Book List

<h2 style="text-align: center;">အခန်း (၈၁၄)</h2> <h2 style="text-align: center;">အကုန်သတ်</h2> <h2 style="text-align: center;">*</h2> <p> </p> <p>ဂျိန်း ! !</p> <p> </p> <p>ကောင်းကင်နှင့်မြေကြီးသည် တုန်လှုပ်မြည်ဟည်းနေကာ ၊ နတ်အလင်းများဖြင့် တောက်ပလျက် ရှိသည်။ အင်အားစုကြီး လေးဖွဲ့မှ ပါရမီရှင်တပည့်များ၏ မှော်အတတ်များသည် အာကာသဟင်းလင်းပြင်ကိုပင် ဖရိုဖရဲ ဖြစ်သွားစေသည်။</p> <p> </p> <p>ယခင်က နတ်ဘုရားလက်နက် အမတမျှော်စင်အတွင်း၌ ရှိခဲ့စဉ်က ၊ ၎င်း၏အတွင်းရှိ ထူးခြားသော နိယာမတရား၏ ဖိနှိပ်ချုပ်နှောင်မှုကြောင့် အင်အားကြီးမားသော ပါရမီရှင်များသည် ၎င်းတို့၏  စစ်မှန်သော စွမ်းရည်များကို ‌ထုတ်ဖော်ပြသရန် အခက်အခဲရှိခဲ့သည်။</p> <p> </p> <p>ယခုတွင် သူတို့သည် ပြင်ပကမ္ဘာတွင် ရောက်ရှိနေပြီ ဖြစ်သောကြောင့် သူတို့ကို ဝန်းရံထားသော ချည်နှောင်မှုများသည် လုံးဝ ပြေလျော့သွားပြီ ဖြစ်သည်။</p> <p> </p> <p>အထူးသဖြင့် ကွေးယွမ်အမတဂိုဏ်းမှ  ပါရမီရှင်များသည် လူ့လောကသို့ သက်ဆင်းလာသော နတ်ဘုရားများအလား ထင်မှတ်ရပြီး၊ လက်တစ်ချက် ဝှေ့ယမ်းလိုက်သည်နှင့် အဖျက်သဘောဆောင်သော အမတအလင်းများသည်  ကြမ်းတမ်းစွာ ထွက်ပေါ်လာကြသည်။</p> <p> </p> <p>ဘုန်း !!</p> <p> </p> <p>ပေါက်ကွဲထွက်လာသော ရောင်စုံငါးသွယ် မိုးကြိုးများ ၊ တဟုန်းဟုန်း တောက်လောက်နေသော မီးလျှံများသည် လောကကြီးအား မယုံနိုင်လောက်စရာ ကောင်းသော မှော်ဆန်သော မြင်ကွင်းတစ်ခုကို ပေးစွမ်းနေခဲ့သည်။</p> <p> </p> <p> </p> <p>သို့သော် ဖုန်းယွင်လှံခန်းမနှင့် ထျန်းချန်လမ်းစဉ်ဂိုဏ်းမှ လူများမှာလည်း ခေါင်းငုံ့ရန် ဆန္ဒမရှိကြဘဲ ပြန်လည်တိုက်ခိုက်ရန် ၎င်းတို့၏ စွမ်းအားများ အစွမ်းကုန် ထုတ်သုံးလာကြသည်။</p> <p> </p> <p>မျက်စိတမှိတ်အတွင်းမှာပင် ၊ ကောင်းကင်နှင့် မြေကြီးသည် သွေးရောင်များဖြင့် ဆေးခြယ်ခံလိုက်ရပြီး ၊  ပျက်စီးနေသော နတ်ဘုရားလက်နက်များ၊ သွေးစွန်းနေသော အလောင်းများက ထိုနေရာတစ်ခုလုံးကို ဖုံးလွှမ်းထားလေ၏။</p> <p> </p> <p>" ဒုက္ခပဲ!"</p> <p> </p> <p>"ငါ မင်းရဲ့ အလိမ်အညာကို လုံးဝ မယုံကြည်သင့်ခဲ့ဘူး"</p> <p> </p> <p>ဝမ်မင်၏ လက်ဝါးတစ်ချက်စာ ရိုက်နှက်ခံလိုက်ရပြီး အဝေးသို့ လွင့်ထွက်သွားသော ကျန်းယွီကျင်းသည် ရှောင်ဝူရှန်းကိုတော့ ဒေါသတကြီး ဆဲဆိုရန် မေ့မသွားခဲ့ချေ။</p> <p> </p> <p>ယခင်က ရှောင်ဝူရှန်းသည် ဤနေရာတွင် မဟာအစီအရင် တည်ဆောက်ကာ ခြုံခိုတိုက်ရိုက်ရုံဖြင့် အောင်မြင်လိမ့်မည်ဟု ပြောခဲ့ဖူးသည်။</p> <p> </p> <p>ဒါတင်မက ၊ စူးချန်ကဲနှင့်  ကွေးယွမ်အမတဂိုဏ်းတွင် ကောင်းကင်ဘုံ၏စွမ်းရည်များကို ပိုင်ဆိုင်ထားခဲ့ရင်တောင်မှ ဤအစီအရင်များကို ချိုးဖျက်နိုင်မည် မဟုတ်ကြောင်း ပြောခဲ့ဖူးသည်။</p> <p> </p> <p> </p> <p>သို့သော် ရလဒ်မှာ အဘယ့်နည်း။</p> <p> </p> <p>သူတို့ တည်ဆောက်ထားသော မဟာအစီအရင်များသည် စူးချန်ကဲ၏ ဓားချက်အောက်တွင် တစ်ချက်တည်းဖြင့် ချေမှုန်းခံလိုက်ရသည်။</p> <p> </p> <p>ယခု တိုက်ပွဲတွင်မူ သူတို့သည် ထျန်းယွမ်နတ်ဘုရားမင်းဆက်၏  အကူအညီကို မရရှိတော့ပေ။ သူတို့သည် သာလွန်အင်အားစု (၁၈)ခုအနက်မှ တစ်ခုဖြစ်သော်လည်း သို့သော် ၎င်းတို့၏ ပြိုင်ဘက် မဖြစ်နိုင်ပေ။</p> <p> </p> <p> </p> <p>"ကိစ္စတွေက ဒီထိရောက်လာပြီ...မင်း ခုမှ  ဒေါသထွက်နေလဲ ဘာအကျိုးရှိမှာလဲ "</p> <p> </p> <p>ရှောင်ဝူရှန်းသည် ပြန်လည် ပြောဆိုလိုက်သော်လည်း  ၊ သူ၏ လှုပ်ရှားမှုများမှာတော့ ရပ်တန့်မသွားချေ။ သူ၏ တောက်ပသော နတ်ဘုရားလှံကို ‌ဆုပ်ကိုင်ကာ အားပြင်းပြင်းဖြင့် ရှေ့သို့ လှမ်းပစ်လိုက်သည်။</p> <p> </p> <p>ဝုန်း !!</p> <p> </p> <p>သက်ဝင်လှုပ်ရှားနေသော နတ်အလင်းများသည် စီးဆင်းနေသော မြစ်တစ်စင်းသဖွယ် အရှေ့မျက်နှာ တစ်ခုလုံးကို လွှမ်းမိုးသွားသည်။</p> <p> </p> <p>ယောင်ကွမ်အမတဂိုဏ်းမှ ကျင့်ကြံသူ အချို့မှာ သူ့ကို မယှဉ်နိုင်ဘဲ သွေးအန်ကာ အဝေးသို့ လွင့်ထွက်သွားခဲ့သည်။</p> <p> </p> <p> </p> <p>"မသေချင်ဘူးဆိုရင် နည်းလမ်းရှာပြီး ဖောက်ထွက်ရမှာပဲ"</p> <p> </p> <p>" ဒုက္ခပဲ...."</p> <p> </p> <p>ဤမြင်ကွင်းကို မြင်လိုက်ရသော ကျန်းယွီကျင်းနှင့် ချုးရှောင်တို့မှာလည်း မကျေမနပ်ဖြစ်နေကြသည်။</p> <p> </p> <p>ယခင်က သူတို့သည် ထျန်းယွီလော့ရုံ နှင့် စူးချန်ကဲတို့ကြားက တိုက်ပွဲကို အခွင့်ကောင်းယူကာ လွတ်မြောက်နိုင်ခဲ့သည်။ ယခုတွင်မူ၊ ထျန်းယွီလော့ရုံသည် ရှင်လားသေလားကိုပင် မသိသေးပေ။</p> <p> </p> <p>ထို့အပြင် လက်ရှိအခြေအနေအရ သူမကို အမှီပြု၍ ထွက်ပြေးရန် ကြိုးစားခဲ့ရင်တောင် ၊ ဤသည်မှာ လုံးဝ  မဖြစ်နိုင်သော ကိစ္စသာ ဖြစ်သည်။</p> <p> </p> <p>"သတ်ကြ!  မသေချင်ရင် ငါနဲ့အတူ တိုက်ခိုက်ကြ "</p> <p> </p> <p>ကျန်းယွီကျင်းနှင့် ချုးရှောင်တို့သည် တစ်ပြိုင်နက် ဟစ်အော်လိုက်သည်။ သာလွန်အင်အားစု ဖြစ်သော ထိပ်တန်း ပါရမီရှင်များအနေဖြင့် ၊  သူတို့သည် နောင်တွင် အမတနယ်မြေ၏ အမတဘုရင်များ ဖြစ်လာကာ သက်ရှိ‌အပေါင်းက မော့ကြည့်ရသည့် တည်ရှိမှုမျိုး ဖြစ်လာပေလိမ့်မည်။</p> <p> </p> <p>သို့ဖြစ်ရာ၊ သူတို့သည် ဤနေရာတွင် သေဆုံးရန် မည်သို့စိတ်ဆန္ဒ ရှိမည်နည်း။</p> <p> </p> <p> သေခြင်းတရား၏ စိတ်ပျက်အားငယ်မှုထဲသို့ ကျရောက်သွားသည့်အလား အင်အားစုနှစ်ဖွဲ့မှ ပါရမီရှင်များသည် မျက်လုံးများ နီမြန်းလာကာ စူးချန်ကဲနှင့် အခြားသူများအား အရူးအမူး တိုက်ခိုက်ကြလေတော့သည်။</p> <p> </p> <p>..........</p> <p> </p> <p> </p> <p>" ကျွတ် ကျွတ်.... မိုက်ရူးရဲဆန်တဲ့ လူတစ်စုပဲ... ကိုယ့်ကိုယ်ကိုယ် တားမြစ်အင်အားစုက ပါရမီရှင်တွေနဲ့ ယှဉ်ပြိုင်နိုင်တယ်လို့ ထင်နေကြတယ်"</p> <p> </p> <p>"  ဒါဟာ ကိုယ့်အသက်ကို သွားအသေခံတာပဲ "</p> <p> </p> <p>ချောက်ကမ်းပါးထိပ်တစ်ခုပေါ်တွင်၊  အစိမ်းရောင် စကတ်ရှည်ကို ဝတ်ဆင်ထားသော ထျန်းယွီလော့ရုံသည် မိုးကုတ်စက်ဝိုင်းတစ်နေရာမှ ဖြစ်ပွားနေသော တိုက်ပွဲကြီးကို  အေးစက်စွာဖြင့် ကြည့်ရှုနေသည်။</p> <p>  </p> <p>သူမသည် ထျန်းချန်လမ်းစဉ်ဂိုဏ်း၏ ပါရမီရှင်  ခေါင်းဆောင်တစ်ဦး ဖြစ်သော်လည်း ၊ ဤကိစ္စကို ဝင်ရောက်စွက်ဖက်ရန် စိတ်ကူးမရှိချေ။</p> <p> </p> <p>ယခင်က စူးချန်ကဲနှင့် ယှဉ်ပြိုင်ခဲ့ရာတွင် သူမ၏ ဝှက်ဖဲများအားလုံး ဆုံးရှုံးသွားရုံသာမက သူမကိုယ်တိုင်လည်း အသက်တစ်ချောင်း ဆုံးရှုံးခဲ့ရသည်။</p> <p> </p> <p>ပို၍ပင် ကြောက်စရာကောင်းသည်မှာ သူမသည် အဆိပ်တစ်သောင်း နတ်ဘုရားပိုးကောင်ကိုပင် အသုံးပြုခဲ့သော်လည်း စူးချန်ကဲကို မသတ်နိုင်ခဲ့ခြင်းပင် ဖြစ်သည်။</p> <p> </p> <p>ယခုတွင်မူ တဖက်လူသည် ဒဏ်ရာအနည်းငယ်မျှ မရှိသည့်အပြင် စစ်မှန်အမတနယ်ပယ် အဆင့်(၆) မှ အဆင့်(၈) အထိ ထိုးတတ်သွားခဲ့သည်။</p> <p> </p> <p>ထို့အပြင် ၊ ဤတိုက်ပွဲတွင် သူမ၏ ထျန်းချန်လမ်းစဉ်ဂိုဏ်းမှ ပါရမီရှင်များကို သတ်ဖြတ်နေသည်မှာ ကြက်တစ်ကောင်ကို သတ်ပစ်နေသကဲ့သို့ လွယ်ကူလွန်းလှသည်။</p> <p> </p> <p>ဤမျှ ထိတ်လန့်စရာကောင်းသော အရာ ၊ ဘယ်အရာများ ရှိဦးမည်နည်း။</p> <p> </p> <p>"တကယ်ကို လူ့ဘီလူးစစ်စစ်ပဲ....."</p> <p> </p> <p>ထိုသို့ ရေရွတ်လိုက်ပြီးနောက် ထျန်းယွီလော့ရုံသည် သူမ၏ရင်ဘက်ထဲမှ ဝင်းလက်တောက်ပနေသော  ကျောက်အပိုင်းအစတစ်ခုကို ထုတ်ယူလိုက်သည်။ သူမ၏ လက်ဖဝါးထဲက ထိုအရာကို ကြည့်ရင်း ၊ သူမ၏ နှုတ်ခမ်းများသည် ပျော်စရာကောင်းသော အပြုံးတစ်ခုအဖြစ် ကွေးညွှတ်သွားသည်။</p> <p> </p> <p>"ဟားဟား..... ငါတို့ဂိုဏ်းက ဂိုဏ်းချုပ်နဲ့ ဖုန်းယွင်လှံခန်းမရဲ့ ဂိုဏ်းချုပ်က အားရှင်းလို့ခေါ်တဲ့ သံမဏိစက်ရုပ်ကို ဘာလို့ အမဲလိုက်နေရတာလဲ ဆိုတာ ခုမှ သိတော့တယ်... လတ်စသတ်တော့ ဒီလို လျို့ဝှက်ချက်တွေ ရှိနေတာပဲ"</p> <p> </p> <p> သူမသည် နတ်ဘုရားလက်နက် အမတမျှော်စင်မှ ထွက်ခွာလာစဉ်တွင် ဤအရာကို မမျှော်လင့်ဘဲ ရရှိခဲ့ခြင်း ဖြစ်သည်။</p> <p> </p> <p>၎င်းတွင် နတ်ဘုရားလက်နက် အမတမျှော်စင်၏ ဘိုးဘေးတစ်ဦးမှ ချန်ရစ်ထားခဲ့ဟန် ရှိသည့် လျို့ဝှက်ချက်များ ပါရှိသည်။</p> <p> </p> <p>ဉာဏ်ရည်မြင့်မားသော ထျန်းယွီလော့ရုံအနေဖြင့် ထိုအရာကို မြင်သည့်နှင့် ကိစ္စများကို အကြမ်းဖျင်း ခန့်မှန်းမိပြီး ဖြစ်သည်။</p> <p> </p> <p>မည်သို့ပင်ဆိုစေကာမူ ၊ ထျန်းယွီလော့ရုံသည် ထိုအရာများကို ဂရုမစိုက်ချေ။ ဤအရာအားလုံးသည် သူမနှင့် မသက်ဆိုင်သော ကိစ္စများသာ ဖြစ်သည်။</p> <p> </p> <p>သူမသည် ထျန်းချန်လမ်းစဉ်ဂိုဏ်း၏ ထိပ်တန်း ပါရမီရှင်တစ်‌ဦး ဖြစ်သော်လည်း မည်သည့် ထူးခြားသော ခံစားချက်မှ မရှိပေ။</p> <p> </p> <p>သူမ၏ အမြင်တွင် ခံစားချက်ဆိုသည်မှာ အကြီးမားဆုံးသော အားနည်းချက်ပင် ဖြစ်သည်။</p> <p> </p> <p>မဟာလမ်းစဉ်ကို လျှောက်လှမ်းသည်နှင့် ၊ လောကရှိ အရာအားလုံးသည် မိမိ၏ မဟာလမ်းစဉ်ခရီးအတွက် ကိရိယာတစ်ခုသာ ဖြစ်လာသင့်သည်။</p> <p> </p> <p>မဟာလမ်းစဉ်၏ အထွတ်အထိပ်ကို အောင်မြင်မှသာ မိမိလိုချင်သော အရာကို ရရှိနိုင်လိမ့်မည်။</p> <p> </p> <p>ဤသည်မှာ သူမ၏ သေဆုံးသွားသော မိခင်မှ သူမ သင်ယူခဲ့သည့် အနက်ရှိုင်းဆုံး သင်ခန်းစာပင် ဖြစ်သည်။</p> <p> </p> <p>မထွက်ခွာမီတွင် ၊ ထျန်းယွီလော့ရုံသည် ခန္ဓာကိုယ်ကို အနည်းငယ် စောင်းကာ စူးချန်ကဲ တည်ရှိရာဘက်သို့  တစ်ချက် ကြည့်လိုက်သည်။</p> <p> </p> <p>သူမ၏ စိမ်းဖန့်ဖန့် မျက်လုံးများသည် ပုံမှန်မဟုတ်သော အလင်းရောင်များဖြင့် တောက်ပနေသည်။</p> <p> </p> <p> "စူးချန်ကဲ.... နောက်တစ်ခါ တွေ့ရင် ကျွန်မ ရှင့်ကို သေချာပေါက် ဝါးမျိုပစ်မယ် "</p> <p> </p> <p>သူမ ထွက်ခွာသွားသည့် အရပ်တွင် ၊ ထိုနေရာရှိ  အသက်စွမ်းအင်များသည် ဆွဲဆောင်ခံလိုက်ရသကဲ့သို့  သူမ၏ ခန္ဓာကိုယ်အတွင်းသို့ စုရုံးရောက်ရှိလာကြသည်။</p> <p> </p> <p>မထင်မရှား ပျံ့နှံ့လာသော ရောင်ဝါအရ ၊ ၎င်းသည် ယွမ်ချန်ဟုန်း ပိုင်ဆိုင်ခဲ့သော ထိုက်ချင်တာအိုရွှမ်ခန္ဓာနှင့် ဆင်တူနေသည်။</p> <p> </p> <p>ထျန်းယွီလော့ရုံသည် အောင်မြင်စွာ သန့်စင်နိုင်ခဲ့ပြီး ထိုက်ချင်တာအိုရွှမ်ခန္ဓာ၏  စွမ်းအား တစ်စိတ်တစ်ပိုင်းကို ချုပ်ကိုင်နိုင်ခဲ့သည်မှာ သေချာသည်။</p> <p> </p> <p>...........</p> <p> </p> <p> </p> <p>"ဓားအပေါင်း မူလအစသို့ ပြန်လည်ရောက်ရှိခြင်း ! "</p> <p> </p> <p>စူးချန်ကဲ၏ အေးစက်သော ရေရွတ်သံသည် မိုးမြေတစ်ခွင် ပဲ့တင်ထပ်သွားသည်။</p> <p> </p> <p>ချွင်——</p> <p> </p> <p>အလွန်ကြည်လင်သော ဓားမြည်သံတစ်ခုသည် ကောင်းကင်နှင့်မြေကြီးတွင် ပဲ့တင်ထပ်သွားသည်။ လူတိုင်း၏ ထိတ်လန့်နေသော အကြည့်များအောက်တွင် ၊ စူးချန်ကဲရှိရာ နေရာတွင်  မရေတွက်နိုင်သော  တောက်ပသည့် နတ်ဘုရားဓားဝိညာဉ်များသည် မိုးကောင်းကင်အထက်တွင် ထိုးဖောက်ကာ ထွက်ပေါ်လာကြသည်။</p> <p> </p> <p>နောက်ဆုံးတွင် မိုးကောင်းကင်မှ ရွာသွန်းချလာသော အလင်းမိုးများကဲ့သို့ပင်  ဖုန်းယွင်လှံခန်းမနှင့် ထျန်းချန်လမ်းစဉ်ဂိုဏ်းမှ ကျင့်ကြံသူများကြားတွင် ထူထပ်စွာ ကျရောက်လာသည်။</p> <p> </p> <p>"တားဆီးကြ"</p> <p> </p> <p>"ဒီဓားအလင်းတန်းတွေကို မြန်မြန် တားဆီးကြ"</p> <p> </p> <p>သတိကြီးမားသော ကျင့်ကြံသူများက ဟစ်အော်လိုက်ကြသည်။</p> <p> </p> <p> </p> <p style="text-align: center;">***</p> <p> </p>


Save