Book List

<h2 style="text-align: center;">အခန်း (၅၁၇)</h2> <h2 style="text-align: center;">ဘယ်သူက အစစ်အမှန် မိုတွေလဲ</h2> <h2 style="text-align: center;">*</h2> <p style="text-align:justify"> </p> <p style="text-align:justify">ယဲ့လင်း၏ အဓိကတာဝန်မှာ ထောက်ပံ့ရေးအရာရှိဖြစ်သော်လည်း မိုစစ်တပ်အတွင်းရှိ မည်သူမဆို တိုက်ပွဲဝင် ဗီဇကို ပိုင်ဆိုင်ထားကြရသည်။ </p> <p style="text-align:justify">မိုတို့၏ လောကတွင် ခွန်အားသည်သာ အရာရာဖြစ်ပြီး အဆင့်အတန်း ချမ်းသာကြွယ်ဝမှုနှင့် မျိုးနွယ်စု၏ မျှော်လင့်ချက်များအားလုံးကို သွေးထွက်သံယို တိုက်ပွဲများမှတစ်ဆင့်သာ ရယူနိုင်ကြသည်။ </p> <p style="text-align:justify">ယဲ့လင်းသည် နှစ်ပေါင်းများစွာ တိုက်ပွဲဝင်ခြင်းနှင့် ဝေးကွာနေခဲ့သော်လည်း သူ၏ သွေးကြောထဲတွင် စီးဆင်းနေသော တိုက်ပွဲဝင် ဗီဇမှာ ပျောက်ကွယ်သွားခြင်းမရှိချေ။</p> <p style="text-align:justify">တိုက်ပွဲအစီအရင်၏ အလယ်ဗဟိုမှနေ၍ ကွပ်ကဲနေသော ယဲ့လင်း၏ ပုံစံသည် ဇိုမိုနှင့် အလွန်ပင် ကွဲပြားနေသည်။ </p> <p style="text-align:justify">မိုတို့၏ ရိုးရာတိုက်ခိုက်ရေး ဗိုလ်ချုပ်များသည် များသောအားဖြင့် တိုက်ပွဲအစီအရင်၏ ရှေ့ဆုံးမှနေ၍ ဓားသွားအလား ဦးဆောင်လေ့ရှိကြသည်။ ထိုသို့ပြုလုပ်ခြင်းက တပ်ဖွဲ့တစ်ခုလုံး၏ စွမ်းအားကို အရှေ့သို့ စုစည်းနိုင်စေပြီး အပြင်းထန်ဆုံး တိုက်ခိုက်မှုကို ဖြစ်ပေါ်စေသည်။ သို့သော် ဇိုမိုမှာမူ အစီအရင်၏ ဗဟိုချက်တွင်သာ တည်ရှိနေသည်။</p> <p style="text-align:justify">ဇိုမို၏ နေရာယူပုံသည် မိုတို့ထက် ကျင့်ကြံသူများ၏ ပုံစံနှင့် ပို၍ ဆင်တူနေသည်။ ဤအချက်က ယဲ့လင်းအား အံ့အားသင့်စေသကဲ့သို့ ယုတ္တိမရှိဟုလည်း ထင်မိစေသည်။</p> <p style="text-align:justify">"ဒီနေရာမှာ တကယ်တမ်း ဘယ်သူက အစစ်အမှန် မိုတွေလဲ..."</p> <p style="text-align:justify">ထိုအချက်က သူ့စိတ်ထဲတွင် ခဏတာ ဖြတ်ပြေးသွားသော်လည်း သူ အလျင်အမြန်ပင် အာရုံပြန်စုစည်းလိုက်သည်။ </p> <p style="text-align:justify">ပတ်ဝန်းကျင်ရှိ စွမ်းအားကြိုးမျှင်များမှာ သူ့ထံသို့ တုံ့ပြန်စီးဝင်လာပြီး သူ့ပတ်ဝန်းကျင်ရှိ အရာအားလုံးမှာ ယခင်ကထက် ပိုမိုရှင်းလင်းလာသည်။ ထိုကြီးမားသော ခွန်အား စီးဆင်းမှုကို ခံစားလိုက်ရသည့်အခါ ယဲ့လင်း၏ မျက်ဝန်းများမှာ မှိုင်းညို့သော အနက်ရောင်အဖြစ် ပြောင်းလဲသွားသည်။</p> <p style="text-align:justify">နှစ်ပေါင်းများစွာ အေးခဲနေခဲ့သော သူ၏ တိုက်ပွဲဝင်လိုစိတ်များမှာ မီးတောက်တစ်ခုအလား ပြန်လည်နိုးထလာသည်။ သူသည် အတိတ်က ငယ်ရွယ်စဉ်ကာလများတွင် ခံစားခဲ့ရဖူးသော စိတ်လှုပ်ရှားမှုများကို ပြန်လည်ရရှိလိုက်သည်။ သူ့အဖို့ ဤတိုက်ပွဲသည် တာဝန်တစ်ခုထက် ကျော်လွန်၍ သူ၏ တိုက်ပွဲဝင်ဗီဇကို စမ်းသပ်မည့် အခွင့်အရေးတစ်ခု ဖြစ်လာတော့သည်။</p> <p style="text-align:justify">ယဲ့လင်း၏ ပုံရိပ်သည် မြူခိုးလုံးကြီးတစ်ခုအလား လေထဲတွင် ဝိုးတိုးဝါးတား ဖြစ်သွားပြီးနောက် ချက်ချင်းပင် ပျောက်ကွယ်သွားတော့သည်။ </p> <p style="text-align:justify">တစ်ချိန်တည်းမှာပင် သူ့ လက်အောက်ရှိ မိုစစ်သည်များ၏ မျက်ဝန်းများမှာ လတ်ဆတ်သော သွေးစက်များဖြင့် ဆိုးထားသကဲ့သို့ နီရဲတောက်လောင်လာကြသည်။ တိတ်ဆိတ်မှုကြားမှပင် သတ်ဖြတ်လိုသော အငွေ့အသက်များမှာ လေထုထဲသို့ ကြီးမားသော ဖိအားတစ်ခုအဖြစ် ရိုက်ခတ်လာသည်။</p> <p style="text-align:justify">"မြူခိုးလက်ဝါး ပင်လယ်"</p> <p style="text-align:justify">ဝေ့၏ မျက်နှာပေါ်ရှိ အမြဲ ပြုံးရွှင်နေတတ်သော အမူအရာမှာ ရုတ်တရက် အေးခဲသွားပြီး အံ့အားသင့်သည့် အရိပ်အယောင်များ ပေါ်လာသည်။</p> <p style="text-align:justify">"အဲဒါ ဘာလဲ..."</p> <p style="text-align:justify">ဇိုမိုမှာ ပေါ့ဆနေ၍ မဖြစ်တော့ကြောင်း ရိပ်မိလိုက်သည်။ </p> <p style="text-align:justify">မျက်စိတစ်မှိတ်အတွင်းမှာပင် ရန်သူ့တပ်ဖွဲ့မှာ ဖောင်းကားကြီးမားလာပြီး ထွက်ပေါ်လာသော သတ်ဖြတ်လိုစိတ်များကြောင့် ဇိုမို၏ ရင်ဘတ်ထဲတွင် ဖိစီးမှုတစ်ခုကို ခံစားလိုက်ရသည်။</p> <p style="text-align:justify">ထိုအချိန်တွင် ပုယောင်၏ အသံမှာ ဇိုမို၏ အသိစိတ်ပင်လယ်ထဲ၌ ပဲ့တင်ထပ်လာသည်။ သူ၏ လေသံထဲတွင် စိတ်လှုပ်ရှားမှုနှင့်အတူ သူတစ်ပါး ဒုက္ခရောက်သည်ကို သဘောကျနေသည့် အရိပ်အယောင်များ ပါဝင်နေသည်။</p> <p style="text-align:justify">"အရမ်း စိတ်ဝင်စားဖို့ကောင်းတဲ့ မိုကျင့်စဉ်တစ်ခုပဲ။ အတိတ်တုန်းက ငါနဲ့ ဝေ့လေး ဒါမျိုး ကြုံဖူးတယ်။ အဲဒီအချိန်တွေကို ငါ တကယ် သတိရမိတာပဲ..."</p> <p style="text-align:justify">ပုယောင်က အတိတ်ကို လွမ်းဆွတ်နေသည့်ပုံစံဖြင့် အသံရှည်ဆွဲ ပြောလိုက်သည်။ ဝေ့၏ အပြုံးမှာမူ ပိုမို အသက်မဲ့လာပြီး မျက်နှာအမူအရာမှာ တင်းမာသွားသည်။ ဇိုမို၏ ရင်ထဲတွင် နိမိတ်မကောင်းသည့် ခံစားချက်များမှာ ပိုမိုကြီးထွားလာသည်။</p> <p style="text-align:justify">"အရမ်း အစွမ်းထက်လို့လား..." </p> <p style="text-align:justify">ဇိုမိုက စိုးရိမ်တကြီး မေးလိုက်သည်။</p> <p style="text-align:justify">ပုယောင်က နှုတ်ခမ်းထောင့်ကို ကွေးညွတ်ကာ ခေါင်းခါပြလိုက်သည်။ </p> <p style="text-align:justify">"အစွမ်းထက်တာတော့ မဟုတ်ဘူး... ဒါပေမဲ့ အရမ်းကို စိတ်ဝင်စားဖို့ ကောင်းတယ် ဟားဟား"</p> <p style="text-align:justify">ပုယောင်၏ ဓားသွားများကဲ့သို့ ချွန်ထက်ပြီး ရူးသွပ်နေသည့် ရယ်သံကြီးမှာ ဇိုမို၏ အသိစိတ်ပင်လယ်ထဲတွင် ပဲ့တင်ထပ်သွားသည်။ </p> <p style="text-align:justify">ဇိုမိုသည် သူတို့ ရင်ဆိုင်နေရသော ရန်သူမှာ မည်မျှ ကြောက်မက်ဖွယ်ကောင်းကြောင်း ရိပ်မိလိုက်သည်။</p> <p style="text-align:justify">...</p> <p style="text-align:justify">အခြားတစ်ဖက်တွင်လည်း ရှီတုန်း၏ တပ်စခန်း၌ စိုးရိမ်ပူပန်မှုများ ရှိနေသည်။</p> <p style="text-align:justify">"အရှင်ယဲ့လင်းရဲ့ အခြေအနေ ဘယ်လိုနေမလဲ မသိဘူး။ တစ်ဖက်ရန်သူက အရှင်ယဲ့လင်းကို ပစ်မှတ်ထားပြီး လောင်းကြေးထပ်တာဆိုတော့ သူတို့လွှတ်လိုက်တဲ့ တပ်ဖွဲ့က သေချာပေါက် အားကောင်းမှာပဲ..." </p> <p style="text-align:justify">ဒုတိယတပ်မှူး၏ စိုးရိမ်တကြီး ညည်းညူသံမှာ ရှီတုန်း၏ သည်းခံနိုင်စွမ်းကို ကုန်ဆုံးသွားစေသည်။</p> <p style="text-align:justify">"ယဲ့လင်းအတွက် မင်း စိုးရိမ်ပေးစရာ မလိုဘူး"</p> <p style="text-align:justify">ရှီတုန်းက စိတ်မရှည်စွာဖြင့် ဖြတ်ပြောလိုက်သည်။</p> <p style="text-align:justify">"ဒါပေမဲ့..."</p> <p style="text-align:justify">ဒုတိယတပ်မှူး၏ မျက်နှာပေါ်တွင် ပေါ်လွင်နေသော စိုးရိမ်မှုများကို ကြည့်ကာ ရှီတုန်း အချိန်အတော်ကြာ တိတ်ဆိတ်နေပြီးမှ သက်ပြင်းတစ်ချက်ချ၍ စကားစလိုက်သည်။</p> <p style="text-align:justify">"ယဲ့လင်းကို အထင်မသေးနဲ့။ သူကျင့်ကြံထားတာက မြူခိုးလက်ဝါး ပင်လယ်ပဲ"</p> <p style="text-align:justify">"အာ..."</p> <p style="text-align:justify">ဒုတိယတပ်မှူးမှာ အံ့အားသင့်လွန်းသဖြင့် ပါးစပ်ပင် ဟောင်းလောင်းပွင့်သွားသည်။ မြူခိုးလက်ဝါး ပင်လယ်ဟူသည် မည်မျှ ကြောက်မက်ဖွယ်ကောင်းပြီး ရှားပါးသည့် ကျင့်စဉ်ဖြစ်ကြောင်း သူကောင်းကောင်းသိသည်။ </p> <p style="text-align:justify">ထောက်ပံ့ရေးအရာရှိတစ်ဦးသာ ဖြစ်သည့် ယဲ့လင်းသည် ဤမျှမြင့်မားသော ကျင့်စဉ်ကို ပိုင်ဆိုင်ထားလိမ့်မည်ဟု မည်သူမျှ မတွေးထားခဲ့ကြပေ။</p> <p style="text-align:justify">"နှမြောစရာပဲ... သူသာ မြူခိုးမိုခန္ဓာကိုပါ ပေါင်းစပ်ကျင့်ကြံထားနိုင်ရင် ပိုပြီးတော့တောင် အစွမ်းထက်ဦးမှာ..." </p> <p style="text-align:justify">ရှီတုန်းက ခပ်တိုးတိုး ရေရွတ်လိုက်သည်။</p> <p style="text-align:justify">ထိုစကားအဆုံးတွင် ရှီတုန်း ရုတ်တရက် ခေါင်းမော့လိုက်သည်။ </p> <p style="text-align:justify">သူ၏ အပြာရောင် မျက်ဝန်းများမှာ စူးရဲသွားပြီး လက်သည် ခါးတွင် ချိတ်ထားသော ကင်းမြီးကောက်ဓားဆီသို့ အလိုအလျောက် ရောက်သွားသည်။</p> <p style="text-align:justify">ကောင်းကင်ယံမှ အောက်သို့ ငုံ့ကြည့်လိုက်ပါက မိုစစ်တပ်ကြီးတစ်ခုလုံးမှာ မည်သည့်အမိန့်ပေးချက်မျှ မပါဘဲ စက်ယန္တရားတစ်ခုကဲ့သို့ ရုတ်တရက် ရပ်တန့်သွားသည်ကို တွေ့မြင်ရပေမည်။ စည်းချက်ညီစွာ အမှားအယွင်းမရှိ ပြင်ဆင်လိုက်သည့် ထိုတပ်ဖွဲ့၏ ရှေ့တွင် ဇိုမိုတို့အဖွဲ့ တိတ်ဆိတ်စွာ ပေါ်လွင်လာသည်။</p> <p style="text-align:justify">ရှီတုန်းသည် ကင်းမြီးကောက်ဓား၏ လက်ကိုင်ကို တင်းကျပ်စွာ ဆုပ်ကိုင်လိုက်သည်။ </p> <p style="text-align:justify">သူ၏ မျက်နှာမှာ ရေခဲတမျှ အေးစက်သွားပြီး ကျောကို မတ်မတ်ထားလျက် ရှေ့သို့ ဖြည်းညင်းစွာ လျှောက်လှမ်းသွားသည်။ သူ၏ ခြေလှမ်းတိုင်းနှင့်အတူ ပတ်ဝန်းကျင်ရှိ လေထုမှာ တုန်ခါသွားပြီး သူ၏ အရှိန်အဝါမှာလည်း တောင်တန်းကြီးတစ်ခုအလား ကြီးမားလာသည်။</p> <p style="text-align:justify">တပ်ဖွဲ့၏ အရှေ့ဆုံးသို့ ရောက်ရှိချိန်တွင် ဓားအိမ်မှ ဆွဲထုတ်လိုက်သော ဓားတစ်လက်ကဲ့သို့ သူ၏ အစွမ်းအစများကို လေထုထဲတွင် အပြည့်အဝ ထုတ်ဖော်ပြသလိုက်တော့သည်။ ကင်းမြီးကောက်ဓားကို ဆွဲထုတ်၍ ရှေ့သို့ ချိန်ရွယ်လိုက်သည့် အခိုက်အတန့်တွင် စစ်မြေပြင်တစ်ခုလုံးမှာ သေမင်းတမန်၏ အရှိန်အဝါများဖြင့် ဖုံးလွှမ်းသွားသည်။</p> <p style="text-align:justify">...</p> <p style="text-align:justify">အခြားတစ်ဖက်တွင်မူ ကုန်းစွန်းချာသည် ရှီတုန်း၏ ထိုလှုပ်ရှားမှုကို မြင်လိုက်ရသည့်အခါ နှုတ်ခမ်းထောင့်များ ကွေးတက်သွားသည်။ သူ၏ တည်ငြိမ်နေသော မျက်ဝန်းများမှာလည်း ရုတ်တရက် ဆူပွက်လာသည်။ ရှက်ရွံ့နေဟန်ရှိသည့် အပြုံးလေးထဲတွင် ဖုံးကွယ်မထားနိုင်သော ရူးသွပ်မှုများနှင့် အားကျချီးမွမ်းခြင်းများ ရောထွေးနေသည်။</p> <p style="text-align:justify">ရန်သူ၏ ရည်ရွယ်ချက်ကို ရိပ်မိလိုက်ချိန်တွင် သူသည် ရှေ့ထွက်ကာ လိပ်ကျွန်းဆီသို့ တည့်မတ်စွာ ချီတက်လာသည်။ ဤရဲရင့်သော လုပ်ရပ်တစ်ခုတည်းကပင် သခင်မလေး၏ လေးစားမှုကို ရရှိရန် လုံလောက်နေပြီဖြစ်သည်။</p> <p style="text-align:justify">ကြက်သွေးရောင်ငှက်တပ်ဖွဲ့၏ အမြန်နှုန်းကို သတိပြုမိသွားသည့်အခါ ရန်သူသည် မည်သည့်အရာကိုမျှ ဖုံးကွယ်မထားတော့ဘဲ အစွမ်းကုန် အရှိန်တင်ကာ တိုက်ခိုက်လာသည်။ အဆင်အခြင်မဲ့သည်ဟု ထင်ရသော်လည်း ဤလုပ်ရပ်သည် ကြက်သွေးရောင်ငှက်တပ်ဖွဲ့၏ ကိုယ်ပိုင်နယ်မြေ အားသာချက်ကို ချက်ချင်းပင် ပျက်ပြားသွားစေပြီး အစောပိုင်းတိုက်ပွဲသို့ အတင်းအကျပ် ဆွဲခေါ်လိုက်ခြင်းပင် ဖြစ်သည်။</p> <p style="text-align:justify">"တော်တော်လေး ကောင်းတဲ့ ပြိုင်ဘက်ပဲ..."</p> <p style="text-align:justify">ကုန်းစွန်းချာ၏ မျက်ဝန်းတို့တွင် စိတ်လှုပ်ရှားမှုနှင့် ပျော်ရွှင်မှုတို့ လွှမ်းခြုံလာသည်။ ထိုက်တန်သော ပြိုင်ဘက်တစ်ဦးနှင့် ရင်ဆိုင်ရခြင်း၏ စိတ်လှုပ်ရှားမှုကြောင့် သူ၏ လည်ပင်းကြောများပင် နီရဲလာသည်။ သူ၏ အာရုံခံကွန်ရက်သည် လေထုထဲသို့ ပျံ့နှံ့သွားသည်။</p> <p style="text-align:justify">"စကြရအောင်"</p> <p style="text-align:justify">မြူခိုးလက်ဝါးပင်လယ်…။</p> <p style="text-align:justify">ယဲ့လင်း၏ တိုက်ခိုက်မှု စတင်လာပြီဖြစ်သည်။ ဇိုမိုတွင် မေးခွန်းထုတ်ရန် အချိန်မရှိတော့ပေ။</p> <p style="text-align:justify">ဝှစ်…</p> <p style="text-align:justify">မိုစစ်တပ်၏ အလယ်ဗဟိုတွင် မြူခိုးလုံးကြီးတစ်ခု ပေါက်ကွဲထွက်လာပြီး အလျင်အမြန်ပင် ကြီးထွားလာသည်။ မျက်စိတစ်မှိတ်အတွင်းမှာပင် ၎င်းသည် လေထုကို ဖုံးလွှမ်းသွားကာ ထောင်ပေါင်းများစွာသော စစ်သည်တို့ကို မျိုချသွားသည်။ မီးခိုးရောင် မြူခိုးများအတွင်း၌ ဧရာမ သားရဲကြီးတစ်ကောင် လှုပ်ရှားနေသကဲ့သို့ မငြိမ်မသက် ဖြစ်နေသည်။</p> <p style="text-align:justify">ဇိုမို၏ မျက်လုံးများမှာ ရက်စက်ကြမ်းကြုတ်သည့် အငွေ့အသက်ဖြင့် တောက်ပနေသည်။ </p> <p style="text-align:justify">ပုယောင်နှင့် ဝေ့တို့၏ တုံ့ပြန်မှုက ရန်သူသည် အလွန်အစွမ်းထက်ကြောင်း သက်သေပြနေသည်။ သို့သော် တိုက်ပွဲ စတင်သည်နှင့် ဇိုမို၏ စိတ်ထဲတွင် မည်သည့် ကြောက်ရွံ့မှု တုံ့ဆိုင်းမှုမျှ မရှိတော့ပေ။</p> <p style="text-align:justify">မဟာနေမင်း မိုခန္ဓာ၏ စွမ်းအားများက သူ့ကိုယ်ခန္ဓာအတွင်း တရွရွ လှည့်ပတ်နေသည်။ ရှန်စွမ်းအားကို ကျင့်ကြံပြီးနောက်ပိုင်း စွမ်းအားသုံးရပ်ဖြစ်သည့် လင်းစွမ်းအင် အသိစိတ် ရှန်စွမ်းအား တို့၏ ချိတ်ဆက်မှုမှာ ပိုမိုနီးကပ်လာခဲ့သည်။ တစ်ခုကို လှုပ်ရှားလိုက်ရုံဖြင့် ကျန်စွမ်းအားများမှာလည်း အလိုအလျောက် နိုးကြားတက်ကြွလာသည်။</p> <p style="text-align:justify">သို့သော် ဇိုမို၏ အာရုံစိုက်မှုမှာ သူ့ကိုယ်ပိုင် ခန္ဓာကိုယ်ပေါ်တွင် မဟုတ်ပေ။ သူ့အနောက်တွင် ရှိနေသော ဒုက္ခခံအစောင့်တပ်သား တစ်ဦးချင်းစီအပေါ်တွင်သာ အာရုံစိုက်ထားသည်။</p> <p style="text-align:justify">သူ့အနောက်တွင် ဖယောင်းတိုင်မီးလျှံ နှစ်ထောင် ရှိနေသကဲ့သို့ပင်။ </p> <p style="text-align:justify">မီးလျှံတစ်ခုစီတိုင်းသည် ကြယ်တစ်ပွင့်စီနှင့် တူညီပြီး သူ၏ နှလုံးခုန်သံ စည်းချက်အတိုင်း တုန်ခါနေကြသည်။ ထိုအထဲတွင် ရှုလုံနှင့် အာဝန်တို့၏ မီးလျှံမှာ အတောက်ပဆုံးဖြစ်သည်။ ဇိုမိုသည် တိုက်ပွဲ၏ အလှည့်အပြောင်းကို ဖန်တီးရန် စဉ်းစားခန်း ဝင်နေတော့သည်။</p> <p style="text-align:justify">ဖယောင်းတိုင်မီးလျှံ နှစ်ထောင်သည် တစ်ပြိုင်နက်တည်း တုန်ခါနေသည်။ </p> <p style="text-align:justify">ထိုမီးလျှံများအကြားတွင် စွမ်းအားကြိုးမျှင်များ အစီအရီ ယှက်နွယ်လာပြီး သတ်ဖြတ်ခြင်း အနှစ်သာရများက တရိပ်ရိပ် တိုးပွားလာသည်။ ဇိုမိုသည် မိမိ၏ ကိုယ်ခန္ဓာမှာ မှောင်မည်းသော ဖျက်ဆီးခြင်း စွမ်းအားများ ပြည့်နှက်နေသည့် ဖောင်းကားနေသော ပူဖောင်းကြီးတစ်ခုနှင့် တူနေကြောင်း ခံစားလိုက်ရသည်။ ထိုစွမ်းအားများက သူ၏ စိတ်ကို စဉ်ဆက်မပြတ် ရိုက်ခတ်နေသည်။</p> <p style="text-align:justify">"သတ်"</p> <p style="text-align:justify">ဇိုမို၏ ဟိန်းဟောက်သံတွင် နာကျင်မှုနှင့်အတူ ပြင်းထန်သော သတ်ဖြတ်လိုစိတ်များ လွှမ်းခြုံနေသည်။ ထိုအသံနှင့်အတူ သူ၏ ညာလက်ဝါးအား မြူခိုးနက်လုံးကြီးဆီသို့ အားကုန်စိုက်ထုတ်၍ ရိုက်ချလိုက်သည်။</p> <p style="text-align:justify">"သတ်"</p> <p style="text-align:justify">ဒုက္ခခံအစောင့်တပ်သားများမှာလည်း တစ်ပြိုင်နက်တည်း အော်ဟစ်လိုက်ကြသည်။ </p> <p style="text-align:justify">သတ်ဖြတ်ခြင်း အနှစ်သာရများမှ ဖြစ်တည်လာသော မြူခိုးနက်များသည် သမုဒ္ဒရာထဲသို့ စီးဝင်သွားသည့် မြစ်ရေများပမာ ဇိုမို၏ လက်ဝါးဆီသို့ စုစည်းသွားကြသည်။</p> <p style="text-align:justify">ဇိုမို၏ လက်ဝါးပေါ်ရှိ နေမင်းအမှတ်အသားမှာ ရုတ်တရက် နိုးကြားလာသည်။ ပုံမှန်ဆိုလျှင် မျက်စိကျိန်းလောက်အောင် တောက်ပသော ရွှေရောင်ဖြစ်ရမည့်အမှတ်အသားသည် ယခုမူ ကြောက်မက်ဖွယ်ကောင်းသော အနီရင့်ရောင်သို့ ပြောင်းလဲသွားသည်။</p> <p style="text-align:justify">နေမင်းလက်ဝါးကျမ်း…။</p> <p style="text-align:justify">ဝှစ်... </p> <p style="text-align:justify">ရှူး... ရှူး...</p> <p style="text-align:justify">ကောင်းကင်တစ်ခွင်လုံးတွင် ဟိန်းဟောက်သံများ လွင့်ပျံသွားသည်။ ဇိုမို၏ လက်ထဲမှ ထွက်ခွာသွားသော အနီရင့်ရောင် နေမင်းအမှတ်အသားသည် လေထုနှင့် လင်းစွမ်းအင်များကို ဒေါသတကြီး ဆွဲယူလိုက်သည်။ </p> <p style="text-align:justify">လေထုတစ်ခုလုံးသည် သွေးရောင်ခြယ်သခံလိုက်ရသကဲ့သို့ နီရဲသွားပြီး အပူချိန်မှာလည်း ချက်ချင်းပင် ထိုးတက်သွားသည်။</p> <p style="text-align:justify">"နေမင်းလက်ဝါးကျမ်း... မဟာနေမင်း မိုခန္ဓာ"</p> <p style="text-align:justify">ယဲ့လင်း၏ မျက်နှာတွင် အလွန်အမင်း တုန်လှုပ်ခြင်းများ ပြည့်နှက်နေသည်။ သွေးစစ်သော မိုတစ်ယောက်ဖြစ်သည့် ယဲ့လင်းအတွက် မိုခန္ဓာပေါင်းစုံကို ရင်းနှီးပြီးသားဖြစ်သော်လည်း ယခုမြင်ကွင်းကမူ သူ၏ ခံယူချက်များကို ခြေဖျက်ပစ်လိုက်သည်။</p> <p style="text-align:justify">နေမင်းလက်ဝါးကျမ်းသည် မဟာနေမင်း မိုခန္ဓာ၏ အသွင်ပြောင်းခြင်း ခြောက်ခုထဲမှ တစ်ခုဖြစ်ပြီး မိုခန္ဓာအဆင့်သတ်မှတ်ချက်တွင် အဆင့်နှစ်နေရာ၌ ရှိသော အမြင့်မြတ်ဆုံးသော စွမ်းအားတစ်ခုဖြစ်သည်။ </p> <p style="text-align:justify">မူလက သွေးကြောစင်ကြယ်သော မိုများသာ ကျင့်ကြံနိုင်သည့် ထိုကျင့်စဉ်ကို လူသားကျင့်ကြံသူတစ်ယောက်က ကျင့်ကြံနေသည်ကို မြင်လိုက်ရသောအခါ ယဲ့လင်းမှာ ရူးသွပ်လုနီးပါး ဖြစ်သွားသည်။</p> <p style="text-align:justify">ဘုရားရေ... ကျင့်ကြံသူတွေက ဘယ်အချိန်ကတည်းက မိုခန္ဓာကို ကျင့်ကြံနိုင်သွားတာလဲ။ ဒါမှမဟုတ် အခုခေတ်မှာ ကျင့်ကြံသူတွေကြားထဲ မိုခန္ဓာကျင့်စဉ်က ခေတ်စားနေတာလား…။</p> <p style="text-align:justify">ဒီနေရာမှာ တကယ်တမ်းက ဘယ်သူက အစစ်အမှန် မိုတွေလဲ...။</p> <p style="text-align:justify">နေဦး... တစ်ဖက်ရန်သူကလည်း မိုသာ မဟုတ်ခဲ့ရင်...။</p> <p style="text-align:justify">ယဲ့လင်း၏ စိတ်ထဲတွင် ရုတ်တရက် ပေါ်လာသော ဤရဲတင်းပြီး ရူးသွပ်လှသည့်အတွေးကြောင့် သူ ကိုယ်တိုင် အံ့အားသင့်သွားသည်။ မိုးကြိုးပစ်ခံလိုက်ရသကဲ့သို့ သူ ရပ်တန့်သွားသည်။</p> <p style="text-align:justify">မို... သူက မိုတစ်ယောက်ပဲ…။</p> <p style="text-align:justify">တစ်ဖက်ရန်သူသည် အမှန်တကယ်ပင် မိုတစ်ယောက်ဖြစ်သည်။ မိုခန္ဓာကို ကျင့်ကြံနိုင်သူမှာ မိုများသာ ဖြစ်သည်။ ယဲ့လင်းသည် စစ်မျက်နှာပြင် ရှေ့တန်းမှ သတင်းအချက်အလက်များကို အမြဲ စောင့်ကြည့်နေသူဖြစ်ရာ မိုခန္ဓာကို ကျင့်ကြံသည့် ကျင့်ကြံသူတစ်ယောက်မှ မရှိခဲ့ဖူးကြောင်း သူကောင်းစွာ သိသည်။ </p> <p style="text-align:justify">ကျင့်ကြံသူများ၏ တရားကျင့်စဉ်များသည် မိုခန္ဓာနှင့် ဆင်တူယောင်ယောင် ဖြစ်နိုင်သော်လည်း ၎င်းတို့ကြားတွင် မွေးရာပါ ကွာခြားချက်များ အမြဲ ရှိနေမြဲဖြစ်သည်။</p> <p style="text-align:justify">ဒါ... မဟာနေမင်း မိုခန္ဓာဆိုတာ ရာနှုန်းပြည့် သေချာတယ်။ ပြီးတော့ ဒီကျင့်စဉ်က တော်တော်မြင့်မားတဲ့ အဆင့်တစ်ခုအထိ ကျင့်ကြံပြီးသားပဲ…။ </p> <p style="text-align:justify">မဟာနေမင်း မိုခန္ဓာ၏ ကျင့်ကြံရခက်ခဲမှုမှာ စစ်သူကြီးအဆင့် မိုခန္ဓာများကြားတွင် အထင်ရှားဆုံးဖြစ်သည်။ ၎င်း၏ အသွင်ပြောင်းခြင်း ခြောက်ခုကို ကျင့်ကြံနိုင်ရန်ဆိုသည်မှာ အလွန်တရာမှပင် ခက်ခဲလှသည်။ ဤအနီရင့်ရောင် နေမင်းအမှတ်အသားသည် မည်သည့် တရားကျင့်စဉ်မှ မဟုတ်မှန်း ယဲ့လင်း အသေအချာ သိလိုက်ရသည်။</p> <p style="text-align:justify">လေထုထဲတွင် ပျံ့လွင့်နေသော မီးခိုးနက် အမှုန်အမွှားလေးများပင်လျှင် အသန့်စင်ဆုံးသော မိုသတ်ဖြတ်ခြင်း အနှစ်သာရများဖြင့် ဖုံးလွှမ်းထားသည်။</p> <p style="text-align:justify">သူ အမြင်မမှားပေ။ ယဲ့လင်းသည် သူ၏ အတွေးကြောင့်ပင် ကြောက်လန့်တုန်လှုပ်သွားသည်။</p> <p style="text-align:justify">မိုတစ်ယောက်လား... ကျင့်ကြံသူတွေရဲ့ နယ်မြေထဲမှာ မျက်စိလည်လမ်းမှားနေတဲ့ မိုတစ်ယောက်လား…။</p> <p style="text-align:justify">ကျင့်ကြံသူတို့၏ ကမ္ဘာထဲတွင် ပုန်းကွယ်နေသော အမြင့်ဆုံးသော သွေးကြောကို ပိုင်ဆိုင်ထားပြီး မိုစစ်တပ်တစ်ခုကို ဖန်တီးရန် ကြိုးစားနေသော မိုတစ်ယောက်။ </p> <p style="text-align:justify">ဤအမှန်တရားက ယဲ့လင်းအား တုန်လှုပ်ချောက်ချားသွားစေသည်။</p> <p style="text-align:justify">“အို... ဘုရားရေ…”</p> <p style="text-align:justify"> </p> <p style="text-align:justify"> </p> <p style="text-align: center;">***</p>


Save