Book List

<h2 style="text-align: center;">အခန်း ၁၈၂</h2> <h2 style="text-align: center;">မဟာစွမ်းအားရှင် ဝင်စားသူ</h2> <h2 style="text-align: center;">*</h2> <p> </p> <p>"ဒါဆို... မင်း ပြောချင်တာက ငါက မင်းရဲ့ သခင်... ဖရိုဖရဲ နတ်ဘုရား ဝင်စားသူပေါ့..."</p> <p> </p> <p>သူ့ရှေ့ရှိ မိန်းကလေး၏စကားကို ကြားပြီးနောက် ဝူယိတောက်၏ အမူအရာတွင် တွန့်ဆုတ်သည့် အရိပ်အယောင်များ ပေါ်လာ၏။ မိမိသည် အခြားလူတစ်ယောက်၏ လူဝင်စားဖြစ်နေကြောင်း သိလိုက်ရမည်ဆိုပါက မည်သူမဆို သိပ်ပြီး နေလို့ကောင်းမည် မဟုတ်ချေ။</p> <p>သို့သော်လည်း ဖရိုဖရဲသည် ဝူယိတောက်၏ ပုံမှန်မဟုတ်သော အပြုအမူကို သတိမပြုမိသကဲ့သို့ ခေါင်းကို အထပ်ထပ် ညိတ်ပြလိုက်ပြီး  လေးနက်စွာ ပြောလိုက်သည်။</p> <p>"ဟုတ်ပါတယ် သခင်... နတ်ဘုရား ဧကရာဇ်အဆင့်ကို ဖောက်ထွက်ဖို့အတွက် အရှင်က လူပြန်ဝင်စားဖို့  လုပ်ခဲ့တာပါ... မဝင်စားခင်မှာ အရှင်က ကျွန်မကို ဒီနေရာမှာ ထားခဲ့ပြီး ကျွန်မကို လာရှာမယ်လို့ ပြောခဲ့တယ်လေ..."</p> <p>“ငါ ခဏလောက် စဉ်းစားပါဦမယ်... ငါ သိပ်ပြီး လက်ခံလို့ မရသေးဘူး..."</p> <p>ဝူယိတောက်သည် နေရခက်စွာဖြင့်‌ ပြောလိုက်သည်။ သက်ပြင်းချလိုက်ပြီးနောက် သူသည် ထိုမိန်းကလေးကို ပျောက်ကွယ်သွားစေသည်။ ဖရိုဖရဲ ခေါင်းလောင်းကို ရရှိခဲ့သော်လည်း ဝူယိတောက်မှာ လုံးဝ မပျော်ရွှင်နိုင်ခဲ့ချေ။</p> <p> </p> <p>အတွေးတစ်ချက် လှုပ်ရှားရုံမျှဖြင့် သူသည် ဖရိုဖရဲ ကမ္ဘာထဲမှ  ပျောက်ကွယ်သွားခဲ့သည်။ အပြင်သို့ ရောက်လာသောအခါ ကျွင်းရှောင်ယောင်နှင့် အခြားသူများက စိတ်လှုပ်ရှားနေသော အမူအရာများဖြင့် သူ့ထံ ချဉ်းကပ်လာကြသည်ကို မြင်တွေ့လိုက်ရသည်။</p> <p>"ယိတောက်... ဒါဆို မင်းက ဖရိုဖရဲ ခေါင်းလောင်းရဲ့ အသိအမှတ်ပြုခြင်းကို ခံလိုက်ရပြီပေါ့..."</p> <p>"ဟုတ်ပါတယ် မြင့်မြတ်အရှင်သခင်... ဖရိုဖရဲ ခေါင်းလောင်းက ကျွန်တော့်ကို သခင်အဖြစ် အသိအမှတ်ပြုလိုက်ပါပြီ... မြင့်မြတ်အရှင်သခင်... ဖရိုဖရဲ ခေါင်းလောင်းရဲ့ ဇာစ်မြစ်အကြောင်းကို ကျွန်တော့်ကို ပြောပြလို့ ရမလား..."</p> <p>ဝူယိတောက်သည် တစ်ခဏမျှ တွန့်ဆုတ်သွားပြီးနောက် ကျွင်းရှောင်ယောင်ကို ကြည့်ကာ မေးလိုက်၏။</p> <p>ဝူယိတောက်သည် ဖရိုဖရဲ ခေါင်းလောင်း၏ သခင်အဖြစ် အသိအမှတ်ပြုခြင်းကို ခံလိုက်ရကြောင်း သိလိုက်ရချိန်တွင် ကျွင်းရှောင်ယောင်သည် စိတ်လှုပ်ရှားမှုများဖြင့် ပြည့်နှက်သွား၏။ ဖရိုဖရဲ မြင့်မြတ်နယ်မြေ စတင် တည်ထောင်လာသည့်အချိန်မှစကာ ဖရိုဖရဲ ခေါင်းလောင်းသည် မည်သူ့ကိုမျှ သခင်အဖြစ် အသိအမှတ် မပြုခဲ့ချေ။ ဘိုးဘေးကြီး ပင်လျှင် ဖရိုဖရဲ ခေါင်းလောင်းကို ရှစ်ကြိမ် မြည်အောင်သာ လုပ်နိုင်ခဲ့ပြီး ၊  ဖရိုဖရဲ ခေါင်းလောင်း၏ အကူအညီကိုသာ ရရှိခဲ့ခြင်း ဖြစ်သည်။</p> <p>ဖရိုဖရဲ ခေါင်းလောင်း၏ အသိအမှတ်ပြုခြင်းကို ခံရသော ဝူယိတောက်သည် ဖရိုဖရဲ မြင့်မြတ်နယ်မြေ တစ်ခုလုံးပင် ခန့်မှန်း၍ မရနိုင်သော အောင်မြင်မှုတစ်ခုကို ရယူနိုင်မည်ဟု မျှော်လင့်ရသည်။</p> <p> </p> <p>ထို့ကြောင့် ဝူယိတောက်၏ စကားများကို ကြားပြီးနောက် ကျွင်းရှောင်ယောင်၏ အမူအရာသည် အစပိုင်းတွင် လေးနက်သွားသော်လည်း အလျင်အမြန်ပင် သက်ပြင်းချကာ ပြောလိုက်၏။</p> <p>"အဲဒါက ကြီးကျယ်ခမ်းနားတဲ့ သမိုင်းကြောင်းတော့ မဟုတ်ပါဘူး... ဒါပေမဲ့ မင်းက သိချင်နေမှတော့ ငါ မင်းကို ပြောပြဖို့ ဝန်မလေးပါဘူး... ဖရိုဖရဲ ခေါင်းလောင်းက အထက်ကမ္ဘာရဲ့ အပြင်ဘက်ကနေ လာပြီး ငါတို့ အထက်ကမ္ဘာထဲကို ကျလာတာလို့ ပြောကြတယ်... ပြီးတော့ ငါတို့ရဲ့ ဘိုးဘေးကြီးက ဖရိုဖရဲ ခေါင်းလောင်းရဲ့ အကူအညီနဲ့ ဒီနေ့ ငါတို့ သိထားတဲ့ မြင့်မြတ်နယ်မြေကို ဖန်တီးနိုင်ခဲ့တာပဲ..."</p> <p>"ဒါ့အပြင် ဖရိုဖရဲ ခေါင်းလောင်းရဲ့ စွမ်းအားက အဲဒီလောက်တင် မကဘူး... ငါတောင်မှ ဖရိုဖရဲ ခေါင်းလောင်းရဲ့ စစ်မှန်တဲ့ စွမ်းအားကို မထုတ်သုံးနိုင်ခဲ့ဘူး... ဒါပေမဲ့ ဖရိုဖရဲ ခေါင်းလောင်းရဲ့ သခင်အနေနဲ့ မင်းကတော့ သူ့ရဲ့ စွမ်းအား အပြည့်အဝကို အခု ထုတ်သုံးနိုင်လောက်ပြီ..."</p> <p>ကျွင်းရှောင်ယောင်၏ စကားများကို ကြားသောအခါ ဝူယိတောက်၏ နှုတ်ခမ်းများသည် အနည်းငယ် တွန့်ကွေးသွား၏။သူသည် ဤသို့ပြောလိုက်ချင်သည်။</p> <p>'မြင့်မြတ်အရှင်သခင်... အရှင် အတွေးလွန်နေပြီ...'</p> <p>ဝူယိတောက်၏ လက်ရှိ ကျင့်ကြံမှုအဆင့်ဖြင့် ဖရိုဖရဲ ခေါင်းလောင်း၏ စစ်မှန်သော စွမ်းအားကို  ထုတ်သုံးရန်မှာ မဖြစ်နိုင်သေးပေ။အကယ်၍ အလွန်ကြီးမားသော စွမ်းအားများကို ထုတ်လွှတ်လိုက်မည်ဆိုပါက ၊ ဝူယိတောက်သည် ချက်ချင်းလက်ငင်း စွမ်းအင် ခန်းခြောက်သွားနိုင်သည်။</p> <p>ကံကောင်းစွာဖြင့် ဖရိုဖရဲ ခေါင်းလောင်း၌ အရန် လျှို့ဝှက် စွမ်းအင် အရင်းအမြစ် တစ်ခု ရှိနေပြီး ဖရိုဖရဲ ခေါင်းလောင်းကို ထိန်းချုပ်နိုင်သော ဝိညာဉ် တစ်ခုလည်း ရှိနေခဲ့သည် ။ သို့သော်လည်း ၎င်းမှ ထုတ်လွှတ်လိုက်သော စွမ်းအားသည် သခင်ဖြစ်သူ ထုတ်လွှတ်နိုင်သော စွမ်းအား အပြည့်အဝ လောက်တော့ ကြီးမားမည် မဟုတ်ပေ။</p> <p>"ဒါပေမဲ့ ဖရိုဖရဲရဲ့ ခွန်အားနဲ့ဆိုရင် အရင်က ရွှမ်ထျန်းကမ္ဘာရဲ့ နောက်ကွယ်က ကြိုးကိုင်သူကို အနိုင်ယူနိုင်မလားဆိုတာ ငါ သိချင်မိတယ်..."</p> <p>ဝူယိတောက်သည် တစ်စုံတစ်ခုကို သတိပြုမိသွားကာ သူ၏ အမူအရာသည် လေးနက်သွား၏။</p> <p>ကောင်းကင်တာအို၏ စကားများမှတစ်ဆင့် တစ်ဖက်လူသည် အနည်းဆုံး နတ်ဘုရား တစ်ပါး ဖြစ်ကြောင်း သူ သိထားသော်လည်း ၊ တစ်ဖက်လူ၏ တိကျသော အဆင့်ကိုမူ သူ မသိချေ။</p> <p>ဖရိုဖရဲ ခေါင်းလောင်းသည် သူ၏ ယခင်ဘဝမှာ နတ်ဘုရား အရှင်မြတ် တစ်ပါး ဖြစ်ကြောင်း ပြောခဲ့၏။ နတ်ဘုရား အရှင်မြတ်အဆင့်ရှိ ပုဂ္ဂိုလ်၏ လက်နက် တစ်ခုဖြစ်သောကြောင့် ဖရိုဖရဲ ခေါင်းလောင်း၏ အဆင့်မှာ သဘာဝကျကျပင် နတ်ဘုရား အရှင်မြတ် လက်နက်တစ်ခု ဖြစ်ပေလိမ့်မည်။ သခင်ဖြစ်သူ၏ အကူအညီ မပါဘဲနှင့်ပင် ဖရိုဖရဲ ခေါင်းလောင်းသည် နတ်ဘုရား အရှင်မြတ် အဆင့်ရှိ တိုက်ခိုက်ရေး စွမ်းအားကို ထုတ်လွှတ်နိုင်စွမ်း ရှိ၏။</p> <p>"နတ်ဘုရား အရှင်မြတ်ရဲ့ ကျင့်ကြံမှုအဆင့်နဲ့ဆိုရင် နောက်ကွယ်က ကြိုးကိုင်သူကို ကိုင်တွယ်နိုင်လောက်တယ်..."</p> <p>ဝူယိတောက်သည် သူ့ဘာသာ တွေးလိုက်ပြီး ရုတ်တရက် သက်ပြင်းချကာ ကျွင်းရှောင်ယောင်ကို လှည့်ကြည့်လိုက်သည်။</p> <p>"အရှင်... ကျွန်တော် နည်းနည်း ပင်ပန်းနေလို့ ခဏလောက် အနားယူချင်တယ်... ဒါကြောင့် ကျွန်တော့်ကို ခွင့်ပြုပါဦး..."</p> <p>ထိုသို့ ပြောပြီးနောက် ဝူယိတောက်သည် လှည့်ထွက်သွားတော့သည်။</p> <p>အောက်ဘက်တွင် ဝူယိတောက် ထွက်သွားသည်ကို မြင်သောအခါ မိုရှီယွီမှာ အနည်းငယ် စိတ်ပျက်အားငယ်သွားသည်။ သို့သော်လည်း သူမသည် အလျင်အမြန်ပင် အားတင်းလိုက်၏။</p> <p>"ဝူယိတောက်... ရှင့်ကို ကျွန်မ သေချာပေါက် အမီလိုက်နိုင်စေရမယ်..."</p> <p>ဝူဟောက်: ...</p> <p>ဤအခိုက်အတန့်တွင် ဝူဟောက်သည် ပြန်လည် ရရှိလာသော ဖရိုဖရဲ ခေါင်းလောင်း တစ်သန်းကို ကြည့်ကာ အတွေးနက်နေ၏။ သူ့အနေဖြင့် ဖရိုဖရဲ ခေါင်းလောင်းကို ပြန်လည် ရရှိလိမ့်မည်ဟု မျှော်လင့်မထားခဲ့သလို ဝူယိတောက်သည် ဖရိုဖရဲ ခေါင်းလောင်းကို သခင်အဖြစ် အသိအမှတ်ပြုအောင် လုပ်နိုင်လိမ့်မည်ဟုလည်း ထင်မှတ်မထားခဲ့ချေ။</p> <p>"စနစ်... ကိုးသိန်းကို ပေါင်းစပ်လိုက်... ဒါပေမဲ့ တစ်သိန်းကိုတော့ မပေါင်းစပ်ဘဲ ချန်ထားခဲ့..."</p> <p>[ဒင်... ပေါင်းစပ်မှု အောင်မြင်ပါသည်... ဂုဏ်ယူပါတယ် ပိုင်ရှင်... ဖရိုဖရဲ ခေါင်းလောင်း (နတ်ဘုရား ဧကရာဇ် အဆင့် မှော်လက်နက်) ကိုးထောင်ကို ရရှိပါသည်...]</p> <p>ဖရိုဖရဲ ခေါင်းလောင်း (နတ်ဘုရား အရှင်မြတ် အဆင့်) : အရာအားလုံးကို သန့်စင်ပေးနိုင်ပြီး ဖရိုဖရဲ မဟာတာအို ပါဝင်သည်။ ဖရိုဖရဲ ကမ္ဘာထဲတွင် ကျင့်ကြံခြင်းသည် သိသာထင်ရှားသော အကျိုးသက်ရောက်မှု ရှိနိုင်ပြီး အထူးသဖြင့် ဖရိုဖရဲ ခန္ဓာကိုယ်များအတွက် ဖြစ်သည်။ ၎င်းတို့၏ အပြင်ဘက် မျက်နှာပြင်သည် အလွန်တရာ မာကျောလှပြီး နတ်ဘုရား ဧကရာဇ် ပင်လျှင် ၎င်းတို့ကို မချိုးဖျက်နိုင်လောက်အောင် မာကျောစေသည်။</p> <p>ဖရိုဖရဲ ခေါင်းလောင်း (နတ်ဘုရား ဧကရာဇ် အဆင့်) : အရာအားလုံးကို သန့်စင်ပေးနိုင်ပြီး ဖရိုဖရဲ မဟာတာအို ပါဝင်သည်။ ဖရိုဖရဲ ကမ္ဘာထဲတွင် ကျင့်ကြံခြင်းသည် သိသာထင်ရှားသော အကျိုးသက်ရောက်မှု ရှိနိုင်ပြီး အထူးသဖြင့် ဖရိုဖရဲ ခန္ဓာကိုယ်များအတွက် ဖြစ်သည်။ ၎င်းတို့၏ အပြင်ဘက် မျက်နှာပြင်သည် အလွန်တရာ မာကျောလှပြီး ကောင်းကင်ဧကရာဇ် တစ်ပါး၏ စွမ်းအားကိုပင် ခံနိုင်ရည် ရှိအောင် မာကျောစေသည်။</p> <p>"ဒါက ငါ့အတွက် သိပ်ပြီး အသုံးမဝင်ဘူး... အများဆုံးက ပစ္စည်းတွေကို သန့်စင်ဖို့နဲ့ ရန်သူတွေကို တားဆီးဖို့လောက်ပဲ သုံးလို့ရမယ်... ဒါမှမဟုတ်လည်း နတ်ဘုရား ဧကရာဇ် အဆင့် လက်အောက်ငယ်သား ကိုးထောင်နဲ့ နတ်ဘုရား အရှင်မြတ် အဆင့် လက်အောက်ငယ်သား တစ်သိန်းလောက် ရလာတယ်လို့ ဆိုရမှာပဲ”</p> <p> </p> <p>တစ်စုံတစ်ခုကို တွေးမိကာ ဝူဟောက်၏ မျက်လုံးများသည် အရောင်လက်သွား၏။</p> <p>ဒါတွေက နတ်ဘုရား မှော်လက်နက်တွေလေ...</p> <p> </p> <p>နတ်ဘုရား မှော်လက်နက်များကို ထည့်မဆိုခင်၊ အင်မော်တယ် မှော်လက်နက်များတွင်ပင် ဝိညာဉ်ရှိတတ်ကြသည်။ စွမ်းအား အပြည့်အဝကို မထုတ်သုံးနိုင်ရင်တောင် ဝိညာဉ်သည် မှော်လက်နက်၏စွမ်းအားကို ထိန်းချုပ်နိုင်သည်။</p> <p>သို့သော် မှော်လက်နက်၏ ဝိညာဉ်သည် ပြန်လည်ကောင်းမွန်နိုင်သော အစွမ်းသတ္တိမရှိချေ။ ၎င်းသည် သခင်ဖြစ်သူ၏ အကူအညီဖြင့်သာ ပြန်လည် နာလန်ထူနိုင်သည်။</p> <p>ဝူဟောက်၏ လက်ရှိ ကျင့်ကြံမှုအဆင့်ဖြင့် နတ်ဘုရား ဧကရာဇ် မှော်လက်နက်၏ စွမ်းအားကို ထည့်မဆိုနှင့်၊ နတ်ဘုရား အရှင်မြတ်၏ စွမ်းအားကိုပင် ပြန်လည် မဖြည့်တင်းပေးနိုင်ချေ။ အကယ်၍ သူသာ ပြန်လည် ဖြည့်တင်းပေးရဲမည်ဆိုပါက မျက်စိတစ်မှိတ်အတွင်းမှာပင် သူ၏ စွမ်းအင်များမှာ ခန်းခြောက်သွားနိုင်သည်။</p> <p> </p> <p>သို့သော်လည်း အကယ်၍ ၎င်းသည် စနစ်၏ ဆုကြေးတစ်ခု ဖြစ်နေမည်ဆိုပါက၊ အစကတည်းက စွမ်းအား အပြည့်အဝဖြင့် လာမည် ဖြစ်ရာ ယခုအခါ ဝူဟောက်၌ တစ်ခါသုံး နတ်ဘုရား အရှင်မြတ် လက်အောက်ငယ်သား တစ်သိန်းနှင့် တစ်ခါသုံး နတ်ဘုရား ဧကရာဇ် လက်အောက်ငယ်သား ကိုးထောင် ရှိနေသည်ဟု ဆိုလိုနိုင်သည်။</p> <p>"အခုချိန်မှာ ကောင်းကင်ဧကရာဇ် ဝင်မပါသရွေ့ ငါ လုံးဝ ဘေးကင်းတယ်လို့ ဆိုလိုတာပဲ..."</p> <p>ဝူဟောက်သည် ကျေနပ်စွာဖြင့် ခေါင်းညိတ်လိုက်သည်။ အကယ်၍ နတ်ဘုရား ဧကရာဇ် တစ်ပါး သာ ဝင်ရောက် စွက်ဖက်လာမည်ဆိုပါက၊ ဖရိုဖရဲ ခေါင်းလောင်းများ၏ များပြားလှသော အရေအတွက်ဖြင့်  သူသည် တစ်ဖက်လူကို ချေမှုန်းနိုင်ပေလိမ့်မည်။</p> <p>ဤအတွေးဖြင့် ဝူဟောက်သည် သူ၏ ဇနီး စူးချောင်ရန်ကို ငြိမ်းချမ်းစွာ ဖက်ထားရင်း အိပ်မောကျသွားတော့၏။</p> <p>ဝူဟောက် မသိခဲ့သည့် အချက်မှာ အထက်ကမ္ဘာ၏ တစ်နေရာတွင် သွေးဧကရာဇ်သည် ရွှယ်ယွမ်နှင့် အခြားသူများကို စုရုံးနေခြင်းပင် ဖြစ်သည်။</p> <p>"အဖေ... ဒါဆို အဖေ ထွက်သွားတော့မလို့လား..."</p> <p>ရွှယ်ယွမ်သည် သူ့ရှေ့ရှိ သွေးဧကရာဇ်ကို ကြည့်ကာ မတတ်သာသည့် လေသံဖြင့် မေးလိုက်၏။</p> <p>သွေးဧကရာဇ်သည် ပြုံးလိုက်ရုံသာ ပြုံးလိုက်ပြီးနောက် ရွှယ်ယွမ်၏ ခေါင်းကို ပွတ်သပ်ကာ ပြောလိုက်သည်။</p> <p>"ခွဲခွာခြင်းဆိုတာ ပုံမှန်ပါပဲ... ငါက အခု နတ်ဘုရား တစ်ပါး ဖြစ်သွားပြီဆိုတော့ အထက်ကမ္ဘာက ငါ့ကို ဆက်ပြီး လက်ခံနိုင်စွမ်း မရှိတော့ဘူး... ဒါပေမဲ့ ငါ မထွက်သွားခင် မင်းအတွက် အရာအားလုံးကို ပြင်ဆင်ပေးခဲ့ပါ့မယ်... နတ်ဘုရားကမ္ဘာမှာ မင်းကို ငါ စောင့်နေမယ်..."</p> <p>"ပြီးတော့ ငါတို့ ခံစားခဲ့ရတဲ့ အရှက်ရမှုတွေ အားလုံးအတွက် သွေးဝိညာဉ်ဂိုဏ်းက ငါတို့နဲ့ စာရင်းရှင်းပေးရမယ်..."</p> <p> </p> <p>သွေးဧကရာဇ်၏ စကားများထဲတွင် လူသတ်ချင်စိတ်များဖြင့် ပြည့်နှက်နေသလို ရွှယ်ယွမ်နှင့် အခြားသူများလည်း ထိုနည်းတူပင် ဖြစ်၏။</p> <p>သွေးနတ်ဘုရား၏ အကူအညီဖြင့် ရွှယ်ယွမ်သည် အင်မော်တယ် ဧကရာဇ်အဆင့်သို့ ဖောက်ထွက်သွားခဲ့ပြီး အကြီးအကဲနှင့် အခြားသူများ ပင်လျှင် အင်မော်တယ် ဧကရာဇ် အထွတ်အထိပ်အဆင့်သို့ ဖောက်ထွက်သွားခဲ့ကြပြီ ဖြစ်သည်။</p> <p>သူတို့ထံမှ ထွက်ပေါ်လာသော ပြင်းထန်သည့် ချီအငွေ့အသက်များအရ၊ အထက်ကမ္ဘာသည် နောက်တစ်ကြိမ် သွေးထွက်သံယိုမှုထဲသို့ ကျဆင်းသွားဖွယ် ရှိနိုင်ကြောင်း နိမိတ်ပြနေခဲ့သည်။</p> <p> </p> <p> </p> <p style="text-align: center;">***</p> <p> </p>


Save