Book List

<h2 style="text-align: center;">အခန်း(၁၀၃)</h2> <h2 style="text-align: center;">*</h2> <p> </p> <p>အခြားတစ်ဖက်တွင် သီရှီထျန်သည် လှိုဏ်ခေါင်းကို ဖြတ်၍ မိစ္ဆာအသင်္ချေချိုင့်ဝှမ်းဆီသို့ ပြန်ရောက်လာသည်။</p> <p>သူက ချီဟောင်နှင့် တခြားလူများကို အနှောင့်အယှက်မပေးဘဲ သူ့ကိုယ်ပိုင်လှိုဏ်ဂူဆီသို့ တန်းမတ်စွာ ဦးတည်သွားသည်။</p> <p>သူက ရင်းနှီးကျွမ်းဝင်သော သားရဲအမွှေးပေါ်မှာ လဲလျောင်းလိုက်သည်။ ထို့နောက် သူက သူ့ခန္ဓာကိုယ်ပေါ်မှာ ချည်နှောင်ထားသော သိုလှောင်အိတ်ကို ဖြုတ်လိုက်သည်။ သိုလှောင်အိတ်က အရောင်ဝင်းလက်သွားသည့်အခါ အိတ်ထဲမှ ပစ္စည်းတစ်ခုပြီးတစ်ခုက အပြင်သို့ ထွက်လာကြသည်။ ယင်းတို့က သိုလှောင်အိတ်ငါးအိတ် ဖြစ်ကြသည်။</p> <p>ထိုသိုလှောင်အိတ်များ၏ အကာအကွယ်အစီအရင်က အလွန်အားနည်းသည်။ မိစ္ဆာသားရဲဖြစ်လာပြီးနောက် သီရှီထျန်၏ စွမ်းအားက ယခင်ကထက် အများကြီး ပိုသန်မာလာလေရာ အကာအကွယ်အစီအရင်ကို ချိုးဖြတ်ခြင်းက သူ့အတွက် ငှက်ပျောသီးအခွံနွှာရသကဲ့သို့ လွယ်ကူလှ၏။ အထူးသဖြင့် ထိုသိုလှောင်အိတ်များ၏ ပိုင်ရှင်များက သေဆုံးသွားကြပြီ ဖြစ်၏။ ထို့ကြောင့် သိုလှောင်အိတ်များကို ဖွင့်လှစ်ရန် သူက အများကြီး အားမစိုက်ထုတ်ရချေ။</p> <p>“ ခရက် ”</p> <p>ကြွပ်ဆပ်သောမြည်သံ ထွက်ပေါ်လာသည့်အခါ သိုလှောင်အိတ်ငါးခုစလုံးမှ ပစ္စည်းများက အပြင်သို့ တစ်ခုပြီးတစ်ခု ထွက်ကျလာကြသည်။ ထိုပစ္စည်းများ ထွက်ကျလာသည့်အခါ မူလက မည်းမှောင်နေသော လှိုဏ်ဂူက ရောင်စုံအလင်းများဖြင့် ထွန်းလင်းတောက်ပသွားသည်။ ပစ္စည်းများသည် အမျိုးအစားစုံလင်ပြီး အရောင်အသွေးစုံလင်သည်။</p> <p>“ ကြည့်ရတာ အဲ့ဒီမသေမျိုးကျင့်ကြံသူငါးယောက်က အတော်လေး ကြွယ်ဝချမ်းသာပုံပဲ ”</p> <p>သီရှီထျန်က စိတ်ထဲမှာ တွေးလိုက်သည်။</p> <p>သူ၏ အကြည့်က သူ့အရှေ့မှ ပစ္စည်းအပုံပေါ်သို့ ကျရောက်သွားသည်။ ယင်းတို့က အမှန်တကယ် အမျိုးအစားစုံလင်သည်။ ဝိညာဉ်အလင်းကို ထုတ်လွှတ်နေသော မှော်အဆောင်ဒါဇင်ခန့်ကို အရင်ဦးစွာ သူမြင်တွေ့သွားသည်။ သီရှီထျန်သည် ထိုဝိညာဉ်မှော်အဆောင်များကို အများကြီး ဂရုစိုက်မနေပေ။ သူက ယင်းတို့ကို သူ့ကိုယ်ပိုင်သိုလှောင်အိတ်ထဲမှာ ထည့်သိမ်းလိုက်သည်။ ထို့နောက် အရောင်မတူညီသော ကျောက်တုံးတချို့ကို သူမြင်တွေ့သွားသည်။ ထိုကျောက်တုံးများသည် တခြားကျောက်တုံးများနှင့် ကွဲပြားခြားနားသည်။ ယင်းတို့၏ မျက်နှာပြင်ပေါ်မှာ မတူညီသော အလင်းရောင်က ရွေ့လျားစီးဆင်းနေသည်။</p> <p>“ အဲ့ဒါ ဝိညာဉ်ကျောက်တုံးတွေပဲ… ကံမကောင်းတာက အရေအတွက်အရမ်းနည်းလွန်းတယ်… အဲ့ဒါတွေကို ကျင့်ကြံဖို့အတွက် အသုံးပြုမယ်ဆိုရင် အချိန်ကြာကြာခံမှာ မဟုတ်ဘူး ”</p> <p>သူက အရောင်တောက်ပနေသော ကျောက်တုံးများကို ကြည့်လိုက်သည်။ မသေမျိုးကျင့်ကြံခြင်းလောကအကြောင်း သူသိထားသော ဗဟုသုတများအရ ယင်းတို့က ဝိညာဉ်ကျောက်တုံးများဖြစ်ကြောင်း သူသိလိုက်သည်။ တစ်စုံတစ်ယောက်သည် ကျင့်ကြံနေသည့်အချိန် ဝိညာဉ်ကျောက်တုံးများကို လက်ထဲမှာ ဆုပ်ကိုင်ထားလျှင် ဝိညာဉ်ကျောက်တုံးများထဲမှ စွမ်းအားကို စုပ်ယူနိုင်လိမ့်မည်။</p> <p>ဝိညာဉ်ကျောက်တုံးများထဲမှာ ကိန်းအောင်းနေသော ဝိညာဉ်စွမ်းအားက အလွန်ပေါများသည်။ ဝိညာဉ်ကျောက်တုံးများထဲမှ စွမ်းအားကို စုပ်ယူလျှင် ကျင့်ကြံခြင်းအမြန်နှုန်းက သိသိသာသာ ပိုမြန်သွားလိမ့်မည်။</p> <p>အတိတ်မှာလည်း သူက ဝိညာဉ်ကျောက်တုံးများကို ရရှိခဲ့သည်။ သို့တိုင် ဤတစ်ကြိမ် သူရရှိခဲ့သော ဝိညာဉ်ကျောက်တုံးများကို ထည့်ပေါင်းလျှင်ပင် အရေအတွက်က အလွန်နည်းပါးနေဆဲ ဖြစ်၏။ စုစုပေါင်း ဝိညာဉ်ကျောက်တုံး(၃၅)ခုသာ ရှိ၏။ ထို့ပြင် ယင်းတို့အားလုံးက အဆင့်နိမ့်ဝိညာဉ်ကျောက်တုံးများ ဖြစ်ကြသည်။</p> <p>ယင်းတို့ကို သူ၏ ကျင့်ကြံခြင်းမှာ အသုံးပြုမည်ဆိုလျှင် အချိန်ကြာကြာ အသုံးပြုရလိမ့်မည် မဟုတ်ချေ။</p> <p>စက်ကရာက စိတ်ထဲမှာ ခါးသီးစွာ ပြုံးလိုက်ပြီး ဝိညာဉ်ကျောက်တုံးများကို သူ၏ သိုလှောင်အိတ်ထဲမှာ ထည့်သိမ်းလိုက်သည်။ ထို့နောက် သူက တခြားကျင့်ကြံခြင်းပစ္စည်းများကို စစ်ဆေးကြည့်လိုက်သည်။ ယင်းတို့ကို စစ်ဆေးပြီးနောက် သူက ပစ္စည်းအားလုံးကို သူ၏ သိုလှောင်အိတ်ထဲမှာ ထည့်သိမ်းလိုက်သည်။</p> <p>အချိန်တစ်ခဏကြာပြီးနောက် သူ၏ အရှေ့မှာ ရှေးဟောင်းစာအုပ်တချို့သာ ကျန်ရှိတော့သည်။</p> <p>“ အတိတ်မှာတုန်းက ငါက ရှေးဟောင်းစာအုပ်တစ်အုပ်ဆီကနေ အခြေခံမန္တန်တချို့ကို ရှာတွေ့ခဲ့တယ်… ဒီရှေးဟောင်းစာအုပ်တွေထဲမှာရော ဘယ်လိုအရာတွေ မှတ်တမ်းတင်ထားမလဲ ငါသိချင်မိတယ် ”</p> <p>သီရှီထျန်သည် သူ့အရှေ့မှ စာအုပ်များကို ကြည့်နေရင်း အနည်းငယ် စိတ်လှုပ်ရှားသွားသည်။ ယင်းတို့က မသေမျိုးကျင့်ကြံသူများ၏ ရှေးဟောင်းစာအုပ်များ ဖြစ်ကြသည်။ သူက မိစ္ဆာသားရဲတစ်ကောင်ဖြစ်လေရာ မသေမျိုးကျင့်ကြံခြင်းလောကအကြောင်း အနည်းအကျဉ်းသာ သိထားသည်။</p> <p>ထို့ကြောင့် မသေမျိုးကျင့်ကြံခြင်းနှင့်သက်ဆိုင်သော မည်သည့်ဗဟုသုတကိုမဆို သူတန်ဖိုးထားသည်။ ထို့ကြောင့် သူက ထိုရှေးဟောင်းစာအုပ်များကို တန်ဖိုးကြီးရတနာများသဖွယ် သဘောထားသည်။</p> <p>သူက ရှေးဟောင်းစာအုပ်တစ်အုပ်ကို ကောက်ယူလိုက်ပြီး တစ်ချက်ကြည့်လိုက်သည်။</p> <p>“ ခရမ်းတောင်တန်းခရီးစဉ်… ဒီစာအုပ်က ဘာလဲ ”</p> <p>စာအုပ်အဖုံးပေါ်တွင် “ ခရမ်းတောင်တန်းခရီးစဉ် ”ဟူသော စကားလုံးများကို ရေးသားထားသည်။ ထိုစာအုပ်၏ နာမည်သည် သူ့အား ယခင်ဘဝတွင် သူဖတ်ခဲ့ဖူးသော “ ဂန္တဝင်တောင်တန်းများနှင့် ပင်လယ်များ ”စာအုပ်ကို ပြန်အမှတ်ရစေသည်။ သူ၏ ခန့်မှန်းမှုအရ ယင်းက မသေမျိုးကျင့်စဉ်စာအုပ် မဖြစ်နိုင်ပေ။ ယင်းက “ ဂန္တဝင်တောင်တန်းများနှင့် ပင်လယ်များ ”စာအုပ်နှင့် အမျိုးအစားတူညီသည်။</p> <p>အမှန်မှာ ယင်းက သူ၏ မျှော်လင့်ထားမှုအတွင်းမှာ ဖြစ်သည်။ သူက စာအုပ်ကို ဖွင့်လိုက်ပြီး ပထမဆုံးစာမျက်နှာကို ဖတ်လိုက်သည်။</p> <p>“ ကျုပ်က လွတ်လပ်တဲ့ ကျောင်းတော်သားတစ်ဦးဖြစ်တယ်… နှစ်ပေါင်းသုံးရာကြာပြီးနောက်မှာ ကျုပ်က အမြူတေဖွဲ့စည်းခြင်းနယ်ပယ်ကို ရောက်ရှိသွားခဲ့တယ်… ကျုပ်ရဲ့ ပါရမီက အကန့်အသတ်ရှိတာကို ကျုပ်သိတယ်… ဒီဘဝမှာ ဝိညာဉ်သန္ဓေတည်နယ်ပယ်ကို ကျုပ်မရောက်နိုင်ဘူးဆိုတာ သိလိုက်တယ်… ဒါကြောင့် ကျုပ်က စာပေတွေကို အဓိကထားလေ့လာခဲ့တယ်… ဒီခရမ်းရွှေကုန်းမြေမှာ နေရာဒေသအသီးသီးက ထူးဆန်းတဲ့ ပုံပြင်တွေနဲ့ ဒဏ္ဍာရီတွေအကြောင်း မှတ်တမ်းတင်ထားတဲ့ စာအုပ်မရှိသေးတာကို ကျုပ်သတိထားမိတယ်… ဒါကြောင့် ကျုပ်က ကျန်ရှိတဲ့ အနှစ်သုံးရာသက်တမ်းကို အသုံးပြုပြီး ကုန်းမြေရဲ့ နေရာဒေသအသီးသီးကို သွားရောက်ခဲ့တယ်… ထူးဆန်းတဲ့ ပုံပြင်တွေနဲ့ ဒဏ္ဍာရီတွေကို ကျုပ်လိုက်လံစုဆောင်းခဲ့ပြီး မှတ်တမ်းတင်ခဲ့တယ်… အဲ့ဒါက နောင်လာနောင်သားတွေအတွက် အကျိုးတစ်စုံတစ်ရာရှိမယ်လို့… ”</p> <p>ထိုအထိ ဖတ်ရှုပြီးနောက် သီရှီထျန်သည် “ ခရမ်းတောင်တန်းခရီးစဉ် ”စာအုပ်က သူမျှော်လင့်ထားသည်နှင့် တူညီနေကြောင်း နားလည်သွားသည်။</p> <p>ယင်းက မသေမျိုးကျင့်စဉ်စာအုပ် မဟုတ်ပေ။ သို့သော်လည်း ယင်း၏ အရေးပါမှုက မသေမျိုးကျင့်စဉ်တစ်ခုထက် မလျော့ပေ။ ထိုစာအုပ်ဖြင့်ဆိုလျှင် သူက ဤကုန်းမြေအကြောင်း အမြန်ဆုံး နားလည်သဘောပေါက်သွားလိမ့်မည်။ ထို့ကြောင့် သီရှီထျန်သည် စာအုပ်ကို ကြည့်နေရင်း ဝမ်းသာပျော်ရွှင်သွားသည်။ သို့သော်လည်း သူက စာအုပ်ကို ချက်ချင်း မဖတ်သေးပေ။</p> <p>ယင်းအစား သူက ထိုစာအုပ်ကို ဘေးမှာ ချထားလိုက်ပြီး တခြားစာအုပ်တစ်အုပ်ကို ကောက်ယူလိုက်သည်။</p> <p>“ အမ်… လက်နက်သန့်စင်ခြင်းအခြေခံ ”</p> <p>ထိုစာအုပ်၏ ခေါင်းစဉ်ကို မြင်သွားသောအခါ သီရှီထျန်၏ မျက်လုံးက ဝင်းလက်တောက်ပသွားသည်။</p> <p>မသေမျိုးကျင့်ကြံသူများဆီတွင် မိစ္ဆာမျိုးနွယ်စု မယှဉ်ပြိုင်နိုင်သော အားသာချက်နှစ်ခု ရှိသည်။ ပထမတစ်ခုက ဆေးပညာဖြစ်သည်။ သူတို့သည် ကျင့်ကြံခြင်းတွင် အထောက်အကူပြုနိုင်သော အံ့ဖွယ်ဆေးလုံးအများအပြားကို ဖန်တီးသန့်စင်နိုင်ကြသည်။ ဆေးလုံးများသည် သူတို့၏ ကျင့်ကြံခြင်းအမြန်နှုန်းကို ကြီးမားစွာ တိုးမြှင့်ပေးနိုင်ပြီး အဆင့်ချိုးဖြတ်ရာတွင် ပိုမိုလွယ်ကူစေသည်။</p> <p>မသေမျိုးကျင့်ကြံသူများသည် မိုးမြေကြားမှ ဝိညာဉ်ဆေးပင်များကို အသုံးပြု၍ အထူးအာနိသင်ရှိသော အံ့ဖွယ်ဆေးလုံးများကို ဖန်တီးသန့်စင်နိုင်ကြသည်။ ထိုသို့နည်းလမ်းသည် အလွန်အံ့ဖွယ်ကောင်းသည်။ ယင်းကို သီရှီထျန်ကိုယ်တိုင်ပင် တွေ့ကြုံခဲ့ရသည် မဟုတ်ပါလော။ အတိတ်မှာ သူသောက်သုံးခဲ့သော စွမ်းအင်စုစည်းဆေးလုံးများက သူ၏ ကျင့်ကြံခြင်းအမြန်နှုန်းကို သိသိသာသာ ပိုမြန်ဆန်စေခဲ့သည်။ ဆေးလုံးများ၏ အကူအညီကြောင့်မဟုတ်လျှင် သူက ထိုမျှမြန်မြန် မိစ္ဆာသားရဲဖြစ်လာလိမ့်မည် မဟုတ်ချေ။</p> <p>ဒုတိယအားသာချက်က လက်နက်သန့်စင်ခြင်း ဖြစ်သည်။</p> <p>မသေမျိုးကျင့်ကြံသူအများစုသည် ရုပ်ခန္ဓာကိုယ်အားနည်းကြသည်။ သူတို့က ဝိညာဉ်စွမ်းအားကို အဓိကထား၍ ကျင့်ကြံကြလေရာ ရုပ်ခန္ဓာကိုယ်ကို လျစ်လျူရှုထားကြသည်။ ထို့ကြောင့် မသေမျိုးကျင့်ကြံသူများ၏ ရုပ်ခန္ဓာကိုယ်သည် မိစ္ဆာမျိုးနွယ်စုကို မယှဉ်နိုင်ပေ။</p> <p>သို့သော် မသေမျိုးကျင့်ကြံသူများသည် အမျိုးအစားစုံလင်သော ဓမ္မလက်နက်များနှင့် ဓမ္မရတနာများကို ဖန်တီးသန့်စင်နိုင်ကြသည်။ ယင်းက သူတို့၏ တိုက်ပွဲစွမ်းအားကို အမြင့်ဆုံးအထိ တိုးမြှင့်ပေးနိုင်သည်။</p> <p>တစ်စုံတစ်ယောက်သည် အဆင့်မြင့်ဓမ္မလက်နက်တစ်ခုကို ပိုင်ဆိုင်ထားလျှင် သူ့ထက် အဆင့်ပိုမြင့်သော ရန်သူများကိုပင် စိန်ခေါ်နိုင်သည်။</p> <p>တချို့ဓမ္မရတနာများသည် မိုးကောင်းကင်ကို တုန်လှုပ်စေနိုင်စွမ်းရှိသည်။</p> <p>ထို့ကြောင့် မသေမျိုးကျင့်ကြံသူများ၏ လက်နက်သန့်စင်ခြင်းနည်းလမ်းက အလွန်အံ့ဖွယ်ကောင်းသည်။</p> <p>စက်ကရာသည် မသေမျိုးကျင့်ကြံသူများ၏ ဆေးပညာနှင့် လက်နက်သန့်စင်ခြင်းနည်းလမ်းကို ရရှိရန် အမြဲတမ်း မျှော်လင့်တောင့်တနေခဲ့သည်။ ထိုနည်းလမ်းများကို မိစ္ဆာသားရဲဖြစ်သော သူသည်လည်း အသုံးပြုနိုင်မည်လော သိချင်သည်။ အကယ်၍ ယင်းတို့ကို သူအသုံးပြုနိုင်မည်ဆိုလျှင် အကျိုးအမြတ်က သူစိတ်ကူးမယဉ်နိုင်အောင် အလွန်ကြီးမားလိမ့်မည်။</p> <p>“ လက်နက်သန့်စင်ခြင်းအခြေခံ ”</p> <p>ရှေးဟောင်းစာအုပ်၏ နာမည်မှတဆင့် ယင်းက မသေမျိုးကျင့်ကြံခြင်းလောက၏ လက်နက်သန့်စင်ခြင်းနှင့်သက်ဆိုင်သော အခြေခံဗဟုသုတများကို ဖော်ပြထားသည့် စာအုပ်ဖြစ်ကြောင်း ထင်ရှား၏။ သို့တိုင် သီရှီထျန်က အလွန်စိတ်လှုပ်ရှားနေသည်။</p> <p>အခြေခံလမ်းညွှန်မှုစာအုပ်က ကောင်းမွန်သည်။ ယခုအချိန်မှာ သူလိုအပ်နေသော အရာက ထိုသို့အခြေခံစာအုပ်များသာ ဖြစ်၏။ သူသည် လက်နက်သန့်စင်ခြင်းအကြောင်း ဘာမှမသိပေ။ သို့ဖြစ်၍ သူ၏ အရှေ့မှာ အဆင့်မြင့်လက်နက်သန့်စင်ခြင်းစာအုပ်ရှိလျှင်ပင် ယင်းက သူ့အတွက် အသုံးမဝင်နိုင်ပေ။ စိတ်ပျက်မှုကိုသာ သူခံစားရလိမ့်မည်။</p> <p>ယင်းကို ဤသို့တွေးနိုင်၏။ အကယ်၍ မူလတန်းကျောင်းသားတစ်ယောက်ကို အထက်တန်းဖတ်စာအုပ် ပေးမည်ဆိုလျှင် ကျောင်းသားက ယင်းကို မည်သို့နားလည်နိုင်မည်နည်း။</p> <p>ဆိုးရိုးစကားတစ်ခု ရှိသည်။</p> <p>“ လက်ထဲမှာရှိနေတဲ့ ငှက်တစ်ကောင်က အပင်ပေါ်က ငှက်ဆယ်ကောင်ထက် သာလွန်တယ် ”</p> <p>ထိုသဘောတရားသည် အတော်လေး ရိုးရှင်းပြီး နားလည်ရလွယ်ကူသည်။ လက်ရှိအချိန်မှာ အသင့်တော်ဆုံးသည် အကောင်းဆုံး ဖြစ်သည်။ လက်ရှိအချိန်တွင် “ လက်နက်သန့်စင်ခြင်းအခြေခံ ”စာအုပ်သည် လက်နက်သန့်စင်ခြင်းအကြောင်း ဘာမှမသိထားသော သီရှီထျန်အတွက် အသင့်တော်ဆုံး ဖြစ်သည်။</p> <p>သူ၏ ကျားမျက်လုံးက အရောင်ဝင်းလက်သွားသည်။ သူက ကျားလက်သည်းကို ထုတ်လိုက်ပြီး ရှေးဟောင်းစာအုပ်ကို သူ့အရှေ့မှာ ထားလိုက်သည်။ သူက စာရွက်များကို လှန်လှောဖတ်လိုက်သည်။</p> <p>“ ဒီလောကမှာ မှော်စွမ်းအားပါဝင်နေတဲ့ သတ္ထုတွေနဲ့ အမြူတေတွေ အမျိုးအစားအများကြီး ရှိတယ်… သူတို့က မိုးမြေကြားမှာ ဆင့်ကဲပြောင်းလဲသွားကြတဲ့ ဝိညာဉ်ရတနာတွေဖြစ်ပြီး မတူညီတဲ့ မှော်စွမ်းအားကို ပိုင်ဆိုင်ထားကြတယ်… ဒါပေမဲ့ ကောင်းကင်ဘုံသတ္ထုတွေနဲ့ မြေကြီးရတနာတွေထဲမှာ မသန့်စင်မှုတွေက အမြဲတမ်းလိုလို ပါဝင်နေတတ်တယ်… အဲ့ဒါတွေကို အသုံးမပြုနိုင်ဘူး… တကယ်လို့ အသုံးပြုမယ်ဆိုရင် သတ္ထုတွေရဲ့ မှော်စွမ်းအားက အပြည့်အဝ ထွက်ပေါ်လာမှာ မဟုတ်ဘူး… ဒါကြောင့် လက်နက်သန့်စင်ခြင်းပညာရပ်က ဒီလောကမှာ ပေါ်ထွန်းလာခဲ့တယ်… ”</p> <p>လက်နက်သန့်စင်ခြင်းသည် အဘယ်နည်း။</p> <p>လက်နက်သန့်စင်ခြင်းဟူသည် မိုးမြေကြားမှ သတ္ထုအမျိုးမျိုးကို တစ်ခုတည်းအဖြစ် ပေါင်းစည်းကာ အစီအရင်၏ မှော်စွမ်းအားကို အသုံးပြု၍ လက်နက်ထဲမှ စွမ်းရည်ကို လှုံ့ဆော်ခြင်း ဖြစ်သည်။</p> <p>ထိုသို့နည်းလမ်းက လက်နက်၏ စွမ်းရည်နှင့် အလားအလာကို အမြင့်ဆုံးသို့ တွန်းပို့ပေးနိုင်သည်။ လက်နက်သန့်စင်ခြင်းက ကောင်းကင်ဘုံလက်နက်များ၊ ဓမ္မရတနာများနှင့် ဝိညာဉ်ရတနာများကိုပင် ဖန်တီးပေးနိုင်သည်။</p> <p>လက်နက်သန့်စင်ခြင်းလမ်းစဉ်က အလွန်နက်နဲသိမ်မွေ့ပြီး ကျယ်ပြောသည်။ တစ်စုံတစ်ယောက်သည် လက်နက်သန့်စင်ခြင်း၏ အမြင့်ဆုံးအဆင့်သို့ ရောက်ရှိမည်ဆိုလျှင် လက်နက်သန့်စင်ခြင်းဖြင့်ပင် တာအိုကို ရှာဖွေနိုင်လိမ့်မည်။</p> <p>“ ကောင်းတယ်… ရေးထားတာ ရှင်းတယ် ”</p> <p>သီရှီထျန်သည် စာအုပ်ကို ဖတ်နေရင်း စိတ်ကျေနပ်စွာ ခေါင်းညိတ်လိုက်သည်။ စာအုပ်ထဲမှာ ရေးသားထားသော စကားလုံးများက အလွန်ရိုးရှင်းပြီး ပွင့်လင်းသည်။ လက်နက်သန့်စင်ခြင်းအကြောင်း ဘာမှမသိထားသော လူများသည်ပင် ယင်း၏ ဆိုလိုရင်းကို ရှင်းလင်းစွာ နားလည်သဘောပေါက်နိုင်သည်။ ထို့ပြင် စာအုပ်ထဲမှာ လက်နက်သန့်စင်ခြင်းနှင့်သက်ဆိုင်သော ဒဿနများလည်း အကြမ်းဖျဉ်း ပါဝင်သည်။</p> <p>သူက စိတ်ထဲမှာ တိတ်တဆိတ် သက်ပြင်းချလိုက်သည်။ သူက ရှေးဟောင်းစာအုပ်ကို အာရုံစူးစိုက်၍ ဆက်ဖတ်လိုက်သည်။</p> <p>ဤလောကတွင် လက်နက်သန့်စင်ခြင်းနည်းလမ်း ထောင်သောင်းချီရှိသည်။ သို့သော်လည်း လက်နက်သန့်စင်ခြင်း၏ အဓိကနည်းလမ်းက အတူတူသာ ဖြစ်၏။ အဓိကနည်းလမ်းနှစ်ခု ရှိသည်။ ပထမနည်းလမ်းသည် ကောင်းကင်ဘုံလက်နက်များနှင့် ဓမ္မရတနာများကို ဖန်တီးသန့်စင်ရန် အစီအရင်၏ အကူအညီဖြင့် သတ္ထုပစ္စည်းအမျိုးမျိုးကို အတူတကွ ပေါင်းစည်းခြင်း ဖြစ်သည်။ ယင်းက ရိုးရာနည်းလမ်းဖြစ်သည်။ ထိုသို့နည်းလမ်းဖြင့် သန့်စင်ထားသော လက်နက်များ၏ အရည်အသွေးသည် လက်နက်သန့်စင်သူ၏ ကျင့်ကြံခြင်းစွမ်းအား၊ လက်နက်သန့်စင်ရန် အသုံးပြုခဲ့သော သတ္ထုပစ္စည်းများပေါ်မှာ အဓိကမူတည်သည်။</p> <p>လက်နက်သန့်စင်သူ၏ ကျင့်ကြံခြင်းအဆင့်က ပိုပြီးမြင့်မားလေ သို့မဟုတ် သတ္ထုပစ္စည်းများ၏ အရည်အသွေးက ပိုပြီးမြင့်မားလေ ကောင်းကင်ဘုံလက်နက်များနှင့် ဓမ္မရတနာများ၏ အရည်အသွေးက ပိုပြီးကောင်းမွန်လေ ဖြစ်သည်။</p> <p>သို့သော် ထိုသို့ဓမ္မလက်နက်များဆီမှာ အကန့်အသတ်ရှိသည်။ များသောအားဖြင့် လက်နက်သန့်စင်ပြီးနောက် ယင်းကို နောက်ထပ် အဆင့်မမြှင့်တင်နိုင်တော့ပေ။ အလွန်ရှားပါးသော လူအနည်းစုသာလျှင် ကံကောင်းထောက်မ၍ အဆင့်မြှင့်တင်နိုင်ကြသည်။</p> <p>ဒုတိယမြောက်နည်းလမ်းက သက်စောင့်ဓမ္မလက်နက်သန့်စင်ခြင်း ဖြစ်သည်။</p> <p>သက်စောင့်ဓမ္မလက်နက်များသည် အလွန်ထူးခြားဆန်းကြယ်သည်။ သက်စောင့်ဓမ္မလက်နက်ကို ဖန်တီးသန့်စင်ရန်အလို့ငှာ သွေးချီအနှစ်သာရကို လိုအပ်ပြီး ဓမ္မလက်နက်၏ ကမ္ဘာဦးဝိညာဉ်နှင့် ပေါင်းစည်းရလိမ့်မည်။ ထို့ပြင် လက်နက်အပေါ်မှာ အန္တိမကောင်းကင်ဘုံကိုးခုမူလပြန်အစီအရင်ကို ရေးထွင်းရလိမ့်မည်။ သို့မှသာ သက်စောင့်ဓမ္မလက်နက်ကို အောင်မြင်စွာ ဖန်တီးသန့်စင်နိုင်လိမ့်မည်။ သက်စောင့်ဓမ္မလက်နက်ဆီမှာ အကန့်အသတ်မဲ့သော အလားအလာရှိသည်။ ယင်းက အဆက်မပြတ် ဆင့်ကဲပြောင်းလဲနိုင်သည်။ ယင်းကို သေချာပျိုးထောင်မည်ဆိုလျှင် ဓမ္မလက်နက်က ဓမ္မရတနာအဖြစ် အဆင့်မြင့်တတ်သွားနိုင်သည်။</p> <p>“ သက်စောင့်ဓမ္မလက်နက်လား ”</p> <p> </p> <p style="text-align: center;">***</p>


Save