Book List

<h2 style="text-align: center;">အခန်း (၁၉၀၀)</h2> <h2 style="text-align: center;">မုန့်မုန့်က ရောယောင်ပြီး နေသွားရန် စီစဉ်နေခြင်း</h2> <h2 style="text-align: center;">*</h2> <p style="text-align:justify"> </p> <p style="text-align:justify">"ဒီလိုကိုး… ကောင်းပါပြီ ကျေးဇူးတင်ပါတယ်"</p> <p style="text-align:justify"> </p> <p style="text-align:justify">မုန့်မုန့်က ဟန်လုပ်၍ ပြန်ဖြေလိုက်ပြီးနောက် စာမေးပွဲဖြေဆိုပြီးသော သူများရှိရာ တန်းစီသည့်နေရာသို့ အမြန် ပြေးသွားလိုက်သည်။</p> <p style="text-align:justify"> </p> <p style="text-align:justify">မျက်လုံးပေါင်းများစွာက သူမထံသို့ စူးစိုက်ရောက်ရှိလာကြ၏။</p> <p style="text-align:justify"> </p> <p style="text-align:justify">မုန့်မုန့်က ထိုသို့ အာရုံစိုက်ခံရခြင်းကို အသားကျနေပြီဖြစ်သော်လည်း ယခုအခါတွင်မူ အနည်းငယ် အပြစ်ရှိသလို ခံစားနေရရှာသည်။</p> <p style="text-align:justify"> </p> <p style="text-align:justify">`ငါ ယောကျ်ားလေးလို ဝတ်ဆင်ထားတုန်းမှာ သူများကို မှတ်မိခွင့်ပေးလို့ မဖြစ်ဘူး။ ငါ အဖေ့ရဲ့ ရတနာတွေကို သုံးထားတာဆိုတော့ အဆင်ပြေလောက်မှာပါ`</p> <p style="text-align:justify"> </p> <p style="text-align:justify">`အခု ငါက အရည်အချင်းရှိတဲ့ ပါရမီရှင် လူငယ်လေးတစ်ယောက် ဖြစ်နေပြီ။ ဒါကြောင့် ငါ ထူးထူးဆန်းဆန်းနဲ့ အပေါင်းအသင်းမရှိတဲ့ သူတစ်ယောက်လို ဟန်ဆောင်နေရင်တောင် ကိစ္စမရှိဘူး။ ငါ တည်ငြိမ်နေဖို့ပဲ လိုတယ်`</p> <p style="text-align:justify"> </p> <p style="text-align:justify">မုန့်မုန့်က ခေါင်းမော့ကာ လက်နှစ်ဖက်ကို နောက်ပစ်ပြီး လူအုပ်ကို တည်ငြိမ်စွာ ငေးကြည့်လိုက်လေသည်။</p> <p style="text-align:justify"> </p> <p style="text-align:justify">"တကယ့် ကျွမ်းကျင်သူတစ်ယောက်ပဲ"</p> <p style="text-align:justify"> </p> <p style="text-align:justify">"သူက သိပ်စွမ်းအားကြီးတာပဲ"</p> <p style="text-align:justify"> </p> <p style="text-align:justify">"ဒီလောက် ဂုဏ်ယူစရာကောင်းတဲ့ ရလဒ်ကို ရထားတာတောင် သူက တည်တည်ငြိမ်ငြိမ်နဲ့ အေးအေးဆေးဆေး ရှိနေသေးတယ်။ ဒီလူက သေချာပေါက် ကြီးမားတဲ့ အရာတွေကို ပြီးမြောက်အောင်မြင်လိမ့်မယ်။ သူနဲ့ ရင်းနှီးတဲ့ ဆက်ဆံရေးကို အခုကတည်းက ကြိုတည်ဆောက်ထားရမယ်"</p> <p style="text-align:justify"> </p> <p style="text-align:justify">"..."</p> <p style="text-align:justify"> </p> <p style="text-align:justify">မုန့်မုန့်၏ တည်ငြိမ်သော ကိုယ်ဟန်အနေအထားကို မြင်လိုက်ရသောအခါ သူတို့အထဲမှ အများအပြားက သူမကို ပို၍ပင် လေးစားသွားကြလေသည်။</p> <p style="text-align:justify"> </p> <p style="text-align:justify">"သူက မာနမကြီးသလို ဒေါသလည်း မကြီးဘူး ပြီးတော့ သူက လုံးဝတည်ငြိမ်ပြီး အေးဆေးတယ် ဒါက တကယ်ကို အံ့ဩစရာပဲ"</p> <p style="text-align:justify"> </p> <p style="text-align:justify">"အခု ဒုတိယအကဲဖြတ်စစ်ဆေးမှုဖြစ်တဲ့ နားလည်နိုင်စွမ်းစမ်းသပ်ကျောက်တုံး စစ်ဆေးမှုကို စပါပြီ"</p> <p style="text-align:justify"> </p> <p style="text-align:justify">ဒီတစ်ခါ မုန့်မုန့်အလှည့် ရောက်ရှိလာသောအခါ လူသောင်းနှင့်ချီ၍ သူမကို အထူးတလည် အာရုံစိုက်နေကြလေသည်။ သူတို့အားလုံးထဲတွင် သုံးယောက်သာလျှင် ပါရမီစမ်းသပ်ကျောက်တုံးကို ခရမ်းရောင်အဖြစ် ပြောင်းလဲသွားစေနိုင်ခဲ့ခြင်း ဖြစ်သည်။</p> <p style="text-align:justify"> </p> <p style="text-align:justify">တကယ်တမ်းတွင် ထိုသို့ စွမ်းဆောင်နိုင်သူများကို ဂိုဏ်းက အလိုအလျောက် လက်ခံပြီးသား ဖြစ်နေလေပြီ။</p> <p style="text-align:justify"> </p> <p style="text-align:justify">သို့ရာတွင် ထိုအကြောင်းကို မည်သူကမျှ မသိကြသေးပေ။</p> <p style="text-align:justify"> </p> <p style="text-align:justify">နားလည်နိုင်စွမ်းစမ်းသပ်ကျောက်တုံးက ပါရမီစမ်းသပ်ကျောက်တုံးနှင့် အလွန် ဆင်တူလေသည်။ လူတစ်ယောက်၏ ရလဒ်ကို အနီ၊ လိမ္မော်၊ အဝါ၊ အစိမ်း၊ မဲနယ်၊ အပြာနှင့် ခရမ်းရောင်တို့ဖြင့် အဆင့်ဆင့် ဆုံးဖြတ်မည်ဖြစ်သည်။</p> <p style="text-align:justify"> </p> <p style="text-align:justify">ပါရမီစမ်းသပ်ကျောက်တုံးတွင် ခရမ်းရောင်အဆင့်သို့ ရောက်ရှိသွားသော အခြားလူနှစ်ယောက်တွင်လည်း ကောင်းမွန်သော နားလည်နိုင်စွမ်းများ ရှိကြလေသည်။ တစ်ယောက်၏ ရလဒ်မှာ အပြာရောင်ဖြစ်ပြီး အခြားတစ်ယောက်၏ ရလဒ်မှာ မဲနယ်ရောင် ဖြစ်သည်။</p> <p style="text-align:justify"> </p> <p style="text-align:justify">ဆန့်ကျင်ဘက်အနေဖြင့် အရည်အချင်းများစွာ မရှိလှသော ကိုယ်စားလှယ်နှစ်ဦးတွင် အံ့ဩဖွယ် နားလည်နိုင်စွမ်းများ ရှိနေကြပြီး သူတို့နှစ်ယောက်စလုံး၏ ရလဒ်များမှာ ခရမ်းရောင် ဖြစ်နေလေသည်။</p> <p style="text-align:justify"> </p> <p style="text-align:justify">မုန့်မုန့်အလှည့်သို့ ရောက်လာသောအခါ သူမက ရှေ့ရှိ နားလည်နိုင်စွမ်းစမ်းသပ်ကျောက်တုံးကို သေချာ ကြည့်လိုက်သည်။</p> <p style="text-align:justify"> </p> <p style="text-align:justify">သူမ စိတ်ထဲတွင် တိတ်တဆိတ် ဆုတောင်းလိုက်၏။</p> <p style="text-align:justify"> </p> <p style="text-align:justify">`ငါ့ရဲ့ ကျင့်ကြံခြင်းစွမ်းအား သုံးပုံတစ်ပုံကိုပဲ လည်ပတ်လိုက်မယ်။ ငါ ဘာအမှားမှ ထပ်လုပ်လို့မဖြစ်ဘူး။ မဟုတ်ရင် ဂိုဏ်းထဲမဝင်ခင်မှာတင် နာမည်အရမ်းကြီးသွားလိမ့်မယ်`</p> <p style="text-align:justify"> </p> <p style="text-align:justify">မုန့်မုန့်က သူမ၏ လက်ဖဝါးလေးကို ကျောက်တုံးပေါ်တွင် ဖိတင်ကာ သူမ၏ စွမ်းအားသုံးပုံတစ်ပုံထက်နည်းသော ပမာဏကိုသာ ဖြည်းညင်းစွာ လည်ပတ်လိုက်လေသည်။</p> <p style="text-align:justify"> </p> <p style="text-align:justify">ဝှစ်…</p> <p style="text-align:justify"> </p> <p style="text-align:justify">ထိုအခါ ကျောက်တုံးကြီးမှာ အနီရောင်မှ ခရမ်းရောင်သို့ တိုက်ရိုက် ပြောင်းလဲသွားပြီး ဖြစ်စဉ်အတွင်း အခြားအရောင်များအဖြစ်သို့ လုံးဝ ပြောင်းလဲသွားခြင်း မရှိခဲ့ပေ။</p> <p style="text-align:justify"> </p> <p style="text-align:justify">မုန့်မုန့်၏ ထူးကဲလှသော နားလည်နိုင်စွမ်းက ယခင်က ကျန်းဟန်ကိုပင် အံ့ဩသွားစေခဲ့ဖူးသည်။ သူမ မည်သည့်အဆင့်သို့ ရောက်နေသည်ကို စိတ်ကူးကြည့်နိုင်ပေသည်။</p> <p style="text-align:justify"> </p> <p style="text-align:justify">"ဘာ"</p> <p style="text-align:justify"> </p> <p style="text-align:justify">"ဘာတွေဖြစ်နေတာလဲ နားလည်နိုင်စွမ်းစမ်းသပ်ကျောက်တုံးက အလုပ်မလုပ်တော့ဘူးလား"</p> <p style="text-align:justify"> </p> <p style="text-align:justify">"အဲဒါက တခြားအရောင်တွေ ဘာမှမပြောင်းသွားဘူး။ အနီရောင်ကနေ ခရမ်းရောင်ကို တိုက်ရိုက် ပြောင်းသွားတာ သူက အတွင်းလူလား။ သူက နောက်ကွယ်ကနေ ကြိုးကိုင်နေတာလား"</p> <p style="text-align:justify"> </p> <p style="text-align:justify">လူအများအပြားမှာ တွေဝေသွားကြပြီး အံ့ဩမှင်တက်သွားကြလေသည်။</p> <p style="text-align:justify"> </p> <p style="text-align:justify">အထက်မှ ဂိုဏ်းစောင့်အကြီးအကဲပင် တည်ငြိမ်စွာ ဆက်မနေနိုင်တော့ချေ။ လက်ခနဲဆိုသော အလင်းရောင်တစ်ခုနှင့်အတူ သူ အောက်သို့ ဆင်းသက်လာပြီး မုန့်မုန့်ကို စိတ်လှုပ်ရှားစွာ စိုက်ကြည့်လိုက်သည်။</p> <p style="text-align:justify"> </p> <p style="text-align:justify">သူက ပြောလိုက်၏။</p> <p style="text-align:justify"> </p> <p style="text-align:justify">"ကျန်းဟန်ယန် မင်း ငါ့ရဲ့တပည့်လုပ်ဖို့ ဆန္ဒရှိလား"</p> <p style="text-align:justify"> </p> <p style="text-align:justify">"ဗျာ"</p> <p style="text-align:justify"> </p> <p style="text-align:justify">မုန့်မုန့် အံ့အားသင့်သွားပြီး ဆွံ့အသွားရ၏။</p> <p style="text-align:justify"> </p> <p style="text-align:justify">`ဘယ်လို သောက်သုံးမကျတဲ့ ကျောက်တုံးကြီးလဲ`</p> <p style="text-align:justify"> </p> <p style="text-align:justify">`ငါ့စွမ်းအားရဲ့ သုံးပုံတစ်ပုံတောင် မပြည့်ဘဲ သုံးလိုက်တာတောင် အောင်သွားတာလား`</p> <p style="text-align:justify"> </p> <p style="text-align:justify">`ဟူး ဒါက ငါ မျှော်လင့်ထားသလို မဟုတ်ဘူး`</p> <p style="text-align:justify"> </p> <p style="text-align:justify">သူမ ဘာတွေးနေသည်ကို တစ်စုံတစ်ယောက်သာ သိခဲ့ပါလျှင် သူတို့ ရင်ဘတ်စည်တီးကာ ငိုချင်သွားကြလိမ့်မည်။</p> <p style="text-align:justify"> </p> <p style="text-align:justify">`ငါတို့က အသေအလဲ ကြိုးစားရင်တောင် စာမေးပွဲအောင်ဖို့ အရမ်းခက်ခဲတယ်။ ဒါပေမဲ့ မင်းက အဲဒါကို အလွယ်တကူ အောင်မြင်အောင် လုပ်နိုင်ခဲ့ပြီး နားလည်နိုင်စွမ်းစမ်းသပ်ကျောက်တုံးကိုတောင် မထီမဲ့မြင် လုပ်နေသေးတယ်ပေါ့လေ` ဟု တွေးကာ ဒေါသထွက်ကြမည်မှာ အသေအချာပင်။</p> <p style="text-align:justify"> </p> <p style="text-align:justify">တစ်ချိန်တည်းမှာပင် မုန့်မုန့်မှာ 'ကျန်းဟန်ယန်' ဟု အခေါ်ခံရခြင်းကို အသားမကျသေးပေ။</p> <p style="text-align:justify"> </p> <p style="text-align:justify">သို့သော်လည်း လောလောဆယ်တွင် သူမ ၎င်းနှင့် အသားကျအောင် နေရမည် ဖြစ်သည်။</p> <p style="text-align:justify"> </p> <p style="text-align:justify">နှစ်စက္ကန့်ခန့် စဉ်းစားပြီးနောက် မုန့်မုန့်က တုံ့ဆိုင်းစွာဖြင့် ပြောလိုက်သည်။</p> <p style="text-align:justify"> </p> <p style="text-align:justify">"ကျွန်တော်... ခင်ဗျားကို ဘယ်လိုငြင်းရမလဲ မသိဘူး"</p> <p style="text-align:justify"> </p> <p style="text-align:justify">"အင်း ဒီကိစ္စအတွက်ကတော့... ဟင် မင်း ဘာပြောလိုက်တာလဲ"</p> <p style="text-align:justify"> </p> <p style="text-align:justify">ဂိုဏ်းစောင့်အကြီးအကဲက အရင်ဆုံး ခေါင်းညိတ်ပြီးနောက် ကြောင်တောင်တောင် ဖြစ်သွားလေသည်။</p> <p style="text-align:justify"> </p> <p style="text-align:justify">`သူက ငါ့ကို ငြင်းလိုက်တာလား`</p> <p style="text-align:justify"> </p> <p style="text-align:justify">"ကျွန်တော် ခင်ဗျားကို ဘယ်လိုငြင်းရမလဲ မသိဘူးလို့ ပြောတာပါ။ ကျွန်တော် ခင်ဗျားရဲ့ တပည့်ဖြစ်လာရင် ထူးခြားတဲ့ အကျိုးခံစားခွင့်တွေ ရမှာလား" မုန့်မုန့်က မေးလိုက်သည်။</p> <p style="text-align:justify"> </p> <p style="text-align:justify">ဂိုဏ်းစောင့်အကြီးအကဲမှာ စကားမပြောနိုင်ဖြစ်သွားပြီး ဘာဆက်ပြောရမှန်းမသိ ဖြစ်သွားလေသည်။</p> <p style="text-align:justify"> </p> <p style="text-align:justify">"ပေါက်ကရတွေ" ကြီးကြပ်ရေးမှူးတစ်ဦးက ဝင်ပြောလိုက်သည်။</p> <p style="text-align:justify"> </p> <p style="text-align:justify">"ဒါက ငါတို့ဂိုဏ်းက ဂိုဏ်းစောင့်အကြီးအကဲမားပဲ။ သူက အရမ်းစွမ်းအားကြီးတယ်။ သူက မင်းကို တပည့်အဖြစ် လက်ခံချင်တာ မင်းကံကောင်းလွန်းလို့ပဲ။ ဒါပေမဲ့ မင်းက ငြင်းရဲသေးတယ်ပေါ့လေ"</p> <p style="text-align:justify"> </p> <p style="text-align:justify">"ရပါတယ် အရမ်းဖိအားမပေးပါနဲ့ သူပြောတာ မှန်ပါတယ်"</p> <p style="text-align:justify"> </p> <p style="text-align:justify">ဂိုဏ်းစောင့်အကြီးအကဲမားက လက်ကို ဝှေ့ယမ်းပြီး ဝင်တားလိုက်သည်။</p> <p style="text-align:justify"> </p> <p style="text-align:justify">"ကျန်းဟန်ယန် မင်း အရင်စဉ်းစားလို့ရပါတယ်။ အလောတကြီး လုပ်ဖို့ မလိုပါဘူး။ ဂိုဏ်းထဲမှာ နေရတာ အသားကျသွားတဲ့အခါ မင်းရဲ့ ဆုံးဖြတ်ချက်ကို ငါ့ကို ပြောပြပါ"</p> <p style="text-align:justify"> </p> <p style="text-align:justify">"ဘုရားရေ..."</p> <p style="text-align:justify"> </p> <p style="text-align:justify">လူအုပ်ကြီးမှာ အလွန်အမင်း အံ့ဩထိတ်လန့်သွားကြလေသည်။</p> <p style="text-align:justify"> </p> <p style="text-align:justify">ဤစကားများက ဤလူငယ်လေးသည် ဂိုဏ်းထဲဝင်ရောက်ပြီးသည်နှင့် ဂိုဏ်းစောင့်အကြီးအကဲတစ်ဦး၏ တပည့်ဖြစ်လာမည်မှာ သေချာကြောင်း ပြသနေခြင်းပင် ဖြစ်သည်။</p> <p style="text-align:justify"> </p> <p style="text-align:justify">သူ ဘယ်လို အဆင့်အတန်းမျိုး ရှိလာမလဲ။</p> <p style="text-align:justify"> </p> <p style="text-align:justify">ကြက်သွေးရောင်နေခြည်ဂိုဏ်း၏ ဂိုဏ်းစောင့်အကြီးအကဲများက ဂုဏ်သတင်း အလွန်ကြီးမားပြီး မည်သည့်ဒေသမှ ဩဇာရှင်များနှင့်မဆို ရင်ပေါင်တန်း စကားပြော၊ ရယ်မောနိုင်ကြောင်း သတိပြုသင့်ပေသည်။</p> <p style="text-align:justify"> </p> <p style="text-align:justify">"နားထောင်ကြ ကျောက်တုံးတွေမှာ ဘာပြဿနာမှ မရှိနိုင်ဘူး။ ဒါကြောင့် ကျန်းဟန်ယန်ရဲ့ ရမှတ်တွေမှာ ဘာမှမှားယွင်းတာ မရှိပါဘူး။ ဒီကိစ္စကို ဒီမှာတင် အဆုံးသတ်လိုက်ကြရအောင်။ အကဲဖြတ်စစ်ဆေးမှု ဆက်လုပ်မယ်"</p> <p style="text-align:justify"> </p> <p style="text-align:justify">ထိုသို့ပြောပြီးနောက် ဂိုဏ်းစောင့်အကြီးအကဲမားသည် သူ၏ မူလနေရာသို့ ပြန်သွားလေသည်။</p> <p style="text-align:justify"> </p> <p style="text-align:justify">အခြားသူများမှာလည်း အကဲဖြတ်စစ်ဆေးမှုတွင် ဆက်လက် ပါဝင်ခဲ့ကြသော်လည်း လူအများစု၏ အာရုံများကမူ မုန့်မုန့်ထံတွင်သာ ရှိနေကြ၏။</p> <p style="text-align:justify"> </p> <p style="text-align:justify">တတိယအဆင့်အတွက် အချိန်ရောက်လာခဲ့ပြီ ဖြစ်သည်။</p> <p style="text-align:justify"> </p> <p style="text-align:justify">"တိုက်ခိုက်နိုင်စွမ်း အကဲဖြတ်စစ်ဆေးမှုမှာ မင်းတို့က အတွင်းဂိုဏ်းတပည့်တချို့ကို တိုက်ခိုက်ရမယ်။ မင်းတို့က တိုက်ခိုက်မယ်။ ပြီးတော့ သူတို့က ကာကွယ်မယ်။ မင်းတို့ရဲ့ အပြင်းထန်ဆုံး တိုက်ခိုက်နိုင်စွမ်းကို ပြသပါ"</p> <p style="text-align:justify"> </p> <p style="text-align:justify">ဤအဆင့်ကို ရင်ဆိုင်ရန် မုန့်မုန့် လုံးဝ မစိုးရိမ်ပေ။</p> <p style="text-align:justify"> </p> <p style="text-align:justify">မည်သို့ပင်ဆိုစေ သူမက သူမ၏ တိုက်ခိုက်ရေးစွမ်းအားကို ပိုမိုလွယ်ကူစွာ ထိန်းချုပ်နိုင်လေသည်။ ထို့ပြင် ထိုစီနီယာဂိုဏ်းတူအစ်မများနှင့် အစ်ကိုများကလည်း အလွန် စွမ်းအားကြီးကြသည် မဟုတ်ပါလား။</p> <p style="text-align:justify"> </p> <p style="text-align:justify">စင်ပေါ်တက်လာသော ပြိုင်ပွဲဝင်အားလုံးမှာ အနည်းဆုံး ယွမ်ယင်အဆင့်တွင် ရှိကြသည်။ အချို့မှာ ရွှေအမြုတေအဆင့်တွင် ရှိကြ၏။</p> <p style="text-align:justify"> </p> <p style="text-align:justify">မဟာဂိုဏ်းကြီးလေးဂိုဏ်းက လူတစ်ယောက်၏ ခွန်အားနှင့် လက်ရှိကျင့်ကြံခြင်းအဆင့်ကို အဓိက အာရုံမစိုက်ဘဲ ပါရမီနှင့် အရည်အချင်းကိုသာ အဓိကထား အကဲဖြတ်ကြလေသည်။</p> <p style="text-align:justify"> </p> <p style="text-align:justify">မုန့်မုန့် စိတ်ထဲတွင် တွေးလိုက်သည်။</p> <p style="text-align:justify"> </p> <p style="text-align:justify">`ငါ ရွှေအမြုတေအဆင့် နောက်ပိုင်းအဆင့်ရဲ့ တိုက်ခိုက်နိုင်စွမ်းကိုပဲ သုံးလိုက်မယ်`</p> <p style="text-align:justify"> </p> <p style="text-align:justify">မုန့်မုန့်က တိုက်ခိုက်မှုတစ်ခု ပြုလုပ်ရန် သူမ၏ စွမ်းအားများကို အပြင်းအထန် လည်ပတ်နေဟန် ဆောင်လိုက်သည်။</p> <p style="text-align:justify"> </p> <p style="text-align:justify">သူမ၏ မျက်နှာချင်းဆိုင်တွင် တပည့်အမျိုးသားတစ်ဦး ရှိနေ၏။</p> <p style="text-align:justify"> </p> <p style="text-align:justify">မုန့်မုန့်၏ တိုက်ခိုက်မှုကို ရင်ဆိုင်ရချိန်တွင် သူက လုံးဝမလှုပ်ရှားဘဲ အလွယ်တကူပင် ပြေလျော့သွားစေခဲ့သည်။</p> <p style="text-align:justify"> </p> <p style="text-align:justify">"ကျန်းဟန်ယန် မင်းရဲ့ တိုက်ခိုက်ရေးစွမ်းအားက သိပ်မမြင့်ဘူးပဲ။ မင်း ကျင့်ကြံခြင်းကို အခုမှ စတာဖြစ်မယ်။ မင်း ဂိုဏ်းထဲကို ဝင်ပြီးရင် ကြိုးကြိုးစားစား ကျင့်ကြံလိုက်ရင် တိုးတက်လာလိမ့်မယ်" သူက သုံးသပ်ပြလိုက်သည်။</p> <p style="text-align:justify"> </p> <p style="text-align:justify">"အမ်… ကျွန်တော် ကျင့်ကြံလာတာ တော်တော် ကြာပြီ" မုန့်မုန့်က ချက်ချင်း ဝင်ပြောလိုက်သည်။</p> <p style="text-align:justify"> </p> <p style="text-align:justify">"နှိမ့်ချနေစရာ မလိုပါဘူး။ မင်း အသက်ဘယ်လောက်ရှိပြီလဲ။ လူငယ်တွေ မာနကြီးတာ သဘာဝပါပဲ။ မင်းဆိုလိုတဲ့ ကြာပြီဆိုတာက တစ်နှစ် နှစ်နှစ်ထက် မပိုပါဘူး။ အဲဒါက ကျင့်ကြံခြင်းအတွက် အချိန်တိုလေးပဲ ရှိသေးတာ" အမျိုးသားက ပြတ်ပြတ်သားသား ပြောလိုက်လေသည်။</p> <p style="text-align:justify"> </p> <p style="text-align:justify">သူ၏ အမူအရာကို ကြည့်ရသည်မှာ တစ်ဖက်လူက မည်မျှပင် ရှင်းပြရန် ကြိုးစားပါစေ၊ သူက ထူးချွန်သော ပါရမီရှင်တစ်ဦးဖြစ်သည်ဟူသော အချက်ကို ဖုံးကွယ်ထား၍မရသကဲ့သို့ ဖြစ်နေသည်။</p> <p style="text-align:justify"> </p> <p style="text-align:justify">"ဟူး..."</p> <p style="text-align:justify"> </p> <p style="text-align:justify">မုန့်မုန့် အကူအညီမဲ့သလို ခံစားလိုက်ရသည်။</p> <p style="text-align:justify"> </p> <p style="text-align:justify">သူမက သာမန်ကာလျှံကာသာ နေချင်ခဲ့သော်လည်း မမျှော်လင့်ဘဲ အဆင်မပြေခဲ့ပေ။</p> <p style="text-align:justify"> </p> <p style="text-align:justify">`ဒီနှစ် ကျယ်ပြောသောကောင်းကင် ကြယ်တာရာနယ်မြေက ပြိုင်ပွဲဝင်တွေက အရမ်း သာမန်ပါပဲလား ငါ အစွမ်းကုန် မသုံးရသေးဘူး။ ဒါပေမဲ့ သူတို့အားလုံးက သိပ်အားနည်းတာပဲ`</p> <p style="text-align:justify"> </p> <p style="text-align:justify">မုန့်မုန့် အများကြီး မစဉ်းစားခဲ့ပေ။ တစ်ခုခု မှားယွင်းနေကြောင်း သူမ ခံစားမိသော်လည်း သူမကိုယ်တိုင် မည်မျှအထိ အရည်အချင်းရှိနေသည်ကိုမူ သူမ မတွေးမိခဲ့ချေ။</p> <p style="text-align:justify"> </p> <p style="text-align:justify">"စာမေးပွဲ ပြီးပါပြီ"</p> <p style="text-align:justify"> </p> <p style="text-align:justify">"ဒါက အောင်မြင်သူစာရင်းပါ။ မအောင်မြင်တဲ့သူတွေက နောက်ငါးနှစ်နေရင် နောက်ထပ် အကဲဖြတ်စစ်ဆေးမှုမှာ ထပ်ကြိုးစားနိုင်ပါတယ်"</p> <p style="text-align:justify"> </p> <p style="text-align:justify">ဂိုဏ်းစောင့်အကြီးအကဲက သူ၏ လက်ကို ဝှေ့ယမ်းကာ ကြေညာလိုက်သည်။</p> <p style="text-align:justify"> </p> <p style="text-align:justify">သူက ဤပြိုင်ပွဲမှ ထူးချွန်သော တပည့်ဒါဇင်ကျော်ကို အကဲခတ်ကြည့်လိုက်ပြီး နောက်ဆုံးတွင် မုန့်မုန့်ကို စိုက်ကြည့်လိုက်လေသည်။ သူက သူမကို အဓိပ္ပာယ်ပါပါ ကြည့်လိုက်ပြီးနောက် လက်ဟန်အမူအရာတစ်ခု ပြုလုပ်ကာ လှည့်ထွက်သွား၏။</p> <p style="text-align:justify"> </p> <p style="text-align:justify">အဆင့်သတ်မှတ်ချက် မရှိသော်လည်း မုန့်မုန့်၏ တိုက်ခိုက်နိုင်စွမ်းက အလယ်အလတ်အောက် အတန်းအစားတွင်သာ ပါဝင်လေသည်။</p> <p style="text-align:justify"> </p> <p style="text-align:justify">သို့သော်လည်း ကျန်းဟန်ယန်ဟူသော နာမည်က ပထမနေရာတွင် ရှိနေဆဲဖြစ်သည်။</p> <p style="text-align:justify"> </p> <p style="text-align:justify">တကယ်တမ်းတွင် ပထမအဆင့် နှစ်ဆင့်ကသာ အရေးအကြီးဆုံး ဖြစ်ပေသည်။</p> <p style="text-align:justify"> </p> <p style="text-align:justify">မကြာမီမှာပင် မအောင်မြင်ခဲ့သူများမှာ ကြီးစွာသော စိတ်ပျက်အားငယ်မှုများဖြင့် ထွက်ခွာသွားကြလေသည်။</p> <p style="text-align:justify"> </p> <p style="text-align:justify">အောင်မြင်သူများမှာမူ စိတ်လှုပ်ရှားမှုကြောင့် မျက်နှာများ ဝင်းပနေကြ၏။ သူတို့အားလုံး ပြုံးရွှင်ကာ ဝမ်းသာနေကြသည်။</p> <p style="text-align:justify"> </p> <p style="text-align:justify">"အခုကစပြီး မင်းတို့က ကြက်သွေးရောင်နေခြည်ဂိုဏ်းရဲ့ အပြင်ဂိုဏ်းတပည့်တွေ ဖြစ်သွားပြီ" ကြီးကြပ်ရေးမှူးတစ်ဦးက ပြောလိုက်သည်။</p> <p style="text-align:justify"> </p> <p style="text-align:justify">"ငါ မင်းတို့ကို ဂိုဏ်းဆီ ခေါ်သွားမယ်။ အကဲဖြတ်စစ်ဆေးရေးဂိတ် စုစုပေါင်း ၁၃၆ ခုရှိပြီး အောင်မြင်တဲ့ တပည့် ၅ သိန်းလောက် ရှိတယ်။ ဒါပေမဲ့ မင်းတို့ထဲက ၁ သိန်းပဲ အတွင်းဂိုဏ်းတပည့် ဖြစ်ခွင့်ရလိမ့်မယ်။ ဒါကြောင့် ခုနက စာမေးပွဲ အောင်သွားရုံနဲ့ အေးဆေးနေလို့ရပြီလို့ မထင်နဲ့။ အခု ငါနဲ့အတူ အပြင်ဂိတ်ကို လိုက်ခဲ့ကြ"</p> <p style="text-align:justify"> </p> <p style="text-align:justify">ထိုအဖွဲ့က တောင်တန်းများနှင့် မြစ်များကို ဖြတ်ကျော်ကာ လေယဉ်ပျံသန်းမှု အနိမ့်ပိုင်းအမြင့်တွင် ခံ့ညားစွာ ပျံသန်းသွားကြလေသည်။</p> <p style="text-align:justify"> </p> <p style="text-align:justify">သုံးနာရီခန့်အကြာတွင် အဝေးမှ စုရုံးနေသော အဖွဲ့များစွာကို မြင်တွေ့လိုက်ရသည်။ သူတို့ရှေ့တွင် ကြီးမားခမ်းနားသော အဆောက်အအုံကြီးတစ်ခုရှိပြီး ၎င်းမှာ အပြင်ဂိတ်၏ တည်နေရာပင် ဖြစ်သည်။</p> <p style="text-align:justify"> </p> <p style="text-align:justify">သူတို့ အနယ်နယ်အရပ်ရပ်သို့ ရောက်ရှိလာပြီး အခြေချနေထိုင်ပြီးနောက် မုန့်မုန့်က မျက်တောင်လေး ပုတ်ခတ်ပုတ်ခတ်လုပ်ရင်း ပတ်ဝန်းကျင်ကို ငေးကြည့်လိုက်သည်။</p> <p style="text-align:justify"> </p> <p style="text-align:justify">`ငါနဲ့ ငါ့ဘေးကလူတွေ ဘာလို့ နေရာမချထားရသေးတာလဲ`</p> <p style="text-align:justify"> </p> <p style="text-align:justify">မမျှော်လင့်ဘဲ...</p> <p style="text-align:justify"> </p> <p style="text-align:justify">"ကောင်လေးတို့ ငါ့နောက်လိုက်ခဲ့"</p> <p style="text-align:justify"> </p> <p style="text-align:justify">ကြီးကြပ်ရေးမှူးက ပြုံးလျက် ပြောလိုက်သည်။</p> <p style="text-align:justify"> </p> <p style="text-align:justify">"ကျွန်တော်တို့ ဘယ်သွားမှာလဲ" ဝဝဖိုင့်ဖိုင့် ကောင်လေးတစ်ယောက်က မေးလိုက်သည်။</p> <p style="text-align:justify"> </p> <p style="text-align:justify">"မင်းတို့က အရည်အချင်းရှိတဲ့အတွက် အတွင်းဂိုဏ်းတပည့်တွေအဖြစ် တိုက်ရိုက် ရာထူးတိုးမြှင့်ခံရတယ်။ မင်းတို့က ကျင့်ကြံဖို့ မတူညီတဲ့ တောင်ထွတ်တွေကို ရွေးချယ်ရလိမ့်မယ်။ ဂုဏ်ယူပါတယ်"</p> <p style="text-align:justify"> </p> <p style="text-align:justify">"ဝိုး"</p> <p style="text-align:justify"> </p> <p style="text-align:justify">"ငါတို့ အတွင်းဂိုဏ်းတပည့်တွေ ဖြစ်သွားပြီဟေ့"</p> <p style="text-align:justify"> </p> <p style="text-align:justify">"..."</p> <p style="text-align:justify"> </p> <p style="text-align:justify">လူအများအပြား အလွန် စိတ်လှုပ်ရှားနေကြပြီး သူတို့ထဲမှ အများစုမှာ ဆယ်ကျော်သက်အရွယ်များ ဖြစ်ကြသည်။</p> <p style="text-align:justify"> </p> <p style="text-align:justify">သေချာသည်မှာ သူတို့အထဲမှ အချို့မှာ အတော်လေး တည်ငြိမ်နေကြ၏။</p> <p style="text-align:justify"> </p> <p style="text-align:justify">ထိုတည်ငြိမ်နေသူများထဲတွင် မုန့်မုန့်လည်း အပါအဝင်ဖြစ်သည်။</p> <p style="text-align:justify"> </p> <p style="text-align:justify">အကြောင်းမှာ အခြေခံအားဖြင့် သူမသည် ဤနေရာကို လုံးဝ ဂရုမစိုက်သောကြောင့် ဖြစ်လေသည်။</p> <p style="text-align:justify"> </p> <p style="text-align:justify">`ဘာပဲဖြစ်ဖြစ် အဖေရောက်လာရင် ငါ ထွက်သွားမှာပဲ`</p> <p style="text-align:justify"> </p> <p style="text-align:justify">အတွင်းဂိတ်ထဲသို့ ပျံသန်းသွားသူ အလွန် နည်းပါးလှသည်။ စုရုံးလိုက်သောအခါ လူတစ်ရာခန့်သာ ရှိလေသည်။</p> <p style="text-align:justify"> </p> <p style="text-align:justify">သူတို့ ခန်းမကြီးတစ်ခုသို့ ရောက်ရှိသွားကြသည်။</p> <p style="text-align:justify"> </p> <p style="text-align:justify">အတွင်းရှိ လူအများအပြားမှာ အသက် ၂၀ ၃၀ အရွယ်များဖြစ်ကြပြီး မတူညီသော တောင်ထွတ်အသီးသီးမှ လာကြခြင်း ဖြစ်သည်။</p> <p style="text-align:justify"> </p> <p style="text-align:justify">"မင်းတို့ရှေ့ကလူတွေက တောင်ထွတ်အသီးသီးက တပည့်တွေပဲ။ သူတို့က မင်းတို့ကို ကြိုဆိုဖို့ ဒီမှာရှိနေတာ"</p> <p style="text-align:justify"> </p> <p style="text-align:justify">ခေါင်းဆောင် ဂိုဏ်းစောင့်အကြီးအကဲက လက်ကို ဝှေ့ယမ်းလိုက်ရာ လေဟာနယ်ထဲမှ ပုံရိပ်တစ်ခု ပေါ်လာလေသည်။</p> <p style="text-align:justify"> </p> <p style="text-align:justify">"ဒီမှာ တောင်ပိုင်သခင်အသီးသီးက အဓိကသင်ကြားပေးတဲ့ ဘာသာရပ်တွေအတွက် ရှင်းလင်းချက်တွေ ရှိတယ်။ မင်းတို့ ဆုံးဖြတ်ချက်ချနိုင်ပါတယ်။ မင်းတို့ရဲ့ စီနီယာဂိုဏ်းတူအစ်ကိုတွေနဲ့ အစ်မတွေက ပတ်ဝန်းကျင်နဲ့ အကျွမ်းတဝင်ဖြစ်အောင် မင်းတို့ကို သူတို့ရဲ့တောင်ထွတ်တွေဆီ ခေါ်သွားလိမ့်မယ်"</p> <p style="text-align:justify"> </p> <p style="text-align:justify">ပထမဆုံး မြင်လိုက်ရသည်မှာ ဝိညာဉ်နည်းစနစ်များ၊ လျှို့ဝှက်ပညာရပ်များ၊ တိုက်ခိုက်ရေးနည်းစနစ်များ၊ ကျိန်စာများ၊ ခန္ဓာကိုယ်လှုပ်ရှားမှုများ၊ ခန္ဓာကိုယ်ကျင့်ကြံခြင်းနည်းစနစ်များ၊ ဝင်္ကပါများ၊ ဆေးလုံးသန့်စင်ခြင်း၊ သားရဲလေ့ကျင့်ရေးနှင့် ပုံရိပ်ယောင်များ အပါအဝင် အမျိုးအစားအားလုံးနီးပါး ပါဝင်နေသည်။</p> <p style="text-align:justify"> </p> <p style="text-align:justify">၎င်းမှာ အလွန် အသေးစိတ်ကျလှပေသည်။ အချို့သော တောင်ပိုင်သခင်များက အမျိုးအစားများစွာကို အထူးပြုသင်ကြားပေးသော်လည်း အချို့က တစ်မျိုးတည်းကိုသာ အဓိက အာရုံစိုက်ကြသည်။ ထိုလူသစ်များက သူတို့ ဘာကိုရွေးချယ်ချင်သလဲဆိုတာကို ခဏလောက် သေချာ စဉ်းစားဖို့ လိုအပ်ပေသည်။</p> <p style="text-align:justify"> </p> <p style="text-align:justify">`ငါ ဘာရွေးရမလဲ`</p> <p style="text-align:justify"> </p> <p style="text-align:justify">မုန့်မုန့် အနည်းငယ် ကြောင်တောင်တောင်ဖြစ်သွားပြီး ဘာရွေးရမှန်းမသိ ဖြစ်နေသည်။ သို့သော် မကြာမီ သူမ၏ မျက်လုံးများက နေရာတစ်ခုသို့ စူးစိုက်ရောက်ရှိသွား၏။</p> <p style="text-align:justify"> </p> <p style="text-align:justify">`သစ်ခွတောင်ထွတ်က ဆေးလုံးသန့်စင်ခြင်း၊ ဝိညာဉ်နည်းစနစ်တွေနဲ့ ပုံရိပ်ယောင်တွေကို အဓိက သင်ကြားပေးတယ်။ ဒါဆို အဆင်ပြေတယ်။ အခု ငါ ဒီမှာ အချိန်ဖြုန်းရတော့မယ်။ ဘာပဲဖြစ်ဖြစ် ဆေးလုံးသန့်စင်ခြင်းနဲ့ ပတ်သက်ပြီး တစ်ခုခုတော့ သင်ယူထားပြီးပြီပဲ`</p> <p style="text-align:justify"> </p> <p style="text-align:justify">မုန့်မုန့်သည် သူမ၏ ဆေးလုံးသန့်စင်ခြင်းပညာရပ်မှာ မည်သည့်အဆင့်တွင် ရှိနေသည်ကို အတိအကျ မသိပေ။ လေဟာနယ်ထဲတွင် ဆေးလုံးတစ်လုံးကို အလွယ်တကူ စုစည်းဖန်တီးနိုင်သော သူမဖခင်၏ စံနှုန်းများအရ သူမက ဆေးလုံးသန့်စင်ခြင်းအကြောင်း အပေါ်ယံမျှသာ သင်ယူထားသည်ဟု သူမ ထင်မှတ်ထားခဲ့သည်။</p> <p style="text-align:justify"> </p> <p style="text-align:justify">`ဒါဆိုရင်တော့ ဒီမှာ ခဏလောက် ရောယောင်ပြီး နေလိုက်တော့မယ်`</p> <p style="text-align:justify"> </p> <p style="text-align: center;">အခန်း (၁၉၀၀) ပြီး</p> <p style="text-align: center;">စာစဉ်(၁၆၈)ပြီး။</p> <p style="text-align: center;">***</p>


Save