Book List

<h2 style="text-align: center;">အခန်း (၈၁၆)</h2> <h2 style="text-align: center;">ဂိုဏ်းချုပ်နှစ်ပါး ကြွချီလာပြီ</h2> <h2 style="text-align: center;">*</h2> <p> </p> <p>“အဟွတ်......”</p> <p> </p> <p>မိမိအောက်က လက်အောက်ငယ်သားများ၏ သစ္စာဖောက်မှုကြောင့် စူးချန်ကဲ၏ လည်ပင်းညှစ်ခံထားရပြီး လေထဲတွင် မြှောက်ခံထားရသော ရှောင်ဝူရှန်းသည် အားနည်းနေသော အခြေအနေမှာပင် ဒေါသကြောင့် သွေးတစ်ပွက် အန်ထုတ်လိုက်သည်။</p> <p> </p> <p>“ သစ္စာဖောက်ကောင်တွေ!”</p> <p> </p> <p>အလွန်အမင်း ဒေါသထွက်နေခြင်းကြောင့်လား မသိနိုင်သော်လည်း၊  မူလက ပြတ်တောင်းပြတ်တောင်း ဖြစ်နေသော စကားများသည် ချောမွေ့လာခဲ့သည်။</p> <p> </p> <p> “ငါ့ ဖုန်းယွင်လှံခန်းမရဲ့ ပါရမီရှင်တွေ အနေနဲ့.... ဘယ်လိုလုပ်ပြီး ဒီလောက်ထိ မာန်မာနမရှိရတာလဲ “</p> <p> </p> <p>“မင်းတို့နဲ့ အတူတူ ရှိရတာ ငါ ရှက်တယ်..... “</p> <p> </p> <p>တစ်ချိန်တည်းမှာပင် ရှောင်ဝူရှန်း၏ စိတ်ထဲတွင် စိတ်ပျက်အားငယ်သော ခံစားချက်တစ်ခု ဝင်ရောက်လာပြီး အော်ဟစ်လိုက်သည်။</p> <p> </p> <p> </p> <p> “ဘာလို့လဲ.....!?”</p> <p> </p> <p>“ ငါတို့ဂိုဏ်းက ကာကွယ်စောင့်ရှောက်သူ ဘာလို့ ခုထိ မပေါ်လာရသေးတာလဲ “</p> <p> </p> <p>“ငါတို့အားလုံး ဒီနေရာမှာတင် သေဆုံးသွားတာကို  ဒီတိုင်း မျက်စိမှိတ်ပြီး ကြည့်နေတော့မှာလား”</p> <p> </p> <p>သို့သော် ရှောင်ဝူရှန်း မသိသည်မှာ သူတို့၏ ကာကွယ်စောင့်ရှောက်သူများသည် အရင်ကတည်းက ခြေတစ်လှမ်း ဦးသွားခဲ့ပြီ ဖြစ်သည်။</p> <p> </p> <p>နတ်ဘုရားလက်နက် အမတမျှော်စင်၌ ရှိစဉ်ကတည်းက ပီယွီ့‌ ကောင်းကင်အရှင်သည် သူတို့၏ နောက်ကွယ်မှ ကာကွယ်စောင့်ရှောက်သူများကို  သန့်စင်ပေးခဲ့ပြီး ဖြစ်သည်။</p> <p> </p> <p>………</p> <p> </p> <p>ထိုစကားကို ကြားသော်လည်း စူးချန်ကဲသည် လုံးဝ အလေးမထားဘဲ ၊ သူ၏ နှုတ်ခမ်းသားများသည် လှောင်ရယ်အပြုံးတစ်ခုအဖြစ် ကွေးညွှတ်သွားခဲ့သည်။</p> <p> </p> <p>“ဒီမှာ ဟန်ဆောင်တာတွေ ရပ်လိုက်တော့”</p> <p> </p> <p> </p> <p>“မင်းတို့က ငါတို့ကို တစ်ကြိမ်ပြီးတစ်ကြိမ် သတ်ဖို့ကြိုးစားခဲ့တာ  ...မင်းတို့ကို ငါ လွှတ်ပေးမယ်လို့ မင်းထင်လား “</p> <p> </p> <p>စူးချန်ကဲသည် တစ်ချက် ဝှေ့ယမ်းကြည့်ရှုလိုက်ပြီး ၊ ကွေးယွမ်အမတဂိုဏ်းမှ ကျင့်ကြံသူများကို အမိန့်ပေးလိုက်သည်။</p> <p> </p> <p>“ငါ အရင်က ပြောခဲ့တဲ့အတိုင်း သူတို့အားလုံးကို  တစ်ယောက်မှ မချန်နဲ့ အကုန်ရှင်းပစ်!”</p> <p> </p> <p>ရန်သူကို သနားခြင်းသည် မိမိကိုယ်ကို ရက်စက်ခြင်းပင် ဖြစ်သည်။</p> <p> </p> <p>ဤနတ်ဘုရားလက်နက် အမတမျှော်စင်သို့ ခရီးစဉ်သည်  အမတနယ်မြေတွင် သူ၏ ပထမဆုံးအကြိမ်အဖြစ် ခရီးသွားလာခြင်း ဖြစ်သည်။</p> <p> </p> <p>ဤအခွင့်အရေးကို အသုံးပြုကာ လူတိုင်း ကြောက်ရွံ့ရသည့် နာမည်တစ်ခုကို ရယူနိုင်မည်ဆိုပါက ၊ နောင်တွင် မည်သူမျှ သူ့ကို လာရောက် နှောင့်ယှက်ရဲလိမ့်မည် မဟုတ်ပေ။</p> <p> </p> <p>ထို့ကြောင့် ယနေ့တွင် ကောင်းကင်ဘုံမှ ဘုရင်တစ်ပါး ကိုယ်တိုင် ဆင်းသက်လာသည့်တိုင် ၊ ဤလူစုသည် သေရမည်သာ ဖြစ်သည်။</p> <p> </p> <p>………</p> <p> </p> <p>“အမ်....”</p> <p> </p> <p>စူးချန်ကဲ၏ စကားများသည် အင်အားစုနှစ်ဖွဲ့မှ လူများကို ထိတ်လန့်တုန်လှုပ်သွားစေရုံသာမက၊</p> <p> </p> <p>ပတ်ဝန်းကျင်မှ ဝိုင်းကြည့်နေကြသော ကျင့်ကြံသူ အများအပြားသည်လည်း မျက်နှာများ ဖြူဖျော့ကုန်ကာ လေကို အရူးအမူး ရူးသွင်းလိုက်ကြသည်။</p> <p> </p> <p>စူးချန်ကဲ၏ လုပ်ရပ်များသည် သူတို့ မျှော်လင့်ထားသည်ထက် လုံးဝ ကျော်လွန်သွားခဲ့ပြီ ဖြစ်သည်။</p> <p> </p> <p>ယခင်က စူးချန်ကဲ၏ အင်အားကြီးမားသော နောက်ခံကို မနာလိုခြင်းကြောင့် လူအများသည် အနည်းငယ် မကျေမနပ် ဖြစ်ခဲ့ကြသည်။</p> <p> </p> <p>သို့သော် ယခုတွင် တဖက်လူသည် လုံးဝ ရက်စက်ကြမ်းကြုတ်သော လူတစ်ယောက် ဖြစ်ပုံရသည်။</p> <p> </p> <p>သူ့ကို ရန်ပြုသူတိုင်း သေလမ်းမှတစ်ပါး အခြားမရှိ။</p> <p> </p> <p>စိတ်ထဲက ထိတ်လန့်ခြင်းနှင့်အတူ  ၊ သတ္တိနည်းသော ကျင့်ကြံသူ အချို့သည် ထိုမြင်ကွင်းကို ဆက်မကြည့်တော့ဘဲ  အကြည့်လွှဲလိုက်ကြသည်။</p> <p> </p> <p>အင်အားစုနှစ်ဖွဲ့မှ ထောင်ပေါင်းများစွာသော ပါရမီရှင်များသည် ဤနေရာတွင် သေဆုံးရတော့မည် ဖြစ်ကာ ၊ ဤမြင်ကွင်းမျိုးသည် သွေးသံရဲရဲဖြင့် ထိတ်လန့်စရာ ကောင်းပေလိမ့်မည်။</p> <p> </p> <p>………</p> <p> </p> <p> </p> <p>“ချန်ကဲ ဆက်ခံသူရဲ့ မိန့်ကြားချက်အတိုင်း မင်းတို့ လူယုတ်မာအုပ်စုကို သေလမ်းပို့ပေးမယ် “</p> <p> </p> <p>ဝမ်မင် အပါအဝင် ကြယ်စုသခင် ပါရမီရှင် သုံးဦးသည် ကွေးယွမ်အမတဂိုဏ်းမှ လူများကို ဦးဆောင်ကာ ၊ အင်အားစုနှစ်ဖွဲ့မှ ပါရမီရှင်တပည့်များကို ချေမှုန်းရန်ဟန်ပြင်လိုက်စဉ် ၊</p> <p> </p> <p>ဝုန်း  ——</p> <p> </p> <p> မိုးကောင်းကင်အထက်တွင် လျှပ်စီးများ ဝင်းလက်ကာ မိုးခြိမ်းသံများ ထွက်ပေါ်လာပြီး တစ်ချိန်တည်းမှာပင်  ပြင်းထန်သော မဟာလမ်းစဉ် ဖိအားတစ်ခု ကျဆင်းလာခဲ့သည်။</p> <p> </p> <p>အဆိုပါ ရောင်ဝါ၏ လွှမ်းမိုးမှုအောက်တွင် ၊ ဤနေရာတစ်ခုလုံးသည် အတိုင်းအတာတစ်ခုအထိ ဖိနှိပ်ခံထားရသည်။</p> <p> </p> <p>“အမ်...”</p> <p> </p> <p>ရှောင်ဝူရှန်းကို ပို့ဆောင်ရန် ပြင်ဆင်နေသော စူးချန်ကဲသည်လည်း အနည်းငယ် မျက်မှောင်ကြုတ်သွားပြီး  မိုးကောင်းကင်ကို မော့ကြည့်လိုက်သည်။</p> <p> </p> <p> “ အတော်ပြင်းထန်တဲ့ ရောင်ဝါပဲ.... အမည်မသိ စွမ်းအားရှင်တစ်ဦး  ရောက်လာတာလား “</p> <p> </p> <p>မူလက မျက်ဝန်းအရောင်များ မှိန်ဖျော့ကာ သေရန် အသင့်ပြင်ထားသော ရှောင်ဝူရှန်းသည် ရုတ်တရက် ထွက်ပေါ်လာသော ရောင်ဝါကို ခံစားလိုက်ရသည်နှင့် ၊ အသက်ကယ်ကြိုးတစ်ခုကို ဆုပ်ကိုင်မိလိုက်သကဲ့သို့ မျက်လုံးများက ပြန်လည် အရောင်တောက်လာသည်။</p> <p> </p> <p>ဝမ်းသာအားရမှုများဖြင့် ပြည့်နှက်နေပြီး ၊ သူ၏ ခန္ဓာကိုယ်တစ်ခုလုံးသည် စိတ်လှုပ်ရှားမှုကြောင့်  ထိန်းမနိုင်သိမ်းမရ တုန်ရီနေခဲ့သည်။</p> <p> </p> <p>“ဒီရောင်ဝါက..... ဂိုဏ်းချုပ်.... ဂိုဏ်းချုပ် ကိုယ်တိုင် ကြွလာတာပဲ “</p> <p> </p> <p>“ဟားဟားဟားဟား.....ငါ မသေတော့ဘူး ၊ ငါ မသေတော့ဘူး “</p> <p> </p> <p>ထိုနည်းတူစွာ ၊ နှိပ်ကွပ်ခံထားရသော ကျန်းယွီကျင်းနှင့် ချုးရှောင်တို့သည်လည်း မျက်လုံးများ အရောင်တောက်လောင်ကာ စိတ်လှုပ်ရှားစွာဖြင့် မိုးကောင်းကင်ကို ကြည့်လိုက်ကြသည်။</p> <p> </p> <p>“ဂိုဏ်းချုပ်ပဲ.... ငါတို့ ထျန်းချန်လမ်းစဉ်ဂိုဏ်းရဲ့ ဂိုဏ်းချုပ်လည်း ကြွလာပြီ “</p> <p> </p> <p>ဝီ ！</p> <p> </p> <p> </p> <p>ကောင်းကင်အထက်ရှိ လျှပ်စီးကြောင်းများသည် ပို၍သိပ်သည်းလာပြီး ၊ ကောင်းကင်ပြင်တစ်ခုလုံးကို ထိန်လင်းတောက်ပသွားစေသည့်အပြင် ပြင်းထန်သော ဖိအားများက  အောက်ဘက်ရှိ ကျင့်ကြသူများကို အသက်ရှုလို့မရအောင် ဖြစ်စေသည်။</p> <p> </p> <p>“ဒါတွေက..... “</p> <p> </p> <p>လူတိုင်း၏ ထိတ်လန့်သော အကြည့်များအောက်တွင် ၊ မိုးကြိုးများဖြင့် ယှက်နွယ်ဖွဲ့စည်းထားသော ဝဲဂယက်သည် ဖြည်းညင်းစွာ ပြိုကွဲသွားပြီး ၊ အတွင်းပိုင်းထဲမှ မှောင်မိုက်နေသော  ဗလာပြင်ကို ဖော်ထုတ်ပြသခဲ့သည်။</p> <p> </p> <p>ယင်းအတွင်း၌ ၊  ခမ်းနားကြီးကျယ်သော ပုံရိပ်နှစ်ခုသည်  ထင်ရှားစွာ ထွက်ပေါ်လာခဲ့သည်။</p> <p> </p> <p>၎င်းတို့၏ ခန္ဓာကိုယ်သည် သွေးစွမ်းအားများဖြင့် ပြည့်နှက်နေပြီး ၊ ခန္ဓာကိုယ်အတွင်းမှ ပျံ့နှံ့ထွက်ပေါ်လာသော တာအိုစည်းချက်များသည် အလွန်ကို နက်နဲကာ လျို့ဝှက်ဆန်းကြယ်ပေသည်။  ရွှေရောင်အလင်းတန်းများက ခန္ဓာကိုယ်တစ်ခုလုံးကို ဖုံးလွှမ်းထားသဖြင့် မှောင်မိုက်နေသော မိုးကောင်းကင်အထက်တွင် တောက်ပစွာ ထွက်ပေါ်နေသည်။</p> <p> </p> <p>“ဂိုဏ်းချုပ် “</p> <p> </p> <p>ဂိုဏ်းနှစ်ခုမှ တပည့်များသည် ဤလူရိပ်နှစ်ခုကို မြင်လိုက်ရသည်နှင့်၊ အလွန်အမင်း ဝမ်းသာသော အမူအရာများကို ထုတ်ဖော်လာကြပြီး ၊ ၎င်းတို့၏ စိတ်ထဲမှ ကြောက်ရွံ့မှုသည် ဒီရေအလား လျင်မြန်စွာ ပြေပျောက်သွားသည်။</p> <p> </p> <p>ဤနေရာသို့ ရောက်ရှိလာသူ နှစ်ဦးမှာ ဖုန်းယွင်လှံခန်းမ၏ ဂိုဏ်းချုပ် ထျန်းချန် အမတဧကရာဇ်မင်း နှင့် ၊</p> <p> </p> <p>ထျန်းချန်လမ်းစဉ်ဂိုဏ်း၏ ဂိုဏ်းချုပ် ချန်ယွမ် အမတဧကရာဇ်မင်းတို့ ပင် ဖြစ်သည်။</p> <p> </p> <p>“ဂိုဏ်းချုပ်?”</p> <p> </p> <p>စူးချန်ကဲသည် အနည်းငယ် မျက်မှောင်ကြုတ်လိုက်သည်။ သူသည် ထိုလူနှစ်ဦး၏ ရုပ်ရည်ကို ရှင်းရှင်းလင်းလင်း မမြင်ရသော်လည်း ၊</p> <p> </p> <p>တဖက်လူမှ ဖြာထွက်လာသော ကြောက်ခမန်းလိလိ ရောင်ဝါများအရ ၊ ၎င်းတို့သည်  ထိပ်တန်း အမတဧကရာဇ်မင်းများ ဖြစ်မည်မှာ ဧကန်မလွဲပင်။</p> <p> </p> <p>သို့သော်  လေထဲတွင် ပျံ့နှံ့ထွက်ပေါ်လာသော တာအိုစည်းချက်များသည် စစ်မှန်မှု မရှိသောကြောင့် ၎င်းတို့သည် ဓမ္မကိုယ်ထည်များဖြင့် ဆင်းသက်လာခြင်း ဖြစ်နိုင်သည်။</p> <p> </p> <p>သို့သော် စူးချန်ကဲသည် ဂရုမစိုက်ချေ။ ဒေဝလောက ပြန်လည်စတင်ရာခေတ်တွင် မူလကတည်းက သတ်မှတ်ထားသော စည်းကမ်းအရ လူငယ်မျိုးဆက်သစ်၏ ယှဉ်ပြိုင်မှုတွင် မျိုးဆက်ဟောင်းများ အနေဖြင့် ဝင်ရောက်စွက်ဖက်ခွင့် မရှိချေ။</p> <p> </p> <p>အကယ်၍ တဖက်လူသည် ဤစည်းမျဉ်းကို ဖျက်ဆီးရန် ကြိုးစားလာပါက ၊ မိမိနောက်ကွယ်မှ အင်အားစုများသည်လည်း ငြိမ်နေမည် မဟုတ်ပေ။ ထို့ကြောင့် သူ့အဖို့ ကြောက်စရာမရှိချေ။</p> <p> </p> <p> ဤအင်အားစုကြီးနှစ်ခု၏ ဂိုဏ်းချုပ်များသည်  ကိုယ်ပွားများဖြင့် ရောက်ရှိလာပြီး  မိမိနှင့် မည်သည့် လှည့်ကွက်မျိုး ကစားလိုသည်ကို သူ ကြည့်ချင်သေး၏။</p> <p> </p> <p>စူးချန်ကဲသည် အတွေးများကို ပြန်လည်ရုတ်သိမ်းပြီးနောက်  ၊ အကြည့်နှစ်ခုက သူ့အပေါ်သို့ ကျရောက်လာသည်ကို ခံစားလိုက်ရသည်။</p> <p> </p> <p>“ဟားဟား.... ဒီလူငယ်လေးက ချန်ကဲ ဆက်ခံသူ ဖြစ်ရမယ်”</p> <p> </p> <p>ထျန်းချန်လမ်းစဉ်ဂိုဏ်းမှ ဂိုဏ်းချုပ်၏ အသံသည် မိုးနှင့်မြေကြား ပဲ့တင်ထပ်သွားသည်။</p> <p> </p> <p>“လူသားတွေကြားထဲမှာ တကယ့်ကို နဂါးတစ်ကောင်ပဲ “</p> <p> </p> <p>“ ရှားပါးတဲ့ အရည်အချင်း ၊ ယှဉ်နိုင်စရာမရှိတဲ့ ခွန်အားအပြင် တားမြစ်အင်အားစုကြီး သုံးဖွဲ့ရဲ့ တစ်ဦးတည်းသော ဆက်ခံသူ ဆိုတဲ့အတိုင်း တကယ်ကို နာမည်နဲ့ လိုက်ဖက်ပါပေတယ်”</p> <p> </p> <p>ဖုန်းယွင်လှံခန်းမမှ ဂိုဏ်းချုပ်သည်လည်း သံယောင်လိုက်ကာ ချီးကျူးလိုက်သည်။</p> <p> </p> <p>ဤမြင်ကွင်းသည် ရုတ်တရက်ဆန်လွန်းပြီး၊ လူတိုင်း ထင်မှတ်မထားကြချေ။</p> <p> </p> <p>အင်အားစုနှစ်ဖွဲ့မှ လူများကို အရေးယူရန် ပြင်ဆင်နေသော ကွေးယွမ်အမတဂိုဏ်းနှင့် ယောင်ကွမ်အမတဂိုဏ်းမှ လူများသည်လည်း စူးချန်ကဲဘက်သို့ လှည့်ကြည့်လိုက်ကြပြီး ၊ သူ၏ ဆုံးဖြတ်ချက်ကို စောင့်ဆိုင်းနေခဲ့ကြသည်။</p> <p> </p> <p style="text-align: center;">***</p> <p> </p>


Save