Book List

<h2 style="text-align: center;">အခန်း (၃၅၃)</h2> <h2 style="text-align: center;">*</h2> <p> </p> <p style="text-align:justify">“အနည်းဆုံးတော့ ပထမပိုင်းမှာ ဂိုးပြန်ချေနိုင်ခဲ့တယ်...” ချူဖုန်း၏ ရင်ဘတ်မှာ နိမ့်ချည်မြင့်ချည်နှင့် အသက်ကို ပြင်းပြင်းရှူနေရသည်။</p> <p style="text-align:justify">မန်ယူ၏ ခံစစ်အသားပေး ကွင်းလယ်လူသုံးဦး စနစ်သည် တိုက်စစ်ကစားသမား အရေအတွက်ကို လျော့နည်းစေသဖြင့် တိုက်စစ်မှူးများက တစ်ဦးချင်း စွမ်းဆောင်ရည်ဖြင့်သာ အားဖြည့်ကစားရသည်။ အသင်းငယ်လေးများနှင့်ဆိုလျှင် ချူဖုန်းက ဇွတ်တိုး၍ ရသော်လည်း ဗန်ဒိုက်၊ မာတစ်နှင့် ဖာဘင်ညိုတို့လို နောက်ခံလူများကတော့ အကြောတင်းလွန်းလှသည်။</p> <p style="text-align:justify">ထို့ကြောင့်လည်း ပထမပိုင်းတွင် အခွင့်အရေး အနည်းငယ်သာ ရခဲ့ပြီး ထိုအခွင့်အရေးကို ဂိုးဖြစ်အောင် အစွမ်းကုန် ကြိုးစားခဲ့ရသဖြင့် ချူဖုန်းမှာ ခြေကုန်လက်ပန်း ကျနေလေပြီ။</p> <p style="text-align:justify">ဗန်ဒိုက်တို့လည်း အခြေအနေ သိပ်မထူးပေ။ ကလော့ပ်က ပွဲမစခင်ကတည်းက ချူဖုန်းကိုသာ ထိန်းထားနိုင်ရင် မန်ယူ ဘာမှလုပ်လို့မရဘူးဟု မှာထားသော်လည်း လက်တွေ့တွင်တော့ ထိုအလုပ်က ပြောသလောက် မလွယ်ကူခဲ့။</p> <p style="text-align:justify">“ငါတော့ ဒီလို ခန္ဓာကိုယ်လည်း တောင့်၊ နည်းစနစ်လည်း ကောင်း၊ ပြီးတော့ ဦးနှောက်ပါ သုံးကစားတဲ့ တိုက်စစ်မှူးတွေကို အမုန်းဆုံးပဲကွာ...” မာတစ်က အားမလိုအားမရ ညည်းညူလိုက်သည်။</p> <p style="text-align:justify">---</p> <p style="text-align:justify">အဝတ်လဲခန်းအတွင်း မော်ရင်ညိုက စားပွဲပေါ်တွင် ခပ်ပေါ့ပေါ့ ထိုင်လိုက်ပြီး သူ၏ ကုတ်အင်္ကျီ ကြယ်သီးကို ဖြုတ်လိုက်သည်။</p> <p style="text-align:justify">“အခုချိန်မှာ မန်စီးတီးကလူတွေ ဒီပွဲကို ကြည့်နေကြမှာ အသေအချာပဲ။ သူတို့ကတော့ ငါတို့နှစ်သင်း သရေကျပြီး သူတို့ပဲ အကျိုးအမြတ် ရသွားဖို့ မျှော်လင့်နေကြလိမ့်မယ်...”</p> <p style="text-align:justify">“ဒါပေမဲ့ ရန်သူက အဲ့ဒီလို တွေးလေလေ၊ ငါတို့က သူတို့အလိုအတိုင်း အဖြစ်မခံလေလေပဲ ဖြစ်ရမယ်” မော်ရင်ညို၏ အသံက လေးနက်နေသည်။</p> <p style="text-align:justify">“ငါ အများကြီး ပြောမနေတော့ဘူး။ ဒုတိယပိုင်းမှာ မင်းတို့ရဲ့ ပြတ်သားမှုနဲ့ အောင်မြင်မှုအပေါ် ငတ်မွတ်နေတဲ့ စိတ်ဓာတ်ကို ငါ မြင်ချင်တယ်...”</p> <p style="text-align:justify">“ဟုတ်ကဲ့ပါ ဆရာ...”</p> <p style="text-align:justify">ချူဖုန်းနှင့် ကစားသမားများအားလုံး စိတ်ဓာတ်များ ပြန်လည် နိုးကြားလာကြသည်။ မော်ရင်ညို၏ လှုံ့ဆော်မှုက သူတို့၏ သွေးသားထဲအထိ စီးဝင်သွားစေလေသည်။</p> <p style="text-align:justify">---</p> <p style="text-align:justify">ဒုတိယပိုင်း ပွဲစပြီး မကြာမီမှာပင် အခြေအနေက တင်းမာလာသည်။ ပွဲချိန် (၅၁) မိနစ်တွင် ပေါ့ဘာက ဖာဘင်ညိုကို နောက်ကနေ တွန်းလှဲလိုက်သဖြင့် အဝါကတ် ပြသခံလိုက်ရသည်။ ဒိုင်လူကြီးသည် ပထမပိုင်းထက်ပင် ပို၍ တင်းကျပ်စွာ ကိုင်တွယ်နေတော့သည်။</p> <p style="text-align:justify">ထို့နောက် ဟာရဲရားကို ဝိုင်နယ်လ်ဒမ်က ပြင်းပြင်းထန်ထန် ဖျက်ထုတ်လိုက်သဖြင့် ဟာရဲရား၏ ခြေကျင်းဝတ်မှာ ဂျွတ်ကနဲ အသံနှင့်အတူ ဖောင်းတက်လာသည်။</p> <p style="text-align:justify">“သောက်ကျိုးနည်း... ဘာလုပ်တာလဲဟ”</p> <p style="text-align:justify">နှစ်သင်းလုံးမှ ကစားသမားများ၊ အရန်ကစားသမားများနှင့် နည်းပြအဖွဲ့ဝင်များပါ ကွင်းထဲသို့ ပြေးဝင်လာကာ အပြန်အလှန် တွန်းထိုး ဆဲဆိုကြတော့သည်။ အခြေအနေမှာ အတော်လေး ရုတ်ရုတ်သဲသဲ ဖြစ်သွားရသည်။</p> <p style="text-align:justify">ဟာရဲရား ဆက်မကစားနိုင်တော့သဖြင့် မော်ရင်ညိုက မက်တော်မီနေးကို လူစားလဲရန် ပြင်လိုက်သည်။</p> <p style="text-align:justify">“စကော့... မင်းဟာ ကမ္ဘာ့အကောင်းဆုံး ကစားသမား မဟုတ်သလို မန်ယူရဲ့ ခေါင်းဆောင်လည်း မဟုတ်သေးဘူး။ ဒါပေမဲ့... မင်းရဲ့ အနိုင်ရချင်တဲ့ စိတ်ဓာတ်က ချူဖုန်းထက် မနိမ့်ဘူးလို့ ငါ အမြဲ ယုံကြည်တယ်... အိုးထရက်ဖို့ဒ်ရဲ့ ဂုဏ်ဆောင် ဖြစ်နိုင်ကြောင်း ကမ္ဘာကို သက်သေပြလိုက်စမ်း”</p> <p style="text-align:justify">မက်တော်မီနေးက အသက်ကို ပြင်းပြင်းရှူကာ ချူဖုန်းကို တစ်ချက်ကြည့်လိုက်သည်။ သူသည် ချူဖုန်းကို အမြဲတမ်း စံပြအဖြစ် ထားခဲ့သူဖြစ်သည်။ </p> <p style="text-align:justify">“စိတ်ချပါ ဆရာ...”</p> <p style="text-align:justify">---</p> <p style="text-align:justify">ပွဲချိန် (၆၅) မိနစ်တွင် ပွဲ၏ အလှည့်အပြောင်း ဖြစ်ပေါ်လာသည်။ ရက်ရှ်ဖို့ဒ်က ဘောလုံးကို ဆွဲပြေးစဉ် မာတစ်က သူ့ကို ဇွတ်အတင်း ဆွဲလှဲပစ်လိုက်သည်။</p> <p style="text-align:justify">‘တီ...’</p> <p style="text-align:justify">ဒိုင်လူကြီးက မဆိုင်းမတွဘဲ အနီကတ် ထုတ်လိုက်သည်။ လီဗာပူးအသင်းသည် (၁၀) ယောက်တည်းသာ ကျန်တော့လေသည်။</p> <p style="text-align:justify">“ကွင်းလယ်ကနေ ကစားကွက် ဖြန့်ဝေမယ်” ချူဖုန်းက အသင်းဖော်များကို အော်ဟစ် ညွှန်ကြားလိုက်သည်။</p> <p style="text-align:justify">မန်ယူအသင်းသည် ရရှိလာသော ပြစ်ဒဏ်ဘောအတွက် အသင့်ပြင်လိုက်ကြသည်။ ဂိုးဧရိယာအတွင်း၌ ချူဖုန်း၊ မက်တော်မီနေး၊ မာတစ်နှင့် မက်ဂွိုင်းယားတို့လို ၁၈၀ စင်တီမီတာအထက် အရပ်ရှည်ရှည် ဗလကောင်းကောင်း အမျိုးသားကြီးများ နေရာယူထားကြသည်။ </p> <p style="text-align:justify">ဒါဟာ မန်ချက်စတာ လေကြောင်းရန်တပ်ဖွဲ့ပင်။</p> <p style="text-align:justify">‘ရွှစ်...’</p> <p style="text-align:justify">ပေါ့ဘာက ဘောလုံးကို ဂိုးဧရိယာထဲသို့ လှပစွာ ပင့်တင်ပေးလိုက်သည်။ ဗန်ဒိုက်က ချူဖုန်းကို အနီးကပ် ကပ်ထားသော်လည်း ချူဖုန်းက ညာဘက်သို့ အယောင်ပြ ပြေးထွက်သွားစဉ် ဘောလုံးက ဘယ်ဘက်ခြမ်းသို့ ရောက်သွားသည်။</p> <p style="text-align:justify">မက်ဂွိုင်းယားက တင့်ကားတစ်စီးလို မီလ်နာကို တိုက်ဖျက်ပြီး ခေါင်းတိုက်ရန် ကြိုးစားသော်လည်း ဘောလုံးက သူ့ဦးခေါင်းထက် အနည်းငယ် မြင့်သွားသည်။ သို့သော် အနောက်မှ နီရဲသော အရိပ်တစ်ခု ဝုန်းခနဲ ပြေးထွက်လာသည်။</p> <p style="text-align:justify">‘ဘုန်း...’</p> <p style="text-align:justify">မက်တော်မီနေး၏ အားပါလှသော ခေါင်းတိုက်ချက်က ဘောလုံးကို ဂိုးပိုက်ထဲသို့ တည့်တည့် စိုက်ဝင်သွားစေသည်။</p> <p style="text-align:justify">“ဂိုး...”</p> <p style="text-align:justify">“ကာရင်တန် လေ့ကျင့်ရေးကွင်းကနေ ထွက်ပေါ်လာတဲ့ လူငယ်လေးက အိုးထရက်ဖို့ဒ်မှာ အလှပဆုံး Comebackကို ဖန်တီးလိုက်ပြီဗျာ” နဗီးလ်က အားရပါးရ ဟိန်းဟောက်လိုက်သည်။</p> <p style="text-align:justify">ထိုစဉ် မက်တော်မီနေးက ဒူးထောက်လျှောတိုက်ကာ အားပါပါ အောင်ပွဲခံလိုက်သည်။ သူ၏ အိပ်မက် ဖြစ်သည့် အစဉ်အလာ ပြိုင်ဘက်ကို ဂိုးသွင်းယူနိုင်ခြင်းက လက်တွေ့ ဖြစ်လာခဲ့လေပြီ။</p> <p style="text-align:justify">“စကော့... မင်း လုပ်နိုင်ခဲ့ပြီ ဒီခံစားချက်ကို မှတ်ထားလိုက်စမ်း” ချူဖုန်းက သူ့သူငယ်ချင်း၏ ပုခုံးကို ပုတ်ကာ ဂုဏ်ပြုလိုက်သည်။</p> <p style="text-align:justify">---</p> <p style="text-align:justify">ပွဲကြည့်စင်ပေါ်တွင် ဆာအဲလက်စ် ဖာဂူဆန်၊ ဒေးဗစ် ဘက်ခမ်းနှင့် ပေါလ်စခိုးလ်တို့ ထိုင်ကြည့်နေကြသည်။</p> <p style="text-align:justify">“တကယ်လို့ ငါတို့ခေတ်တုန်းက တိုက်စစ်မှူးက ချူဖုန်းသာ ဖြစ်ခဲ့ရင် ငါတို့ ချန်ပီယံဆုတွေ အများကြီး ပိုရနိုင်မှာနော်...” ဟု ဘက်ခမ်းက ပြုံးလျက် ပြောလိုက်သည်။ ဖာဂူဆန်ကတော့ ဘာမှပြန်မပြောဘဲ သူ၏ လက်ထဲမှ ရေနွေးဘူးကို ကိုင်ကာ ကျေနပ်စွာ ပြုံးနေလေသည်။</p> <p style="text-align:justify">ပွဲချိန် (၈၃) မိနစ်တွင် မန်ယူက နောက်ထပ် ဂိုးတစ်ဂိုး ထပ်ရလိုက်ပြန်သည်။ လုခ်ရှောက ဘယ်တောင်ပံမှ လှပစွာ ဖြတ်တင်ပေးလိုက်ရာ ချူဖုန်းက ဗန်ဒိုက်ကို ခုန်ကျော်ကာ အားပါပါ ခေါင်းတိုက်သွင်းယူလိုက်ခြင်း ဖြစ်သည်။</p> <p style="text-align:justify">‘ဘုန်း...’</p> <p style="text-align:justify">လီဗာပူး၏ ဂိုးပိုက် နောက်တစ်ကြိမ် လှုပ်ခတ်သွားပြန်သည်။ ဒီဂိုးက လီဗာပူးတို့၏ မျှော်လင့်ချက် အားလုံးကို အပြီးတိုင် သတ်ပစ်လိုက်ခြင်းပင်။ ဗန်ဒိုက်ပင်လျှင် အားပျက်သွားကာ ငိုင်ကျသွားတော့သည်။</p> <p style="text-align:justify">“တီ တီ တီ”</p> <p style="text-align:justify">မကြာမီပင် ပွဲသိမ်းဝီစီသံနှင့်အတူ မန်ချက်စတာ ယူနိုက်တက်အသင်းက လီဗာပူးကို အိုးထရက်ဖို့ဒ်မှာ အနိုင်ယူကာ ချန်ပီယံဆုအတွက် အရေးကြီးသော ခြေလှမ်းတစ်လှမ်းကို လှမ်းလိုက်နိုင်လေပြီ။</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save