Book List

<h2 style="text-align: center;">အခန်း ၁၈၃</h2> <h2 style="text-align: center;">အင်မော်တယ် ဧကရာဇ်နှင့် ရင်ဆိုင်ရခြင်း</h2> <h2 style="text-align: center;">လက်သီးတစ်ချက်တည်းနှင့် သတ်ဖြတ်ခြင်း</h2> <h2 style="text-align: center;">*</h2> <p> </p> <p>"ထင်တဲ့အတိုင်းပဲ... လင်းမိသားစုက အစကတည်းက ပြင်ဆင်ထားခဲ့တာပဲ..."</p> <p> </p> <p>တစ်ချိန်တည်းမှာပင် ဝူယီဖန်၏ ဘက်၌ နောက်တစ်ကြိမ် လှုပ်ရှားသောအခါ သူနှင့် တွမ့်သယ်တို့သည် ပို၍ သတိထားလာကြသည်။ ကံကြမ္မာဖုံးကွယ် ဆန်းကြယ်ပုလဲ၏ အကူအညီဖြင့် သူတို့ နှစ်ဦးသည် ပစ်မှတ်ထားသော သင်္ချိုင်းဂူ၏ဘေးပတ်ပတ်လည်ကို အချိန်အကြာကြီး သေချာစွာ စုံစမ်းကြည့်ရှုခဲ့ပြီး နောက်ဆုံးတွင် အနီးအနား၌ ပုန်းကွယ်နေသော အင်မော်တယ် ဧကရာဇ် အလယ်အလတ်အဆင့် ရှိ စွမ်းအားရှင် တစ်ဦးကို ရှာတွေ့ခဲ့ကြသည်။</p> <p>တစ်ဖက်လူ၏ ကျင့်ကြံမှုအဆင့်ကို ခံစားသိရှိပြီးနောက် တွမ့်သယ်သည် ဝူယီဖန်ကို လေးနက်သော အမူအရာဖြင့် ကြည့်ကာ မေးလိုက်၏။</p> <p>"သူတော်စင်... သူတို့ကို ဖြေရှင်းနိုင်မယ်လို့ မင်း ယုံကြည်မှု ရှိလား..."</p> <p> </p> <p>"သိပ်ပြဿနာ မရှိပါဘူး... ငါတို့ သူ့ကို တစ်ကွက်တည်းနဲ့ အပြတ်ရှင်းလို့ ရတယ်... ဒါပေမဲ့ သူ့ကို ရှင်းလိုက်ရင် အခြား လင်းမိသားစု စွမ်းအားရှင်တွေရဲ့ အာရုံစိုက်မှုကို သေချာပေါက် ဆွဲဆောင်နိုင်လိမ့်မယ်... ဒါကြောင့် ငါတို့ ဒီနေရာက ကိစ္စကို အမြန်ဆုံး ဖြေရှင်းရမယ်... အထဲက အခြေအနေကို လေ့လာပြီး လှုပ်ရှားပြီးတာနဲ့ သင်္ချိုင်းထဲက ပစ္စည်းတွေကို အမြန်ဆုံး ယူသွားနိုင်ဖို့ သေချာအောင် လုပ်ရမယ်..."</p> <p>ဝူယီဖန်က ပြောလိုက်သည်။ ရှေးဟောင်း မြင့်မြတ်ခန္ဓာကိုယ် အဆင့်(၁၂)၏ စွမ်းအားသည် အင်မော်တယ် ဧကရာဇ် တစ်ပါးကို လွယ်ကူစွာ ကိုင်တွယ်ရန် လုံလောက်သော်လည်း အကယ်၍ ဤနေရာတွင် ဆူညံသံများ ထွက်ပေါ်သွားပါက လင်းမိသားစုသည် အင်မော်တယ် အရှင်မြတ် တစ်ပါးကို သေချာပေါက် စေလွှတ်နိုင်သည်။ အကယ်၍ သူတို့သာ တားဆီးခံလိုက်ရလျှင် ခန့်မှန်း၍ မရနိုင်သော ဒုက္ခများဖြင့် ကြုံတွေ့ရနိုင်သည်။</p> <p> </p> <p>ဤစကားကို ကြားသောအခါ တွမ့်သယ်က ခေါင်းညိတ်လိုက်ပြီးနောက် သူတို့ နှစ်ယောက်သည် ကံကြမ္မာဖုံးကွယ် ဆန်းကြယ်ပုလဲကို အသုံးပြုကာ သင်္ချိုင်းထဲသို့ ဝင်ရောက်သွားကြသည်။ အထဲရှိ အခြေအနေကို နားလည်သွားပြီးနောက် သူတို့သည် လှုပ်ရှားရန် ပြင်ဆင်လိုက်ကြ၏။</p> <p> </p> <p>"ထူးဆန်းတယ်... ငါ ဘာလို့ ဒီလို မသက်မသာ ဖြစ်တဲ့ ခံစားချက်မျိုး ခံစားနေရတာလဲ..."</p> <p>လင်းကျန်းယင်သည် အနည်းငယ် အံ့အားသင့်နေပုံ ပေါ်၏။ မိသားစုသည် သူ့ကို ဤနေရာတွင် ဘိုးဘေးကြီး၏ သင်္ချိုင်းဂူကို အချိန်အတိုင်းအတာ တစ်ခုအထိ စောင့်ကြပ်ရန် စေလွှတ်ထားခဲ့သည်။ ယခင်က အဖြစ်အပျက်ကြောင့် မျိုးနွယ်စုသည် စိုးရိမ်မကင်း ဖြစ်နေခဲ့ပြီး၊ ထိုသူခိုးလေး နှစ်ယောက်သည် အင်မော်တယ်ဘုရင်၏ လက်ထဲကနတောင် လွတ်မြောက်နိုင်ခဲ့သည်။</p> <p> </p> <p>အကယ်၍ သူတို့သာ မိမိနှင့် ရင်ဆိုင်ရမည်ဆိုပါက၊ ၎င်းတို့နှစ်ယောက်အနေဖြင့် ထွက်ပြေးရန်သာ တတ်နိုင်ပေလိမ့်မည်။</p> <p> </p> <p>သူတို့က ငါ့ကို ဘယ်လိုလုပ် သတ်နိုင်မှာလဲ...</p> <p> </p> <p>ဤသို့ တွေးမိသောအခါ လင်းကျန်းယင်သည် စိတ်သက်သာရာ ရသွားပြီး ပြုံးကာ ခေါင်းယမ်းလိုက်၏။</p> <p> </p> <p>သို့သော်လည်း နောက်တစ်စက္ကန့်တွင် သူ၏ အနောက်မှ အေးစက်သော ခံစားချက် တစ်ခုကို သူ ခံစားလိုက်ရသည်။ ချက်ချင်းဆိုသလို ၊ သူ၏ လက်ထဲတွင် လှံတစ်ချောင်း ပေါ်လာပြီး အနောက်သို့ တိုက်ရိုက် ထိုးချလိုက်၏။</p> <p> </p> <p>တစ်ဖက်လူသည် ဤမျှ လျင်မြန်စွာ တုံ့ပြန်လိမ့်မည်ဟု ဝူယီဖန် မျှော်လင့်မထားခဲ့သော်လည်း ၊ ခန္ဓာကိုယ်ကို အနည်းငယ် လှည့်ကာ တိုက်ခိုက်မှုကို ရှောင်တိမ်းလိုက်ပြီးနောက် တစ်ဖက်လူကို  သူ၏လက်သီးဖြင့် ထိုးနှက်လိုက်သည်။</p> <p>ကြောက်မက်ဖွယ်ကောင်းသော စွမ်းအားကြောင့် တစ်ဖက်လူမှာ မျက်စိတစ်မှိတ်အတွင်းမှာပင် နေရာတွင် ပေါက်ကွဲကာ သေဆုံးသွားတော့၏။</p> <p>တစ်ဖက်လူ သေဆုံးသွားသည့် အခိုက်အတန့်မှာပင် လင်းမိသားစုတွင် ရှိနေသော လင်းထျန်းအန်သည် တံခါးပိတ် ကျင့်ကြံရာမှ ထွက်လာပြီး  ဆိုးရွားသော အမူအရာဖြင့် ပြောလိုက်သည်။</p> <p>"ဒုက္ခပဲ... တစ်ခုခု ဖြစ်သွားပြီ..."</p> <p> </p> <p>တစ်ချိန်တည်းမှာပင် ဝူယီဖန်နှင့် တွမ့်သယ်တို့ကလည်း သင်္ချိုင်းထဲသို့ ပြေးဝင်သွားကြပြီး မြှုပ်နှံထားသော ပစ္စည်းများ အားလုံးကို သိမ်းကျုံးယူငင်ကာ အဝတ်အစားများကိုပင် အစအန မချန်ဘဲ ယူဆောင်သွားကြ၏။ မည်သို့ပင်ဆိုစေကာမူ၊ အင်မော်တယ် ဧကရာဇ်တစ်ပါးမှ ဝတ်ဆင်ထားသော အဝတ်အစားများသည် သာမန် ပစ္စည်းများ မဖြစ်နိုင်ဘဲ တစ်စုံတစ်ယောက်သည် ဤပစ္စည်းများကို သေချာပေါက် လိုချင်လိမ့်မည် ဖြစ်သည်။</p> <p> </p> <p>စက္ကန့်အနည်းငယ် အတွင်းမှာပင် ဝူယီဖန်နှင့် တွမ့်သယ်တို့သည် သင်္ချိုင်းဂူ တစ်ခုလုံးကို ပြောင်သလင်းခါသွားအောင် လုပ်လိုက်ပြီးနောက် အလွန် လျင်မြန်သော အရှိန်ဖြင့် အခင်းဖြစ်ပွားရာ နေရာမှ ထွက်ပြေးသွားကြတော့၏။</p> <p> </p> <p>သူတို့ ထွက်သွားပြီး စက္ကန့်အနည်းငယ် အကြာတွင် အလွန်တရာ ကြောက်မက်ဖွယ်ကောင်းသော ချီအငွေ့အသက် တစ်ခုက သင်္ချိုင်းဂူ၏ဘေးပတ်ပတ်လည်ကို လွှမ်းခြုံသွားသည်။ ၎င်းမှာ အခြားသူ မဟုတ်ဘဲ အမြန်ဆုံး အရှိန်ဖြင့် ရောက်လာသော လင်းထျန်းအန်ပင် ဖြစ်သည်။</p> <p>သို့သော်လည်း လင်းထျန်းအန်၏ မယုံနိုင်လောက်အောင် မြန်ဆန်သော အရှိန်ပင်လျှင် ဝူယီဖန်နှင့် တွမ့်သယ်တို့ကို မတားဆီးနိုင်ခဲ့ချေ။</p> <p>လင်းမိသားစု ဘိုးဘေးကြီး၏ သင်္ချိုင်းဂူမှ ထွက်ခွာလာပြီးနောက် ဝူယီဖန်သည် သူတို့၏ တည်နေရာကို ဖုံးကွယ်ရန် ကံကြမ္မာဖုံးကွယ် ဆန်းကြယ်ပုလဲကို အသက်သွင်းလိုက်သဖြင့် လင်းထျန်းအန်ပင်လျှင် ဝူယီဖန်နှင့် သူ၏ အုပ်စု ဘယ်ကို သွားသည်ကို ရှာမတွေ့နိုင်ခဲ့ပေ။</p> <p> </p> <p>"ကျစ်... ဒီသူခိုး နှစ်ယောက်က ဒီလောက် မြန်မြန်နဲ့ အင်မော်တယ် ဧကရာဇ်နဲ့ ယှဉ်နိုင်တဲ့ အဆင့်ကို ရောက်သွားပြီလား..."</p> <p>လင်းထျန်းအန်၏ မျက်နှာသည် အိုးမည်းသုတ်ထားသကဲ့သို့ မည်းမှောင်နေပြီး ဝူယီဖန်နှင့် တွမ့်သယ်တို့သည် အင်မော်တယ် ဧကရာဇ်ကိုပင် ဤမျှ လျင်မြန်စွာ သတ်ဖြတ်နိုင်လိမ့်မည်ဟု သူ လုံးဝ မျှော်လင့်မထားခဲ့သည်မှာ သိသာလှ၏။ ချောင်းမြောင်း တိုက်ခိုက်ခြင်းသည် ကြီးမားသော အခန်းကဏ္ဍမှ ပါဝင်ခဲ့နိုင်သော်လည်း ၎င်းသည် ဝူယီဖန်နှင့် တွမ့်သယ်တို့၏ ပါရမီကို ပြသရန် လုံလောက်ပေသည်။</p> <p>ဤသည်က လင်းထျန်းအန်ကို အနည်းငယ် စိုးရိမ်သွားစေ၏။ သူတို့ ပထမဆုံး တွေ့ဆုံချိန်က ၊ သားဖြစ်သူမှာ သူတို့ကို အလွယ်တကူ သတ်ဖြတ်နိုင်သည်ဟု ပြောခဲ့ဖူးသည်။ သို့သော်၊ အနှစ်တစ်ရာပင် မပြည့်သေးသည့် အချိန်အတွင်း အင်မော်တယ် ဧကရာဇ်ကို သတ်ဖြတ်နိုင်သည့် အခြေအနေသို့ ရောက်ရှိလာခဲ့၏။ အကယ်၍ သူတို့ကို နောက်ထပ် နှစ်တစ်ထောင် သို့မဟုတ် တစ်သောင်းခန့် အချိန်ပေးလိုက်လျှင်ဖြင့် သူကိုယ်တိုင်ပင် သူတို့၏ ပြိုင်ဘက် ဖြစ်လာတော့မည် မဟုတ်ဘူး မဟုတ်လော။</p> <p>ဤအတွေးဖြင့် လင်းထျန်းအန်သည် အသက်ပြင်းပြင်း ရှူသွင်းလိုက်ပြီး မိသားစု အစည်းအဝေး တစ်ခု ခေါ်ယူရန် လင်းမိသားစု နေအိမ်သို့ အလျင်အမြန် ပြန်လာခဲ့၏။</p> <p>လင်းထျန်းအန်၏ အကြောင်းကြားစာ ပျံ့နှံ့သွားသည်နှင့် လင်းမိသားစု၏ အဆင့်မြင့် အဖွဲ့ဝင်များ အားလုံးသည် မျိုးနွယ်စု၏ ပင်မခန်းမသို့ ရောက်ရှိလာကြသည်။ သို့သော်လည်း သူတို့၏ အမူအရာများသည် အတော်လေး ကြည့်ရဆိုးနေပြီး ယခုလေးတင် ဘာဖြစ်သွားသည်ကို သူတို့ အားလုံး သိရှိထားကြောင်း သိသာလှ၏။</p> <p>"လူကြီးမင်းတို့... တွမ့်မိသားစုရဲ့ မျိုးဆက်တွေက ခုလို တိုတောင်းတဲ့ အချိန်လေးအတွင်းမှာ အင်မော်တယ် ဧကရာဇ်ကို သတ်နိုင်တဲ့ အဆင့်အထိ ရောက်လာပြီဆိုတာ မင်းတို့ အားလုံး သိထားပြီး ဖြစ်ရမယ်... အကယ်၍ သူတို့ကို ငါတို့ အချိန်ပိုပေးလိုက်ရင် ငါတို့ လင်းမိသားစုမှာ မကြာခင် အခွင့်အရေး မရှိတော့မှာကို ငါ စိုးရိမ်တယ်..."</p> <p> </p> <p>"အဲ့ရတနာက တစ်ဖက်လူကို ဒီလောက် တိုတောင်းတဲ့ အချိန်လေးအတွင်းမှာ အင်မော်တယ် ဧကရာဇ် အဆင့်ကို ဖောက်ထွက်နိုင်စေတယ်... အကယ်၍ ငါတို့ လင်းမိသားစုကသာ အဲဒါကို ရလိုက်ရင် ငါတို့ မိသားစုအတွက် အင်မော်တယ် ဧကရာဇ် တစ်ပါးကိုတောင် ပျိုးထောင်ပေးနိုင်လိမ့်မယ်..."</p> <p> </p> <p>"ဒါကြောင့် ငါက အဲဒီကောင်လေး နှစ်ယောက်ရဲ့ တည်နေရာကို ငါတို့အတွက် တွက်ချက်ပေးဖို့ ရူဖုန်းစံအိမ်ကို အကူအညီ တောင်းဖို့ စီစဉ်ထားတယ်... အခု ငါ ပြောစရာ ရှိတာ ပြောပြီးပြီဆိုတော့ ဘယ်သူတွေ သဘောတူပြီး ဘယ်သူတွေ သဘောမတူဘူးလဲ..."</p> <p> </p> <p>ထိုသို့ ပြောပြီးနောက် လင်းထျန်းအန်သည် မတ်တတ်ရပ်ကာ ထိုနေရာတွင် ရှိနေသော လင်းမိသားစု အဆင့်မြင့် အရာရှိများကို ကြည့်လိုက်သည်။ သူ၏ စကားများက တစ်ခွန်းမကျန် ပြတ်သားနေ၏။</p> <p> </p> <p>သို့သော်လည်း လင်းထျန်းယွီနှင့် လင်းထျန်းချင်တို့က မတ်တတ်ရပ်ကာ ပြိုင်တူ ပြောလိုက်ကြသည်။</p> <p> </p> <p>"လုံးဝ မဖြစ်ဘူး... အဲဒီ သူခိုးနှစ်ယောက်အကြောင်း ငါတို့ဆီမှာ အချက်အလက် အရမ်း နည်းလွန်းတယ်... အကယ်၍ ငါတို့က ရူဖုန်းစံအိမ်ကို သူတို့ရဲ့ အထောက်အထားကို အရမ်းကာရော တွက်ချက်ခိုင်းလိုက်ရင် ငါတို့ ပေးဆပ်ရမယ့် တန်ဖိုးက ငါတို့ လင်းမိသားစုအတွက်တောင် ခံနိုင်ရည် ရှိမှာ မဟုတ်ဘူး..."</p> <p> </p> <p>"ခံနိုင်ရည် မရှိတော့ကော ဘာဖြစ်လဲ... မမေ့နဲ့... ငါတို့က အခု သေရေးရှင်ရေး အခြေအနေမှာ ရောက်နေတာ... အကယ်၍ သူတို့ရဲ့ ကြီးထွားမှုကို အစကတည်းက မဖြတ်တောက်ပစ်ရင် နောက်ဆုံးမှာ သေရမယ့်သူက လင်းမိသားစုပဲ ဖြစ်လိမ့်မယ်..."</p> <p> </p> <p>လင်းထျန်းအန်သည် မတ်တတ်ရပ်လိုက်ပြီး သူ၏ အသံတွင် ဒေါသများ ပြည့်နှက်နေ၏။</p> <p> </p> <p>ဤသည်ကို မြင်သောအခါ လင်းထျန်းယွီနှင့် လင်းထျန်းချင်တို့က ခဏတာ တွန့်ဆုတ်သွားပြီးနောက် သဘောတူလိုက်ကြသည်။ အမှန်တကယ်ပင် လက်ရှိအခြေအနေမှာ သေရေးရှင်ရေး အခြေအနေဖြစ်သည်။ တစ်ဖက်လူသည် အင်မော်တယ် ဧကရာဇ်ကိုသာ သတ်နိုင်သေးသည့် အချိန်တွင် လှုပ်ရှားခြင်းက ပိုကောင်းပေလိမ့်မည်။ တစ်ဖက်လူသည် အင်မော်တယ် အရှင်မြတ်ကို သတ်နိုင်သည့် အချိန်အထိ စောင့်ဆိုင်းနေမည်ဆိုပါက သူတို့ လင်းမိသားစုသည် အန္တရာယ် ရှိလာမည် ဖြစ်၏။</p> <p>လူတိုင်း သဘောတူပြီးနောက် လင်းထျန်းအန်သည် မတ်တတ်ရပ်ကာ လုံလောက်သော သယံဇာတများကို ရယူရန် မျိုးနွယ်စု၏ ဘဏ္ဍာတိုက်သို့ သွားရောက်ခဲ့ပြီးနောက် အလယ်ပိုင်းဒေသရှိ ရူဖုန်းစံအိမ်ဆီသို့ ထွက်ခွာသွားတော့သည်။</p> <p>ဤအချိန်တွင် ဝူယီဖန်တို့မှာ လင်းထျန်းအန်သည် ရူဖုန်းစံအိမ်သို့ သွားရောက်ပြီ ဖြစ်ကြောင်းကို မသိရှိခဲ့ကြဘဲ သူတို့၏ နောက်ထပ် လှုပ်ရှားမှုအတွက် စဉ်းစားနေလေ၏။</p> <p>"သူတော်စင်... ငါတို့ရဲ့ နောက်ထပ် ခြေလှမ်းက ဘယ်လိုလဲ..."</p> <p> </p> <p>တွမ့်သယ်သည်  ကြည်ညိုလေးစားမှုများ ပြည့်နှက်နေသော မျက်လုံးများဖြင့် ဝူယီဖန်ကို ကြည့်လိုက်ရာ၊ ဝူယီဖန်က တွန့်ဆုတ်မနေဘဲ ပြန်ဖြေလိုက်သည်။</p> <p>"သံပူတုန်း ထုရမယ်... လင်းမိသားစု ဘိုးဘေးကြီးတွေရဲ့ သင်္ချိုင်းဂူ တချို့ကို ထပ်ဖောက်ပြီးရင် ဘေးကင်းအောင် နေပြီး မင်းရဲ့ ခွန်အားကို မြှင့်တင်ရမယ်... အဲ့လိုမှ မဟုတ်ရင် လင်းမိသားစုရဲ့ အခြေအနေအရ နောက်ထပ် ပစ်မှတ်က အင်မော်တယ် အရှင်မြတ် ဖြစ်လာလိမ့်မယ်..."</p> <p> </p> <p>"ကောင်းပြီ သူတော်စင်... မင်း ပြောတဲ့အတိုင်း အားလုံး လုပ်မယ်..."</p> <p> </p> <p>တွမ့်သယ်က တွန့်ဆုတ်မနေဘဲ ခေါင်းငြိမ့်သဘောတူလိုက်၏။</p> <p>ထို့နောက် သူတို့ နှစ်ယောက်သည် လင်းမိသားစု ဘိုးဘေးကြီး၏ နောက်ထပ် သင်္ချိုင်းဂူ တစ်ခုဆီသို့ ဦးတည်သွားကြသည်။ ထိုသင်္ချိုင်းဂူ၏ဘေးပတ်ပတ်လည်တွင် လင်းရွှီခွင်သည် အင်မော်တယ် ဧကရာဇ် စွမ်းအားရှင် ဆယ်ယောက်၊ အင်မော်တယ် အရှင်မြတ် တစ်ယောက်တို့နှင့်အတူ စောင့်ကြပ်နေ၏။</p> <p>ကျန်ရှိနေသော အင်မော်တယ် အရှင်မြတ် နှစ်ယောက်မှာ အရေးကြီးသော ကိစ္စများ ရှိသည်ဟု ဆိုကာ လင်းမိသားစုသို့ ပြန်လည် ခေါ်ယူခံလိုက်ရသည်။</p> <p>ဤအခိုက်အတန့်တွင် လင်းရွှီခွင်သည် ကြောက်မက်ဖွယ်ကောင်းသော ကိစ္စတစ်ခုခု ဖြစ်လာတော့မည့်အလား ရုတ်တရက် ကျောချမ်းသွားသည်။</p> <p> </p> <p> </p> <p style="text-align: center;">***</p> <p> </p>


Save