Book List

<h2 style="text-align: center;">အခန်း (၄၈၂)</h2> <h2 style="text-align: center;">ရန်ရှောက်ထျန်း... မင်းရဲ့ သိုင်းဝိညာဉ်နဲ့ ဝိညာဉ်ကွင်းဆက်ကို ဆင့်ခေါ်လိုက်စမ်း</h2> <h2 style="text-align: center;">*</h2> <p> </p> <p> </p> <p>ချန်ကျီဖန့်၏ အမြင့်မြတ်ဆုံးထိပ်တန်းသိုင်းဝိညာဉ်သုံးခု၏စွမ်းအားနှင့် သားရဲပေါင်း တစ်သောင်းနတ်ဘုရားခန္ဓာကိုယ်၏စွမ်းအားများမှာလည်း ရေမြှုပ်များအလားပျောက်ကွယ်သွားခဲ့ လေသည်။</p> <p>ဟွန်ယွမ်စွမ်းအားမှာ မရပ်မနားနိုင်သောအရှိန်အဟုန်ဖြင့်ချန်ကျီဖန့်ဆီသို့ တိုက်ရိုက်ရိုက် ခတ်သွားတော့သည်။</p> <p>ချန်ကျီဖန့်မှာထိတ်လန့်သွားပြီး သူ၏လက်သီးနှစ်ဖက်စလုံးဖြင့် အပြင်းအထန်ခုခံလိုက် သလို တစ်ပြိုင်နက်တည်းမှာပင် အပြာရောင်အလင်းကာကွယ်မှုတစ်ခုမှာလည်း သူ၏ရှေ့တွင် ပေါ်ထွက်လာလေသည်။</p> <p>“မိုးပြာရောင် အစောင့်အရှောက်အကာကွယ်”</p> <p>မိုးပြာရောင် အစောင့်အရှောက်မှာရှေးဟောင်းခေတ်မှ နတ်ဘုရားအဆင့်ဒိုင်းလွှားတစ်ခု ဖြစ်လေသည်။</p> <p>“ဘုန်း...”</p> <p>ဟွန်ယွမ်စွမ်းအားမှာ မိုးပြာရောင်အစောင့်အရှောက်ကို ရိုက်မိသွားလေသည်။</p> <p>မိုးပြာရောင် အစောင့်အရှောက်မှာ လွင့်ထွက်သွားတော့သည်။</p> <p>ချန်ကျီဖန့်မှာလည်း တစ်ချိန်တည်းမှာပင် လွင့်ထွက်သွားခဲ့လေသည်။</p> <p>သူသည် ကြွေကျနေသော သစ်ရွက်ခြောက်တစ်ခုအလား လွင့်စင်သွားတော့သည်။</p> <p>သူသည် လွင့်ထွက်သွားရင်းဖြင့်ပင် တောင်အမြောက်အမြားနှင့် နန်းတော်အမြောက် အမြားကိုပါတိုက်မိသွားပြီး နောက်ဆုံး၌တောင်ထိပ်တစ်ခုပေါ်သို့ပြုတ်ကျသွားကာ သွေးများ အဆက်မပြတ်အန်ထုတ်နေတော့သည်၊ သူ၏မိုးပြာရောင်အစောင့်အရှောက်မှာလည်း မှေးမှိန်သွား ခဲ့လေပြီ။</p> <p>သူ၏ ခန္ဓာကိုယ်ပေါ်ရှိနတ်ဘုရားအလင်းရောင်များနှင့် နတ်သားရဲပုံရိပ်များမှာလည်း ချက် ချင်းပျောက်ကွယ်သွားတော့သည်။</p> <p>သူ၏မိုးကောင်းကင်ကိုးလွှာကောင်းကင်ကံကြမ္မာဆယ်ခုမှာလည်း အချိန်မရွေးပြိုလဲသွား နိုင်သော ဖယောင်းတိုင်မီးအလားတုန်ယင်နေတော့သည်။</p> <p>ကျောက်တုံးများ လိမ့်ကျသံများမှာအတော်ကြာအောင် ထွက်ပေါ်နေလေသည်။</p> <p>တပည့်များမှာ အသက်ရှူမှားသွားကြလေသည်။</p> <p>“ဟွန်ယွမ်ပေါ်လာပြီဆိုရင်တော့ ပြိုင်ဘက်ကင်းပြီပဲ” ဟု ရှေးဟောင်းဘိုးဘေးတစ်ဦးက တိုးတိုးလေး ရေရွတ်လိုက်လေသည်။</p> <p>ဒါဟာ ရှေးဟောင်း နတ်ဘုရားကျမ်းစာတစ်အုပ်ထဲမှ စကားတစ်ခွန်း ဖြစ်လေသည်။</p> <p>ယခုအခါတွင်မူ ထိုစကား၏အစစ်အမှန်အဓိပ္ပာယ်ကို သူနောက်ဆုံး၌ နားလည်သဘော ပေါက်သွားခဲ့လေပြီ။</p> <p>ကောင်းကင်နှင့် မြေကြီးမှာ တိတ်ဆိတ်ငြိမ်သက်နေတော့သည်။</p> <p>ရန်ရှောက်ထျန်းမှာ ထိုနေရာတွင်ရပ်နေရင်း သူ၏တစ်ကိုယ်လုံးတွင် ထာဝရနတ်ဘုရား အလင်းများဖုံးလွှမ်းနေပြီး သူ၏ဦးခေါင်းအထက်တွင်မူ ဟွန်ယွမ်ကောင်းကင်ကံကြမ္မာရှိနေလေ သည်။</p> <p>“ဒါက ဟွန်ယွမ်ထာဝရနတ်ဘုရားဖြစ်လာဖို့လား”</p> <p> ချန်ဆန်းစံအိမ်တော်မှ ပညာရှင်များမှာ အကြီးအကျယ်တုန်လှုပ်သွားကြလေသည်။</p> <p>ကျန်းယုံကျန်းနှင့် ရှီးလုံတို့မှာလည်း စကားမပြောနိုင်လောက်အောင် ဖြစ်သွားကြသည်။</p> <p>ထာဝရနတ်ဘုရားခန္ဓာကိုယ်တစ်ခုတည်းတင် ကမ္ဘာကိုတုန်လှုပ်စေနိုင်နေပြီ ဖြစ်သော်လည်း ယခုအခါတွင်မူ သူကဟွန်ယွမ်ကောင်းကင်ကံကြမ္မာကိုပါ ထုတ်ဖော်နိုင်ခဲ့သည်တဲ့လား။</p> <p>ဒါက တကယ်ကိုပဲ။</p> <p>သူတို့ စကားလုံးပင် ရှာမတွေ့တော့ပေ။</p> <p>ဧကရာဇ်အဆင့် ဆယ်ခုမြောက်အထွတ်အထိပ်တွင်ရှိနေပြီး မိုးကောင်းကင်ကိုးလွှာ ကောင်းကင်ကံကြမ္မာဆယ်ခု၊ အမြင့်မြတ်ဆုံးထိပ်တန်းသိုင်းဝိညာဉ်သုံးခုနှင့် သားရဲပေါင်းတစ် သောင်းနတ်ဘုရားခန္ဓာကိုယ်တို့ကို ပိုင်ဆိုင်ထားသောချန်ကျီဖန့်ပင်လျှင် လုံးဝချေမှုန်းခံလိုက်ရ သည်တဲ့လား။</p> <p>ပြိုင်ဘက်ကင်း။</p> <p>ယခုအခါ လူတိုင်းခံစားနေရသော တစ်ခုတည်းသောခံစားချက်မှာ ပြိုင်ဘက်ကင်းခြင်းပင် ဖြစ်လေသည်။</p> <p>အကယ်၍ ချန်ကျီဖန့်ကနတ်ဘုရားအဆင့်ဒိုင်းလွှားကိုအသုံးမပြုခဲ့လျှင် သူသည် လုံးဝ ဖျက်ဆီးခံလိုက်ရနိုင်လေသည်။</p> <p>ချန်ကျီဖန့်ကဲ့သို့ အစွမ်းထက်သူပင်လျှင်ဖျက်ဆီးခံရလုနီးပါးဖြစ်ခဲ့သည်ဆိုပါက မည်သူက ရန်ရှောက်ထျန်း၏ ဟွန်ယွမ်ကောင်းကင်ကံကြမ္မာကို တောင့်ခံနိုင်မည်နည်း။</p> <p>“ဒါဆို သူ ခုနက ပြောခဲ့တာတွေအားလုံးက အမှန်တွေပဲပေါ့”</p> <p> တပည့်တစ်ဦးက တုန်ယင်နေသော အသံဖြင့် ပြောလိုက်သည်။</p> <p>ခုနက ရန်ရှောက်ထျန်းက သူ ကျင့်ကြံထားသော ကောင်းကင်ကံကြမ္မာက ချန်ကျီဖန့်၏ မိုးကောင်းကင်ကိုးလွှာ ကောင်းကင်ကံကြမ္မာဆယ်ခုကို ချေမှုန်းရန်လုံလောက်သည်ဟု ပြောခဲ့စဉ်က မည်သူမျှ မယုံကြည်ခဲ့ကြပေ။</p> <p>ယခုအခါ လူတိုင်း ယုံကြည်သွားကြပြီ ဖြစ်လေသည်။</p> <p>ဒီကမ္ဘာမှာ မိုးကောင်းကင်ကိုးလွှာကောင်းကင်ကံကြမ္မာဆယ်ခုကို ချေမှုန်းနိုင်တဲ့ ကောင်းကင် ကံကြမ္မာတစ်ခု အမှန်တကယ်ရှိနေပါလား။</p> <p>“နတ်ဘုရားရန်ရဲ့ သိုင်းဝိညာဉ်နဲ့ဝိညာဉ်ကွင်းဆက်ကဘာတွေလဲဆိုတာ ငါ တကယ်သိချင်မိ တယ်”</p> <p> တပည့်တစ်ဦးက ရုတ်တရက် စကားထစ်လျက် ပြောလိုက်သည်။</p> <p>ရန်ရှောက်ထျန်း၏ သိုင်းဝိညာဉ်နှင့်ဝိညာဉ်ကွင်းဆက်မှာ ပဟေဠိတစ်ခုအဖြစ် ကျန်ရှိနေဆဲ ဖြစ်ပြီး ထာဝရနတ်ဘုရားခန္ဓာကိုယ်နှင့် ဟွန်ယွမ်ကောင်းကင်ကံကြမ္မာတို့၏စွမ်းအားကို မြင်တွေ့ ခဲ့ရပြီးနောက် လူတိုင်းမှာသူ၏သိုင်းဝိညာဉ်နှင့်ဝိညာဉ်ကွင်းဆက်အပေါ် ပို၍ပင်စပ်စုချင်လာကြ တော့သည်။</p> <p>မူလက ရန်ရှောက်ထျန်းတွင် နှစ်သိန်းတန်ဝိညာဉ်ကွင်းဆက်ရှိသည်ဆိုသော ကောလာဟ လများကို မည်သူမျှမယုံကြည်ခဲ့ကြသော်လည်း ယခုအခါရန်ရှောက်ထျန်း၏ ဝိညာဉ်ကွင်းဆက်မှာ နှစ်သိန်းတန်ဖြစ်ကြောင်း လူတိုင်း အခိုင်အမာယုံကြည်သွားကြပြီ ဖြစ်လေသည်။</p> <p>လူတိုင်း၏အမြင်တွင် ရန်ရှောက်ထျန်းကထာဝရနတ်ဘုရားခန္ဓာကိုယ်နှင့် ဟွန်ယွမ်ကောင်း ကင်ကံကြမ္မာတို့ကဲ့သို့ အံ့ဖွယ်အမှုများကိုဖန်တီးနိုင်ခဲ့သည်ဆိုလျှင် နှစ်သိန်းတန်ဝိညာဉ်ကွင်းဆက် ကို ပိုင်ဆိုင်ထားခြင်းမှာလည်း သာမန်ကိစ္စတစ်ခုသာ ဖြစ်နေတော့သည်။</p> <p>ထိုအချိန်တွင် ရန်ရှောက်ထျန်းသည် လှုပ်ရှားမှုမပြုရသေးသော ချန်ဆန်းသားတော်ရန်ထျန်း ရဲကို ကြည့်လိုက်ကာ -</p> <p>“ရန်ထျန်းရဲ... မင်း အလှည့်ပဲ” ဟု ပြောလိုက်သည်။</p> <p>လူတိုင်းက ရန်ထျန်းရဲကို ကြည့်လိုက်ကြသည်။</p> <p>ရန်ထျန်းရဲသည် သူ၏ထိတ်လန့်မှုများမှပြန်လည်နိုးထလာပြီး သူ၏မျက်နှာမှာ တင်းမာနေ တော့သည်။</p> <p>ဧကရာဇ်အဆင့် ဒုတိယအလွှာမျှသာရှိသော ရန်ရှောက်ထျန်းက သူ တစ်ခါမျှ မကြားဖူးသော ဟွန်ယွမ်ကောင်းကင်ကံကြမ္မာကို အမှန်တကယ်ပင် ကျင့်ကြံနိုင်ခဲ့သည်တဲ့လား။</p> <p>သူသည် သူ၏လက်သီးများကို တင်းတင်းဆုပ်လိုက်မိသည်။</p> <p>အခုရက်ပိုင်းအတွင်း ချန်ဆန်းစံအိမ်တော်မှ တပည့်အမြောက်အမြားက နောင်တစ်ချိန်တွင် ရန်ရှောက်ထျန်းကသာ ချန်ဆန်းစံအိမ်တော်ကို ဦးဆောင်လိမ့်မည်ဟု ဆွေးနွေးနေကြသည်ကို သူ သိထားလေသည်။</p> <p>သူ မဟုတ်ဘူးတဲ့လား။</p> <p>ထို့ကြောင့် ယခုရက်ပိုင်းအတွင်း ရန်ရှောက်ထျန်းအပေါ် သူ၏ ခံစားချက်မှာ မနှစ်မြို့မှုမျှသာ မဟုတ်တော့ဘဲ သူ၏စံအိမ်တော်အရှင်သခင်နေရာကိုလုယူမည့် ရန်သူတစ်ဦးအဖြစ်ပါ ရှုမြင်လာ ခဲ့ခြင်း ဖြစ်လေသည်။</p> <p>ရုတ်တရက် ရန်ထျန်းရဲ၏တစ်ကိုယ်လုံးမှ စွမ်းအားများပေါက်ကွဲထွက်လာတော့သည်။</p> <p>လူတိုင်းမှာ မိုးကောင်းကင်ကိုးလွှာထက်မှအံ့ဩဖွယ်ကောင်းသော အလင်းတန်းများ ဆင်းသက်လာသည်ကိုမြင်တွေ့လိုက်ရပြီးနောက် မြေပြင်မှလည်း မြေကမ္ဘာအဝါရောင် အလင်းတန်း များ ထွက်ပေါ်လာကာ ရန်ထျန်းရဲ၏ခန္ဓာကိုယ်ပေါ်သို့ ဆက်တိုက်စုစည်းလာတော့သည်။</p> <p>ရန်ထျန်းရဲ၏တစ်ကိုယ်လုံးမှာ နတ်ဘုရားအလင်းများတောက်ပနေပြီး ကောင်းကင်နှင့် မြေကြီးထံမှ စွမ်းအားတစ်ခုမှာလည်း သူ၏ဆီမှထွက်ပေါ်လာလေသည်။</p> <p>သူသည် ထိုနေရာတွင်ရပ်နေရင်းကောင်းကင်နှင့်မြေကြီးတို့နှင့် လုံးဝတစ်သားတည်း ဖြစ်သွားသလိုပင်။</p> <p>သူသည် ကောင်းကင်ဖြစ်သလို မြေကြီးလည်း ဖြစ်နေလေသည်။</p> <p>“ကောင်းကင်နဲ့မြေကြီးနတ်ဘုရားခန္ဓာကိုယ်”</p> <p> ရန်ထျန်းရဲ၏ ပြောင်းလဲမှုကိုမြင်လိုက်ရသောအခါ လူတိုင်းတုန်လှုပ်သွားကြပြီး ကျန်းယုံ ကျန်းနှင့် ရှီးလုံတို့၏မျက်လုံးများပင်လျှင် ပြောင်းလဲသွားတော့သည်။</p> <p>ကောင်းကင်နှင့်မြေကြီးနတ်ဘုရားခန္ဓာကိုယ်... ဒါဟာ ဟိုတုန်းကချန်ဆန်းအရှင်သခင် ပိုင်ဆိုင်ခဲ့တဲ့ နတ်ဘုရားခန္ဓာကိုယ်ဖြစ်လေသည်။</p> <p>၎င်းကို ချန်ဆန်းတိုက်ကြီးပေါ်ရှိအစွမ်းအထက်ဆုံးနတ်ဘုရားခန္ဓာကိုယ်အဖြစ် လူသိများ လေသည်။</p> <p>ရန်ထျန်းရဲမှာ ချန်ဆန်းအရှင်သခင်ပြန်လည်မွေးဖွားလာသလိုပင် သူ၏တစ်ကိုယ်လုံးမှာ နတ်ဘုရားအလင်းများတောက်ပနေပြီး မိုးကောင်းကင်ကိုးလွှာကောင်းကင်ကံကြမ္မာ ဆယ့်တစ်ခု စလုံး ပျံထွက်လာကာ ရွှေရောင်အလင်းများလေထုထဲတွင် ပျံ့နှံ့သွားတော့သည်။</p> <p>မိုးကောင်းကင်ကိုးလွှာ ကောင်းကင်ကံကြမ္မာဆယ့်တစ်ခုပျံထွက်လာသည်နှင့်တစ်ပြိုင်နက် ရုတ်တရက် ရန်ထျန်းရဲ၏ပတ်ဝန်းကျင်ရှိ ဟင်းလင်းပြင်မှာ အဆက်မပြတ် တုန်ခါလာပြီး မြေပြင်များ တုန်ယင်လာကာ ရန်ထျန်းရဲ၏ခန္ဓာကိုယ်အတွင်းမှ ရင်ခုန်တုန်လှုပ်ဖွယ်ကောင်းသော အရှိန်အဝါနှင့် စွမ်းအားများ ထွက်ပေါ်လာလေသည်။</p> <p>ချန်ဆန်းစံအိမ်တော်မှ ရှေးဟောင်းဘိုးဘေးများမှာအံ့အားသင့်သွားကြပြီး ဒါက ဘာလဲဟု တွေးမိသွားကြသည်။</p> <p>ရုတ်တရက် ရှေးဟောင်းနတ်ဘုရားတောင်ကြီးတစ်ခုကဲ့သို့ အလွန်တရာဧရာမကြီးမား လှသော သိုင်းဝိညာဉ်တစ်ခုသည် ရန်ထျန်းရဲ၏ခန္ဓာကိုယ်အတွင်းမှ ပျံထွက်လာလေသည်။</p> <p>ရှေးဟောင်း နတ်ဘုရားတောင်ကြီးကဲ့သို့သောထိုသိုင်းဝိညာဉ် ပျံထွက်လာသောအခါ အမြင့်မြတ်ဆုံးဘုရင်တစ်ဦး၏အရှိန်အဝါမှာ တစ်ကမ္ဘာလုံးကိုဖုံးလွှမ်းသွားပြီး လူတိုင်း၏ စိတ်ဝိညာဉ်အတွင်းပိုင်းရှိ သိုင်းဝိညာဉ်များမှာ တုန်ယင်သွားကြတော့သည်။</p> <p>ရန်ထျန်းရဲ၏သိုင်းဝိညာဉ်မှာ အမှန်တကယ်ပင်ဧရာမဝက်ဝံနက်ကြီးတစ်ကောင် ဖြစ်နေလေ သည်။</p> <p>သို့သော် ထိုဝက်ဝံနက်ကြီး၏ဦးခေါင်းပေါ်တွင်မူ ဦးချိုနှစ်ခု ရှိနေလေသည်။</p> <p>ကြောက်မက်ဖွယ်ကောင်းပြီးပြိုင်ဘက်ကင်းသောအရှိန်အဝါမှာ ထိုဝက်ဝံနက်ကြီးထံမှ ထွက်ပေါ်နေလေသည်။</p> <p>“ဒါ အမြင့်မြတ်ဆုံး ဘုရင်ပဲ”</p> <p>“ဒါ အမြင့်မြတ်ဆုံး ဘုရင် သိုင်းဝိညာဉ်ပဲ”</p> <p>ချန်ဆန်းစံအိမ်တော်မှ ရှေးဟောင်းဘိုးဘေးတစ်ဦးမှာ ရန်ထျန်းရဲ၏သိုင်းဝိညာဉ်ထံမှ အမြင့်မြတ်ဆုံး ဘုရင်အရှိန်အဝါကို ခံစားလိုက်ရပြီး ထိတ်လန့်တကြားအော်ဟစ်လိုက်လေသည်။</p> <p>လူတိုင်း အလွန်တရာ တုန်လှုပ်ပြီးအံ့အားသင့်သွားကြလေသည်။</p> <p>“အမြင့်မြတ်ဆုံး ဘုရင်... ဒါကအမှန်တကယ်ပဲအမြင့်မြတ်ဆုံးဘုရင်ပဲ” ဓားနတ်ဘုရား ရှီးလုံမှာလည်း အကြီးအကျယ် တုန်လှုပ်သွားတော့သည်။</p> <p>“အမြင့်မြတ်ဆုံးဘုရင်”</p> <p>ကျန်းချန်ချန်၏ လှပသောမျက်နှာမှာလည်း ရန်ထျန်းရဲ၏အမြင့်မြတ်ဆုံးဘုရင် သိုင်းဝိညာဉ် ကို ကြည့်ကာ အရောင်ပြောင်းသွားတော့သည်။</p> <p>သူမ၏ ရှေးဟောင်းဘိုးဘေးကို ရန်ထျန်းရဲ၏သိုင်းဝိညာဉ်အကြောင်း မေးမြန်းခဲ့စဉ်က သူ ဘာဖြစ်လို့ နှုတ်ဆိတ်နေခဲ့သလဲဆိုသည်ကို ယခုမှနားလည်သွားတော့သည်။</p> <p>ဒါဟာ အမြင့်မြတ်ဆုံး ဘုရင်သိုင်းဝိညာဉ် ဖြစ်နေလို့ပါလား။</p> <p>ထိုအချိန်တွင် ရုတ်တရက်ခရမ်းနီရောင်အလင်းကွင်းတစ်ခုမှာ ဝက်ဝံနက်ကြီး၏ခန္ဓာကိုယ် ပတ်လည်တွင်ပေါ်လာပြီး ထိုအလင်းကွင်း၏အပြင်ဘက်တွင်မူ မှေးမှိန်သောအနီရောင် အလင်းကွင်း တစ်ခုလည်း ရှိနေလေသည်။</p> <p>အနီရောင် အလင်းကွင်းမှာ တစ်သိန်းတန်ဝိညာဉ်ကွင်းဆက်ကို ကိုယ်စားပြုလေသည်။</p> <p>သို့သော် ရန်ထျန်းရဲ၏ဝိညာဉ်ကွင်းဆက်တွင် အနီရောင်အလင်းကွင်းနှစ်ခုရှိနေပြီး အခြား တစ်ခုမှာမူ အနည်းငယ်မှေးမှိန်နေလေသည်။</p> <p>“နှစ်သိန်းနီးပါးရှိတဲ့ဝိညာဉ်ကွင်းဆက်။ ဒါ... ဒါဟာအမှန်တကယ်ပင် နှစ်သိန်းနီးပါးရှိတဲ့ ဝိညာဉ်ကွင်းဆက်ပဲ”</p> <p>ရန်ထျန်းရဲ၏ဝိညာဉ်ကွင်းဆက်ကိုမြင်လိုက်ရသောအခါ လူတိုင်း တုန်လှုပ်သွားကြတော့ သည်။</p> <p>ကျန်းယုံကျန်းက ရန်ထျန်းရဲ၏သိုင်းဝိညာဉ်နှင့် ဝိညာဉ်ကွင်းဆက်အကြောင်းကို သိထားပြီး ဖြစ်သော်လည်း ၎င်းတို့ကိုထပ်မံ မြင်တွေ့ရသောအခါ သူ၏ ထိတ်လန့်မှုကို မဖုံးကွယ်နိုင်သေးပေ။</p> <p>ဒါဟာ အမြင့်မြတ်ဆုံးဘုရင်သိုင်းဝိညာဉ်နဲ့ နှစ်သိန်းနီးပါးရှိတဲ့ဝိညာဉ်ကွင်းဆက် ဖြစ်လေ သည်။</p> <p>ဒီကမ္ဘာမှာ တစ်ဦးတည်းသော ပိုင်ဆိုင်မှုပင်ဖြစ်လေသည်။</p> <p>“နှစ်သိန်းနီးပါးရှိတဲ့ ဝိညာဉ်ကွင်းဆက်”</p> <p> လူတိုင်းမှာ ရန်ထျန်းရဲ၏ဝိညာဉ်ကွင်းဆက်ကိုကြည့်ကာ အတော်ကြာအောင်ထိတ်လန့်နေမိ ကြတော့သည်။</p> <p>“အစ်ကိုကြီးက ပြိုင်ဘက်ကင်းပဲ”</p> <p> ရုတ်တရက် တပည့်တစ်ဦးက စိတ်လှုပ်ရှားစွာ အော်ဟစ်လိုက်သည်။</p> <p>“အစ်ကိုကြီးက ပြိုင်ဘက်ကင်းပဲ”</p> <p> ရန်ထျန်းရဲ၏ နောက်လိုက်တပည့်အမြောက်အမြားက အသံကုန်အော်ဟစ်လိုက်ကြလေ သည်။</p> <p>ချန်ဆန်းစံအိမ်တော်တစ်ခုလုံးမှာ ရန်ထျန်းရဲ၏သိုင်းဝိညာဉ်နှင့် ဝိညာဉ်ကွင်းဆက်တို့ကြောင့် တုန်ခါနေတော့သည်။</p> <p>နှစ်သိန်းနီးပါးရှိသောဝိညာဉ်ကွင်းဆက်၏စွမ်းအားမှာ ကောင်းကင်နှင့်မြေကြီးကို ဖုံးလွှမ်း သွားပြီး ကမ္ဘာကြီးမှာနိမ့်ဆင်းသွားသလိုပင်။</p> <p>ရန်ထျန်းရဲမှာ ထိုနေရာတွင်ရပ်နေရင်း ရန်ရှောက်ထျန်းကိုစိုက်ကြည့်လိုက်ကာ သူ၏ မျက်လုံးများတွင် ပြင်းပြသော တိုက်ခိုက်လိုစိတ်များ ပြည့်နှက်နေတော့သည် -</p> <p>“ရန်ရှောက်ထျန်း... မင်းရဲ့သိုင်းဝိညာဉ်နဲ့ဝိညာဉ်ကွင်းဆက်ကိုဆင့်ခေါ်လိုက်စမ်း။ မင်းရဲ့ ဝိညာဉ်ကွင်းဆက်က အမှန်တကယ် နှစ်သိန်းတန်တယ်ဆိုတာ ငါ မယုံဘူး”</p> <p>လူတိုင်း အသက်ရှူအောင့်ထားလိုက်ကြသည်။</p> <p>ရန်ရှောက်ထျန်း၏ ဝိညာဉ်ကွင်းဆက်က အမှန်တကယ်နှစ်သိန်းတန်တာလား။</p> <p>ကျန်းယုံကျန်း၊ ရှီးလုံနှင့်တခြားသူများမှာ ရန်ရှောက်ထျန်းကို မျက်တောင်မခတ်တမ်း ကြည့်နေကြလေသည်။</p> <p>ကျန်းချန်ချန်နှင့် ဝမ်နင်းတို့ကလည်း ရန်ရှောက်ထျန်းကိုအသေအချာစိုက်ကြည့်နေကြ လေသည်။</p> <p>“မင်း ငါ့ရဲ့ သိုင်းဝိညာဉ်နဲ့ ဝိညာဉ်ကွင်းဆက်ကိုဒီလောက်တောင် မြင်ချင်နေမှတော့ မင်း ဆန္ဒအတိုင်းဖြစ်စေရမယ်” ဟု ရန်ရှောက်ထျန်းက တည်ငြိမ်စွာ ပြောလိုက်သည်။</p> <p>သူ၏ စကားအဆုံးတွင်ဟင်းလင်းပြင်မှာပြင်းထန်စွာတုန်ခါလာပြီး လေထုများမှာဆူပွက် လာတော့သည်။</p> <p>ကမ္ဘာကြီးမှာ ရုတ်တရက်မှောင်မိုက်သွားခဲ့လေပြီ။</p> <p>ရှေးဟောင်း နတ်ဘုရားတောင်ကြီးထက်အဆပေါင်းများစွာပို၍ ကြီးမားလှသော သိုင်း ဝိညာဉ်တစ်ခုသည် ရန်ရှောက်ထျန်း၏ခန္ဓာကိုယ်အတွင်းမှပျံထွက်လာသည်ကို လူတိုင်းမြင်တွေ့ လိုက်ကြရလေသည်။</p> <p> </p> <p> </p> <p style="text-align: center;">***</p>


Save