Book List

<h2 style="text-align: center;">အခန်း (၁၂၇)</h2> <h2 style="text-align: center;">စွမ်းအား မြှင့်တင်ခြင်းနှင့် လျူချင်းစုန့်၏ လိုက်လံဖမ်းဆီးမှု (၂)</h2> <h2 style="text-align: center;">*</h2> <p> </p> <p> </p> <p>၎င်းအပြင် 'အတွင်းဒန်တျန် ကျင့်စဉ်' ကို ထပ်မံ အဆင့်တက်နိုင်ပါက သူ့အတွက် ပိုမိုကြီးမားသော အရည်အသွေးပိုင်းဆိုင်ရာ အပြောင်းအလဲများ စောင့်ကြိုနေမည်ဖြစ်ပြီး သူ၏ 'အတွင်းချီ' ကိုလည်း ထိန်းချုပ်နိုင်မည် မဟုတ်ပါလား။</p> <p>ခဏအကြာတွင်...</p> <p>[အတွင်းဒန်တျန် ကျင့်စဉ် အတွေ့အကြုံ +၁]</p> <p>[အတွင်းဒန်တျန် ကျင့်စဉ် အတွေ့အကြုံ +၁]</p> <p>[အတွင်းဒန်တျန် ကျင့်စဉ် အတွေ့အကြုံ +၁]</p> <p>[...]</p> <p>…</p> <p>အချိန်မှာ မနက် (၉) နာရီမှ (၁၁) နာရီ ကြားသို့ ရောက်ရှိလုနီးပါး ဖြစ်လာသောကြောင့် ကျန်းနင်လည်း သူ၏ အသက်ရှူကျင့်စဉ်ကို ရပ်တန့်လိုက်တော့သည်။</p> <p>[ကျင့်စဉ်] - အတွင်းဒန်တျန် ကျင့်စဉ် (ကျွမ်းကျင်အဆင့် ၁၀၇၅/၂၀၀၀)</p> <p>"တိုးတက်မှုက တစ်ဝက်ကျော်နေပြီ... အတွင်းချီကို ထိန်းချုပ်နိုင်ဖို့လည်း သိပ်မလိုတော့ဘူးပဲ..."</p> <p>ကျန်းနင်က စနစ်မျက်နှာပြင်ကို ကြည့်ရင်း မျှော်လင့်ချက်များဖြင့် ပြည့်နှက်နေ၏။</p> <p>ထို့နောက်...</p> <p>ယခုမှသာ သူက ရေစည်ပိုင်းထဲသို့ ခုန်ဆင်းကာ ခန္ဓာကိုယ်ပေါ်ရှိ ခြောက်သွေ့နေသော အရေပြားသန့်စင်သည့် သဲများကို ပွတ်တိုက်ဆေးကြောရန် အချိန်ရတော့သည်။</p> <p>သန့်စင်ဆေးကြောပြီးနောက် ခန္ဓာကိုယ်ပေါ်ရှိ အညစ်အကြေးများ အားလုံး ကင်းစင်သွားချိန်တွင် ကျန်းနင်က ခြံဝင်းထဲ၌ လန်းဆန်းတက်ကြွစွာ ရပ်နေလိုက်၏။ အထူးသဖြင့် ယခုလိုအချိန်မျိုးတွင် ကန်ရေပြင်မှ တိုက်ခတ်လာသော လေပြေများကြောင့် သူ၏ ခန္ဓာကိုယ်ပေါ်ရှိ ရေစက်များမှာ လျင်မြန်စွာ ခန်းခြောက်သွားလေပြီ။</p> <p>ထိုအရာက ပူပြင်းလှသော နေ့လယ်ခင်း အချိန်တွင် သူ့အား အေးမြသော ခံစားမှုကို ရရှိစေသည်။</p> <p>"အရမ်း သက်တောင့်သက်သာ ရှိတာပဲ..."</p> <p>"ပူအိုက်တဲ့ နေ့တစ်နေ့မှာ ရေချိုးရတာလောက် ကောင်းတဲ့အရာ မရှိတော့ဘူး..."</p> <p>ကျန်းနင်၏ ပုံစံမှာ အင်အားများ ပြည့်ဝပြီး လန်းဆန်းနေပုံပေါ်၏။</p> <p>"မနက်စာ စားဖို့ အချိန်ကျပြီ..."</p> <p>အဝတ်အစား ဝတ်ဆင်ပြီးနောက် ကျန်းနင်က ခြံဝင်းထဲမှ ထွက်ခွာလာခဲ့သည်။</p> <p>ဤရက်ပိုင်းများ အတွင်း သူက မနက်၊ နေ့လယ်၊ ည မည်သည့်အချိန်တွင် သွားသွား သူ၏ အစ်ကိုနှင့် မရီးဖြစ်သူတို့က မီးဖိုချောင်ထဲ၌ အစားအစာများကို အဆင်သင့် ပြင်ဆင်ထားပြီး ဖြစ်သည်။</p> <p>ဤကဲ့သို့ အဆင်ပြေချောမွေ့မှုက သူ့အား အလွန် ကျေနပ်စေခဲ့၏။ သူ၏ အစ်ကိုနှင့် မရီး မိသားစုအား အတူလာနေရန် ဖိတ်ခေါ်ခဲ့ခြင်းမှာ အလွန် ပညာရှိရာကျကြောင်းလည်း သူ ခံစားနေရသည်။</p> <p>အကယ်၍ သူ၏ အစ်ကိုနှင့် မရီးသာ မရှိခဲ့လျှင် ဤမျှ ကြီးမားသော အိမ်ကြီးထဲတွင် နေထိုင်ရသည်မှာ အတော်လေး အဆင်မပြေ ဖြစ်ပေလိမ့်မည်။</p> <p>အစေခံများ ငှားရမ်းရန် ကိစ္စနှင့် ပတ်သက်၍မူ...</p> <p>လတ်တလောတွင် သူ ဆန္ဒမရှိသေးပေ။ သူ မတတ်နိုင်၍ မဟုတ်ဘဲ သူ့တွင် လျှို့ဝှက်ချက်များ သိပ်များနေသောကြောင့် ဖြစ်သည်။ ရည်ရွယ်ချက် ရှိသူများက အစေခံဟူသော အမည်ခံဖြင့် သူ့အနီးအနားတွင် နေထိုင်ရန် တစ်စုံတစ်ယောက်ကို စေလွှတ်လာမည်ကို သူ စိုးရိမ်မိ၏။</p> <p>အထူးသဖြင့် 'ချောင်မိသားစု' ပင်။</p> <p>…</p> <p>မနက်ခင်း…</p> <p>[သတ္တဝါငါးပါး လက်သီးသိုင်း အတွေ့အကြုံ +၁]</p> <p>[သတ္တဝါငါးပါး လက်သီးသိုင်း အတွေ့အကြုံ +၁]</p> <p>[သတ္တဝါငါးပါး လက်သီးသိုင်း အတွေ့အကြုံ +၁]</p> <p>[...]</p> <p>ကျန်းနင်က သူ၏ ခြံဝင်းထဲတွင် လက်သီးသိုင်းကို အကြိမ်ကြိမ်အခါခါ လေ့ကျင့်နေခဲ့သည်။</p> <p>လက်သီးသိုင်းကို တစ်ကြိမ် လေ့ကျင့်လိုက်တိုင်း သူ၏ သွေးချီမှာ ငါးမျှင်ခန့် တိုးလာပြီး သတ္တဝါငါးပါး လက်သီးသိုင်း၏ အတွေ့အကြုံတန်ဖိုးမှာလည်း ဖြည်းညှင်းစွာ တိုးတက်လာတော့သည်။</p> <p>လေ့ကျင့်နေစဉ် တစ်ကိုယ်လုံးသို့ သွေးချီများ လှည့်ပတ် စီးဆင်းသွားသည်နှင့်အမျှ ယခင်က အရေပြားပေါ်ရှိ ဝန်ပိနေမှုများ လျော့ကျသွားသည်ကို ခံစားလိုက်ရ၏။</p> <p>မကြာမီမှာပင်...</p> <p>နေမင်းကြီးက ပိုမို မြင့်တက်လာလေပြီဖြစ်သည်။ အပူချိန်မှာလည်း ၎င်းနှင့်အတူ မြင့်တက်လာခဲ့သည်။</p> <p>[ကျင့်စဉ်] - သတ္တဝါငါးပါး လက်သီးသိုင်း (ပြီးပြည့်စုံခြင်း အဆင့် ၇၉၉/၁၀၀၀)</p> <p>စနစ်မျက်နှာပြင်ကို တစ်ချက် ကြည့်ပြီးနောက် ကျန်းနင်က လေ့ကျင့်မှုကို ရပ်တန့်လိုက်သည်။</p> <p>သူ၏ အရေပြားမှာ ဝန်ပိမနေတော့ကြောင်း ခံစားလိုက်ရသဖြင့် 'အရေပြား သန့်စင်ခြင်း' ကို ဆက်လက် လုပ်ဆောင်ရန် အသင့်ဖြစ်နေလေပြီ။</p> <p>သို့သော် ယခုတစ်ကြိမ်တွင်မူ အရေပြား သန့်စင်ခြင်းနှင့် ပတ်သက်၍ ကျန်းနင်၏ အတွေးများ ပြောင်းလဲသွားခဲ့၏။ သူ စမ်းသပ်ကြည့်ပြီးနောက် သူ၏ အရေပြားမှာ ကျောက်တုံးကဲ့သို့ မာကျောနေသဖြင့် အရေပြား သန့်စင်သည့် သဲ၏ လုပ်ဆောင်နိုင်စွမ်းမှာ ယခင်ကလောက် မကောင်းတော့ကြောင်း ခံစားလိုက်ရခြင်းပင်။</p> <p>ထို့ကြောင့် သူက စမ်းသပ်မှုတစ်ခု ပြုလုပ်ရန် ဆုံးဖြတ်လိုက်သည်။</p> <p>အရေပြား သန့်စင်သည့် သဲများကို အသုံးမပြုပါက ရလဒ်များ မည်သို့ ဖြစ်လာမည်ကို သိရှိနိုင်ရန်ဖြစ်သည်။</p> <p>ချက်ချင်းပင်...</p> <p>သူက 'သစ်ပင် အဆီအနှစ်' ပုလင်း တစ်ပုလင်းကို ဖွင့်၍ တစ်ကျိုက်တည်း မော့သောက်လိုက်တော့သည်။</p> <p>သူ့ခန္ဓာကိုယ်က ဆေးစွမ်းအမြောက်အများကို စုပ်ယူလိုက်ပြီး အကောင်းဆုံး အခြေအနေသို့ ရောက်ရှိသွားသည်နှင့် သူက 'ဝရဇိန် အင်မော်တယ် ခန္ဓာကျင့်စဉ်' ၏ ပထမဆုံး သိုင်းဟန်ကို စတင် ဖော်ထုတ်လိုက်၏။</p> <p>ထို့နောက် သူ၏ 'စွမ်းအား' များကို လှုံ့ဆော်ကာ အရေပြား သန့်စင်ရန် သွေးချီများကို တွန်းအားပေးလိုက်သည်။</p> <p>သွေးချီများက သူ့ခန္ဓာကိုယ်ကို အကြိမ်ကြိမ် ဖြတ်သန်း စီးဆင်းသွားသည်နှင့်အမျှ...</p> <p>သူ၏ မျက်စိရှေ့တွင် အချက်ပြ စာသားအသစ်တစ်ခု တဖြည်းဖြည်း ထွက်ပေါ်လာတော့သည်။</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>[...]</p> <p>သူ၏ အရေပြားများ ဝန်ပိသွားသည့် အခြေအနေသို့ ရောက်ရှိသွားပြီး တစ်ကိုယ်လုံး ခပ်ရေးရေး နာကျင်လာသည်ကို ခံစားရမှသာ သူက အရေပြား သန့်စင်ခြင်း လုပ်ငန်းစဉ်ကို ရပ်တန့်လိုက်လေသည်။</p> <p>[ကျင့်စဉ်] - ဝရဇိန် အင်မော်တယ် ခန္ဓာကျင့်စဉ် (ကျွမ်းကျင်အဆင့် ၁၉/၂၀၀၀)</p> <p>စနစ်မျက်နှာပြင်ကို ပိတ်လိုက်ပြီးနောက် သူက ခြံဝင်းထဲမှနေ၍ ကောင်းကင်ယံရှိ နေရောင်ခြည် အဝန်းအဝိုင်းကို မော့ကြည့်လိုက်၏။</p> <p>"အချိန် ခြောက်နာရီလောက်တောင် မကြာလိုက်ဘူးပဲ..."</p> <p>"ကြည့်ရတာ အရေပြား သန့်စင်တဲ့ သဲတွေက ငါ့အတွက် သိပ်အသုံးမဝင်တော့တဲ့ပုံပဲ..."</p> <p>"ငါ့ရဲ့ လုပ်ဆောင်နိုင်စွမ်း တိုးတက်မှုက မယုံနိုင်လောက်အောင် နှေးကွေးလွန်းတယ်... ဆန့်ကျင်ဘက် အနေနဲ့ သွေးချီ တိုးပွားလာတာရယ်၊ သတ္တဝါငါးပါး လက်သီးသိုင်းရဲ့ အကူအညီရယ် ပေါင်းလိုက်တော့ အတော်လေး ကောင်းမွန်နေတယ်... ဒါကြောင့်လည်း ငါက ဒီလောက် မြင့်မားတဲ့ နှုန်းထားနဲ့ အရေပြားကို သန့်စင်နိုင်နေသေးတာ..."</p> <p>စမ်းသပ်မှု ပြီးဆုံးသွားပြီးနောက် ကျန်းနင်က သတ္တဝါငါးပါး လက်သီးသိုင်းအပေါ် ယခင်ကထက်ပင် ပိုမို အရေးပါကြောင်း သတ်မှတ်လိုက်လေပြီ။</p> <p>သွေးချီဆိုသည်မှာ 'သိုင်းပညာ' ၏ အခြေခံ အုတ်မြစ်ပင် ဖြစ်သည်။</p> <p>လက်သီးသိုင်း လေ့ကျင့်ခြင်းက သူ့အတွက် သွေးချီ တိုးပွားစေရန် အကောင်းဆုံး နည်းလမ်းတစ်ခု မဟုတ်ပါလား။</p> <p>သွေးချီများ အားကောင်းနေသရွေ့ သူ၏ ခန္ဓာကိုယ် ပိုမို သန်မာလာမည် သာမက... အနာဂတ်တွင် အဆင့်အတားအဆီးများကို ဖောက်ထွင်းရာ၌လည်း ကြီးမားသော အထောက်အကူ ဖြစ်စေပြီး သူ၏ လုပ်ဆောင်နိုင်စွမ်း တစ်ခုလုံးကို သိသိသာသာ တိုးတက်လာစေမည် ဖြစ်သည်။</p> <p>ဤအရာထက် ပိုအရေးကြီးသောအရာ မရှိတော့ဟုပင် ဆိုနိုင်ပေသည်။</p> <p>…</p> <p>နောက်တစ်နေ့ နေ့လယ်ခင်း…</p> <p>'လော့ရွှေကန်'</p> <p>လူသူကင်းမဲ့သော ကျွန်းငယ်လေး တစ်ကျွန်းပေါ်တွင်…</p> <p>သဲသောင်ပြင်၌ လှေငယ်တစ်စင်း ဆိုက်ကပ်ထားလျက်ရှိ၏။</p> <p>"အကြီးအကဲလျူ... ပိုးကောင်လေးရဲ့ လမ်းညွှန်မှု အရဆိုရင် ထျန်းပုယီဆီမှာ အကြီးအကဲ ချန်ထားခဲ့တဲ့ အနံ့က ဒီဘက်ကို ဦးတည်နေတယ်..."</p> <p>လျူချင်းစုန့်က လှေဦးပိုင်းတွင် ရပ်၍ ပတ်ပတ်လည်သို့ အကဲခတ် ကြည့်ရှုလိုက်သည်။ သူက သဘောတူညီကြောင်း ခေါင်းညိတ်ပြလိုက်၏။</p> <p>"ဒီကျွန်းငယ်လေးက ပုန်းအောင်းဖို့ တကယ်ကို ကောင်းတဲ့ နေရာပဲ..."</p> <p>"ထျန်းပုယီရဲ့ နာမည်ပြောင်က 'မြစ်နဂါး' တဲ့... သူ့ရဲ့ ရေကူးကျွမ်းကျင်မှုက ထူးကဲလှတော့ သူ့အတွက် ဒီနေရာက ပိုပြီး စံပြဖြစ်မယ့် ပုန်းအောင်းစရာ နေရာတစ်ခုပေါ့..."</p> <p>ထိုစကားကြားလျှင် အနောက်မှ နောက်လိုက်များမှာ တွေဝေသွားကြသည်။</p> <p>"အကြီးအကဲလျူ... ဒါဆိုရင် ကျွန်တော်တို့ ထျန်းပုယီကို ရှာတွေ့ရင်တောင် သူ့ကို ဖမ်းနိုင်ပါ့မလား..."</p> <p>"သူ့ရဲ့ ရေကူးကျွမ်းကျင်မှုက အရမ်း ကောင်းလွန်းတယ်လေ... ရေထဲရောက်သွားတာနဲ့ သူက ပျောက်ကွယ်သွားမှာပဲ... ပြီးတော့ သူက သာမန်လူတွေထက် အသက်ကို အများကြီး ပိုရှည်ရှည် အောင့်ထားနိုင်တယ်..."</p> <p>အခြားတစ်ယောက်ကလည်း ခေါင်းညိတ် ထောက်ခံလိုက်၏။</p> <p>"ဟုတ်တယ်... သူ့ကို ဘယ်လိုလုပ် ဖမ်းနိုင်မှာလဲ"</p> <p>လျူချင်းစုန့်က တည်ငြိမ်စွာပင်... "ဒီတစ်ခါ သူ့ကို မဖမ်းနိုင်ရင်တောင် စိတ်မပူပါနဲ့... အရင်တုန်းက သူ ငါ့လက်ဝါးရိုက်ချက်ကြောင့် ဒဏ်ရာရထားတော့ အတွင်းဒဏ်ရာတွေ ရှိနေမှာ အသေအချာပဲ... ငါက သူ့အပေါ်မှာ ဆေးမှုန့်တစ်မျိုး သုံးထားခဲ့တယ်... အဲဒါက သူ့အသားနဲ့ သွေးထဲအထိ စိမ့်ဝင်သွားပြီမို့ ဒီအနံ့ကို သူ ဖျောက်ဖျက်ပစ်လို့ မရနိုင်တော့ဘူး..."</p> <p>"အခု ငါတို့မှာ လမ်းပြပေးဖို့ ပိုးကောင်လေး ရှိနေပြီဆိုတော့ သူ လွတ်မြောက်နိုင်မှာ မဟုတ်ဘူး..."</p> <p>"ငါတို့က သူ့ကို လုံလောက်တဲ့ ဖိအားတွေ ပေးနေသရွေ့ သူ့ဒဏ်ရာတွေက သေချာပေါက် ပိုဆိုးလာလိမ့်မယ်... အစောနဲ့အနှောင်းတော့ သူ့ကို ငါတို့ ဖမ်းမိမှာပါ..."</p> <p>စကားပြောနေစဉ်...</p> <p>လျူချင်းစုန့်က သူ၏ ရင်ဘတ်ထဲမှ 'ကျောက်စိမ်းပုလင်း' တစ်လုံးကို ထုတ်ယူလိုက်ပြီး အဖုံးကို ဖြည်းညှင်းစွာ ဖွင့်လိုက်သည်။</p> <p>နောက်တစ်ခဏ၌...</p> <p>ခပ်မှိန်မှိန် တောက်ပနေသော ပိုးကောင်လေး တစ်ကောင်က ပုလင်းထဲမှ ပျံထွက်လာပြီးနောက် တောင်ပံများကို ခတ်ကာ အရပ်မျက်နှာ တစ်ခုဆီသို့ ဆတ်ခနဲ ပျံသန်းသွားလေပြီ။</p> <p>"အမီလိုက်ကြ..." လျူချင်းစုန့်က အမိန့်ပေးလိုက်၏။</p> <p>"ဟုတ်ကဲ့ပါ အကြီးအကဲလျူ..." လူအုပ်ကြီးက ပြန်လည် တုံ့ပြန်လိုက်ပြီး အလျင်အမြန် ထက်ကြပ်မကွာ လိုက်ပါသွားကြတော့သည်။</p> <p>ခဏအကြာတွင်...</p> <p>သူတို့က ကမ်းစပ်ရှိ နေရာတစ်ခုသို့ ရောက်ရှိလာကြသည်။ ခြောက်သွေ့နေသော သွေးကွက် တစ်ကွက်ပေါ်သို့ ပိုးကောင်လေး ဖြည်းညှင်းစွာ နားခိုသွားသည်ကို လျူချင်းစုန့် တစ်ယောက် အသေအချာ စိုက်ကြည့်နေလိုက်သည်။</p> <p>End</p> <p style="text-align: center;"> </p> <p style="text-align: center;"> </p> <p style="text-align: center;">***</p>


Save