Book List

<h2 style="text-align: center;">အခန်း(၁၀၅)</h2> <h2 style="text-align: center;">*</h2> <p> </p> <p>“ ဟား ဟား… မြန်မြန်ကြည့်စမ်း… တောင်ပိုင်းမြေရိုင်းဒေသကို ဝိညာဉ်စွမ်းအားကြွယ်ဝတဲ့ ရတနာကုန်းမြေလို့ ပြောကြတာ အကြောင်းမဲ့မဟုတ်ဘူး… ဒီမှာ ယုန်တစ်ကောင်ကတောင် ဝိညာဉ်စွမ်းအားကို ပိုင်ဆိုင်ထားတယ်… အဲ့ဒီယုန်ကို ဖမ်းကြမယ်… အဲ့ဒီယုန်ကို မိန်းကလေးတွေဆီ ပြန်ရောင်းနိုင်တယ် ”</p> <p>“ အကိုထန်… ဒီတစ်ကြိမ် ကျုပ်တို့ကံက အရမ်းကောင်းတာပဲ… ဝိညာဉ်သံလိုက်အိမ်မြှောင်ကို ရှာမတွေ့ရင်တောင် ကိစ္စမရှိဘူး… ဝိညာဉ်ဆေးပင်တချို့နဲ့ အဲ့ဒီယုန်ကို ရောင်းချမယ်ဆိုရင် ကျုပ်တို့ ကျင့်ကြံဖို့အတွက် ဝိညာဉ်ကျောက်တုံးတွေ မရှားတော့ဘူး ”</p> <p>“ ဟား ဟား ဒါပေါ့ကွ…  ”</p> <p>အသက်နှစ်ဆယ်ခန့်သာ ရှိသေးသော လူငယ်ကျင့်ကြံသူနှစ်ယောက်သည် တောအုပ်ထဲမှာ ဘေးချင်းကပ်၍ အတူတကွ လမ်းလျှောက်နေကြသည်။ သူတို့နှင့် မနီးမဝေးတွင် နှင်းကဲ့သို့ ဖြူဖွေးဆွတ်သော ယုန်တစ်ကောင်ရှိသည်။ ယုန်၏ ခန္ဓာကိုယ်သည် ဝိညာဉ်စွမ်းအားကို ထုတ်လွှတ်နေသည်။ သူ၏ မျက်လုံးများက အမြဲတစေ ရွေ့လျားနေပြီး စိတ်ခံစားချက်အရိပ်အယောင်က ထွက်ပေါ်နေသည်။ ရှင်းလင်းစွာပင် ထိုယုန်သည် သာမန်မဟုတ်ပေ။ ၎င်းက ဝိညာဉ်အသိဉာဏ်ရှိသော ယုန်ဖြစ်သည်။</p> <p>မသေမျိုးကျင့်ကြံခြင်းလောကတွင် ထိုသို့အသိဉာဏ်ရှိသော တိရိစ္ဆာန်အကောင်ငယ်လေးများကို အမျိုးသမီးကျင့်ကြံသူများက အလွန်စိတ်ဝင်စားကြသည်။</p> <p>လူငယ်ကျင့်ကြံသူနှစ်ယောက်သည် ဝိညာဉ်ယုန်ကို ဖမ်းဆီးရန် ဝိညာဉ်မှော်အဆောင်အမျိုးမျိုးကို စိတ်လှုပ်ရှားစွာ ထုတ်လိုက်ကြသည်။ သို့သော်လည်း ထိုစဉ် အပြောင်းအလဲတစ်ခု ထွက်ပေါ်လာသည်။</p> <p>“ ဖူချီ ”</p> <p>အသွေးအသားဆုတ်ဖြဲသံက ရုတ်တရက် ထွက်ပေါ်လာသည်။ အနက်ရောင်ကျားလက်သည်းက ထန်မျိုးရိုးနာမည်နှင့် ကျင့်ကြံသူ၏ ရင်ဘက်ကို ထုတ်ချင်းဖောက်သွားသည်။ တစ်ချိန်တည်းမှာ အလွန်အားကောင်းသော မိစ္ဆာချီက သူ၏ ခန္ဓာကိုယ်ထဲသို့ ဝင်ရောက်သွားပြီး သူ၏ အသက်ဓာတ်ကို ဖျက်ဆီးလိုက်သည်။ အသက်ဓာတ်ကုန်ဆုံးသွားသည့်အခါ သူ့မျက်လုံးထဲမှ အလင်းရောင်က တဖြည်းဖြည်း မှေးမှိန်သွားသည်။</p> <p>“ အား… ဘယ်သူလဲ ”</p> <p>ယင်းကို တခြားလူငယ် မြင်သွားသောအခါ သူက ကြောက်လန့်တုန်လှုပ်သွားသည်။ ရှည်လျားသော ရွှေရောင်ဓားမော့တစ်လက်က သူ၏ လက်ထဲမှာ ထွက်ပေါ်လာသည်။ ဓားမော့သည် သူ၏ အရှေ့တွင် ထွန်းလင်းတောက်ပသော ရွှေရောင်အလင်းကို ထုတ်လွှတ်လိုက်သည်။ ရွှေရောင်အလင်းထဲတွင် သွေးညှီနံ့တချို့ ထွက်ပေါ်နေသည်။ ဓားမော့ထွက်ပေါ်လာသည့်အခိုက် ရက်စက်ကြမ်းကြုတ်သော အရှိန်အဝါက သူ၏ ခန္ဓာကိုယ်တစ်ဝိုက်မှာ ပေါ်လျှိုးလာသည်။ ဓားမော့၏ အလျင်သည် အလွန်မြန်ဆန်သည်။ ဓားမော့ကို ဆွဲထုတ်လိုက်သည့်အခိုက် ကြွင်းကျန်ဓားပုံရိပ်များက ဘေးပတ်ဝန်းကျင်မှာ ထွက်ပေါ်လာကြသည်။ ဓားမော့၏ အသွားပေါ်တွင် အေးစက်စက် ရွှေရောင်အလင်းက ပြိုးပြိုးပြက်ပြက် ဝင်းလက်သွားသည်။</p> <p>ယင်းက အလယ်အလတ်အဆင့် ဓမ္မလက်နက် သူရိန်ဓားမော့ ဖြစ်သည်။ အကယ်၍ တစ်ပုံစံတည်းတူညီသော သူရိန်ဓားမော့ကိုးလက် သို့မဟုတ် ကိုးလက်ထက် ပိုရှိမည်ဆိုလျှင် သူတို့က သူရိန်ဓားမော့ဓားဝင်္ကပါကို ဖွဲ့စည်းနိုင်ကြလိမ့်မည်။ သူရိန်ဓားမော့သည် ယင်း၏ ထက်ရှမှုကြောင့် နာမည်ကျော်ကြားသည်။</p> <p>“ ထန် ”</p> <p>သို့သော်လည်း သူရိန်ဓားမော့ ထွက်ပေါ်လာသည်နှင့်ချက်ချင်း အနက်ရောင်လက်သည်းတစ်ခုက ဓားမော့၏ အရှေ့မှာ မည်သည့်သတိပေးမှုမှ မပြုလုပ်ဘဲ ရုတ်တရက် ထွက်ပေါ်လာသည်။ လက်သည်းသည် ကျားတစ်ကောင်၏ လက်သည်းဖြစ်သည်။</p> <p>မဟူရာမိစ္ဆာချီသည် ကျားလက်သည်း၏ ဘေးနားတစ်ဝိုက်မှာ ထူထဲစွာ ရစ်ဝဲနေသည်။ အလွန်ထက်ရှသော သူရိန်ဓားမော့နှင့် တွေ့ဆုံသွားသည့်အခါ ကျားလက်သည်းက အနက်ရောင်အလင်းကို ထုတ်လွှတ်လိုက်သည်။</p> <p>အနက်ရောင်အလင်း၏ ဖုံးအုပ်မှုအောက်မှာ ကျားလက်သည်းက စိန်ကဲ့သို့ မာကျောလာသည်။ ထို့ကြောင့် ကျားလက်သည်းပေါ်တွင် ခြစ်ရာတစ်ခုမှ မကျန်ခဲ့ပေ။</p> <p>“ ဘန်း ”</p> <p>သူရိန်ဓားမော့ကို ခုခံတားဆီးပြီးနောက် ကျားလက်သည်းသည် နေရာမှာ ရပ်တန့်မသွားပေ။ ယင်းအစား ကျားလက်သည်းက မှောက်လှန်လိုက်သည်။ ထိုအခါ မိစ္ဆာချီက တစ်ဟုန်ထိုး မြှောက်တတ်သွားသည်။ ဘေးပတ်ဝန်းကျင်မှ လေထုက ရုတ်တရက် အေးစိမ့်သွားသည်။ ထို့နောက် တောင်ကြီးတစ်တောင်နှယ် ကြီးမားလေးလံသော ဖိအားက အောက်သို့ ဆင်းသက်လာသည်။</p> <p>ကျားလက်သည်းက သူရိန်ဓားမော့ကို ရိုက်ချလိုက်သည်။ ကြွပ်ဆပ်သော မြည်သံက ဓားမော့ထံမှ ထွက်ပေါ်လာသည်။ ကျားလက်သည်း၏ ရိုက်ချက်ကြောင့် ဓားမော့ထံမှ ရွှေရောင်အလင်းက ချက်ချင်း မှေးမှိန်သွားသည်။ သူရိန်ဓားမော့သည် မြေကြီးပေါ်သို့ ပြုတ်ကျသွားပြီး အထဲသို့ စိုက်ဝင်သွားသည်။</p> <p>တစ်ချိန်တည်းမှာ တခြားကျားလက်သည်းတစ်ခုက လေကို ဖြတ်သန်းသွားပြီး ကျင့်ကြံသူ၏ ဝမ်းဗိုက်ကို တိုက်ရိုက် ထိုးဖောက်သွားသည်။ ကျင့်ကြံသူသည် အော်ဟစ်ရန်ပင် အချိန်မရဘဲ အသက်ဆုံးရှုံးသွားသည်။ သူ၏ ခန္ဓာကိုယ်ထဲမှ အားအင်အားလုံးက ပျောက်ဆုံးသွားပြီး သူ၏ မျက်လုံးထဲမှ အလင်းရောင်က မှေးမှိန်သွားသည်။</p> <p>အလောင်းနှစ်လောင်း၏ မနီးမဝေးတွင် ကျားနက်တစ်ကောင်က ရပ်နေသည်။ သူ၏ နဖူးပေါ်တွင် ခရမ်းရောင်ဘုရင်စာလုံးက တအိအိလှုပ်ယမ်းနေသည်။ သူ၏ နဖူးပေါ်မှ ခရမ်းရောင်ဘုရင်စာလုံးမှလွဲလျှင် သူ၏ တစ်ကိုယ်လုံးက အနက်ရောင်ဖြစ်သည်။</p> <p>မှန်ပေသည်။ ထိုကျားနက်သည် မိစ္ဆာအသင်္ချေချိုင့်ဝှမ်းမှ ထွက်လာသော သီရှီထျန်မှလွဲ၍ တခြားမဟုတ်ပေ။</p> <p>လူသတ်ပြီးသော်လည်း စက်ကရာ၏ မျက်လုံးထဲမှ အကြည့်က မပြောင်းလဲသွားပေ။ မထူးမခြားနားမှုနှင့် အေးစက်မှုက ယခင်အတိုင်း ဆက်ရှိနေဆဲပင်။ သူ၏ အတွေးတစ်ချက်ကြောင့် သူ့နဖူးပေါ်မှ ခရမ်းရောင်ဘုရင်စာလုံးက ခရမ်းရောင်အလင်းကို အလောင်းနှစ်လောင်းပေါ်သို့ ထုတ်လွှတ်လိုက်သည်။ ခရမ်းရောင်အလင်းအောက်မှာ ကျင့်ကြံသူနှစ်ယောက်၏ ဝိညာဉ်များက သူ၏ ဘုရင်စာလုံးထဲသို့ တိုက်ရိုက် စုပ်ယူခံလိုက်ကြရသည်။</p> <p>ထို့နောက် သူက ကျယ်လောင်စွာ ပါးစပ်ဟလိုက်ပြီး သူတို့၏ ရုပ်အလောင်းများကို ဝါးမျိုလိုက်သည်။ ထို့နောက် ရုပ်အလောင်းများသည် မိစ္ဆာစံအိမ်ထဲမှ မိစ္ဆာသန့်စင်ခြင်းမီးဖို၏ စုပ်ယူခံလိုက်ကြရသည်။</p> <p>တခြားပစ္စည်းများကို သိမ်းဆည်းပြီးနောက် သူက အရှေ့သို့ ခုန်လိုက်ပြီး တောအုပ်ထဲသို့ ဝင်ရောက်ပျောက်ကွယ်သွားသည်။</p> <p>အဖြစ်အပျက်သည် မျက်စိတစ်မှိတ်အတွင်း ဖြစ်ပျက်သွားခဲ့ခြင်း ဖြစ်သည်။ အချိန်တိုလေးအတွင်းမှာ မသေမျိုးကျင့်ကြံသူနှစ်ယောက်က တောအုပ်ထဲမှာ အသတ်ခံလိုက်ရပြီး လက်စဖျောက်ခံလိုက်ရသည်။ မြေကြီးပေါ်မှ သွေးကွက်များမှလွဲလျှင် တခြားမည်သည့်သဲလွန်စမှ မကျန်နေခဲ့ပေ။ ထိုသွေးကွက်များသာ မရှိလျှင် ဤနေရာမှာ သတ်ဖြတ်မှုတစ်ခုဖြစ်ပွားခဲ့ကြောင်း မည်သူမှ စဉ်းစားမိကြလိမ့်မည် မဟုတ်ချေ။</p> <p>… … …</p> <p>“ ဟေး… မင်းတို့ကြားပြီးကြပြီလား… ဒီနှစ်ရက်အတွင်းမှာ တောင်တန်းထဲ ဝင်ရောက်သွားကြတဲ့ ကျင့်ကြံသူအများကြီး ရုတ်တရက် သေဆုံးသွားကြတယ်… ပြီးတော့ မြေကြီးပေါ်မှာ သွေးကွက်ပဲ ကျန်နေခဲ့တယ်… အလောင်းတွေက ပျောက်ဆုံးသွားတယ်… အဲ့ဒီလိုဖြစ်တာ အကြိမ်နှစ်ဆယ်မကတော့ဘူး… ဘာကြောင့်မှန်းမသိဘူး ဒီတောင်တန်းဒေသက ကျောချမ်းစရာကောင်းတယ်လို့ ငါခံစားမိလာတယ်… ဒီနေရာရဲ့ လေထုက သိပ်မူမမှန်ဘူး ”</p> <p>“ ဟုတ်တယ်… တောင်ပိုင်းမြေရိုင်းဒေသထဲမှာ မိစ္ဆာသားရဲတွေ ရှိကြတယ်… ဒီနေရာက ဘယ်လောက်အန္တရာယ်များလဲ ဘယ်သူသိနိုင်မှာလဲ… ကျင့်ကြံသူတစ်ထောင်ခန့်က တောင်တန်းထဲ ဝင်ရောက်လာတယ်လို့ ငါကြားတယ်… အဲ့လောက်များတဲ့ ကျင့်ကြံသူတွေ တောင်တန်းထဲ ဝင်လာမှတော့ မိစ္ဆာသားရဲတွေ သေချာပေါက် ဒေါသထွက်ကြမှာပဲ ”</p> <p>“ ဟုတ်တယ်… အခု ငါမြင်ရသလောက်တော့ ဒီတောင်တန်းဒေသထဲမှာ ငါတို့ကြာကြာနေလို့ မဖြစ်ဘူး… တကယ်လို့ ဝိညာဉ်သံလိုက်အိမ်မြှောင်ကို ရှာတွေ့ရင်တောင် အဲ့ဒါကို ငါတို့ရဲ့ အရည်အချင်းနဲ့ ရယူနိုင်မှာ မဟုတ်ဘူး… ဒီနေရာမှာ ငါတို့ဆက်နေရင် ငါတို့ရဲ့ အသက်ကိုတောင် ဆုံးရှုံးသွားနိုင်တယ် ”</p> <p>“ မိစ္ဆာသားရဲတစ်ကောင်က သူ့ရဲ့ လက်သည်းနဲ့ ဗိုက်ဖောက်ပြီး လူသတ်ခဲ့တာကို တစ်ယောက်ယောက်က ကိုယ်တိုင်မြင်ခဲ့တယ်လို့ ငါကြားတယ်… ကျွတ် ကျွတ်… လက်သည်းက ဝမ်းဗိုက်ကို ထုတ်ချင်းဖောက်သွားတာတဲ့… ကြောက်စရာကောင်းလိုက်တာ… ကြည့်ရတာ မိစ္ဆာသားရဲတွေ ငါတို့ကို လက်စားပြန်ချေပြီ ထင်တယ် ”</p> <p>တောင်ပိုင်းမြေရိုင်းဒေသထဲတွင် ဤနှစ်ရက်အတွင်းမှာ အကြောင်းအရင်းတချို့ကြောင့် မသေမျိုးကျင့်ကြံသူအများပြားက အသတ်ခံလိုက်ကြရသည်။ ထို့ပြင် သူတို့အားလုံးက ထူးဆန်းစွာ သေဆုံးသွားကြသည်။ မည်သူမှ သူတို့၏ အလောင်းများကို မမြင်ကြချေ။ တိုက်ခိုက်ထားသော လက္ခဏာများနှင့် သွေးကွက်များကိုသာ မြင်တွေ့ရ၏။</p> <p>သို့သော် တစ်ကြိမ်တွင် တစ်စုံတစ်ယောက် အသတ်ခံရတော့မည့်အချိန် ကျင့်ကြံသူတစ်ဦးက အနီးနားမှာ ထွက်ပေါ်လာသည်။ သူက အဝေးမှ လှမ်းကြည့်လိုက်လေရာ ကျင့်ကြံသူ၏ ခန္ဓာကိုယ်ကို အနက်ရောင်လက်သည်းတစ်ခုက ထုတ်ချင်းဖောက်သွားကြောင်း မြင်သွားသည်။ သူက ကြောက်လန့်သွားပြီး အဝေးသို့ အမြန်ထွက်ပြေးသွားသည်။ နောက်ဆက်တွဲအဖြစ်အပျက်ကိုတော့ သူမသိပေ။</p> <p>ထိုသို့ကိစ္စများက ဆက်တိုက် ဖြစ်ပေါ်လာလေရာ တောင်ပိုင်းမြေရိုင်းဒေသထဲသို့ ဝင်ရောက်လာကြသော ကျင့်ကြံသူများက ယင်းကို အချင်းချင်း ဆွေးနွေးကြသည်။ သူတို့အားလုံးက စိတ်မသက်မသာဖြစ်လာကြပြီး တောင်တန်းဒေသထဲမှ ထွက်သွားရန် စိတ်ဆုံးဖြတ်လိုက်ကြသည်။</p> <p>ဤအခိုက်အတန့်မှာ တောင်တန်းဒေသထဲမှ ချိုင့်ဝှမ်းငယ်တစ်ခုထဲတွင် ကျင့်ကြံသူဒါဇင်ကျော်က အတူတကွ စုဝေးနေကြသည်။ သူတို့က တခြားကျင့်ကြံသူများနှင့် ကွဲပြားခြားနားကြသည်။ သူတို့၏ ခန္ဓာကိုယ်ပေါ်မှ ဝတ်စုံက တစ်ပုံစံတည်း တူညီကြသည်။ သူတို့အားလုံးက ခမ်းနားသော အပြာရောင်ဝတ်စုံကို ဝတ်ဆင်ထားကြသည်။ ထူးခြားချက်မှာ သူတို့၏ ဝတ်စုံပေါ်တွင် သံလိုက်အိမ်မြှောင်အမှတ်အသားတစ်ခု ရှိသည်။ ထိုအမှတ်အသားက သူတို့အုပ်စု၏ အမှတ်သင်္ကေတဖြစ်ဟန် ရ၏။</p> <p>ထိုအုပ်စုထဲတွင် သက်လတ်ပိုင်းအမျိုးသားက ခေါင်းဆောင်ဖြစ်သည်။ ထိုလူသည် လီမိသားစု၏ လီဝမ်မှလွဲ၍ တခြားလူမဟုတ်ပေ။ သူက အခြေတည်နယ်ပယ် အလယ်အလတ်အဆင့် ကျင့်ကြံသူဖြစ်သည်။</p> <p>သူ့အရှေ့မှ လူအားလုံးသည် လီမိသားစု၏ လက်ရွေးစင်ကျင့်ကြံသူများ ဖြစ်ကြသည်။ သူတို့ထဲမှ အများစုက ချီသန့်စင်ခြင်းနယ်ပယ် အလယ်အလတ်အဆင့်မှာ ဖြစ်ကြသည်။ လီဝမ်၏ ဘေးတွင် အသားအရေမွဲပြာသော အဖိုးအိုတစ်ယောက် ရှိ၏။ တစ်စုံတစ်ယောက်သည် ထိုအဖိုးအိုကို တစ်ချက်ကြည့်လိုက်ရုံဖြင့် အေးစက်မှုနှင့် စိတ်မသက်မသာဖြစ်မှုကို အလိုအလျောက် ခံစားရလိမ့်မည်။</p> <p>“ စတုတ္ထအကြီးအကဲ… ကျုပ်တို့ ဖမ်းမိခဲ့တဲ့ ကျင့်ကြံသူအပေါ်မှာ ဝိညာဉ်ရှာဖွေခြင်းအတတ်ကို ကျုပ်အသုံးပြုပြီးပြီ… နောက်ဆုံး သူမြင်လိုက်တဲ့ အနက်ရောင်လက်သည်းက ကျားလက်သည်းဖြစ်တယ်ဆိုတာ သူ့ရဲ့ မှတ်ဉာဏ်တွေကနေ ကျုပ်အတည်ပြုပြီးပြီ… ကြည့်ရတာ အဲ့ဒီကျားက ကျုပ်တို့ရှာဖွေနေတဲ့ ကျားနက်ဖြစ်နိုင်တယ် ”</p> <p>လီဝမ်သည် သူ့ဘေးမှ အဖိုးအိုကို ပြောသည်။</p> <p>သူ၏ လေသံအရ ဝိညာဉ်ရှာဖွေခြင်းအတတ်ကို အသုံးပြုခြင်းက သူ့အတွက် မည်သည့်သက်ရောက်မှုမှ မရှိသည့်အလားပင်။</p> <p>ဝိညာဉ်ရှာဖွေခြင်းအတတ်သည် အဘယ်နည်း။</p> <p>ယင်းက တစ်စုံတစ်ယောက်၏ မှတ်ဉာဏ်များကို စူးစမ်းရှာဖွေရန် အသုံးပြုသော မကောင်းဆိုးဝါးအတတ်ပညာ ဖြစ်သည်။</p> <p>ယင်းကို မကောင်းဆိုးဝါးအတတ်ပညာဟု ဆိုရခြင်းမှာ ဝိညာဉ်ရှာဖွေခြင်းအတတ်ဖြင့် ပြုစားခံရသူသည် သေချာပေါက် ရူးသွပ်သွားလိမ့်မည်။ ထိုသူသည် ပြန်ကောင်းမွန်ရန် အလွန်ခက်ခဲလိမ့်မည်။</p> <p>“ အင်း… တကယ်လို့ အဲ့ဒီကောင်က ကျုပ်တို့ရှာနေတဲ့ ကျားနက် သေချာတယ်ဆိုရင် သူ့ရဲ့ အသိဉာဏ်က သာမန်လူတွေထက် အများကြီး သာလွန်နေလိမ့်မယ်… သူက တောင်တန်းဒေသထဲက ကျင့်ကြံသူတွေကို ဘယ်လိုတိုက်ခိုက်ရမလဲဆိုတာ သိတယ်… ဒါ့အပြင် အခုအခြေအနေအရ အဲ့ဒီကျားနက်က မိစ္ဆာသားရဲဖြစ်သွားလောက်ပြီ… သူ့ကို ဖြေရှင်းဖို့ မလွယ်ကူလောက်ဘူး ”</p> <p>စတုတ္ထအကြီးအကဲက အနည်းငယ် မျက်မှောင်ကြုတ်လိုက်ပြီး လေးနက်စွာ ပြောသည်။</p> <p>“ ဘာပဲဖြစ်ဖြစ် ဝိညာဉ်သံလိုက်အိမ်မြှောင်က အဲ့ဒီကျားနက်ရဲ့ လက်ထဲမှာ ရှိနေဖို့ ရှစ်ဆယ်ရာခိုင်နှုန်းလောက် သေချာတယ်… ဝိညာဉ်သံလိုက်အိမ်မြှောင်ကို ကျုပ်တို့ပြန်ရမှဖြစ်မယ်… ဝိညာဉ်သံလိုက်အိမ်မြှောင်နဲ့ဆိုရင် နောင်သုံးနှစ်နေရင် ဖွင့်လှစ်မယ့် ကောင်းကင်မိစ္ဆာလျှို့ဝှက်နယ်မြေထဲမှာ ကျုပ်တို့လီမိသားစုက အခွင့်အလမ်းကောင်းတွေကို ရှာဖွေနိုင်လိမ့်မယ်… ကျုပ်တို့လီမိသားစုရဲ့ အနာဂတ်တိုးတတ်မှုက ဝိညာဉ်သံလိုက်အိမ်မြှောင်ပေါ်မှာ မူတည်နေတယ် ”</p> <p>လီဝမ်၏ မျက်နှာက တည်ကြည်လေးနက်နေသည်။</p> <p>“ အကြီးအကဲဝမ်… ကျားနက်ကို ဖမ်းဆီးဖို့ မဖြစ်နိုင်တာတော့ မဟုတ်ဘူး… ကျုပ်တို့တွေ… ထောင်ချောက်ဆင်ကြမယ် ”</p> <p>စတုတ္ထအကြီးအကဲက စကားပြောလိုက်သည်နှင့် အေးစက်စက်အလင်းက သူ၏ မျက်လုံးထဲမှာ ထွန်းလင်းသွားသည်။</p> <p>“ ထောင်ချောက်လား ”</p> <p>ယင်းကို လီဝမ်ကြားသောအခါ သူက ဝမ်းသာပျော်ရွှင်သွားသည်။ လီမိသားစုထဲတွင် စတုတ္ထအကြီးအကဲက ဗျူဟာအကြွယ်ဝဆုံးပုဂ္ဂိုလ် ဖြစ်သည်။</p> <p>ထို့နောက် လီမိသားစုဝင်များသည် ချိုင့်ဝှမ်းထဲမှာ အချိန်တစ်ခဏကြာသည်အထိ ဆွေးနွေးတိုင်ပင်ကြသည်။ မကြာမီ တပည့်များက ချိုင့်ဝှမ်းထဲမှ အမြန်ထွက်ခွာသွားကြသည်။</p> <p>… … …</p> <p>“ ဖူချီ ”</p> <p>“ နှစ်ဆယ့်ရှစ် ”</p> <p> သီရှီထျန်သည် သူ၏ ကျားလက်သည်းကို ကျင့်ကြံသူတစ်ယောက်၏ ခန္ဓာကိုယ်ထဲမှ တိုက်ရိုက် ဆွဲနုတ်လိုက်သည်။ ထို့နောက် သူက ကျင့်ကြံသူ၏ ဝိညာဉ်ကို လွယ်ကူမြန်ဆန်စွာ စုပ်ယူလိုက်ပြီး ရုပ်အလောင်းကို ဝါးမျိုလိုက်သည်။ ကျင့်ကြံသူ၏ သိုလှောင်အိတ်နှင့် တခြားပစ္စည်းများကို သူ့ကိုယ်ပိုင်သိုလှောင်အိတ်ထဲမှာ သိမ်းဆည်းလိုက်သည်။</p> <p>ဤတစ်ကြိမ်တွင် သူက အေးတိအေးစက် သတ်ဖြတ်ခြင်းအရှိန်အဝါကို ထုတ်လွှတ်လိုက်သည်။ သူ၏ မျက်လုံးထဲမှ အကြည့်က ပိုပြီးအေးစက်လာသည်။ သူ၏ ခရမ်းရောင်ဘုရင်စာလုံးမှ ထုတ်လွှတ်ပေးသော ခရမ်းရောင်အလင်းသည်လည်း ပိုပြီးအံ့ဖွယ်ကောင်းလာသည်။ သူ၏ သားရဲအရှိန်အဝါသည် ပိုပြီးရက်စက်ကြမ်းကြုတ်လာပြီး ချောက်ချားဖွယ်ကောင်းလာသည်။</p> <p>မိစ္ဆာအသင်္ချေချိုင့်ဝှမ်းမှ သူထွက်သွားသည်မှာ နှစ်ရက်သာ ရှိသေး၏။ သို့သော်လည်း သူ၏ မိစ္ဆာအာရုံက ချီသန့်စင်ခြင်းနယ်ပယ် ကျင့်ကြံသူများထက် အများကြီး ပိုသန်စွမ်းသောကြောင့် တောအုပ်ထဲမှာ သူက လွတ်လပ်စွာ ရွေ့လျားသွားလာနိုင်သည်။ သူက ပင်လယ်ထဲမှ ငါးတစ်ကောင်နှင့် ဆင်တူသည်။ သူက အမှောင်ထဲမှာ ပုန်းအောင်းနေပြီး အားနည်းသော အဆင့်နိမ့်ကျင့်ကြံသူများကို အဓိကပစ်မှတ်ထား၍ သတ်ဖြတ်ခဲ့သည်။ ထို့ပြင် သူသည် လှုပ်ရှားလိုက်သည်နှင့် ရန်သူကို တစ်ချက်တည်း သတ်ပစ်နိုင်ရန် ရည်ရွယ်ခဲ့သည်။</p> <p>ဤတစ်ကြိမ်အပါအဝင်ဆိုလျှင် သူ၏ လက်အောက်မှာ သေဆုံးသွားသော ကျင့်ကြံသူများက နှစ်ဆယ့်ရှစ်ယောက်ရှိသွားပြီ ဖြစ်၏။</p> <p>သေဆုံးသွားသော ကျင့်ကြံသူများ၏ ဝိညာဉ်များက သူ၏ နဖူးပေါ်မှ ခရမ်းရောင်ဘုရင်စာလုံးထဲသို့ စုပ်ယူခံလိုက်ရပြီး ရုပ်အလောင်းများက မိစ္ဆာသန့်စင်ခြင်းမီးဖို၏ စုပ်ယူခံလိုက်ရသည်။</p> <p>မိစ္ဆာသန့်စင်ခြင်းမီးဖိုသည် ယင်း၏ စွမ်းရည်ကို အပြည့်အဝ ထုတ်ဖော်လိုက်ပြီး မသေမျိုးကျင့်ကြံသူများ၏ ရုပ်အလောင်းများကို သန့်စင်သော မိစ္ဆာချီအဖြစ် အမြဲမပြတ် သန့်စင်ပေးသည်။</p> <p>မသေမျိုးကျင့်ကြံသူနှစ်ဆယ်ကျော်ထံမှ ထုတ်လွှတ်ပေးသော မိစ္ဆာချီကြောင့် သူ၏ ကျင့်ကြံခြင်းအမြန်နှုန်းက သိသာစွာ တိုးမြှင့်သွားသည်။ တစ်ချိန်တည်းမှာ သူ၏ ကျင့်ကြံခြင်းက မိစ္ဆာသားရဲနယ်ပယ်မှာ အခြေတည်ငြိမ်သွားသည်။</p> <p>“ ဒီနှစ်ရက်အတွင်းမှာ မသေမျိုးကျင့်ကြံသူတွေကို အဆက်မပြတ် ငါအမဲလိုက်ခဲ့တယ်… ပြီးတော့ တချို့ကျင့်ကြံသူတွေကို တမင်ငါလွှတ်ပေးခဲ့တယ်… အဲ့ဒါကြောင့် အခုဆိုရင် တောင်တန်းဒေသထဲမှာ သတင်းတချို့ ပျံ့နှံ့နေပြီ… ကျင့်ကြံသူတချို့က ကြောက်လန့်သွားကြပြီး တောင်တန်းထဲကနေ ထွက်သွားကြပြီ… ဒါပေမဲ့ ကျင့်ကြံသူအားလုံးကို တောင်ပိုင်းမြေရိုင်းဒေသထဲကနေ ထွက်သွားစေဖို့က ဒီလောက်နဲ့ မလုံလောက်သေးဘူး ”</p> <p> </p> <p style="text-align: center;">***</p>


Save