Book List

<h2 style="text-align: center;">အခန်း ၁၄၁</h2> <h2 style="text-align: center;">သေမင်းဓားသွားကို ခဏလောက် ဝဲပျံခွင့် ပေးထားလိုက်...</h2> <h2 style="text-align: center;">*</h2> <p> </p> <p>လီယီတောင်း တိတ်ဆိတ်နေ၍ ကျန်းချိုင်တန်က ခပ်တိုးတိုး မေးလိုက်၏။</p> <p> </p> <p>" အစ်ကိုယီတောင်း... ဘယ်လို လုပ်ကြမလဲ... အားလုံးက အစ်ကို့ရဲ့ တုံ့ပြန်မှုကို စောင့်နေကြတဲ့ ပုံပဲ... "</p> <p> </p> <p>ဤအချိန်တွင် အင်တာနက် အသိုင်းအဝိုင်း တစ်ခုလုံးက လီယီတောင်း၏ တုံ့ပြန်မှုကို မျှော်လင့်တကြီး စောင့်ဆိုင်းနေကြလေသည်။</p> <p> </p> <p>ဤဖြစ်ရပ်က အတော်လေး ဂယက်ရိုက်သွားပြီ ဖြစ်သဖြင့် လူတိုင်းက အသက်ရှူရန်ပင် မေ့ကာ စောင့်ကြည့်နေကြခြင်းလည်း ဖြစ်နိုင်ပေသည်။</p> <p> </p> <p>ထို့ကြောင့် လူအများ၏ အာရုံစိုက်မှုကို လမ်းကြောင်းပြောင်းရန်နှင့် ဤအဖြစ်အပျက်ကို ဖုံးကွယ်ထားရန်မှာ မလွယ်ကူတော့ပေ။</p> <p> </p> <p>ကျန်းချိုင်တန်၏ မေးခွန်းကြောင့် လီယီတောင်း ခဏမျှ တိတ်ဆိတ်သွား၏။</p> <p> </p> <p>' ကြည့်ရတာ... ငါ ဝင်ပါဖို့ မလိုလောက်ဘူး ထင်တယ်... '</p> <p> </p> <p>ခဏမျှ စဉ်းစားပြီးနောက် ဖုန်းကို ထုတ်ကာ စာတစ်ကြောင်း တင်လိုက်လေသည်။</p> <p> </p> <p>" ဓားသွားကို ခဏလောက် ဝဲပျံခွင့် ပေးထားလိုက်... "</p> <p> </p> <p>သူ ဤစာကို တင်လိုက်သည်နှင့် တစ်ပြိုင်နက် ဆယ်မိနစ်ပင် မပြည့်သေးမီ comment ပေါင်း ၉၉၉ ကျော်သွားခဲ့လေပြီ။</p> <p> </p> <p>" အစ်ကိုယီတောင်းရဲ့ စကားက ဘာအဓိပ္ပာယ်လဲ... ဓားသွားကို ခဏလောက် ဝဲပျံခွင့် ပေးထားလိုက် ဟုတ်လား... ဒါ တကယ့် ဓားကောက် အစစ်ကို ပြောတာလား... "</p> <p> </p> <p>" ငါတော့ နည်းနည်း ဇဝေဇဝါ ဖြစ်နေပြီ... အစ်ကိုယီတောင်းက အမြဲတမ်း ထူးခြားတဲ့ နည်းလမ်းတွေ သုံးတာပဲ... "</p> <p> </p> <p>" ဘာလို့ အဲဒီလောက် အချိန်ဆွဲနေရတာလဲ... သူတို့က တံခါးလာခေါက်ပြီး စိန်ခေါ်နေပြီလေ... ဘာလို့ သူတို့ကို ချက်ချင်း မရှင်းပစ်လိုက်တာလဲ... ဘာလို့ ဓားသွားကို ဝဲပျံခွင့် ပေးထားရမှာလဲ... "</p> <p> </p> <p>" ဟုတ်တယ်... အစ်ကိုယီတောင်းက ဘာကို ဆိုလိုချင်တာလဲ... သူ့ဓား တုံးသွားလို့လား... "</p> <p> </p> <p>" ဟားဟား... မင်းတို့က အစ်ကိုယီတောင်းရဲ့ အတွေးတွေကို နားမလည်ပါဘူး... သူက ' ဓားသွားကို ခဏလောက် ဝဲပျံခွင့် ပေးထားလိုက် ' လို့ ပြောတာက သေမင်းဓားသွား လွှဲချလိုက်ပြီ ဆိုတာကို အရိပ်အမြွက် ပေးနေတာလေ... အကျိုးသက်ရောက်မှုက အခုချက်ချင်း မပေါ်လာသေးလို့ပဲ ဖြစ်ရမယ်... "</p> <p> </p> <p>" ဪ... အခုမှ သဘောပေါက်တော့တယ်... အစ်ကိုယီတောင်း စတင် လှုပ်ရှားနေပြီပေါ့... ငါတို့ စောင့်ကြည့်ရုံပဲ... "</p> <p> </p> <p>" အတိအကျပဲ... ရလဒ်ကို ငါတို့ စောင့်ကြည့်ကြတာပေါ့... "</p> <p> </p> <p>" အစ်ကိုယီတောင်း စလှုပ်ရှားပြီ ဆိုတော့ ငါ စိတ်အေးသွားပြီ... အဲဒီ အမှိုက်ကောင်တွေကို ရှင်းပစ်ပြီး ငါတို့ နိုင်ငံသားတွေကို ကယ်တင်ပေးပါ... "</p> <p> </p> <p>" ဟုတ်တယ်... ငါတို့က သေမင်းကို မယုံကြည်ရင်တောင် အစ်ကိုယီတောင်း ကိုတော့ အမြဲတမ်း ယုံကြည်တယ်... အစ်ကိုယီတောင်းကမှ တကယ့် သေမင်းတမန် အစစ်ပဲ... "</p> <p> </p> <p>" ငါတို့ အစ်ကိုယီတောင်းကို အမြဲတမ်း ယုံကြည်တယ်... "</p> <p> </p> <p>" အစ်ကိုယီတောင်း... အစ်ကို့ကို အားကိုးပါတယ်နော်... "</p> <p> </p> <p>ဆက်တိုက် တက်လာနေသော comment များကို ကြည့်ရင်း လီယီတောင်း တိတ်ဆိတ်နေလိုက်၏။</p> <p> </p> <p>သို့သော် ဗီဒီယိုကို ကြည့်နေစဉ် ထိုလူများ အားလုံးက အရည်အသွေး အလွန်မြင့်မားသော ဖောက်သည်များ ဖြစ်နေသည်ကို သူ တွေ့ရှိခဲ့ရ၏။</p> <p> </p> <p>သူတို့၏ သေဆုံးနိုင်ခြေက ၁၀၀ ရာခိုင်နှုန်း…။</p> <p> </p> <p>သူတို့ သေဆုံးရမည့် အကြောင်းရင်း အတွက်တော့ လီယီတောင်း အနေဖြင့် သက်တမ်း တစ်နှစ်သာ ကုန်ဆုံးခံပြီး စုံစမ်းလိုက်ရာ... လက်စားချေမှုကြောင့် သေဆုံးရမည် ဖြစ်ကြောင်း သိလိုက်ရလေသည်။</p> <p> </p> <p>ဤအဖွဲ့အစည်းက အတော်လေး ကံဆိုးသည် သို့မဟုတ် အလုပ်လုပ်ရာတွင် အရည်အချင်း မရှိဟုပင် ဆိုရပေမည်။</p> <p> </p> <p>သူတို့ စုဆောင်းလာသော ဝန်ထမ်းများထဲတွင် ဘဝအတွေ့အကြုံ ယူနေသူ တစ်ယောက် ပါလာခဲ့ခြင်း ဖြစ်၏။ ထိုသူ၏ မိသားစု ပိုင်ဆိုင်မှု အတိအကျကို မသိရသော်လည်း ဖခင်ဖြစ်သူမှာ သြဇာအာဏာ ကြီးမားသူ တစ်ဦး ဖြစ်ကြောင်းကတော့ သံသယ ဝင်စရာ မလိုပေ။</p> <p> </p> <p>ထို့ကြောင့် သူ့သား ပြန်ပေးဆွဲခံရကြောင်း သိလိုက်ရသည်နှင့် တစ်ပြိုင်နက် သူ၏ အင်အား အားလုံးကို အသုံးပြုကာ အလျင်အမြန် ရှာဖွေလေသည်။</p> <p> </p> <p>သို့သော် ထိုအဖွဲ့အစည်းက ဟန်ပြ သက်သက်သာ ဖြစ်နေခဲ့၏။</p> <p> </p> <p>နောက်ကွယ်မှ တကယ့် တရားခံ အစစ်များကို ရှာဖွေရန်တော့ ပဟေဠိ တစ်ခု ဖြစ်နေဆဲပင်။</p> <p> </p> <p>ဓားစာခံများ၏ အခြေအနေနှင့် ပတ်သက်၍လည်း မည်သည့် သဲလွန်စမျှ မရရှိခဲ့ကြပေ။</p> <p> </p> <p>အကယ်၍ လီယီတောင်း၏ သေဆုံးမှု စုံစမ်းစစ်ဆေးခြင်း ရလဒ်များသာ တိကျမှန်ကန်ခဲ့မည် ဆိုပါက ဤကိစ္စမှာ စတင် အသက်ဝင်နေပြီ ဖြစ်ပြီး မနက်ဖြန် နံနက် သတင်းများတွင် သေချာပေါက် ပါလာမည် ဖြစ်၏။</p> <p> </p> <p>ထို့ကြောင့် လီယီတောင်းက စောစောက " ဓားသွားကို ခဏလောက် ဝဲပျံခွင့် ပေးထားလိုက် " ဆိုသည့် စာကို တင်ခဲ့ခြင်း ဖြစ်လေသည်။</p> <p> </p> <p>သို့သော် တကယ်တမ်းတွင် ထိုကိစ္စက ဤမျှ ရိုးရှင်းလိမ့်မည် မဟုတ်ပေ။</p> <p> </p> <p>ဤအဖွဲ့အစည်းကို ဖျက်ဆီးလိုက်ရုံဖြင့် ပြဿနာ ပြီးဆုံးသွားပြီဟု ယုံကြည်လောက်အောင် လီယီတောင်း မတုံးအပေ။</p> <p> </p> <p>လက်ရှိတွင် ရန်သူက အမှောင်ထဲ၌ လှုပ်ရှားနေပြီး သူကတော့ အလင်းရောင်အောက်တွင် ရှိနေ၏။</p> <p> </p> <p>ရန်သူက မည်သူ ဖြစ်သည်၊ သူတို့၏ ရည်ရွယ်ချက်က မည်သည်တို့ ဖြစ်သည်ကို သူ မသိသေးပေ။</p> <p> </p> <p>ထို့ကြောင့် သူက တစ်လှမ်းချင်းစီသာ သွားနိုင်ပြီး အခြေအနေ အပြောင်းအလဲများအပေါ် မူတည်၍ တုံ့ပြန်ရန်သာ ရှိတော့သည်။</p> <p> </p> <p>အချိန်များ တရွေ့ရွေ့ ကုန်ဆုံးသွား၏။</p> <p> </p> <p>လီယီတောင်းနှင့် ကျန်းချိုင်တန်တို့ နှစ်ယောက်လုံး အိပ်မောကျသွားကြလေပြီ။</p> <p> </p> <p>သို့သော် အင်တာနက် တစ်ခွင်လုံးကတော့ ရပ်တန့်မသွားခဲ့ပေ။</p> <p> </p> <p>မရေမတွက်နိုင်သော လူများက သေမင်းဓားသွား ခုတ်လွှဲချမည့် အချိန်ကို စောင့်ဆိုင်းနေကြလေသည်။ ကျန်းချောင်ယန်နှင့် လီဟွေ့တို့ပင် ဤကိစ္စကို မျက်ခြည်မပြတ် စောင့်ကြည့်နေကြ၏။</p> <p> </p> <p>နောက်တစ်နေ့ နံနက် ၅ နာရီခန့်တွင် တော့ရလဒ်များ ထွက်ပေါ်လာခဲ့လေသည်။</p> <p> </p> <p>ပုံများနှင့်တကွ ဖော်ပြထားသော ကြေညာချက် တစ်ခုက အင်တာနက် တစ်ခွင် လုံးဝ ပျံ့နှံ့သွား၏။ ဤအရာ အားလုံးက လီယီတောင်း၏ သေဆုံးမှု စုံစမ်းစစ်ဆေးခြင်း ရလဒ်များနှင့် တစ်ထပ်တည်း ကျနေလေသည်။</p> <p> </p> <p>ထို့ကြောင့် လီယီတောင်း၏ " ဓားသွားကို ခဏလောက် ဝဲပျံခွင့် ပေးထားလိုက် " ဆိုသည့် စာကြောင်းမှာ ထပ်မံ ခေတ်စားလာပြန်တော့သည်။</p> <p> </p> <p>" အစ်ကိုယီတောင်းက တကယ့်ကို အစ်ကိုယီတောင်းပါပဲ... သူပြောတဲ့ စကားတွေက တကယ် မှန်တာပဲ... တကယ် မိုက်တယ်... "</p> <p> </p> <p>" ဟားဟား... အစ်ကိုယီတောင်းရဲ့ သေမင်းတမန် ဆိုတဲ့ ဂုဏ်ပုဒ်က တကယ်ကို ထိုက်တန်တာပဲ... "</p> <p> </p> <p>" ဒါပေမဲ့ နှမြောစရာ ကောင်းတာက... ဒီအဖွဲ့အစည်းက အတုကြီး ဖြစ်နေတာဟ... ငါတို့ နိုင်ငံသားတွေက အခုထိ ပျောက်ဆုံးနေတုန်းပဲ... "</p> <p> </p> <p>" ဒီအဖွဲ့အစည်းရဲ့ ခေါင်းဆောင် သေသွားတဲ့ အချိန်မှာ နောင်တများ ရသွားမလား မသိဘူးနော်... ဟားဟား... သူတို့ နာမည် မကြီးသွားတဲ့ အပြင် အသက်ပါ ပေးလိုက်ရတယ်... "</p> <p> </p> <p>" ဟုတ်တယ်... ဟုတ်တယ်... ဒါပေမဲ့ အဲဒီ လက်နက်ကိုင် အဖွဲ့ သုံးဖွဲ့က ဒီအဖွဲ့အစည်းကို ဘာလို့ ဝိုင်းတိုက်ကြတာလဲ... တစ်ယောက်ယောက် ရှင်းပြပေးလို့ ရမလား... "</p> <p> </p> <p>" ဟားဟား... ဒီကိစ္စက ရှင်းပြနေစရာကို မလိုတာ... သူတို့က မထိသင့်တဲ့ လူကို သွားထိမိလို့ပေါ့... "</p> <p> </p> <p>" မဟုတ်ဘူး... မဟုတ်ဘူး... မင်းတို့ မှားနေပြီ... မထိသင့်တဲ့ လူကို သွားထိမိတာ မဟုတ်ဘူး၊ မပြန်ပေးဆွဲသင့်တဲ့ လူကို သွားပြန်ပေးဆွဲမိတာ... "</p> <p> </p> <p>" အိုး ဘုရားရေ... ဆိုလိုတာက ပြန်ပေးဆွဲခံရတဲ့ လူတွေထဲက တစ်ယောက်ယောက်က လူကြီး တစ်ယောက်ရဲ့ သား ဒါမှမဟုတ် သမီး ဖြစ်နေတာလား... "</p> <p> </p> <p>" အပေါ်က လူက တကယ် ဉာဏ်ကောင်းတာပဲ... ဒါပေမဲ့ အဖြေမှန်ပေမဲ့ ဆုတော့ မရှိဘူးနော်... "</p> <p> </p> <p>" ဘာမှ ဆက်ပြောစရာ မလိုတော့ဘူး... အစ်ကိုယီတောင်းက အမိုက်ဆုံးပဲ... "</p> <p> </p> <p>မရေမတွက်နိုင်သော comment များ အင်တာနက်ပေါ်တွင် ပြည့်နှက်နေပြီး လီယီတောင်းကို ပိုမို နာမည်ကြီးလာစေတော့သည်။</p> <p> </p> <p>သို့သော် လီယီတောင်းကတော့ အင်တာနက်ပေါ်က ဆွေးနွေးမှုများကို လုံးဝ မသိရှိခဲ့ပေ။</p> <p> </p> <p>ကျန်းချိုင်တန်ကို သူ ဇဝေဇဝါဖြင့် စိုက်ကြည့်နေပြီး ကျန်းချိုင်တန် ကလည်း သူ့ကို ကြောင်တောင်တောင် ပြန်ကြည့်နေလေသည်။</p> <p> </p> <p>နောက်တစ်နေ့…</p> <p> </p> <p>ယနေ့ခေတ်တွင် မိုဘိုင်းငွေပေးချေမှုများ ခေတ်စားနေသော်လည်း သူတို့ ရောက်နေသည့် ဝေးလံခေါင်သီသော ကျေးရွာများတွင် ငွေသားက အလွန် အသုံးဝင်ဆဲ ဖြစ်၏။</p> <p> </p> <p>ထို့ကြောင့် လီယီတောင်းက ပိုပိုလိုလို ယွမ် တစ်သောင်း ထုတ်လာခဲ့သည်။ သို့သော် သူတို့ အလွန် အံ့အားသင့်သွားရသည်မှာ နောက်နေ့ နံနက် နိုးလာချိန်တွင် ပိုက်ဆံအိတ် ပျောက်ဆုံးနေကြောင်း တွေ့လိုက်ရခြင်းပင်။</p> <p> </p> <p>ကျန်းချိုင်တန် ခိုးသွားရန် အကြောင်း မရှိပေ။ သူ့မျက်နှာ အမူအရာကို ကြည့်ရုံဖြင့် လီယီတောင်း သိပေသည်။</p> <p> </p> <p>တစ်ခုတည်းသော ဖြစ်နိုင်ခြေမှာ သူတို့ ခါးပိုက်နှိုက် ခံလိုက်ရခြင်း ဖြစ်၏။</p> <p> </p> <p>ဒီခေတ်ကြီးထဲမှာ " ခါးပိုက်နှိုက် " လုပ်စားနေတဲ့ သူတွေ ရှိသေးတယ်လားဟ...။</p> <p> </p> <p>သူတို့ ငတ်သေမှာ မကြောက်ကြဘူးလား...။</p> <p> </p> <p style="text-align: center;">***</p>


Save