Book List

<h2 style="text-align:center">အခန်း (၈၀၆)</h2> <h2 style="text-align:center">ပိုမိုနက်ရှိုင်းသော အမှန်တရား</h2> <h2 style="text-align:center">*</h2> <p> </p> <p>ယခုတွင်မူ၊ ကျောက်ဟွ အမတဧကရာဇ်မင်း၏ ပြောဆိုချက်ကြောင့် စူးရွှမ်၏ စိတ်ထဲတွင် ခန့်မှန်းချက်တစ်ခု ရှိလာခဲ့သည်။</p> <p> </p> <p>ဤအမတနယ်မြေ ကောင်းကင်လမ်းစဉ်၏ နောက်ကွယ်တွင် ရပ်တည်နေသော အင်အားစုသည် ရှန်ထျန်းကောင်းကင်အရှင်အား သုတ်သင်ရှင်းလင်းခဲ့သည့် တည်ရှိမှု ဖြစ်မည်မှာ အသေအချာပင် ဖြစ်သည်။</p> <p> </p> <p>ထိုအမည်မသိ အင်အားစုသည် အမတနယ်မြေ၏ ဒေသခံ အင်အားစု လုံးဝမဟုတ်ဘဲ၊ အမတနယ်မြေ၏ အထက်လောကမှ ဖြစ်နိုင်သည်။</p> <p> </p> <p>..........</p> <p> </p> <p> အချိန်ခဏကုန်လွန်သွားပြီးနောက်၊ စူးရွှမ်၏ စိတ်ထဲက ထိတ်လန့်တုန်လှုပ်မှုသည် အနည်းငယ် ငြိမ်သက်သွားခဲ့သည်။</p> <p> </p> <p>နောက်တစ်ဆင့်အနေနှင့် သူသည် ကိစ္စတစ်ခုကို ထပ်မံအတည်ပြုရန် လိုအပ်သည်။ ထိုအခါမှသာ သူသည် ထိုကိစ္စများ၏ အကြောင်းရင်းကို အပြည့်အဝ အတည်ပြုနိုင်မည်ဖြစ်သည်။</p> <p> </p> <p>အသက် ခပ်ပြင်းပြင်း ရှုသွင်းလိုက်ပြီးနောက်၊ စူးရွှမ်သည် မည်သည်ကိုမှ ဖုံးကွယ်မထားတော့ဘဲ ၊ သူ၏ရင်ဘက်ထဲမှ အဝါရောင်သန်းနေသော ရှေးဟောင်းစာအုပ်အချို့ကို ထုတ်ယူလိုက်သည်။</p> <p> </p> <p>"လီတောက် လူကြီးမင်း၊ ဒါက ကျွန်တော် ကောင်းကင်ဘဏ္ဍာ ဓာတ်ငါးပါး အမတစေတီရဲ့ အနက်ဆုံးအပိုင်းကနေ ရလာခဲ့တဲ့ ရှေးဟောင်းကျမ်းစာအုပ် အချို့ပဲ"</p> <p> </p> <p>"ဒီထဲမှာ စီနီယာရဲ့ဂိုဏ်း အဲ့နှစ်တုန်းက ကြုံတွေ့ခဲ့ရတဲ့ လျှို့ဝှက်ချက် အကြောင်းအရာအချို့ကို မှတ်တမ်းတင်ထားတယ်"</p> <p> </p> <p>"ဒါပေမဲ့ ကျွန်တော်အနေနဲ့ နားမလည်နိုင်တဲ့ အချက်တစ်ချက် ရှိတယ်.. ဒီရှေးဟောင်းကျမ်းစာအုပ်ထဲမှာ အမတနယ်မြေ ကောင်းကင်လမ်းစဉ်က အမှောင်ထု မူလရင်းမြစ်ကမ္ဘာနဲ့ အပေးအယူ လုပ်ခဲ့တယ်လို့ ဘာလို့ ပြောရတာလဲ"</p> <p> </p> <p>စူးရွှမ်၏ လေသံမှာ အတော်လေး ဇဝေဇဝါ ဖြစ်နေပုံရသည်။</p> <p> </p> <p> " အမတမျှော်စင်ရဲ့ မျိုးဆက်ဟောင်း လူကြီးမင်းတွေက ဒီလျှို့ဝှက်ချက်ကို ဘယ်လိုလုပ်ပြီး သိရှိခဲ့တာလဲ"</p> <p> </p> <p>ထိုစကားကို ကြားလိုက်ရချိန်တွင် ၊ ကျောက်ဟွ အမတဧကရာဇ်မင်းသည် ခဏတာ တုံ့ဆိုင်းသွားသည်။ စူးရွှမ်သည် သူ မြေအောက်အနက်ရှိုင်းဆုံးအပိုင်းတွင် မြှုပ်နှံထားခဲ့သော ဤစာအုပ်များကို ရှာတွေ့ခဲ့လိမ့်မည်ဟု မျှော်လင့်မထားခဲ့ချေ။</p> <p> </p> <p>ကျောက်ဟွ အမတဧကရာဇ်မင်းသည် စူးရွှမ်၏ မေးခွန်းကို အရင်မဖြေဘဲ အဓိပ္ပာယ်ပါပါ ပြောလိုက်သည်။</p> <p> </p> <p>"မင်းက ဒီစာအုပ်တွေကို ရှာတွေ့တယ်ဆိုတော့... ငါ ထားရစ်ခဲ့တဲ့ အဲဒီပစ္စည်းလေးကိုလည်း ရှာတွေ့ပြီလို့ ငါ ထင်တယ်"</p> <p> </p> <p>ထိုစကားကို ကြားလိုက်ရသော စူးရွှမ်သည်လည်း ဖုံးကွယ်ရန် မကြိုး‌စားတော့ချေ။</p> <p> </p> <p>နတ်ဘုရားလက်နက် အမတမျှော်စင်သို့ သူ လာရောက်ရသည့် အကြောင်းရင်းမှာ ရှင်ခြင်းသေခြင်း သံသရာစက်ဝန်း စွမ်းအားပါရှိသော မူလရင်းမြစ် အမတလက်နက်ကို ရှာဖွေရန် နှင့် သူ၏ ရည်ရွယ်ချက်အားလုံးကို အသေးစိတ် ထုတ်ဖော်ပြောကြားလိုက်သည်။</p> <p> </p> <p>.........</p> <p> </p> <p>"လက်စသတ်တော့ အဲ့လိုလား ....."</p> <p> </p> <p>"အဲ့ဒီပျက်စီးနေတဲ့ အရာဝတ္ထုက စူးဓားအမတရှင်အတွက်... နောင်လာနောက်သားတွေအတွက် အထောက်အကူ ဖြစ်နိုင်မယ်ဆိုရင်... ကျုပ် ကျန်ရစ်ခဲ့တဲ့ နောင်တတစ်ခုကို ဖြည့်ဆည်းပေးရာ ရောက်နေပါပြီ"</p> <p> </p> <p>ထို့နောက်တွင် ကျောက်ဟွ အမတဧကရာဇ်မင်းသည် စကားလမ်းကြောင်း ပြောင်းလိုက်သည်။</p> <p> </p> <p> "အမှန်က ဒီရှေးဟောင်းကျမ်းစာအုပ်တွေက... ကျုပ် ရေးသားခဲ့တာ မဟုတ်ဘဲ၊  ကျုပ်ရဲ့ဆရာသခင် ရေးသားခဲ့တာပဲ"</p> <p> </p> <p>" စီနီယာရဲ့ ဆရာသခင်...?"</p> <p> </p> <p>စူးရွှမ်သည် အနည်းငယ် အံ့အားသင့်သွားသည်။</p> <p> </p> <p>" မဟုတ်မှလွဲရော ...ထျန်းယန် လူကြီးမင်းလား"</p> <p> </p> <p>ထျန်းယန် အမတဧကရာဇ်မင်းသည် ကျောက်ဟွ အမတဧကရာဇ်မင်း၏ ဆရာသခင် ဖြစ်ရုံသာမက၊ နတ်ဘုရားလက်နက် အမတမျှော်စင်၏ ယခင်ခေါင်းဆောင် ဖြစ်သည်။</p> <p> </p> <p>သူသည် လက်နက်ပစ္စည်းများ သွန်းလုပ်ခြင်း လမ်းစဉ်တွင် ကျောက်ဟွ အမတဧကရာဇ်မင်းလောက် မထူးချွန်သော်လည်း၊ သို့သော် သူသည် ဗေဒင်ပညာ‌တွင် အလွန် ကျွမ်းကျင်သည်။</p> <p> </p> <p>ထို့အပြင် သူသည် ကောင်းကင်ဘုံ၏ လျှို့ဝှက်ချက်များကို ဟောကိန်းထုတ်နိုင်သော စွမ်းရည်များဖြင့် နတ်ဘုရားသံထည်ပစ္စည်းများစွာကို  ဖန်တီးခဲ့သည်။ ဤကဲ့သို့သော အောင်မြင်မှုများ ပြုလုပ်ခဲ့ခြင်းကြောင့် အမတနယ်မြေတွင် ခေတ်တစ်ခေတ်၏ ဒဏ္ဍာရီလာ ပုဂ္ဂိုလ်ဟုပင် ခေါ်ဆိုနိုင်သည်။</p> <p> </p> <p> </p> <p>"အမှန်ပဲ၊ အဲ့နှစ်မှာ ငါတို့ အမတမျှော်စင်ဟာ ဘေးအန္တရာယ်ဆိုးကြီးကို ကြုံတွေ့ခဲ့ရတုန်းက ....ဆရာသခင်လည်း ဒဏ်ရာအပြင်းအထန် ရရှိခဲ့တယ်"</p> <p> </p> <p>"သူ့ရဲ့ နောက်ဆုံးအချိန်မှာ မကျေနပ်ချက်ကြောင့် သူ့ရဲ့ ကျင့်ကြံမှုအားလုံးကိုတောင် စွန့်လွှတ်ခဲ့ပြီး... ပြန်လည်ဝင်စားခွင့်က်ိုတောင် အဆုံးရှုံးခံပြီး ကောင်းကင်ဘုံရဲ့  လျှို့ဝှက်ချက်ကို ရယူနိုင်ဖို့ လုပ်ခဲ့တယ်..."</p> <p> </p> <p>"ဒီထဲမှာ မှတ်တမ်းတင်ထားတဲ့အရာတွေက အဲ့တုန်းက သူ ရယူနိုင်ခဲ့တဲ့ ကောင်းကင်ဘုံရဲ့  လျှို့ဝှက်ချက်တွေပဲ...."</p> <p> </p> <p>.........</p> <p> </p> <p>"ကျင့်ကြံမှုအားလုံးကို စတေးပြီး..... ကောင်းကင်ဘုံရဲ့ လျှို့ဝှက်ချက်ကို ရယူခဲ့တယ်?"</p> <p> </p> <p>ဤစကားကို ကြားပြီးနောက် စူးရွှမ်၏ စိတ်ထဲတွင် ရိုသေလေးစားမှုများ မထိန်းနိုင်အောင် ဖြစ်ပေါ်လာခဲ့သည်။</p> <p> </p> <p>အမတနယ်မြေသည် ဒေဝလောကရှိ ထောင်ပေါင်းများစွာသော နယ်မြေများ၏ ဗဟိုချက်ဖြစ်ကာ၊ ထိုအကြောင်းကြောင့်ပင် ယင်း၌ တည်ရှိသော မဟာလမ်းစဉ်၏ စွမ်းအားသည် အလွန်ပင် အားကောင်းသည်။</p> <p> </p> <p>အနည်းငယ်မျှသော မှန်းဆချက်ကို ပြုလုပ်ရုံဖြင့် မဟာလမ်းစဉ်၏ ပြင်းပြင်းထန်ထန် တုံ့ပြန်မှုကို ခံရတတ်သည်။</p> <p> </p> <p>ဤကဲ့သို့ တိုက်ရိုက် ဖမ်းဆီးရယူခြင်းသာဆိုလျှင်ဖြင့် ၊ ဤသည်မှာ ကိုယ့်ကိုယ်ကိုယ်  သေကြောင်းကြံခြင်းပင် မဟုတ်လော။</p> <p> </p> <p>ထို့ကြောင့်လည်း ထျန်းယန် အမတဧကရာဇ်မင်းသည် သူ၏ ကျင့်ကြံမှုအားလုံးကို စွန့်လွှတ်ရန် ရွေးချယ်ခဲ့ခြင်း ဖြစ်သည်။</p> <p> </p> <p>သို့သော် ဤကဲ့သို့ပြုလုပ်ရာတွင်၊ ကောင်းကင်ဘုံ၏ လျှို့ဝှက်ချက်ကို ဖမ်းဆီးရယူသည်နှင့် ခံစားရမည့် ဝေဒနာမှာ ပြောစရာမလိုအောင်ပင် ပြင်းထန်လှသည်။</p> <p> </p> <p>"လီတောက် လူကြီးမင်းကို ကျေးဇူးအထူးတင်ရှိပါတယ်"</p> <p> </p> <p>စူးရွှမ်သည် ထပ်မံမေးမြန်းခြင်း မပြုတော့ဘဲ၊ ကျောက်ဟွ အမတဧကရာဇ်မင်းအား နက်နက်ရှိုင်းရှိုင်း ဦးညွှတ်အလေးပြုလိုက်သည်။</p> <p> </p> <p>ဤစာအုပ်များပေါ်တွင် မှတ်တမ်းတင်ထားသော လျှို့ဝှက်သော အကြောင်းအရာသည် များပြားလှသည် မဟုတ်သော်လည်း၊ အကြီးမားဆုံးသော လျှို့ဝှက်ချက်များဟု ဆိုရမည်။</p> <p> </p> <p>သူတို့ တားမြစ်စူးမိသားစုသည် ဤအချက်ကို အသုံးပြုကာ အမတနယ်မြေ၏ ကောင်းကင်လမ်းစဉ်နှင့် အမှောင်ထုမူလရင်းမြစ်ကမ္ဘာကြားက အကြံအစည်နှင့် အပေးအယူကို ဖော်ထုတ်နိုင်ပေတော့မည်။</p> <p> </p> <p>ယင်းက သူတို့၏ နောက်ဆုံးအစီအစဉ်ကို ပြီးပြည့်စုံအောင် ဆောင်ရွက်နိုင်ကာ တိုးတတ်အောင် ကူညီပေးနိုင်ကောင်း ပေးနိုင်လိမ့်မည်။</p> <p> </p> <p>.........</p> <p> </p> <p>သို့သော်၊ မေးခွန်းအနည်းငယ် မေးမြန်းပြီးနောက်တွင်။</p> <p> </p> <p>ကျောက်ဟွ အမတဧကရာဇ်မင်း၏ ရောင်ဝါသည် မှိန်ဖျော့လာခဲ့ပြီး ၊ သူသည် သိပ်မကြာခင် ခံနိုင်တော့မည် မဟုတ်သည်မှာ ထင်ရှားသည်။</p> <p> </p> <p>"ဟူး...."</p> <p> </p> <p>စူးရွှမ်အနေဖြင့် ဘာမျှ မတတ်နိုင်ခဲ့ချေ။ ဤနေရာတွင် ကျန်ရစ်ခဲ့သည်မှာ ကျောက်ဟွ အမတဧကရာဇ်မင်း၏ ကြွင်းကျန်စိတ်ဝိညာဉ်တစ်မျှင်သာ ဖြစ်ပြီး၊ ယခုတွင် ၎င်းသည် ပို၍ပင် ကွဲအက်ပျက်စီးနေပြီ ဖြစ်သည်။ သူသည် တဖက်လူကို ကယ်တင်လိုသည့် စိတ်ဆန္ဒရှိသော်လည်း ၊ ကယ်တင်ရန် မဖြစ်နိုင်တော့ပေ။</p> <p> </p> <p>နောက်ဆုံးတွင် သူသည် သက်ပြင်းရှည် တစ်ချက် ချလိုက်ရင်း။</p> <p> </p> <p>"လီတောက် လူကြီးမင်း၊ စီနီယာမှာ ထပ်မံမှာကြားလိုတာများ ရှိသေးလား"</p> <p> </p> <p>" ကျွန်တော် အရှင့်ရဲ့ ဆန္ဒကို ပြီးမြောက်အောင် အတတ်နိုင်ဆုံး ကြိုးပမ်းဆောင်ရွက်ပါ့မယ်"</p> <p> </p> <p>စွမ်းဆောင်မှုများအရ ဆိုရလျှင်ဖြင့် ၊ ကျောက်ဟွ အမတဧကရာဇ်မင်းသည် သူရဲကောင်း ပုဂ္ဂိုလ်ကြီးဟု ခေါ်ဆိုရပေမည်။</p> <p> </p> <p>သက်ရှိသတ္တဝါအားလုံး၏ ကောင်းကျိုးချမ်းသာမှုကို သူ၏ စိတ်နှလုံးထဲတွင် ထားရှိသည်။  သူ၏ တစ်သက်တာ အကြီးမားဆုံးသော ဆန္ဒမှာ မိမိ ကျွမ်းကျင်ပိုင်နိုင်သော လက်နက်ပစ္စည်း သွန်းလုပ်ခြင်း မဟာလမ်းစဉ်ဖြင့် လောကီလူသားအပေါင်းတို့အား ကျေးဇူးပြုရန်ပင် ဖြစ်သည်။</p> <p> </p> <p> အမှောင်ထုနှင့် စစ်ခင်းစဉ်က၊ ကျောက်ဟွ အမတဧကရာဇ်မင်းသည် နတ်ဘုရားလက်နက် အမတမျှော်စင်မှ အဆင့်မြင့်ပုဂ္ဂိုလ် မြောက်မြားစွာကို ခေါ်ဆောင်လျက်၊ သူကိုယ်တိုင် အခြားသော ကြယ်စုနယ်မြေများသို့ စစ်ချီကာ မရေတွက်နိုင်သော အမှောင်ထုစစ်သည်များကို ချေမှုန်းရင်း လောကကြီးကို စောင့်ရှောက်ခဲ့သည်။</p> <p> </p> <p>သို့သော် ဤစစ်ဆင်ရေးအတွင်း ၊ နတ်ဘုရားလက်နက် အမတမျှော်စင်၏ မရေတွက်နိုင်သော လက်‌ရွေးစင်များစွာကို သုံးစွဲခဲ့ရကာ၊ နတ်ဘုရားလက်နက် အမတမျှော်စင်၏ ထူးချွန်သော ပုဂ္ဂိုလ်များသည် အမှောင်ထုကို ချေမှုန်းတိုက်ခိုက်ရင်း ခရီးလမ်းပေါ်တွင် သေဆုံးခဲ့ကြရသည်။</p> <p> </p> <p>ယင်းက နတ်ဘုရားလက်နက် အမတမျှော်စင်ကို အကြီးအကျယ် ထိခိုက်စေပြီး အခြေခံအုတ်မြစ် အင်အား များစွာကို ဆုံးရှုံးသွားစေသည်။</p> <p> </p> <p>ဤအကြောင်းကြောင့်သာ မဟုတ်ပါက ၊ သူတို့သည် နောင်တွင် ကြုံတွေ့ရမည့် ဘေးအန္တရာယ်ကြီးကို ရင်ဆိုင်ရန် စွမ်းဆောင်နိုင်ကောင်း စွမ်းဆောင်နိုင်ခဲ့ကြမည် ဖြစ်ပြီး၊  ခေတ်အဆက်ဆက် အမွေဆက်ခံလာခဲ့သော နတ်ဘုရားလက်နက် အမတမျှော်စင်သည်လည်း ဤကဲ့သို့ ပျက်စီးဆုံးရှုံးခဲ့ရမည် မဟုတ်ပေ။</p> <p> </p> <p>သမိုင်းတွင် နာမည်တစ်လုံး ကျန်ရှိနေမည့် ထိုကဲ့သို့သော ပုဂ္ဂိုလ်မျိုးသည် ဤကဲ့သို့သော မှောင်မိုက်သော ထောင့်တစ်နေရာတွင် တိတ်ဆိတ်စွာဖြင့် သေဆုံးခဲ့ရသည်။</p> <p> </p> <p>ယင်းက စူးရွှမ်၏ စိတ်ထဲတွင် အမည်မသိ ခံစားချက်တစ်မျိုး ရိုက်ခတ်သွားစေခဲ့သည်။</p> <p> </p> <p>"ဆန္ဒလား....."</p> <p> </p> <p>ကျောက်ဟွ အမတဧကရာဇ်မင်းသည် ခါးသီးစွာ ရယ်မောလိုက်ရင်း၊ သူ၏ လေသံမှာ အလွန် အားနည်းနေခဲ့သည်။</p> <p> </p> <p> "အမှောင်ထုစစ်ပွဲကြီး ပြီးဆုံးခဲ့ပြီ.... အမတနယ်မြေကို ထိန်းသိမ်းနိုင်ခဲ့ပြီသလို... ဒေဝလောက တစ်ခုလုံးရဲ့ မျှော်လင့်ချက်ကိုလည်း ထိန်းသိမ်းနိုင်ခဲ့ပြီ.... ဒါဟာ ငါ့ရဲ့ အကြီးမားဆုံး ဆန္ဒဖြစ်နေပါပြီ"</p> <p> </p> <p>"ဒါပေမဲ့လည်း၊ ငါ့အတွက် တစ်ခုတည်းသော ဝမ်းနည်းမှုက အမှောင်ထု ပြန်လည်နိုးထလာတဲ့အခါ  နောင်လာနောက်သားတွေအတွက်  အကူအညီ ထပ်မပေးနိုင်တော့ဘူး"</p> <p> </p> <p>"ငါဟာ....  နတ်ဘုရားလက်နက် အမတမျှော်စင်က လူတိုင်းရဲ့ ဆန္ဒကို ဆက်လက်ထမ်းဆောင်နိုင်စွမ်း မရှိတော့ဘူး...."</p> <p> </p> <p> </p> <p style="text-align:center">***</p> <p> </p>


Save