Book List

<h2 style="text-align: center;">အခန်း (၁၂၆)</h2> <h2 style="text-align: center;">စွမ်းအား မြှင့်တင်ခြင်းနှင့် လျူချင်းစုန့်၏ လိုက်လံဖမ်းဆီးမှု (၁)</h2> <h2 style="text-align: center;">*</h2> <p> </p> <p>အရှေ့ဘက် ခြံဝင်း…</p> <p>[ကျင့်စဉ်] - ထင်းခွဲဓားသိုင်း(လေးကြိမ်မြောက် ကန့်သတ်ချက် ဖောက်ထွင်းခြင်း ၅၀၀၀/၅၀၀၀) (ဝိသေသ - ထိတွေ့နားလည်ခြင်း၊ လေကဲ့သို့ လျင်မြန်သော ဓားအသုံးပြုမှု၊ နတ်ဘုရား ခြေလှမ်း၊ လူနှင့်ဓား တစ်သားတည်း ဖြစ်တည်ခြင်း)</p> <p>"အတွေ့အကြုံတန်ဖိုးက ပြည့်နေဆဲပဲ... အားလပ်ချိန်မှာ ထင်းခွဲခဲ့တာက တကယ်ပဲ အကျိုးသက်ရောက်မှု ရှိခဲ့ပုံရတယ်..."</p> <p>"နောက်တစ်ကြိမ် ကန့်သတ်ချက် ဖောက်ထွင်းဖို့ မူလစွမ်းအင် အမှတ် ဘယ်လောက်များ လိုအပ်မလဲ မသိဘူး..."</p> <p>"အမှတ် (၂၀၀) လောက်တော့ ဖြစ်လောက်ပေမည်..."</p> <p>…</p> <p>ကျန်းနင် စိတ်ထဲမှ တိတ်တဆိတ် တွေးတောနေမိ၏။</p> <p>ထို့နောက် သူက စနစ်မျက်နှာပြင်အား ပိတ်ချလိုက်သည်။</p> <p>ဆက်လက်၍ သွေးပူ လေ့ကျင့်ခန်းအဖြစ် လက်သီးသိုင်းကို စတင် လေ့ကျင့်တော့၏။</p> <p>[ကျင့်စဉ်] - သတ္တဝါငါးပါး လက်သီးသိုင်း (ပြီးပြည့်စုံခြင်း အဆင့် ၇၈၇/၁၀၀၀)</p> <p>ယခုအခါ သတ္တဝါငါးပါး လက်သီးသိုင်းမှာ ပြီးပြည့်စုံခြင်း အဆင့်သို့ ရောက်ရှိနေလေပြီ။ သူက ဤလက်သီးသိုင်းကို လေ့ကျင့်လိုက်တိုင်း သူ၏ သွေးချီစွမ်းအားများမှာ ငါးမျှင်ခန့် တိုးပွားလာလေ့ ရှိသည်။</p> <p>အမှတ် (၁၀၀၀) ပြည့်ရန် လိုအပ်သော အတွေ့အကြုံတန်ဖိုးမှာလည်း သိပ်မလိုတော့ဘဲ အမှတ် နှစ်ရာကျော်ခန့်သာ ကျန်ရှိတော့ပေသည်။</p> <p>သူ၏ လက်ရှိ လုပ်ဆောင်နိုင်စွမ်းနှင့် ဆိုလျှင် ထိုအမှတ်များ ပြည့်မီရန်မှာ ခဲယဉ်းလှသည် မဟုတ်ချေ။ အများဆုံး ကြာလှမှ နောက်ထပ် ရက်အနည်းငယ်ခန့်သာ ဖြစ်ပေမည်။</p> <p>အတွေ့အကြုံတန်ဖိုး အပြည့်အဝ ရရှိသွားသည်နှင့် တစ်ပြိုင်နက် ပထမဆုံးအကြိမ် ကန့်သတ်ချက် ဖောက်ထွင်းခြင်းကို လုပ်ဆောင်နိုင်တော့မည် မဟုတ်ပါလား။</p> <p>သတ္တဝါငါးပါး လက်သီးသိုင်း၏ ကန့်သတ်ချက် ဖောက်ထွင်းခြင်း အပေါ် သူက များစွာ မျှော်လင့်ထားခဲ့၏။ မည်သို့ပင်ဆိုစေ ဤသည်မှာ အောက်ခြေအဆင့် သိုင်းပညာ တစ်ခု၏ ကန့်သတ်ချက် ဖောက်ထွင်းခြင်း ဖြစ်ပြီး ထင်းခွဲဓားသိုင်းကဲ့သို့ အရေးမပါသော ကျင့်စဉ်များနှင့် လုံးဝ ကွာခြားလှပေသည်။</p> <p>[သတ္တဝါငါးပါး လက်သီးသိုင်း အတွေ့အကြုံ +၁]</p> <p>[သတ္တဝါငါးပါး လက်သီးသိုင်း အတွေ့အကြုံ +၁]</p> <p>[သတ္တဝါငါးပါး လက်သီးသိုင်း အတွေ့အကြုံ +၁]</p> <p>လက်သီးသိုင်းကို သုံးကြိမ်ဆက်တိုက် လေ့ကျင့်ပြီးနောက် တစ်ကိုယ်လုံး နွေးထွေးလာသည်ကို သူ ချက်ချင်း ခံစားလိုက်ရပြီး အတွင်းရှိ သွေးကြောများမှာလည်း ပိုမို လျင်မြန်စွာ စီးဆင်းလာခဲ့သည်။</p> <p>ဤအချိန်တွင်...</p> <p>နေမထွက်မီ အချိန်အနည်းငယ် လိုသေးပြီး မနက်ခင်း ရောက်ရန်ပင် အချိန် အတော်လေး ကျန်ရှိနေသေး၏။</p> <p>ကျန်းနင်က ခြံဝင်းထဲတွင် သူ၏ အဝတ်အစားများကို ချွတ်ချလိုက်ပြီး ဘောင်းဘီတို ကြီးကြီး တစ်ထည်ကိုသာ ဝတ်ဆင်ထားလိုက်တော့သည်။</p> <p>ခြံဝင်း အရှေ့ဘက်ကို သော့ခတ်ထားပြီး ပတ်ပတ်လည်ရှိ တံတိုင်းများမှာလည်း သုံးမီတာကျော် မြင့်မားလေသည်။ ထို့အပြင် သူက အရှေ့ဘက် ခြံဝင်း၏ လော့ရွှေကန်နှင့် အနီးဆုံး အခြမ်းတွင် နေထိုင်သဖြင့် အတော်လေး ခေါင်ပြီး လူသူကင်းမဲ့လှ၏။</p> <p>ထို့ကြောင့် တစ်စုံတစ်ယောက် လာရောက် နှောင့်ယှက်မည်ကို သူ စိုးရိမ်မနေတော့ချေ။ ဤနေရာတွင် သူက အရေပြားကို ယုံကြည်မှု အပြည့်ဖြင့် သန့်စင်နိုင်ပြီး ဝရဇိန် အင်မော်တယ် ခန္ဓာကျင့်စဉ်၏ တိုးတက်မှုကိုလည်း မြှင့်တင်နိုင်ပေမည်။</p> <p>နောက်တစ်ခဏ၌...</p> <p>သူက အရေပြား သန့်စင်ရာတွင် အသုံးပြုသော သဲများကို ထုတ်ယူလိုက်သည်။ ထို့နောက် ခန္ဓာကိုယ် တစ်ခုလုံးအနှံ့ အားပါပါဖြင့် စတင် ပွတ်တိုက်တော့၏။</p> <p>အချိန်အတန်ကြာပြီးနောက်...</p> <p>သူ့ တစ်ကိုယ်လုံးမှာ သဲများဖြင့် ပွတ်တိုက်ခံထားရပြီး ဖြစ်နေလေပြီ။</p> <p>ဤသည်မှာ အဆင့်ငယ်တစ်ခု အောင်မြင်ပြီးနောက် ပထမဆုံးအကြိမ် အရေပြား သန့်စင်ခြင်းပင်။ ယခုတစ်ကြိမ်မှာ ယခင်နှင့် လုံးဝ ကွဲပြားခြားနားနေကြောင်းကိုလည်း သူ သတိပြုမိလိုက်သည်။ အရေပြားမှ သွေးများ စိမ့်ထွက်လာရန် မဆိုထားနှင့် သူ မည်မျှပင် ကြိုးစားပွတ်တိုက်ပါစေ အရေပြားမှာ နီရဲလာခြင်း အလျဉ်းမရှိပေ။</p> <p>ထို့ကြောင့် အချိန်အတန်ကြာ ပြင်းပြင်းထန်ထန် ကြိုးစားပြီးနောက် သူ လက်လျှော့လိုက်ရတော့သည်။</p> <p>ထို့နောက်...</p> <p>သူ့ခန္ဓာကိုယ်ပေါ်တွင် သဲများ ကပ်ကျန်နေဆဲ အချိန်မှာပင် ကျန်းနင် ခဏတာ စဉ်းစားလိုက်ပြီး ဝရဇိန် အင်မော်တယ် ခန္ဓာကျင့်စဉ်၏ ပထမဆုံး သိုင်းဟန်ကို စတင် ဖော်ထုတ်သည်။</p> <p>ဆက်လက်၍ သူ၏ ခွန်အားများကို စုစည်းပြီး တစ်ကိုယ်လုံးရှိ အရေပြားများထဲသို့ သွေးချီများ ဝင်ရောက်လာစေရန် လှုံ့ဆော်လိုက်သည်။</p> <p>ဤအခြေအနေတွင် သတ္တဝါငါးပါး လက်သီးသိုင်းအား ဤအဆင့်ထိ လေ့ကျင့်ထားပြီး ဖြစ်သောကြောင့် သူ၏ သွေးချီမှာ လွန်စွာ အားကောင်းနေပြီ ဖြစ်ကာ အဆင့်တူ သာမန် သိုင်းပညာရှင်များထက် များစွာ သာလွန်နေလေပြီ။</p> <p>အထူးသဖြင့် မနေ့က သက်တမ်း ငါးဆယ်ရှိ သွေးကြာပန်းကို သန့်စင်ပြီးနောက်တွင် သူ၏ သွေးချီမှာ ပို၍ပင် အားကောင်းလာခဲ့ခြင်း ဖြစ်သည်။</p> <p>ယခုအခါ စွမ်းအားများ ပေါင်းစပ် တွန်းအားပေးလိုက်သည်နှင့် တစ်ပြိုင်နက် သူ၏ သွေးချီများမှာ ပွက်ပွက်ဆူလာပြီး အရေပြား အလွှာများထဲသို့ လှိုင်းလုံးများအလား တိုးဝင်သွားကာ အရေပြား၏ ကြံ့ခိုင်မှုကို သန့်စင်ပေးတော့သည်။</p> <p>ခဏအကြာတွင်...</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>မျက်စိရှေ့တွင် ပေါ်လာသော အချက်ပြမှုကို မြင်သော်လည်း ကျန်းနင်က တည်ငြိမ်စွာပင် ဒုတိယ သိုင်းဟန်ကို ဆက်လက် ဖော်ထုတ်လိုက်၏။</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>ထို့နောက် တတိယ၊ စတုတ္ထ၊ ပဉ္စမ စသည့် သိုင်းဟန်များကိုပါ အစီအရီ ဆက်တိုက် ဖော်ထုတ်လိုက်သည်။ လက်ရှိ သူပိုင်ဆိုင်ထားသော မပြည့်စုံသည့် ဝရဇိန် အင်မော်တယ် ခန္ဓာကျင့်စဉ်၏ နဝမမြောက် သိုင်းဟန်အထိ ရောက်သည်အထိပင်။</p> <p>လှုပ်ရှားမှု တစ်ခုစီတိုင်း အပြီးတွင် အရေပြားကို သန့်စင်ရန် သွေးချီများကို ဆက်တိုက် လှုံ့ဆော်ခဲ့သည်။ အချက်ပြ စာသားများ ဆက်တိုက် ပေါ်ထွက်လာသည်ကိုလည်း သူ မြင်တွေ့နေရ၏။</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ+၁]</p> <p>သိုင်းဟန် ကိုးခုလုံး ပြီးဆုံးသွားပြီး အချက်ပြ စာသား ကိုးခု ထွက်ပေါ်လာပြီးနောက် သူက ဖြည်းညှင်းစွာ ရပ်တန့်လိုက်တော့သည်။</p> <p>[ကျင့်စဉ်] - ဝရဇိန် အင်မော်တယ် ခန္ဓာကျင့်စဉ် (ကျွမ်းကျင်အဆင့် ၉/၂၀၀၀)</p> <p>စနစ်မျက်နှာပြင်ပေါ်ရှိ အပြောင်းအလဲများကို ကြည့်ရင်း ကျန်းနင်၏ မျက်လုံးများတွင် ဝမ်းသာပျော်ရွှင်မှု အရိပ်အယောင်အချို့ ထွက်ပေါ်လာသည်။</p> <p>"သေချာတာပေါ့... ပထမ သိုင်းဟန်ပဲဖြစ်ဖြစ် နဝမ သိုင်းဟန်ပဲဖြစ်ဖြစ် ဝရဇိန် အင်မော်တယ် ခန္ဓာကျင့်စဉ်အတွက် အတွေ့အကြုံတန်ဖိုးတွေ ရနိုင်သေးတာပဲ..."</p> <p>ထို့နောက် သူက ကောင်းကင်သို့ မော့ကြည့်လိုက်သည်။ ထိုအချိန်တွင် နေမင်းကြီးက ထွက်ပေါ်နေပြီ ဖြစ်ပြီး အံ့မခန်း အပူရှိန်များကို ထုတ်လွှတ်ကာ မြေပြင် တစ်ခုလုံးကို ဖုံးလွှမ်းထားလေပြီ။</p> <p>နေရောင်ခြည် အဝန်းအဝိုင်းကို တစ်ချက် အကဲခတ်ကြည့်ပြီးနောက် အချိန်မည်မျှ ရှိပြီကို သူ သိလိုက်သည်။ မနက် (၈) နာရီ ခွဲကျော်နေခဲ့ပြီ ဖြစ်၏။</p> <p>"အချိန် နှစ်နာရီခွဲလောက် အတွင်းမှာ ဝရဇိန် အင်မော်တယ် ခန္ဓာကျင့်စဉ်က အတွေ့အကြုံတန်ဖိုး ကိုးမှတ်တောင် ရခဲ့တယ်..."</p> <p>"ဒီလုပ်ဆောင်နိုင်စွမ်းက အရင်တုန်းကနဲ့ ယှဉ်ရင် လျော့မသွားတဲ့အပြင် ပိုတောင် တိုးလာသေးတယ်... သွေးချီတွေ တိုးပွားလာတာက ငါ့ရဲ့ အရေပြား သန့်စင်မှု လုပ်ဆောင်နိုင်စွမ်းကို တကယ်ပဲ ကြီးကြီးမားမား မြှင့်တင်ပေးနိုင်တာပဲ..."</p> <p>သူ၏ အရေပြား သန့်စင်မှု လုပ်ဆောင်နိုင်စွမ်းကို နားလည်သွားပြီးနောက် ကျန်းနင်လည်း စိတ်အတော်လေး သက်သာရာ ရသွားတော့သည်။</p> <p>အရေပြား၏ ကြံ့ခိုင်မှု တိုးလာပြီး အရေပြား သန့်စင်သည့် သဲများ၏ အာနိသင်မှာ သိသိသာသာ အားနည်းသွားသော်လည်း သဲ၏ ဆေးဘက်ဝင် စွမ်းအင်များကမူ သူ၏ အရေပြား အလွှာများထဲသို့ အလွယ်တကူ ဝင်ရောက်ကာ စုပ်ယူခြင်း ခံလိုက်ရသည်။</p> <p>သို့သော် သူ၏ သွေးချီများ တိုးပွားလာမှုကြောင့် လက်ရှိ လုပ်ဆောင်နိုင်စွမ်းမှာ မနှေးကွေးလှပေ။ အမှန်တကယ်ပင် အလွန် မြင့်မားသည်ဟု ဆိုနိုင်ပေသည်။</p> <p>နှစ်နာရီခွဲခန့် အချိန်အတွင်း သူ၏ ဝရဇိန် အင်မော်တယ် ခန္ဓာကျင့်စဉ်မှာ အတွေ့အကြုံတန်ဖိုး ကိုးမှတ်အထိ ရရှိနိုင်၏။ အကယ်၍ သူသာ ဝရဇိန် အင်မော်တယ် ခန္ဓာကျင့်စဉ်ကို အဆက်မပြတ် လေ့ကျင့်ပြီး အရေပြားကို သန့်စင်နိုင်မည် ဆိုပါက တိုးတက်မှုမှာ အဟုန်ဖြင့် တက်လာမည်သာ။</p> <p>တစ်နေ့လျှင် အတွေ့အကြုံတန်ဖိုး ခုနစ်ဆယ်မှ ရှစ်ဆယ်အထိ သူ ရရှိနိုင်ပေသည်။ အတွေ့အကြုံတန်ဖိုး နှစ်ထောင် ပြည့်ရန်အတွက် အများဆုံး ကြာလှမှ တစ်လခန့်သာ ကြာမြင့်ပေလိမ့်မည်။ ဆိုလိုသည်မှာ တစ်လအတွင်း ကြေးနီကဲ့သို့ မာကျောသော အရေပြားကို ပိုင်ဆိုင်လာကာ အရေပြား သန့်စင်ခြင်း ကျွမ်းကျင်မှု အဆင့်သို့ ရောက်ရှိနိုင်မည် ဖြစ်သည်။</p> <p>သို့သော် ဤသည်မှာ စိတ်ကူးယဉ် အခြေအနေ တစ်ခုသာ ဖြစ်ကြောင်း ကျန်းနင် ကောင်းကောင်း သိထား၏။</p> <p>အကြောင်းမှာ နှစ်နာရီကျော်ကြာ အရေပြားကို အဆက်မပြတ် သန့်စင်ပြီးနောက် တစ်ကိုယ်လုံးရှိ အရေပြား အလွှာများမှ ခပ်ရေးရေး နာကျင်မှုကို သူ ခံစားနေရသောကြောင့် ဖြစ်သည်။</p> <p>အရေပြား အလွှာများမှာ သွေးချီ၏ သန့်စင်မှုကို အချိန်အကြာကြီး ခံယူထားရသဖြင့် ဝန်ပိနေသည့် အခြေအနေသို့ ရောက်ရှိသွားကြောင်း ထင်ရှားလှပေသည်။ ထိုကဲ့သို့ အခြေအနေမျိုးတွင် နောက်တစ်ကြိမ် အရေပြား မသန့်စင်မီ ပြန်လည် နာလန်ထူရန် အချိန်အတိုင်းအတာ တစ်ခုအထိ လိုအပ်မည် ဖြစ်သည်။</p> <p>…</p> <p>ကျန်းနင်က နေမင်းကြီးကို မျက်နှာမူလျက် တင်ပျဉ်ခွေ ထိုင်ချလိုက်သည်။</p> <p>ယခုအချိန်တွင် မနက် (၈) နာရီ ခွဲကျော်နေပြီ ဖြစ်သော်လည်း (၉) နာရီ ထိုးရန် အချိန် သိပ်မကျန်တော့ပေ။ နှစ်နာရီပင် မပြည့်တော့ချေ။</p> <p>သို့တိုင် သန့်စင်မှုကြောင့် အရေပြားများ ဝန်ပိနေသည့် အခြေအနေတွင်ပင်...</p> <p>ထို့အပြင် အတွင်းအင်္ဂါများကို သန့်စင်ရန် နေမင်း မူလချီစွမ်းအင်ကို စုပ်ယူနိုင်မည့် တစ်နေ့တာ အချိန် ကန့်သတ်ချက်များ ကြားမှပင် ကျန်းနင်က ယနေ့အတွက် ကျန်ရှိနေသေးသော နှစ်နာရီ မပြည့်တပြည့် အချိန်လေးကို အခွင့်ကောင်း ယူကာ နေမင်း မူလချီစွမ်းအင်များကို စတင် စုပ်ယူရင်း သူ၏ အတွင်းအင်္ဂါများကို ဆက်လက် သန့်စင်တော့သည်။</p> <p>သူ၏ အတွင်းအင်္ဂါများ ဖွံ့ဖြိုးတိုးတက်လာမှုက သူ့အား မည်မျှ အထောက်အကူ ပြုကြောင်းကို ဤကာလများအတွင်း ကျန်းနင် အပြည့်အဝ သဘောပေါက် နားလည်ခဲ့ပြီ မဟုတ်ပါလား။</p> <p>End</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save