Book List

<h2 style="text-align: center;">အခန်း (၅၁၅)</h2> <h2 style="text-align: center;">အံ့သြမှင်တက်သွားသော ယဲ့လင်း</h2> <h2 style="text-align: center;">*</h2> <p style="text-align:justify"> </p> <p style="text-align:justify">မြေဆီလွှာ၏ အရောင်မှာ ပတ်ဝန်းကျင်ရှိ မြေပြင်နှင့် သိသိသာသာ ကွဲပြားခြားနားနေပြီး မင်ရည်ဖြင့် ဆိုးထားသည့်အလား မည်းနက်၍ ထင်ရှားနေသည်။</p> <p style="text-align:justify">"မိုမြက်ခင်းပြင်ပင်လယ်..."</p> <p style="text-align:justify">ထိုမြင်ကွင်းကို မြင်လိုက်သည်နှင့် ဝေ့၏ သတိပေးသံမှာ ဇိုမို၏ နားထဲတွင် ချက်ချင်း ပဲ့တင်ထပ်လာသည်။ </p> <p style="text-align:justify">ဇိုမိုက အံ့အားသင့်စွာဖြင့် ပြန်မေးလိုက်မိသည်။</p> <p style="text-align:justify">"မိုမြက်ခင်းပြင်ပင်လယ် ဟုတ်လား" </p> <p style="text-align:justify">"ငါတို့ ကံကောင်းတယ်လို့ပဲ ပြောရမယ်" </p> <p style="text-align:justify">ဝေ့က အလျင်အမြန်ပင် ရှင်းပြသည်။ </p> <p style="text-align:justify">"ဒီနေရာမှာ မိုမြက်မျိုးစေ့တွေကို ကြဲထားတာ မကြာသေးဘူး။ ကံကောင်းထောက်မစွာနဲ့ပဲ သူတို့က အညှောက်မပေါက်သေးဘူး။ ဒါကြောင့်လည်း ငါတို့ အခုထိ အေးဆေးရှိနေနိုင်တာပေါ့"</p> <p style="text-align:justify">"သူက အဲလောက်တောင် အစွမ်းထက်လို့လား"</p> <p style="text-align:justify">"အစွမ်းထက်တယ်လို့တော့ မဆိုနိုင်ပေမဲ့ သူ့ရဲ့ ပြန့်ပွားမှုနှုန်းကတော့ အံ့မခန်းပဲ။ ရင့်ကျက်သွားတဲ့အခါ အဆိပ်တစ်ခုလိုမျိုး ပတ်ဝန်းကျင်အနှံ့ မြန်မြန် ပျံ့နှံ့သွားတတ်တယ်။ အဆိုးဆုံး မြေဆီလွှာမှာတောင် ရှင်သန်နိုင်စွမ်းရှိတဲ့အပြင် သူ့ရဲ့ အကြောက်ဆုံးစွမ်းရည်ကတော့ ပေါက်ရောက်နေတဲ့ နေရာတစ်ဝိုက်က လင်းစွမ်းအင်အားလုံးကို စုပ်ယူပစ်လိုက်တာပဲ"</p> <p style="text-align:justify">ဇိုမိုတစ်ယောက် အသက်ကို ပြင်းပြင်းရှူသွင်းလိုက်မိသည်။</p> <p style="text-align:justify">ကျင့်ကြံသူများအတွက် လေထုထဲတွင် လင်းစွမ်းအင်မရှိခြင်းမှာ အလွန်ပင် ကြီးမားသော ဘေးအန္တရာယ်တစ်ခု ဖြစ်သည်။ ဆိုလိုသည်မှာ ကျင့်ကြံသူများသည် ခန္ဓာကိုယ်တွင်းရှိ လင်းစွမ်းအင်ကိုသာ အသုံးပြုရတော့မည်ဖြစ်ပြီး ထိုစွမ်းအင်များကို ပြန်လည်ဖြည့်တင်းရန်မှာလည်း လွန်စွာ ခက်ခဲသွားမည်ဖြစ်သည်။ </p> <p style="text-align:justify">အကယ်၍ အထူးနည်းလမ်းများ မရှိပါက ကျောက်စိမ်းများကို အသုံးပြု၍သာ ဖြည့်တင်းနိုင်မည်ဖြစ်သော်လည်း ထိုနည်းလမ်းမှာလည်း အကန့်အသတ်ရှိသည်။ </p> <p style="text-align:justify">လင်းဆေးလုံးများ လင်းအစားအစာများဖြင့် အစားထိုးနိုင်သော်လည်း ၎င်းတို့၏ ကုန်ကျစရိတ်နှင့် ထောက်ပံ့မှုအပိုင်းမှာ တပ်ဖွဲ့တစ်ခုလုံးအတွက် ဝန်ထုပ်ဝန်ပိုးဖြစ်စေမည်မှာ အမှန်ပင်ဖြစ်သည်။</p> <p style="text-align:justify">"ဒါပေမဲ့ အစောင့်တပ်က မိုကျင့်စဉ်တွေကို ကျင့်ကြံတာလေ" </p> <p style="text-align:justify">ဇိုမို ရုတ်တရက် သတိရသွားသည်။</p> <p style="text-align:justify">"အဲဒါကြောင့် ငါတို့ ကံကောင်းတယ်လို့ ပြောတာပေါ့" </p> <p style="text-align:justify">ဝေ့၏ လေသံမှာ အလွန် တည်ငြိမ်နေသည်။ </p> <p style="text-align:justify">"မင်းအနေနဲ့ အစောင့်တပ်အပေါ် ယုံကြည်မှု ပိုရှိသင့်တယ်လို့ ငါ ခံစားရတယ်။ လက်ရှိ အစောင့်တပ်က အတိတ်ကလို လုံးဝ မဟုတ်တော့ဘူး"</p> <p style="text-align:justify">ဇိုမို၏ စိတ်ထဲတွင် ရုတ်တရက် အေးစက်စက် နှာခေါင်းရှုံ့သံတစ်သံ ပေါ်လာသည်။ ထိုအသံမှာ အဆိပ်ပြင်းမြွေတစ်ကောင်၏ အေးစက်သော တွန်သံနှင့်ပင် ဆင်တူနေသည်။</p> <p style="text-align:justify">ပုယောင်ပင် ဖြစ်သည်။</p> <p style="text-align:justify">ဉာဏ်ကောင်းလှသော ပုယောင်မှာ ဝေ့၏ စောင်းမြောင်းစကားကို ကြားရန် သေချာနေသည်။ သို့သော် ဇိုမိုကမူ မကြားချင်ယောင်သာ ဆောင်နေလိုက်သည်။ </p> <p style="text-align:justify">ထိုနှစ်ယောက် သဘောထားကွဲလွဲနေမှသာလျှင် သူ့အနေဖြင့် 'တံငါသည်လုပ်ပြီး ငါးဖမ်း' နိုင်မည်မဟုတ်ပါလော။ အကယ်၍ ထိုနှစ်ယောက် ပူးပေါင်းသွားခဲ့လျှင် သူ၏ အနာဂတ်ကို တွေးကြည့်ရုံနှင့် ဇိုမို တစ်ယောက် စိတ်မောရတော့သည်။</p> <p style="text-align:justify">ကံကောင်းထောက်မစွာ သူသည် ယခုတစ်ကြိမ်တွင် အစောင့်တပ်ကို ခေါ်လာခဲ့သည်။ အကယ်၍သာ ကြက်သွေးရောင်ငှက်တပ်ဖွဲ့ကို ခေါ်လာခဲ့မိပါက သူ အကြီးအကျယ် အကျပ်ရိုက်သွားပေလိမ့်မည်။ </p> <p style="text-align:justify">မိုမြက်ခင်းပြင်ပင်လယ်သည် မိုကျင့်စဉ်ကို ကျင့်ကြံသော အစောင့်တပ်အပေါ်တွင်မူ မည်သို့သော အကျိုးသက်ရောက်မှုမျှ ရှိမည်မဟုတ်ပေ။ ဤအချက်ကို တွေးမိသောအခါမှ ဇိုမိုတစ်ယောက် သက်ပြင်းချနိုင်တော့သည်။</p> <p style="text-align:justify">ရန်သူဘက်မှ အလွန် သတိကြီးပုံရသည်။ မိုမြက်ခင်းပြင်ပင်လယ်ဖြင့် ဖုံးလွှမ်းထားသော နယ်မြေကို ကြည့်ခြင်းအားဖြင့် သူတို့၏ ကြိုတင်ပြင်ဆင်မှုမှာ အံ့ဩစရာပင်။</p> <p style="text-align:justify">"ရန်သူ့အခြေစိုက်စခန်းရဲ့ တည်နေရာကို ခန့်မှန်းလို့ရပြီလား" </p> <p style="text-align:justify">ဇိုမိုက ကူမင်ကုန်းအား မေးလိုက်သည်။</p> <p style="text-align:justify">ကူမင်ကုန်းက ခေါင်းခါပြပြီး ပြန်ဖြေသည်။</p> <p style="text-align:justify">"ဒီမည်းနက်နေတဲ့ မြေဆီလွှာက အလွန်ထူးဆန်းနေတယ်။ ငှက်တစ်ထောင်တံဆိပ် နဲ့ စစ်ဆေးကြည့်တာ ဒီအပေါ်ကို ဖြတ်ပျံလို့တောင် မရဘူး" </p> <p style="text-align:justify">သူ ထင်ထားသည့်အတိုင်းပင်။ </p> <p style="text-align:justify">မိုမြက်ခင်းပြင်ပင်လယ်သည် အပြည့်အဝ ဖွဲ့စည်းမပြီးသေးသော်လည်း လင်းစွမ်းအင်ကို စုပ်ယူနိုင်သော အာနိသင်မှာ စတင် အလုပ်လုပ်နေပြီဖြစ်သည်။ ငှက်တစ်ထောင်တံဆိပ်မှ ငှက်ကလေးများမှာ လင်းစွမ်းအင်ဖြင့် ဖွဲ့စည်းထားသဖြင့် ဤနယ်မြေထဲသို့ ဝင်ရောက်လိုက်သည်နှင့် ဖျက်ဆီးခံရမည်မှာ အမှန်ပင်။</p> <p style="text-align:justify">သို့သော် ရန်သူ့အခြေစိုက်စခန်းမှာ ဤနေရာတွင် ရှိနေမည်မှာ အသေအချာပင်။ ဇိုမို ခေတ္တမျှ စဉ်းစားပြီးနောက် အာဝန်ကို ခေါ်လိုက်သည်။ အာဝန်အား လျှို့ဝှက်စွာ မှာကြားလိုက်ပြီးနောက် အာဝန် ခေါင်းညိတ်လိုက်သည်။ သူ၏ ငှက်မွေးသံချပ်ဝတ်မှာ ပွင့်ကားသွားပြီး 'ဝှစ်' ဟူသော အသံနှင့်အတူ အာဝန်၏ ခန္ဓာကိုယ်မှာ လေထဲတွင် ပျောက်ကွယ်သွားတော့သည်။</p> <p style="text-align:justify">အာဝန်၏ စွမ်းအားမှာ ယခင်ကထက် များစွာ တိုးတက်လာခဲ့သည်။ </p> <p style="text-align:justify">သူသည် ရှုလုံတို့ကဲ့သို့ အဖွဲ့လိုက် လေ့ကျင့်သူမျိုး မဟုတ်ဘဲ တစ်ကိုယ်တော် စစ်သည်တစ်ဦးအဖြစ် လေ့ကျင့်နေသူဖြစ်သည်။ သူ၏ ထူးချွန်သော ပါရမီကြောင့် တိုးတက်မှုနှုန်းမှာ အံ့မခန်း မြန်ဆန်လှသည်။ ပုယောင်နှင့် ဝေ့တို့နှစ်ဦးပင် ရှားရှားပါးပါး သဘောတူညီမှု ရရှိကာ အာဝန်၏ ပါရမီကို ချီးကျူးခဲ့ကြဖူးသည်။</p> <p style="text-align:justify">မကြာမီမှာပင် အာဝန် ပြန်လည်ရောက်ရှိလာသည်။</p> <p style="text-align:justify">ရန်သူ့အခြေစိုက်စခန်း၏ တည်နေရာကို သူ အတိအကျ ရှာဖွေနိုင်ခဲ့သည်။ ဇိုမို ခန့်မှန်းထားသည့်အတိုင်းပင် မိုမြက်မျိုးစေ့များ မရင့်ကျက်သေးသဖြင့် ရန်သူတို့သည် ဤနေရာတွင် စခန်းချခဲ့သည်မှာ ကြာမြင့်ဦးမည်မဟုတ်ပေ။ </p> <p style="text-align:justify">အာဝန်၏ လမ်းပြမှုဖြင့် ဇိုမိုတို့အဖွဲ့သည် ရန်သူ့အခြေစိုက်စခန်းဆီသို့ တိတ်တဆိတ် ချဉ်းကပ်သွားကြသည်။</p> <p style="text-align:justify">…</p> <p style="text-align:justify">အခြားတစ်ဖက်တွင်မူ ယဲ့လင်းသည် စခန်းအတွင်း၌ လှုပ်ရှားနေသည်။ </p> <p style="text-align:justify">သစ်အယ်သီးရောင်ဆံပင် မီးခိုးဖြူရောင်မျက်လုံးများနှင့် မျက်နှာပေါ်ရှိ နက်ရှိုင်းသော အရစ်ကြောင်းများက သူ့အား ပိုမိုရင့်ကျက် တည်ငြိမ်စေသည်။ သူသည် သာမန်မိသားစုမှ ဆင်းသက်လာသူဖြစ်ပြီး မည်သည့်ထူးခြားသည့် သွေးကြောမျိုးရိုးမှ မရှိသလို မိုကျင့်စဉ်ပိုင်းတွင်လည်း ပါရမီထူးချွန်သူ မဟုတ်ပေ။ </p> <p style="text-align:justify">သို့သော်လည်း သူ၏ မဆုတ်မနစ်သော လုံ့လဝီရိယကြောင့်သာ စစ်တပ်အတွင်း၌ နေရာတစ်ခု ရရှိခဲ့ခြင်းဖြစ်သည်။</p> <p style="text-align:justify">သူသည် ထောက်ပံ့ရေးပိုင်းကိုသာ တာဝန်ယူရသူဖြစ်သော်လည်း ထိုရာထူးကပင် သူနှင့် သူ၏မိသားစုအတွက် အလွန်ကောင်းမွန်သော ဘဝကို ပေးစွမ်းနိုင်ခဲ့သည်။ အလုပ်အပေါ် အလွန်တက်ကြွပြီး အမှားအယွင်းမရှိအောင် ဂရုတစိုက် လုပ်ဆောင်တတ်သူဖြစ်၍ ယုံကြည်စိတ်ချရသူအဖြစ် နာမည်ကြီးသည်။ မာနကြီးလှသော ရှီတုန်းပင်လျှင် ယဲ့လင်း၏ အရည်အချင်းကို အသိအမှတ်ပြုကာ တွဲဖက်လုပ်ကိုင်ရန် လိုလိုလားလား ရှိနေခဲ့သည်။</p> <p style="text-align:justify">"အရှင်ရှီတုန်း အခု ဘယ်မှာလဲ" </p> <p style="text-align:justify">ယဲ့လင်းက မေးမြန်းလိုက်သည်။</p> <p style="text-align:justify">"မီးခိုးရောင်တိမ်တိုက် ပင်လယ်တိုက်ပွဲမှာပါ။ နောက်ဆုံးရသတင်းအရ ကျွန်တော်တို့ရဲ့ ကင်းထောက်တွေက ကျင့်ကြံသူ ကင်းထောက်တွေနဲ့ ထိပ်တိုက်တွေ့ခဲ့ပြီး အများစု ဒဏ်ရာရခဲ့ကြတယ်လို့ သိရပါတယ်" </p> <p style="text-align:justify">ဒုတိယတပ်မှူးက အလျင်အမြန် ပြန်ဖြေသည်။</p> <p style="text-align:justify">ယဲ့လင်းမှာ အံ့အားသင့်သွားခြင်း မရှိပေ။ </p> <p style="text-align:justify">"ဒါက ပုံမှန်ပါပဲ။ ကျင့်ကြံသူတွေဆိုတာ အားနည်းတဲ့သူတွေ မဟုတ်ဘူး။ သူတို့ရဲ့ နယ်မြေကို ကျူးကျော်ပြီး လူတွေကို သတ်ဖြတ်နေတာကို ဘာတုံ့ပြန်မှုမှ မလုပ်ဘဲ နေပါ့မလား"</p> <p style="text-align:justify">"အရှင် ပြောတာ မှန်ပါတယ်"</p> <p style="text-align:justify">"တခြားသူတွေ ငါတို့ကို ခြုံခိုတိုက်ခိုက်လာမှာကို သတိထားဖို့လိုတယ်" </p> <p style="text-align:justify">ယဲ့လင်း၏ မျက်နှာအမူအရာမှာ ပိုမိုလေးနက်သွားသည်။ </p> <p style="text-align:justify">"တပ်ဖွဲ့တွေကို အမြင့်ဆုံး သတိပေးချက် ထုတ်ထားလိုက်။ ကျင့်ကြံသူတွေထဲမှာလည်း ဉာဏ်ကောင်းတဲ့သူတွေ ရှိတယ်... ဒီလို ပြန့်ပြူးနေတဲ့ မြေပြင်ပေါ်မှာ ငါတို့ ခလုတ်တိုက် လဲကျသွားလို့ မဖြစ်ဘူး"</p> <p style="text-align:justify">"ဟုတ်ကဲ့ပါ အရှင်" </p> <p style="text-align:justify">ဒုတိယတပ်မှူးက အမိန့်ကို လက်ခံကာ အလျင်အမြန် ထွက်ခွာသွားသည်။</p> <p style="text-align:justify">သို့သော် ရုတ်တရက်ဆိုသလို ယဲ့လင်း၏ နားစည်ကိုပင် ကွဲထွက်သွားမတတ် ဟိန်းဟောက်သံကြီးတစ်ခု စခန်းတစ်ခုလုံးအား ဖုံးလွှမ်းသွားသည်။ </p> <p style="text-align:justify">သူနှင့် ဒုတိယတပ်မှူးတို့၏ မျက်နှာအမူအရာများမှာ ချက်ချင်းပင် ပျက်ယွင်းသွားတော့သည်။</p> <p style="text-align:justify">တစ်စုံတစ်ယောက်က သူတို့၏ အခြေစိုက်စခန်းကို ခြုံခိုတိုက်ခိုက်လိုက်ပြီဖြစ်သည်။</p> <p style="text-align:justify">…</p> <p style="text-align:justify">ဇိုမို၏ မျက်နှာမှာ တစ်ခဏချင်းပင် ပျက်ယွင်းသွားသည်။ သူတို့သည် ရန်သူ့အခြေစိုက်စခန်း၏ အနီးကပ်ဆုံးအထိ တိတ်တဆိတ် ချဉ်းကပ်နိုင်ခဲ့သည်။ ဤအခွင့်အရေးကို အသုံးချ၍ ခြုံခိုမတိုက်ခိုက်ပါက သူတို့အဖို့ နောင်တရစရာ ဖြစ်လာပေလိမ့်မည်။</p> <p style="text-align:justify">သို့သော်လည်း ရန်သူ့ဘက်မှ နိုးကြားမှုမှာ သူခန့်မှန်းထားသည်ထက် များစွာ ပိုမိုမြင့်မားနေခဲ့သည်။ </p> <p style="text-align:justify">ကင်းထောက်အဖွဲ့များကို သူတို့ ရှောင်ရှားနိုင်ခဲ့သော်လည်း ရန်သူ၏ ကာကွယ်ရေးစနစ်မှာ အလွန်စေ့စပ်သေချာလွန်းသဖြင့် အချိန်မီ ရှာဖွေတွေ့ရှိခြင်း ခံလိုက်ရသည်။ ဤအခြေအနေကို ဖြစ်ပေါ်စေခဲ့သည့် တရားခံမှာ မြေကြီးထဲတွင် ပုန်းကွယ်နေသော လက်မအရွယ် အင်းဆက်တစ်ကောင် ဖြစ်နေမည်ဟု သူ လုံးဝမထင်ထားခဲ့ပေ။</p> <p style="text-align:justify">သူတို့၏ ခြေအောက်ရှိ မြေဆီလွှာအနက်များအတွင်း တစ်စုံတစ်ရာ လှုပ်ရှားနေပြီး ဇိုမိုတို့အဖွဲ့ဆီသို့ အရှိန်အဟုန်ဖြင့် ဦးတည်လာနေသည်။</p> <p style="text-align:justify">ဇိုမို ပထမဆုံး တုံ့ပြန်လိုက်သည်။ သူ့မျက်နှာပေါ်မှ အမူအရာများ ပြောင်းလဲသွားပြီး အမိန့်ပေးလိုက်သည်။</p> <p style="text-align:justify">"ကျွတ်နက်... ကာကွယ်ရေးလိုင်း" </p> <p style="text-align:justify">အစောင့်တပ်ဖွဲ့ဝင်များမှာ မျက်စိတစ်မှိတ်အတွင်း တိုက်ပွဲဝင်အစီအရင်ကို ဖွဲ့စည်းပြီးစီးသွားသည်။</p> <p style="text-align:justify">သူ့အနောက်ဘက်မှ ကြီးမားလှသော စွမ်းအားများ စီးဝင်လာသည်။ ဇိုမို၏ ရင်ထဲတွင်ရှိနေသော အံ့အားသင့်မှုနှင့် စိုးရိမ်စိတ်တို့မှာ ပူပြင်းသည့်နေ့တွင် နှင်းများ အရည်ပျော်ကျသွားသကဲ့သို့ လျင်မြန်စွာ ကွယ်ပျောက်သွားသည်။ မဟာနေမင်း မိုခန္ဓာ၏ စွမ်းအားများလည်း နိုးထလာသည်။</p> <p style="text-align:justify">"ရှောင်မိုကော... သတ်ကွက်အသေးစား"</p> <p style="text-align:justify">ထူထပ်သော မီးခိုးနက်များက ဇိုမို၏ လက်ဝါးတစ်ဖက်ကို ဖုံးလွှမ်းသွားသည်။ သူသည် လက်ကို မြှောက်လိုက်ပြီး မိမိတို့ဆီသို့ ဦးတည်လာနေသော ကျွတ်နက်ရေစီးကြောင်းကြီးဆီသို့ ပြင်းထန်စွာ ရိုက်ချလိုက်သည်။ လက်ဝါးပုံစံ အရိပ်မည်းကြီးတစ်ခုမှာ သူ၏လက်ထဲမှ ထွက်ပေါ်လာပြီး ရှေ့သို့ တိုးဝင်သွားသည်။</p> <p style="text-align:justify">"ဝုန်း"</p> <p style="text-align:justify">ကျွတ်နက်ရေစီးကြောင်းကြီးမှာ နံရံတစ်ခုကို ဝင်တိုက်မိသကဲ့သို့ ဖြစ်သွားပြီး ပိုမိုသေးငယ်သော ရေစီးကြောင်းများစွာအဖြစ် ကွဲထွက်သွားသည်။ </p> <p style="text-align:justify">ထိုရေစီးကြောင်းအနက်လေးများမှာ လေထဲတွင် ထူးဆန်းစွာ လမ်းကြောင်းပြောင်းသွားပြီး ဇိုမိုတို့အဖွဲ့ဆီသို့ မြှားနက်များအလား ပြန်လည် ထိုးစိုက်လာကြသည်။</p> <p style="text-align:justify">သာမန်ကျင့်ကြံသူတစ်ဦးသာဆိုလျှင် ဤသို့ ရုတ်တရက် အခြေအနေ ပြောင်းလဲသွားခြင်းကြောင့် ထိတ်လန့်သွားပေလိမ့်မည်။ သို့သော် ဇိုမိုတို့အဖွဲ့မှာ 'သွေးကောင်းကင်နယ်မြေ' တွင် ကျွတ်နက်ကာကွယ်ရေးလိုင်း၏ စွမ်းအားကို မြင်ဖူးထားသူများ ဖြစ်ကြသည့်အတွက် ဤကျွတ်နက်များကို ဖျက်ဆီးရန် ခက်ခဲမည်ကို ကြိုတင်မျှော်လင့်ထားပြီးဖြစ်သည်။</p> <p style="text-align:justify">မဟာအစီအရင်၏ အရှေ့ဆုံးတွင် ရပ်နေသော ဇိုမိုမှာမူ အထိတ်တလန့် မရှိပေ။ သူသည် ထူးခြားသော ခံစားမှုတစ်ခုထဲသို့ နစ်မြုပ်သွားသည်။ သူ၏ ခန္ဓာကိုယ်မှ ပြန့်ထွက်နေသော မမြင်နိုင်သည့် ကြိုးမျှင်များစွာက ဒုက္ခခံအစောင့်တပ်သား တစ်ဦးစီတိုင်းနှင့် ချိတ်ဆက်နေပြီး ထိုတပ်သားများ တစ်ဦးနှင့်တစ်ဦးလည်း ထိုသို့သော ကြိုးမျှင်ပေါင်း ဒါဇင်နှင့်ချီ၍ ချိတ်ဆက်နေသည်ကို သူ သိရှိနေသကဲ့သို့ ခံစားလိုက်ရသည်။</p> <p style="text-align:justify">ထိုမမြင်နိုင်သော ကြိုးမျှင်များသည် လူတိုင်းကို တစ်ဦးနှင့်တစ်ဦး ချိတ်ဆက်ထားသည်။ ထိုမျှင်များမှတစ်ဆင့် စွမ်းအားများက စီးဆင်းလာပြီး ချိတ်ဆက်မှု အလွှာပေါင်းများစွာကို ဖြတ်သန်းကာ ဇိုမို၏ ခန္ဓာကိုယ်ထံသို့ စုစည်းရောက်ရှိလာသည်။</p> <p style="text-align:justify">ဇိုမို၏ ခန္ဓာကိုယ်ကို စွမ်းအားများက တင်းကျပ်စွာ ရစ်ပတ်ထားသည်။ ထိုစွမ်းအားများ၏ ချဲ့ကားမှုအောက်တွင် သူ၏ လှုပ်ရှားမှုတိုင်းသည် တောင်ကြီးတစ်လုံး၏ အလေးချိန်ကို သယ်ဆောင်ထားသကဲ့သို့ အားမာန်အပြည့် ရှိနေသည်။ 'မဟာနေမင်း မိုခန္ဓာ' သည် အထွတ်အထိပ်သို့ ရောက်ရှိနေပြီး သူ၏ ခန္ဓာကိုယ်ရှိ ဆဲလ်တိုင်းက အောင်ပွဲခံ အော်ဟစ်နေကြသည်။</p> <p style="text-align:justify">ဇိုမိုသည် မည်သို့မျှ တွန့်ဆုတ်မနေတော့ဘဲ သူ၏ လက်ချောင်းများကို ဖြန့်ကားကာ လေဟာနယ်ထဲရှိ ကျွတ်နက်ရေစီးကြောင်းများဆီသို့ လှမ်း၍ ဖမ်းဆုပ်လိုက်သည်။</p> <p style="text-align:justify">"ဖြောင်း"</p> <p style="text-align:justify">လေထဲတွင် ရှိနေသော ကျွတ်နက်များမှာ ရုတ်တရက် ပေါက်ကွဲထွက်သွားပြီး မီးခိုးနက်များအဖြစ် အသွင်ပြောင်းကာ ပြန့်လွင့်သွားသည်။ ဇိုမိုက သူ၏ လက်ကို ဝှေ့ယမ်းလိုက်ရာ မီးခိုးများမှာ လေထဲတွင် ချက်ချင်း လွင့်စင် ပျောက်ကွယ်သွားသည်။</p> <p style="text-align:justify">သို့သော် သူ၏ ရှေ့တည့်တည့်၌ စနစ်တကျ နေရာယူထားသော ရန်သူ့တပ်ဖွဲ့ကို မြင်လိုက်ရသည့်အခါ ဇိုမို၏ မျက်နှာအမူအရာမှာ ချက်ချင်းပင် လေးနက်သွားသည်။ ဤသည်မှာ ယာယီအခြေစိုက်စခန်းတစ်ခုသာ ဖြစ်သော်လည်း ရန်သူတို့သည် 'ကျွတ်နက်ကာကွယ်ရေးလိုင်း' ကိုပင် တပ်ဆင်ထားနိုင်သေးသည်။ ထိုအချက်ကပင် ရန်သူ၏ ကြိုတင်ပြင်ဆင်မှုနှင့် သတိကြီးမှုတို့ကို ဖော်ပြနေသဖြင့် ဇိုမိုအဖို့ သတိထားရမည့် ကိစ္စရပ်တစ်ခု ဖြစ်လာသည်။</p> <p style="text-align:justify">ကျွတ်နက်ကာကွယ်ရေးလိုင်းသည် ရန်သူတို့အတွက် အချိန်အများကြီး မဝယ်ယူပေးနိုင်ခဲ့သော်လည်း ထိုတိုတောင်းလှသော အချိန်လေးအတွင်းမှာပင် တစ်ဖက်ရန်သူမှာ တိုက်ပွဲဝင်ရန် အသင့်အနေအထားဖြစ်အောင် ပြင်ဆင်ပြီးသွားခဲ့ပြီဖြစ်သည်။ သူတို့၏ စနစ်တကျရှိမှုနှင့် လေ့ကျင့်မှုအဆင့်အတန်းက ရန်သူကို အထင်သေး၍မရကြောင်း ဇိုမိုအား သတိပေးနေသည်။</p> <p style="text-align:justify">အခြားတစ်ဖက်တွင်မူ ယဲ့လင်းသည် အလွန်ပင် တည်ငြိမ်နေဟန်ရှိသည်။ သူ၏ မျက်ဝန်းများမှာ လေးနက်တည်ကြည်နေပြီး မည်သည့်ထိတ်လန့်မှုကိုမျှ မပြသသဖြင့် သူ၏ လက်အောက်ငယ်သားများမှာ အလွန်ပင် ရဲရင့် ယုံကြည်မှု ရှိနေကြသည်။</p> <p style="text-align:justify">သို့သော် ထိုတည်ငြိမ်မှု၏ အောက်တွင် ယဲ့လင်း၏ စိတ်ထဲ၌မူ ကမောက်ကမ ဖြစ်နေလေပြီ။</p> <p style="text-align:justify">သူ၏ အကြည့်တို့သည် ရန်သူ့အစီအရင်၏ အရှေ့ဆုံးတွင် ရပ်နေသည့် ထိုလူငယ်လေးဆီသို့ စူးစိုက်ရောက်ရှိနေသည်။ </p> <p style="text-align:justify">ကျွတ်နက်ကာကွယ်ရေးလိုင်းအား ဇိုမို အနိုင်ယူသွားခဲ့သည့် လုပ်ငန်းစဉ်တစ်ခုလုံးကို သူ မြင်တွေ့ခဲ့ရသည်။ ထိုလူငယ်သည် ကျွတ်နက်ကာကွယ်ရေးလိုင်းအား အလွန်ပင် ရင်းနှီးကျွမ်းဝင်နေပြီး ယုံကြည်မှု အပြည့်ဖြင့် အနိုင်ယူသွားပုံမှာ အံ့ဩစရာပင်။ </p> <p style="text-align:justify">သူကိုယ်တိုင် တပ်ဆင်ထားခဲ့သော ထိုကာကွယ်ရေးလိုင်းမှာ ပါးလွှာကြောင်း သူသိသော်လည်း ရန်သူက ဤမျှ လွယ်ကူမြန်ဆန်စွာ အနိုင်ယူသွားလိမ့်မည်ဟု ယဲ့လင်း လုံးဝမမျှော်လင့်ထားခဲ့ပေ။</p> <p style="text-align:justify">ရန်သူသည် 'မိုမြက်ခင်းပြင်ပင်လယ်' ၏ သက်ရောက်မှုကို လုံးဝခံစားနေရပုံ မပေါက်ခြင်းမှာ ယဲ့လင်းကို အကြီးအကျယ် တုန်လှုပ်သွားစေသည်။ မိုမြက်ခင်းပင်လယ်မှာ အပြည့်အဝ မဖွဲ့စည်းရသေးသော်လည်း လင်းစွမ်းအင်ကို စုပ်ယူဖျက်ဆီးနိုင်သည့် ၎င်း၏အာနိသင်မှာ စတင်ထွက်ပေါ်နေပြီဖြစ်သည်။ </p> <p style="text-align:justify">ကျင့်ကြံသူများသာဆိုလျှင် ဤနယ်မြေအတွင်း ရောက်ရှိသည်နှင့် တစ်စုံတစ်ခုသော ဖိအားကို ခံစားရမည်မှာ သေချာသည်။ သို့သော် ရန်သူဘက်မှ မည်သည့်တုံ့ပြန်မှုမျှ မရှိသည့်အပြင် ဇိုမို၏ နောက်ကွယ်ရှိ အစောင့်တပ်သားများမှာလည်း ပုံမှန်အတိုင်းပင် တည်ငြိမ်နေကြသည်။</p> <p style="text-align:justify">ပို၍ထူးဆန်းသည်မှာ သူတို့၏ တိုက်ပွဲဝင်အစီအရင် ပုံသဏ္ဌာန်ပင် ဖြစ်သည်။ ယဲ့လင်း စေ့စေ့ကြည့်လိုက်သောအခါ ရင်းနှီးကျွမ်းဝင်နေသည့် ခံစားချက်တစ်ခု ရလာသည်။ </p> <p style="text-align:justify">"ဒါ... ဒါက ငါတို့ မိုတွေရဲ့ ကျီးနက်တစ္ဆေ သတ်ကွင်းအစီအရင် မဟုတ်လား"</p> <p style="text-align:justify">ကျီးနက်တစ္ဆေ သတ်ကွင်းအစီအရင်ဆိုသည်မှာ သာမန်စစ်တပ်များ လေ့ကျင့်နိုင်သည့်အရာ မဟုတ်ပေ။ အင်အားကြီးမားသော စစ်တပ်များသာ အသုံးပြုနိုင်သည့် ရက်စက်ကြမ်းကြုတ်သော အစီအရင်တစ်ခုဖြစ်သည်။ ယခုမူ မိုတို့၏ ကျွတ်နက်ကာကွယ်ရေးလိုင်းကို အနိုင်ယူရန်အတွက် မိုတို့၏ အစီအရင်ကိုပင် ပြန်လည်အသုံးပြုနေသော ကျင့်ကြံသူအုပ်စုကို မြင်လိုက်ရသည့်အခါ ယဲ့လင်းတစ်ယောက် အံ့အားသင့်လွန်း၍ စကားပင် ဆွံ့အသွားတော့သည်။</p> <p style="text-align:justify">'ဘုရားရေ... အစစ်အမှန် မိုတွေက ဘယ်သူတွေလဲ' ဟု သူ တွေးလိုက်မိသည်။</p> <p style="text-align:justify">ဇိုမိုမှာမူ ဤအခွင့်အရေးကို အသုံးချကာ ရန်သူကို အကဲခတ်နေသည်။ သူ ဝေ့အား လျှို့ဝှက်စွာ မေးမြန်းလိုက်သည်။ </p> <p style="text-align:justify">"သူတို့ ဘယ်လိုတိုက်ပွဲအစီအရင်ကို သုံးနေတာလဲ"</p> <p style="text-align:justify">ဝေ့၏ မျက်ခုံးများ တွန့်ချိုးသွားသည်။ </p> <p style="text-align:justify">"ငါ မမှတ်မိဘူး။ ကြည့်ရတာ ငါတို့ အကျဉ်းချခံရပြီးနောက်ပိုင်း ပေါ်လာတဲ့ အစီအရင်သစ် ဖြစ်မယ်"</p> <p style="text-align:justify">ဝေ့သည် ဇိုမိုအား အောင်ပွဲခံစေရန် စိတ်အားထက်သန်နေသည်။ ပုယောင်နှင့် ယှဉ်ပြိုင်လိုစိတ် ပြင်းပြနေသော ဝေ့၏ မျက်နှာပေါ်တွင် နွေးထွေးတောက်ပသော အပြုံးတစ်ခု ပေါ်လာပြီး သန့်ရှင်းမြင့်မြတ်သော ဟန်ပန်ဖြင့် ပြောလိုက်သည်။ </p> <p style="text-align:justify">"မပူပါနဲ့။ ငါသင်ပေးထားတဲ့ ကျီးနက်တစ္ဆေ သတ်ကွင်းအစီအရင် နဲ့ မင်းရဲ့ မဟာနေမင်း မိုခန္ဓာ ရှိနေမှတော့ သူတို့ကို အပြတ်ရှင်းလို့ ရပါတယ်"</p> <p style="text-align:justify">ဝေ့၏ စိတ်ထဲတွင်မူ ပုယောင်အား ကျိတ်၍ လှောင်ပြောင်နေသည်။ </p> <p style="text-align:justify">“ဇိုမိုကို ဒီလိုအစီအရင်တွေ သင်ပေးခဲ့တာ ငါ ဝေ့ပဲလေ။ ပုပုလေးရေ... မင်းရဲ့ အစီအရင်တွေထက် ငါ့ရဲ့အလင်းရောင်က ပိုပြီး တောက်ပ လောင်ကျွမ်းစေမှာပါ” ဟု တွေးကာ သူ၏အပြုံးမှာ ပို၍ နွေးထွေးလာသည်။</p> <p style="text-align:justify">…</p> <p style="text-align:justify">တစ်ဖက်တွင် လက်ဆယ်ချောင်းထောင်ထဲ၌ ပုယောင် ရုတ်တရက် ခေါင်းမော့လာသည်။ သူ၏ သွေးရောင်လွှမ်းသော မျက်လုံးများထဲတွင် သွေးပင်လယ်ကြီး ဟိန်းဟောက်နေသကဲ့သို့ ရှိသည်။ နန်ယွဲ့နှင့် အခြားသူတို့မှာ ကြောက်လန့်တကြား တုန်ယင်သွားကြသည်။</p> <p style="text-align:justify">ခေတ္တမျှ ကြာပြီးနောက် ပုယောင်၏ အေးစက်စက် အသံသည် သွားကြားထဲမှ ညှစ်ထုတ်လိုက်သကဲ့သို့ ထွက်ပေါ်လာသည်။</p> <p style="text-align:justify">"တစ်လ... တကယ်လို့ တစ်လအတွင်း မင်းတို့ ဒါကို မအောင်မြင်ဘူးဆိုရင် မင်းတို့ကို စောင့်နေတဲ့ နေရာကောင်းတစ်ခု ရှိတယ်"</p> <p style="text-align:justify">ထိုစကားကြောင့် နန်ယွဲ့တို့၏ ဦးရေပြားများ ထုံကျဉ်သွားကာ အသက်လု၍ ထွက်ပြေးကြတော့သည်။</p> <p style="text-align:justify"> </p> <p style="text-align: center;">***</p>


Save