Book List

<h2 style="text-align: center;">အခန်း(၁၀၁)</h2> <h2 style="text-align: center;">*</h2> <p> </p> <p>“ အား ”</p> <p>ခရမ်းရောင်ဘုရင်စာလုံးမှ ပျံသန်းထွက်လာသော ခရမ်းရောင်အလင်းသည် ဝိညာဉ်ငါးကောင်၏ ဦးခေါင်းပေါ်တွင် သေးငယ်သော ခရမ်းရောင်ချည်မျှင်များအဖြစ် ပြောင်းလဲသွားကြသည်။ ချည်မျှင်များသည် ဝိညာဉ်ငါးကောင်ကို ရစ်ပတ်ချည်နှောင်လိုက်ကြသည်။</p> <p>ဝိညာဉ်ငါးကောင်က မည်သို့ရုန်းကန်ပါစေ ခရမ်းရောင်ချည်မျှင်များ၏ ချုပ်နှောင်မှုမှ မလွတ်မြောက်နိုင်ကြပေ။ ထို့ပြင် ခရမ်းရောင်ချည်မျှင်များက ဆွဲယူခံလိုက်ရသည်။ ထို့ကြောင့် ဝိညာဉ်ငါးကောင်သည် ခရမ်းရောင်ဘုရင်စာလုံးနားသို့ မြန်ဆန်စွာ ချဉ်းကပ်သွားကြသည်။</p> <p>ဘုရင်စာလုံးထံမှ ထုတ်လွှတ်လိုက်သော ခရမ်းရောင်အလင်းက မည်သည့်အရာဖြစ်ကြောင်း မည်သူမှ မသိပေ။ သို့သော် ဝိညာဉ်ငါးကောင်သည် ထိုခရမ်းရောင်အလင်းကို လုံးဝ မခုခံနိုင်ကြပေ။ ဘုရင်စာလုံးနားသို့ နီးကပ်သွားသည့်အခါ ထူးဆန်းသော အပြောင်းအလဲများက သူတို့အပေါ်မှာ ဖြစ်ပေါ်လာသည်။</p> <p>သူတို့က အံ့ဖွယ်ကိစ္စကို မြင်သွားကြသည်။</p> <p>သူတို့၏ ခန္ဓာကိုယ်အရွယ်အစားနှင့် တစ်ထပ်တည်း တူညီသော ဝိညာဉ်ခန္ဓာကိုယ်သည် လျှို့ဝှက်ဆန်းကြယ်စွာ စတင်ကျုံ့သွားသည်။ ဘုရင်စာလုံးနားသို့ ပိုပြီးနီးကပ်သွားလေ ခန္ဓာကိုယ်ကျုံ့မှုက ပိုပြီးမြန်ဆန်လာလေ ဖြစ်သည်။ မကြာမီ ဘုရင်စာလုံးအရှေ့သို့ သူတို့ရောက်ရှိသွားသည့်အခါ သူတို့က လက်မအရွယ်အစားအထိ ကျုံ့သွားကြသည်။</p> <p>ခရမ်းရောင်ဘုရင်စာလုံးသည် ရုတ်တရက် သက်ဝင်လှုပ်ရှားလာပြီး သူ့အရှေ့မှ ဝိညာဉ်ငါးကောင်ကို ချက်ချင်း ဝါးမျိုလိုက်သည်။</p> <p>နောက်အခိုက်အတန့်မှာ ဘေးပတ်ဝန်းကျင်၌ ပြန့်ကျဲနေသော ခရမ်းရောင်အလင်းက ဘုရင်စာလုံးထဲသို့ ချက်ချင်း ပြန်ဝင်ရောက်သွားသည်။ ထို့နောက် အရာအားလုံးက မူလအခြေအနေဆီသို့ ပြန်ရောက်သွားသည်။ ဤသည်မှာ အစောနက မည်သည့်ကိစ္စမှ မဖြစ်ပျက်ခဲ့သည့်အလားပင်။</p> <p>“ အဲ့ဒါက… ”</p> <p>သီရှီထျန်၏ မျက်လုံးထဲမှာ ဇဝေဇဝါဖြစ်သော အရိပ်အယောင် ထွက်ပေါ်လာသည်။ ယခု သူ၏ သူနဖူးပေါ်မှ ဘုရင်စာလုံးက မူလအခြေအနေဆီသို့ ပြန်ရောက်သွားသည်။ သို့သော်လည်း ယခင်နှင့် မတူညီသည်မှာ သူ၏ ဘုရင်စာလုံးထဲမှာ တစ်စုံတစ်ခု အပိုရှိလာကြောင်း ရှင်းလင်းစွာ သူခံစားမိသွားသည်။</p> <p>ထို့ပြင် လျှို့ဝှက်ဆန်းကြယ်သော စွမ်းအားတစ်မျိုးက သူ၏ ဘုရင်စာလုံးထဲမှာ ရွေ့လျားစီးဆင်းနေသည်။</p> <p>သူ၏ မျက်လုံးထဲမှာ လေးနက်သောအကြည့် ထွက်ပေါ်လာသည်။ အတိတ်ဘဝတွင် သူကြားခဲ့ဖူးသော ရှေးခေတ်စကားစုတစ်ခုက သူ့စိတ်ထဲမှာ ရုတ်တရက် ထွက်ပေါ်လာသည်။</p> <p>“ ကျားကို အဖော်ပြုခြင်း ”</p> <p>ထိုစကားစုကို သူကြားခဲ့စဉ်က ယင်း၏ အဓိပ္ပာယ်ကို သေချာနားမလည်ခဲ့ပေ။ ထို့ကြောင့် သူက ယင်း၏ အဓိပ္ပာယ်ကို ရှေးခေတ်စာအုပ်များထဲမှာ လိုက်လံရှာဖွေခဲ့သည်။</p> <p>ထို့ကြောင့် ထိုစကားစု၏ အဓိပ္ပာယ်ကို ရှင်းလင်းစွာ သူမှတ်မိနေခြင်းပင်။</p> <p>ဒဏ္ဍာရီများထဲမှာ ဖော်ပြထားသည်မှာ “ ကျားကို အဖော်ပြုခြင်း ”ဟူသော စကားစုထဲမှ “ ချီ ”ဟူသော စကားလုံးသည် ချီတစ္ဆေကို ရည်ညွှန်းသည်။ ရှေးခေတ်တွင် ကျားများ၏ သတ်စားခံလိုက်ရသော လူများသည် သေဆုံးသွားပြီးနောက် ချီတစ္ဆေများ ဖြစ်လာကြလိမ့်မည်။ ချီတစ္ဆေများသည် ကျား၏ ကျေးကျွန်များ ဖြစ်ကြသည်။ “ ကျားကို အဖော်ပြုခြင်း ”သည် ချီတစ္ဆေများ၏ အမှုထမ်းခြင်းကို ရည်ညွှန်းသည်။</p> <p>“ တိုက်ပင်းကွမ်ကျီ ”၏ အခန်းလေးရာ့သုံးဆယ်တွင် ဤသို့ မှတ်တမ်းတစ်ခု ရှိသည်။</p> <p>“ ကျားအစားခံရလိုက်ရတဲ့ လူတွေက ကျားရဲ့ ကျေးကျွန်တွေ ဖြစ်လာကြတယ် ”</p> <p>ယင်းက ချီတစ္ဆေကို ရည်ညွှန်းသည်။</p> <p>စုန့်စွန်းကွမ်ရှင်း ရေးသားခဲ့သော “ စူးယန်ဝမ်ရဲ့ မြောက်ပိုင်းအိမ်မက် ”၏ အခန်းလေးတွင် ကျားနှင့်ပတ်သက်သော မှတ်တမ်းတစ်ခုရှိသည်။</p> <p>“ ကျားအစားခံလိုက်ရတဲ့ လူတွေနဲ့ ရေနစ်သေဆုံးသွားကြတဲ့ လူတွေက ချီတစ္ဆေတွေ ဖြစ်လာကြတယ်… သူတို့က နောင်ဘဝဆီ မကူးနိုင်ကြဘူး ”</p> <p>ချီတစ္ဆေများသည် ကျား၏ အခိုင်းအစေများ ဖြစ်ကြသည်။ ကျားများသည် ချီတစ္ဆေများကို သူတို့၏ အရှေ့မှ လျှောက်စေပြီး ပုန်းကွယ်နေသော ထောင်ချောက်များကို ရှာဖွေကြသည်။ တစ်စုံတစ်ယောက်သည် ကျားတစ်ကောင်နှင့် တွေ့ဆုံသည့်အခါ အလိုအလျောက် ရပ်တန့်သွားလိမ့်မည်။ သူက လုံးဝ လှုပ်ရှားနိုင်တော့မည် မဟုတ်ချေ။ ယင်းက ချီတစ္ဆေ၏ လုပ်ဆောင်မှု ဖြစ်သည်။</p> <p>အတိုချုပ်ဆိုရသော် ချီတစ္ဆေသည် ကျား၏ သတ်ဖြတ်ခံရပြီးနောက် ပြန်လည်မွေးဖွားခြင်းစက်ဝန်းထဲသို့ မဝင်ရောက်နိုင်ကြသော ဝိညာဉ်များကို ဆိုလိုသည်။ သူတို့က ကျား၏ ဘေးတွင် အမြဲတမ်း ရှိနေပြီး ကျား၏ ထိန်းချုပ်မှုကို ခံကြရလိမ့်မည်။</p> <p>အတိတ်တွင် သီရှီထျန်သည် ယင်းက ရှေးဟောင်းဒဏ္ဍာရီတစ်ပုဒ်မျှသာ ဖြစ်သည်ဟု တွေးထင်ခဲ့သည်။ ယင်းက အစစ်အမှန် မဟုတ်ပေ။ သို့သော်လည်း ယခု သူ၏ နဖူးပေါ်မှ ဘုရင်စာလုံး၏ ရုတ်တရက် အပြောင်းအလဲကို သူမြင်တွေ့သွားသောအခါ ထိုဖြစ်နိုင်ခြေကို စဉ်းစားမိသွားသည်။</p> <p>“ မဟုတ်မှ အဲ့ဒါက နိုးထလာတဲ့ ငါ့ရဲ့ မွေးရာပါသဘာဝစွမ်းရည်လား ”</p> <p>မွေးရာပါသဘာဝစွမ်းရည်ရှိသော ဝိညာဉ်သားရဲများကို သူမနာလိုမဖြစ်ကြောင်း ပြောလျှင် လိမ်ညာရာကျလိမ့်မည်။ စက်ကရာသည် သူ့ကိုယ်ပိုင် မွေးရာပါသဘာဝစွမ်းရည်ကို နိုးထနိုင်ရန် မျှော်လင့်နေသည်။</p> <p>ချီဟောင်ဆီမှာ မွေးရာပါသဘာဝစွမ်းရည်ရှိကြောင်း သူမြင်တွေ့ခဲ့သည်။ သူက မီးတောက်များကို နှာခေါင်းမှတဆင့် မှုတ်ထုတ်နိုင်သည်။ ထိုစွမ်းရည်က အလွန်သန်မာသည်။ ထို့ကြောင့်ပင် ချီဟောင်သည် မိစ္ဆာသားရဲမဖြစ်သေးသော်လည်း မသေမျိုးကျင့်ကြံသူများနှင့် ထိပ်တိုက် ရင်ဆိုင်နိုင်ခဲ့သည်။ သူ့ထက် အားနည်းသော ရန်သူများသည် သူ၏ မီးတောက်အောက်မှာ ပြာဖြစ်သွားလိမ့်မည်။</p> <p>ယင်းက သူ့ဘဝတစ်လျှောက်လုံး သူ့ကို လိုက်လံအဖော်ပြုပေးနေမည့်  စွမ်းရည်ဖြစ်သည်။ သူပိုပြီးသန်မာလာသည်နှင့်အမျှ မွေးရာပါသဘာဝစွမ်းရည်က ပိုပြီးအစွမ်းထက်လာလိမ့်မည်။ ထို့ကြောင့် မွေးရာပါသဘာဝစွမ်းရည်မှာ ကြီးမားသော အလားအလာ ရှိသည်။</p> <p>သို့သော်လည်း သူသည် မနာလိုဖြစ်ရုံမှတပါး တခြားဘာမှမတတ်နိုင်ပေ။ မွေးရာပါသဘာဝစွမ်းရည် နိုးထခြင်း မနိုးထခြင်းသည် ယေဘုယျအားဖြင့် သူတို့အပေါ်မှာ မမူတည်ပေ။ ယင်းက ကံတရားပေါ်မှာ အဓိကမူတည်သည်။ တစ်ခါတစ်ရံမှာ မွေးရာပါသဘာဝစွမ်းရည်က သူ့အလိုအလျောက် နိုးထလာလိမ့်မည်။ မွေးရာပါသဘာဝစွမ်းရည် နိုးထသော လုပ်ငန်းစဉ်ကို မည်သူမှ သေချာမသိကြပေ။ ထိုအကြောင်းနှင့်ပတ်သက်၍ ဖြစ်နိုင်ခြေအမျိုးမျိုး ရှိသည်။</p> <p>မိစ္ဆာသားရဲအဖြစ် သူအဆင့်ချိုးဖြတ်သွားစဉ်မှာ သီရှီထျန်သည် သူ့ကိုယ်သူ ဂရုတစိုက် သေချာစစ်ဆေးကြည့်ခဲ့သည်။ သူ့ဆီမှာ မည်သည့်မွေးရာပါသဘာဝရစွမ်းရည်မှ မနိုးထလာကြောင်း သူရှာတွေ့သွားသည်။ သို့သော် ယခု ကြည့်ရသည်မှာ သူ၏ မွေးရာပါသဘာဝစွမ်းရည်က သူ၏ နဖူးပေါ်မှ ခရမ်းရောင်ဘုရင်စာလုံး ဖြစ်နေသည်။</p> <p>သူ၏ ခရမ်းရောင်ဘုရင်စာလုံးသည် သေဆုံးသွားသော အလောင်းများထံမှ ဝိညာဉ်ကို ဝါးမျိုနိုင်သော ထူးခြားစွမ်းရည်အား ပိုင်ဆိုင်ထားသည်။ ထိုစွမ်းရည်ကြောင့် သူက “ ကျားကို အဖော်ပြုခြင်း ”ဟူသော ရှေးခေတ်စကားစုကို စဉ်းစားမိသွားသည်။</p> <p>တစ်ခဏတွေးတောပြီးနောက် သီရှီထျန်သည် မွေးရာပါသဘာဝစွမ်းရည်ကို အမှန်တကယ် သူနိုးထနိုင်ခဲ့ခြင်းဟုတ်မဟုတ် သိချင်လာသည်။ သူက မသေမျိုးကျင့်ကြံသူငါးယောက်ထံမှ သိုလှောင်အိတ်များကိုပင် ဂရုမစိုက်တော့ပေ။ သူက နေရာမှာ ရပ်လိုက်ပြီး မျက်လုံးမှိတ်လိုက်သည်။ သူက မိစ္ဆာအာရုံကို သူ၏ နဖူးပေါ်မှ ခရမ်းရောင်ဘုရင်စာလုံးဆီသို့ စေလွှတ်လိုက်သည်။</p> <p>“ ဟမ်… အဲ့ဒါ ဘယ်လိုလုပ်ဖြစ်နိုင်မှာလဲ ”</p> <p>စက်ကရာသည် သူ၏ မိစ္ဆာအာရုံဖြင့် စူးစမ်းလိုက်သည့်အခါ ရုတ်တရက် နှလုံးတုန်သွားသည်။ သူက အံ့ဩသွားသည်။ အဘယ့်ကြောင့်ဆိုသော် ထူးဆန်းသော တစ်စုံတစ်ခုကို သူရှာတွေ့သွားသည်။ ဤခန္ဓာကိုယ်သည် သူ့အပိုင်ဖြစ်သည်။ ထို့ကြောင့် သူ့ခန္ဓာကိုယ်၏ မည်သည့်အစိတ်အပိုင်းကိုမဆို သူ၏ မိစ္ဆာအာရုံဖြင့် အလွယ်တကူ စူးစမ်းလေ့လာနိုင်သည်။ သို့သော်လည်း သူ၏ နဖူးပေါ်မှ ခရမ်းရောင်ဘုရင်စာလုံးကို သူစူးစမ်းလိုက်သည့်အခါ မယုံကြည်နိုင်စရာကောင်းသော တစ်စုံတစ်ခုကို သူရှာတွေ့သွားသည်။</p> <p>သူ၏ ခရမ်းရောင်ဘုရင်စာလုံးထဲမှာ ထူးခြားဆန်းကြယ်သော စွမ်းအားတစ်မျိုး အမှန်တကယ် ရှိသည်။ သူ၏ ဘုရင်စာလုံးထဲမှာ ထူးဆန်းသော နယ်မြေလွတ်တစ်ခု ရှိသည်။ နယ်မြေလွတ်သည် အတော်အသင့် ကျယ်ပြောသည်။ နယ်မြေလွတ်ထဲတွင် ခရမ်းရောင်အရည်ဖြင့် ပြည့်လျှံနေသည်။ ခရမ်းရောင်အရည်က နယ်မြေလွတ်တစ်ခုလုံးကို ဖုံးလွှမ်းထားသည်။ ထို့ကြောင့် ယင်းကို ရေကန်ဟု ခေါ်လျှင် ပိုပြီးသင့်တော်လိမ့်မည်။</p> <p>ခရမ်းရောင်ရေကန်ထဲတွင် အစောနက ဝါးမျိုခံလိုက်ရသော မသေမျိုးကျင့်ကြံသူငါးယောက်၏ ဝိညာဉ်များကို သူမြင်တွေ့သွားသည်။</p> <p>ဝိညာဉ်ငါးကောင်သည် ရေကန်ထဲမှာ အဆက်မပြတ် ရုန်းကန်နေကြပြီး ရေကန်အပြင်သို့ ထွက်ရန် ကြိုးစားနေကြသည်။</p> <p>သို့သော်လည်း မည်မျှ သူတို့ကြိုးစားနေပါစေ ရေကန်အပြင်သို့ သူတို့မထွက်နိုင်ကြချေ။</p> <p>ခရမ်းရောင်ရေကန်ထဲမှာ လျှို့ဝှက်ဆန်းကြယ်သော စွမ်းအားတစ်မျိုး ကိန်းအောင်းနေဟန် ရသည်။ ယင်းက မသေမျိုးကျင့်ကြံသူငါးယောက်၏ ခန္ဓာကိုယ်ထဲသို့ အဆက်မပြတ် ဝင်ရောက်သွားနေသည်။ ထိုစွမ်းအားက ခရမ်းရောင်ရေကန်ထဲမှ ဝိညာဉ်ငါးကောင်ကို အမြစ်ဖြတ်သုတ်သင်ပစ်ချင်နေဟန် ရ၏။ ယင်းက အလွန်ထူးဆန်းသည်။</p> <p>သို့သော် နောက်ထပ် ထူးခြားချက်တစ်ခု ရှိသေးသည်။ သူသည် ဝိညာဉ်များကို စုပ်ယူရန် သူ၏ နဖူးပေါ်မှ ခရမ်းရောင်ဘုရင်အမှတ်အသားကို အသုံးပြုနိုင်သည်။ သို့သော် ထိုမျှသာဖြစ်၏။ သူ့ဆီမှာ အံ့ဖွယ်ကောင်းသော နောက်ထပ် မည်သည့်စွမ်းရည်မှ မရှိပေ။</p> <p>“ ထူးဆန်းတယ်… ခရမ်းရောင်ဘုရင်စာလုံးရဲ့ အစွမ်းက ဒီလောက်ပဲ မဖြစ်နိုင်ဘူးလို့ ရှင်းရှင်းလင်းလင်း ငါခံစားမိတယ်… သူ့မှာ ကြီးမားတဲ့ အလားအလာနဲ့ ထူးခြားဆန်းကြယ်တဲ့ စွမ်းရည်တွေ ထပ်ရှိသေးတယ်… ဒါပေမဲ့ အဲ့ဒါကို ငါအာရုံပဲ ခံနိုင်တယ်… ဘယ်လိုအသုံးပြုရမလဲဆိုတာ ငါမသိဘူး ”</p> <p>သီရှီထျန်က သူ့ဘာသာ တီးတိုးရေရွတ်လိုက်သည်။ သူနိုးထခဲ့သော မွေးရာပါသဘာဝစွမ်းရည်က မည်သည့်အရာဖြစ်ကြောင်း သူမသိပေ။ သို့သော်လည်း ယင်းက ကျင့်ကြံသူများ၏ ဝိညာဉ်ကိုပင် စုပ်ယူဝါးမျိုနိုင်သည်။ ယင်းကို ကြည့်ခြင်းအားဖြင့် ထိုမွေးရာပါသဘာဝစွမ်းရည်က မည်သို့မှ သာမန်မဖြစ်နိုင်ပေ။</p> <p>သို့သော်လည်း မွေးရာပါသဘာဝစွမ်းရည်ကို ဂရုတစိုက် စစ်ဆေးလေ့လာရန် လောလောဆယ် သူအချိန်မပေးနိုင်သေးပေ။ ထို့ကြောင့် ခရမ်းဘုရင်စာလုံးကို ယာယီစစ်ဆေးကြည့်ပြီးနောက် သူ၏ မိစ္ဆာအာရုံကို ပြန်ရုပ်သိမ်းလိုက်သည်။ သူက မှိတ်ထားသော မျက်လုံးကို အမြန်ပြန်ဖွင့်လိုက်သည်။</p> <p>သူက အနောက်ခြေထောက်နှစ်ချောင်းဖြင့် မြေကြီးကို ကန်ကျောက်၍ အရှေ့သို့ လွှားခနဲ ခုန်လိုက်သည်။ သူက မသေမျိုးကျင့်ကြံသူငါးယောက်၏ အလောင်းများအနားသို့ မြန်ဆန်စွာ ဆင်းသက်သွားသည်။ သူ၏ အကြည့်က သူတို့၏ ခန္ဓာကိုယ်ပေါ်မှ သိုလှောင်အိတ်များပေါ်သို့ ကျရောက်သွားသည်။ သူက သိုလှောင်အိတ်များကို ဆွဲဖြုတ်လိုက်ပြီး ယင်းတို့ကို သူ့ကိုယ်ပိုင်သိုလှောင်အိတ်ထဲသို့ ထည့်သွင်းလိုက်သည်။ ထို့နောက် သူက အလောင်းများ၏ ခန္ဓာကိုယ်ကို ဂရုတစိုက် စစ်ဆေးရှာဖွေလိုက်သည်။ နောက်ဆုံးမှာ အေးစက်စက်အကြည့်က စက်ကရာ၏ မျက်လုံးထဲမှာ ထွက်ပေါ်လာသည်။</p> <p>သူက အလောင်းငါးလောင်းကို ကြည့်နေရင်း သူ့ဘာသာ တွေးတောလိုက်သည်။</p> <p>“ မသေမျိုးကျင့်ကြံသူတွေရဲ့ ခန္ဓာကိုယ်က သာမန်တိရိစ္ဆာန်တွေထက် စွမ်းအင်အနှစ်သာရ ပိုများပြားတယ်… ဒီဟာတွေကို အလဟဿမဖြစ်စေရဘူး ”</p> <p>အတိတ်မှာ သူသည် လူသားစားခဲ့ဖူးသည်။ ထို့ကြောင့် လူသားထပ်စားရန် သူ့အတွက် ဝန်မလေးတော့ပေ။ မည်သို့ဖြစ်ပါစေ သူတို့က အသက်ဆုံးရှုံးပြီးသော အလောင်းများ ဖြစ်ကြသည်။ ရှုထောင့်တစ်ခုမှကြည့်လျှင် သူတို့က အသက်ဝိညာဉ်မရှိသော ရုပ်အခွံလွတ်များသာ ဖြစ်ကြသည်။ သူတို့ကို သူမစားလျှင်ပင် ငှက်များနှင့် သားရဲတိရိစ္ဆာန်များက သူတို့ကို စားသောက်ကြလိမ့်မည်။ ယခုအချိန်က သူ၏ ခွန်အားကို အမြန်ဆုံး တိုးမြှင့်ပေးနိုင်မည့် နည်းလမ်းများကို ရှာဖွေရမည့်အချိန် ဖြစ်သည်။</p> <p>ထို့ကြောင့် သူ၏ ခွန်အားကို တိုးမြှင့်ပေးနိုင်မည့် ဤသို့အခွင့်အရေးကောင်းကို သူလက်လွှတ်မခံနိုင်ပေ။</p> <p>ယင်းကို စဉ်းစားလိုက်သည့်အခါ သူ၏ ခန္ဓာကိုယ်က ချက်ချင်း တုန်ယင်သွားသည်။ မိစ္ဆာအရှိန်အဝါက သူ၏ မွေးညင်းပေါက်အားလုံးထံမှ အမြန်ပေါ်လျှိုးလာသည်။ တစ်ချိန်တည်းမှာ သူ၏ ကျားခန္ဓာကိုယ်က အဆမတန် ကြီးမားသွားသည်။</p> <p>ပေနှစ်ဆယ်…</p> <p>ပေသုံးဆယ်…</p> <p>ပေလေးဆယ်…</p> <p>ပေငါးဆယ်…</p> <p>သီရှီထျန်၏ ခန္ဓာကိုယ်သည် သာမန်မျက်စိဖြင့် မြင်နိုင်သော အလျင်နှင့်အတူ မြန်ဆန်စွာ ကြီးထွားသွားသည်။ မျက်စိတစ်မှိတ်အတွင်းမှာ သူက ပေငါးဆယ်မြင့်မားသော ဧရာမကျားတစ်ကောင် ဖြစ်လာသည်။ ကြီးကျယ်မြင့်မြတ်သော သားရဲအရှိန်အဝါက ဒီရေသဖွယ် ပေါ်လျှိုးလာသည်။ လွှမ်းမိုးဗိုလ်ကျသော အရှိန်အဝါကြောင့် ဘေးပတ်ဝန်းကျင်မှ လေထုက ချက်ချင်း တင်းကျပ်သွားသည်။ ယင်းက အလွန်ကြောက်စရာကောင်းသည်။</p> <p>“ ဟူး ”</p> <p>သူက ကျားပါးစပ်ကို ဟလိုက်သည်။ ထိုအခိုက်အတန့်မှာ သူ၏ ကျားပါးစပ်က ဧရာမတွင်းနက်တစ်ခုပမာ ဖြစ်လာသည်။ သူ့အရှေ့မှ လေကို စုပ်သွင်းလိုက်လေရာ ကြမ်းတမ်းသော လေပြင်းမုန်တိုင်းက သူ့အရှေ့မှာ ချက်ချင်း ထွက်ပေါ်လာသည်။</p> <p>လေပြင်းမုန်တိုင်း၏ တိုက်ခတ်မှုကြောင့် အလောင်းငါးလောင်းက လေထဲသို့ တစ်ပြိုင်နက် မြှောက်တတ်သွားကြသည်။ ထို့နောက် ယင်းတို့က သီရှီထျန်၏ လေစုပ်သွင်းမှုကြောင့် သူ၏ ပါးစပ်ထဲသို့ တစ်လောင်းပြီးတစ်လောင်း ဝင်သွားကြသည်။</p> <p> </p> <p style="text-align: center;">***</p>


Save