Book List

<h2 style="text-align: center;">အခန်း (၁၈၉၉)</h2> <h2 style="text-align: center;">ဘယ်လို သောက်သုံးမကျတဲ့ ကျောက်တုံးကြီးလဲ</h2> <h2 style="text-align: center;">*</h2> <p style="text-align:justify"> </p> <p style="text-align:justify">ယခုအခါ သူမ၏အနားတွင် ကျန်းဟန် မရှိတော့ပေ။ အားကိုးရာမဲ့နေသော အမျိုးသမီးတစ်ဦးအနေဖြင့် မိမိလိုချင်သော ရလဒ်ကို အမြန်ဆုံးရရှိရန် ရက်စက်ကြမ်းကြုတ်သော နည်းလမ်းများကိုသာ အသုံးပြုရတော့မည် ဖြစ်သည်။</p> <p style="text-align:justify"> </p> <p style="text-align:justify">သေချာသည်မှာ ထိုသို့လုပ်ဆောင်ခြင်း၏ အကျိုးသက်ရောက်မှုက ချက်ချင်းဆိုသလိုပင် ထွက်ပေါ်လာခဲ့၏။ အပြစ်သားမြို့တော်ကြီးမှာ လုံးဝ လက်နက်ချ အရှုံးပေးသွားခဲ့လေပြီ။</p> <p style="text-align:justify"> </p> <p style="text-align:justify">ဇီယန်၏ အစွမ်းထက်မြက်မှုမှာ အပြစ်သားမြို့တော်ရှိ ကျွမ်းကျင်သူများ ပြန်လည်ခုခံနိုင်စွမ်းမရှိလောက်အောင် ကြီးမားလွန်းလှပေသည်။</p> <p style="text-align:justify"> </p> <p style="text-align:justify">ထို့အပြင် သူမထံတွင် သလင်းကျောက်များ၊ စိတ်ဝိညာဉ်ရတနာများနှင့် စိတ်ဝိညာဉ်ဆေးပင်များလည်း အမြောက်အမြား ရှိနေသေးသည်။</p> <p style="text-align:justify"> </p> <p style="text-align:justify">သူမက ထိုအရာများကို အလွယ်တကူ ထုတ်မပေးခဲ့သော်လည်း သူမ၏ အဓိက လက်အောက်ငယ်သားများကိုမူ သူတို့၏ စိတ်ဓာတ်များ တည်ငြိမ်ခိုင်မာလာစေရန် အနည်းငယ် ထုတ်ဖော်ပြသခဲ့လေသည်။</p> <p style="text-align:justify"> </p> <p style="text-align:justify">ဤသို့ဖြင့် အပြစ်သားမြို့တော်အတွင်း၌ လဆန်းတောင် အမည်ရသော အင်အားစုသစ်တစ်ခု ထွက်ပေါ်လာခဲ့လေသည်။</p> <p style="text-align:justify"> </p> <p style="text-align:justify">ခယ်မိသားစုမှာလည်း ဤနေ့တွင် ထိုမြင်ကွင်းကို ကိုယ်တိုင် မျက်မြင်ကိုယ်တွေ့ ကြုံလိုက်ရ၏။</p> <p style="text-align:justify"> </p> <p style="text-align:justify">ခယ်ကျန်းသည် ကြီးမားခန့်ညားလှသော အဖွဲ့အစည်းကြီးကို မြင်လိုက်ရသောအခါ အလွန်တရာ အံ့အားသင့်သွားခဲ့လေသည်။</p> <p style="text-align:justify"> </p> <p style="text-align:justify">`သူမ တကယ်ပဲ လုပ်နိုင်ခဲ့တာလား`</p> <p style="text-align:justify"> </p> <p style="text-align:justify">ဤအချိန်တွင် ဧရာမ မြို့တော်ကြီးကို ဒုတိယအဆင့်ဂိုဏ်းများက အစောင့်အကြပ်များစွာဖြင့် တင်းကျပ်စွာ ချထားလေသည်။</p> <p style="text-align:justify"> </p> <p style="text-align:justify">ဇီယန် ရောက်ရှိလာပြီးနောက် လိုရင်းကိုသာ တိုက်ရိုက် ပြောချလိုက်၏။</p> <p style="text-align:justify"> </p> <p style="text-align:justify">"ဒီမြို့က အခု ငါ့အပိုင်ပဲ သုံးနာရီနေရင် ငါတို့ ဝင်မယ် ခုခံတဲ့သူမှန်သမျှကို သတ်ပစ်"</p> <p style="text-align:justify"> </p> <p style="text-align:justify">သူမ၏ တည်ငြိမ်အေးဆေးသော စကားလုံးများထဲတွင် သွေးအေးပြတ်သားမှုများ အပြည့်အဝ ပါဝင်နေလေသည်။</p> <p style="text-align:justify"> </p> <p style="text-align:justify">သူမ၏ နောက်ကွယ်တွင် ရပ်နေသော ကျင့်ကြံသူ သိန်းပေါင်းများစွာကလည်း အားပေးဟစ်ကြွေးနေကြ၏။</p> <p style="text-align:justify"> </p> <p style="text-align:justify">သူတို့မှာ မြို့ထဲသို့ဝင်ရောက်ကာ အလုအယက် သိမ်းပိုက်ချင်နေကြပြီ ဖြစ်သည်။</p> <p style="text-align:justify"> </p> <p style="text-align:justify">တစ်ဖက်တွင်လည်း ဧရာမ မြို့တော်ကြီးအတွင်းရှိ ဂိုဏ်းများက လူအင်အား သုံးသိန်းအထိ စုဆောင်းထားကြလေသည်။</p> <p style="text-align:justify"> </p> <p style="text-align:justify">သို့ရာတွင် ထိုအထဲ၌ မပါဝင်သော ကြီးမားသည့် မျိုးနွယ်စုတစ်ခု ရှိနေခဲ့ပြီး ၎င်းမှာ ခယ်မိသားစုပင် ဖြစ်သည်။</p> <p style="text-align:justify"> </p> <p style="text-align:justify">သူတို့က ဤစစ်ပွဲတွင် ပါဝင်သင့်၊ မပါဝင်သင့် တွေးတောရင်း ဘေးမှနေ၍သာ တိတ်တဆိတ် စောင့်ကြည့်နေကြလေသည်။</p> <p style="text-align:justify"> </p> <p style="text-align:justify">ရာနှင့်ချီသော စစ်သူကြီးများကြားတွင် ခေါင်းဆောင်တစ်ဦးလည်း ရှိနေ၏။</p> <p style="text-align:justify"> </p> <p style="text-align:justify">သံချပ်ကာဝတ်စုံကို ဆင်မြန်းထားသော အဘိုးအိုတစ်ဦးက ကျယ်လောင်စွာ အော်ဟစ်လိုက်သည်။</p> <p style="text-align:justify"> </p> <p style="text-align:justify">"မင်းတို့က ဘယ်သူတွေလဲ"</p> <p style="text-align:justify"> </p> <p style="text-align:justify">"မင်းက အဖြေကို သိပြီးသားပဲကို ဘာလို့ လာမေးနေတာလဲ" မြို့အရှင်လုက လှောင်ပြောင်လိုက်လေသည်။</p> <p style="text-align:justify"> </p> <p style="text-align:justify">"မြို့အရှင်လု မင်းက ကိုယ့်မြို့ကိုယ် မကာကွယ်ဘဲ အခုလို တပ်တွေတောင် စေလွှတ်ရဲတယ်ပေါ့လေ။ လူတိုင်းက မင်းကို ကျောခိုင်းသွားမှာကို မကြောက်ဘူးလား" အဘိုးအိုက အေးစက်စွာ တုံ့ပြန်လိုက်သည်။</p> <p style="text-align:justify"> </p> <p style="text-align:justify">"အပြစ်သားမြို့တော်ဆိုတာ အတိတ်ဖြစ်သွားပြီ။ အခုကစပြီး ငါတို့ပါဝင်တဲ့ အင်အားစုသစ်ကို လဆန်းတောင်လို့ ခေါ်တယ်။ သူမရဲ့ နာမည်က ဇီယွဲ့ဖြစ်ပြီး ငါတို့ရဲ့ တောင်ပိုင်သခင်မပဲ"</p> <p style="text-align:justify"> </p> <p style="text-align:justify">မြို့အရှင်လုက အသံကျယ်ကျယ်ဖြင့် ကြေညာလိုက်လေသည်။</p> <p style="text-align:justify"> </p> <p style="text-align:justify">"အခုကစပြီး လဆန်းတောင်က ဒီကမ္ဘာကြီးကို လွှမ်းမိုးဖို့ ယှဉ်ပြိုင်လိမ့်မယ်။ လက်မခံတဲ့သူမှန်သမျှ အသတ်ခံရမယ်။ မနာခံတဲ့သူမှန်သမျှ အသတ်ခံရမယ် ပြီးတော့..."</p> <p style="text-align:justify"> </p> <p style="text-align:justify">သူ၏ စကားလုံးများမှာ လွန်စွာ ရန်လိုပြီး မာနထောင်လွှားလွန်းလှပေသည်။</p> <p style="text-align:justify"> </p> <p style="text-align:justify">လဆန်းတောင်မှာ သဘောထားဖြူစင်သော ဂိုဏ်းတစ်ခု မဟုတ်နိုင်သော်လည်း လျင်မြန်စွာ ဖွံ့ဖြိုးတိုးတက်နေသော အင်အားစုသစ်တစ်ခု ဖြစ်သည်မှာကား အသေအချာပင်။</p> <p style="text-align:justify"> </p> <p style="text-align:justify">"မင်း ဘာပြောလိုက်တာလဲ"</p> <p style="text-align:justify"> </p> <p style="text-align:justify">အဘိုးအိုမှာ အလွန် ဒေါသထွက်သွားသည်။ သူက ဓားကို ဆွဲထုတ်ကာ ရှေ့သို့ ချိန်ရွယ်လိုက်လေသည်။</p> <p style="text-align:justify"> </p> <p style="text-align:justify">ထိုအချိန်မှာပင် ဇီယန်က သူမ၏ ညာဘက်လက်ကို ပေါ့ပေါ့ပါးပါး ဝှေ့ယမ်းလိုက်၏။</p> <p style="text-align:justify"> </p> <p style="text-align:justify">ဝှစ်...</p> <p style="text-align:justify"> </p> <p style="text-align:justify">ပြင်းထန်လှသော လေပြင်းမုန်တိုင်းတစ်ခု တိုက်ခတ်သွား၏။ ၎င်းမှာ အကြိမ်ကြိမ် ပြေလျော့သွားခဲ့ပြီဖြစ်သော 'ပင်လယ်လမင်းယပ်တောင်' ၏ စွမ်းအားများကြောင့် ဖြစ်ပေါ်လာခြင်းပင်။</p> <p style="text-align:justify"> </p> <p style="text-align:justify">စွမ်းအားကြီးမားလှသော လှိုင်းလုံးကြီးကြောင့် ကျင့်ကြံသူ တစ်သောင်းကျော်ခန့်မှာ နောက်သို့ လွင့်စင်သွားကြလေသည်။ ခေါင်းဆောင်အဘိုးအိုမှာလည်း ဆယ်မိုင်ခန့်အကွာသို့ လွင့်စဉ်သွားပြီး တောင်နံရံတစ်ခုနှင့် ပြင်းထန်စွာ ဝင်တိုက်မိသွားတော့သည်။</p> <p style="text-align:justify"> </p> <p style="text-align:justify">နေရာတစ်ခုလုံး အပ်ကျသံကြားရလောက်အောင် တိတ်ဆိတ်ငြိမ်သက်သွား၏။</p> <p style="text-align:justify"> </p> <p style="text-align:justify">"မြို့ထဲဝင်ကြ"</p> <p style="text-align:justify"> </p> <p style="text-align:justify">ဇီယန်၏ ကြည်လင်ပြတ်သားသော အသံလေးက ကောင်းကင်နှင့် မြေကြီးကြားတွင် ပဲ့တင်ထပ်သွားလေသည်။</p> <p style="text-align:justify"> </p> <p style="text-align:justify">ဧရာမ မြို့တော်ကြီးမှာ လွယ်ကူစွာပင် သိမ်းပိုက်ခြင်း ခံလိုက်ရတော့သည်။</p> <p style="text-align:justify"> </p> <p style="text-align:justify">သို့ရာတွင် ဇီယန်နှင့် သူမ၏ လက်အောက်ငယ်သားများက ယခင်က အပြစ်သားမြို့တော်ရှိ လူများ ပြုမူလုပ်ဆောင်လေ့ရှိသည့် ရက်စက်သော လုယက်သတ်ဖြတ်ခြင်းများကိုမူ မပြုလုပ်ခဲ့ကြပေ။</p> <p style="text-align:justify"> </p> <p style="text-align:justify">ထိုအစား သူတို့က မတူညီသော အင်အားစုအသီးသီး၏ နယ်မြေများကို အစီအစဉ်တကျ သိမ်းပိုက်ကာ သူတို့၏ ကျင့်ကြံခြင်းအရင်းအမြစ်များကိုသာ သိမ်းဆည်းယူဆောင်သွားကြလေသည်။</p> <p style="text-align:justify"> </p> <p style="text-align:justify">သူတို့အထဲမှ အချို့က စည်းကမ်းဖောက်ဖျက်ကာ မီးရှို့ခြင်း၊ လူသတ်ခြင်းနှင့် လုယက်ခြင်းများကို ပြုလုပ်ရန် ကြိုးစားခဲ့ကြသည်။ သို့သော် ဇီယန်က မြို့အရှင်နှင့် အခြားသော အဓိက လက်အောက်ငယ်သားများကို ကိုယ်တိုင်ဦးဆောင်၍ မြို့တွင်း၌ ကင်းလှည့်ခဲ့ကာ ထိုသို့ စည်းကမ်းဖောက်ဖျက်သူ လူပေါင်း ၁၂၀၀ ခန့်ကို မျက်နှာလွှဲခဲပစ် သတ်ဖြတ်ပစ်ခဲ့လေသည်။</p> <p style="text-align:justify"> </p> <p style="text-align:justify">"ဘာ..."</p> <p style="text-align:justify"> </p> <p style="text-align:justify">ခယ်ကျန်းမှာ ယခုမှသာ လုံးဝ ယုံကြည်သွားခဲ့လေပြီ။</p> <p style="text-align:justify"> </p> <p style="text-align:justify">သူက သက်ပြင်းရှည်ကြီးတစ်ချက် ချလိုက်ပြီး သူ လှည့်စားခံလိုက်ရသလိုပင် ခံစားလိုက်ရသည်။</p> <p style="text-align:justify"> </p> <p style="text-align:justify">`ငါတို့ ခယ်မိသားစုရဲ့ ကံကြမ္မာအတွက် ငါ အရမ်းစိုးရိမ်မိတယ်`</p> <p style="text-align:justify"> </p> <p style="text-align:justify">သို့သော် မကြာမီမှာပင် ထိုအတွေးများမှာ မျက်နှာဖြတ်ရိုက်ခံလိုက်ရသကဲ့သို့ အလကားဖြစ်သွားခဲ့လေသည်။</p> <p style="text-align:justify"> </p> <p style="text-align:justify">ဇီယန်က သူမ၏ လက်အောက်ငယ်သားများ သိမ်းဆည်းလာသော ကျင့်ကြံခြင်းအရင်းအမြစ်များကို မျှတစွာ တိုက်ရိုက် ခွဲဝေပေးခဲ့ခြင်းကြောင့် ဖြစ်သည်။</p> <p style="text-align:justify"> </p> <p style="text-align:justify">ခယ်မိသားစုသည်လည်း လဆန်းတောင် အင်အားစုအတွင်းသို့ ပူးပေါင်းဝင်ရောက်ခဲ့ခြင်းကြောင့် သလင်းကျောက်နှင့် ရင်းမြစ် အမြောက်အမြားကို ရရှိခဲ့လေသည်။</p> <p style="text-align:justify"> </p> <p style="text-align:justify">ခယ်ကျန်း၏ မျက်နှာပေါ်တွင်လည်း အပြုံးပန်းများ ဝေဆာနေတော့၏။</p> <p style="text-align:justify"> </p> <p style="text-align:justify">"ကျွန်တော်တို့က ဒီကမ္ဘာကြီးကို လွှမ်းမိုးမှာဆိုတော့ ဂိုဏ်းငယ်လေးတစ်ခုကနေ အရင်စကြရအောင် ဆည်းဆာဂိုဏ်းက သင့်တော်မယ်လို့ ထင်ပါတယ်။ အဲဒါကလည်း နီးတယ် ပြီးတော့ လူလည်း အများကြီးရှိတယ်။ ဂိုဏ်းချုပ်နဲ့ တခြားအဆင့်မြင့်အရာရှိတွေကလည်း သိပ်ပြီး စွမ်းအားမကြီးကြဘူး"</p> <p style="text-align:justify"> </p> <p style="text-align:justify">တစ်ရက်ခန့်အကြာတွင် ဆည်းဆာဂိုဏ်းမှ အဖွဲ့ဝင် ထောင်ပေါင်းများစွာ သေဆုံးသွားခဲ့ရပြီးနောက် ထိုဂိုဏ်းမှာလည်း လုံးဝ လက်နက်ချ အရှုံးပေးသွားခဲ့လေသည်။</p> <p style="text-align:justify"> </p> <p style="text-align:justify">ရိုမန်ဂြိုဟ်ပေါ်တွင် လဆန်းတောင်ကို တည်ထောင်ပြီးနောက် ဇီယန်၏ ဦးဆောင်မှုအောက်၌ ၎င်းတို့၏ လွှမ်းမိုးမှုမှာ ဟာရီကိန်းမုန်တိုင်းကြီးတစ်ခုကဲ့သို့ တစ်စထက်တစ်စ ပိုမို အားကောင်းလာခဲ့ပေသည်။</p> <p style="text-align:justify"> </p> <p style="text-align:justify">နှစ်လအကြာတွင်တော့ လဆန်းတောင် အင်ပါယာက ရိုမန်ဂြိုဟ်တစ်ခုလုံးကို ကြီးစိုးလွှမ်းမိုးသွားနိုင်ခဲ့လေပြီ။ တပ်မှူး ရာပေါင်းများစွာ၏ အကြံပြုချက်များအရ တောင်ပိုင်သခင်မကို ယခုအခါ 'လဧကရီ' ဟု တလေးတစား ခေါ်ဝေါ်သမုတ်ကြလေသည်။</p> <p style="text-align:justify"> </p> <p style="text-align:justify">စွမ်းအားထက်မြက်လှသော လဧကရီမှာ အလွန်ပြတ်သားပြီး စွမ်းဆောင်ရည် ပြည့်ဝသော အမျိုးသမီးတစ်ဦး ဖြစ်သည်။ သူမက အမြဲတမ်း အနက်ရောင်ဝတ်ရုံကိုသာ ဆင်မြန်းထားလေ့ရှိပြီး သူမ၏ အသံလေးမှာ အလွန် သာယာနာပျော်ဖွယ် ကောင်းလှသည်။ သို့ရာတွင် သူမ၏ မျက်နှာအစစ်အမှန်ကိုကား မည်သူမျှ မမြင်ဖူးခဲ့ကြချေ။</p> <p style="text-align:justify"> </p> <p style="text-align:justify">ဤသို့ဖြင့် သူမသည် ရိုမန်ဂြိုဟ်ပေါ်တွင် သက်ရှိထင်ရှား ဒဏ္ဍာရီတစ်ပါး ဖြစ်လာခဲ့လေတော့သည်။</p> <p style="text-align:justify"> </p> <p style="text-align:justify">ဤနေ့တွင် လေထဲ၌ ပျံသန်းနေသော အာကာသသင်္ဘော ထောင်ပေါင်းများစွာကို လဧကရီ ကိုယ်တိုင်ဦးဆောင်သည့် ဧရာမ ယာဉ်အုပ်စုကြီးအဖြစ် စုစည်းထားလိုက်သည်။ သူတို့က အော့စပိုင်း ကြယ်တာရာနယ်မြေဆီသို့ ဦးတည်ပျံသန်းသွားကြ၏။ ထိုဒေသကို ဖြတ်သန်းပြီးနောက် သမုဒ္ဒရာ ကြယ်တာရာနယ်မြေဆီသို့ ဆက်လက် သွားရောက်ရမည် ဖြစ်ပေသည်။</p> <p style="text-align:justify"> </p> <p style="text-align:justify">…</p> <p style="text-align:justify"> </p> <p style="text-align:justify">ကျယ်ပြောသောကောင်းကင် ဂြိုဟ်ပေါ်တွင်ကား ဂိုဏ်းဝင်ခွင့် စာမေးပွဲအသစ်များ စတင်နေပြီ ဖြစ်သည်။</p> <p style="text-align:justify"> </p> <p style="text-align:justify">ကြက်သွေးရောင်နေခြည်ဂိုဏ်း၏ ဝင်ခွင့်အကဲဖြတ်စစ်ဆေးရေး လွှဲပြောင်းရေးစခန်းမှာ ဂြိုဟ်ပေါ်ရှိ သီးသန့်ကျွန်းတစ်ကျွန်းပေါ်တွင် တည်ရှိလေသည်။</p> <p style="text-align:justify"> </p> <p style="text-align:justify">"ရှင်တို့ ဘာလုပ်နေတာလဲ။ ကျွန်မ စာမေးပွဲမဖြေဘူး။ ကျွန်မက ဒီဂြိုဟ်က မဟုတ်ဘူး"</p> <p style="text-align:justify"> </p> <p style="text-align:justify">မုန့်မုန့်လေးမှာ တောအုပ်တစ်ခုထဲတွင် ပေါ်လာခဲ့ပြီး အနည်းငယ် ဝမ်းနည်းကြေကွဲနေရှာသည်။ သူမက မျက်ရည်ဝဲနေသော မျက်လုံးဝိုင်းဝိုင်းလေးများဖြင့် ကောင်းကင်ကြီးကို ငေးမော့ကြည့်လိုက်၏။</p> <p style="text-align:justify"> </p> <p style="text-align:justify">မိနစ်အနည်းငယ်ခန့်အကြာတွင် အစိမ်းဖျော့ရောင် ဝတ်စုံကို ဆင်မြန်းထားသော အမျိုးသားနှစ်ဦးမှာ ဘေးဘက်မှ ထွက်ပေါ်လာကြသည်။ သိမ်မွေ့လှပသော မျက်နှာအသွင်အပြင်လေးရှိသည့် မုန့်မုန့်ကို မြင်လိုက်ရသောအခါ သူတို့၏ မျက်လုံးများ တောက်ပသွားပြီး စုံစမ်းမေးမြန်းရန် အနားသို့ ချဉ်းကပ်လာကြလေသည်။</p> <p style="text-align:justify"> </p> <p style="text-align:justify">"မင်း နောက်နေတာပဲ ဖြစ်ရမယ်" မျက်နှာရှည်ရှည်နှင့် အမျိုးသားက ပြောလိုက်သည်။</p> <p style="text-align:justify"> </p> <p style="text-align:justify">"ဒီကိုလာတဲ့သူတွေအကုန်လုံးက ကြက်သွေးရောင်နေခြည်ဂိုဏ်းရဲ့ စာမေးပွဲကို ဖြေဖို့ လာကြတာချည်းပဲ။ မင်းက စာမေးပွဲမဖြေဘူးလို့ ပြောတယ်။ ဒါဆို မင်းက ဘာလို့ ဒီကို ရောက်နေရတာလဲ"</p> <p style="text-align:justify"> </p> <p style="text-align:justify">"အဲဒါ ရှင်တို့နဲ့ မဆိုင်ပါဘူး" မုန့်မုန့်က သူ့ကို စူးရဲစွာ စိုက်ကြည့်ရင်း ပြောလိုက်သည်။</p> <p style="text-align:justify"> </p> <p style="text-align:justify">"ဟား"</p> <p style="text-align:justify"> </p> <p style="text-align:justify">အခြားအမျိုးသားတစ်ဦး၏ မျက်လုံးများ ပြူးကျယ်သွားသည်။ သူ သတိပြန်ဝင်လာပြီးနောက် သူ၏ မျက်လုံးများထဲတွင် ယုတ်မာသော အလင်းတန်းတစ်ခု ဖြတ်ပြေးသွားပြီး အသံပို့လွှတ်ခြင်း နည်းစနစ်ကို အသုံးပြုကာ သူ၏ဘေးရှိလူထံသို့ တစ်စုံတစ်ရာ တီးတိုး ပြောလိုက်လေသည်။</p> <p style="text-align:justify"> </p> <p style="text-align:justify">"ကောင်းပြီလေ" မျက်နှာရှည်ရှည်နှင့် အမျိုးသားက သဘောတူလိုက်သည်။</p> <p style="text-align:justify"> </p> <p style="text-align:justify">"မင်းက စာမေးပွဲမဖြေဘူးလို့ ပြောမှတော့ ငါတို့နဲ့ လိုက်ခဲ့ပါ။ မင်းကို စစ်ဆေးအတည်ပြုပြီးရင်တော့ တစ်ယောက်ယောက်က လာခေါ်သွားလိမ့်မယ်"</p> <p style="text-align:justify"> </p> <p style="text-align:justify">တုံ့ဆိုင်းမနေဘဲ သူတို့က မုန့်မုန့်ကို တောအုပ်ကို ဖြတ်၍ ခေါ်ဆောင်သွားကြပြီး အဆောက်အအုံများစွာရှိရာ အရပ်ဆီသို့ ရောက်လာကြသည်။ သူတို့က အစွန်အဖျားရှိ အိမ်တစ်လုံးအတွင်းသို့ ခေါ်သွားပြီး အထဲရောက်သည်နှင့် တစ်ပြိုင်နက် အသံလုံအလွှာတစ်ခုကို ဖန်တီးချလိုက်ကြလေသည်။</p> <p style="text-align:justify"> </p> <p style="text-align:justify">မုန့်မုန့်လေးကမူ ဘေးမှနေ၍ သူတို့၏ လုပ်ရပ်များကို အေးစက်စက်သာ ကြည့်နေခဲ့၏။</p> <p style="text-align:justify"> </p> <p style="text-align:justify">"ကောင်မလေး"</p> <p style="text-align:justify"> </p> <p style="text-align:justify">ဝဝဖိုင့်ဖိုင့်နှင့် အမျိုးသားက ရမ္မက်ခိုးဝေနေသော အပြုံးဖြင့် သူမဆီသို့ တစ်လှမ်းချင်း ချဉ်းကပ်လာလေသည်။ ဤချစ်စရာကောင်းသော ကောင်မလေး၏ ထိတ်လန့်ကြောက်ရွံ့နေမည့် အမူအရာကို မြင်တွေ့ရတော့မည်ဟု သူ ထင်မှတ်ထားခဲ့၏။ ပစ်မှတ်လေး ကြောက်လန့်တကြား ရုန်းကန်နေသည်ကို မြင်တွေ့ရခြင်းက သူ၏ အကြိုက်ဆုံး အလုပ်ပင် ဖြစ်သည်။</p> <p style="text-align:justify"> </p> <p style="text-align:justify">သို့သော်လည်း ထိုအချိန်မှာပင် မုန့်မုန့်၏ မျက်လုံးဝိုင်းဝိုင်းလေးများအတွင်း၌ အဖြူရောင်မီးတောက် အစုအဝေးနှစ်ခု ရုတ်တရက် တောက်ပလာခဲ့သည်။</p> <p style="text-align:justify"> </p> <p style="text-align:justify">အပြင်ဘက်မှ ကြည့်လျှင် ထိုအိမ်ကြီးမှာ ရုတ်တရက်ဆိုသလို လင်းထိန်သွားခဲ့ပြီးနောက် ခဏအကြာတွင် အလင်းရောင်များ ပြန်လည် ပျောက်ကွယ်သွားသည်ကို မြင်တွေ့လိုက်ရလေသည်။</p> <p style="text-align:justify"> </p> <p style="text-align:justify">ခဏအကြာတွင် အဇူရာရောင်ဝတ်ရုံနှင့် ခမောက်ကို ဝတ်ဆင်ထားပြီး ပညာတတ်လူငယ်တစ်ဦးနှင့် တူသော ပုံရိပ်တစ်ခု အိမ်ထဲမှ ထွက်လာခဲ့သည်။</p> <p style="text-align:justify"> </p> <p style="text-align:justify">ထိုသူမှာ အမျိုးသားတစ်ဦးအသွင် ရုပ်ဖျက်ထားသော မုန့်မုန့်ပင် ဖြစ်သည်။ သို့ရာတွင် သူမ သိပ်မပျော်ရွှင်လှချေ။ သူမက နှုတ်ခမ်းလေးကိုစူကာ မြေကြီးပေါ်သို့ ဆောင့်ကြောင့်ထိုင်ချလိုက်ပြီး ဖုန်မှုန့်များကို လက်ဖြင့် ပွတ်သပ်ယူကာ သူမ၏ ပါးပြင်လေးများပေါ်သို့ သုတ်လိမ်းလိုက်လေသည်။</p> <p style="text-align:justify"> </p> <p style="text-align:justify">`ငါ အရမ်းအာရုံစိုက်ခံရလို့ မဖြစ်ဘူး`</p> <p style="text-align:justify"> </p> <p style="text-align:justify">`ငါ့မိသားစုနဲ့ အတူမရှိတဲ့အတွက် ငါ့ကိုယ်ငါ ကာကွယ်မှဖြစ်မယ်`</p> <p style="text-align:justify"> </p> <p style="text-align:justify">`အမေနဲ့ အဖေ သမီးကို အမြန်ဆုံး လာရှာမယ်ဆိုတာ သမီး ယုံကြည်တယ်`</p> <p style="text-align:justify"> </p> <p style="text-align:justify">`သမီး စောင့်နေမယ် မြန်မြန်လာခဲ့ကြပါ။ မဟုတ်ရင် သမီး ဒီနေရာမှာ အာဏာရှင်တစ်ယောက် ဖြစ်သွားလိမ့်မယ်`</p> <p style="text-align:justify"> </p> <p style="text-align:justify">မုန့်မုန့်လေးမှာ ဤပတ်ဝန်းကျင်အသစ်စက်စက်နှင့် အသားကျစေရန် ကြိုးစားနေစဉ် ထိုစကားများကိုသာ စိတ်ထဲမှ ထပ်ခါတလဲလဲ ရေရွတ်နေမိလေသည်။</p> <p style="text-align:justify"> </p> <p style="text-align:justify">`ဒါက ဂိမ်းတစ်ခုပါပဲ။ ယာယီခွဲခွာရုံလေးပါ`</p> <p style="text-align:justify"> </p> <p style="text-align:justify">လမ်းပေါ်တွင် ဆက်လက် လျှောက်လှမ်းလာရင်းဖြင့် မုန့်မုန့်မှာ များစွာ တည်ငြိမ်လာခဲ့ပြီ ဖြစ်သည်။</p> <p style="text-align:justify"> </p> <p style="text-align:justify">စခန်းအတွင်းသို့ ပိုမိုနက်ရှိုင်းစွာ ဝင်ရောက်သွားသည်နှင့်အမျှ မင်းသမီးလေးက ကိစ္စရပ်များစွာကို တွေးတောနေမိလေသည်။</p> <p style="text-align:justify"> </p> <p style="text-align:justify">`ကြက်သွေးရောင်နေခြည်ဂိုဏ်း`</p> <p style="text-align:justify"> </p> <p style="text-align:justify">`ဘယ် ကြက်သွေးရောင်နေခြည်ဂိုဏ်းကို ပြောတာလဲ။ ကျယ်ပြောသောကောင်းကင် ကြယ်တာရာနယ်မြေထဲက အကြီးဆုံးဖြစ်တဲ့ ကျယ်ပြောသောကောင်းကင် ဂြိုဟ်ပေါ်က ကြက်သွေးရောင်နေခြည်ဂိုဏ်းက ကြယ်တာရာနယ်မြေရဲ့ မဟာဂိုဏ်းကြီးလေးခုထဲက တစ်ခုပဲ။ အဲဒါ ဟုတ်မဟုတ် ငါ မသိသေးဘူး`</p> <p style="text-align:justify"> </p> <p style="text-align:justify">`တကယ်လို့ ဟုတ်တယ်ဆိုရင်တော့ ကောင်းကင်နဂါး ကြယ်တာရာနယ်မြေကို ပြန်သွားဖို့ ရှင်းလင်းတဲ့ လမ်းကြောင်းတစ်ခု ရသွားလိမ့်မယ်`</p> <p style="text-align:justify"> </p> <p style="text-align:justify">`အချိန်တန်ရင်တော့ ငါ ပြန်သွားမယ်။ လောလောဆယ် ငါက သိပ်စွမ်းအားမကြီးသေးလို့ ကြိုက်တဲ့နေရာ လျှောက်သွားလို့မရဘူး။ အဖေ လာရှာတဲ့အချိန် အဖေနဲ့ ဆုံဖို့ အခွင့်အရေးကို လွတ်သွားခဲ့ရင် ကိစ္စတွေ ပိုရှုပ်ကုန်လိမ့်မယ်`</p> <p style="text-align:justify"> </p> <p style="text-align:justify">သူမက ကွင်းပြင်ကျယ်ကြီးတစ်ခုဆီသို့ လျှောက်သွားလိုက်ရာ အသက်နှစ်ဆယ်ဝန်းကျင်အရွယ် လူငယ်ဒါဇင်ပေါင်းများစွာကို နောက်ဆုံးတွင် တွေ့လိုက်ရလေသည်။</p> <p style="text-align:justify"> </p> <p style="text-align:justify">"မင်္ဂလာပါ မောင်လေး မင်းနာမည် ဘယ်လိုခေါ်လဲ" အမျိုးသမီးတစ်ဦးက ပြုံးပြီး နှုတ်ဆက်လိုက်သည်။ "တော်တော် ချောမောတဲ့ လူငယ်လေးပဲ"</p> <p style="text-align:justify"> </p> <p style="text-align:justify">မုန့်မုန့် ခဏမျှ အံ့အားသင့်သွားခဲ့ပြီးနောက် အမြန်ပင် သတိပြန်ဝင်လာသည်။ သူမက စိတ်ဝိညာဉ်စွမ်းအားကို လည်ချောင်းဆီသို့ ပို့လွှတ်လိုက်ပြီးနောက် ယောကျ်ားလေးတစ်ဦး၏ အသံမျိုး ပြောင်းလဲကာ ပြောလိုက်၏။</p> <p style="text-align:justify"> </p> <p style="text-align:justify">"တွေ့ရတာ ဝမ်းသာပါတယ် စီနီယာအစ်မ။ ကျွန်တော် ခုလေးတင် အိပ်ရာကနိုးလာတော့ ခေါင်းမူးနေလို့ပါ။ အခု ကျွန်တော်တို့ ဘယ်ရောက်နေတာလဲ"</p> <p style="text-align:justify"> </p> <p style="text-align:justify">"ငါတို့ မနေ့ကတည်းက ကျယ်ပြောသောကောင်းကင် ဂြိုဟ်ကို ရောက်နေကြတာလေ" လူငယ်လေးတစ်ယောက်က ရယ်မောရင်း ဝင်ပြောလိုက်သည်။</p> <p style="text-align:justify"> </p> <p style="text-align:justify">"အရမ်းမစိုးရိမ်ပါနဲ့ စိတ်အေးအေးထားပါ။ ဒါဆိုရင် စာမေးပွဲအောင်ဖို့ အခွင့်အလမ်း ပိုများလိမ့်မယ်။ ပြီးတော့ မင်းက နှစ်နာရီလောက် စောရောက်လာတာလေ။ အကဲဖြတ်စစ်ဆေးမှုက ခဏနေမှ စမှာ"</p> <p style="text-align:justify"> </p> <p style="text-align:justify">ထိုစကားများကို ကြားလိုက်ရသောအခါ မုန့်မုန့် အခြေအနေကို လုံးဝ နားလည်သဘောပေါက်သွားခဲ့လေပြီ။</p> <p style="text-align:justify"> </p> <p style="text-align:justify">`ဒါက တကယ်ပဲ ကျယ်ပြောသောကောင်းကင် ဂြိုဟ်ပဲ`</p> <p style="text-align:justify"> </p> <p style="text-align:justify">သူမ ယခု ရောက်ရှိနေသောနေရာမှာ ကြက်သွေးရောင်နေခြည်ဂိုဏ်း၏ အကဲဖြတ်စစ်ဆေးရေး စခန်းပင် ဖြစ်၏။</p> <p style="text-align:justify"> </p> <p style="text-align:justify">"ဒီလိုကိုး။ လမ်းညွှန်ပေးတဲ့အတွက် ကျေးဇူးတင်ပါတယ်။ ကျွန်တော် ဟိုဘက်မှာထိုင်ပြီး ခဏလောက် အနားယူလိုက်ဦးမယ်"</p> <p style="text-align:justify"> </p> <p style="text-align:justify">မုန့်မုန့်က မလှမ်းမကမ်းရှိ ခုံတန်းလျားတစ်ခုကို လက်ညှိုးထိုးပြလိုက်သည်။</p> <p style="text-align:justify"> </p> <p style="text-align:justify">"သွားနားလိုက်လေ" အမျိုးသမီးဖြစ်သူက ပြန်ဖြေလိုက်၏။</p> <p style="text-align:justify"> </p> <p style="text-align:justify">မုန့်မုန့်က ဘေးသို့ထွက်သွားကာ အေးအေးဆေးဆေး ထိုင်နေလိုက်သည်။ ထို့နောက် ကျယ်ပြောသောကောင်းကင် ဂြိုဟ်၏ အခြေအနေများကို စတင် တွေးတောနေမိလေသည်။</p> <p style="text-align:justify"> </p> <p style="text-align:justify">ကျယ်ပြောသောကောင်းကင် ကြယ်တာရာနယ်မြေက ကြယ်တာရာနယ်မြေတစ်ခုလုံးရှိ အင်အားစုများ၏ အဓိက ဗဟိုချက်မကြီး ဖြစ်သည်။ ထိုနယ်မြေရှိ အင်အားစုများ၏ ၈၀ ရာခိုင်နှုန်းကျော်မှာ မဟာဂိုဏ်းကြီးလေးခု၏ လက်အောက်ခံ အဖွဲ့အစည်းများသာ ဖြစ်ကြသည်။ ထို မဟာဂိုဏ်းကြီးလေးခုစလုံးက ဧရာမ ကျယ်ပြောသောကောင်းကင် ဂြိုဟ်ပေါ်တွင် အခြေစိုက် တည်ရှိလေသည်။</p> <p style="text-align:justify"> </p> <p style="text-align:justify">ကြက်သွေးရောင်နေခြည်ဂိုဏ်းက ပုံရိပ်ယောင်များနှင့် အခြားသော မှော်ပညာရပ်များတွင် အလွန် ကျွမ်းကျင်ကြသည်။ လင်ပင်လယ်ဓားဂိုဏ်းမှာမူ ကြယ်တာရာနယ်မြေ တစ်ခုလုံးရှိ နံပါတ်တစ်ဂိုဏ်းကြီး ဖြစ်ပေသည်။ စစ်မှန်သောသိုင်းပညာဂိုဏ်းက ခန္ဓာကိုယ်ကျင့်ကြံခြင်းလမ်းစဉ်၏ ထိပ်တန်းဂိုဏ်းဖြစ်သည်။ နောက်ဆုံး ကောင်းကင်မိစ္ဆာဂိုဏ်းကတော့ သိုင်းပညာများနှင့် တိုက်ခိုက်ရေးပညာရပ်များကို အဓိက အထူးပြုလေသည်။ ၎င်းတို့၏ တပည့်များစွာမှာ တိုက်ခိုက်ရေးတွင် အလွန်ကျွမ်းကျင်ကြပြီး ရက်စက်သွေးအေးကြောင်း နာမည်ဆိုးဖြင့် ကျော်ကြားကြ၏။</p> <p style="text-align:justify"> </p> <p style="text-align:justify">၎င်းတို့အားလုံးက ကြယ်တာရာနယ်မြေကို လွှမ်းမိုးထားသော မဟာဂိုဏ်းကြီးများ ဖြစ်ကြသည်။ မုန့်မုန့်အနေဖြင့် မျက်တောင်တစ်ခတ်အတွင်း ဤနေရာသို့ ရောက်လာလိမ့်မည်ဟု လုံးဝ မမျှော်လင့်ထားခဲ့ပေ။</p> <p style="text-align:justify"> </p> <p style="text-align:justify">`ဒီနေရာက သိပ်ကောင်းတာပဲ။ အဖေက ငါ့ကို ဒီမှာဆိုရင် လွယ်လွယ်ကူကူ ရှာတွေ့မှာ သေချာတယ်`</p> <p style="text-align:justify"> </p> <p style="text-align:justify">`ငါ ဒီနေရာမှာ ခဏလောက်ပဲ ဒုက္ခခံဖို့ လိုလိမ့်မယ်`</p> <p style="text-align:justify"> </p> <p style="text-align:justify">တစ်နာရီကျော်ကြာပြီးနောက်တွင် ဆယ်ကျော်သက်အရွယ် ဝင်ခွင့်ဖြေဆိုသူများစွာ တစ်ယောက်ပြီးတစ်ယောက် စုရုံးရောက်ရှိလာကြလေပြီ။</p> <p style="text-align:justify"> </p> <p style="text-align:justify">"မင်းတို့အားလုံးက ပဏာမစမ်းသပ်မှုကို အောင်မြင်စွာ ဖြတ်သန်းခဲ့ပြီးကြပြီ။ အခု ဆက်လုပ်ရမယ့် စမ်းသပ်မှုကို ပါရမီစမ်းသပ်ကျောက်တုံးစမ်းသပ်မှု၊ နားလည်နိုင်စွမ်းစမ်းသပ်ကျောက်တုံးစမ်းသပ်မှုနဲ့ တိုက်ခိုက်နိုင်စွမ်းစမ်းသပ်မှုဆိုပြီး အဆင့်သုံးဆင့် ခွဲခြားထားတယ်"</p> <p style="text-align:justify"> </p> <p style="text-align:justify">"အဲဒီ အဆင့်သုံးဆင့်ရဲ့ ရမှတ်တွေပေါင်းပြီးမှ စုစုပေါင်းရလဒ်ကို ဆုံးဖြတ်ပေးမှာမို့လို့ သတ်မှတ်ထားတဲ့ အဆင့်တစ်ခုခုမှာ ကောင်းကောင်းမလုပ်နိုင်ရင်လည်း စိတ်မပူကြပါနဲ့။ ဒီကိုရောက်လာတဲ့သူတွေရဲ့ ၆၀ ရာခိုင်နှုန်းက ပျမ်းမျှအားဖြင့် စာမေးပွဲအောင်ကြတယ်ဆိုတာကို သတိပြုသင့်တယ်"</p> <p style="text-align:justify"> </p> <p style="text-align:justify">အောင်ချက် ၆၀ ရာခိုင်နှုန်းသာရှိပြီး လူဆယ်ယောက်တွင် လေးယောက်ခန့်မှာ ပျမ်းမျှအားဖြင့် ကျရှုံးမည်ဖြစ်သော်လည်း ကြီးကြပ်သူကမူ အောင်မြင်မှုရာခိုင်နှုန်းကိုသာ အလေးပေး ပြောကြားနေခဲ့သည်။</p> <p style="text-align:justify"> </p> <p style="text-align:justify">ပြိုင်ပွဲဝင် လူငယ်များစွာမှာ အလွန် စိတ်လှုပ်ရှားပြီး ရင်ခုန်နေကြ၏။</p> <p style="text-align:justify"> </p> <p style="text-align:justify">ဤနေရာတွင် မုန့်မုန့်ကသာ အတည်ငြိမ်ဆုံး ဖြစ်သည်။ သူမအနေဖြင့် ဂိုဏ်းထဲဝင်ခွင့်ရသည်ဖြစ်စေ၊ မရသည်ဖြစ်စေ သူမအတွက် လုံးဝ အရေးမကြီးပေ။</p> <p style="text-align:justify"> </p> <p style="text-align:justify">"အခု ပါရမီစမ်းသပ်ကျောက်တုံး အကဲဖြတ်မှုကို စပါမယ်"</p> <p style="text-align:justify"> </p> <p style="text-align:justify">"ပါရမီစမ်းသပ်ကျောက်တုံးက မင်းတို့ရဲ့ ပါရမီပေါ်မူတည်ပြီး အနီ လိမ္မော် အဝါ အစိမ်း မဲနယ် အပြာ ဒါမှမဟုတ် ခရမ်းရောင်တွေကို အသီးသီး ပြသပါလိမ့်မယ် အရောင်ခုနစ်ရောင်ထဲမှာ အနီရောင်က အနိမ့်ဆုံးနဲ့ အောင်မှတ်ဖြစ်ပြီး ခရမ်းရောင်ကတော့ အကောင်းဆုံးပါပဲ ကျောက်တုံးက အရောင်တစ်ရောင်မှ မပြဘူးဆိုရင်တော့ မင်းတို့ ပါရမီစမ်းသပ်ကျောက်တုံး အကဲဖြတ်မှုမှာ ကျရှုံးသွားပြီလို့ အဓိပ္ပာယ်ရတယ်"</p> <p style="text-align:justify"> </p> <p style="text-align:justify">"ကဲ စာမေးပွဲကို အခု စလိုက်ကြရအောင်"</p> <p style="text-align:justify"> </p> <p style="text-align:justify">ကြက်သွေးရောင်နေခြည်ဂိုဏ်းမှ ဂိုဏ်းစောင့်အကြီးအကဲတစ်ဦးက စမ်းသပ်မှုတစ်ခုလုံးကို ကြီးကြပ်ရန်အတွက် ကိုယ်တိုင် လာရောက်စောင့်ကြည့်နေလေသည်။</p> <p style="text-align:justify"> </p> <p style="text-align:justify">ပြိုင်ပွဲဝင်များက တစ်ယောက်ပြီးတစ်ယောက် စင်မြင့်ပေါ်သို့ တက်လာကြ၏။</p> <p style="text-align:justify"> </p> <p style="text-align:justify">တစ်စုံတစ်ယောက်၏ ရလဒ်မှာ အနီရောင်ပြသခဲ့ပြီး အချို့မှာမူ မည်သည့်အရောင်မျှ ထွက်ပေါ်လာခြင်း မရှိပေ။ ယခုအချိန်အထိ အကောင်းဆုံးရလဒ်ရသူမှာ ပါရမီစမ်းသပ်ကျောက်တုံးထံမှ အပြာရောင် ထွက်ပေါ်လာသူပင် ဖြစ်သည်။</p> <p style="text-align:justify"> </p> <p style="text-align:justify">ထိုသူ၏ အပြာရောင်ရလဒ် ထွက်ပေါ်လာသောအခါ မြင့်မားသော စင်မြင့်ထက်တွင် ထိုင်နေသည့် ဂိုဏ်းစောင့်အကြီးအကဲပင် မျက်လုံးဖွင့်ကာ လှမ်းကြည့်လိုက်ပြီး အသိအမှတ်ပြုသော အမူအရာဖြင့် အနည်းငယ် ခေါင်းညိတ်ပြခဲ့လေသည်။</p> <p style="text-align:justify"> </p> <p style="text-align:justify">မကြာမီမှာပင် မုန့်မုန့်၏ အလှည့်သို့ ရောက်ရှိလာခဲ့သည်။</p> <p style="text-align:justify"> </p> <p style="text-align:justify">"မင်းနာမည် ဘယ်လိုခေါ်လဲ"</p> <p style="text-align:justify"> </p> <p style="text-align:justify">"ကျန်း... ကျန်းဟန်ယန်ပါ" မုန့်မုန့်က ပြန်ဖြေလိုက်သည်။</p> <p style="text-align:justify"> </p> <p style="text-align:justify">"ကျန်းဟန်ယန် မှတ်သားပြီးပြီ။ မင်း အခု စလို့ရပြီ" ပါရမီစမ်းသပ်ကျောက်တုံးကို တာဝန်ယူရသော ကြီးကြပ်ရေးမှူးက ခေါင်းညိတ်ကာ မှတ်တမ်းတင်လိုက်သည်။</p> <p style="text-align:justify"> </p> <p style="text-align:justify">"ဟူး..."</p> <p style="text-align:justify"> </p> <p style="text-align:justify">မုန့်မုန့်က အသက်ကို ခပ်ဖွဖွရှူသွင်းလိုက်ပြီး စိတ်ထဲတွင် တွေးလိုက်၏။</p> <p style="text-align:justify"> </p> <p style="text-align:justify">`ငါ ခွန်အားတွေ အရမ်းသုံးလို့မရဘူး။ ငါ့စွမ်းအားရဲ့ တစ်ဝက်လောက်ကိုပဲ လည်ပတ်ပြီး အလယ်အလတ်အဆင့် အရောင်တစ်ခုလောက် ထွက်လာအောင်ပဲ ပေါ့ပေါ့ပါးပါးလေး စမ်းကြည့်လိုက်မယ်။ အင်း ငါ့စွမ်းအားရဲ့ တစ်ဝက်ကိုပဲ လည်ပတ်လိုက်မယ်`</p> <p style="text-align:justify"> </p> <p style="text-align:justify">သူမက ကျောက်တုံးကြီးပေါ်သို့ သူမ၏ လက်ဖဝါးလေးနှစ်ဖက်ကို တင်လိုက်ကာ စွမ်းအင်တစ်ဝက်ခန့်ကို ဖြည်းညင်းစွာ စီးဆင်းသွန်းလောင်းလိုက်လေသည်။</p> <p style="text-align:justify"> </p> <p style="text-align:justify">ဝှစ်…</p> <p style="text-align:justify"> </p> <p style="text-align:justify">အနီ၊ လိမ္မော်၊ အဝါ၊ အစိမ်း၊ မဲနယ်၊ အပြာနှင့် နောက်ဆုံးတွင်မူ ခရမ်းရောင်အဖြစ်သို့ ချက်ချင်းဆိုသလို ပြောင်းလဲသွားလေတော့သည်။</p> <p style="text-align:justify"> </p> <p style="text-align:justify">သုံးမီတာခန့် မြင့်မားသော ကျောက်တုံးကြီး၏ အရောင်မှာ အဆက်မပြတ် လင်းလက်ပြောင်းလဲသွားပြီး နောက်ဆုံးတွင် အလွန်တောက်ပသော ခရမ်းရောင်ရင့်ရင့်ကြီး ဖြစ်သွားလေသည်။</p> <p style="text-align:justify"> </p> <p style="text-align:justify">မုန့်မုန့်မှာ ဆွံ့အသွားရ၏။</p> <p style="text-align:justify"> </p> <p style="text-align:justify">`ဒါက ဘယ်လို သောက်သုံးမကျတဲ့ ကျောက်တုံးကြီးလဲ`</p> <p style="text-align:justify"> </p> <p style="text-align:justify">ကောင်မလေး၏ မျက်နှာပေါ်တွင် နားမလည်နိုင်သော ရှုပ်ထွေးမှုများဖြင့် ပြည့်နှက်နေလေသည်။</p> <p style="text-align:justify"> </p> <p style="text-align:justify">သို့ရာတွင် အခြားသူများ၏ အမြင်တွင်တော့ သူမက အလွန်တရာ ဝမ်းသာပျော်ရွှင်လွန်းသဖြင့် အံ့ဩဆွံ့အသွားသည့်ပုံ ပေါက်နေလေ၏။</p> <p style="text-align:justify"> </p> <p style="text-align:justify">"ဟေး ကောင်လေး မင်းနာမည် ဘယ်လိုခေါ်လဲ" အထက်စင်မြင့်ထက်မှ ဂိုဏ်းစောင့်အကြီးအကဲက မုန့်မုန့်ကို သေချာ စိုက်ကြည့်ရင်း မေးလိုက်သည်။</p> <p style="text-align:justify"> </p> <p style="text-align:justify">"ကျန်း... ဟန်ယန်ပါ" မုန့်မုန့်က ပြန်ဖြေလိုက်သည်။</p> <p style="text-align:justify"> </p> <p style="text-align:justify">"ကောင်းတယ် သိပ်ကို ကောင်းတယ်" ဂိုဏ်းစောင့်အကြီးအကဲက ကြင်နာယုယသော အပြုံးဖြင့် ခေါင်းညိတ်ပြလိုက်လေသည်။</p> <p style="text-align:justify"> </p> <p style="text-align:justify">"ကောင်လေး ဂုဏ်ယူပါတယ်ကွာ"</p> <p style="text-align:justify"> </p> <p style="text-align:justify">မုန့်မုန့်၏ ဘေးတွင် ရပ်နေကြသော စီနီယာတပည့် တော်တော်များများကလည်း သူမကို လာရောက် ဂုဏ်ပြုနှုတ်ဆက်ကြလေသည်။</p> <p style="text-align:justify"> </p> <p style="text-align:justify">"အကောင်းဆုံးအရောင်ကို ရတာက ပါရမီစမ်းသပ်ကျောက်တုံးရဲ့ လုံးဝ အသိအမှတ်ပြုမှုကို ခံရတယ်လို့ အဓိပ္ပာယ်ရတယ်။ မင်းက အရမ်းကို ပါရမီထူးချွန်ပြီး အရည်အချင်းရှိတယ်။ ပြီးတော့ မင်းမှာ အဆုံးအစမရှိတဲ့ အနာဂတ်အလားအလာကောင်းတွေ အပြည့် ရှိနေတယ်"</p> <p style="text-align:justify"> </p> <p style="text-align: center;">အခန်း (၁၈၉၉) ပြီး</p> <p style="text-align: center;">***</p>


Save