Book List

<h2 style="text-align: center;">အခန်း (၁၃၅)</h2> <h2 style="text-align: center;">တစ်ဟုန်ထိုး မြင့်တက်လာသော စွမ်းဆောင်ရည်</h2> <h2 style="text-align: center;">လင်းချင်းရီ၏ အကြံအစည်</h2> <h2 style="text-align: center;">*</h2> <p> </p> <p>လော့ရွှေ မြစ်ကမ်းဘေး…</p> <p> </p> <p>အရှေ့ဘက်ခြံဝင်း…</p> <p> </p> <p>ကျန်းနင်က ဝရဇိန် အင်မော်တယ် ခန္ဓာကျင့်စဉ်၏ ပထမဆုံး ကိုယ်နေဟန်ထားကို ပြင်ဆင်လိုက်ပြီး အချိန်အနည်းငယ် အကြာတွင် ဒုတိယ၊ ထို့နောက် တတိယ...</p> <p> </p> <p>တိရစ္ဆာန်ငါးကောင် ခွန်အားကို လှည့်ပတ်ပြီး ခန္ဓာကိုယ်အနှံ့ ချီနှင့် သွေးများကို စီးဆင်းစေလိုက်ချိန်တွင်...</p> <p> </p> <p>ယခင်ကနှင့် လုံးဝ ကွဲပြားခြားနားသော ခံစားချက် တစ်ခုကို သူ ရုတ်တရက် ခံစားလိုက်ရ၏။</p> <p> </p> <p>တိရစ္ဆာန်ငါးကောင် ခွန်အားမှာ ဝိညာဉ်အနှစ်သာရများ ပြည့်နှက်နေပြီး အသွင်ပြောင်းလဲမှု တစ်ခု ဖြစ်ပေါ်သွားသကဲ့သို့ပင်။</p> <p> </p> <p>...</p> <p> </p> <p>ချီနှင့် သွေး စီးဆင်းမှုကို မြှင့်တင်ပေးရင်း သူ၏ ခန္ဓာကိုယ် အရေပြား အမြှေးပါး အပေါ် သန့်စင်ခြင်း အာနိသင် ကြီးမားစွာ တိုးတက်လာသည်ကိုလည်း ခံစားလိုက်ရသည်။</p> <p> </p> <p>တစ်ချိန်တည်းမှာပင်...</p> <p> </p> <p>ဝရဇိန် အင်မော်တယ် ခန္ဓာကျင့်စဉ်၏ အတွေ့အကြုံ အမှတ်များ တိုးလာကြောင်း အချက်ပြချက်များ သူ့ရှေ့တွင် ပေါ်လာတော့သည်။</p> <p> </p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p> </p> <p>ထိုကဲ့သို့ အချက်ပြချက် သုံးကြိမ် ပေါ်လာပြီးနောက်...</p> <p> </p> <p>သူက ဒုတိယ ကိုယ်နေဟန်ထားသို့ ချက်ချင်း ပြောင်းလဲလိုက်၏။</p> <p> </p> <p>တိရစ္ဆာန်ငါးကောင် ခွန်အားကို ဆက်လက် လှည့်ပတ်ပြီး ခန္ဓာကိုယ် တစ်ခုလုံးသို့ ချီနှင့် သွေးများ တွန်းပို့လိုက်သည်။</p> <p> </p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p>[ဝရဇိန် အင်မော်တယ် ခန္ဓာကျင့်စဉ် အတွေ့အကြုံ +၁]</p> <p> </p> <p>နောက်ထပ် အချက်ပြချက် သုံးကြိမ် ပေါ်လာပြီးနောက် ဝရဇိန် အင်မော်တယ် ခန္ဓာကျင့်စဉ်၏ တတိယ ကိုယ်နေဟန်ထား၊ ထို့နောက် စတုတ္ထ၊ ပဉ္စမ...</p> <p> </p> <p>မျက်တောင် တစ်ခတ်စာ အချိန်အတွင်း...</p> <p> </p> <p>ဝရဇိန် အင်မော်တယ် ခန္ဓာကျင့်စဉ်၏ ပျက်စီးနေသော သိုင်းကျမ်းထဲတွင် မှတ်တမ်းတင်ထားသည့် ခန္ဓာကိုယ် သန့်စင်ခြင်း ကိုယ်နေဟန်ထား ကိုးခုလုံးကို သူ အောင်မြင်စွာ လုပ်ဆောင်နိုင်ခဲ့သည်။</p> <p> </p> <p>[ကျွမ်းကျင်မှု]: ဝရဇိန် အင်မော်တယ် ခန္ဓာကျင့်စဉ် (ကျွမ်းကျင်အဆင့် ၂၉၅/၂၀၀၀)</p> <p> </p> <p>စနစ်မျက်နှာပြင်ကို တစ်ချက် ကြည့်လိုက်ပြီးနောက် ကျန်းနင်၏ မျက်လုံးများ ဝမ်းသာမှုကြောင့် တစ်ဖန် ပြန်လည် တောက်ပလာတော့သည်။</p> <p> </p> <p>"ဝရဇိန် အင်မော်တယ် ခန္ဓာကျင့်စဉ်ရဲ့ အတွေ့အကြုံ အမှတ်တွေက အရေပြား အမြှေးပါး သန့်စင်ခြင်း မလုပ်ခင်က ၂၆၆ ကနေ အခု ၂၉၅ အထိ တစ်ဟုန်ထိုး တက်သွားပြီပဲ"</p> <p> </p> <p>"စွမ်းဆောင်ရည်က နှစ်ဆ ဖြစ်သွားတာပဲ"</p> <p> </p> <p>"တူညီတဲ့ အချိန်ပမာဏ၊ တူညီတဲ့ အရေပြား အမြှေးပါး သန့်စင်ခြင်း နည်းလမ်းကို အသုံးပြုပြီးတော့ အတွေ့အကြုံ အမှတ် ၂၉ မှတ် တစ်ဟုန်ထိုး တက်သွားတာ"</p> <p> </p> <p>"ရှီး..." ဤအရာကို တွေးမိရင်း ကျန်းနင်က အံ့ဩတကြီး လေတစ်ချက် ရှိုက်သွင်းလိုက်မိ၏။</p> <p> </p> <p>ထို့နောက် သူက ဆက်လက်၍…</p> <p> "သတ္တဝါငါးမျိုး လက်သီးသိုင်းရဲ့ ကန့်သတ်ချက် ချိုးဖျက်မှုက ဒီလောက် ကြီးမားတဲ့ တိုးတက်မှုကို ယူဆောင်လာပေးပြီး အရေပြား အမြှေးပါး သန့်စင်ခြင်း စွမ်းဆောင်ရည်ကို သုံးဆတောင် မြှင့်တင်ပေးလိုက်တာပဲ" ကျန်းနင်က တိတ်ဆိတ်စွာ ရေရွတ်လိုက်သည်။</p> <p> </p> <p>"နောက်ပြီး ငါ့ရဲ့ လက်ရှိ တိုးတက်မှုနှုန်းက ဘာပြင်ပ အကူအညီမှ မပါသေးဘူး... ခဏနေ ရွှေကိုယ်ထည် ဆေးရည်ထဲ ဝင်စိမ်လိုက်ရင် အရေပြား သန့်စင်ခြင်း စွမ်းဆောင်ရည်က သေချာပေါက် နောက်တစ်ကြိမ် တစ်ဟုန်ထိုး တက်လာဦးမှာပဲ"</p> <p> </p> <p>"အရေပြား သန့်စင်ခြင်း ကျွမ်းကျင်မှု အဆင့်ကို ရောက်ပြီး ငါ့အရေပြားက ကြေးနီလို မာကျောလာမယ့်နေ့က သိပ်မဝေးတော့တဲ့ပုံပဲ"</p> <p> </p> <p>ကျန်းနင်၏ နှလုံးသားထဲတွင် စိတ်လှုပ်ရှားမှုများ ပြည့်နှက်နေ၏။</p> <p> </p> <p>အရေပြား သန့်စင်ခြင်း ကျွမ်းကျင်မှု အဆင့်သို့ ရောက်ရှိပါက လောက၏ သိုင်းပညာ စံနှုန်းများအရ သူ၏ ခန္ဓာကိုယ် တစ်ခုလုံးရှိ ကြွက်သားများကို စတင် သန့်စင်နိုင်ပြီ ဖြစ်သည်။</p> <p> </p> <p>ထိုသို့ဖြင့် သိုင်းပညာ အဆင့်ရှစ် သို့ လှမ်းတက်ကာ နတ်ဘုရား ခွန်အား နယ်ပယ်ထဲသို့ ဝင်ရောက်နိုင်မည် မဟုတ်ပါလား။</p> <p> </p> <p>ဤအဆင့်သို့ ရောက်ရှိပါက ခရိုင်တစ်ခုလုံး အတိုင်းအတာဖြင့် ကြည့်လျှင်ပင် သူက မည်သူမှ လျစ်လျူရှုရဲမည် မဟုတ်သော တကယ့် အရေးပါသည့် ပုဂ္ဂိုလ်တစ်ဦး ဖြစ်လာပေလိမ့်မည်။</p> <p> </p> <p>ထို့နောက်…</p> <p> </p> <p>ခန္ဓာကိုယ်အတွင်း ကုန်ခမ်းသွားမှုကို ခံစားရသဖြင့် သစ်ပင် အနှစ်သာရ ပုလင်း တစ်ပုလင်းကို ထုတ်ယူကာ မျိုချလိုက်၏။</p> <p> </p> <p>ကျွတ် ကျွတ်...</p> <p> </p> <p>သူက နှုတ်ခမ်းကို နှစ်ချက် သပ်လိုက်ပြီး…</p> <p>"သတ္တဝါငါးမျိုး လက်သီးသိုင်း ကန့်သတ်ချက် ချိုးဖျက်ပြီးနောက်ပိုင်း လက်သီးသိုင်း တစ်ကြိမ် လေ့ကျင့်တာက ချီနဲ့ သွေး ဆယ်မျှင်ကို သန့်စင်ပေးနိုင်တော့ ခန္ဓာကိုယ်ရဲ့ စွမ်းအင် သုံးစွဲမှုကလည်း အများကြီး တိုးလာတာပဲ" ကျန်းနင်က အံ့အားသင့်စွာ ပြောလိုက်မိသည်။</p> <p> </p> <p>"အရေပြား အမြှေးပါး သန့်စင်ခြင်း စွမ်းဆောင်ရည်ကလည်း သိသိသာသာ တိုးတက်လာပြီ ဆိုတော့ ခန္ဓာကိုယ်ရဲ့ စွမ်းအင် သုံးစွဲမှုကလည်း နောက်တစ်ကြိမ် တစ်ဟုန်ထိုး မြင့်တက်လာပြန်ပြီ"</p> <p> </p> <p>"ငါ့ရဲ့ လက်ရှိ စွမ်းအင် သုံးစွဲမှုနှုန်းကို တစ်နေ့ကို သစ်ပင် အနှစ်သာရ နှစ်ပုလင်းတည်းနဲ့ ထိန်းထားလို့ မရတော့ဘူး"</p> <p> </p> <p>"အခုဆို တစ်နေ့ကို အနည်းဆုံး လေးငါးပုလင်းလောက် လိုအပ်နေပြီ"</p> <p> </p> <p>"လွန်ခဲ့တဲ့ ဆယ်ရက်ကျော်က ဝယ်ထားတဲ့ သစ်ပင် အနှစ်သာရ ပုလင်း ငါးဆယ်က နောက်ရက်အနည်းငယ် အထိတောင် ခံတော့မှာ မဟုတ်ဘူး"</p> <p> </p> <p>"သန်ဘက်ခါ ဝမ်ကျင်းရဲ့ အတွင်းစည်း တပည့် လက်ခံပွဲကို တက်ရောက်ပြီးရင် သစ်ပင် အနှစ်သာရ တချို့ ထပ်သွားဝယ်ရဦးမယ်"</p> <p> </p> <p>"သင့်တော်တဲ့ ဓားသစ် တစ်လက်လည်း ရှာရဦးမယ်"</p> <p> </p> <p>"အခု ငါ့ဆီမှာ ရှိနေတဲ့ သစ်နက် ဓားရှည်က အရမ်း ပေါ့ပါးလွန်းပြီး အရည်အသွေးကလည်း အရမ်း ညံ့တယ်"</p> <p> </p> <p>"အဲဒီနေ့က ထျန်းပုယီနဲ့ ရေအောက် တိုက်ပွဲမှာသာ ငါ့လက်ထဲ ဓားကောင်းကောင်း တစ်လက် ရှိခဲ့မယ်ဆိုရင် သူ့ကို အများကြီး ပိုပြီး ခြိမ်းခြောက်နိုင်ခဲ့မှာ သေချာတယ်"</p> <p> </p> <p>ဤအရာများကို စိတ်ထဲ တွေးတောရင်း ကျန်းနင်က အရှေ့ဘက်ခြံဝင်းရှိ မီးဖိုချောင်ဘက်သို့ လျှောက်လာခဲ့သည်။</p> <p> </p> <p>...</p> <p> </p> <p>မီးဖိုချောင်ရှိရာသို့…</p> <p> </p> <p>"ညီလေး" ကျန်းနင် ရောက်လာသည်ကို မြင်လျှင် ကျန်းလီက ကျယ်လောင်စွာ ပြုံးလျက် နှုတ်ဆက်လေသည်။</p> <p> </p> <p>နှုတ်ဆက်ပြီးနောက် ကျန်းနင်က အဝတ်အစားများ ချွတ်ကာ ဘောင်းဘီတိုလေးသာ ဝတ်ဆင်ပြီး ကြိုတင် အပူပေးထားသော သစ်သားစည်ပိုင်းထဲသို့ ခုန်ဆင်းလိုက်သည်။</p> <p> </p> <p>စည်ပိုင်း အတွင်းတွင် ရွှေရောင် ကြိုးမျှင်များက ရေကူးနေသော နဂါးများသဖွယ် စီးဆင်းနေကြ၏။</p> <p> </p> <p>ဤသည်မှာ နတ်ဆိုးသွေး၏ ထင်ရှားသော လက္ခဏာပင်။</p> <p> </p> <p>ထိုအခိုက်အတန့်တွင် ရွှေကိုယ်ထည် ဆေးရည် တစ်ထုပ်မှာ ရေပူထဲတွင် အရည်ပျော်နေပြီ ဖြစ်ပြီး ၎င်း၏ ဆေးစွမ်းအင်များက အခိုးအငွေ့ ထွက်နေသော ရေထဲသို့ အပြည့်အဝ စိမ့်ဝင်နေလေပြီ။</p> <p> </p> <p>"ညီလေး... ခံနိုင်ရည် ရှိရဲ့လား" ရေထဲဝင်ပြီးနောက် ကျန်းလီက မေးလိုက်သည်။</p> <p> </p> <p>ခန္ဓာကိုယ် အတွင်းရှိ ပြောင်းလဲမှုများကို ခံစားရင်း ကျန်းနင်က မျက်နှာထား မပြောင်းလဲဘဲ တည်ငြိမ်စွာ ခေါင်းညိတ်ပြလိုက်၏။</p> <p>"ပြဿနာ မရှိပါဘူး"</p> <p> </p> <p>အပေါ်ယံတွင် ကျန်းနင်မှာ သက်တောင့်သက်သာ ရှိနေပုံ ပေါ်သော်လည်း တကယ်တမ်းတွင်မူ မည်သို့မျှ မလွယ်ကူလှပေ။</p> <p> </p> <p>ဆူပွက်နေသော ရေနွေးစည်ပိုင်းထဲသို့ ရုတ်တရက် ခုန်ဆင်းရခြင်းက မည်သို့ လွယ်ကူနိုင်မည်နည်း။</p> <p> </p> <p>ရေနွေးထဲတွင် ဆေးဖက်ဝင် အပင်များ ရောနှော ပါဝင်နေသည်ကိုတော့ ပြောစရာ မလိုတော့ပေ။</p> <p> </p> <p>ထိုအချိန်တွင် ရေနွေးကြောင့် မွေးညင်းပေါက်များ ပွင့်လာသည်နှင့်အမျှ ကျန်းနင်က သူ့ခန္ဓာကိုယ်ထဲ ဝင်ရောက်လာသော လွှမ်းမိုးနိုင်စွမ်း ရှိသည့် စွမ်းအား လှိုင်းလုံးများကို ချက်ချင်း ခံစားလိုက်ရ၏။</p> <p> </p> <p>တစ်ကိုယ်လုံးရှိ မွေးညင်းပေါက်များမှတစ်ဆင့် အရေပြား အမြှေးပါးထဲသို့ အပ်ထောင်ပေါင်းများစွာ ထိုးဖောက် ဝင်ရောက်လာသကဲ့သို့ ခံစားရသည်။</p> <p> </p> <p>ချက်ချင်းပင်…</p> <p> </p> <p>ကျန်းနင်က မျက်လုံးများကို ဖြည်းညှင်းစွာ မှိတ်၍ ခန္ဓာကိုယ်ကို အတွင်းပိုင်း စစ်ဆေးကြည့်လိုက်သည်။</p> <p> </p> <p>ဤအတွင်းပိုင်း မြင်ကွင်းအောက်တွင် ရေနွေးကြောင့် ပွင့်နေသော မွေးညင်းပေါက်များမှတစ်ဆင့် ခန္ဓာကိုယ် တစ်ခုလုံးရှိ အရေပြား အမြှေးပါး၏ နေရာတိုင်းသို့ ဆေးစွမ်းအင်များ ဝင်ရောက်လာသည်ကို သူ မြင်တွေ့လိုက်ရ၏။</p> <p> </p> <p>ထိုဆေးစွမ်းအင်များ ဝင်ရောက်လာမှုက သူ၏ အရေပြားကို သက်တောင့်သက်သာ ရှိသောအခြေအနေသို့ ရောက်ရှိသွားသကဲ့သို့ ခံစားရစေသည်။</p> <p> </p> <p>ဝရဇိန် အင်မော်တယ် ခန္ဓာကျင့်စဉ် လေ့ကျင့်မှုကြောင့် အရေပြား အမြှေးပါး အပေါ် မကြာသေးမီက သက်ရောက်ခဲ့သော ဖိအားများကို ဆေးရည်စိမ်ခြင်းက ဖြည်းညှင်းစွာ ပြေလျော့သွားစေသည်။</p> <p> </p> <p>ဤအရာက ကျန်းနင်ကို သက်တောင့်သက်သာ ရှိစေသော်လည်း တစ်ချိန်တည်းမှာပင် သူ၏ ခန္ဓာကိုယ်မှာ အပ်နှင့် ထိုးခံရသကဲ့သို့ အဆက်မပြတ် နာကျင်နေဆဲပင်။</p> <p> </p> <p>အထူးသဖြင့် သူ ခန္ဓာကိုယ်ကို အတွင်းပိုင်း စစ်ဆေးနေချိန်တွင် ရံဖန်ရံခါ ရွှေရောင် ကြိုးမျှင် တစ်မျှင်က မွေးညင်းပေါက်များမှတစ်ဆင့် အရေပြားဆီသို့ ရောက်ရှိလာပြီး ရုတ်တရက် ပြင်းထန်သော နာကျင်မှုကို ဖြစ်ပေါ်စေသည်။</p> <p> </p> <p>ထိုဧရိယာရှိ ကြွက်သားများနှင့် အရေပြားများမှာ ဤလှုံ့ဆော်မှုကြောင့် အကြိမ်ကြိမ် အနည်းငယ် တွန့်လိမ်သွားတော့သည်။</p> <p> </p> <p>"တကယ့်ကို ချိုမြိန်တဲ့ နာကျင်မှုပါပဲ" ကျန်းနင်က သူ့ဘာသာ တိတ်ဆိတ်စွာ သက်ပြင်းချမိ၏။</p> <p> </p> <p>ထို့နောက် အရာအားလုံးကို တည်ငြိမ်စွာ လက်ခံလိုက်တော့သည်။</p> <p> </p> <p>တစ်နာရီ ကြာပြီးနောက်…</p> <p> </p> <p>ကျန်းနင်မှာ နှစ်ခြိုက်စွာ အိပ်ပျော်နေရာမှ နိုးလာသကဲ့သို့ မျက်လုံးများ ဖြည်းညှင်းစွာ ပွင့်လာသည်။</p> <p> </p> <p>အောက်ငုံ့ကြည့်လိုက်ရာ မူလက နောက်ကျိနေသော ရေနွေးမှာ ယခုအခါ အနည်းငယ် ကြည်လင်နေသည်ကို တွေ့လိုက်ရ၏။</p> <p> </p> <p>အကြီးမားဆုံး ပြောင်းလဲမှုမှာ ရေထဲတွင် ရွှေရောင် ကြိုးမျှင်များကို မမြင်ရတော့ခြင်းပင်။</p> <p> </p> <p>ဝှစ်...</p> <p> </p> <p>ကျန်းနင်က မတ်တတ်ရပ်လိုက်သည်။</p> <p> </p> <p>ပူလောင်နေသော ရေနွေးများက သူ့ခန္ဓာကိုယ်မှ လျှောကျသွားပြီး ခြေရင်းရှိ သစ်သားစည်ပိုင်းထဲသို့ ပြန်လည် ကျဆင်းသွား၏။</p> <p> </p> <p>"ညီလေး... ဘယ်လို ခံစားရလဲ" ကျန်းလီက မေးမြန်းလိုက်သည်။</p> <p> </p> <p>"အရမ်း ကောင်းတယ်" ကျန်းနင်က ပြန်လည် ဖြေကြားကာ ခေါင်းညိတ်ပြလိုက်တော့သည်။</p> <p> </p> <p style="text-align: center;">End</p> <p style="text-align: center;">***</p> <p> </p>


Save