးသည်။ သူ၏ စတုတ္ထအဆင့်မြင့် ခွန်အားနှင့်ဆိုလျှင် Aအဆင့် တိုက်ခိုက်ရေးနည်းစနစ် တစ်ခုက သူမကို အလွယ်တကူပင် ဦးစွာ ရှင်းလင်းပစ်နိုင်မည် ဖြစ်သည်။ သေချာသည်ကတော့ ကနဦး အခြေအနေအနေဖြင့် သူက သူမ၏ အနီးသို့ ပြေးဝင်သွားနိုင်ရန် လိုအပ်ပေသည်။</p> <p style="text-align:justify">အကယ်၍ ရှုကျင်းမင်က အရှေ့ဆုံးတွင် ရှိနေခဲ့ပါက သူ ထိုးဖောက် ဝင်ရောက်သွားနိုင်ရန် ယုံကြည်မှု ရှိချင်မှ ရှိလိမ့်မည်။ သို့သော် ရှုကျင်းမင်က အရှေ့တန်းနှင့် မီတာ ၅၀ ကျော် ဝေးကွာသော အနောက်ဘက်တွင် နေရာယူထားသည်။ ဤအကွာအဝေးက အရာများစွာ လုပ်ဆောင်ရန် သူ့အတွက် လုံလောက်နေပေသည်။</p> <p style="text-align:justify">"မင်းတို့ ဘာတွေ တွေးနေလဲတော့ ငါ မသိဘူး... ဒါပေမဲ့ မင်းတို့က ငါ့ကို ဒီအခွင့်အရေး ပေးလာမှတော့ သဘာဝကျကျပဲ ငါ ဒါကို လက်လွတ်ခံမှာ မဟုတ်ဘူး..." </p> <p style="text-align:justify">မဂျစ်စီးတီး တက္ကသိုလ်အဖွဲ့၏ အနောက်ဆုံးရှိ အရပ်ရှည်ရှည် ပုံရိပ်ကို တစ်ချက် လှမ်းကြည့်ပြီးနောက် ဝမ်ချီက သူ၏ အကြည့်ကို ရုပ်သိမ်းလိုက်ကာ တိတ်တဆိတ် တွေးလိုက်သည်။</p> <p style="text-align:justify">"အဖွဲ့ နှစ်ဖွဲ့စလုံး နောက်ဆုံး ပြင်ဆင်မှုတွေ လုပ်ပေးကြပါ... ပြိုင်ပွဲက စတော့မယ်" </p> <p style="text-align:justify">တစ်မိနစ်ကြာ ပြင်ဆင်ချိန် အပြီးတွင် အဖွဲ့ နှစ်ဖွဲ့စလုံးမှ မည်သည့် ကန့်ကွက်မှုမျှ မရှိသည်ကို မြင်သောအခါ ဖုန်းလဲ့က ချက်ချင်းပင် နှစ်သစ်ကို စတင် ရေတွက်လိုက်သည်။</p> <p style="text-align:justify">"ရေတွက်ခြင်း စတင်ပါပြီ... ၃... ၂... ၁... စတင်ပါ"</p> <p style="text-align:justify">“ဘုန်း..”</p> <p style="text-align:justify">ပြိုင်ပွဲက ရုတ်တရက် စတင်သွားလေသည်။ မဂျစ်စီးတီး တက္ကသိုလ်နှင့် ပေကျင်း တက္ကသိုလ်တို့မှ စုစုပေါင်း စွမ်းရည်ပိုင်ရှင် ဆယ်ဦးစလုံး သူတို့၏ အရှိန်အဝါများကို တပြိုင်နက် ပေါက်ကွဲထုတ်လွှတ်ကာ သူတို့၏ စွမ်းရည်များကို အသက်သွင်းလိုက်ကြသည်။ မဂျစ်စီးတီး တက္ကသိုလ်ဘက်တွင် ရှုကျင်းမင်ကလည်း မိုးကြိုးအထွတ်အထိပ် အခြေအနေသို့ ဝင်ရောက်သွားပြီ ဖြစ်သည်။</p> <p style="text-align:justify">"စီနီယာအစ်မကု... ကျွန်တော့်ကို အထောက်အပံ့ အခြေအနေပေးပါ" </p> <p style="text-align:justify">ရှုကျင်းမင်၏ အသံက ထွက်ပေါ်လာသည်။ အသင့်ပြင်ထားပြီးဖြစ်သော ကုဝမ်ထံမှ အလွန်တရာ မျက်စိကျိန်းမတတ် တောက်ပလှသော အရောင်အသွေးစုံ အလင်းတန်းများ ချက်ချင်း ပေါက်ကွဲထွက်လာသည်။</p> <p style="text-align:justify">"ဝိညာဉ်အလင်း၏ ကျေးဇူးတော်"</p> <p style="text-align:justify">ခပ်တိုးတိုး အော်ဟစ်လိုက်သံနှင့်အတူ အဆုံးမရှိသော အလင်းတန်းများက ရှုကျင်းမင်၏ ခန္ဓာကိုယ်ထဲသို့ စီးဝင်သွားတော့သည်။ တောက်ပလင်းထိန်နေသော ရွှေရောင် မိုးကြိုးများက မျက်စိကျိန်းမတတ် တောက်ပသွားပြီး ရှုကျင်းမင်၏ မူလကတည်းက အားကောင်းနေပြီးသား အရှိန်အဝါက ရုတ်တရက် အဆပေါင်းများစွာ မြင့်တက်သွားတော့သည်။</p> <p style="text-align:justify">"လာစမ်း... မြန်မြန် အဆုံးသတ်ရမယ့် အချိန်ရောက်ပြီ... ဆရာရန် မင်းတို့အတွက် ချန်ထားခိုင်းတဲ့ အံ့ဩစရာ လက်ဆောင်ကို ပြသရမယ့် အချိန်လည်း ရောက်ပြီ" </p> <p style="text-align:justify">ရှုကျင်းမင်၏ ထောင့်ချိုးကျကျ ခန့်ညားလှသော မျက်နှာပေါ်တွင် ရိုင်းစိုင်းကြမ်းတမ်းသော အပြုံးတစ်ခု ပေါ်လာသည်။ သူ၏ စိတ်အာရုံ အနည်းငယ် လှုပ်ရှားလိုက်သည်နှင့်အတူ ကြောက်မက်ဖွယ် မိုးကြိုး ပေါက်ကွဲသံများက ကောင်းကင်ယံမှ ရုတ်တရက် ထွက်ပေါ်လာတော့သည်။</p> <p style="text-align:justify">“ဝုန်း... ဝုန်း... ဝုန်း...”</p> <p style="text-align:justify">တအုံးအုံး မြည်ဟည်းနေသော မိုးကြိုးသံများက တောင်ပေါ်မှာ မိုးသည်းထန်စွာ ရွာသွန်းတော့မည့်အလား ဖိနှိပ်မှု အငွေ့အသက်များကို ကွင်းတစ်ခုလုံးဆီသို့ ချက်ချင်း သယ်ဆောင်လာလေသည်။ သို့သော် အဖွဲ့ခေါင်းဆောင် ဖြစ်သူ ဝမ်ချီကမူ ထိတ်လန့်သွားခြင်း မရှိဘဲ ဝမ်းသာသွားသည်။</p> <p style="text-align:justify">“မိုးကြိုးနတ်ဘုရား လက်ချောင်း...”</p> <p style="text-align:justify">Sအဆင့် ထိပ်တန်း တိုက်ခိုက်ရေးနည်းစနစ် တစ်ခုအနေဖြင့် ၎င်း၏ စွမ်းအားက အမှန်တကယ်ပင် ကြောက်မက်ဖွယ် ကောင်းလှသော်လည်း ကနဦး မန္တန်ရွတ်ဆိုချိန်က အနည်းဆုံး လေးစက္ကန့်မှ ငါးစက္ကန့်အထိ လိုအပ်သည်။ ဒီအချိန်ပမာဏက ရှန်ဒုံလင်းကို ရှင်းပစ်ဖို့ သူ့အတွက် လုံလောက်သည်။ ထို့အပြင် အခြား အဖွဲ့ဝင်များကလည်း ၎င်းအတွက် ပြင်ဆင်ထားပြီး ဖြစ်သည်။</p> <p style="text-align:justify">မျှော်လင့်ထားသည့်အတိုင်းပင် ကောင်းကင်ပေါ်မှ ဆူညံသံများကို သတိထားမိပြီးနောက် ပေကျင်း တက္ကသိုလ်၏ အဖွဲ့ဝင်အားလုံးက ထိုထက်မက ပို၍ပင် ပြန့်ကျဲသွားကြသည်။</p> <p style="text-align:justify">"ရှုကျင်းမင်... ငါတို့က ကျင်းချန်း တက္ကသိုလ် မဟုတ်ဘူး... မင်းရဲ့ မိုးကြိုးနတ်ဘုရား လက်ချောင်းက အလကားပဲ" </p> <p style="text-align:justify">မျက်နှာပေါ်ရှိ အပြုံးတစ်ခုနှင့်အတူ ဝမ်ချီက သူ၏ တိုက်ပွဲဝင် ဓားမကြီးဖြင့် ဆက်လက် ပြေးဝင်သွားလေသည်။ သူက အလွန် မြန်ဆန်လှသည်။ တစ်စက္ကန့်ပင် မပြည့်သေးမီမှာပင် သူက ရှေ့သို့ မီတာ ၆၀ ကျော်အထိ ပြေးဝင်သွားပြီး ဖြစ်သည်။ သို့သော် ထိုအချိန်မှာပင် ရှုကျင်းမင်၏ ထူးခြားပြီး ခမ်းနားလှသော အသံကြီး ထွက်ပေါ်လာတော့သည်။</p> <p style="text-align:justify">"ကောင်းကင်မိုးကြိုး ကျင့်စဉ်"</p> <p style="text-align:justify">ရွှေရောင် အလင်းတန်းများ လက်ခနဲ ဖြစ်သွားပြီး ရေပုံးတစ်လုံးစာခန့် တုတ်ခိုင်သော ကြမ်းတမ်းလှသည့် ရွှေရောင် မိုးကြိုးလျှပ်စီးတန်းကြီး တစ်ခုက ရုတ်တရက် ပစ်ချလာတော့သည်။ ထိုရွှေရောင် မိုးကြိုးလျှပ်စီးတန်းကြီးက ပေကျင်း တက္ကသိုလ် အဖွဲ့၏ အနောက်ဆုံးရှိ ပံ့ပိုးမှု စွမ်းရည်ပိုင်ရှင်ဆီသို့ တည့်မတ်စွာ ပစ်ချလာခြင်း ဖြစ်သည်။</p> <p style="text-align:justify">ကောင်းကင်မိုးကြိုး ပစ်ချလိုက်သော အမြန်နှုန်းက အလွန်တရာ လျင်မြန်လွန်းလှသဖြင့် ပေကျင်း တက္ကသိုလ်မှ ပံ့ပိုးမှု စွမ်းရည်ပိုင်ရှင်မှာ မည်သည့် ကာကွယ်ရေး အစီအမံကိုမျှ လုံးဝ မလုပ်ဆောင်နိုင်လိုက်ပေ။ အကယ်၍ အထိခံလိုက်ရပါက တစ်ချက်တည်းနဲ့ ပွဲချင်းပြီး သေဆုံးသွားမည့် ရလဒ်တစ်ခုတည်းသာ ရှိပေလိမ့်မည်။</p> <p style="text-align:justify">“ဝှစ်...”</p> <p style="text-align:justify">ဤအသက်နှင့်သေဆုံးမှုကြား အရေးကြီးသော အခိုက်အတန့်တွင် စွမ်းအင် ကာကွယ်ရေး ဒိုင်းလွှာက အလိုအလျောက် ပွင့်လာပြီး အတွင်းဘက်ရှိ ပေကျင်း တက္ကသိုလ် ပြိုင်ပွဲဝင်ကို ကာကွယ်ပေးလိုက်သည်။</p> <p style="text-align:justify">“ဝုန်း... ဝုန်း... ဝုန်း...”</p> <p style="text-align:justify">ရွှေရောင် မိုးကြိုးလျှပ်စီးတန်းကြီးက ကာကွယ်ရေး ဒိုင်းလွှာ၏ တားဆီးခြင်းကို ခံလိုက်ရသည်။ အတွင်းဘက်ရှိ ပံ့ပိုးမှု စွမ်းရည်ပိုင်ရှင်၏ အသက်က အမှန်တကယ်ပင် ကယ်တင်ခံလိုက်ရသည်။ သို့သော် ဤသည်က ပေကျင်း တက္ကသိုလ်မှာ ပထမဆုံး အဖွဲ့ဝင် တစ်ဦး ပြုတ်သွားပြီဖြစ်ကြောင်း ဆိုလိုနေပေသည်။ ဤမြင်ကွင်းက ကျန်ရှိနေသော ပေကျင်း တက္ကသိုလ် အဖွဲ့ဝင်များကို အနည်းငယ် ကြောင်အသွားစေသည်။</p> <p style="text-align:justify">“နေပါဦး... ပြိုင်ပွဲက စတာမှ နှစ်စက္ကန့်တောင် မပြည့်သေးဘူးလေ... ငါတို့ရဲ့ အဓိက ပံ့ပိုးမှု အဖွဲ့ဝင်က ဒီလိုကြီး ရိုးရိုးလေး ပြုတ်သွားတာလား...”</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save