Book List

<h2 style="text-align: center;">အခန်း (၄၈၁)</h2> <h2 style="text-align: center;">ဒီကမ္ဘာမှာ ဒီလိုမျိုး ကောင်းကင်ကံကြမ္မာ ရှိနေနိုင်ပါ့မလား</h2> <h2 style="text-align: center;">*</h2> <p> </p> <p>“မိုးကောင်းကင်ကိုးလွှာကောင်းကင်ကံကြမ္မာ...”</p> <p>ချန်ကျီဖန့်၏ ကောင်းကင်ကံကြမ္မာပေါ်ထွက်လာသည်ကိုမြင်လိုက်ရသောအခါ နတ်ဘုရား နယ်မြေမှတပည့်အမြောက်အမြားမှာ အာမေဍိတ်သံများထွက်ပေါ်လာကြလေသည်။</p> <p>ချန်ကျီဖန့်၏ကောင်းကင်ကံကြမ္မာမှာ အမှန်တကယ်ပင်မိုးကောင်းကင်ကိုးလွှာအဆင့် ဖြစ် နေလေသည်။</p> <p>“မိုးကောင်းကင်ကိုးလွှာကောင်းကင်ကံကြမ္မာပေါ်လာပြီဆိုရင် တစ်ကမ္ဘာလုံးကိုတုန်လှုပ် စေနိုင်တာပဲ” ဟု ကျန်းယုံကျန်းကလည်း စိတ်လှုပ်ရှားစွာဖြင့် ပြောလိုက်လေသည်။</p> <p>မည်သည့်ခေတ်ကာလတွင်မဆို၊ မည်မျှပင် ထိပ်တန်းဂိုဏ်းကြီးဖြစ်ပါစေ၊ မိုးကောင်းကင်ကိုး လွှာကောင်းကင်ကံကြမ္မာကိုပိုင်ဆိုင်သည့်တပည့်တစ်ဦးပေါ်ထွက်လာခြင်းသည် ပြိုင်ဘက်ကင်း သော ဂုဏ်သိက္ခာတစ်ခုဖြစ်ပြီး လောကတစ်ခွင်ကို အံ့အားသင့်စေနိုင်လေသည်။</p> <p>ရန်ထျန်းရဲ၏ မျက်နှာမှာ မှောင်မိုက်သွားတော့သည်။</p> <p>သူသည် ချန်ကျီဖန့်ကသူ့ကဲ့သို့ပင်ကျင့်ကြံရန် အခက်ခဲဆုံးဖြစ်သော မိုးကောင်းကင်ကိုးလွှာ ကောင်းကင်ကံကြမ္မာကို ကျင့်ကြံနိုင်လိမ့်မည်ဟု မထင်ထားခဲ့ပေ။</p> <p>သို့သော် ချန်ကျီဖန့်၏ပါရမီမှာ အံ့ဩဖွယ်ကောင်းကြောင်း၊ အမြင့်မြတ်ဆုံးထိပ်တန်းသိုင်း ဝိညာဉ်သုံးခုနှင့် သားရဲပေါင်းတစ်သောင်းနတ်ဘုရားခန္ဓာကိုယ်ကိုပိုင်ဆိုင်ထားကြောင်း သူ ဝန်ခံရပေ လိမ့်မည်။</p> <p>ချန်ကျီဖန့်က မိုးကောင်းကင်ကိုးလွှာကောင်းကင်ကံကြမ္မာကိုကျင့်ကြံနိုင်ခြင်းမှာ အံ့ဩစရာ မဟုတ်တော့ပေ။</p> <p>လူတိုင်း အံ့အားသင့်နေစဉ်မှာပင် ချန်ကျီဖန့်၏ခန္ဓာကိုယ်မှ အလင်းရောင်များ ထပ်မံထွက်ပေါ် လာပြီး နောက်ထပ်ရွှေရောင်မိုးကောင်းကင်ကိုးလွှာ ကောင်းကင်ကံကြမ္မာတစ်ခုပျံထွက်လာပြန် လေသည်။</p> <p>ထို့နောက် တတိယမြောက်၊ စတုတ္ထမြောက်၊ ပဉ္စမမြောက်...</p> <p>ဒသမမြောက်သို့ ရောက်သောအခါမှသာ ရပ်တန့်သွားတော့သည်။</p> <p>မိုးကောင်းကင်ကိုးလွှာ ကောင်းကင်ကံကြမ္မာ ဆယ်ခု။</p> <p>ဒါဟာ ချန်ကျီဖန့်၏ ကောင်းကင်ကံကြမ္မာ ဖြစ်လေသည်။</p> <p>၎င်းမှာ ရန်ထျန်းရဲ၏ ကောင်းကင်ကံကြမ္မာထက် တစ်ခုသာလျော့နည်းလေသည်။</p> <p>မိုးကောင်းကင်ကိုးလွှာကောင်းကင်ကံကြမ္မာဆယ်ခုမှာ ကောင်းကင်ယံတွင် ရစ်ဝဲနေပြီး ပြင်းထန်သောကောင်းကင်စွမ်းအားများကို ထုတ်လွှတ်နေလေသည်။ ထိုစွမ်းအားမှာအလွန်တရာ ပြင်းထန်လှသဖြင့် ရောက်ရှိနေသောတပည့်အမြောက်အမြားမှာ အသက်ရှူရကျပ်သလို ခံစားလိုက်ရပြီး သူတို့၏ ကျင့်စဉ်များကို အမြန်ဆုံးအသက်သွင်းလိုက်ကြရလေသည်။</p> <p>ဒါဟာ မိုးကောင်းကင်ကိုးလွှာကောင်းကင်ကံကြမ္မာဆယ်ခု၏ ဖိအားသက်သက်သာ ရှိသေး လေသည်။</p> <p>မိုးကောင်းကင်ကိုးလွှာကောင်းကင်ကံကြမ္မာဆယ်ခု၏ ရွှေရောင်အလင်းအောက်တွင် ချန်ကျီ ဖန့်၏တစ်ကိုယ်လုံးမှာ ရွှေရောင်အလွှာများဖုံးလွှမ်းသွားသလိုဖြစ်နေလေသည်။ သူသည်ကောင်း ကင်နှင့်မြေကြီးကြားတွင် မောက်မာစွာရပ်တန့်နေရင်း ရန်ရှောက်ထျန်းကို အေးစက်စွာကြည့်လိုက် ကာ…</p> <p>“ရန်ရှောက်ထျန်း... ဒါကငါ့ရဲ့ကောင်းကင်ကံကြမ္မာပဲ။ မင်းပြင်ဆင်ထားရဲ့လား” ဟု မေးလိုက်သည်။</p> <p>လူတိုင်းက ရန်ရှောက်ထျန်းကို ကြည့်လိုက်ကြသည်။</p> <p>“မိုးကောင်းကင်ကိုးလွှာကောင်းကင်ကံကြမ္မာဆယ်ခုပဲလား။ ဆယ့်လေးခုတောင်မဟုတ် ဘူးပဲ” ဟု ရန်ရှောက်ထျန်းက တည်ငြိမ်စွာပြောလိုက်သည်။</p> <p>လူတိုင်း ဆွံ့အသွားကြတော့သည်။</p> <p>ကျန်းယုံကျန်း၊ ဓားနတ်ဘုရားရှီးလုံနှင့်တခြားသူများမှာလည်း ခါးသက်စွာပြုံးလိုက်မိကြ သည်။</p> <p>ဒီကောင်လေးကတော့ တကယ်ကိုပဲ။</p> <p>သူတို့ သူ့ကို ဘယ်လိုပြောရမှန်းပင် မသိတော့ပေ။</p> <p>သူက မိုးကောင်းကင်ကိုးလွှာကောင်းကင်ကံကြမ္မာဆယ်ခုကိုတောင် အထင်မကြီးလေ သလား။</p> <p>ချန်ကျီဖန့်မှာလည်း ဒေါသထွက်လွန်းသဖြင့် ရယ်မောလိုက်ပြီး -</p> <p>“ကောင်းပြီ...ကောင်းပြီ။ မင်းရဲ့ ဝိညာဉ်ကွင်းဆက်ကအစွမ်းထက်ပြီး ပြိုင်ဘက်ကင်းတယ်၊ နှစ်သိန်းတန်ဝိညာဉ်ကွင်းဆက်လို့ ကောလာဟလတွေ ကြားထားတယ်။ မင်းရဲ့ ဝိညာဉ်ကွင်းဆက်ကို ဆင့်ခေါ်လိုက်စမ်း။ မင်းရဲ့ နှစ်သိန်းတန်ဝိညာဉ်ကွင်းဆက်စွမ်းအားကပိုသာမလား၊ ငါ့ရဲ့မိုးကောင်း ကင်ကိုးလွှာကောင်းကင်ကံကြမ္မာစွမ်းအားကပိုသာမလားဆိုတာ ငါမြင်ချင်သေးတယ်” ဟု အော် ဟစ်လိုက်လေသည်။</p> <p>ချန်ကျီဖန့်က နှစ်သိန်းတန်ဝိညာဉ်ကွင်းဆက်အကြောင်း ပြောလိုက်သည်ကို ကြားသောအခါ တပည့်များအားလုံး စိတ်ဝင်စားသွားကြတော့သည်။</p> <p>သတ်ဖြတ်ခြင်းသားတော်မုန့်ပိုင်ကြောက်လန့်တကြား ထွက်ပြေးသွားရကတည်းက ရန်ရှောက်ထျန်း၏ သိုင်းဝိညာဉ်နှင့်ဝိညာဉ်ကွင်းဆက်အကြောင်းသတင်းများမှာ တောမီးအလား ပျံ့နှံ့နေခဲ့ခြင်း ဖြစ်လေသည်။</p> <p>“မင်းကို အနိုင်ယူဖို့ ငါ့ရဲ့ဝိညာဉ်ကွင်းဆက်စွမ်းအားကိုအသုံးချဖို့မလိုပါဘူး” ဟု ရန်ရှောက် ထျန်းက ပုံမှန်မျက်နှာအမူအရာဖြင့်ပင်ပြောလိုက်ပြီး -</p> <p>“ငါလည်း ကောင်းကင်ကံကြမ္မာကိုကျင့်ကြံထားတယ်၊ ငါ့ရဲ့ကောင်းကင်ကံကြမ္မာ တစ်ခု တည်းတင် မင်းရဲ့မိုးကောင်းကင်ကိုးလွှာကောင်းကင်ကံကြမ္မာဆယ်ခုကိုချေမှုန်းဖို့ လုံလောက် ပါတယ်”</p> <p>ရန်ရှောက်ထျန်း စကားကြောင့် ကွင်းပြင်တစ်ခုလုံးတုန်လှုပ်သွားတော့သည်။</p> <p>“ဘာ... ရန်ရှောက်ထျန်းက ဧကရာဇ်အဆင့်ဒုတိယအလွှာမှာတင် ကောင်းကင်ကံကြမ္မာကို ကျင့်ကြံနိုင်နေပြီလား”</p> <p>“မဖြစ်နိုင်တာ။ ဧကရာဇ်အဆင့်ဆယ်ခုမြောက် အထွတ်အထိပ်ရောက်မှသာ ကောင်းကင် ကံကြမ္မာကိုကျင့်ကြံနိုင်တာလေ။ သူကဧကရာဇ်အဆင့်ဒုတိယအလွှာနဲ့ ဘယ်လိုလုပ်ပြီး ကောင်းကင် ကံကြမ္မာကိုကျင့်ကြံနိုင်မှာလဲ”</p> <p>တပည့်အမြောက်အမြား ရုတ်ရုတ်သဲသဲ ဖြစ်သွားကြလေသည်။</p> <p>ကျန်းယုံကျန်း၊ ရှီးလုံနှင့် တခြားသူများမှာလည်း အလွန်တရာ အံ့အားသင့်သွားကြသည်။</p> <p>ဧကရာဇ်အဆင့် ဒုတိယအလွှာတွင် ကောင်းကင်ကံကြမ္မာကိုကျင့်ကြံနိုင်ခြင်းမှာ သမိုင်းတွင် တစ်ခါမျှ မကြားဖူးသေးပေ။</p> <p>ဒါဟာ အမှန်တကယ်ပင် မယုံကြည်နိုင်စရာ ကောင်းလှပေသည်။</p> <p>“ရန်ရှောက်ထျန်း ကျင့်ကြံထားတဲ့ကောင်းကင်ကံကြမ္မာက မိုးကောင်းကင်ကိုးလွှာထက် ပိုအစွမ်းထက်တယ်ဟုတ်လား။ ဒါ လုံးဝမဖြစ်နိုင်ဘူး။ ဒီကမ္ဘာမှာ အစွမ်းထက်ဆုံးကောင်းကင်ကံကြ မ္မာက မိုးကောင်းကင်ကိုးလွှာပဲလေ”</p> <p>“ဟုတ်တယ်။ မိုးကောင်းကင်ကိုးလွှာက ဒီကမ္ဘာမှာအစွမ်းထက်ဆုံးပဲ။ ဒီထက်ပိုအစွမ်း ထက်တဲ့ ကောင်းကင်ကံကြမ္မာရှိနိုင်မှာမဟုတ်ဘူး”</p> <p>အစပိုင်းတွင် အံ့သြသွားသော်လည်း နောက်ပိုင်းတွင် တပည့်များမှာခေါင်းခါလိုက်ကြသည်။</p> <p>များစွာသော တပည့်များမှာ မယုံကြည်နိုင်ကြပေ။</p> <p>ချန်ကျီဖန့်မှာလည်း မယုံကြည်နိုင်သဖြင့် သူ၏မိုးကောင်းကင်ကိုးလွှာကောင်းကင်ကံကြမ္မာ ဆယ်ခု၏စွမ်းအားကို ရုတ်တရက်ထုတ်လွှတ်လိုက်ပြီး ရန်ရှောက်ထျန်းကိုလက်သီးဖြင့်ထိုးနှက် လိုက်လေသည်။</p> <p>ချက်ချင်းဆိုသလိုပင် မိုးကောင်းကင်ကိုးလွှာ ကောင်းကင်ကံကြမ္မာဆယ်ခုမှ အလင်းရောင် များကတောက်ပလို့လာသည်။ အဆုံးအစမဲ့သောကောင်းကင်စွမ်းအားများ၊ အမြင့်မြတ်ဆုံး ထိပ်တန်းသိုင်းဝိညာဉ်သုံးခု၏စွမ်းအားနှင့် သားရဲပေါင်းတစ်သောင်းနတ်ဘုရားခန္ဓာကိုယ်၏စွမ်းအား များမှာ သူ၏လက်သီးချက်နှင့်အတူ ဟိန်းဟောက်ထွက်ပေါ်လာတော့သည်။</p> <p>“ဘုန်း...”</p> <p>ဟင်းလင်းပြင်မှာ ဖျက်ဆီးခြင်းခံလိုက်ရသလိုပင် ဟိန်းဟောက်သံများ ထွက်ပေါ်လာလေ သည်။</p> <p>ချန်ကျီဖန့်၏လက်သီးချက်မှာ ကြောက်မက်ဖွယ်ကောင်းသော ရွှေရောင်မုန်တိုင်းကြီး ဆယ်ခုအဖြစ်ပြောင်းလဲသွားပြီး လက်သီးချက်ဖြတ်သန်းသွားရာ လမ်းတောက်လျှောက်ရှိ ကွင်းပြင် မြေပြင်မှ ကျောက်ပြားများမှာအစိတ်စိတ်အမြွှာမြွှာ ကွဲထွက်သွားတော့သည်။</p> <p>ထိုရွှေရောင်မုန်တိုင်းလက်သီးချက်၏ လေတိုးသံကြောင့်ပင် တပည့်အမြောက်အမြား၏ နားများ ကိုက်ခဲလာပြီး စိတ်ဝိညာဉ်များပင် တုန်ယင်လာကြလေသည်။</p> <p>“ရန်ရှောက်ထျန်း... မင်းမှာသတ္တိရှိရင် မင်းရဲ့ဝိညာဉ်ကွင်းဆက်စွမ်းအားကိုမသုံးနဲ့။ ငါ့ရဲ့ ကောင်းကင်ကံကြမ္မာစွမ်းအားကို မင်းဘယ်လိုခံနိုင်မလဲဆိုတာကြည့်ရသေးတာပေါ့” ဟု ချန်ကျီ ဖန့်က ရူးသွပ်နေသကဲ့သို့ အော်ဟစ်လိုက်လေသည်။</p> <p>ရန်ရှောက်ထျန်းမှာ ထိုနေရာတွင်ပင်ရပ်နေရင်း တစ်ဖက်လူ၏ကောင်းကင်ကံကြမ္မာ ဆယ်ခု ကြောင့်ဖြစ်ပေါ်လာသော ပြိုင်ဘက်ကင်းမုန်တိုင်းကြီးကိုကြည့်နေလေသည်။ သူသည်တည်ငြိမ် သောမျက်နှာအမူအရာဖြင့် သူ၏နတ်ဘုရားပင်လယ်ရှိ ဟွန်ယွမ်ကောင်းကင်ကံကြမ္မာကို အသက် သွင်းလိုက်လေသည်။</p> <p>ရန်ရှောက်ထျန်းက ဟွန်ယွမ်ကောင်းကင်ကံကြမ္မာကို အသက်သွင်းလိုက်သည့် တစ်ခဏ မှာပင် ရုတ်တရက်လူတိုင်း၏ခြေထောက်အောက်ရှိမြေပြင်မှာ ပြင်းထန်စွာတုန်ခါသွားသဖြင့် မည်သူမျှ တည်ငြိမ်စွာမရပ်နိုင်ကြတော့ပေ။</p> <p>“ဘာဖြစ်တာလဲ”</p> <p> တစ်စုံတစ်ယောက်က ထိတ်လန့်တကြား အော်ဟစ်လိုက်သည်။</p> <p>ချက်ချင်းဆိုသလိုပင် ဟင်းလင်းပြင်ရှိချီစွမ်းအင်များမှာ ကစဉ့်ကလျားဖြစ်လာပြီး တစ်စုံ တစ်ခု ထွက်ပေါ်လာမည်ကို ကြောက်ရွံ့နေသကဲ့သို့ တုန်လှုပ်နေကြလေသည်။</p> <p>ချန်ကျီဖန့်၏ ဦးခေါင်းအထက်ရှိမိုးကောင်းကင်ကိုးလွှာကောင်းကင်ကံကြမ္မာများမှာလည်း တုန်ယင်လာကြလေသည်။</p> <p>ချန်ကျီဖန့်သည် သူ၏မိုးကောင်းကင်ကိုးလွှာ ကောင်းကင်ကံကြမ္မာများ ကြောက်ရွံ့နေသည် ကို အမှန်တကယ်ခံစားလိုက်ရသည်။</p> <p>မိုးကောင်းကင်ကိုးလွှာကောင်းကင်ကံကြမ္မာဆယ်ခုစလုံးမှာ ကြောက်ရွံ့နေကြခြင်းဖြစ်လေ သည်။</p> <p>ဒါ ဘာဖြစ်တာလဲ။</p> <p>သူ့ရဲ့ ကောင်းကင်ကံကြမ္မာက ဘာကိုကြောက်နေတာလဲ။</p> <p>လူတိုင်း အံ့အားသင့်ပြီး ရုတ်ရုတ်သဲသဲဖြစ်နေစဉ်မှာပင် ရုတ်တရက်ရန်ရှောက်ထျန်း၏ တစ်ကိုယ်လုံးမှ ရွှေရောင်အလင်းများပေါက်ကွဲထွက်လာတော့သည်။</p> <p>ကြောက်မက်ဖွယ်ကောင်းလောက်အောင် ကြီးမားလှသောကောင်းကင်ကံကြမ္မာတစ်ခုသည် သူ၏ နတ်ဘုရားပင်လယ်ကမ္ဘာအတွင်းမှ ပျံထွက်လာလေသည်။</p> <p>ထိုကြီးမားသော ကောင်းကင်ကံကြမ္မာပျံထွက်လာသည့်တစ်ခဏတွင် ချန်ကျီဖန့်၏ မိုးကောင်းကင်ကိုးလွှာကောင်းကင်ကံကြမ္မာများမှာတုန်ယင်သွားပြီး အလင်းရောင်များလုံးဝ ပျောက် ကွယ်သွားကာဝပ်တွားသွားကြတော့သည်။ မိုးကောင်းကင်ကိုးလွှာ ကောင်းကင်ကံကြမ္မာ၏ ရွှေရောင်အလင်းမှာ တစ်စုံတစ်ရာသောစွမ်းအားဖြင့် ဖိနှိပ်ခံလိုက်ရသလိုပင် လုံးဝပျောက်ကွယ် သွားခဲ့လေသည်။</p> <p>ရန်ရှောက်ထျန်း၏ ကောင်းကင်ကံကြမ္မာကောင်းကင်ယံတွင်ပေါ်လာသောအခါ ၎င်းမှာ လေယာဉ်တင်သင်္ဘောကြီးတစ်စင်းကဲ့သို့ ဖြစ်နေပြီး ချန်ကျီဖန့်၏ ကောင်းကင်ကံကြမ္မာ ဆယ်ခုမှာမူ လှိုင်းတံပိုးကြားရှိ လှေငယ်လေး ဆယ်စင်းကဲ့သို့ ယိမ်းယိုင်နေကာ အချိန်မရွေး လွင့်စင်သွားနိုင်သော၊ ပေါက်ကွဲသွားနိုင်သော အခြေအနေသို့ ရောက်ရှိသွားတော့သည်။</p> <p>လူတိုင်း ဆွံ့အသွားကြလေသည်။</p> <p>“ဒါ ဘယ်လိုကောင်းကင်ကံကြမ္မာမျိုးလဲ။ ဒီကမ္ဘာမှာဒီလိုမျိုးကောင်းကင်ကံကြမ္မာ ရှိနေနိုင် ပါ့မလား”</p> <p>“တစ်သောင်းနှစ်ထောင် ကိုးရာခြောက်ဆယ်လီတာ...”</p> <p>ကျန်းယုံကျန်း ဆွံ့အသွားတော့သည်။</p> <p>ဓားနတ်ဘုရား ရှီးလုံ၊ လက်သီးနတ်ဘုရားကျန်းဝမ်လီတို့လည်း ဆွံ့အသွားကြလေသည်။</p> <p>ကျန်းချန်ချန်၊ မင်းသမီးဝမ်နင်းနှင့် တပည့်များအားလုံး၊ ချန်ဆန်းစံအိမ်တော်မှ ပညာရှင်များ အားလုံးလည်း ဆွံ့အသွားကြတော့သည်။</p> <p>ဒီကမ္ဘာမှာ ဒီလောက်အထိဧရာမကြီးမားလှတဲ့ကောင်းကင်ကံကြမ္မာ ရှိနေနိုင်လိမ့်မယ်လို့ သူတို့ တစ်ခါမှမတွေးထားခဲ့မိပေ။</p> <p>ချန်ကျီဖန့်၏ ကိုးရာကျော်လီတာခန့်ရှိသော မိုးကောင်းကင်ကိုးလွှာကောင်းကင်ကံကြမ္မာမှာ ပင် လုံလောက်အောင်ကြီးမားလှပြီဖြစ်သော်လည်း ယခုချန်ကျီဖန့်၏ကောင်းကင်ကံကြမ္မာ ဆယ်ခု စလုံး ပေါင်းလိုက်လျှင်ပင် သူတို့ရှေ့ရှိကောင်းကင်ကံကြမ္မာလောက်မကြီးမားလှပေ။</p> <p>ရန်ရှောက်ထျန်း၏ ကောင်းကင်ကံကြမ္မာမှာ ကောင်းကင်ယံတွင်မြင့်မားစွာ ပျံဝဲနေပြီး ဟွန်ယွမ်စွမ်းအားများမှာရေတံခွန်ကြီးတစ်ခုကဲ့သို့ဆင်းသက်လာရာ တောင်များတုန်ခါပြီး မြေပြင် များ ကွဲအက်သွားတော့သည်။</p> <p>ဟွန်ယွမ်စွမ်းအားကို ခံစားလိုက်ရသောအခါ ကျန်းယုံကျန်း၏မျက်နှာမှာ သိသိသာသာ ပြောင်းလဲသွားပြီး ဖြစ်နိုင်ခြေတစ်ခုကို တွေးမိကာ တစ်ကိုယ်လုံးတုန်ယင်သွားတော့သည် -</p> <p>“ဒါ... ဒါက မိုးကောင်းကင်ထက်က ဟွန်ယွမ်စွမ်းအားပဲ”</p> <p>“မိုးကောင်းကင်ထက်ကလား”</p> <p>ဓားနတ်ဘုရားရှီးလုံ၊ လက်သီးနတ်ဘုရားကျန်းဝမ်လီနှင့် တခြားသူများမှာလည်း အလွန်ရှေး ကျသောဒဏ္ဍာရီတစ်ခုကို သတိရသွားပြီး တုန်လှုပ်သွားကြလေသည်။</p> <p>“ဟွန်ယွမ်ကောင်းကင်ကံကြမ္မာ။ ဒါကဟွန်ယွမ်ဟင်းလင်းပြင်က ဟွန်ယွမ်ကောင်းကင် ကံကြမ္မာပဲ”</p> <p>“ဘုရားရေ... သူကထာဝရကာလကတည်းကရှိခဲ့တဲ့ ကမ္ဘာဦးဖျက်ဆီးခြင်းဘေးဒုက္ခကို လှုပ်ခတ်နိုင်ခဲ့တာလား”</p> <p>ရှေးဟောင်းဘိုးဘေးတစ်ဦးမှာ စိတ်လှုပ်ရှားလွန်းသဖြင့် စကားပင်မပီသနိုင်တော့ပေ။</p> <p>ဟွန်ယွမ်ကောင်းကင်ကံကြမ္မာ။</p> <p>ကမ္ဘာဦး ဖျက်ဆီးခြင်းဘေးဒုက္ခ။</p> <p>ရန်ထျန်းရဲ၊ ချန်ကျီဖန့်နှင့်တခြားသူများမှာ ဟွန်ယွမ်ကောင်းကင်ကံကြမ္မာ (သို့မဟုတ်) ကမ္ဘာဦးဖျက်ဆီးခြင်းဘေးဒုက္ခအကြောင်းကို တစ်ခါမျှမကြားဖူးကြသော်လည်း ယခုအခါ မိုးကောင်း ကင်ထက်တွင် ဟွန်ယွမ်ဟင်းလင်းပြင်ရှိနေကြောင်း သူတို့ သိရှိသွားကြပြီ ဖြစ်လေသည်။</p> <p>ထို့အပြင် ဟွန်ယွမ်ကောင်းကင်ကံကြမ္မာမှာ မိုးကောင်းကင်ကိုးလွှာထက် ပို၍အစွမ်းထက် သော ကောင်းကင်ကံကြမ္မာဖြစ်ကြောင်းကိုလည်း သူတို့သိရှိသွားကြပြီ ဖြစ်လေသည်။</p> <p>လူတိုင်း အံ့အားသင့်နေစဉ်မှာပင် ရန်ရှောက်ထျန်းက လက်သီးတစ်ချက် ထိုးလိုက်လေသည်။</p> <p>သူ၏ လက်သီးမှ ဟွန်ယွမ်စွမ်းအားများတို့ ပေါက်ကွဲထွက်လာတော့သည်။</p> <p>ချန်ကျီဖန့်၏ မိုးကောင်းကင်ကိုးလွှာကောင်းကင်ကံကြမ္မာဆယ်ခု၏စွမ်းအားမှာ ချက်ချင်းဆို သလိုပင် ပေါက်ကွဲပြီးပျောက်ကွယ်သွားတော့သည်။</p> <p> </p> <p> </p> <p style="text-align: center;">***</p>


Save