Book List

<h2 style="text-align: center;">အခန်း ၁၈၆</h2> <h2 style="text-align: center;">ကံကြမ္မာရွေးချယ်ခံရသူ အားလုံးက သူတော်စင်တွေလား</h2> <h2 style="text-align: center;">*</h2> <p> </p> <p>ဒြပ်စင်ငါးပါး ခေါင်းလောင်းသည် ကိုးကြိမ်တိတိ မြည်ဟည်းသွားသောအခါ ဝူကျန်းအဲ့မှာ အံ့အားသင့်ကာ နေရာတွင်ပင် ကြက်သေသေသွား၏။ သူသည် ဒြပ်စင်ငါးပါး ခေါင်းလောင်းကို ကိုးကြိမ်တိတိ မြည်ဟည်းအောင် လုပ်နိုင်လိမ့်မည်ဟု မျှော်လင့်မထားခဲ့ချေ။</p> <p> </p> <p>နောက်တစ်စက္ကန့်တွင် ချက်ချင်းဆိုသလိုပင် ဒြပ်စင်ငါးပါး မြင့်မြတ်နယ်မြေ၏ ကာကွယ်ရေး ဖွဲ့စည်းပုံသည် အသက်ဝင်လာပြီး မည်သည့် သတင်းစကားမျှ အပြင်သို့ မထွက်သွားစေရန် ယင်ကောင် တစ်ကောင်တောင်မှ မလွတ်မြောက်နိုင်အောင် တားဆီးလိုက်၏။</p> <p> </p> <p>ဝူကျန်းအဲ့ သတိပြန်ဝင်လာချိန်တွင် သန်မာလှသော ပုဂ္ဂိုလ် အများအပြားက သူ၏ ရှေ့၌ ထွက်ပေါ်လာကြပြီး ၊ သူတို့အားလုံးသည် ဒြပ်စင်ငါးပါး မြင့်မြတ်နယ်မြေမှ အဆင့်မြင့် အဖွဲ့ဝင်များ ဖြစ်ကြသည်။</p> <p> </p> <p>"မိတ်ဆွေလေး... မင်းဆီမှာ အင်မော်တယ် ဧကရာဇ် တစ်ပါးရဲ့ အလားအလာကို ငါ မြင်တယ်... ငါ့ရဲ့ တပည့်အဖြစ် ခံယူဖို့ မင်း ဆန္ဒရှိလား... ငါက အင်မော်တယ် ဧကရာဇ် နှောင်းပိုင်းအဆင့်ရှိတဲ့ သန်မာလှတဲ့ ကျင့်ကြံသူ တစ်ဦးပဲ... အကယ်၍ မင်းသာ ငါ့ရဲ့ တပည့် ဖြစ်လာမယ်ဆိုရင် အတိုတောင်းဆုံး အချိန်အတွင်းမှာ အင်မော်တယ် ဧကရာဇ် အဆင့်ကို ဖောက်ထွက်နိုင်အောင် ကူညီပေးမယ်လို့ ငါ အာမခံတယ်..."</p> <p>ချင်ဇီကျွင်းသည် ဝူကျန်းအဲ့ကို ကြည့်လျက် မျက်လုံးများ အရောင်လက်နေသည်မှာ အဝတ်ဗလာဖြင့် ရှိနေသော အလွန်တရာမျှ လှပသော အမျိုးသမီး တစ်ဦးကို  မြင်တွေ့လိုက်ရပြီး သွေးသားဆန္ဒ ပြင်းပြသူ တစ်ဦးနှင့် တူနေ၏။</p> <p> </p> <p>ဝူကျန်းအဲ့သည် သူ၏ ပြင်းထန်သော အကြည့်များကြောင့် တံတွေးကို အတင်း မြိုချလိုက်ရသည်။</p> <p>ဒီမသက်မသာ ဖြစ်ရတဲ့ ခံစားချက်ကြီးက ဘာကြီးလဲ...</p> <p> </p> <p>သို့သော်လည်း သူသည် ဒြပ်စင်ငါးပါး မြင့်မြတ်နယ်မြေသို့ လာရောက်ရခြင်း၏ ရည်ရွယ်ချက်မှာ တပည့် တစ်ဦး ဖြစ်လာရန်မျှသာ ဖြစ်၏။ သူသည် အချိန်အကြာကြီး ကျင့်ကြံလာခဲ့ပြီး အရာအားလုံးကို သူ့ဘာသာသူ အမြဲတမ်း ဖြေရှင်းနေခဲ့ရသည်။ အကယ်၍ အင်မော်တယ် ဧကရာဇ် တစ်ပါးသာ ဆရာ ဖြစ်လာမည်ဆိုလျှင် ယင်းက သူ့အတွက် သေချာပေါက် ကြီးမားသော အကူအညီ ဖြစ်လာပေလိမ့်မည်။</p> <p> </p> <p>ဤသို့ တွေးမိသောအခါ ဝူကျန်းအဲ့သည် လက်အုပ်ချီကာ ရိုသေလေးစားစွာဖြင့် ဦးညွှတ်လိုက်သည်။</p> <p>"တပည့် ဝူကျန်းအဲ့က ဆရာ့ကို ဂါရဝပြုပါတယ်..."</p> <p> </p> <p>"ဟားဟားဟား... တော်တယ်... ဝူကျန်းအဲ့ ဟုတ်လား... ငါက ဒြပ်စင်ငါးပါး မြင့်မြတ်နယ်မြေရဲ့ မြင့်မြတ်အရှင်သခင် ချင်ဇီကျွင်းပဲ... ဒီနေ့ကစပြီး မင်းက ငါ့ရဲ့ ကိုယ်ပိုင်တပည့် ဖြစ်သွားပြီ..."</p> <p> </p> <p>ဝူကျန်းအဲ့၏ သဘောတူညီချက်ကို ကြားသောအခါ ချင်ဇီကျွင်းသည် အလွန်ပင် ပြုံးရွှင်သွားသဖြင့် သူ၏ မျက်နှာပေါ်ရှိ အရေးကြောင်းများကိုပင် ဖုံးကွယ်ထား၍ မရနိုင်တော့ဘဲ ဂန္ဓမာပန်း တစ်ပွင့်နှင့် တူသွားစေ၏။</p> <p> </p> <p>အခြား အကြီးအကဲများက ဝူကျန်းအဲ့ကို ချင်ဇီကျွင်း တစ်ယောက် လုယူသွားသည်ကို မြင်သောအခါ ဒေါသထွက်သွားကြသော်လည်း ၊ အတန်ကြာပြီးနောက် မတတ်သာသည့်ဟန်ဖြင့် သက်ပြင်းချလိုက်ကြသည်။ မည်သို့ပင်ဆိုစေကာမူ၊ ချင်ဇီကျွင်းသည် ဒြပ်စင်ငါးပါး မြင့်မြတ်ခန္ဓာကိုယ်နှင့် အင်မော်တယ် ဧကရာဇ် နှောင်းပိုင်းအဆင့် ရှိ ကျင့်ကြံမှုကို ပိုင်ဆိုင်ထားသဖြင့် ဒြပ်စင်ငါးပါး မြင့်မြတ်နယ်မြေတွင် အသန်မာဆုံးသူ ဖြစ်၏။ အမှန်တကယ်ပင် ဝူကျန်းအဲ့၏ ကျင့်ကြံခြင်းကို လမ်းညွှန်ပေးရန် ချင်ဇီကျွင်းထက် ပို၍ သင့်လျော်သောသူ မရှိတော့ချေ။</p> <p> </p> <p>တစ်ချိန်တည်းမှာပင် အခြားတစ်ဘက်၌ ဝူဟောက်၏ နှင်ထုတ်ခြင်းကို ခံလိုက်ရပြီးနောက် ဝူလီသည် သူ၏ နောက်ထပ် ခြေလှမ်းအတွက် စဉ်းစားနေ၏။ မည်သို့ပင်ဆိုစေကာမူ၊ အစီအစဉ် မရှိသော ဘဝတစ်ခုက... မဟုတ်ဘူး... အင်မော်တယ် ဘဝခရီးလမ်းသည် အန္တရာယ်များဖြင့် ပြည့်နှက်နေပြီး အစီအစဉ် မရှိဘဲ အပြင်ထွက်ရသည်ကို သူ သဘောမကျချေ။</p> <p> </p> <p>"အင်း... ငါ အစီအစဉ် တစ်ခုတော့ ဆွဲရမယ်... အထက်ကမ္ဘာရဲ့ အခြေအနေကို အရင်ဆုံး စုံစမ်းဖို့ အားနည်းတဲ့ ဂိုဏ်းတစ်ခုကို ရှာကြည့်ကြတာပေါ့..."</p> <p> </p> <p>ဤသို့ တွေးမိသောအခါ ဝူလီသည် သက်ပြင်းချလိုက်ပြီးနောက် ပတ်ဝန်းကျင်ကို စတင် ရှာဖွေလိုက်ရာ သင့်လျော်သော အဖွဲ့အစည်း တစ်ခုကို အလျင်အမြန် ရှာတွေ့သွား၏။</p> <p> </p> <p> </p> <p>တစ်ချိန်တည်းမှာပင် ရွှမ်ထျန်းကမ္ဘာ၌။</p> <p> </p> <p>အချိန်များ ကုန်လွန်လာသည်နှင့်အမျှ ဝူရှန်းနီနှင့် ဝူမိုဝူတို့သည် လူသားအင်မော်တယ် အဆင့်သို့ နောက်ဆုံးတွင် ဖောက်ထွက်သွားခဲ့ကြပြီး အထက်ကမ္ဘာသို့ တစ်ယောက်ပြီး တစ်ယောက် တက်လှမ်းသွားကြ၏။</p> <p> </p> <p>ဝူရှန်းနီနှင့် ဝူမိုဝူတို့ တက်လှမ်းသွားသည်ကို ကြည့်ကာ ဝူဝမ်တောက်နှင့် ဇနီးဖြစ်သူတို့၏ မျက်လုံးများထဲတွင် လွမ်းဆွတ်မှုများဖြင့် ပြည့်နှက်နေသည်။ မည်သို့ပင်ဆိုစေကာမူ၊ သူတို့ကို ဘယ်အချိန်မှ ပြန်တွေ့ရမည်ကို သူတို့ မသိကြချေ။</p> <p> </p> <p>"မင်းတို့ အားလုံး ဘာလို့ အဲဒီလောက် စိတ်ဓာတ်ကျနေကြတာလဲ... ဆက်ကြိုးစားကြလေ... မဟာဧကရာဇ် အထွတ်အထိပ်အဆင့်ကို ဖောက်ထွက်ပြီး အမြန်ဆုံး တက်လှမ်းကြစမ်းပါ..."</p> <p> </p> <p>လူတိုင်း၏ စိတ်ဓာတ်ကျနေသော အမူအရာများကို မြင်ပြီး ဝူရူလုံသည် မိသားစု ခေါင်းဆောင် တစ်ယောက်အနေဖြင့် ရှေ့သို့ ထွက်လာပြီး သူ၏ မဟာဧကရာဇ် နှောင်းပိုင်းအဆင့် ရှိ ကျင့်ကြံမှုများဖြင့် ပေါက်ကွဲထွက်လာကာ ဝူမိသားစုဝင်များကို အားပေးနေသကဲ့သို့ ရှိ၏။</p> <p> </p> <p>ထို့နောက် နောက်တစ်စက္ကန့်တွင် ဝူချီထျန်းက ရှေ့သို့ ထွက်လာသည်။</p> <p>"အဖေ... အဖေ့ရဲ့ အားတွေကို ချွေတာထားလိုက်ပါ... ကျင့်ကြံဖို့နဲ့ မဟာဧကရာဇ် အထွတ်အထိပ်အဆင့်ကို ဖောက်ထွက်ဖို့ကိုပဲ အရင် အာရုံစိုက်ကြစို့..."</p> <p>ဝူချီထျန်းသည် မဟာဧကရာဇ် အထွတ်အထိပ်အဆင့်သို့ ဖောက်ထွက်ပြီးပြီ ဖြစ်ရာ အောက်ကမ္ဘာရှိ ဝူမိသားစုတွင် အငြင်းပွားဖွယ်မရှိ အသန်မာဆုံးသူ ဖြစ်ကြောင်း သက်သေပြနေ၏။</p> <p> </p> <p>မည်သို့ပင်ဖြစ်စေ ယခုအခါ လူတိုင်းက အင်မော်တယ် ဆေးလုံးများကို စားသုံးနေကြသော်လည်း ပါရမီတွင် အနည်းငယ် ကွာခြားမှုများ ရှိနေသေးသည်။ ဝူရူလုံသည် အင်မော်တယ် ဆေးလုံး၏ ပြုပြင်မွမ်းမံမှုအောက်တွင် သူ၏ ပါရမီသည် အများဆုံး အဆင့်မြင့် ဝိညာဉ်အမြစ် အဖြစ်သို့သာ ရောက်ရှိနိုင်သေး၏။ဝူချီထျန်းသည် သူ၏ ပါရမီကြောင့် ထိပ်တန်းအဆင့် ဝိညာဉ်အမြစ် အဖြစ် ရောက်ရှိထားသည်။</p> <p> </p> <p>"အဟမ်း... ဘာပဲဖြစ်ဖြစ် အားလုံး ကြိုးကြိုးစားစား ကျင့်ကြံပြီး အထက်ကမ္ဘာကို အမြန်ဆုံး တက်လှမ်းနိုင်အောင် လုပ်ကြ... ပြီးတော့ အထက်ကမ္ဘာမှာ ဝူမိသားစု ကုန်သွယ်ရေးက ဘယ်လို အခြေအနေ ရှိနေလဲဆိုတာ ငါ တကယ် သိချင်တယ်..."</p> <p> </p> <p>ဤအကြောင်းကို တွေးမိသောအခါ ဝူရူလုံ၏ မျက်လုံးများထဲတွင် လွမ်းဆွတ်မှုနှင့် တမ်းတမှုတို့ ဖြင့် ရှုပ်ထွေးစွာ ပြည့်နှက်သွား၏။ ဝူမိသားစု ကုန်သွယ်ရေးသည် သူ၏ ဘဝတစ်သက်တာ လုပ်ဆောင်ခဲ့သော အလုပ်ဖြစ်ပြီး ၊ ဝူမိသားစု ကုန်သွယ်ရေးသည် ကမ္ဘာမြေ အသီးသီးသို့ ပြန့်နှံ့သွားနိုင်ရန် အခြားသူများထက် သူ ပို၍  မျှော်လင့်မိသည်။</p> <p> </p> <p>တစ်ချိန်တည်းမှာပင် အလယ်ပိုင်းဒေသ၌ ကပ်ဘေးမိုးကြိုးများ ဆက်တိုက် ပေါ်ထွက်လာပြီး ၎င်း၏ ပစ်မှတ်မှာ လင်းယာဟွမ် ဖြစ်ပေသည်။</p> <p> </p> <p>ထန်ယန်၏ အကူအညီဖြင့် လင်းယာဟွမ်၏ ပါရမီသည် ယခင်က တစ်ခါမျှ မရှိခဲ့ဖူးသည့်အတိုင်း မြင့်တက်လာခဲ့သည်။ ဤမျှ တိုတောင်းသော အချိန်လေးအတွင်းမှာပင် ဧကရာဇ်တစ်ပိုင်း အထွတ်အထိပ်အဆင့်မှနေ၍ လူသားအင်မော်တယ် အဆင့်သို့ တိုက်ရိုက် တက်လှမ်းသွားခဲ့ပြီး ဝူရူလုံနှင့် အခြားသူများထက်ပင် ပို၍ မြန်ဆန်နေ၏။ ဤသည်က ရွှေရောင်လက်ချောင်း၏ အကူအညီဖြင့် လင်းယာဟွမ် ရောက်ရှိနိုင်သော ပါရမီရှင် အဆင့်ကို ပြသနေသည်။</p> <p> </p> <p>"ငါတို့ ပန်းတစ်သောင်းမြင့်မြတ်နယ်မြေမှာ အကဲဖြတ်ခံရမယ့် ပထမဆုံးသူက သူမ ဖြစ်လာလိမ့်မယ်လို့ ငါ တကယ်ပဲ မျှော်လင့်မထားခဲ့ဘူး..."</p> <p> </p> <p>မနီးမဝေးတွင် လင်းထျန်းရိနှင့် အခြားသူများသည် အတူတူ ရပ်ကာ ကပ်ဘေးမိုးကြိုးအောက်ရှိ လင်းယာဟွမ်ကို ကြည့်နေကြပြီး သူတို့၏ အမူအရာများသည် အလွန်တရာ ရှုပ်ထွေးနေ၏။</p> <p> </p> <p>ပါရမီအရ၊ သူတို့သည် လင်းယာဟွမ်ထက် ပို၍ ပါရမီပါကြောင်းကို သင် သိထားရမည်။ အသန်မာဆုံး ဖြစ်သော လင်းထျန်းရိ ပင်လျှင် မဟာဧကရာဇ် နှောင်းပိုင်းအဆင့်သို့သာ ရောက်ရှိသေးသည်။</p> <p> </p> <p>မဟာအကြီးအကဲက ဘေးတွင် ရပ်ကာ ပြောလိုက်သည်။</p> <p>"ဒါပေမဲ့ ဒါကလည်း ကောင်းပါတယ်လေ... ငါတို့ ပန်းတစ်သောင်းမြင့်မြတ်နယ်မြေက ဝူမိသားစု ပြီးရင် တက်လှမ်းနိုင်သူ ရှိတဲ့ ဒုတိယမြောက် အဖွဲ့အစည်းအဖြစ် သတ်မှတ်လို့ ရပြီ... သူတော်စင်မရဲ့ တက်လှမ်းခြင်းက ငါတို့ ပန်းတစ်သောင်းမြင့်မြတ်နယ်မြေအတွက် လမ်းခင်းပေးဖို့ပဲ..."</p> <p> </p> <p>ဤစကားကို ကြားသောအခါ လင်းထျန်းရိနှင့် အခြားသူများက ခေါင်းငြိမ့်သဘောတူလိုက်ကြသည်။</p> <p>သို့သော်လည်း လင်းယာဟွမ်သည် ဤအကြောင်းများကို လုံးဝ မသိရှိခဲ့ချေ။ ဤအခိုက်အတန့်တွင် သူမသည် ကပ်ဘေးမိုးကြိုးထဲမှ တက်လှမ်းခြင်းကိုသာ အပြည့်အဝ အာရုံစိုက်နေ၏။ တက်လှမ်းခြင်း ပြီးဆုံးသွားသည်နှင့် ကပ်ဘေးမိုးကြိုးများ ပျောက်ကွယ်သွားပြီး လင်းယာဟွမ်၏ ပုံရိပ်ကလည်း ၎င်းနှင့်အတူ ပျောက်ကွယ်ကာ အထက်ကမ္ဘာသို့ ရောက်ရှိသွားတော့သည်။</p> <p> </p> <p>တစ်ချိန်တည်းမှာပင် အထက်ကမ္ဘာ၌။</p> <p> </p> <p>ဝူရှန်းနီ တက်လှမ်းလာပြီး စက္ကန့်ပိုင်း အကြာမှာပင် ဝူမိုဝူက အနောက်မှ လိုက်ပါလာ၏။ သူနှင့်အတူ တက်လာသော ညီမကို ကြည့်ကာ ဝူရှန်းနီသည် အနည်းငယ် မျက်မှောင်ကြုတ်သွားပြီး ညီမဖြစ်သူကို သူမဘာသာသူ  ခွဲထွက်သွားအောင် မည်သို့ လုပ်ရမည်ကို တွေးနေမိသည်။ သို့သော်လည်း ဝူမိုဝူက အရင် စကားပြောလာလိမ့်မည်ဟု သူ မျှော်လင့်မထားခဲ့ချေ။</p> <p> </p> <p>"အစ်ကို... အောက်ကမ္ဘာမှာတုန်းက ငါတို့က အမြဲတမ်း တွဲနေခဲ့ကြတယ်... အဲဒါက ငါတို့ရဲ့ ကြီးထွားမှုအတွက် မကောင်းဘူး... အထက်ကမ္ဘာမှာ ငါတို့ ခွဲသွားကြရင်ရော ဘယ်လိုလဲ... အဲ့တာက ငါတို့ကို ပိုပြီး သန်မာလာစေနိုင်တယ်လေ..."</p> <p> </p> <p>ညီမဖြစ်သူ၏ စကားများကို ကြားသောအခါ ဝူရှန်းနီသည် ဆုံးဖြတ်ချက် ချပြီးသား ဖြစ်သော်လည်း ၊ သို့သော်လည်း အကြောင်းပြချက် တစ်ခုခုကြောင့် ဤအခိုက်အတန့်တွင် တွန့်ဆုတ်နေမိ၏။</p> <p>သို့သော်လည်း အလျင်အမြန်ပင် ဝူရှန်းနီက ပြုံးကာ ခေါင်းညိတ်လိုက်သည်။</p> <p> </p> <p>"ကောင်းပြီလေ... အဲဒီလိုဆိုရင် အထွတ်အထိပ် ရောက်မှပဲ ဆုံကြတာပေါ့..."</p> <p>"အိုကေ... အထွတ်အထိပ် ရောက်မှ တွေ့မယ်..."</p> <p> </p> <p>ဝူမိုဝူသည် ပြုံးလိုက်ပြီးနောက် လှည့်ကာ အဝေးသို့ ထွက်ပြေးသွားတော့သည်။ ဝူရှန်းနီကလည်း ဝူမိုဝူနှင့် ဆန့်ကျင်ဘက် အရပ်ဆီသို့ ပြေးသွားကာ သူတို့၏ ဘဝလမ်းကြောင်းများသည် ကွဲကွာသွားသကဲ့သို့ ရှိနေ၏။</p> <p> </p> <p>"အင်း... ဒါက အထက်ကမ္ဘာမှာ လွှမ်းမိုးမှု ရှိတဲ့ အဖွဲ့အစည်းရဲ့ ပိုင်နက် ဆိုတာ သေချာရဲ့လား... အကယ်၍ မင်းသာ ငါ့ကို လိမ်ရဲရင် အကျိုးဆက်တွေကို မင်း သိထားသင့်တယ်နော်..."</p> <p> </p> <p>အင်မော်တယ် အရှင်မြတ် အဆင့် သို့မဟုတ် အထက်ရှိ သန်မာလှသော ပုဂ္ဂိုလ်များ ရှိနေသည့် အထက်ကမ္ဘာရှိ အဖွဲ့အစည်းများနှင့် ပတ်သက်သော အချက်အလက်များကို ကိုင်ဆောင်ထားရင်း ဝူလီသည် မနီးမဝေးရှိ မျက်နှာတွင် ညိုမည်းဖူးယောင်နေအောင် အရိုက်ခံထားရသော လူလတ်ပိုင်း တစ်ဦးဘက်သို့ လှည့်ကာ ပြောလိုက်၏။</p> <p> </p> <p>ထိုလူလတ်ပိုင်းသည် မကောင်းသော အမှတ်တရများကို ပြန်လည် သတိရသွားသကဲ့သို့ ခေါင်းကို အထပ်ထပ် ညိတ်ပြလိုက်သည်။</p> <p> </p> <p>"အရှင်... ဒါက အထက်ကမ္ဘာရဲ့ အင်အားစုတွေ အားလုံးနဲ့ ပတ်သက်တဲ့ အချက်အလက်တွေပါ... အရှင့်ကို ကျွန်တော် တကယ် မလိမ်ရဲပါဘူး..."</p> <p> </p> <p>ဤအခိုက်အတန့်တွင် ထျန်းယွီဂိုဏ်း၏ ဂိုဏ်းချုပ် လုထျန်းယွီမှာ စိတ်ထဲမှ ကြိတ်ပြီး ကျိန်ဆဲနေလေ၏။ သူသည် ဂိုဏ်းထဲတွင် ကောင်းမွန်စွာ ကျင့်ကြံနေပြီး စစ်မှန်အင်မော်တယ် အဆင့်သို့ ဖောက်ထွက်ရန် စီစဉ်နေစဉ်မှာပင် လူငယ်တစ်ယောက် ရုတ်တရက် ရောက်လာပြီး အထက်ကမ္ဘာတွင် အင်မော်တယ် အရှင်မြတ် အဆင့်ရှိ စွမ်းအားရှင်များ ရှိနေသော အဖွဲ့အစည်း အားလုံးနှင့် ပတ်သက်သည့် အချက်အလက်များကို လာရောက် တောင်းခံခဲ့သည်။</p> <p> </p> <p>လုထျန်းယွီသည် မာနကြီးပြီး မောက်မာသော သူတစ်ယောက် ဖြစ်ကာ ဤကဲ့သို့သော အရှက်ခွဲခံရမှုမျိုးကို တစ်ခါမှ မကြုံဖူးသဖြင့် သူသည် ချက်ချင်းပင် တိုက်ခိုက်ခဲ့သည်။</p> <p> </p> <p>သို့သော်လည်း နှစ်မိနစ်ခွဲ အကြာတွင် ဝူလီသည် သူ့ကို လုံးလုံးလျားလျား အနိုင်ယူသွားခဲ့လေသည်။</p> <p> </p> <p> </p> <p style="text-align: center;">***</p> <p> </p>


Save