Book List

<h2 style="text-align: center;">အခန်း ၁၈၅</h2> <h2 style="text-align: center;">တွက်ချက်သူက ချက်ချင်း ပေါက်ကွဲပြီး သေသွားတယ်</h2> <h2 style="text-align: center;">*</h2> <p> </p> <p>"လင်းမိသားစု ခေါင်းဆောင်... မင်း လာရတဲ့ ရည်ရွယ်ချက်ကို ပြောပါဦး..."</p> <p>တစ်ချိန်တည်းမှာပင် လင်းထျန်းအန်ကလည်း ရူဖုန်းစံအိမ်သို့ လုံလောက်သော သယံဇာတများကို ယူဆောင်လာခဲ့ပြီ ဖြစ်၏။ ရူဖုန်းစံအိမ်မှ သံတမန်သည် လင်းထျန်းအန်၏ ရှေ့တွင် ထိုင်နေပြီး အနက်ရောင် ဝတ်ရုံကို ဝတ်ဆင်ထားကာ သူ၏ ခန္ဓာကိုယ်ကို မှောင်ရိပ်ထဲတွင် ဖုံးကွယ်ထားသဖြင့် သူ၏ လိင်ကို ခွဲခြား၍ မရနိုင်ချေ။</p> <p>လင်းထျန်းအန်သည် ထိုအရာများကို ဂရုမစိုက်ခဲ့ပေ။ ရူဖုန်းစံအိမ်မှ သံတမန်တိုင်းသည် အလွန်ပင် လျှို့ဝှက်ဆန်းကြယ်ကြပြီး တရားဝင် မဟုတ်သော သမိုင်းကြောင်းများအရ ရူဖုန်းစံအိမ်သည် မဟာမြင့်မြတ်နယ်မြေ ငါးခုကိုပင် မကြောက်ရွံ့ကြောင်း သိရှိထား၏။</p> <p> </p> <p>"လူနှစ်ယောက်ရဲ့ အထောက်အထားကို တွက်ချက်ပေးစေချင်တယ်... ပြီးတော့ ဒါတွေက သူတို့ရဲ့ ပုံတူ ပန်းချီကားတွေပဲ..."</p> <p> </p> <p>လင်းထျန်းအန်သည် ပုံတူ ပန်းချီကား နှစ်ချပ်ကို ချက်ချင်း ထုတ်ပြလိုက်ရာ ၎င်းတို့ထဲတွင် တွမ့်သယ်နှင့် ဝူယီဖန်တို့ကို ရှင်းလင်းစွာ ပုံဖော်ထား၏။ ၎င်းတို့သည် ဤကာလအတွင်း ဝူယီဖန်နှင့် တွမ့်သယ်တို့အကြောင်း လင်းမိသားစုမှ စုဆောင်းထားသော အချက်အလက်များ ဖြစ်သည်။</p> <p>တွမ့်သယ်နှင့် ဝူယီဖန်တို့၏ ပုံတူ ပန်းချီကားများကို မြင်ပြီးနောက် ရူဖုန်းစံအိမ်မှ သံတမန်က တိုးညင်းစွာ ပြောလိုက်၏။</p> <p>"လင်းမိသားစု ခေါင်းဆောင်... ငါတို့ ရူဖုန်းစံအိမ်ရဲ့ စည်းကမ်းတွေကို မင်း သိထားသင့်တယ်... အကယ်၍ ပုံတူ ပန်းချီကား တစ်ခုတည်းကနေ တွက်ချက်စေချင်တယ်ဆိုရင် မင်း ပေးဆပ်ရမယ့် တန်ဖိုးက အလွန်တရာ ကြီးမားပြီး အနည်းဆုံး အဆင့်မြင့် အင်မော်တယ်ဝိညာဉ်ကျောက်တုံး ငါးသိန်း ကုန်ကျလိမ့်မယ်..."</p> <p>သံတမန်၏ စကားကို ကြားသောအခါ လင်းထျန်းအန်သည် ကြိုတင် ပြင်ဆင်ထားသော်လည်း သူ၏ မျက်နှာပေါ်တွင် ဖြစ်ပေါ်လာသော နာကျင်မှု အရိပ်အယောင် ကိုတော့ မဖုံးကွယ်နိုင်ခဲ့ချေ။ သို့သော်လည်း သူသည် အလျင်အမြန် သွားကြိတ်ကာ ခေါင်းငြိမ့်သဘောတူလိုက်သည်။</p> <p>"ဒါနဲ့... တစ်ဖက်လူက အခု အင်မော်တယ် ဧကရာဇ် အဆင့်ရှိတဲ့ စွမ်းအားရှင်တွေကိုတောင် သတ်နိုင်နေပြီဆိုတော့ တွက်ချက်တဲ့အခါ သတိထားဖို့တော့ မမေ့နဲ့ဦး..."</p> <p>လင်းထျန်းအန်က တစ်စုံတစ်ခုကို သတိရသွားပုံဖြင့် သတိပေးလိုက်၏။</p> <p>ဤစကားကို ကြားသောအခါ ရူဖုန်းစံအိမ်မှ သံတမန်၏ အမူအရာကို မမြင်နိုင်သော်လည်း သူ၏ လေသံတွင် အထင်အမြင်သေးမှုများ ပြည့်နှက်နေကြောင်း ရှင်းလင်းစွာ သိနိုင်ပေသည်။</p> <p>"လင်းမိသားစု ခေါင်းဆောင်... မင်းက အင်မော်တယ် ဝိညာဉ်ကျောက်တုံးတွေကိုပဲ ပြင်ဆင်ထားဖို့ လိုတယ်... ရူဖုန်းစံအိမ်က တွက်ချက်လို့ မရတဲ့ လူတွေဆိုတာ လုံးဝ မရှိဘူး..."</p> <p>လင်းထျန်းအန်သည် သေချာ စဉ်းစားကြည့်ပြီးနောက် သဘောတူလိုက်၏။ မည်သို့ပင်ဆိုစေကာမူ၊ ရူဖုန်းစံအိမ်သည် ၎င်း၏ ကြောက်မက်ဖွယ်ကောင်းသော တွက်ချက်မှု စွမ်းရည်များကြောင့် အထက်ကမ္ဘာတွင် အကြီးမားဆုံးသော ထောက်လှမ်းရေး ပွဲစားအဖြစ် နာမည်ကြီးသည် မဟုတ်လော။</p> <p>ဤသို့ တွေးမိသောအခါ လင်းထျန်းအန်သည် လှောင်ရယ် ရယ်လိုက်သည်။</p> <p> </p> <p>ဝူယီဖန်နဲ့ တွမ့်သယ်... မင်းတို့တော့ သေပြီသာ မှတ်တော့..</p> <p> </p> <p>မကြာမီ လင်းထျန်းအန်ကို ဧည့်ခံရန် တာဝန်ယူထားသော အင်မော်တယ် အရှင်မြတ် အထွတ်အထိပ်အဆင့် တစ်ဦးသည် သူ့ထံသို့ ရောက်ရှိလာခဲ့သည်။ သူသည် တွမ့်သယ်၏ ပုံတူ ပန်းချီကားကို အရင်ဆုံး တစ်ချက်ကြည့်လိုက်ပြီးနောက် မျက်လုံးများကို မှိတ်ကာ စတင် တွက်ချက်တော့သည်။ မိနစ်အနည်းငယ် ကြာပြီးနောက် သူသည် မျက်လုံးများကို ဖွင့်ကာ ဖြည်းညင်းစွာ ပြောလိုက်၏။</p> <p> </p> <p>"ဒီကောင်က မျိုးဖြုတ်ခံလိုက်ရတဲ့ တွမ့်မိသားစုရဲ့ သခင်လေး တွမ့်သယ်ပဲ... အခုလောလောဆယ် သူက တောင်ပိုင်းဒေသ၊ နေဝင်ချိန် နယ်မြေငယ်က ကွေ့ကျုံးမြို့မှာ ပုန်းအောင်းနေတယ်..."</p> <p>အထက်ကမ္ဘာသည် အလွန်တရာ ကျယ်ပြောလှပြီး အောက်ကမ္ဘာထက် အဆပေါင်းများစွာ ပိုမို ကြီးမား၏။ ၎င်းကို အဓိက နယ်မြေကြီး ငါးခုအဖြစ် ခွဲခြားထားပြီး ထိုနယ်မြေကြီး ငါးခု၏ အောက်တွင် အလယ်အလတ် နယ်မြေ သုံးရာ ရှိသည်။ အလယ်အလတ် နယ်မြေ သုံးရာ၏ အောက်တွင် နယ်မြေငယ် သုံးရာ ရှိပြီး နယ်မြေငယ်များ၏ အရွယ်အစားက အောက်ကမ္ဘာနှင့် တူညီသည်။</p> <p> </p> <p>တစ်ဖက်လူ ပြောသည်ကို ကြားသောအခါ လင်းထျန်းအန်သည် ခေါင်းညိတ်လိုက်ပြီး တွမ့်သယ်ကို ဖမ်းဆီးရန် မျိုးနွယ်စုအတွင်းရှိ အင်မော်တယ် အရှင်မြတ် စွမ်းအားရှင်များကို ဆက်သွယ်လိုက်၏။</p> <p> </p> <p>တွမ့်သယ်၏ တည်နေရာကို တွက်ချက်ပြီးနောက် အင်မော်တယ် အရှင်မြတ် အထွတ်အထိပ်အဆင့် စွမ်းအားရှင်သည် ဝူယီဖန်၏ ပုံတူ ပန်းချီကားကို တစ်ချက် ကြည့်လိုက်ပြီးနောက် မျက်လုံးများကို မှိတ်ကာ စတင် တွက်ချက်တော့သည်။</p> <p> </p> <p>မကြာမီ သူသည် မျက်လုံးများကို ဖွင့်လိုက်ပြီး အနည်းငယ် အံ့အားသင့်နေပုံဖြင့် မပြောဘဲ မနေနိုင်အောင် ဖြစ်သွား၏။</p> <p> </p> <p>"စိတ်ဝင်စားစရာပဲ... ငါ့ရဲ့  တွက်ချက်မှုတွေနဲ့တောင် တွက်ချက်လို့ မရနိုင်တဲ့ သူတစ်ယောက်နဲ့ တကယ်ပဲ တွေ့ရတယ်ပေါ့လေ... အဲဒီလိုဆိုရင်တော့ ငါ အလေးအနက်ထားပြီး လုပ်တာကို အပြစ်မတင်နဲ့တော့..."</p> <p> </p> <p>ထိုသို့ ပြောပြီးနောက် သူသည် ပါကွ သံလိုက်အိမ်မြှောင် တစ်ခုကို ထုတ်ယူလိုက်၏။ ၎င်းကို ထုတ်ယူလိုက်သည်နှင့် ပါကွ သံလိုက်အိမ်မြှောင်ပေါ်ရှိ ညွှန်တံသည် ဝူယီဖန်၏ အခြေအနေကို တွက်ချက်ရန် ရူးသွပ်စွာ လည်ပတ်နေတော့သည်။</p> <p>သို့သော်လည်း မကြာမီ အင်မော်တယ် အရှင်မြတ် အထွတ်အထိပ်အဆင့်သည် ထိတ်လန့်တကြားဖြင့် မျက်လုံးများ ပြူးကျယ်သွားပြီး မယုံနိုင်စွာဖြင့် အော်ဟစ်လိုက်၏။</p> <p> </p> <p>"ရွေးချယ်ခံရသူက တွက်ချက်မှုထက် ကျော်လွန်နေတယ်... ကြောက်စရာကောင်းတဲ့ အလားအလာပဲ... မဖြစ်ဘူး..."</p> <p> </p> <p>လင်းထျန်းအန်နှင့် ရူဖုန်းစံအိမ်၏ သံတမန်တို့မှာ တုံ့ပြန်ရန် အချိန်မရလိုက်မီမှာပင် ၊ နောက်တစ်စက္ကန့်တွင် အင်မော်တယ် အရှင်မြတ် အထွတ်အထိပ်အဆင့်ရှိ ထိုအနှီပုဂ္ဂိုလ်မှာ သူတို့၏ မျက်စိရှေ့တွင်ပင် ပေါက်ကွဲသွားပြီး ၊ သူ၏ ခန္ဓာကိုယ်သည် အစအနပင် မကျန်တော့ဘဲ သူ၏ ပါကွ သံလိုက်အိမ်မြှောင် ပင်လျှင် အပိုင်းပိုင်း ကွဲထွက်သွားတော့သည်။</p> <p> </p> <p>လင်းထျန်းအန်နှင့် ရူဖုန်းစံအိမ်၏ သံတမန်တို့ နှစ်ဦးစလုံးသည် အင်မော်တယ် အရှင်မြတ် အထွတ်အထိပ်အဆင့်ရှိ ထိုပုဂ္ဂိုလ်မှ ပြောခဲ့သည်များကို ကြားလိုက်ရပြီး သူတို့၏ အမူအရာများသည် အတော်လေး ကြည့်ရဆိုးသွားသည်။</p> <p> </p> <p>အထူးသဖြင့် ရူဖုန်းစံအိမ်မှ တွက်ချက်၍ မရနိုင်သော လူများ လုံးဝ မရှိကြောင်း ယခုလေးတင် ပြောခဲ့သော ရူဖုန်းစံအိမ်၏သံတမန်မှာ သူ မှားယွင်းသွားကြောင်း  ချက်ချင်း သက်သေပြခံလိုက်ရသည်။</p> <p> </p> <p>သို့သော်လည်း ဤကိစ္စ၏ အရေးပါမှုကို သူ သိရှိထားပြီး ဤသည်က ရူဖုန်းစံအိမ် ဝင်ရောက်စွက်ဖက်၍ မရနိုင်သော ကိစ္စဖြစ်ရာ ၎င်းကို လျစ်လျူရှုလိုက်ခြင်းက အကောင်းဆုံး ဖြစ်ကြောင်း သူ သိလိုက်သည်။</p> <p> </p> <p>ဤသို့ တွေးမိသောအခါ ရူဖုန်းစံအိမ် သံတမန်သည် လင်းထျန်းအန်ကို တိုက်ရိုက် ကြည့်လိုက်ပြီး သူ၏ လေသံမှာ ယခင်ကလောက် စိတ်အားထက်သန်မှု မရှိတော့ချေ။</p> <p>"လင်းမိသားစု ခေါင်းဆောင်... ဒီကိစ္စက ရူဖုန်းစံအိမ် ဝင်ရောက်စွက်ဖက်နိုင်တဲ့ စွမ်းရည်ထက် ကျော်လွန်နေပါတယ်... ဒါကြောင့် ကျေးဇူးပြုပြီး ထွက်သွားပေးပါ..."</p> <p>ထိုသို့ ပြောပြီးနောက် သူသည် လင်းထျန်းအန် ယခင်က ကမ်းလှမ်းခဲ့သော သယံဇာတများ အားလုံးကို သိမ်းယူလိုက်၏။</p> <p>ဤသည်ကို မြင်သောအခါ လင်းထျန်းအန်သည် ချက်ချင်း စိုးရိမ်တကြီး ဖြစ်သွားသည်။</p> <p>"မဖြစ်ဘူး... ဒါက လွန်လွန်းတယ်... မင်းက လက်ဆောင်တွေကိုတော့ ယူထားပြီး ဘာမှ မလုပ်ပေးဘူးပေါ့... အကယ်၍ ဒီသတင်းသာ ပျံ့သွားရင် မင်းတို့ ရူဖုန်းစံအိမ်ရဲ့ ဂုဏ်သတင်းကို ထိခိုက်မှာ မကြောက်ဘူးလား..."</p> <p> </p> <p>"ဟွန့်... ဂုဏ်သတင်း... မင်းကြောင့် ငါတို့ ရူဖုန်းစံအိမ်ရဲ့ အင်မော်တယ် အရှင်မြတ် အထွတ်အထိပ်အဆင့် ဧည့်သည်တော် အကြီးအကဲ တစ်ယောက် သေဆုံးသွားခဲ့ရတာလေ... ဒီလောက် သယံဇာတ ပမာဏက မင်းအတွက် လျော်ကြေးအနေနဲ့တောင် တန်နေပြီ... မင်းမှာ ပြောစရာ တစ်ခုခု ရှိသေးလား..."</p> <p> </p> <p>"ပြီးတော့ မင်းရဲ့ မိသားစု ကိစ္စတွေကို အမြန်ဆုံး ဖြေရှင်းဖို့ ပြန်သွားဖို့ ငါ အကြံပေးချင်တယ်..."</p> <p> </p> <p>သံတမန် စကားဆုံးပြီးနောက် သူသည် လင်းထျန်းအန်ကို ထွက်သွားရန် တိုက်ရိုက် တောင်းဆိုလိုက်၏။</p> <p> </p> <p>ဤစကားကို ကြားသောအခါ လင်းထျန်းအန်၏ အမူအရာသည် အတော်လေး ကြည့်ရဆိုးသွားသော်လည်း နောက်ဆုံးတွင် သူ ဘာမှမပြောခဲ့ချေ။ တစ်ဖက်လူ ပြောသည်မှာ မှန်ပေသည်။ လက်ရှိ အရေးအကြီးဆုံး ကိစ္စမှာ ပြန်သွားပြီး ဤကိစ္စကို မည်သို့ ဖြေရှင်းရမည်နည်း ဆိုသည်ကို သူ၏ မျိုးနွယ်စုနှင့် ဆွေးနွေးရန်ပင် ဖြစ်၏။</p> <p> </p> <p>တစ်ချိန်တည်းမှာပင် လွတ်မြောက်လာသော ဝူယီဖန်သည် နောက်ဆုံးတွင် သက်ပြင်းတစ်ချက် ချနိုင်သွားပြီး သူ၏ အမူအရာသည် အလွန် လေးနက်တည်ကြည်နေ၏။</p> <p> </p> <p>"ငါ့ကံက ဒီလောက် ဆိုးလိမ့်မယ်လို့ ငါ မျှော်လင့်မထားခဲ့ဘူး... အင်မော်တယ် အရှင်မြတ် တစ်ပါးနဲ့ တကယ်ကြီး တွေ့ခဲ့ရတာပဲ... ဒါပေမဲ့ ငါက ခြေတစ်လှမ်း စောနေသေးလို့ လွတ်လာတာပဲ... ကြည့်ရတာ ရှေးဟောင်း မြင့်မြတ်ခန္ဓာကိုယ်ကို မဟာတာအိုဖွင့်လှစ်ခြင်း ကောင်းကင်ခန္ဓာ အဖြစ် အဆင့်မြှင့်တင်ဖို့ အချိန်ရောက်ပြီ..."</p> <p> </p> <p>"ငါ မသိတာက... တွမ့်သယ်ရဲ့ ဘက်မှာ အခြေအနေ ဘယ်လို ရှိလဲ ဆိုတာပဲ..."</p> <p> </p> <p>ဤအခိုက်အတန့်တွင်မှ ဝူယီဖန်သည် တွမ့်သယ်၏ တည်ရှိမှုကို သတိရသွားပြီး အင်မော်တယ် ကျောက်တုံးကို ထုတ်ယူကာ တွမ့်သယ်ကို ဆက်သွယ်လိုက်၏။</p> <p> </p> <p>မိနစ်များ ကုန်လွန်လာသည်နှင့်အမျှ ဝူယီဖန်၏ စိုးရိမ်ပူပန်မှုမှာ ကြီးထွားလာသော်လည်း ကံကောင်းစွာဖြင့် နောက်ဆုံးတွင် ချိတ်ဆက်နိုင်ခဲ့သည်။ တွမ့်သယ် အဆင်ပြေကြောင်း ကြားလိုက်ရသဖြင့် ဝူယီဖန်သညိ နောက်ဆုံးတွင် သက်ပြင်းတစ်ချက် ချနိုင်သွား၏။</p> <p>"ကောင်းပြီ... မင်း အခု မြင့်မြတ်နယ်မြေကို ပြန်သွားလိုက်... ငါလည်း ပြန်လာခဲ့မယ်... ငါတို့ မြင့်မြတ်နယ်မြေမှာ ဆုံကြတာပေါ့..."</p> <p> </p> <p>ထိုသို့ ပြောပြီးနောက် ဝူယီဖန်သည် ဖုန်းချလိုက်ပြီး ရှေးဟောင်းကန္တာရ မြင့်မြတ်နယ်မြေဆီသို့ ချက်ချင်း ပြန်လည် ထွက်ခွာသွားတော့သည်။ ဤစကားကို ကြားသောအခါ တွမ့်သယ်ကလည်း ချက်ချင်း ထွက်ခွာလာပြီး ရှေးဟောင်းကန္တာရ မြင့်မြတ်နယ်မြေဆီသို့ ဦးတည်သွားတော့၏။</p> <p> </p> <p>ဝူဟောက်ဘက်တွင်မူ ၊ သူသည် မျက်လုံးများကို ဖွင့်ကာ အလယ်ပိုင်းဒေသဆီသို့ လှမ်းကြည့်လိုက်သည်။ ယခုလေးတင် တစ်စုံတစ်ယောက်က ဝူယီဖန်၏ အချက်အလက်များကို တွက်ချက်နေကြောင်း သူ ခံစားလိုက်ရ၏။ သူသည် ၎င်းကို သတိပြုမိပြီးနောက် အတွေးအာရုံဖြင့် သူ့ကို ချေမှုန်းပစ်လိုက်ခြင်း ဖြစ်သည်။</p> <p>"ယီဖန်က အင်မော်တယ် အရှင်မြတ်ရဲ့ ပစ်မှတ် ဘယ်လိုလုပ်ဖြစ်လာလဲဆိုတာကို ငါ မသိပေမဲ့ ...ဒါပေမဲ့ အချိန်က အရမ်း စောလွန်းနေတယ်... ဘိုးဘေးကြီး တစ်ယောက်အနေနဲ့ ငါ အဲ့တာကို တားဆီးပေးတာ ယုတ္တိရှိပါတယ်လေ..."</p> <p>ဝူဟောက်သည် ဖြည်းညင်းစွာ ခေါင်းယမ်းလိုက်ပြီးနောက် စူးချောင်ရန်ကို ဖက်ကာ နောက်တစ်ကြိမ် အိပ်မောကျသွားတော့၏။</p> <p>သို့သော်လည်း ဤအခိုက်အတန့်တွင် အထက်ကမ္ဘာ၏ အရှေ့ပိုင်းဒေသရှိ ဒြပ်စင်ငါးပါး မြင့်မြတ်နယ်မြေ၌ အချိန်ကြာမြင့်စွာ ခရီးသွားလာပြီးနောက် ဝူကျန်းအဲ့သည် နောက်ဆုံးတွင် ဒြပ်စင်ငါးပါး မြင့်မြတ်နယ်မြေသို့ ရောက်ရှိလာခဲ့သည်။</p> <p>ထိုအချိန်တွင် ဒြပ်စင်ငါးပါး မြင့်မြတ်နယ်မြေသည် ၎င်း၏ ကိုယ်ပိုင် ဂိုဏ်းကို တည်ထောင်ကာ တပည့်သစ်များကို လက်ခံနေလေ၏။</p> <p> </p> <p> </p> <p style="text-align: center;">***</p> <p> </p>


Save