Book List

<h2 style="text-align: center;">အခန်း (၈၁၀)</h2> <h2 style="text-align: center;">အမှောင်ထု ဘိုးဘေးနတ်ဘုရား နှင့် အမိန့်သုံးခု</h2> <h2 style="text-align: center;">*</h2> <p> </p> <p>ထို့ကြောင့် သူတို့လို အမှောင်ထု အမတဧကရာဇ်မင်းများသည် အခြေခံအားဖြင့် နောက်ထပ် တစ်ဆင့်ကို တက်လှမ်းရန် မစွမ်းဆောင်နိုင်တော့ချေ။</p> <p> </p> <p>အထူးသဖြင့် အမတဧကရာဇ်အဆင့်ရှိ ကန့်သတ်ချုပ်နှောင်မှုများကို ချိုးဖျက်ရန် ပင်လယ်သမုဒ္ဒရာကဲ့သို့ များပြားသော အနုတ်လက္ခဏာ စွမ်းအင်များစွာ လိုအပ်သည်။</p> <p> </p> <p>အမှောင်ထု မူလရင်းမြစ်ကမ္ဘာတွင် သူတို့အတွက် တစ်ခုတည်းသော အခွင့်အရေးမှာ အမှောင်ထု ပြန်လည်နိုးထလာချိန်ကို စောင့်ဆိုင်းရန်သာ ဖြစ်သည်။</p> <p> </p> <p>ဒုတိယအကြိမ် အမှောင်ထု ပြန်လည်နိုးထလာသည်နှင့် ၊ သူတို့သည် အမတဧကရာဇ်အဆင့်ရှိ ကန့်သတ်ချုပ်နှောင်မှုများကို ချိုးဖျက်ရန် ကြိုးစားပေတော့မည်။</p> <p> </p> <p>သို့သော် ရှစ်ထျန်းတိ့သည် ထိုအချိန်ထိ စောင့်ဆိုင်းရန် စိတ်မရှည်ပေ။</p> <p> </p> <p>နှစ်ပေါင်း ရာနှင့်ချီပြီးမှသာ အမှောင်ထုသည် တစ်ဖန် ပြန်လည်နိုးထလာမည် ဖြစ်သည်။ ဤနှစ်ပေါင်းရာချီ ကာလအတွင်း ၊ စူးရွှမ် ဤသကောင့်သားသည် မည်မျှအထိ တိုးတတ်လာမည်ကို မည်သူကများ ကြိုသိနိုင်မည်နည်း။</p> <p> </p> <p>ထိုအချိန်တွင် မိမိသည် အမတဧကရာဇ်နယ်ပယ်၏ အထက်အဆင့်ကို တတ်လှမ်းနိုင်ခဲ့ရင်တောင်မှ  စူးရွှမ်၏ ပြိုင်ဖက် ဖြစ်လာနိုင်မည်ဟု အာမ မခံနိုင်ပေ။</p> <p> </p> <p>"ဒီလို တစ်ဖက်သတ် ခံလိုက်ရတဲ့ အခြေအနေက တကယ်ကို စိတ်တိုစရာကောင်းတယ်!"</p> <p> </p> <p> ရှစ်ထျန်းတိ့သည် စူးရွှမ်ကို နောက်တစ်ကြိမ်  ဆဲဆိုရန် ဟန်ပြင်လိုက်စဉ်မှာပင် ၊</p> <p> </p> <p>ဆွဲဆောင်မှုရှိသော ဟားတိုက်ရယ်သံတစ်ခုသည် ခန်းမအပြင်ဘက်မှ ရုတ်တရက် ထွက်ပေါ်လာခဲ့သည်။</p> <p> </p> <p>"ဟားးး.. ရှစ်ထျန်းတိ့ နင်လည်း ငယ်တော့တာ မဟုတ်ဘူး... ဘာဖြစ်လို့ ခုလိုမျိုး ပေါက်ကွဲနေရတာကို ဒီလောက်တောင် သဘောကျနေရတာလဲ"</p> <p> </p> <p>"စူးရွှမ် အဲ့ကောင်ကို သွားပြီး မနှိုးဆော်သင့်ဘူးဆိုတာ သိရက်သားနဲ့ နင် ဘာလို့ သွားထိတုန်း"</p> <p> </p> <p>"နောက်ဆုံးတော့လည်း အစော်ခံလိုက်ရတာပဲမလား ....မဟုတ်မှလွဲရော နင့်မှာ ထူးခြားတဲ့ ဝါသနာတစ်ခုခုများ ရှိနေသ‌လားလို့တောင် ငါ သံသယဖြစ်မိတယ်"</p> <p> </p> <p>ဟူး ——</p> <p> </p> <p>လေညင်းများသည်  ခန်းမအပြင်ဘက်မှ တိုက်ခတ်လာပြီး ထို့နောက်တွင် ပုံသဏ္ဌာန်တစ်ခုသည် အတွင်းမှ ဖြည်းညင်းစွာ ခြေလှမ်းထွက်လာသည်။</p> <p> </p> <p>မြူဆိုင်းများသဖွယ် ခန္ဓာကိုယ်၏ ဘေးတဝိုက်တွင် ရစ်ဝဲနေသော အမှောင်ထုအငွေ့အသက်များကြောင့် သူမ၏ တိကျသော ပုံသဏ္ဌာန်နှင့် အသွင်အပြင်ကို သိရှိရန် ခက်ခဲသည်။</p> <p> </p> <p>အမှောင်ထုထဲမှ နီညိုရောင် မျက်ဝန်းတစ်စုံသာ ပေါ်ထွက်နေပြီး၊ ညအချိန်ရှိ သွေးလရောင်ကဲ့သို့ ထင်မှတ်ရကာ ၎င်းကို တစ်ချက် ကြည့်လိုက်ရုံဖြင့် သင့်အား အနက်ရှိုင်းဆုံးသော ချောက်နက်ထဲသို့ ကျရောက်သွားစေလိမ့်မည်။</p> <p> </p> <p>ထိုဝတ်ရုံနက် အမျိုးသမီးကို မြင်လိုက်ရသည့် အခိုက်အတန့်မှာပင် ရှစ်ထျန်းတိ့၏ မျက်လုံးများသည် သိသိသာသာ အုံ့မှိုင်းသွားသည်။</p> <p> </p> <p> "ဟမ်! နတ်ဆိုးလိပ်ပြာ ... မင်း က မင်းရဲ့ ထုံယွမ်နတ်ဘုရား‌ဗိမ္မာန်မှာ  မနေဘဲ ဘာရှိလို့ ငါ့ရဲ့ အမှောင်ထု အမတခန်းမဆောင်ကို ရောက်လာတာလဲ "</p> <p> </p> <p>"ငါ့ရဲ့ အမှောင်ထု အမတခန်းမဆောင်က မင်းလို ကြီးကျယ်တဲ့ ဗုဒ္ဓဆင်းတုတော်ကြီးကို လက်ခံထားနိုင်တဲ့ နေရာမဟုတ်ဘူး"</p> <p> </p> <p>ထုံယွမ် နတ်ဘုရားဗိမ္မာန်သည် အမှောင်ထု၏ တားမြစ် အင်အားစု ကိုးဖွဲ့ထဲမှ တစ်ဖွဲ့မဟုတ်ဘဲ၊ သူတို့နှင့် မသက်ဆိုင်သည့်  သီးခြာ ရပ်တည်နေသော အထူးအင်အားစုတစ်ဖွဲ့  ဖြစ်သည်။</p> <p> </p> <p>ထုံယွမ် နတ်ဘုရားဗိမ္မာန်သည် အမှောင်ထုနှင့် အမတနယ်မြေတို့၏ တိုက်ပွဲတွင် တိုက်ရိုက် မပါဝင်ချေ။</p> <p> </p> <p>ထုံယွမ် နတ်ဘုရားဗိမ္မာန်၏ အရှင်သခင်ဖြစ်သူ နတ်ဆိုးလိပ်ပြာ၏ အဓိက တာဝန်မှာ အမှောင်ထု ဘိုးဘေးနတ်ဘုရား၏ အမိန့်တော်များကို  လက်ခံရယူရန် ဖြစ်သည်။</p> <p> </p> <p>အမှောင်ထု ဘိုးဘေးနတ်ဘုရားဟု ဆိုရလျှင်ဖြင့် ၊ အမှန်အားဖြင့် သူသည် အမှောင်ထု မူလရင်းမြစ်ကမ္ဘာ၏ ဖန်တီးရှင် ဖြစ်ပြီး ၊ သူတို့အား အမှောင်ထုစွမ်းအားကို ပေးအပ်ခဲ့သူ၊ ဤအမှောင်ထု မူလရင်းမြစ်ကမ္ဘာ၏ အမြင့်မြတ်ဆုံး တည်ရှိမှုပင် ဖြစ်သည်။</p> <p> </p> <p>အမတနယ်မြေမှ အမတဧကရာဇ်မင်းများ  ခန့်မှန်းထားသည့်အတိုင်း၊ သူသည် ဒေဝလောက တစ်ခုလုံးရှိ အမှောင်ထု၏ ရင်းမြစ်လည်း ဖြစ်သည်။</p> <p> </p> <p> </p> <p>.........</p> <p> </p> <p>သို့သော် အမှောင်ထု ဘိုးဘေးနတ်ဘုရားနှင့် ပတ်သက်၍  ရှစ်ထျန်းတိ့သည် နတ်ဆိုးလိပ်ပြာကဲ့သို့ နားမလည်ထားချေ။</p> <p> </p> <p>အမှောင်ထု ဘိုးဘေးနတ်ဘုရားသည်  အလွန်လျှို့ဝှက်ဆန်းကြယ်လွန်းပြီး၊ အမတနယ်မြေ၏ အထက်လောက အနက်ရှိုင်းဆုံးနေရာတွင် တည်ရှိနေကာ ကမ္ဘာပေါ်တွင် ၎င်း၏တည်ရှိရာနေရာကို မည်သူမျှ မသိသလောက်ပင်။</p> <p> </p> <p>သူတို့ အမှောင်ထု မူလရင်းမြစ်ကမ္ဘာသည် နတ်ဆိုးလိပ်ပြာမှ တစ်ဆင့် ဆက်သွယ်ရပြီး ၊  အမှောင်ထု ဘိုးဘေးနတ်ဘုရားမှ ချမှတ်လိုက်သော အမိန့်များကို စောင့်ဆိုင်းရသည်။</p> <p> </p> <p>"ဟားဟား.... ရှစ်ထျန်းတိ့ နင် အခု အရမ်းစိတ်ဆိုးနေတယ်ဆိုတာ ငါသိတယ် ဒါပေမယ့်  လောလောဆယ် စိတ်မဆိုးသေးနဲ့ဦး"</p> <p> </p> <p>" အားတိုင်းပေါက်ကွဲတတ်တဲ့ ယောက်ျားမျိုးက  တန်ဖိုးကျဆင်းလွယ်တယ် "</p> <p> </p> <p>" နတ်ဆိုးလိပ်ပြာ!"</p> <p> </p> <p>ရှစ်ထျန်းတိ့သည် ဒေါသတကြီးဖြင့် လူကို နှင်ထုတ်ရန် ဟန်ပြင်လိုက်သည့်အချိန် ၊</p> <p> </p> <p>ထိုစဉ် ၊ နတ်ဆိုးလိပ်ပြာသည် အကြောင်းအရာကို ပြောင်းလဲကာ ပြောဆိုလာခဲ့သည်။</p> <p> </p> <p> "ငါ ဒီတစ်ခေါက် လာတာက နင့်ကို ဘိုးဘေးနတ်ဘုရားရဲ့ အမိန့်သစ်အကြောင်း အကြောင်းကြားဖို့ပဲ "</p> <p> </p> <p>" နင် ငါ့ကို  မောင်းထုတ်လိုက်ပြီး ...ပြီးမှ ဘိုးဘေးနတ်ဘုရားရဲ့ အရေးကြီးတဲ့ကိစ္စကို နှောင့်နှေးသွားစေရင်... ဘိုးဘေးနတ်ဘုရားက နင့်ကို အပြစ်ပေးတဲ့အခါ ပြီးမှ ငါ့အပြစ်လို့ လာမပြောနဲ့နော် "</p> <p> </p> <p>"ဘယ်လို "</p> <p> </p> <p>"ဘိုးဘေးနတ်ဘုရား ချမှတ်လိုက်တဲ့ အမိန့် ဟုတ်လား "</p> <p> </p> <p>ရှစ်ထျန်းတိ့၏ စိတ်ထဲတွင် ထိတ်လန့်သွားသည်။</p> <p> </p> <p>သူ၏ မှတ်ဉာဏ်ထဲတွင်၊ နောက်ဆုံးအကြိမ် အမှောင်ထု ဘိုးဘေးနတ်ဘုရား မှ ချမှတ်လိုက်သော အမိန့်တော်မှာ ကမ္ဘာ့ကပ်ဘေးစစ်ပွဲကြီး စတင်ရန်အချိန်က ဖြစ်သည်။</p> <p> </p> <p>ထို့နောက် နှစ်သန်းပေါင်းများစွာကြာပြီးသည့်တိုင် ၊ အမှောင်ထု ဘိုးဘေးနတ်ဘုရားသည် မည်သည့် အမိန့်တော်မျှ ထပ်မံ ချမှတ်ခြင်း မရှိတော့ချေ။ မမျှော်လင့်ဘဲ၊ ဤခေတ်တွင် နောက်တစ်ကြိမ် အမိန့်သစ် တစ်ခု ထုတ်ပြန်လာခဲ့သည်။</p> <p> </p> <p>မဟုတ်မှလွဲရော... အရေးကြီးတဲ့ ကိစ္စတစ်ခုခုကို သူတို့ကို ပြောပြမလို့လား ?</p> <p> </p> <p>တစ်ဖက်ရှိ နတ်ဆိုးလိပ်ပြာသည် အလွန်အကျွံ ရှင်းပြခြင်း မရှိဘဲ  ၊ သူမ၏ လက်တစ်ဖက်ကို ဆန့်ထုတ်လိုက်သည်။</p> <p> </p> <p>ဝီ!</p> <p> </p> <p>တသိမ့်သိမ့် ရိုက်ခတ်လှုပ်ရှားလာသော အမှောင်ထုတစ်ခုသည် ဟင်းလင်းပြင်ထဲ၌ ရစ်နွယ်ကာ နောက်‌ဆုံးတွင် ကျောက်စိမ်းနက် စည်းတံဆိပ်တစ်ခုအဖြစ်သို့ ဖြည်းဖြည်းချင်း ပြောင်းလဲသွားသည်။</p> <p> </p> <p>လက်ဖဝါးအရွယ်မျှသာ ရှိသော်လည်း၊ ၎င်း၏အပေါ်တွင် လျို့ဝှက်ဆန်းကြယ်သော အရုပ်စာများ ရေးထွင်းထားသည်။ ၎င်းသည် မတူညီသော ကမ္ပည်းစာများ ၊ ရှေးဟောင်းသားရဲများဖြင့် ဖွဲ့စည်းထားပုံရပြီး အတော်လေး ထူးဆန်းပေရာ တစ်ချိန်တည်းမှာပင် ကြောက်မက်ဖွယ်ရာ ကောင်းသော အရှိန်အဝါကို ထုတ်ဖော်ပြသနေသည်။</p> <p> </p> <p>လက်သင်္ကေတ တစ်ခုကို ဖော်ဆောင်ကာ ၊ မန္တာန်များ ရွတ်ဆိုပြီးနောက်တွင် ၊ ကျောက်စိမ်းနက် စည်းတံဆိပ်သည် လျှပ်တပြတ် တောက်ပသွားပြီး ၊  ဟင်းလင်းပြင်ပေါ်တွင် စာကြောင်း သုံးကြောင်း  ဖြည်းညှင်းစွာ ထွက်ပေါ်လာခဲ့သည်။</p> <p> </p> <p>ပထမစာကြောင်း - အမှောင်ထု ပြန်လည်နိုးထမလာခင် ၊  တားမြစ်စူးမိသားစုကို မသေချာဘဲ သွားပြီး ရန်မစမိစေနဲ့ ။</p> <p> </p> <p>ဒုတိယစာကြောင်း - ချိတ်ပိတ်ခံထားရတဲ့ ဗဟိုအမတနယ်မြေကို ရှာဖွေပြီး၊  မူလရင်းမြစ် အူတိုင်ကို တိုက်စားပါ ။</p> <p> </p> <p>တတိယစာကြောင်း - ဗလာနိတ္ထိစွမ်းအား ပိုင်ဆိုင်ထားသူကို ရှာဖွေပြီး ဘာတန်ကြေးပဲ ပေးဆပ်ရပါစေ သူ့ကို ရအောင် သတ် ။</p> <p> </p> <p>...........</p> <p> </p> <p>တခဏအတွင်း ၊</p> <p> </p> <p>ဟင်းလင်းပြင်အထက်တွင် မျှောလွင့်နေသော  စာလုံးများသည် ဖြည်းညင်းစွာ ပျောက်ကွယ်သွားသည်။</p> <p> </p> <p>"ဒါက ဘိုးဘေးနတ်ဘုရားရဲ့ အမိန့်လား"</p> <p> </p> <p>ရှစ်ထျန်းတိ့၏ လေသံမှာ ရှုပ်ထွေးနေသည်။</p> <p> </p> <p>ဤစကားသုံးခွန်းသည် သူ့ကို အမှန်တကယ်ပင် ခေါင်းရှုပ်စေသည်။</p> <p> </p> <p>ပထမစကားတစ်ခွန်းအရ ၊ အမှောင်ထု ပြန်လည်နိုးထမလာမီ သေချာပိုင်နိုင်မှုမရှိဘဲ တားမြစ်စူးမိသားစုကို သွားပြီး စိန်မခေါ်ရန် ပြောထားသည်။</p> <p> </p> <p>မဟုတ်မှလွဲရော ...တားမြစ်စူးမိသားစုက အတော်လေး ကြောက်မက်ဖွယ်ကောင်းတဲ့ စွမ်းအားတစ်မျိုးမျိုးကို ချုပ်ကိုင်ထားတာ ဖြစ်နေမလား !?</p> <p> </p> <p>သူတို့ အမှောင်ထု မူလရင်းမြစ်ကမ္ဘာသည်ပင် ၎င်းတို့၏ ပြိုင်ဘက် ဖြစ်ရန် ခက်ခဲနိုင်လေသလော။</p> <p> </p> <p>ဒုတိယစကားကိုလည်း သူ နားမလည်နိုင်ပေ။ ဗဟိုအမတနယ်မြေကို မည်သည့်နေရာတွင် ချိတ်ပိတ်ထားသည်ကို မည်သူမှ မသိချေ။ သူ့အနေဖြင့် ၎င်း၏ မူလရင်းမြစ် အူတိုင်ကို မည်သို့ ရှာဖွေရမည်နည်း။</p> <p> </p> <p>နောက်ဆုံးအနေဖြင့်၊ သူ့အား ဗလာနိတ္ထိစွမ်းအား ပိုင်ဆိုင်သူကို ရှာဖွေပြီး သတ်ပစ်ရန် ညွှန်ကြားထားသည်။</p> <p> </p> <p>ဤအချက်က ပို၍ပင် ရယ်စရာကောင်းသည်။</p> <p> </p> <p>သူသည် အမှောင်ထု မူလရင်းမြစ်ကမ္ဘာ၏ အမတဧကရာဇ်မင်း တစ်ပါး ဖြစ်သော်လည်း၊ သို့သော် ဗလာနိတ္ထိစွမ်းအားဆိုသည် မည်သည့်အရာမှန်း  သူ အမှန်တကယ်ပင် သိမထားချေ။</p> <p> </p> <p>အဆိုးဆုံးအခြေအနေတွင် စဉ်းစားကြည့်လျှင်ဖြင့် ၊ သူသည် ဤဗလာနိတ္ထိစွမ်းအားဟု ခေါ်ဆိုသော အရာကို သိရှိခဲ့ရင်တောင်မှ ဒေဝလောကရှိ ထောင်ပေါင်းများစွာသော နယ်မြေများစွာသည် မျက်စိနှင့် မမြင်နိုင်လောက်အောင်ပင် ကျယ်ပြန့်လွန်းသည်။</p> <p> </p> <p>သူတို့ အမှောင်ထု မူလရင်းမြစ်ကမ္ဘာတွင် ကောင်းကင်ဘုံနည်းတူ စွမ်းရည်မျိုးကို ပိုင်ဆိုင်ထားမည်ဆိုတောင် ဤကဲ့သို့သော တည်ရှိမှုမျိုးကို ရှာဖွေရန်မှာ ပင်လယ်ထဲ အပ်ရှာရသကဲ့သို့ ဖြစ်ပေတော့မည်။</p> <p> </p> <p>ဒီအမိန့်သုံးခုက ဒါ လူကို တမင်သက်သက် အနိုင်ကျင့်နေတာပဲ မဟုတ်လား!</p> <p> </p> <p style="text-align: center;">***</p> <p> </p>


Save