Book List

<h2 style="text-align: center;">အခန်း (၄၈၃)</h2> <h2 style="text-align: center;">အနက်ရှိုင်းဆုံး ပင်လယ်အရှင်သခင်၏ ဝိညာဉ်ကွင်းဆက်။</h2> <h2 style="text-align: center;">*</h2> <p> </p> <p> </p> <p>ကောင်းကင်တုန်ခါစေသော နဂါးဟိန်းသံတစ်ခုသည် လောကတစ်ခွင်ပဲ့တင်ထပ်သွား တော့ သည်။</p> <p>ဧရာမ ဝက်ဝံနက်ကြီးထက်အဆပေါင်းများစွာပို၍ ကြီးမားလှသောနဂါးနက်ကြီး တစ်ကောင် သည် လူတိုင်း၏ရှေ့တွင် ပေါ်ထွက်လာလေသည်။</p> <p>ထိုနဂါးနက်ကြီးမှာ ရွှေရောင်မီးလျှံများဖုံးလွှမ်းနေပြီး သွေးရောင်မျက်လုံးများရှိနေလေ သည်။</p> <p>အမြင့်မြတ်ဆုံးဘုရင်၏အရှိန်အဝါမှာ ဟာရီကိန်းမုန်တိုင်းကြီးတစ်ခုကဲ့သို့ အလွန်တရာ ပြင်းထန်လှပေသည်။</p> <p>ထို့အပြင် ထိုနဂါးနက်ကြီး၏အမြင့်မြတ်ဆုံးဘုရင်အရှိန်အဝါမှာ ဝက်ဝံနက်ကြီး၏ အမြင့် မြတ်ဆုံး ဘုရင်အရှိန်အဝါကို လုံးဝလွှမ်းမိုးသွားခဲ့လေပြီ။</p> <p>နဂါးနက်ကြီးမှာ ကောင်းကင်ယံတွင်မြင့်မားစွာရပ်တည်နေပြီး သူ၏ဟိန်းဟောက်နေသော စွမ်းအားများမှာ တစ်ကမ္ဘာလုံးကို ဖုံးလွှမ်းသွားတော့သည်။</p> <p>ဝက်ဝံနက်ကြီးမှာမူ ဂဏာမငြိမ်ဖြစ်လာပြီး မတည်မငြိမ်ဖြစ်နေကာ ကြောက်ရွံ့နေသည့် ပုံရိပ်များပင်ပြသနေတော့သည်။</p> <p>“အမြင့်မြတ်ဆုံး ဘုရင်”</p> <p>လူတိုင်းမှာ ရန်ရှောက်ထျန်း၏ အမှောင်ရွှေမီးလျှံနဂါးကိုထိတ်လန့်တကြား ကြည့်လိုက်ကြ သည်။</p> <p>ရန်ရှောက်ထျန်း၏ သိုင်းဝိညာဉ်မှာအမြင့်မြတ်ဆုံးဘုရင်ဖြစ်ရုံသာမက ဝက်ဝံနက်ကြီး၏ အရှိန်အဝါထက် ပို၍အစွမ်းထက်သော အမြင့်မြတ်ဆုံးဘုရင် သိုင်းဝိညာဉ် ဖြစ်နေလေသည်။</p> <p>အမြင့်မြတ်ဆုံး သိုင်းဝိညာဉ်များကြားတွင်လည်းအားသာချက်၊ အားနည်းချက်များ ရှိနေကြရာ ယခုအခါရန်ရှောက်ထျန်း၏အမှောင်ရွှေမီးလျှံနဂါးအရှိန်အဝါမှာ ရန်ထျန်းရဲ၏ ဝက်ဝံ နက်ကြီး အရှိန်အဝါကို လုံးဝလွှမ်းမိုးသွားခဲ့ပြီ ဖြစ်လေသည်။</p> <p>ရန်ရှောက်ထျန်း၏ အမှောင်ရွှေမီးလျှံနဂါး၏စွမ်းအားကြောင့် လူတိုင်းအံ့အားသင့်နေစဉ် မှာပင် ရုတ်တရက်ရွှေနီရောင်အလင်းကွင်းတစ်ခုသည် အမှောင်ရွှေမီးလျှံနဂါး၏ ခန္ဓာကိုယ်ပတ်လည် တွင် ပေါ်ထွက်လာလေသည်။</p> <p>ထိုရွှေနီရောင်အလင်းကွင်း၏အပြင်ဘက်တွင်မူ နောက်ထပ်မှေးမှိန်သော ရွှေနီရောင် အလင်း ကွင်းတစ်ခုလည်း ရှိနေပြန်လေသည်။</p> <p>“ရွှေနီရောင်ဝိညာဉ်ကွင်းဆက်လား။ ဒါဘယ်လိုဝိညာဉ်ကွင်းဆက်မျိုးလဲ”</p> <p>ရှေးဟောင်းဘိုးဘေး အမြောက်အမြားမှာ အံ့အားသင့်သွားကြလေသည်။</p> <p>ဒီကမ္ဘာမှာ ရွှေနီရောင်ဝိညာဉ်ကွင်းဆက်ရှိနေတယ်ဆိုတာ သူတို့ တစ်ခါမှ မကြားဖူးကြပေ။</p> <p>လူတိုင်း အံ့အားသင့်နေစဉ်မှာပင် ရုတ်တရက်ထိုရွှေနီရောင် အလင်းကွင်းအတွင်း၌ အတိုင်းအဆမရှိကြီးမားလှသော အမှောင်ရိပ်တစ်ခုမှေးမှိန်စွာ ပေါ်ထွက်လာလေသည်။ ထိုအတိုင်း အဆမရှိ ကြီးမားသောအမှောင်ရိပ်ပေါ်ထွက်လာသောအခါ တစ်ကမ္ဘာလုံး တုန်ခါသွားပြီး ကျန်းယုံ ကျန်း၊ ဓားနတ်ဘုရားရှီးလုံနှင့် တခြားသူများပင်ကြောက်ရွံ့ရသောအရှိန်အဝါတစ်ခုသည် ကမ္ဘာမြေ ပြင်ကို လွှမ်းခြုံသွားတော့သည်။</p> <p>အတိုင်းအဆမဲ့သော ဧရာမစွမ်းအားများမှာ ကောင်းကင်ယံသို့ ဟိန်းဟောက်တက်လှမ်းသွား လေသည်။</p> <p>မိုးကောင်းကင်ကိုးလွှာမှာ အရောင်ပြောင်းသွားခဲ့လေပြီ။</p> <p>မိုးကောင်းကင်ကိုးလွှာထက်တွင် မိုးကြိုးများဟိန်းဟောက်ပြီး လျှပ်စီးများလက်လာကာ တစ်ကမ္ဘာလုံး ဂဏာမငြိမ် ဖြစ်လာတော့သည်။</p> <p>မြေပြင်များ ကွဲအက်ကုန်လေသည်။</p> <p>တောင်တန်းများ ပြိုလဲကုန်လေသည်။</p> <p>ထိုဧရာမ စွမ်းအားကြီးရှေ့တွင် ချန်ဆန်းစံအိမ်တော်မှရှေးဟောင်းဘိုးဘေးများ အားလုံးမှာ ထိတ်လန့်သွားကြလေသည်။</p> <p>ကျန်းယုံကျန်းမှာမူ အတိုင်းအဆမဲ့သော အမှောင်ရိပ်ကိုကြည့်ကာ ကြောက်လန့်သွား တော့သည်။ သူသည် ထိုအမှောင်ရိပ်နှင့် အလွန်တရာရင်းနှီးနေလေသည်၊ အဘယ်ကြောင့်ဆိုသော် သူသည် ထိုပုံရိပ်ကိုအကြိမ်ပေါင်းများစွာမြင်ဖူးခဲ့သလို ထိုပုံရိပ်၏ အတိုင်းအဆမဲ့သောအမှောင်စွမ်း အားကိုလည်း အကြိမ်ပေါင်းများစွာ ခံစားဖူးခဲ့သောကြောင့် ဖြစ်လေသည်။</p> <p>“အနက်ရှိုင်းဆုံး ပင်လယ်အရှင်သခင်”</p> <p>“အနက်ရှိုင်းဆုံး ပင်လယ်အရှင်သခင်ရဲ့ ဝိညာဉ်ကွင်းဆက်”</p> <p>“မင်း... မင်းက အနက်ရှိုင်းဆုံးပင်လယ်အရှင်သခင်ကိုသတ်ခဲ့တာလား” ကျန်းယုံကျန်း၏ အသံမှာ တုန်ယင်နေတော့သည်။</p> <p>အနက်ရှိုင်းဆုံး ပင်လယ်အရှင်သခင်၏ ဝိညာဉ်ကွင်းဆက်။</p> <p>ထိုအမှောင်ရိပ်ကို တစ်ခါမျှမမြင်ဖူးခဲ့ကြသော ချန်ဆန်းစံအိမ်တော်မှ ရှေးဟောင်းဘိုး ဘေးများမှာတောင့်မခံနိုင်ကြတော့ဘဲ မြေပြင်ပေါ်သို့အကုန်လုံး လဲကျကုန်ကြတော့သည်၊ ဓားနတ် ဘုရားရှီးလုံနှင့် လက်သီးနတ်ဘုရားကျန်းဝမ်လီတို့အပါအဝင် နတ်ဘုရားလေးပါးစလုံး မြေပြင်ပေါ် သို့ လဲကျသွားကြလေသည်။</p> <p>ချန်ဆန်းစံအိမ်တော်မှ တပည့်များအားလုံးမြေပြင်ပေါ်သို့ပြိုလဲကျကုန်ကြပြီး သူတို့၏ မျက်နှာများမှာ ထိတ်လန့်မှုကြောင့် ဖြူဖျော့နေတော့သည်။</p> <p>ဘုရားရေ။</p> <p>အနက်ရှိုင်းဆုံး ပင်လယ်အရှင်သခင်တဲ့လား။</p> <p>ရန်ရှောက်ထျန်း၏ ဝိညာဉ်ကွင်းဆက်က အမှန်တကယ်ပင်အနက်ရှိုင်းဆုံး ပင်လယ်အရှင် သခင် ဖြစ်နေသည်တဲ့လား။</p> <p>ဒါ... ဒါ... ဒါ။</p> <p>အခုလေးတင် မောက်မာစော်ကားနေသောရန်ထျန်းရဲပင်လျှင် ကြောက်လန့်တကြား တုန်ယင်နေတော့သည်၊ သူသည်တစ်စုံတစ်ခုကိုထုတ်လွှတ်ချင်သော်လည်း မထုတ်လွှတ်နိုင်ဘဲ ထိုနေရာတွင်ပင် တုန်ယင်နေမိတော့သည်။</p> <p>အနက်ရှိုင်းဆုံးပင်လယ်အရှင်သခင်... ချန်ဆန်းတိုက်ကြီးပေါ်ရှိ ပြိုင်ဘက်အကင်းဆုံး တည်ရှိမှုကြီး။</p> <p>လွန်ခဲ့သော နှစ်များအတွင်းဝိညာဉ်သားရဲတောအုပ်အတွင်းရှိ အနက်ရှိုင်းဆုံးပင်လယ်အရှင် သခင်မှာ အသတ်ခံလိုက်ရကြောင်း ကောလာဟလများရှိခဲ့သော်လည်း ၎င်းကို ကြားရသူတိုင်းမှာ အဓိပ္ပာယ်မရှိသော စကားဟုသာ မှတ်ယူပြီးပြုံးရယ်ခဲ့ကြလေသည်။</p> <p>ယခုအခါ အနက်ရှိုင်းဆုံးပင်လယ်အရှင်သခင်မှာလူတိုင်း၏ရှေ့တွင် ပြန်လည်ပေါ်ထွက်လာခဲ့ ပြီ ဖြစ်သော်လည်း သူသည်တစ်စုံတစ်ဦး၏ ဝိညာဉ်ကွင်းဆက် ဖြစ်သွားခဲ့လေပြီ။</p> <p>ဒါ အိပ်မက်လား။</p> <p>ဒါ အိပ်မက် မဟုတ်ဘူး။</p> <p>“သိုင်းဝိညာဉ် ပေါ်လာပြီဆိုရင်ဘယ်သူယှဉ်နိုင်မှာလဲ”</p> <p> တပည့်တစ်ဦးက လွှတ်ခနဲ ပြောလိုက်မိသည်။</p> <p>သိုင်းဝိညာဉ် ပေါ်လာပြီဆိုရင် ဘယ်သူ ယှဉ်နိုင်မှာလဲ။</p> <p>ဒါဟာ သတ်ဖြတ်ခြင်းသားတော်မုန့်ပိုင် ကြောက်လန့်ပြီးကြောင်သွားပြီးနောက် ခဏခဏ ရေရွတ်လေ့ရှိသော စကားတစ်ခွန်း ဖြစ်လေသည်။</p> <p>ယခုအခါတွင်မူ သတ်ဖြတ်ခြင်းသားတော်မုန့်ပိုင် ဘာဖြစ်လို့ကြောက်လန့်ပြီး ကြောင်သွား ရသလဲဆိုသည်ကို လူတိုင်းနောက်ဆုံး၌နားလည်သွားကြပြီဖြစ်သလို၊ ထိုစဉ်က မုန့်ပိုင် ဘာကို မြင်ခဲ့ရသလဲဆိုတာကိုလည်း နားလည်သွားကြပြီ ဖြစ်လေသည်။</p> <p>ရန်ရှောက်ထျန်း၏ ဟွန်ယွမ်ကောင်းကင်ကံကြမ္မာကြောင့် သွေးအန်ပြီးလွင့်ထွက်သွား ခဲ့ရ သော သားရဲနတ်ဘုရား၏သားတော်ချန်ကျီဖန့်ပင်လျှင် အတိုင်းအဆမဲ့သောကြောက်ရွံ့မှုများ ကြောင့် သတိလစ်လုနီးပါး ဖြစ်သွားခဲ့ရလေသည်။</p> <p>ကံကောင်းသည်မှာ ရန်ရှောက်ထျန်းသည် ခုနက သူ၏သိုင်းဝိညာဉ်နှင့် ဝိညာဉ်ကွင်းဆက် စွမ်းအားကိုအသုံးမပြုခဲ့ခြင်းဖြစ်လေသည်၊ မဟုတ်လျှင် သူသည်လည်းမုန့်ပိုင်ကဲ့သို့ အရူးတစ် ယောက် ဖြစ်သွားနိုင်လေသည်။</p> <p>ရန်ရှောက်ထျန်းမှာ ထိုနေရာတွင်ရပ်နေရင်း အနက်ရှိုင်းဆုံးပင်လယ်အရှင်သခင်၏ ဝိညာဉ်ကွင်းဆက်စွမ်းအားကို အသက်ပင်မသွင်းရသေးပေ။ သူသည်ရန်ထျန်းရဲကို ကြည့်ကာ ဟိန်းဟောက်ပြောလိုက်သည်။</p> <p>“ရန်ထျန်းရဲ... မင်း အလှည့်ပဲ။ တိုက်စမ်း”</p> <p>ရန်ရှောက်ထျန်း၏ ဟိန်းဟောက်ပြောဆိုသံက ရန်ထျန်းရဲကိုကြောက်လန့်တကြား နောက်သို့ ဆုတ်သွားစေခဲ့သည်။</p> <p>ရန်ထျန်းရဲ၏မျက်နှာမှာ ကြောက်ရွံ့မှုများဖြင့်ပြည့်နှက်နေတော့သည်၊ ဒါဟာအစစ်အမှန် ကြောက်ရွံ့မှုပင်ဖြစ်လေသည်။</p> <p>ခုနက ရန်ရှောက်ထျန်း၏ဟွန်ယွမ်ကောင်းကင်ကံကြမ္မာက သူ့ကို ကြောက်ရွံ့စေခဲ့ သော် လည်း ၎င်းမှာကြောက်ရွံ့မှုမျှသာရှိသေးသည်။ ယခုမှာမူအစစ်အမှန်ထိတ်လန့်တုန်လှုပ်မှု ဖြစ်လေ သည်၊ သူ တိုက်ခိုက်ရန် သတ္တိပင်မရှိတော့ပေ။</p> <p>နှစ်သန်းနီးပါး သက်တမ်းရှိသောအနက်ရှိုင်းဆုံးပင်လယ်အရှင်သခင်၏ရှေ့တွင် မည်သူက တိုက်ခိုက်ရဲမည်နည်း။</p> <p>တစ်ဖက်လူက မလှုပ်ရှားရဲသည်ကိုမြင်သောအခါ ရန်ရှောက်ထျန်းသည် အနက်ရှိုင်းဆုံး ပင်လယ်အရှင်သခင်၏ ဝိညာဉ်ကွင်းဆက်စွမ်းအားကို အသက်သွင်းလိုက်ပြီးလက်သီးတစ်ချက်ကို ရုတ်တရက် ထိုးနှက်လိုက်လေသည်။</p> <p>ရန်ရှောက်ထျန်း လက်သီးတစ်ချက်ထိုးလိုက်သည်နှင့်တစ်ပြိုင်နက် အနက်ရှိုင်းဆုံး ပင်လယ် အရှင်သခင်၏အတိုင်းအဆမဲ့သောအမှောင်စွမ်းအားများမှာ အရာအားလုံးကိုဝါးမြိုမည့်အလား ဟိန်းဟောက်ထွက်ပေါ်လာတော့သည်။</p> <p>လောကကြီးတွင် ထိုအမှောင်ထုနှင့် အတိုင်းအဆမဲ့သောလက်သီးစွမ်းအား ပင်လယ်ကြီးသာ ကျန်ရှိတော့သလိုပင်။</p> <p>ရန်ထျန်းရဲသည် သူ၏ဆီသို့ဦးတည်လာနေသောအတိုင်းအဆမဲ့သော အမှောင်ထုကို ကြည့် ကာ အော်ဟစ်လိုက်သည် -</p> <p>“အားလုံး... အတူတူ တိုက်ကြစမ်း”</p> <p>ထိုသို့ ပြောဆိုပြီးနောက် သူသည် သူ၏နှလုံးသားထဲမှထိတ်လန့်မှုကို အတင်းအကျပ် ဖိနှိပ်ကာ သူ၏ဝိညာဉ်ကွင်းဆက်စွမ်းအား၊ သူ၏ကောင်းကင်နှင့်မြေကြီး နတ်ဘုရားခန္ဓာကိုယ် စွမ်းအားနှင့် သူ၏မိုးကောင်းကင်ကိုးလွှာကောင်းကင်ကံကြမ္မာဆယ့်တစ်ခုတို့၏ စွမ်းအားများကို ရူးသွပ်စွာ အသက်သွင်းလိုက်ပြီး လက်သီးနှစ်ဖက်ဖြင့် ခုခံလိုက်လေသည်။</p> <p>၎င်းကို မြင်သောအခါ ကျန်းမင်ကလည်း အော်ဟစ်လိုက်သည် -</p> <p>“အားလုံး... အတူတူ တိုက်ကြစမ်း”</p> <p>သူမသည်လည်း သူမ၏ကောင်းကင်ကံကြမ္မာကိုဆင့်ခေါ်လိုက်ရာ ၎င်းမှာမိုးကောင်းကင် ရှစ်လွှာ ကောင်းကင်ကံကြမ္မာဖြစ်ပြီးကိုးခုရှိလေသည်။</p> <p>ချန်ဆန်းစံအိမ်တော်မှ အခြားသောအမာခံတပည့်များမှာလည်း သူတို့၏ကောင်းကင်ကံကြ မ္မာများကိုဆင့်ခေါ်လိုက်ကြသည်။ ကောင်းကင်ကံကြမ္မာကိုမကျင့်ကြံရသေးသူများမှာမူ သူတို့၏ ဓားနှလုံးသားစွမ်းအားများကို အသက်သွင်းလိုက်ကြပြီး အချို့မှာသူတို့၏နတ်ဘုရားခန္ဓာကိုယ် စွမ်းအားများကို အစွမ်းကုန်ထုတ်ဖော်လိုက်ကြလေသည်။</p> <p>ချန်ဆန်းစံအိမ်တော်မှ အမာခံတပည့်ရာပေါင်းများစွာအတူတူတိုက်ခိုက်ကြသည့် မြင်ကွင်း မှာ မည်သို့ရှိမည်နည်း။</p> <p>ကောင်းကင်ယံတစ်ခုလုံးမှာ သူတို့၏ တိုက်ခိုက်မှုများကြောင့် လင်းထိန်သွားတော့သည်။</p> <p>ကြောက်မက်ဖွယ်ကောင်းသောစွမ်းအားများမှာ ကမ္ဘာတစ်ခွင်ဟိန်းဟောက်လို့သွားလေ သည်။</p> <p>ကမ္ဘာကြီးမှာ ပေါက်ကွဲသွားတော့မည့်အလား ဖြစ်နေလေသည်။</p> <p>ဤချန်ဆန်းစံအိမ်တော်မှ အမာခံတပည့်များမှာချန်ဆန်းတိုက်ကြီးပေါ်ရှိ ပါရမီအရှိဆုံး တပည့်များဖြစ်ကြပြီး တစ်ဦးချင်းစီတွင်ထူးခြားသောတိုက်ခိုက်ရေးစွမ်းအားများ ရှိကြလေသည်၊ သူတို့မှာ ရန်ထျန်းရဲနှင့် ချန်ကျီဖန့်တို့လောက်အစွမ်းမထက်ကြသော်လည်း သူတို့သည် အလွန်တရာ အစွမ်းထက်ကြသူများ ဖြစ်ကြလေသည်။</p> <p>လူပေါင်းရာနှင့်ချီသောပေါင်းစပ်စွမ်းအားမှာ တစ်ကမ္ဘာလုံးကိုဖျက်ဆီးရန် လုံလောက်လေ သည်။</p> <p>“ဘုန်း...”</p> <p>အနက်ရှိုင်းဆုံး ပင်လယ်အရှင်သခင်၏စွမ်းအားနှင့်အမာခံတပည့် ရာပေါင်းများစွာ၏ ပေါင်းစပ်စွမ်းအားတို့ ထိပ်တိုက်တွေ့ဆုံသွားကြလေသည်။</p> <p>ဟင်းလင်းပြင်မှာ ခေတ္တမျှရပ်တန့်သွားသလိုပင်။</p> <p>ဖျက်ဆီးခြင်း အသံများမှာ အဆုံးမရှိထွက်ပေါ်နေလေသည်။</p> <p>ကမ္ဘာကြီးမှာ အလင်းနှင့်အမှောင်ကြားတွင် တလှည့်စီဖြစ်ပေါ်နေတော့သည်။</p> <p>ကြောက်မက်ဖွယ်ကောင်းသော စွမ်းအားများပေါက်ကွဲထွက်လာလေသည်။</p> <p>လူတိုင်း မြင်တွေ့လိုက်ရသည်မှာ အမာခံတပည့်ရာပေါင်းများစွာ၏ ပေါင်းစပ်စွမ်းအားများ၊ မရေမတွက်နိုင်သော ကောင်းကင်ကံကြမ္မာများနှင့်နတ်ဘုရားခန္ဓာကိုယ်များမှာလည်း လုံးဝ ချေမှုန်းခံ လိုက်ရခြင်း ဖြစ်လေသည်။</p> <p>ရန်ရှောက်ထျန်းက အနက်ရှိုင်းဆုံးပင်လယ်အရှင်သခင်၏စွမ်းအား အနည်းငယ်ကိုသာ ထုတ်ဖော်နိုင်သေးသော်လည်း အမာခံတပည့်ရာပေါင်းများစွာမှာ ခုခံနိုင်စွမ်းမရှိကြပေ။</p> <p>ရန်ထျန်းရဲမှာ ပထမဆုံး လွင့်ထွက်သွားသူ ဖြစ်လေသည်။</p> <p>ထို့နောက် ကျန်းမင်၊ လော့ကျိုးနှင့် တခြားသူများဖြစ်ကြလေသည်။</p> <p>ချန်ဆန်းစံအိမ်တော်မှ အမာခံတပည့် ရာပေါင်းများစွာမှာ လွင့်ထွက်သွားကြတော့သည်။</p> <p>သူတို့သည် အရပ်မျက်နှာအသီးသီးမှချန်ဆန်းစံအိမ်တော်ပတ်ဝန်းကျင်ရှိတောင်များပေါ်သို့ ပြုတ်ကျကုန်ကြပြီး ပြင်းထန်သောပေါက်ကွဲသံများထွက်ပေါ်လာတော့သည်။</p> <p>တစ်ယောက်တည်းနှင့် ချန်ဆန်းစံအိမ်တော်အမာခံတပည့်ရာပေါင်းများစွာကို တိုက်ခိုက် ခြင်း။</p> <p>ချန်ဆန်းစံအိမ်တော် အမာခံတပည့်ရာပေါင်းများစွာ ရှုံးနိမ့်သွားခြင်း။</p> <p>ပြိုင်ဘက်ကင်းခြင်းဆိုတာ ဘာလဲ။</p> <p>ဒါဟာ ပြိုင်ဘက်ကင်းခြင်းပင် ဖြစ်လေသည်။</p> <p>အမာခံတပည့် ရာပေါင်းများစွာ၏ပေါင်းစပ်အားထုတ်မှုပင်လျှင် ရန်ရှောက်ထျန်း၏ နှစ်သန်း တန်ဝိညာဉ်ကွင်းဆက်စွမ်းအားကို မတားဆီးနိုင်ခဲ့ပေ။</p> <p>ကျန်းချန်ချန်နှင့် မင်းသမီးဝမ်နင်းတို့မှာ ပါးစပ်အဟောင်းသားဖြစ်နေကြတော့သည်။</p> <p>ကျန်းယုံကျန်း၊ ရှီးလုံနှင့်တခြားသူများမှာလည်း သူတို့ရှေ့မှမြင်ကွင်းကြောင့် အကြီးအကျယ် တုန်လှုပ်သွားကြလေသည်။</p> <p>ချန်ဆန်းစံအိမ်တော်၏ စံအိမ်တော်အရှင်သခင်တစ်ယောက်အနေဖြင့် ကျန်းယုံကျန်းသည် ပါရမီရှင်များနှင့် ပါရမီထူးချွန်သူများစွာကိုမြင်ဖူးခဲ့သလို၊ ပြိုင်ဘက်ကင်းသောပါရမီရှင်များစွာ ကိုလည်းမြင်ဖူးခဲ့သော်လည်း ချန်ဆန်းစံအိမ်တော်၏အမာခံတပည့်အားလုံးကို စိန်ခေါ်ရဲသော ပါရမီရှင်မျိုးတစ်ခါမျှ မရှိဖူးသေးသလို၊ အမာခံတပည့်အားလုံးကို အနိုင်ယူနိုင်သော ပြိုင်ဘက်ကင်း ပါရမီရှင်မျိုးလည်း မရှိဖူးသေးပေ။</p> <p>ရန်ရှောက်ထျန်း တစ်ဦးတည်းသာလျှင် ရှိလေသည်။</p> <p>သဲများနှင့် ကျောက်တုံးများကြားတွင်နစ်မြုပ်နေသောရန်ထျန်းရဲနှင့် တခြားသူများကို ကြည့် ကာ ရန်ရှောက်ထျန်းသည်ထပ်မံ၍တိုက်ခိုက်ခြင်း မပြုတော့ဘဲ သူ၏သိုင်းဝိညာဉ်နှင့် အနက်ရှိုင်းဆုံး ပင်လယ်အရှင်သခင် ဝိညာဉ်ကွင်းဆက်တို့ကို ပြန်လည် ရုပ်သိမ်းလိုက်လေသည်။</p> <p>အမှောင်ထုပျောက်ကွယ်သွားပြီးနောက်မှသာ ကမ္ဘာကြီးမှာပုံမှန်အတိုင်း ပြန်လည်ဖြစ်သွား တော့သည်။</p> <p> </p> <p> </p> <p style="text-align: center;">***</p>


Save