Book List

<h2 style="text-align: center;">အခန်း ၁၈၄</h2> <h2 style="text-align: center;">ရန်သူများ ကျဉ်းမြောင်းသော လမ်းတွင် တွေ့ဆုံခြင်း</h2> <h2 style="text-align: center;">*</h2> <p> </p> <p>"ကျစ်... သူတို့က ဒီလောက် မြန်မြန် သန်မာလာတာလား... လိမ်နေတာများလား..."</p> <p> </p> <p>လင်းရွှီခွင်သည် အကြောင်းကြားစာ ရရှိသောအခါ သူ၏ အမူအရာသည် အတော်လေး ကြည့်ရဆိုးသွားပြီး ၊ သူ၏ မျက်လုံးထဲတွင် နက်ရှိုင်းသော ကြောက်ရွံ့မှု တစ်ခု ဖြစ်ပေါ်လာ၏။</p> <p>တစ်ဖက်လူသည် ဤမျှ တိုတောင်းသော အချိန်တိုလေးအတွင်း ၊ သူ့ကို ကျော်တက်သွားပြီး အင်မော်တယ် ဧကရာဇ်ကိုပင် သတ်ဖြတ်နိုင်စွမ်း ရှိနေပြီ ဖြစ်သည်။ </p> <p> </p> <p>တကယ်လို့များ သူတို့ကို အချိန်နည်းနည်း ထပ်ပေးလိုက်ရင်၊ လင်းမိသားစု တစ်ခုလုံးကို သူတို့ မျိုးဖြုတ်ပစ်နိုင်တယ် မဟုတ်ဘူးလား...</p> <p> </p> <p>သို့သော်လည်း ထိုအခိုက်အတန့်တွင် လင်းရွှီခွင်နှင့် အခြားသူများသည် တစ်စုံတစ်ခုကို သတိပြုမိသွားပြီး အဝေးဆီသို့ ရုတ်တရက် လှမ်းကြည့်လိုက်ကြ၏။</p> <p> </p> <p>"ကျစ်... သူတို့ ထပ်ပြီး တိုက်ခိုက်ပြန်ပြီ... ဒီတစ်ကြိမ်တော့ သူတို့ကို ထွက်ပြေးခွင့် ပေးလို့ မဖြစ်ဘူး..."</p> <p> </p> <p>ဤသို့ တွေးမိရင်း လင်းရွှီခွင်သည် သူ့ဘေးရှိ အင်မော်တယ် ဧကရာဇ် စွမ်းအားရှင် ဆယ်ယောက်နှင့် အင်မော်တယ် အရှင်မြတ် စွမ်းအားရှင်တို့ကို ဝူယီဖန်နှင့် တွမ့်သယ်တို့ဆီသို့ ပြေးသွားရန် အမိန့်ပေးလိုက်၏။</p> <p>အကယ်၍ ဝူယီဖန်သည် မယုံနိုင်လောက်အောင် သန်မာနေမည်ဆိုတောင် အနည်းဆုံး အင်မော်တယ် ဧကရာဇ် တစ်ယောက်ကိုသာ ယှဉ်နိုင်ပေလိမ့်မည်။</p> <p> </p> <p>တကယ်လို့ ဆယ်ယောက်ဆိုရင်ရော ဘယ်လိုလုပ်မလဲ... အင်မော်တယ် အရှင်မြတ်တွေတောင် ပါလာခဲ့ရင်တော့ ပြောနေစရာတောင် မလိုတော့ဘူး...</p> <p> </p> <p>ထို့ကြောင့် လင်းရွှီခွင်၏ အမြင်တွင် ဝူယီဖန်သည် သေချာပေါက် သေရမည် ဖြစ်၏။</p> <p>တစ်ချိန်တည်းမှာပင် ဝူယီဖန်နှင့် တွမ့်သယ်တို့သည် လင်းမိသားစု၏ ဘိုးဘေးသင်္ချိုင်းကို စောင့်ကြပ်နေသော အင်မော်တယ် ဧကရာဇ်ကို တူညီသော နည်းလမ်းဖြင့် အလျင်အမြန် ဖြေရှင်းလိုက်ကြပြီး မြှုပ်နှံထားသော ပစ္စည်းများ အားလုံးကို စုဆောင်းကာ အခင်းဖြစ်ပွားရာ နေရာမှ အမြန်ဆုံး ထွက်ပြေးရန် စီစဉ်လိုက်ကြသည်။</p> <p> </p> <p>သို့သော်လည်း သင်္ချိုင်းထဲမှ အပြင်သို့ ခြေလှမ်းလိုက်သည့် တစ်ခဏမှာပင် ဝူယီဖန်သည် တစ်စုံတစ်ခုကို သတိပြုမိသွားပြီး သူ၏ အမူအရာသည် လေးနက်တည်ကြည်သွား၏။</p> <p> </p> <p>"မကောင်းတော့ဘူး..."</p> <p> </p> <p>ထိုသို့ ပြောပြီးနောက် ဝူယီဖန်သည် လက်သီးတစ်ချက် ထိုးချလိုက်ရာ ကြောက်မက်ဖွယ်ကောင်းသော စွမ်းအားသည် အထက်ကမ္ဘာ၏ ဟင်းလင်းပြင်တွင်ပင် လှိုင်းဂယက်များ ဖြစ်ပေါ်သွားစေပြီး ဝူယီဖန်၏ ကြောက်မက်ဖွယ်ကောင်းသော ခွန်အားကို ထုတ်ဖော်ပြသခဲ့လေသည်။</p> <p> </p> <p>ဝူယီဖန်သည် သူ၏ လက်သီးကို ထုတ်လွှတ်လိုက်သည်နှင့် ယခုလေးတင်မှ ရောက်လာသော အင်မော်တယ် ဧကရာဇ် အထွတ်အထိပ်အဆင့်ရှိ စွမ်းအားရှင် တစ်ဦးကို ထိမှန်သွားပြီး နေရာတွင်ပင် သေဆုံးသွားစေတော့သည်။</p> <p> </p> <p>"မင်း အခု ထွက်သွားသင့်တယ်... မင်း ဒီနေရာမှာ ရှိနေတာက ငါ့အတွက် အနှောင့်အယှက် ဖြစ်စေရုံပဲ ရှိလိမ့်မယ်..."</p> <p>ဝူယီဖန်က တွမ့်သယ်ကို ကျောခိုင်းထားရင်း  လေးနက်သော လေသံဖြင့် ပြောလိုက်၏။</p> <p>တွမ့်သယ်သည် တွန့်ဆုတ်မနေခဲ့ချေ။ ဝူယီဖန်သည် သူတော်စငတ်စ်ပါး ဖြစ်ပြီး ရှေးဟောင်းကန္တာရ မြင့်မြတ်နယ်မြေသည် သူ့ကို ဒုက္ခရောက်အောင် ဘယ်တော့မှ အဖြစ်ခံမည် မဟုတ်ပေ။ သို့သော်လည်း သူကတော့ မတူချေ။ ရှေးဟောင်းကန္တာရ မြင့်မြတ်နယ်မြေသည် သူ့ကို ကာကွယ်ပေးချင်မှ ကာကွယ်ပေးမည် ဖြစ်သည်။</p> <p>တွမ့်သယ် ထွက်သွားသည့် အခိုက်အတန့်မှာပင် ကျန်ရှိနေသော အင်မော်တယ် ဧကရာဇ် ကိုးယောက်နှင့် အင်မော်တယ် အရှင်မြတ် တစ်ယောက်တို့ ရောက်ရှိလာကြ၏။ ဝူယီဖန်သည် ဤမျှ ကြောက်မက်ဖွယ်ကောင်းသော စွမ်းအားကို ထုတ်လွှတ်ကာ အင်မော်တယ် ဧကရာဇ် အထွတ်အထိပ်အဆင့်ကို လက်သီးတစ်ချက်တည်းနှင့် သတ်ဖြတ်နိုင်လိမ့်မည်ဟု  မျှော်လင့်မထားခဲ့သဖြင့် သူတို့၏ အမူအရာများသည်  အတော်လေးကြည့်ရဆိုးနေသည် ။</p> <p> </p> <p>"ကောင်လေး... မင်းက တော်တော်လေး ရဲတင်းတာပဲ... နာမည်မရှိတဲ့ ကောင်တွေကို ငါ မသတ်ဘူး... မင်းနာမည်ကို ပြောစမ်း..."</p> <p> </p> <p>လင်းချန်ချင်း (အင်မော်တယ် အရှင်မြတ်) က ဝူယီဖန်ကို ကြည့်ကာ မေးမြန်းလိုက်၏။</p> <p> </p> <p>သူသည် စမ်းသပ်နေခြင်း ဖြစ်သည်။ အဘယ်ကြောင့်ဆိုသော် လက်ရှိ အခြေအနေအရ ဝူယီဖန်၏ ပါရမီသည် အလွန်တရာ ကြောက်မက်ဖွယ် ကောင်းနေသဖြင့် သူ၏ နောက်ခံသည် မည်သို့ ရိုးရှင်းနိုင်မည်နည်း။</p> <p>အကယ်၍ ဝူယီဖန်၌ ထူးခြားဆန်းကြယ်သော နောက်ခံတစ်ခု ရှိနေမည်ဆိုပါက လင်းမိသားစုအနေဖြင့် ဒုက္ခရောက်နိုင်ခြေ ရှိ၏။</p> <p>သို့သော်လည်း ဝူယီဖန်သည် တစ်ဖက်လူ၏ အတွေးကို သိမြင်နေပုံရကာ  သူသည် လှောင်ရယ် ရယ်လိုက်ကာ ပြောလိုက်သည်။</p> <p> </p> <p>"အပိုတွေပြောနေလဲ  အဓိပ္ပာယ် မရှိဘူး... သေတော့မယ့်လူကို ငါ့နာမည်ကို ပြောပြစရာအကြောင်း မရှိဘူး”</p> <p> </p> <p>"မင်းကများ မောက်မာရဲတယ်...အဲ့လိုဆိုရင်လည်း သေဖို့သာ ပြင်ထားတော့..."</p> <p> </p> <p>လင်းချန်ချင်းသည် ဟိန်းဟောက်လိုက်ပြီးနောက် သူ၏ လှံကို ဆွဲထုတ်ကာ ဝူယီဖန်ဆီသို့ ပြေးဝင်သွား၏။ ကျန်ရှိနေသော အင်မော်တယ် ဧကရာဇ် စွမ်းအားရှင် ကိုးယောက်ကမူ ထွက်ပြေးသွားသော တွမ့်သယ် နောက်သို့ အလိုအလျောက် လိုက်သွားကြသည်။</p> <p>တွမ့်သယ်သည် ဝူယီဖန်ထက် အများကြီး အားနည်းပုံပေါ်သော်လည်း ၊ သူ့ကို ထွက်သွားခွင့် လုံးဝ ပေး၍ မရချေ။ အနာဂတ်တွင် တွမ့်သယ် သည် ပို၍ သန်မာလာကာ လက်စားချေနိုင်မည်ကို မည်သူက အာမခံနိုင်မည်နည်း။</p> <p>ဤသည်ကို မြင်သောအခါ ဝူယီဖန်သည် စိုးရိမ်သွားသော်လည်း သူ့အနေဖြင့် မတားဆီးနိုင်ပေ။ အင်မော်တယ် ဧကရာဇ် အထွတ်အထိပ်အဆင့်နှင့် အင်မော်တယ် အရှင်မြတ် ကနဦးအဆင့်တို့သည် အဆင့်ငယ် တစ်ခုသာ ကွာခြားသော်လည်း စွမ်းအား ကွာခြားချက်သည် အလွန်တရာ ကြီးမားလှ၏။</p> <p> </p> <p>"ငါနဲ့ ရင်ဆိုင်နေရချိန်မှာ မင်းက အာရုံလွှဲရဲတယ်ပေါ့လေ... မင်း သေချင်နေတာပဲ..."</p> <p> </p> <p>လင်းချန်ချင်းက အေးစက်စွာ နှာမှုတ်လိုက်သည်။ ထို့နောက် သူ၏ လှံသည် ဝူယီဖန်ကို မုန်တိုင်း တစ်ခုသဖွယ် ကြမ်းကြမ်းတမ်းတမ်း တိုက်ခိုက်လာခဲ့သည်။ ဤသည်ကို မြင်သောအခါ ဝူယီဖန်သည် လင်းချန်ချင်း၏ တိုက်ခိုက်မှုကို ကာကွယ်နိုင်ရန် အဆင့် ၈ အင်မော်တယ် အရှင်မြတ် ဆေးမီးဖိုကို ထုတ်ယူရုံမှလွဲ၍ ရွေးချယ်စရာ မရှိတော့ချေ။</p> <p> </p> <p>လင်းချန်ချင်းသည် ဝူယီဖန်၏ လက်ထဲရှိ အဆင့် ၈ အင်မော်တယ် အရှင်မြတ် ဆေးမီးဖိုကို မြင်သောအခါ ဝူယီဖန်သည် သာမန်လူ မဟုတ်ကြောင်း နားလည်သွားပြီး ဝူယီဖန်ကို ရှင်းလင်းပစ်မည့် သူ၏ ဆုံးဖြတ်ချက်သည် ပို၍ပင် ခိုင်မာလာတော့၏။</p> <p> </p> <p>ဤသည်မှာ အဆင့် ၈ အင်မော်တယ် အရှင်မြတ် ဆေးမီးဖိုဖြစ်သည်။ လင်းမိသားစုသည် ထိုအရာကို မြှုပ်နှံမယ့် ပစ္စည်းအဖြစ် မည်သို့ အသုံးပြုနိုင်မည်နည်း။ ထို့ကြောင့် အမှန်တရားသည် တစ်ခုတည်းသာ ရှိသည်။</p> <p> </p> <p>အဲဒါက ဝူယီဖန်ရဲ့ ကိုယ်ပိုင် လက်နက်ပဲ...</p> <p> </p> <p> </p> <p>"ဒီကောင်လေးကို သေချာပေါက် ရှင်းပစ်ရမယ်... အကယ်၍ သူသာ ထွက်ပြေးသွားရင် ငါတို့ လင်းမိသားစု သေချာပေါက် ပျက်စီးရလိမ့်မယ်..."</p> <p> </p> <p>ဤသို့ တွေးမိရင်း လင်းချန်ချင်း၏ တိုက်ခိုက်မှုများသည် ပို၍ ပြင်းထန်လာသဖြင့် ဝူယီဖန် အနေဖြင့် အံကြိတ်ကာ ဇွဲမလျှော့ဘဲ တောင့်ခံထားနိုင်ရုံသာ တတ်နိုင်တော့၏။</p> <p> </p> <p>အခြားတစ်ဘက်မှ တွမ့်သယ်မှာမူ ပြေးပြီး မကြာမီမှာပင် သူသည် အမီလိုက်ခံရပြီး လင်းရွှီခွင် ဦးဆောင်သော လင်းမိသားစု စွမ်းအားရှင်များ၏ ဝန်းရံခြင်းကို ခံလိုက်ရသည်။</p> <p> </p> <p>သူ့ရှေ့ရှိ မြင်ကွင်းကို မြင်သောအခါ တွမ့်သယ်သည် လုံးလုံးလျားလျား စိတ်ပျက်အားငယ်သွားသည်။ သူသည် ပါရမီရှင် တစ်ဦးအဖြစ် သတ်မှတ်ခံရနိုင်သော်လည်း အတော်ဆုံး ပါရမီရှင် ပင်လျှင် စစ်မှန်အင်မော်တယ် အဆင့်ဖြင့် အင်မော်တယ် ဧကရာဇ်ကို အနိုင်ယူနိုင်စရာ အကြောင်းမရှိပေ။</p> <p> </p> <p>အင်မော်တယ် ဧကရာဇ်ကို အသာထား လျိုထျန်းရွှေအင်မော်တယ် အဆင့်ရှိ လင်းရွှီခွင်ကိုပင် သူ ယှဉ်နိုင်မည် မဟုတ်ချေ။</p> <p> </p> <p>ဤသို့ တွေးမိသောအခါ တွမ့်သယ်သည် အံကြိတ်၍ ကိုယ်တိုင် ဖောက်ခွဲပစ်ရန် ဆုံးဖြတ်လိုက်၏။</p> <p> </p> <p>သို့သော်လည်း ထိုအခိုက်အတန်တွင် လင်းရွှီခွင်နှင့် အခြားသူများ ရှိနေသော ဟင်းလင်းပြင်သည် အေးခဲသွားသကဲ့သို့ ဖြစ်သွားပြီး သန်မာလှသော အင်မော်တယ် ဧကရာဇ် ပင်လျှင် တစ်စုံတစ်ခု မှားယွင်းနေကြောင်းကို သတိမပြုမိခဲ့ချေ။</p> <p>နောက်တစ်စက္ကန့်တွင် လီကျန်းရန်သည် သူတို့ရှေ့၌ ထွက်ပေါ်လာ၏။ သူသည် တွမ့်သယ်ကို တစ်ချက်ကြည့်ပြီး ခေါ်သွားလိုက်သည်။ မည်သို့ပင်ဖြစ်စေ၊ တွမ့်သယ်သည် သူတို့ ရှေးဟောင်းကန္တာရ မြင့်မြတ်နယ်မြေ၏ တပည့် တစ်ယောက် ဖြစ်ပြီး သူတော်စင်၏ နောက်လိုက်လည်း ဖြစ်၏။  သူသည် တွမ့်သယ် သေဆုံးမည်ကို ဒီတိုင်း ကြည့်နေမည် မဟုတ်ပေ။</p> <p> </p> <p>တွမ့်သယ်ကို ကယ်တင်ပြီးနောက် လီကျန်းရန်သည် သူ့ကို အတော်လေး ဘေးကင်းသော နေရာတစ်ခုတွင် ထားခဲ့ပြီးနောက် လှည့်ထွက်သွားတော့သည်။</p> <p> </p> <p>လီကျန်းရန် ထွက်သွားသည်နှင့် တစ်ပြိုင်နက် တွမ့်သယ်သည် ဘာတွေ ဖြစ်ပျက်နေသည်ကို နောက်ဆုံးတွင် နားလည်သွားပြီး ပတ်ဝန်းကျင်ကို အံ့အားသင့်စွာ ကြည့်လိုက်၏။</p> <p> </p> <p>"ဘုရားရေ... ငါ ဘယ်ရောက်နေတာလဲ... ဒီနေရာမှာ သရဲ ခြောက်နေတာလား..."</p> <p> </p> <p>ဤသို့ တွေးမိသောအခါ တွမ့်သယ်သည် ကြောက်ရွံ့မှု လှိုင်းတံပိုး တစ်ခုကို ခံစားလိုက်ရသည်။ မှန်၏... တွမ့်သယ်သည် သရဲကြောက်တတ်ပြီး ယခုအခါ စစ်မှန်အင်မော်တယ် အဆင့်သို့ ရောက်နေလျှင်ပင် ကြောက်တတ်ဆဲ ဖြစ်၏။</p> <p>သို့သော်လည်း တွမ့်သယ်သည် တစ်စုံတစ်ခုကို တွေးမိသွားသကဲ့သို့ သူ၏ ကြောက်ရွံ့မှုကို အလျင်အမြန် ဖိနှိပ်ထားလိုက်ပြီး စိုးရိမ်ပူပန်မှုက အစားထိုး ဝင်ရောက်လာသည်။</p> <p> </p> <p>"ငါ့ကို ဘယ်သူ ကယ်လိုက်မှန်း မသိပေမဲ့ သူတော်စင်ရော ဘယ်လို အခြေအနေ ရှိနေလဲဆိုတာ ငါ မသိဘူး..."</p> <p> </p> <p>တစ်ချိန်တည်းမှာပင် ဝူယီဖန်၏ ဘက်၌ ဝူယီဖန်သည် တွမ့်သယ်၏ အခြေအနေကို မသိရှိခဲ့ချေ။ ဤအခိုက်အတန့်တွင် သူသည် မည်သို့ ထွက်ပြေးရမည်ကို ရူးသွပ်စွာ စဉ်းစားနေ၏။</p> <p> </p> <p>မကြာမီ ဝူယီဖန်သည် လင်းချန်ချင်း၏ အထက်သို့ ပျံသန်းရန် အဆင့် ၈ အင်မော်တယ် အရှင်မြတ် ဆေးမီးဖိုကို တိုက်ရိုက် ထိန်းချုပ်လိုက်ပြီး နောက်တစ်စက္ကန့်တွင် ကြောက်မက်ဖွယ်ကောင်းသော အလွန်အမင်း အေးစက်သည့် စွမ်းအင်များက အဆင့် ၈ အင်မော်တယ် အရှင်မြတ် ဆေးမီးဖိုထဲမှ ပေါက်ကွဲထွက်လာခဲ့သည်။</p> <p> </p> <p>"ဟွန့်... လှည့်ကွက်လေး တစ်ခုပါပဲ..."</p> <p> </p> <p>လင်းချန်ချင်းက အေးစက်စွာ နှာမှုတ်လိုက်၏။ အဆင့် ၈ အင်မော်တယ် အရှင်မြတ် ဆေးမီးဖိုထဲမှ အလွန်အမင်း အေးစက်သော စွမ်းအင်များသည် အင်မော်တယ် ဧကရာဇ် တစ်ပါးကိုသာ ဒဏ်ရာရစေနိုင်ကြောင်း သူ သဘာဝကျကျပင် နားလည်ထား၏။ သူ့လို အင်မော်တယ် အရှင်မြတ်အတွက် ထိုအရာသည် ဘာမှမဟုတ်သလို ကာကွယ်ရန်ပင် မလိုအပ်ချေ။</p> <p>သို့သော်လည်း အလွန်အမင်း အေးစက်သော စွမ်းအင်က သူ့ကို တစ်ခဏမျှ လွှမ်းခြုံသွားပြီး သူ၏ နတ်ဘုရား အသိစိတ်ကိုပါ ထိခိုက်သွားစေသည်။</p> <p> </p> <p>"မကောင်းတော့ဘူး..."</p> <p> </p> <p>ထိုအခိုက်အတန့်တွင်မှ ဝူယီဖန်၏ ရည်ရွယ်ချက်များကို လင်းချန်ချင်း ခန့်မှန်းမိသွား၏။ လက်တစ်ချက် ဝှေ့ယမ်းလိုက်ရုံဖြင့် ပတ်ဝန်းကျင်ရှိ အလွန်အမင်း အေးစက်သော စွမ်းအင်များကို တိုက်ရိုက် ဖယ်ရှားပစ်လိုက်သည်။ သို့သော်လည်း အဆိုပါ အေးစက်သော စွမ်းအင်များ ပျောက်ကွယ်သွားချိန်တွင် ဝူယီဖန်ကို ဘယ်နေရာမှာမှ မတွေ့ရတော့ချေ။ ကောင်းကင်ယံရှိ အဆင့် ၈ အင်မော်တယ် အရှင်မြတ် ဆေးမီးဖိုပင် ပျောက်ကွယ်သွားပြီ ဖြစ်သည်။</p> <p> </p> <p> </p> <p style="text-align: center;">***</p> <p> </p>


Save