Book List

<h2 style="text-align: center;">အခန်း ၁၄၂</h2> <h2 style="text-align: center;">ချယ်ရီပန်း သေမင်း</h2> <h2 style="text-align: center;">*</h2> <p> </p> <p>ကျန်းချိုင်တန် တံတွေး တစ်ချက် မျိုချလိုက်ပြီး စိုးရိမ်တကြီးဖြင့်...</p> <p>" ကျွန်... ကျွန်တော် တောင်းပန်ပါတယ် အစ်ကိုယီတောင်း... ကျွန်တော် အိပ်ပျော်သွားလို့ သူခိုးပါတာကို သတိမထားမိလိုက်ဘူး... "</p> <p> </p> <p>ကျန်းချိုင်တန် စကားကြောင့် လီယီတောင်း သက်ပြင်းချသွား၏။</p> <p> </p> <p>" မင်း အိပ်ပျော်သွားတာကို ငါ့ကို ဘာလို့ လာတောင်းပန်နေရတာလဲ... ရထားပေါ် သူခိုးပါတာက မင်း အပြစ်မှ မဟုတ်တာ... ပြီးတော့ ငါ့ပိုက်ဆံအိတ်လေ... ငါပေါ့လို့ အခိုးခံရတာ... မင်း တောင်းပန်စရာ မလိုပါဘူး... "</p> <p> </p> <p>လီယီတောင်း စကားကြောင့် ကျန်းချိုင်တန် အံ့အားသင့်သွားပြီး တုံ့ဆိုင်းတုံ့ဆိုင်းဖြင့်... " ဒါပေမဲ့... " ဟု စိုးရိမ်တကြီး ပြောလိုက်လေသည်။</p> <p> </p> <p>" ကဲပါ... တော်ပါတော့... ယွမ် တစ်သောင်းတည်းပါကွာ... အဲ့လောက်နဲ့တော့ ငါလည်း မွဲမသွားပါဘူး... "</p> <p> </p> <p>" ရထားပေါ်က ဆင်းရင် ပိုက်ဆံ နည်းနည်း ထပ်ထုတ်ဖို့ ဘဏ်ကို ဝင်ကြတာပေါ့... "</p> <p> </p> <p>လီယီတောင်း အရေးတယူသိပ်မလုပ်၍ ကျန်းချိုင်တန် ငြိမ်ကျသွားလေသည်။ သို့သော် သူ့မျက်လုံးများထဲတွင် ကိုယ့်ကိုယ်ကိုယ် အပြစ်တင်နေသည့် အရိပ်အယောင်များက အထင်းသား။</p> <p> </p> <p>ယနေ့ခေတ်တွင် သူလို လူငယ်မျိုးက တကယ်ကို ရှားပါးလှသည်ဟု ဆိုရပေမည်။</p> <p> </p> <p>သို့သော် သူ ထ၍ ရေချိုးခန်းသို့ သွားရန် ပြင်လိုက်ချိန်မှာပင် လီယီတောင်း၏ ကုတင်ခေါင်းရင်း နံရံပေါ်မှ အရာတစ်ခုကို ရုတ်တရက် သတိထားမိလိုက်၏။</p> <p> </p> <p>အဲဒီမှာ သွေးရောင်ရဲရဲ သင်္ကေတ တစ်ခု ရှိနေတယ်... ဓားကောက်ပုံစံကြီး...။</p> <p> </p> <p>သူ ဇဝေဇဝါဖြင့် စိုက်ကြည့်နေမိ၏။</p> <p> </p> <p>သူ့အကြည့်ကို သတိထားမိသွားသော လီယီတောင်းကလည်း ထိုဘက်သို့ လှမ်းကြည့်လိုက်သည်။</p> <p> </p> <p>' ဟမ်… တစ်ယောက်ယောက်က သွေးနဲ့ ဓားကောက်ပုံစံ ဆွဲသွားတာလား... '</p> <p> </p> <p>' ပြီးတော့ ငါ့ခေါင်းရင်းမှာ ဆွဲသွားတာ... '</p> <p> </p> <p>လီယီတောင်း မျက်လုံးများ ချက်ချင်း ရေခဲတမျှ အေးစက်သွားတော့၏။</p> <p> </p> <p>' တစ်ယောက်ယောက်က ငါ့ကို အနောက်မြောက်ပိုင်းကို မသွားစေချင်ဘူးပဲ... '</p> <p> </p> <p>' ပိုဆိုးတာက သတ္တုတွင်း အလုပ်သမား အာမောက်ရဲ့ အမှုကို ငါ့ကို ဝင်မစုံစမ်းစေချင်တာ... '</p> <p> </p> <p>' ကြည့်ရတာ... အခု ငါလုပ်နေတဲ့ အလုပ်တွေက အမှန်တရားနဲ့ ပိုနီးစပ်လာနေပြီ ထင်တယ်... '</p> <p> </p> <p>' လူအများစု မသိတဲ့ ကမ္ဘာတစ်ခုဆီကို ငါ တဖြည်းဖြည်း ချဉ်းကပ်လာနေပြီပဲ... '</p> <p> </p> <p>" အစ်... အစ်ကိုယီတောင်း... ဒါက... "</p> <p> </p> <p>ကျန်းချိုင်တန် တစ်ယောက် လုံးဝကို ဇဝေဇဝါ ဖြစ်နေလေပြီ။</p> <p> </p> <p>လီယီတောင်းကတော့ ဤကိစ္စကို သိပ်ဂရုမစိုက်ရန် အချက်ပြသည့် အနေဖြင့် တည်ငြိမ်စွာ လက်ကာပြလိုက်၏။</p> <p> </p> <p>" ရထားက ဘူတာကို ဆိုက်တော့မယ်... သွား မျက်နှာသစ်လိုက်ဦး... ပြီးရင် ဒါကို ဖျက်ဖို့ တဘက်စို တစ်ထည် ယူခဲ့... "</p> <p> </p> <p>" ဟုတ်... ဟုတ်ကဲ့... "</p> <p> </p> <p>လီယီတောင်း၏ တည်ငြိမ်နေသော အမူအရာကြောင့် ကျန်းချိုင်တန်လည်း ခိုင်းသည့်အတိုင်း သွားလုပ်လေသည်။</p> <p> </p> <p>လီယီတောင်းကတော့ သွေးရောင် ဓားကောက် သင်္ကေတကို အေးစက်စက် မျက်လုံးများဖြင့် စိုက်ကြည့်နေလေသည်။</p> <p> </p> <p>' မနေ့က ခါးပိုက်နှိုက်က ငါ့ပိုက်ဆံအိတ်ကို ယူသွားရုံတင် မကဘူး... ငါ့ကို သတိပေးတဲ့အနေနဲ့ ဒီဓားကောက်ပုံကိုပါ ဆွဲသွားတာပဲ... '</p> <p> </p> <p>' ဒါ… သူတို့က အချိန်မရွေး ငါ့ကို သတ်နိုင်တယ်... သူတို့ ကိစ္စတွေကို ဝင်မပါနဲ့လို့ သတိပေးသွားတာပဲ... '</p> <p> </p> <p>သူတို့ အဘယ်ကြောင့် လီယီတောင်းကို တစ်ခါတည်း အပြတ်ရှင်းမသွားရသည့် အကြောင်းရင်းကတော့ ရှင်းပေသည်။ လီယီတောင်း အတော်လေးနာမည်ကျော်ကြားနေပြီ ဖြစ်ပြီး သတ္တုတွင်း အလုပ်သမား အာမောက်၏ အမှုကို စုံစမ်းစစ်ဆေးမှုများ ပြုလုပ်နေချိန် ဖြစ်၏။</p> <p> </p> <p>အကယ်၍ ယခုအချိန်တွင် လီယီတောင်း တစ်ခုခု ဖြစ်သွားပါက အခြေအနေ ပိုမို ဆိုးရွားသွားပေလိမ့်မည်။ ၎င်းမှာ သူတို့အတွက် ကောင်းကျိုး မရှိပေ။</p> <p> </p> <p>ထို့ပြင် လီယီတောင်းကို သတ်ဖြတ်ရန် သူတို့ မဝံ့ရဲကြပေ။</p> <p> </p> <p>တကယ်လို့ ငါတို့ သတ်ဖို့လုပ်လိုက်ရင်… လီယီတောင်း မသေဘဲ… ငါတို့ အရင်သေသွားမှာ ဟုတ်ပေ့ ဖြစ်နေမယ်… သေမင်းရဲ့ အကာအကွယ် စွမ်းရည်ဆိုတာ နောက်စရာမှ မဟုတ်တာ...။</p> <p> </p> <p>ငါးမိနစ် ကြာပြီးနောက်…</p> <p> </p> <p>ကျန်းချိုင်တန်က ဓားကောက်ကို သေသေချာချာ ဖျက်ပစ်လိုက်၏။</p> <p> </p> <p>ရထားဆိုက်ရန် နာရီဝက်ခန့်လိုသေးသည်။</p> <p> </p> <p>ထို့ကြောင့် နှစ်ယောက်သား လီယီတောင်း ဝယ်လာသော ဝက်သားပေါင်းပူပူနွေးနွေးကို အတူတူ စားရင်း အချိန်ဖြုန်းနေလိုက်သည်။</p> <p> </p> <p>လီယီတောင်းကတော့ စားရင်းနှင့် ဖုန်းကို ပွတ်နေ၏။</p> <p> </p> <p>comment များ အရ သူ မြင်တွေ့သမျှမှာ သူ ခန့်မှန်းထားသည့် အတိုင်း သဝေမတိမ်းပင်။</p> <p> </p> <p>သို့သော် သေဆုံးမှု စုံစမ်းစစ်ဆေးခြင်းမှတစ်ဆင့် အရာအားလုံးကို သူ ကြိုသိထားပြီး ဖြစ်၍ လက်ရှိ ရလဒ်များအတွက် အံ့သြမနေတော့ပေ။</p> <p> </p> <p>သို့သော် ဖုန်းကို ပွတ်ကြည့်နေရင်း comment များ တမျိုးတမြည် ထူးဆန်းနေသည်ကို သူ သတိထားမိလိုက်သည်။</p> <p> </p> <p>" အစ်ကိုယီတောင်း... အစ်ကိုယီတောင်း... တစ်ယောက်ယောက်က အစ်ကို့ကို စိန်ခေါ်နေတယ်... လခွမ်း... ငါတော့ သည်းမခံနိုင်တော့ဘူး... "</p> <p> </p> <p>" ဖက်ခ်... အစ်ကိုယီတောင်း... မြန်မြန် လာကြည့်ပါဦး... သူ့ကိုယ်သူ ချယ်ရီပန်း သေမင်း လို့ ခေါ်တဲ့ကောင်က အစ်ကို့ကို လာစိန်ခေါ်နေတယ်... သူက အစ်ကို့ကို အဆုံးသတ်ပေးမယ်တဲ့... "</p> <p> </p> <p>" အိုး ဘုရားရေ... အဲဒီ ငတုံးက လူသတ်တာကို Live လွှင့်နေတာဟ... "</p> <p> </p> <p>" ဖက်ခ်... သူ တကယ်ကြီး လုပ်လိုက်တာပဲ... ခုနလေးတင် သူက လူတစ်ယောက်ကို Follow လုပ်ပြီး ဗိုက်ကို ကိုယ့်ဘာသာ ဓားနဲ့ ထိုးပြီး သေလိမ့်မယ်လို့ ပြောတာ... တစ်မိနစ်တောင် မကြာဘူး... တကယ်ကြီး ဖြစ်သွားတာ... "</p> <p> </p> <p>" လခွမ်း... ချယ်ရီပန်း နိုင်ငံက လူတွေက ဒီလောက်တောင် ရက်စက်ကြတာလား... တကယ်ကြီး လုပ်ပစ်လိုက်တာလား... "</p> <p> </p> <p>" တကယ့်ကို ရူးချင်စရာပဲ... ဒီကောင်က နောက်ထပ် သေဆုံးမှု တစ်ခုကို ထပ်ဟောကိန်း ထုတ်ပြန်ပြီ... သူ လူတစ်ယောက်ကို Follow လုပ်ပြီး ရုတ်တရက် နှလုံးရပ်ပြီး သေလိမ့်မယ်လို့ ပြောတာ... တကယ်ကြီး ဖြစ်သွားတယ်ဟ... "</p> <p> </p> <p>" အစ်ကိုယီတောင်း... အစ်ကိုယီတောင်း... တစ်ယောက်ယောက်က အစ်ကို့ နေရာကို လုဖို့ ကြိုးစားနေတယ်... ဒီအတိုင်း လွှတ်ထားလို့ မရဘူးနော်... "</p> <p> </p> <p>ဤ comment များကို ကြည့်ရင်း လီယီတောင်း မှင်သက်သွားလေသည်။</p> <p> </p> <p>' ချယ်ရီပန်း သေမင်း ဟုတ်လား... '</p> <p> </p> <p>' အဲဒါက ဘယ်လို နာမည်ကြီးလဲ... '</p> <p> </p> <p>ယခုအချိန်အထိ လီယီတောင်းပင်လျှင် သူ၏ နာမည်ကို သေမင်းတမန် အစ်ကိုယီတောင်း ဟု တရားဝင် မပြောင်းရသေးပေ။</p> <p> </p> <p>၎င်းမှာ လူများက သူ့ကို ခေါ်ဝေါ်သည့် နာမည် သက်သက်သာ ဖြစ်၏။</p> <p> </p> <p>သူ့နာမည်က ရိုးရိုးရှင်းရှင်း ယီတောင်း နာရေးဝန်ဆောင်မှု ဟူ၍သာ…။</p> <p> </p> <p>ဒါပေမဲ့ ဒီလူသစ်က သူ့ကိုယ်သူ ချယ်ရီပန်း သေမင်းလို့ နာမည်ပေးထားတာလားဟ…။</p> <p> </p> <p>ပြီးတော့ အွန်လိုင်းမှာ လူနှစ်ယောက်ကိုတောင် သတ်ပြီးသွားပြီ ဟုတ်လား...။</p> <p> </p> <p>၎င်းက လီယီတောင်း၏ စူးစမ်းလိုစိတ်ကို အကြီးအကျယ် ဆွပေးလိုက်လေသည်။ ထို့ကြောင့် သူ မတုံ့ဆိုင်းတော့ဘဲ ချယ်ရီပန်း သေမင်းကို ချက်ချင်း ရှာဖွေလိုက်၏။</p> <p> </p> <p>ရှာဖွေမှု ရလဒ်များ၏ ထိပ်ဆုံးတွင် Follower သန်းနှင့်ချီ ရှိသော ဗီဒီယို တစ်ခု ရှိနေလေသည်။</p> <p> </p> <p>အမျိုးသား တစ်ဦး ဗီဒီယိုထဲတွင် ပေါ်လာ၏။ ဗီဒီယို၏ နောက်ခံ ပတ်ဝန်းကျင်ကလည်း အတော်လေး ခမ်းနားသော အခန်းတစ်ခုထဲတွင် ဖြစ်ပုံရသည်။</p> <p> </p> <p>သူ၏ ဝတ်စုံမှာ အဖြူရောင် နောက်ခံတွင် ပန်းရောင် ချယ်ရီပန်းများ ပါဝင်ပြီး သီးသန့် ချုပ်လုပ်ထားပုံ ရ၏။</p> <p> </p> <p>သူ့ပုံစံက လျှို့ဝှက်ဆန်းကြယ်သည့် အငွေ့အသက်တို့ တလွင့်လွင့်။</p> <p> </p> <p>အခန်းထဲတွင် လင်းလက်နေသော ဖယောင်းတိုင်ဖြူ အများအပြား ရှိနေပြီး မျက်နှာကြက် မီးရောင်များကပင် အထူး ဒီဇိုင်းဆွဲထားပုံ ရလေသည်။</p> <p> </p> <p>ထိုအမျိုးသား ကိုယ်တိုင်ကတော့ လေးနက်သော မျက်နှာထားဖြင့် တင်ပျဉ်ခွေ ထိုင်နေ၏။</p> <p> </p> <p>ဤမြင်ကွင်းကို ကြည့်ရင်း လီယီတောင်း အံ့အားမသင့်ဘဲ မနေနိုင်တော့ပေ။</p> <p> </p> <p>' ငါက အရမ်း ပေါ့ပေါ့ဆဆ နိုင်လွန်းနေတာများလား... '</p> <p> </p> <p>ဒီဗီဒီယိုရဲ့ ပရော်ဖက်ရှင်နယ်ဆန်ချက်ကို ကြည့်ပါဦး... လုံးဝ အမှန်အကန်ကြီး သေချာရိုက်ထားတာ…. အခန်းဆိုလည်း ရှယ်…။</p> <p> </p> <p>ငါ့ကျ ဖုန်းတစ်လုံးနဲ့ ပြောချင်တာ တက်ပြောနေတဲ့ကောင်…။</p> <p> </p> <p>လီယီတောင်း ထိုဗီဒီယိုကို အချိန်အကြာကြီး မကြည့်နေတော့ဘဲ အသုံးပြုသူ၏ ပင်မစာမျက်နှာသို့ တိုက်ရိုက် သွားလိုက်၏။</p> <p> </p> <p>လွှင့်နေဆဲ ဖြစ်သော Live ကို သူ သတိထားမိပြီး ဝင်ကြည့်ရန် ရွေးချယ်လိုက်လေသည်။</p> <p> </p> <p>[ " ယီတောင်း နာရေးဝန်ဆောင်မှု " မှ Live ထဲသို့ ဝင်ရောက်လာပါသည်။ ]</p> <p> </p> <p>၎င်းမှာ ပလက်ဖောင်းက လီယီတောင်းကို သီးသန့် ပေးထားသော ပရိုမိုးရှင်း နည်းလမ်း တစ်ခု ဖြစ်၏။</p> <p> </p> <p>သူ Live တစ်ခုထဲသို့ ဝင်သွားတိုင်း ဤမက်ဆေ့ချ်က ပေါ်လာပေလိမ့်မည်။</p> <p> </p> <p>လီယီတောင်း ဝင်လာသည်နှင့် တစ်ပြိုင်နက် စည်ကားနေပြီးသား ဖြစ်သော Live မှာ တစ်ဖန် ပွဲဆူသွားပြန်လေသည်။</p> <p> </p> <p>" အစ်ကိုယီတောင်း ရောက်လာပြီဟေ့... ယေး... နောက်ဆုံးတော့ အစ်ကိုယီတောင်း ရောက်လာပြီ... "</p> <p> </p> <p>" ငါတော့ သည်းမခံနိုင်တော့ဘူး... ဒီအကြွားသန်ကောင် အစ်ကိုယီတောင်းနဲ့ တွေ့ဖို့ လိုနေပြီ... "</p> <p> </p> <p>"သိပ်မှန်တာပေါ့... ချယ်ရီပန်း နိုင်ငံက ကောင်က ဘာလို့ ငါတို့ နိုင်ငံကို လာပြီး ဒီလို လာလုပ်နေရတာလဲ... "</p> <p> </p> <p>" အစ်ကိုယီတောင်း ရောက်နေပြီ... သူ ဘယ်လို တုံ့ပြန်မလဲ ကြည့်ရအောင်... ဒီကောင် ခုနကတော့ ကြွားနေတာပဲ... "</p> <p> </p> <p>" ဟုတ်တယ်... အစ်ကိုယီတောင်းရဲ့ လက်စွမ်းကို ကြည့်ပြီး တကယ့် သေမင်းတမန် အစစ် ဆိုတာ ဘယ်သူလဲ ပြပေးလိုက်... "</p> <p> </p> <p>" ငါလည်း ဒီကောင့်ကို ကြည့်မရဘူး... ဒါပေမဲ့ ခုနက သူ လူနှစ်ယောက်ကို တကယ် သတ်သွားတာနော်... အစ်ကိုယီတောင်း အတွက် အန္တရာယ် ရှိနိုင်မလား... "</p> <p> </p> <p>" မင်း ဘာတွေ ပြောနေတာလဲ... အစ်ကိုယီတောင်းက အန္တရာယ် ရှိမယ် ဟုတ်လား... ဟားဟား... သောက်ရမ်းမိုက်တဲ့ ဟာသပဲကွာ... "</p> <p> </p> <p>" ဟေ့ကောင်တွေ... အစ်ကိုယီတောင်း ကမှ တကယ့် သေမင်းတမန် အစစ်ကွ... အဲဒီကောင်ကတော့လေ... အဲဒီ သေဆုံးမှု နှစ်ခုက အစစ်ဟုတ်ရဲ့လား ဆိုတာတောင် ငါ သံသယ ရှိတယ်... "</p> <p> </p> <p>" ဟားဟား... အပေါ်ကကောင် ပြောတာ ထိမိနေရော... အပိုတွေ ပြောရင် လေကုန်တယ်... အစ်ကိုယီတောင်း ရဲ့ စွမ်းရည်ကိုပဲ ကြည့်ကြတာပေါ့... "</p> <p> </p> <p>" @ယီတောင်း နာရေးဝန်ဆောင်မှု... အစ်ကိုယီတောင်း... စလှုပ်ရှားပါတော့... တကယ့် သေမင်းတမန် အစစ် ဆိုတာ ဘာလဲ ဒီအမှိုက်ကောင်ကို ပြပေးလိုက်... "</p> <p> </p> <p>" ဟုတ်တယ်... သူ့ကို ရှင်းပစ်လိုက်... "</p> <p> </p> <p>" သူ့ကို ရှင်းပစ်လိုက်... "</p> <p> </p> <p>Live ထဲ ရောက်နေသော လီယီတောင်းက မောက်မာသော ဟန်ပန် ရှိသည့် ထိုအမျိုးသားကို စောင့်ကြည့်နေလေသည်။</p> <p> </p> <p>ထိုအမျိုးသားမှာ ချယ်ရီပန်း နိုင်ငံမှ ဖြစ်ကြောင်း သူ အတည်ပြုလိုက်၏။</p> <p> </p> <p>အစကတော့ နာမည်ကြီးချင်၍ ဘောင်မဝင်တန်းမဝင် လျှောက်လုပ်သော Streamer တစ်ယောက် ဖြစ်မည်ဟု သူ ထင်ထားခဲ့သည်။ သို့သော် ယခုတော့ သူ့ကို ဒဲ့လာစိန်ခေါ်နေပြီမို့ လက်ပိုက်ကြည့်နေ၍ မဖြစ်တော့ပေ။</p> <p> </p> <p>" မင်းက ငါ့ကို ဒဲ့ဖြုတ်ချင်နေတယ်လို့ ကြားတယ်... ကဲ... အခု ငါ ဒီကို ရောက်နေပြီ... မင်း ဘယ်လို ဖြုတ်ချင်လဲ... "</p> <p> </p> <p style="text-align: center;">***</p>


Save