Book List

<h2 style="text-align: center;">အခန်း (၄၈၄)</h2> <h2 style="text-align: center;">နတ်ဘုရားပေါင်းတစ်သောင်း မြို့တော်တွင် တစ်စုံတစ်ခု ဖြစ်ပျက်နေခြင်း</h2> <h2 style="text-align: center;">*</h2> <p> </p> <p> </p> <p>ရန်ရှောက်ထျန်းက သူ၏သိုင်းဝိညာဉ်နှင့်ဝိညာဉ်ကွင်းဆက်ကို ပြန်လည်ရုပ်သိမ်းလိုက် သည် ကိုမြင်သောအခါ ချန်ဆန်းစံအိမ်တော်မှရှေးဟောင်းဘိုးဘေးများအားလုံးမှာ ဘေးဒုက္ခတစ်ခုမှ လွတ်မြောက်သွားသလိုပင် သူတို့၏တစ်ကိုယ်လုံးမှာ ပြေလျော့သွားကြတော့သည်။</p> <p>ဧကရာဇ်အဆင့်ရှိသော တပည့်တစ်ဦးက သူတို့ကို ဘေးဒုက္ခတစ်ခုမှ လွတ်မြောက်သွားသလို ခံစားရအောင် အမှန်တကယ်ပင်လုပ်ဆောင်နိုင်ခဲ့သည်တဲ့လား။</p> <p>ရန်ရှောက်ထျန်းသည် သူ၏ဟွန်ယွမ်ကောင်းကင်ကံကြမ္မာကို ပြန်လည်ရုပ်သိမ်းလိုက်ပြီး နောက် ကျန်းယုံကျန်း၏ရှေ့သို့လာကာ လက်အုပ်ချီလျက်…</p> <p>“စံအိမ်တော်အရှင်သခင်... ကျွန်တော်ဒီစိန်ခေါ်ပွဲမှာနိုင်သွားပြီမဟုတ်လား” ဟု ပြော လိုက်သည်။</p> <p>ကျန်းယုံကျန်းသည် သူ၏နှလုံးသားအတွင်းမှလှိုင်းတံပိုးများကိုငြိမ်သက်အောင် လုပ်ရင်း တံတွေးတစ်ချက် မျိုချလိုက်မိသည်။ သူသည်ရန်ရှောက်ထျန်းကိုကြည့်ကာ သူ၏မျက်လုံးများတွင် အမျိုးမျိုးသော ခံစားချက်များဖြစ်ပေါ်နေတော့သည်၊ သူက ခါးသက်စွာ ပြုံးလိုက်ပြီး..</p> <p>“မင်း နိုင်ပါတယ်” ဟု ပြောလိုက်သည်။</p> <p>ရန်ရှောက်ထျန်းက နတ်ဘုရားနယ်မြေမှ အမာခံတပည့်အားလုံးကို စိန်ခေါ်ခြင်း၏ ရလဒ်ကို သူ တွေးတောခဲ့ဖူးသော်လည်း ယခုကဲ့သို့ရလဒ်မျိုးထွက်ပေါ်လာလိမ့်မည်ဟု သူ တစ်ခါမျှမမျှော်လင့် ထားခဲ့ပေ။</p> <p>ဓားနတ်ဘုရားရှီးလုံ၊ လက်သီးနတ်ဘုရားကျန်းဝမ်လီနှင့် တခြားသူများအားလုံးသည် ရန်ရှောက်ထျန်းကို အမျိုးမျိုးသောအမူအရာများဖြင့် ကြည့်နေကြလေသည်။</p> <p>လူတိုင်း၏ အကြည့်အောက်တွင် ကျန်းယုံကျန်းသည်ယခုအကြိမ် ဆုအဖြစ်ပေးအပ်မည့် ကောင်းကင်ကံကြမ္မာနတ်ဘုရားကျောက်တုံးများ၊ ဝိညာဉ်ဆေးပင်များနှင့် ထိပ်တန်းအဆင့်ဝိညာဉ် ကျောက်တုံးများအားလုံးကို ရန်ရှောက်ထျန်းထံသို့ လွှဲပြောင်းပေးအပ်လိုက်လေသည်။</p> <p>ရန်ရှောက်ထျန်းသည် ကောင်းကင်ကံကြမ္မာနတ်ဘုရားကျောက်တုံးများကို လက်ခံရရှိလိုက် သဖြင့် အလွန်တရာဝမ်းသာသွားတော့သည်။</p> <p>ဤမျှလောက်များပြားသော ကောင်းကင်ကံကြမ္မာနတ်ဘုရားကျောက်တုံးများဖြင့် သူသည် ဟွန်ယွမ်ကောင်းကင်ကံကြမ္မာများကို ပိုမို၍ပင်တောင့်ခံနိုင်တော့မည် ဖြစ်လေသည်။</p> <p>သူသည် ကောင်းကင်ကံကြမ္မာနတ်ဘုရားကျောက်တုံးများ၊ ဝိညာဉ်ဆေးပင်များနှင့် ဝိညာဉ် ကျောက်တုံးများအားလုံးကို သေချာစွာသိမ်းဆည်းလိုက်လေသည်။</p> <p>သို့သော် ယခုအကြိမ် သူသည်အနက်ရှိုင်းဆုံးပင်လယ်အရှင်သခင်၏ ဝိညာဉ်ကွင်းဆက် ကိုပင်ဆင့်ခေါ်ခဲ့သော်လည်း မိုးပြာရောင်ဝက်ဝံမှာလန့်နိုးမလာခဲ့ပေ။ မိုးပြာရောင်ဝက်ဝံမှာ ချန်ဆန်း စံအိမ်တော်ဟင်းလင်းပြင်၏ အနက်ရှိုင်းဆုံးနေရာသို့ဝင်ရောက်သွားပြီး အသေအလဲတံခါးပိတ် ကျင့်ကြံနေခြင်းဖြစ်နေမလား။</p> <p>ထိုစဉ်မှာပင် ရုတ်တရက်ချန်ဆန်းစံအိမ်တော်မှ ရှေးဟောင်းဘိုးဘေးတစ်ဦးမှာ ထိတ်လန့် တကြားပျံသန်းလာပြီး ကျန်းယုံကျန်းကိုပြောလိုက်သည်။</p> <p>“စံအိမ်တော်အရှင်သခင်... နတ်ဘုရားပေါင်းတစ်သောင်းအင်ပါယာမြို့တော်ကနေ သတင်း ရောက်လာပါတယ်၊ မိစ္ဆာဂိုဏ်းကြီးလေးခုကပညာရှင်တွေက စစ်သည်တော်သန်းပေါင်းရာနဲ့ချီပြီး နတ်ဘုရားပေါင်းတစ်သောင်း အင်ပါယာ မြို့တော်ကို တိုက်ခိုက်နေပါတယ်”</p> <p>“ဘာ...”</p> <p> လူတိုင်း အကြီးအကျယ် တုန်လှုပ်သွားကြလေသည်။</p> <p>မိစ္ဆာဂိုဏ်းကြီးလေးခုကပညာရှင်တွေက အမှန်တကယ်ပင်စစ်သည်တော် သန်းပေါင်းရာနဲ့ချီ ပြီး နတ်ဘုရားပေါင်းတစ်သောင်း အင်ပါယာ မြို့တော်ကို တိုက်ခိုက်နေသည်တဲ့လား။</p> <p>နတ်ဘုရားပေါင်းတစ်သောင်း အင်ပါယာမှာ ချန်ဆန်းတိုက်ကြီးပေါ်ရှိ နံပါတ်တစ် အင်ပါယာ ဖြစ်သလို၊ နတ်ဘုရားပေါင်းတစ်သောင်းအင်ပါယာမြို့တော်မှာလည်း ချန်ဆန်းတိုက်ကြီးအတွက် အလွန်တရာ အရေးပါသောနေရာ ဖြစ်လေသည်။</p> <p>အကယ်၍ နတ်ဘုရားပေါင်းတစ်သောင်းအင်ပါယာမြို့တော်သာ ကျဆုံးသွားမည်ဆိုလျှင် ၎င်းမှာ ချန်ဆန်းတိုက်ကြီးရှိ ပြည်သူများအတွက် ကပ်ဘေးတစ်ခုဖြစ်လာပေလိမ့်မည်။</p> <p>မိစ္ဆာဂိုဏ်းကြီးလေးခုက စစ်သည်တော်သန်းပေါင်းရာနဲ့ချီပြီး နတ်ဘုရားပေါင်းတစ်သောင်း အင်ပါယာမြို့တော်ကိုတိုက်ခိုက်နေသည်ကိုကြားလိုက်ရသောအခါ ရန်ရှောက်ထျန်း၏မျက်နှာအမူ အရာမှာ ပြောင်းလဲသွားတော့သည်။ သူသည် လေထဲသို့ပျံတက်လိုက်ပြီး နတ်ဘုရားပေါင်းတစ် သောင်း အင်ပါယာမြို့တော်ဆီသို့ အစွမ်းကုန်အရှိန်ဖြင့် ပြန်သွားလေတော့သည်။</p> <p>၎င်းကို မြင်သောအခါ ကျန်းယုံကျန်းကလည်းဓားနတ်ဘုရားရှီးလုံနှင့် ဓားနတ်ဘုရား ကျောက်ဖုန်းတို့ကို အရေးတကြီးပြောလိုက်သည် -</p> <p>“မြန်မြန်... အင်ပါယာ စစ်တပ်ကိုချက်ချင်းစုစည်းပြီး မြို့တော်ကို သွားပြီး ကူညီကြစမ်း”</p> <p>“ဒါ့အပြင် ပတ်ဝန်းကျင်အင်ပါယာတွေနဲ့ ပတ်ဝန်းကျင်မြို့တွေက ပညာရှင်တွေကိုလည်း နတ်ဘုရားပေါင်းတစ်သောင်း အင်ပါယာမြို့တော်ကို သွားပြီးကူညီဖို့ အမိန့်ပေးလိုက်”</p> <p>“နတ်ဘုရားပေါင်းတစ်သောင်း အင်ပါယာ မြို့တော်ကို လုံးဝ အကျဆုံး မခံနိုင်ဘူး”</p> <p>ဓားနတ်ဘုရား ရှီးလုံ၊ ဓားနတ်ဘုရားကျောက်ဖုန်းနှင့် တခြားသူများမှာလည်း အခြေအနေ၏ အရေးတကြီးဖြစ်မှုကို သိရှိထားကြသဖြင့် မိုးပြာရောင်နတ်ဘုရား စံအိမ်တော် စစ်တပ်ကို အစွမ်းကုန် လှုံ့ဆော်လိုက်ကြလေသည်။</p> <p>ချက်ချင်းဆိုသလိုပင် ချန်ဆန်းစံအိမ်တော်တစ်ခုလုံးတွင် ခရုသင်းမှုတ်သံများ ဟိန်းဟောက် သွားတော့သည်။</p> <p>ချန်ဆန်းစံအိမ်တော် တစ်ခုလုံးမှမရေမတွက်နိုင်သော စစ်တပ်များမှာထိုအရပ်မျက်နှာဆီသို့ စုစည်းသွားကြလေသည်။</p> <p>“ဘိုးဘိုးကျန်း... ကျွန်မလည်း သွားချင်ပါတယ်”</p> <p> ကျန်းချန်ချန်သည် ကျန်းယုံကျန်း၏ ရှေ့သို့လာကာစိုးရိမ်တကြီး ပြောလိုက်သည်။</p> <p>ကျန်းယုံကျန်းသည် အလွန်တရာစိုးရိမ်နေသော ကျန်းချန်ချန်၊ ဝမ်နင်းနှင့်တခြားသူများကို ကြည့်ကာ ခေါင်းညိတ်ပြလိုက်သည်။</p> <p>“ကောင်းပြီ... တိုက်ခိုက်နိုင်စွမ်းရှိပြီး သွားချင်တဲ့ချန်ဆန်းစံအိမ်တော်တပည့်မှန်သမျှ သွားနိုင်ပါတယ်”</p> <p>သေခြင်းရှင်ခြင်းကြားတွင် လေ့ကျင့်မှုခံယူရမှသာ ဤချန်ဆန်းစံအိမ်တော်တပည့်များမှာ အမှန်တကယ် လျင်မြန်စွာကြီးထွားလာနိုင်မည် ဖြစ်လေသည်။</p> <p>ထို့ကြောင့် ရန်ရှောက်ထျန်းချန်ဆန်းစံအိမ်တော်မှထွက်ခွာပြီး မကြာမီမှာပင် ချန်ဆန်းစံအိမ် တော်အတွင်းမှ တွင်းနက်ကြီးပျံသန်းရေးအာကာသယာဉ်များတစ်စင်းပြီးတစ်စင်း ပျံသန်းထွက် ခွာလာကြပြီး နတ်ဘုရားပေါင်းတစ်သောင်းအင်ပါယာမြို့တော်ဆီသို့ အရှိန်အဟုန်ဖြင့်ဦးတည် သွားကြတော့သည်။</p> <p>ရန်ရှောက်ထျန်းသည် အမှောင်နဂါးနှင့် ချိန်းဆိုထားသောနေရာသို့ ရောက်ရှိလာပြီး</p> <p>“နဂါးအိုကြီး... နတ်ဘုရားပေါင်းတစ်သောင်းအင်ပါယာမြို့တော်မှာ တစ်ခုခုဖြစ်နေပြီ၊ ယာဉ်ပေါ်တက်၊ သွားကြစို့” ဟု အော်ဟစ်လိုက်လေသည်။</p> <p>ချက်ချင်းဆိုသလိုပင် အမှောင်ရိပ်တစ်ခုသည်လေထဲသို့ပျံတက်လာပြီး တွင်းနက်ကြီး ပျံသန်းရေးယာဉ်ပေါ်သို့ ဆင်းသက်လိုက်လေသည်၊ ၎င်းမှာ အမှောင်နဂါး ဖြစ်လေသည်။</p> <p>ရန်ရှောက်ထျန်းသည် တွင်းနက်ကြီးပျံသန်းရေးယာဉ်ကို အစွမ်းကုန်အရှိန်မြှင့်လိုက်ပြီး နတ်ဘုရားပေါင်းတစ်သောင်း အင်ပါယာ မြို့တော်ဆီသို့ ပြန်သွားလေတော့သည်။</p> <p>တွင်းနက်ကြီး ပျံသန်းရေးယာဉ်မှာအလင်းတန်းတစ်ခုအလား ပြောင်းလဲသွားပြီး ဟင်းလင်း ပြင်ကို ဆက်တိုက်ဖောက်ထွက်ကာ နတ်ဘုရားပေါင်းတစ်သောင်းအင်ပါယာ မြို့တော်ဆီသို့ ချဉ်းကပ် သွားလေသည်။</p> <p>ထိပ်တန်းအဆင့် ဝိညာဉ်ကျောက်တုံးများဖြင့်မောင်းနှင်ထားသဖြင့် တွင်းနက်ကြီး ပျံသန်း ရေးယာဉ်၏အရှိန်မှာ အံ့မခန်းမြန်ဆန်လှသော်လည်း ယာဉ်အတွင်း၌ ရပ်နေသော ရန်ရှောက်ထျန်း မှာမူ အလွန်အမင်း စိုးရိမ်နေဆဲဖြစ်ပြီး ယာဉ်မှာနှေးလွန်းနေသည်ဟု ခံစားနေရဆဲ ဖြစ်လေသည်။</p> <p>ဤအချိန်တွင် နတ်ဘုရားပေါင်းတစ်သောင်းအင်ပါယာမြို့တော်၏ တံခါးပြင်ပတွင်မူ မသေနိုင်သော သေမင်းနတ်ဘုရားစစ်တပ်နှင့် ယင်တစ္ဆေစစ်တပ်များမှာ မျက်စိတစ်ဆုံးအထိ ရှိနေပြီး လှိုင်းလုံးကြီးများအလား ကမ္ဘာ့အစွန်းအထိ ဖုံးလွှမ်းနေတော့သည်။</p> <p>နတ်ဘုရားပေါင်းတစ်သောင်းအင်ပါယာမြို့တော်မှာ အတိုင်းအဆမရှိ ကျယ်ဝန်းလှပြီး မြို့ရိုးများမှာ မိုင်ပေါင်းများစွာရှည်လျားလှသော်လည်း ယခုအခါသန်းပေါင်းရာနဲ့ချီသော မသေနိုင် သောသေမင်းများနှင့် ယင်တစ္ဆေ စစ်တပ်များမှာ နတ်ဘုရားပေါင်းတစ်သောင်း အင်ပါယာ မြို့တော်၏ မြို့ရိုးတစ်လက်မချင်းစီကို လုံးဝပိတ်ဆို့ဝိုင်းရံထားကြသဖြင့် ကြွက်တစ်ကောင်ပင် တိုးမပေါက် နိုင်သော အခြေအနေဖြစ်နေလေသည်။</p> <p>မရေမတွက်နိုင်သော သေမင်းများနှင့်ယင်တစ္ဆေများမှာ မြို့ရိုးများကိုအပြင်းအထန် တိုက်ခိုက်နေကြလေသည်။</p> <p>မြို့တော်အတွင်း၌မူ သန်းပေါင်းရာနဲ့ချီသောနတ်ဘုရားပေါင်းတစ်သောင်း အင်ပါယာ စစ်တပ် များမှာ သေမင်းများနှင့် ယင်တစ္ဆေများ၏ လှိုင်းလုံးများကို အပြင်းအထန်တားဆီးနေကြလေသည်။</p> <p>သို့သော် သေမင်းများနှင့်ယင်တစ္ဆေများမှာများပြားလွန်းလှသည်၊ လှိုင်းတစ်ခုကို တားဆီး လိုက်လျှင် နောက်ထပ်လှိုင်းတစ်ခုက တက်လာပြန်လေသည်။</p> <p>မြို့တော်၏ ကာကွယ်ရေးတားမြစ်ချက်များရှိနေသော်လည်း သန်းပေါင်းရာနဲ့ချီသော နတ်ဘုရားပေါင်းတစ်သောင်းအင်ပါယာစစ်တပ်များမှာ အဆုံးမရှိသောသေမင်းများနှင့် ယင်တစ္ဆေ များကိုကြည့်ကာ ထိတ်လန့်နေကြလေသည်။</p> <p>ဤအချိန်တွင် မြို့တော်အတွင်းရှိကုန်သည်အသင်းအဖွဲ့များ၊ ဂိုဏ်းများနှင့် မိသားစုများမှ ပညာရှင်များအားလုံးမှာလည်း မြို့ရိုးပေါ်သို့ရောက်ရှိလာကြပြီး သန်းပေါင်းရာနဲ့ချီသော သေမင်း များနှင့် ယင်တစ္ဆေများကို အတူတကွ ခုခံနေကြလေသည်။</p> <p>မြို့တံခါးကျိုးပေါက်သွားလျှင်မြို့တော်အတွင်းရှိ မည်သူမျှလွတ်မြောက်နိုင်မည် မဟုတ် ကြောင်း လူတိုင်းသိထားကြလေသည်။</p> <p>ထို့ကြောင့် လူတိုင်းမှာသူတို့၏အသက်များကိုရင်းနှီးပြီး ဟိန်းဟောက်နေသော သေမင်းများ နှင့် ယင်တစ္ဆေများကို အပြင်းအထန်တိုက်ခိုက်နေကြလေသည်။</p> <p>ဧကရာဇ် ဝမ်ကွမ်ဖုန်းနှင့် နတ်ဘုရားပေါင်းတစ်သောင်းနန်းတော်မှ ရှေးဟောင်းဘိုးဘေးများ အားလုံးလည်း မြို့တံခါးဆီသို့ရောက်လာကြပြီး တိုက်ခိုက်မှုများကိုပြုလုပ်နေကြလေသည်။</p> <p>နတ်အိမ်တော်မှ လူများလည်းထွက်လာကြပြီး အခြားသောမိသားစုများနှင့်အတူ နတ်ဘုရား ပေါင်းတစ်သောင်း အင်ပါယာစစ်တပ်ကိုကူညီပေးနေကြလေသည်။</p> <p>မိစ္ဆာမျောက်ဝံကြီးမှာလည်းရန်မိသားစုဝင်များကိုတင်းကျပ်စွာကာကွယ်ထားပြီး သူ၏ ပေတစ်သောင်းရှည်သောသံကြိုးကြီးကို အဆက်မပြတ်ဝှေ့ယမ်းကာ မရေမတွက်နိုင်သော သေမင်း များနှင့် ယင်တစ္ဆေများကို ရိုက်ခွဲပစ်နေလေတော့သည်။</p> <p>လူသူအတွေ့ရနည်းသော နတ်ဘုရားပေါင်းတစ်သောင်း နန်းတော်မှ ရှေးဟောင်းဘိုးဘေးကြီး ဝမ်ရှိဝေနှင့် ဆေးနတ်ဘုရားဖုန်းယီမင်တို့ပင်ထွက်လာခဲ့ကြလေသည်။ သူတို့နှစ်ဦးမှာ ဟင်းလင်း ပြင်၏အနက်ရှိုင်းဆုံးနေရာတွင်ရှိနေကြပြီး လက်ဝါးတစ်ချက်ရိုက်လိုက်တိုင်း သေမင်းစစ်တပ် အမြောက်အမြားကို ဖျက်ဆီးပစ်နေကြလေသည်။</p> <p>လူတိုင်းက ဟိန်းဟောက်နေသောသေမင်းများနှင့်ယင်တစ္ဆေများကို အပြင်းအထန် သတ်ဖြတ်နေစဉ်မှာပင် ရုတ်တရက်နတ်ဘုရားပေါင်းတစ်သောင်းနန်းတော်မှ ပညာရှင်တစ်ဦးက ဝမ်ကွမ်ဖုန်းဆီသို့ ထိတ်လန့်တကြား ပြေးလာပြီး သတင်းပို့လိုက်သည် -</p> <p>“အရှင်မင်းကြီး... မသိရတဲ့အကြောင်းရင်းကြောင့် ဟယ်မိသားစုခေါင်းဆောင်က ရုတ်တရက်ရူးသွပ်သွားပြီး ဟယ်မိသားစုဝင်တွေကိုဦးဆောင်ပြီး ကျွန်တော်တို့နန်းတော် ပညာရှင် တွေကို ပြန်တိုက်ခိုက်နေပါတယ်”</p> <p>“ဘာ...”</p> <p>ဝမ်ကွမ်ဖုန်း၏ မျက်နှာအမူအရာမှာ ပြောင်းလဲသွားတော့သည်။</p> <p>ဟယ်မိသားစုမှာလည်း နတ်ဘုရားပေါင်းတစ်သောင်းအင်ပါယာ မြို့တော်အတွင်းရှိ ထိပ်တန်း မိသားစုကြီးတစ်ခု ဖြစ်လေသည်။</p> <p>အကယ်၍ ဟယ်မိသားစုကပုန်ကန်ပြီးမြို့တော်အတွင်း၌ ဖရိုဖရဲ ဖြစ်အောင် လုပ်မည်ဆိုလျှင် ၎င်းမှာ သေချာပေါက် ကြီးမားသော ဘေးအန္တရာယ်တစ်ခု ဖြစ်လာပေလိမ့်မည်။</p> <p>“ဟယ်မိသားစု ပညာရှင်တွေရဲ့ရင်ဘတ်ထဲကနေ အနက်ရောင်မိစ္ဆာချီစွမ်းအင်တွေ ထွက်နေ ပါတယ်” ဟု နန်းတော်ပညာရှင်က ထပ်လောင်းပြောကြားလိုက်သည်။</p> <p>“တာအိုနှလုံးသားမိစ္ဆာမျိုးစေ့ ချခံလိုက်ရတာပဲ”</p> <p> ဝမ်ကွမ်ဖုန်း၏ မျက်နှာမှာ မှောင်မိုက်သွားတော့သည်။</p> <p>ဤဟယ်မိသားစု ပညာရှင်များ အဘယ်ကြောင့် ရူးသွပ်သွားရသလဲဆိုတာကို သူ နောက်ဆုံး၌ နားလည်သွားခဲ့လေပြီ။</p> <p>ထိုစဉ်မှာပင် နောက်ထပ်နန်းတော်ပညာရှင်တစ်ဦးက ကျန်းမိသားစုပညာရှင်များလည်း ရူးသွပ်သွားကြပြီး နန်းတော်ပညာရှင်များကိုပြန်တိုက်ခိုက်နေကြောင်းနှင့် သူတို့၏ ရင်ဘတ်ထဲ မှလည်း အနက်ရောင်မိစ္ဆာချီစွမ်းအင်များ ထွက်နေကြောင်း လာရောက် သတင်းပို့ပြန်လေသည်။</p> <p>ကျန်းမိသားစု။</p> <p>နောက်ထပ် ထိပ်တန်း မိသားစုကြီးတစ်ခု။</p> <p>“သတ်ကြစမ်း... တာအိုနှလုံးသားမိစ္ဆာမျိုးစေ့ချခံထားရတဲ့သူအားလုံးကို အကုန်သတ် ပစ်ကြစမ်း” ဟု ဝမ်ကွမ်ဖုန်းက အေးစက်စွာ အမိန့်ပေးလိုက်သည်။</p> <p>ဟယ်မိသားစုနှင့် ကျန်းမိသားစုတို့မှာပုံမှန်အားဖြင့် မင်းသမီးဝမ်နင်းနှင့် ရင်းနှီးသော ဆက်ဆံ ရေး ရှိကြသော်လည်း ယခုအခါသူတို့ကိုမနှိမ်နင်းလျှင် မြို့တော်မှာဖရိုဖရဲ ဖြစ်သွားနိုင်ပြီး ၎င်းမှာ ကြီးမားသော ဘေးအန္တရာယ်တစ်ခု ဖြစ်လာမည် ဖြစ်လေသည်။</p> <p>ထို့ကြောင့် သူသည် လုံးဝ တုံ့ဆိုင်းမနေခဲ့ပေ။</p> <p>နတ်ဘုရားပေါင်းတစ်သောင်း နန်းတော်ပညာရှင်များက ဟယ်မိသားစုနှင့်ကျန်းမိသားစု ပညာရှင်များကို နှိမ်နင်းနေစဉ်မှာပင် ရုတ်တရက်ထူးဆန်းသောပုလွေသံတစ်ခုထွက်ပေါ်လာ တော့ သည်။</p> <p>ပုလွေသံတွင် မမြင်နိုင်သောစွမ်းအားတစ်ခုပါရှိနေပြီး မြို့တော်၏တားမြစ်ချက်များကိုပင် ဖောက်ထွက်ကာ မြို့တော်အတွင်းရှိ လူတိုင်း၏နားထဲသို့ ရောက်ရှိသွားတော့သည်။</p> <p>လူတိုင်းမှာ ပြင်းထန်သောခေါင်းကိုက်မှုကိုခံစားလိုက်ရပြီး အပ်ပေါင်းထောင်ချီဖြင့် အထိုးခံ ရသလိုပင် ခံစားလိုက်ရလေသည်။</p> <p>“ဒါ ယင်တစ္ဆေစိတ်ဝိညာဉ် အသံပဲ”</p> <p> ဝမ်ကွမ်ဖုန်း၏ မျက်နှာအမူအရာ ပြောင်းလဲသွားတော့သည်။</p> <p>ယင်တစ္ဆေ စိတ်ဝိညာဉ်အသံမှာ ရှေးဟောင်းယင်တစ္ဆေ စိတ်ဝိညာဉ်ဂိုဏ်း၏ အမြင့်မြတ်ဆုံး သော ထူးခြားသည့် စွမ်းရည်တစ်ခု ဖြစ်လေသည်။</p> <p>ဤမိစ္ဆာအသံမှာ ပုံသဏ္ဌာန်မရှိ၊ အတိုင်းအဆမရှိဘဲ အလွန်တရာကြောက်မက်ဖွယ် ကောင်း လှသည်။ ဤအသံကိုဖျက်ဆီးရန်အတွက် ထိုသူကိုရှာတွေ့ပြီး သတ်ပစ်ရန်သာ တတ်နိုင်လေသည်။</p> <p>သူသည် ယင်တစ္ဆေစိတ်ဝိညာဉ်ဂိုဏ်းမှ ပညာရှင်များပင်မိစ္ဆာဂိုဏ်းကြီးလေးခုနှင့် ပူးပေါင်း လိမ့်မည်ဟု မထင်ထားခဲ့ပေ။</p> <p>ယင်တစ္ဆေ စိတ်ဝိညာဉ်အသံမှာ ဆက်လက်ထွက်ပေါ်နေလေသည်။ ထိုအသံ၏ သက်ရောက် မှုကြောင့် လူတိုင်း၏တိုက်ခိုက်မှုများမှာနှေးကွေးသွားခဲ့ပြီး မရေမတွက်နိုင်သော သေမင်းများနှင့် ယင်တစ္ဆေများမှာ မြို့ရိုးပေါ်သို့ တက်လာကြတော့သည်။</p> <p> </p> <p> </p> <p style="text-align: center;">***</p>


Save