Book List

<h2 style="text-align: center;">အခန်း ၃၉</h2> <h2 style="text-align: center;">လူ့လောကထဲက အနုပညာလက်ရာတစ်ခု</h2> <h2 style="text-align: center;">*</h2> <p> </p> <p>လျှို့ဝှက်အကန့်ထဲတွင် တွေ့ရှိရသော ကဗျာများက ပညာသင်ဝမ်တစ်ယောက် ဝမ်ကျင်းအာ အပေါ် မည်မျှနက်နက်ရှိုင်းရှိုင်း သံယောဇဉ်ရှိသည်ကို ဖော်ပြနေသည်။</p> <p> </p> <p>ဝမ်ယင်းယင်းအပေါ် လက်စားပြန်ချေဖို့အရေး သူ့အနာဂတ်တစ်ခုလုံးကို အရည်ဖျော်စတေးခဲ့သည့်လုပ်ရပ်ကိုလည်း ရှင်းပြနေသကဲ့သို့။<br />  </p> <p>"လင်ကျောက်ယွဲ့ကိုရော ဘယ်လိုထင်သလဲ ပြောပြပါဦး"</p> <p> </p> <p>လီနန်ခယ့်က စက္ကူတစ်ရွက်ပေါ်တွင် တစ်ခုခုကိုရေးခြစ်ရင်း မေးလိုက်သည်။</p> <p> </p> <p>လိန်ရှင်းနန်က ထိုသူဘာတွေရေးခြစ်နေသလဲသိချင်စိတ်ဖြင့် ကဲကြည့်လိုက်သည်။ အချိန်တော်တော်ကြာကြည့်ပြီး စာလုံးများကိုနားလည်သည့်တိုင် ရေးနေသည့်အကြောင်းအရာကိုတော့ နားမလည်နိုင်ခဲ့။ ဟိုရောက်သည်ရောက်ဖြစ်နေသည်က များသည်။</p> <p> </p> <p>သို့သော် အကြောင်းအရာထက် လက်ရေးလက်သားက သူမကိုပိုဆွဲဆောင်သွားနိုင်ခဲ့သည်။</p> <p> </p> <p>သူမမြင်ဖူးသည့် မည်သည့်လက်ရေးမူနှင့်မှမတူ၊ အလွန်လှပသေသပ်သည်။</p> <p> </p> <p>အထူးသဖြင့် သူမပေးထားခဲ့သော ထိုခဲတံမှာလည်း ခရီးဆောင်ပစ္စည်းတစ်ခုအဖြစ် သယ်ရလွယ်အောင် အထူးဖန်တီးထားခြင်းဖြစ်လေရာ သာမန်ခဲတံဘောပင်များနှင့်မတူဘဲ မီးဝိညာဥ် ကျောက်မီးသွေးဖြင့် ပြုလုပ်ထားခြင်းဖြစ်သည်။ ထိုကလောင်တံနှင့်ဆိုလျှင် ထိုမျှလှပဆန်းသစ်သော စာလုံးများကိုရေးနိုင်ဖို့ သာ၍ခက်ခဲလှမည်ပင်။</p> <p> </p> <p>ပညာသင်ဝမ်က ရှုပ်ထွေးနေသောမျက်နှာအမူအရာဖြင့် ပြောလာသည်။</p> <p>"လင်ကျောင်ယွဲ့ကလည်း မိသားစုက အလိုလိုက်ထားလို့ တစ်ကိုယ်ကောင်းဆန်ပြီး သူဌေးသမီးစရိုက်ရှိပေမဲ့ သူက ဝမ်ယင်းယင်းထက်စာရင် ပိုပြီးရိုးသားပါတယ်။ တစ်ခါတလေကျရင်တော့ သူက ဟန်ဆောင်တတ်တာမျိုး ရှိတာပေါ့။</p> <p> </p> <p>"ဒါ့အပြင် အဲဒီမိန်းကလေးက ရည်မှန်းချက်တအားကြီးတယ်။ သူ့ရဲ့ အသိုင်းအဝိုင်းထဲမှာဆိုရင် သူလိုချင်တာတွေက တခြားသူတွေထက် အများကြီး ပိုပြီးမြင့်မားတယ်။"</p> <p> </p> <p>"ကျွန်တော်မှတ်မိသေးတယ်။ သူ့အသက်၁၂နှစ်တုန်းကပေါ့။ ရှေ့ဖြစ်ဟောဆရာတစ်ယောက်က သူဟာ အထက်တန်းစားဖြစ်မဲ့ကံပါလာပြီး မင်းသမီးတစ်ပါးတောင် ဖြစ်လာနိုင်တယ်လို့ ဟောခဲ့ဖူးတယ်။ သူလမ်းမှန်ကိုရွေးရင် ရွှေဖီးနစ်ငှက် ဖြစ်လာမယ်၊ လမ်းမှားကိုရွေးရင်တော့ ချောက်ကမ်းပါးထဲ ကျလိမ့်မယ်တဲ့။"</p> <p> </p> <p>"အဲ့ဒီအချိန်ကစပြီး သူက သူ့ကိုယ်သူ အနာဂတ်မင်းသမီးတစ်ပါးလို့သတ်မှတ်လိုက်ပြီး ယောက်ျားတိုင်းကို အထင်တသေးဆက်ဆံတော့တာပဲ"</p> <p> </p> <p>"တကယ်ကို ကလေးကလားဆန်တာပဲ"</p> <p> </p> <p>လိန်ရှင်းနန် ဝင်မပြောဘဲမနေနိုင်တော့။</p> <p> </p> <p>သို့သော် ပညာသင်ဝမ်က ထိုမှတ်ချက်ကိုငြင်းပယ်လာသည်။</p> <p>"မဟုတ်ဘူး။ အဲ့ဒါ ကလေးကလားဆန်တာမဟုတ်ပါဘူး။ သူ့ရဲ့စံပြရည်မှန်းချက်ပဲလေ"</p> <p> </p> <p>"မနှစ်က ဧကရာဇ်အသစ် နန်းတက်တဲ့အချိန်မှာ ကျွန်တော်တို့ နန်းမြို့တော်ကို ခရီးသွားခဲ့ကြပြီး မိဖုရားခေါင်ကြီးရဲ့ နန်းတက်ပွဲအခမ်းအနားကို ကံကောင်းထောက်မစွာ မြင်တွေ့ခဲ့ရတယ်။ အဲဒီအချိန်က အဲဒီမိန်းကလေးရဲ့ မျက်လုံးတွေကို ခင်ဗျားတို့မမြင်ခဲ့ရလို့ပါ။ အဲဒါက တောင့်တမှုတစ်မျိုးပဲ၊ ရည်မှန်းချက်တွေလည်း အများကြီးပါဝင်နေတယ်။"</p> <p> </p> <p>"ဒီမြို့ဆီပြန်လာပြီး သူက အနာဂတ်မှာ မိဖုရားခေါင်ကြီးတစ်ပါး သေချာပေါက်ဖြစ်လာလိမ့်မယ်လို့ ကျွန်တော့်ညီမလေးကိုပြောခဲ့သေးတယ်။ ဒီလောကရဲ့ အာဏာအကြီးဆုံးအမျိုးသမီး ဖြစ်ချင်တာတဲ့လေ"</p> <p> </p> <p>ဒါကြောင့် ကျွန်တော့်မျက်စိထဲမှာတော့ လင်ကျောင်ယွဲ့ဟာ ရည်မှန်းချက်အလွန်မြင့်မားတဲ့ အမျိုးသမီး တစ်ယောက်ပဲ။ သူက ဝမ်ယင်းယင်းကိုတောင် အမြဲအထင်သေးခဲ့တာ။ သူတို့ အတူတူဆော့ကစားနေကြတာလည်း ဝမ်မိသားစုနောက်ခံက အရာရှိအဆက်အနွယ်တွေကြောင့်ပဲဖြစ်မယ်"</p> <p> </p> <p>ပညာသင်ဝမ်၏ အကဲဖြတ်ချက်မှာ အလွန်မျှတပြေပြစ်သည်။</p> <p> </p> <p>သူသည် လင်ကျောင်ယွဲ့အပေါ် အာဃာတများမကုန်စင်သော်လည်း စကားကိုမျှမျှတတဆိုသည်။ ဤသူဌေးသမီးလေးမှာ မွေးရာပါစိတ်ပုတ်သူ မဟုတ်ဘဲ ဝေးကွာလွန်းလှသော စံပြရည်မှန်းချက်တစ်ခုပေါ်တွင်သာ စွဲလမ်းလွန်းနေခြင်း ဖြစ်သည်ဟု သူယုံကြည်သည်။</p> <p> </p> <p>"စိတ်ဝင်စားစရာပဲ"</p> <p> </p> <p>လီနန်ခယ့်က မေးစေ့ကိုပွတ်ရင်း တွေးတောနေသည်။</p> <p> </p> <p>သပွတ်အူလိုက်နေသော အမှုကိစ္စတစ်ခုလုံးက လူတိုင်း၏မျက်စိရှေ့တွင် ရှင်းလင်းနေခဲ့ပြီးလေပြီ။</p> <p> </p> <p>ခြေကျိုးနှစ်ဖက်ကိုကုသနေသော အဘိုးချင်သည် နာလန်ထစအချိန်တွင် မိုးနီရေပါဝင်သောဆေးတစ်မျိုးကို အလွန်အကျွံသောက်သုံးမိရာမှ လက်စားချေဖို့ကိုသာအာရုံရှိတော့သော မိစ္ဆာတစ်ကောင်အဖြစ် ပြောင်းလဲသွားခဲ့သည်။ ထို့နောက် လင်ကျောက်ယွဲ့တို့သူငယ်ချင်းတစ်စုကို ချူဟုန်တောင်တွင် လိုက်လံတိုက်ခိုက်ကာ တစ်ယောက်ကိုသေစေပြီး ကျန်နှစ်ဦးကို ဒဏ်ရာရစေနိုင်ခဲ့သည်။</p> <p> </p> <p>ပညာသင်ဝမ်သည် ဝမ်ကျင်းအာအတွက် လက်စားချေသည့်အနေဖြင့် ထိုနှစ်ဦးအား မိုးနီရေတိုက်ကျွေးခဲ့သည်။</p> <p> </p> <p>ဤသို့ဖြင့် ဝမ်ယင်းယင်းတစ်ယောက် သေလွန်ရလေသည်။</p> <p> </p> <p>ဟယ့်ချင်းယွီကိုသတ်ခဲ့သော တရားခံအတွက်လည်း အဖြေတစ်ခုရှိနေလေပြီ။</p> <p> </p> <p>တရားခံများ တစ်ယောက်ပြီးတစ်ယောက် ပေါ်ပေါက်လာပြီးဖြစ်သဖြင့် သင်္ချိုင်းလူသားဟယ့်ချင်းယွီနှင့် မေရှင်းအာကို တွေ့အောင်ရှာကာ မိစ္ဆာသတ္တဝါကိုဖမ်းဆီးဖို့သာ ကျန်တော့သည်ပင်။<br />  </p> <p>သို့ပေမဲ့ လီနန်ခယ့်ကတော့ တစ်ခုခုလွဲချော်နေသလို ခံစားနေရဆဲပင်။</p> <p> </p> <p>ဤအမှန်တရားဆိုသည်များကို တစ်ခုချင်း လိုက်လံစစ်ဆေးလျှင် ပြဿနာမရှိသော်လည်း အားလုံးကို ပေါင်းစပ်လိုက်သည့်အခါ ဟာကွက်မရှိအောင် အတင်းအဓမ္မ ဖာထေးထားသကဲ့သို့ ဖြစ်နေသည်။</p> <p> </p> <p>"ဖြစ်နိုင်ရင် ဝမ်ကျင်းအာရုပ်အလောင်းကို တစ်ချက်စစ်ဆေးလို့ရမလား"</p> <p> </p> <p>လီနန်ခယ့်က တောင်းဆိုလာသည်။</p> <p> </p> <p>တစ်ဖက်လူ ချက်ချင်းငြင်းဆိုလိမ့်မည်ဟု ထင်ထားသော်ငြား ပညာသင်ဝမ်က တွန့်ဆုတ်နေရာမှ ဝန်လေးစွာပြောလာသည်။</p> <p>"အရင်က ရင်ခွဲစစ်ဆေးခဲ့ပြီးပြီမဟုတ်လား။ အခုက ခေါင်းတလားကိုတောင် သံရိုက်ထားပြီးပြီ"</p> <p> </p> <p>"ဒါဆို ခေါင်းတလားကိုပြန်ဖွင့်လိုက်တာပေါ့"<br />  </p> <p>တစ်ဖက်လူ တစ်ခုခုကိုဖုံးကွယ်ထားသေးကြောင်း လီနန်ခယ့် အကဲခတ်မိသွားသည်။</p> <p> </p> <p>လိန်ရှင်းနန်လည်း ပညာသင်ဝမ် မူမမှန်တော့ကြောင်း သတိထားမိပြီး မျက်လုံးများက ဖျတ်ခနဲလက်သွားကာ ခပ်တင်းတင်းဆိုလာသည်။</p> <p>"ဒီအတွက် မင်းခွင့်ပြုချက်မလိုပါဘူး။ အမှုအတွက် ခေါင်းတလားကိုဖွင့်ပြီးစစ်ဆေးဖို့ ငါ့မှာလုပ်ပိုင်ခွင့်အပြည့်အဝရှိတယ်။ မြေထဲထည့်မြှုပ်ထားပြီးရင်တောင် ပြန်ပြီးတူးဖော်ပိုင်ခွင့်ရှိတယ်"</p> <p> </p> <p>အေးစက်သောအရာရှိမင်း၏ ပြတ်သားမှုကြောင့် ပညာသင်ဝမ်လည်း အရှုံးပေးလိုက်ရတော့သည်။</p> <p> </p> <p>"ဟုတ်ပြီလေ ကျွန်တော်ခေါ်သွားပေးပါ့မယ်"</p> <p>ထို့နောက် တောင်းပန်တိုးလျှိုးသည့်ဟန်ဖြင့် တစ်ခုဖြည့်ပြောလာသည်။</p> <p> </p> <p>"ဒါပေမဲ့ ခင်ဗျားတို့ဘာပဲမြင်ခဲ့မြင်ခဲ့ လျှို့ဝှက်ချက်အဖြစ်ထားပေးဖို့ တောင်းဆိုပါရစေ"<br />  </p> <p>ဒီတော့ လျှို့ဝှက်ချက်တစ်ခု ရှိနေတာပေါ့လေ။<br />  </p> <p>လီနန်ခယ့်၏နှုတ်ခမ်းများက အဓိပ္ပာယ်ပါပါ‌ ကွေးညွှတ်သွားခဲ့သည်။</p> <p> </p> <p>သို့ပေမဲ့ သူတို့ ဝမ်ကျင်းအာ၏ခေါင်းတလားကို ဖွင့်လိုက်ချိန်တွင် အလောင်းစစ်ဆေးမှုကို ဤလူဘာကြောင့်ငြင်းဆန်ချင်နေရကြောင်း လီနန်ခယ့်နားလည်သွားရတော့သည်။</p> <p> </p> <p>ပြောစရာစကားပင်မရှိတော့။</p> <p> </p> <p>ခေါင်းတလားထဲတွင် ဝမ်ကျင်းအာ၏ရုပ်အလောင်းတစ်ခုတည်း ဟုတ်မနေပါချေ။</p> <p> </p> <p>ပစ္စည်းတစ်ခုလည်း အပိုရှိနေသေးသည်။</p> <p> </p> <p>အတိအကျဆိုရလျှင် မည်သည့်ပစ္စည်းနှင့်ပြုလုပ်ထားမှန်း မသိရသော လူနှင့်အလွန်တူသည့် အရုပ်မကြီးတစ်ရုပ်ပင်။</p> <p> </p> <p>ထိုအရုပ်မကြီးသည် ပုံမှန်လူသားတစ်ယောက်၏ အရွယ်အစား အချိုးအစားအတိုင်းပြုလုပ်ထားပြီး သွယ်လျသောကိုယ်လုံးကိုယ်ပေါက်ရှိသည်။ ဦးခေါင်းသည်ပင် နုနယ်ချောမွေ့နေပြီး အသားအရည်မှာ ကိုင်တွယ်ကြည့်လိုက်လျှင် ရုန်းကန်အားတစ်ခုရှိနေသလို။</p> <p> </p> <p>အရေးကြီးဆုံးအချက်မှာ ထိုအရုပ်သည် လူအစစ်နှင့် အလွန်တူနေခြင်းပင်။<br />  </p> <p>အနုပညာလက်ရာတစ်ခုဟု တင်စားထိုက်ပေသည်။</p> <p> </p> <p>"ဒီဘက်ခေတ်မှာလည်း ဒီလိုပစ္စည်းတွေရှိလိမ့်မယ်လို့ထင်မထားဘူး။ ဘယ်ခေတ်ဘယ်အခါရောက်ရောက် နှာဘူးအိုကြီးတွေကတော့ အလွန်တက်ကြွကြတာပါလား"</p> <p> </p> <p>လီနန်ခယ့်ရင်ထဲ အတော်လေးနင့်သွားရသည်။</p> <p> </p> <p>သူတို့အထင်လွဲသွားမည်စိုးသည့်ဟန်ဖြင့် ပညာသင်ဝမ်က ရှင်းပြလာသည်။</p> <p>"ကျင်းအာက သူ့ကိုစိတ်ရင်းနဲ့ခင်မင်ပေးမဲ့ သူငယ်ချင်းတစ်ယောက် အမြဲလိုချင်ခဲ့တာ။ ကျွန်‌တော်လည်း သူခေါင်းတလားထဲမှာ အထီးကျန်နေမှာစိုးတာနဲ့ အဖော်တစ်ယောက်ထည့်ပေးလိုက်တဲ့သဘောပါ"<br />  </p> <p>"နားလည်တယ်ညီလေး၊ အစ်ကိုလုံးဝနားလည်တယ်"</p> <p> </p> <p>လီနန်ခယ့်က ပညာသင်ဝမ်၏ပုခုံးကိုပုတ်ပြီး အသံကိုရုတ်တရတ်နှိမ့်ချကာ တိုးတိုးလေးကပ်မေးလာသည်။</p> <p>"ဒီအရုပ်ကို မင်းဘယ်ကဝယ်ခဲ့တာလဲ"<br />  </p> <p>ပညာသင်ဝမ်လည်း အတော်ရှက်နေဟန်ရှိကာ တိုးတိုးပြန်ဖြေလာသည်။<br /> "မနှစ်ကပဲ အနောက်တိုင်းဒေသကလာတဲ့ ကုန်သည်တစ်ယောက်ဆီက ဝယ်ခဲ့တာပါ"</p> <p> </p> <p>"ကြည့်ရတာဒီအရုပ်က မင်းကိုလည်းအကြာကြီးအဖော်ပြုပေးခဲ့ပုံပဲနော် ညီလေး။ မင်းရဲ့ အယုံကြည်ရဆုံးအဖော်သဟဲဆိုလည်း မမှားလောက်ဘူး။ ဒါကြောင့် မိန်းကလေးကျင်းအာအတွက် ထည့်ပေးလိုက်တာပေါ့"<br />  </p> <p>လီနန်ခယ့်က နားလည်သဘောပေါက်သွားဟန်ဖြင့် ဆက်ပြောသည်။</p> <p>"သက်သေကိုပါ တပါတည်းဖျက်ဆီးလိုက်ရာလည်း ရောက်တာပေါ့"<br />  </p> <p>ပညာသင်ဝမ် မျက်နှာရဲသွားပြီး တစ်ခုခုပြန်ပြောမည်အလုပ် လီနန်ခယ့်ကလက်ယမ်းပြလိုက်သည်။</p> <p>"ကဲပါ ဘာမှထပ်ပြောမနေနဲ့တော့။ ငါတို့ကြားမှာ နားလည်မှုတစ်ခုယူထားလိုက်ကြတာပေါ့"</p> <p> </p> <p>လီနန်ခယ့်၏ တခြမ်းစောင်းအပြုံးကြီးကိုမြင်တော့ ပညာသင်ဝမ်ဒေါသထွက်လာတော့ မပေါက်ကွဲရဲပေ။</p> <p> </p> <p>မကျေမနပ်ဖြင့် နှာတစ်ချက်မှုတ်လိုက်ပြီး သူပြန်ချေပလာသည်။</p> <p>"လိင်စိတ်ဆန္ဒဆိုတာ လူသားတွေရဲ့သဘာဝပဲ။ ဘာကိုပုံမှန်မဟုတ်ရမှာလဲ။ လီချန်ဘုရားကျောင်းကဘုန်းကြီးတစ်ပါးတောင် အနောက်တိုင်းကုန်သည်တစ်ယောက်ဆီက ဒီလိုတစ်ရုပ်ဝယ်ခဲ့သေးတာ။ ကျွန်တော်တို့လိုသာမန်လူတွေက ပြောစရာမဟုတ်သေးဘူး"<br />  </p> <p>"ရွံစရာကြီး"<br />  </p> <p>နောက်ဆုံးမှနားလည်သွားသော လိန်ရှင်းနန်က ပေါ်တင်ရွံရှာပြလေသည်။</p> <p> </p> <p>လီနန်ခယ့်မျက်မှောင်ကြုတ်သွားသည်။</p> <p>"အရာရှိလိန် ဒီလိုတော့မပြောသင့်ဘူးလေ။ တစ်နှစ်ပတ်လုံး ပြည့်တန်ဆာအိမ်တွေလှည့်ပတ်သွားနေတဲ့ လူကြီးလူကောင်းတွေနဲ့ယှဉ်ရင် ပညာသင်ဝမ်က ရှားရှားပါးပါး ချီးကျူးထိုက်တဲ့သူပဲ၊ တကယ်ကို ဖြူစင်ရိုးသားပြီး ကိုယ့်ကိုယ်ကိုယ်ထိန်းချုပ်နိုင်တဲ့သူ"</p> <p> </p> <p>လိန်ရှင်းနန်ကသူ့ကို စူးစူးဝါးဝါးစိုက်ကြည့်လာပြီး အသံမာမာဖြင့်အမိန့်ပေးသည်။</p> <p>"ရင်ခွဲစစ်ဆေးတော့"</p> <p> </p> <p>အထက်လူကြီး ဒေါသထွက်လာဟန်ကိုမြင်သော် လီနန်ခယ့်လည်း ထပ်မစနောက်နေရဲတော့ဘဲ အရုပ်မကြီးကို‌‌ဘေးဖယ်ကာ ဝမ်ကျင်းအာ၏ရုပ်အလောင်းကို စတင်စစ်ဆေး‌တော့သည်။</p> <p> </p> <p>ရုပ်အလောင်းမှာ ပုပ်စော်အတော်နံနေပြီ ဖြစ်သည်။</p> <p> </p> <p>ခြေလက်များကိုတော့ အပ်ချည်နှင့် ပြန်လည်ချုပ်တွဲထားသည်။</p> <p> </p> <p>အဘယ့်ကြောင့်ဆိုသော် ညကင်းလှည့်တပ်ဖွဲ့မှ ဝမ်ကျင်းအာ၏ရုပ်အလောင်းကို ပြန်လည်ရှာတွေ့ချိန်တွင် အပိုင်းပိုင်းပြတ်တောက်နေပြီဖြစ်သောကြောင့်။</p> <p> </p> <p>ရုပ်အလောင်းကို နေရာတကျပြန်လည်စုစည်းပေးရန်အတွက်ပင် အလောင်းပြင်ဆရာတစ်ဦး ရှာခဲ့ရသေးသည်။</p> <p> </p> <p>လီနန်ခယ်က ဝမ်ကျင်းအာ၏ခေါင်းအနောက်ကို အရင်စစ်ကြည့်သော် အမှန်တကယ်ပင် ဒဏ်ရာတစ်ခုရှိနေသည်။</p> <p> </p> <p>ဒဏ်ရာ၏ အနားသတ်များကို ကြည့်ခြင်းအားဖြင့် ၎င်းမှာ တော်တော်လေးချွန်ထက်သော ပစ္စည်းတစ်ခုကြောင့်ဖြစ်ရသည်ဟု ခွဲခြမ်းစိတ်ဖြာနိုင်သည်။ ဒဏ်ရာတစ်ဝိုက်တွင် မြေကြီးနှင့် ကျောက်မှုန်လေးများ ကျန်ရှိနေသဖြင့် မြေပြင်ပေါ်မှ ကျောက်ခဲအချွန်တစ်ခုဖြင့် အရှိန်ပြင်းပြင်းရိုက်ခံရခြင်းဖြစ်သည်ဟု ကနဦးဆုံးဖြတ်နိုင်သည်။</p> <p> </p> <p>တွဲချုပ်ထားသောနေရာများကိုလည်း လီနန်ခယ့်စစ်ဆေးလိုက်သည်။</p> <p> </p> <p>ပြတ်တောက်နေသောနေရာများကို စစ်ဆေးကြည့်ရသလောက် ၎င်းတို့မှာ လက်နက်တစ်ခုခုဖြင့် ဖြတ်တောက်ခံထားရခြင်းမဟုတ်ပါဘဲ လက်ဗလာနှင့် ဆွဲဖြဲခံထားရခြင်းသာပင်။<br />  </p> <p>ဤသည်မှာ မိစ္ဆာသတ္တဝါတစ်ကောင် စတင်ပြောင်းလဲခါစအချိန်၏ အံ့သြစရာအင်အားကို ဖော်ပြနေသကဲ့သို့။</p> <p> </p> <p>စွမ်းအားကြီးကျင့်ကြံသူများလည်း ထိုမျှသန်မာနိုင်ပါသည်။</p> <p> </p> <p>သို့သော် တရားခံသည် အငြှိုးအာဃာတဖြင့် လွှမ်းမိုးခံထားရသူမဟုတ်လျှင် သွက်သွက်ခါရူးသွပ်နေမှသာ လူတစ်ယောက်ကို ဤသို့သောနည်းဖြင့် ဖျက်ဆီးနိုင်ပေမည်။</p> <p> </p> <p>ရုပ်အလောင်းမှ အချက်အလက်များ ထပ်ရှာဖွေနိုင်ဖို့ လီနန်ခယ့်သည် ‌ခေါင်းတလားဘေးတွင်ထိုင်ချကာ အနီးကပ်ငုံ့ကြည့်ပြီး ပုပ်စော်နံနေသည့်ကြားမှ အစိတ်အပိုင်းအမျိုးမျိုးကို သေသေချာချာ လေ့လာနေသည်။</p> <p> </p> <p>မကြာမီပင် အလွန်ထူးဆန်းနေသောနေရာတစ်ခုအား သူရှာတွေ့နို်ငခဲ့သည်။</p> <p> </p> <p>ဝမ်ကျင်းအာ၏ လက်ကောက်ဝတ်များနှင့် ခြေကျင်းဝတ်များတွင် လက်တဝါးအကျယ်ခန့်ရှိသော အညိုအမည်း အမှတ်အသားများ အကွင်းလိုက်ရှိနေခြင်း ဖြစ်သည်။</p> <p> </p> <p>"ဒါတွေဘာကြောင့်ဖြစ်တယ်လို့ထင်သလဲ" လီနန်ခယ့်က လိန်ရှင်းနန်ကိုမေးလိုက်သည်။</p> <p> </p> <p>လိန်ရှင်းနန်လည်း ငုံ့ကိုင်းစစ်ဆေးကြည့်လာ၏။</p> <p> </p> <p>မတော်တဆ ပေါ့ဆမိသွား၍ပေလား၊ လီနန်ခယ့်ကို ဘယ်လိုမှစိတ်ထဲမထား၍ပေလားမသိ၊ ငုံ့ကိုင်းလာသော အမျိုးသမီး၏ကော်လာစမှာ မဆိုစလောက်ပွင့်ဟသွားလေရာ လီနန်ခယ့်၏မျက်လုံးရှေ့သို့ တည့်တည့်ရောက်ရှိလာလေသည်။</p> <p> </p> <p>ညှပ်ရိုးလှလှလေးများ၊ အနည်းငယ်ပေါ်ထွက်နေသော ရင်အစုံ၏ အပေါ်ပိုင်းမျဥ်းကွေးနှင့် အတွင်းမှ လှပသော အပြာရင့်ရောင်ရင်စည်း။ ထိုအမျိုးသမီးမှာ ကျပ်ထုတ်နေသော ဝတ်စုံရှည်ကို ဝတ်ထားသဖြင့် ထို့ထက်ပို၍တော့ ‌ပေါ်လွင်မလာပါ။</p> <p> </p> <p>သို့သော် လီနန်ခယ့်တစ်ယောက်တော့ ကောင်းကောင်းကြီး မျက်စိအစာကျွေးလိုက်ရသည်။</p> <p> </p> <p>"ဒါ အလောင်းကိုဆွဲဖြဲတုန်းက မိစ္ဆာသတ္တဝါက တင်းတင်းကြပ်ကြပ်ဆုပ်ကိုင်ထားခဲ့လို့ ကျန်ခဲ့တဲ့ အညိုအမည်းကွက်တွေ ဖြစ်ရမယ်။ အရင်က မိစ္ဆာတွေသတ်သွားတဲ့ အလောင်းတွေမှာလည်း ဒီလိုအမှတ်အသားမျိုး တွေ့ဖူးတယ်"</p> <p> </p> <p>အမျိုးသမီးက သေချာရှင်းပြလာသည်။</p> <p> </p> <p>လီနန်ခယ့်လည်း အာရုံကိုချက်ချင်းပြန်ဆွဲခေါ်လိုက်ရပြီး အကြည့်ကိုအမြန်လွှဲကာ မျက်နှာကိုပါ တစ်ဖက်သို့နည်းနည်းလှည့်ထားလိုက်သည်။</p> <p> </p> <p>ငါဘာမှမမြင်ခဲ့ပါဘူး။</p> <p> </p> <p>အထူးသဖြင့် တစ်ဖက်အမျိုးသမီးက သူ့အထက်လူကြီး။</p> <p> </p> <p>ညိုမည်းနေသော လက်ကောက်ဝတ်များကိုကြည့်ပြီး လီနန်ခယ့်တွေးတောနေမိသည်။</p> <p>"ဒါတွေကတကယ်ပဲ အညိုအမည်းကွက်တွေလား"</p> <p> </p> <p>ထို့နောက် နှုတ်ခမ်းများက အဓိပ္ပာယ်ပါပါ ပြုံးရယ်ပြန်လေသည်။</p> <p> </p> <p> </p> <p style="text-align: center;">***</p> <p> </p>


Save