Book List

<h2 style="text-align: center;">အခန်း (၄၈၆)</h2> <h2 style="text-align: center;">ဝိညာဉ်ကွင်းဆက် ပေါ်ထွက်လာခြင်း၊ တစ်ကမ္ဘာလုံး တုန်လှုပ်သွားခြင်း</h2> <h2 style="text-align: center;">*</h2> <p> </p> <p> </p> <p>အနက်ရှိုင်းဆုံး ပင်လယ်အရှင်သခင်၏ အတိုင်းအဆမဲ့သောစွမ်းအားကို ခံစားလိုက်ရသဖြင့် လူတိုင်း ထိတ်လန့်သွားကြလေသည်။</p> <p>“ဒါ ဘယ်လို ဝိညာဉ်ကွင်းဆက်မျိုးလဲ”</p> <p>ရှေးဟောင်းဘိုးဘေးများ တစ်ယောက်ပြီးတစ်ယောက် တုန်ယင်နေကြလေသည်။</p> <p>ဆေးနတ်ဘုရား ဖုန်းယီမင်သည်အတိုင်းအဆမဲ့သောအမှောင်ရိပ်ကြီးကို ကြည့်ကာ တစ် ကိုယ်လုံးတုန်ယင်နေပြီး ဟိုတုန်းကနတ်ဘုရားဆေးပင်ကိုရှာဖွေရန် ဝိညာဉ်သားရဲတောအုပ်၏ အနက်ရှိုင်းဆုံးနေရာသို့ သွားရောက်ခဲ့စဉ်က မြင်တွေ့ခဲ့ရသည့် မြင်ကွင်းကို သတိရသွားတော့သည်။</p> <p>“ဒါက... အနက်ရှိုင်းဆုံးပင်လယ်ထဲကအဲဒီတစ်ယောက်လား” ဟု ဖုန်းယီမင်က တုန်ယင် စွာ ပြောလိုက်သည်။</p> <p>အနက်ရှိုင်းဆုံး ပင်လယ်ထဲက အဲဒီတစ်ယောက်လား။</p> <p>၎င်းကို ကြားလိုက်ရသောအခါ ရှေးဟောင်းဘိုးဘေးများမှာ တစ်စုံတစ်ခုကိုသဘောပေါက် သွားသလိုပင် အကုန်လုံးအညီအမျှ တုန်လှုပ်သွားကြသည် -</p> <p>“အနက်ရှိုင်းဆုံး ပင်လယ်အရှင်သခင်လား”</p> <p>အနက်ရှိုင်းဆုံး ပင်လယ်အရှင်သခင်။</p> <p>အင်ပါယာ မြို့တော်တစ်ခုလုံး တုန်လှုပ်သွားတော့သည်။</p> <p>သူတို့ရှေ့ရှိ အတိုင်းအဆမဲ့သောအမှောင်ရိပ်ကြီးမှာအနက်ရှိုင်းဆုံး ပင်လယ်အရှင်သခင် ဖြစ်နေသည်တဲ့လား။</p> <p>အလွန်အမင်း ထိတ်လန့်သွားကြသဖြင့် အင်ပါယာမြို့တော်တစ်ခုလုံးမှာ မည်သူမျှ စကားမ ပြောနိုင်ဘဲ တိတ်ဆိတ်ငြိမ်သက်သွားတော့သည်။</p> <p>ရန်ရှောက်ထျန်းသည် သူ၏နဂါးနက်သိုင်းဝိညာဉ်နှင့် အနက်ရှိုင်းဆုံးပင်လယ်အရှင်သခင် ဝိညာဉ်ကွင်းဆက်ကိုဆင့်ခေါ်လိုက်ပြီး သူ၏တစ်ကိုယ်လုံးတွင် နတ်ဘုရားအလင်းများတောက်ပနေ ရင်း လက်သီးနှစ်ဖက်ဖြင့် ပြင်းထန်စွာထိုးနှက်လိုက်လေသည်။</p> <p>“ဘုန်း...”</p> <p>မိုးကောင်းကင်ကိုးလွှာမှ နတ်ဘုရားမိုးကြိုးသံများကဲ့သို့ပင် ဟင်းလင်းပြင်မှာတုန်ခါသွားပြီး အနက်ရှိုင်းဆုံး ပင်လယ်အရှင်သခင်၏နှစ်သန်းနီးပါးသက်တမ်းရှိသော ဝိညာဉ်ကွင်းဆက် စွမ်းအား မှာ ဟိန်းဟောက်ထွက်ပေါ်လာကာ မရေမတွက်နိုင်သောသေမင်းများနှင့်မိစ္ဆာများကို လုံးဝချေမှုန်း ပစ်လိုက်လေသည်။</p> <p>ရန်ရှောက်ထျန်း၏ လက်သီးစွမ်းအားမှာ အဆုံးမရှိသလိုပင်ဆက်တိုက်တိုးဝင်သွားတော့ သည်။</p> <p>သေမင်းများ မည်မျှပင်အစွမ်းထက်ပါစေ၊ တစ္ဆေသရဲဘုရင်များမည်မျှပင် ပြင်းထန်ပါစေ၊ သူတို့အားလုံးမှာအနက်ရှိုင်းဆုံး ပင်လယ်အရှင်သခင်၏စွမ်းအားအောက်တွင် ဖုန်မှုန့်များအဖြစ် ပြောင်းလဲသွားကြတော့သည်။</p> <p>ရန်ရှောက်ထျန်း၏လက်သီးစွမ်းအားမှာ အင်ပါယာမြို့တော်၏မြို့ရိုးအစွန်းအထိ ရောက်ရှိ သွားပြီးမှသာရပ်တန့်သွားတော့သည်။ ရန်ရှောက်ထျန်းသည်လေထဲသို့ နောက်တစ်ကြိမ် ပျံတက် လိုက်ပြီး နောက်ထပ်လက်သီးတစ်ချက်ကို ထပ်မံထိုးနှက်လိုက်ပြန်လေသည်။</p> <p>လက်သီးစွမ်းအားမှာ အင်ပါယာ မြို့တော်၏ မြို့ရိုးအစွန်းသို့နောက်တစ်ကြိမ် ရောက်ရှိသွား ပြန်သည်။</p> <p>အခြားသူများ၏လက်သီးချက်များမှာ ရန်သူ၏ခန္ဓာကိုယ်ကို ထိမှန်ကြသော်လည်း ရန်ရှောက် ထျန်း၏လက်သီးချက်များမှာမူ အင်ပါယာမြို့တော်၏မြို့ရိုးအစွန်းအထိ ပေါက်ကွဲထွက်သွားခြင်း ဖြစ်လေသည်။</p> <p>နဂါးနက် သိုင်းဝိညာဉ်မှာအတိုင်းအဆမဲ့သောအမှောင်ထုအတွင်း တည်ရှိနေသော်လည်း ရန်ရှောက်ထျန်း၏တစ်ကိုယ်လုံးမှာမူ ရွှေရောင်အလင်းများ တောက်လောင်နေလေသည်။</p> <p>အနက်ရှိုင်းဆုံး ပင်လယ်အရှင်သခင်၏စွမ်းအားမှာ လူအုပ်ကြီးကို ဆက်တိုက်တုန်လှုပ်စေ နေတော့သည်။</p> <p>အင်ပါယာ မြို့တော်မြို့ရိုးပေါ်တွင်ရှိနေသော မိသားစုအသီးသီးမှ အမျိုးသမီးငယ်တပည့် အမြောက်အမြားမှာ သူတို့၏နှလုံးသားများ မထိန်းချုပ်နိုင်အောင်တုန်ယင်နေကြတော့သည်။</p> <p>“နတ်ဘုရားရန်... ရှင်ကတကယ်ကို အစွမ်းထက်တာပဲ” ဟု အမျိုးသမီး တပည့်တစ်ဦးက စိတ်လှုပ်ရှားလွန်းသဖြင့် မနေနိုင်ဘဲအော်ဟစ်လိုက်လေသည်။</p> <p>သူမမှာ ယန်မိသားစုမှ အမျိုးသမီးငယ်ဖြစ်လေသည်။</p> <p>သူမသည် ယန်လုံ၏ အစ်မလည်းဖြစ်လေသည်။</p> <p>“နတ်ဘုရားရန်... ကျွန်မတို့ကိုကာကွယ်ပေးလို့ကျေးဇူးတင်ပါတယ်” ဟု ရှန်မိသားစုမှ အမျိုးသမီးငယ်တစ်ဦးကလည်း စိတ်လှုပ်ရှားစွာ အော်ဟစ်လိုက်ပြန်သည်။</p> <p>အခြားသော မိသားစုများမှအမျိုးသမီးငယ်အမြောက်အမြားမှာလည်း စိတ်လှုပ်ရှားစွာ အော်ဟစ်လာကြတော့သည်။</p> <p>“နတ်ဘုရားရန်... ကျေးဇူးတင်ပါတယ်”</p> <p>အချို့သော အမျိုးသမီးငယ်များကမူ လွှတ်ခနဲပင် အော်ဟစ်လိုက်ကြသည် -</p> <p>“နတ်ဘုရားရန်... ရှင့်ကို ကျွန်မ တကယ်ချစ်တယ်”</p> <p>“နတ်ဘုရားရန်... ကျွန်မ ရှင့်ကို နေ့တိုင်း ရူးမတတ်လွမ်းနေတာ”</p> <p>ပုံမှန်အားဖြင့် သိက္ခာရှိလှသောထိပ်တန်းမိသားစုများမှအမျိုးသမီးငယ်များမှာ ထိုသို့ အော်ဟစ်နေကြသည်ကို ကြည့်ကာ ပညာရှင်အမြောက်အမြားမှာ ဆွံ့အသွားကြတော့သည်။</p> <p>လူတိုင်းကို အံ့အားသင့်စေသည်မှာ ယန်မိသားစုနှင့် ရှန်မိသားစုတို့မှ ရှေးဟောင်းဘိုးဘေး များမှာ ပြုံးရယ်နေကြပြီး သူတို့ကိုတားဆီးခြင်း မပြုကြခြင်းဖြစ်လေသည်။</p> <p>ရှေးဟောင်းဘိုးဘေးကြီး ဝမ်ရှိဝေမှာမူမျက်လုံးပြူးသွားပြီး ထိုအဖိုးကြီးများ၏ စိတ်ထဲမှ အကြံအစည်များကို ကောင်းကောင်းနားလည်နေလေသည်။ သူတို့က သူ့ရဲ့မြေးသမက်လောင်းကို လုယူဖို့ ကြိုးစားနေကြတာပဲ။</p> <p>“တောက်... ငါ့ရဲ့ မြေးသမက်လောင်းကို လုချင်တယ် ဟုတ်လား။ မရဘူး။”</p> <p>ရန်ရှောက်ထျန်း၏နဖူးပေါ်တွင် အနက်ရောင်မျဉ်းများပေါ်လာတော့သည်၊ သူသည် ထိုအမျိုးသမီးငယ်များ၏စကားကိုမကြားချင်ယောင်ဆောင်လိုက်ပြီး အနက်ရှိုင်းဆုံး ပင်လယ်အရှင် သခင်၏စွမ်းအားကို ဆက်တိုက်ထုတ်ဖော်ကာ အရပ်မျက်နှာအနှံ့သို့ထိုးနှက်နေသဖြင့် မြေပြင်မှာ အဆက်မပြတ် တုန်ခါနေတော့သည်။</p> <p>ယခင်က သူသည် ဟွန်ယွမ်ကောင်းကင်ကံကြမ္မာနှင့် ထာဝရနတ်ဘုရားခန္ဓာကိုယ် စွမ်းအား များကိုအသုံးပြုပြီး အတော်ကြာအောင်တိုက်ခိုက်ခဲ့သော်လည်း သေမင်းများနှင့်မိစ္ဆာအရေ အတွက် မှာလျော့နည်းမသွားခဲ့ပေ။ သို့သော်ယခုအခါ အနက်ရှိုင်းဆုံးပင်လယ်အရှင်သခင်၏ စွမ်းအား အောက်တွင်မူ သူ၏ပတ်ဝန်းကျင်ရှိ သေမင်းများနှင့်မိစ္ဆာများမှာ နောက်ဆုံး၌လျော့နည်းလာခဲ့ပြီ ဖြစ်လေသည်။</p> <p>အနက်ရှိုင်းဆုံး ပင်လယ်အရှင်သခင်၏စွမ်းအားမှာ အလွန်တရာပြင်းထန်ကြောင်း ဝန်ခံရပေ လိမ့်မည်။</p> <p>သို့သော် ထိုတစ္ဆေအသံမှာအလွန်တရာစိတ်အနှောင့်အယှက် ဖြစ်စရာ ကောင်းလှပြီး သူ့ဆီသို့ ဆက်တိုက် ဦးတည်နေလေသည်။</p> <p>သူသည် ငရဲနတ်ဘုရား၏သားတော်ယန်ဖျင်ရှိရာ တောင်ကုန်းဆီသို့ ရုတ်တရက် ခေါင်းလှည့် ကြည့်လိုက်လေသည်။</p> <p>ထိုအကြည့်ကြောင့် ယန်ဖျင်၏နှလုံးသားမှာ ကြောက်ရွံ့မှုကြောင့် တုန်ယင်သွားတော့သည်။</p> <p>သေချာပေါက်ပင် ရန်ရှောက်ထျန်းသည် သူ၏ဆီသို့ ဦးတည်လာနေပြီ ဖြစ်လေသည်။</p> <p>ရန်ရှောက်ထျန်းသည် လက်သီးတစ်ချက်ထိုးနှက်လိုက်၊ ခြေတစ်လှမ်းလှမ်းလိုက်နှင့် ခြေတစ်လှမ်းတိုင်းမှာ မိုင်ပေါင်းများစွာကိုကျော်ဖြတ်ပြီး ယန်ဖျင်ရှိရာတောင်ကုန်းဆီသို့ တဖြည်း ဖြည်း ချဉ်းကပ်လာတော့သည်။</p> <p>လက်သီးတစ်ချက်၊ ခြေတစ်လှမ်းဖြင့်ချဉ်းကပ်လာသော ရန်ရှောက်ထျန်းကိုကြည့်ကာ ယန်ဖျင်၊ အလောင်းမိစ္ဆာနှင့် တခြားသူများမှာ အလွန်အမင်း ထိတ်လန့်နေကြတော့သည်။</p> <p>“သခင်လေး... ကျွန်တော်တို့ အရင်ထွက်သွားသင့်လား” ဟု မိစ္ဆာဗုဒ္ဓက မနေနိုင်ဘဲ ယန်ဖျင် ကို မေးလိုက်မိသည်။</p> <p>ပြီးခဲ့သည့် အကြိမ်ကဆေးနံ့သာအိုး၏ရိုက်နှက်မှုကိုခံခဲ့ရသည့် ဒဏ်ရာများမှာ လုံးဝ ပြန်လည် မသက်သာသေးပေ။</p> <p>အကယ်၍ ယခုအကြိမ်တွင်လည်းဆေးနံ့သာအိုး၏ရိုက်နှက်မှုကို ထပ်မံခံရမည်ဆိုပါက သူတို့ အိပ်ရာထဲမှပင် ထနိုင်တော့မည်မဟုတ်ပေ။</p> <p>ယန်ဖျင်၏မျက်နှာမှာ ဒေါသ၊ အရှက်ရမှု၊ သတ်ဖြတ်လိုစိတ်နှင့် မကျေနပ်မှုများကြောင့် အမျိုးမျိုးပြောင်းလဲနေတော့သည်။</p> <p>သို့သော် မည်မျှပင်မကျေမနပ်ဖြစ်နေပါစေ၊ ရန်ရှောက်ထျန်းရှိနေသရွေ့ နတ်ဘုရားပေါင်း တစ်သောင်းအင်ပါယာမြို့တော်ကိုတိုက်ခိုက်ရန် မျှော်လင့်ချက်မရှိတော့ကြောင်း သူသိထားလေ သည်။</p> <p>“ဆုတ်ခွာမယ်”</p> <p>ယန်ဖျင်၏ အသံမှာအလွန်တရာခါးသီးနေတော့သည်။ ထိုသို့ပြောပြီးနောက် သူသည် အလင်းတန်းတစ်ခုအဖြစ်ပြောင်းလဲသွားပြီး အတိုင်းအဆမဲ့သောတစ္ဆေချီစွမ်းအင်များအတွင်း ပုန်းအောင်းကာ ထိုနေရာမှ ပျောက်ကွယ်သွားတော့သည်။</p> <p>အလောင်းမိစ္ဆာ၊ သွေးမိစ္ဆာနှင့် မိစ္ဆာဗုဒ္ဓတို့လည်းအသက်ပြင်းပြင်း ရှူလိုက်ကြပြီး သူတို့၏ အရှိန်အဝါများကို ဖျောက်ကွယ်ကာ ထွက်ပြေးသွားကြတော့သည်။</p> <p>ယန်ဖျင်နှင့် တခြားသူများထွက်ခွာသွားပြီးနောက် တစ္ဆေအသံမှာလည်း ပျောက်ကွယ်သွား တော့သည်။</p> <p>သန်းပေါင်း ရာနဲ့ချီသောသေမင်းများနှင့်မိစ္ဆာစစ်တပ်များမှာလည်း ဒီရေအလားဆုတ်ခွာသွား ကြတော့သည်။</p> <p>ချန်ဆန်းစံအိမ်တော် စစ်တပ်မှာရောက်ရှိလာချိန်တွင်ဆုတ်ခွာသွားသော စစ်တပ်များကို မြင်တွေ့လိုက်ရသည်။ အကြောင်းရင်းကိုမသိရှိကြသော်လည်း ချန်ဆန်းစံအိမ်တော် စစ်တပ်မှာ သူတို့ကို အစွမ်းကုန်သတ်ဖြတ်နေကြဆဲ ဖြစ်လေသည်။</p> <p>နတ်ဘုရားပေါင်းတစ်သောင်းအင်ပါယာမြို့တော်မှ လူများမှာလည်း စစ်တပ်များဆုတ်ခွာ သွားသည်ကို မြင်သောအခါ အခွင့်အရေးကို လက်မလွှတ်ဘဲ လိုက်လံတိုက်ခိုက်ကြလေသည်။</p> <p>မြေပြင်ပေါ်တွင် သေမင်းများနှင့် မိစ္ဆာများ၏အလောင်းအမြောက်အမြား ကျန်ရှိနေခဲ့လေ သည်။</p> <p>နောက်ဆုံးတွင် သေမင်းများနှင့်မိစ္ဆာစစ်တပ်များမှာ ကမ္ဘာ့အစွန်းသို့ပျောက်ကွယ်သွားကြ တော့သည်။</p> <p>“အစ်ကိုကြီး”</p> <p> ရန်ရှောက်ထျန်း အသက်ပြင်းပြင်းရှူလိုက်စဉ်မှာပင် မွှေးပျံ့သောအနံ့တစ်ခုက သူ့ဆီသို့ လွင့်ပျံလာတော့သည်။ ရန်လင်အာလေးမှာ ဝမ်းသာအားရပြေးလာသည်ကို သူ မြင်လိုက်ရသည်၊ သူမ၏မျက်နှာတွင် ရန်ရှောက်ထျန်းအပေါ်အားကျသည့်အမူအရာများ ပြည့်နှက်နေတော့သည်။</p> <p>“အစ်ကိုကြီးက တကယ်ကို အံ့ဩဖို့ ကောင်းတာပဲ”</p> <p>ရန်ရှောက်ထျန်းက ပြုံးလိုက်ပြီး</p> <p>“မင်းတို့အားလုံး အဆင်ပြေကြတာ ကောင်းပါတယ်”</p> <p>ထိုအချိန်တွင် ဝမ်ကွမ်ဖုန်း၊ ရှေးဟောင်းဘိုးဘေးကြီး ဝမ်ရှိဝေ နှင့် ဆေးနတ်ဘုရား ဖုန်းယီမင် တို့လည်း လမ်းလျှောက်လာကြသည်။</p> <p>ရန်ရှောက်ထျန်းက ရှေ့သို့ လှမ်းတက်လိုက်ပြီး လက်အုပ်ချီကာ..</p> <p>“ဧကရာဇ်မင်းကြီးနဲ့ စီနီယာနှစ်ဦးကို ဂါရဝပြုပါတယ်” ဟု ပြောလိုက်သည်။</p> <p>နတ်ဘုရားပေါင်းတစ်သောင်း ဧကရာဇ်ဝမ်ကွမ်ဖုန်းက လက်ကို အမြန်ဝှေ့ယမ်းလိုက်ပြီး</p> <p>“ရန်ရှောက်ထျန်း... မင်းစိတ်မရှိရင်နောင်ကျရင်ငါ့ကိုဦးလေးလို့ပဲခေါ်ပါ” ဟု ပြောလိုက် သည်။</p> <p>ဦးလေး ဟုတ်လား။</p> <p>၎င်းကို ကြားလိုက်ရသောအခါ ရန်လင်အာကချစ်စဖွယ်ပြုံးလိုက်ပြီး သူမ၏အစ်ကိုကို မျက်စိတစ်ဖက် မှိတ်ပြလိုက်လေသည်။</p> <p>ရန်ရှောက်ထျန်းက ထိုမိန်းကလေးငယ်ကိုစိုက်ကြည့်လိုက်သည်၊ သူမကတကယ့်ကို မြောက် မလေးပဲ။</p> <p>ထိုသို့ဖြင့် လူအုပ်ကြီး၏ကြိုဆိုမှုအောက်တွင် ရန်ရှောက်ထျန်းနှင့် ချန်ဆန်းစံအိမ်တော် စစ်တပ်တို့မှာ နတ်ဘုရားပေါင်းတစ်သောင်းအင်ပါယာမြို့တော်အတွင်းသို့ ဝင်ရောက်လာကြတော့ သည်။</p> <p>ဝမ်ကွမ်ဖုန်းနှင့် ဝမ်ရှိဝေတို့က လှိုက်လှိုက်လှဲလှဲဖိတ်ခေါ်ခဲ့ကြသော်လည်း ရန်ရှောက်ထျန်း မှာမူ နတ်အိမ်တော်သို့သာပြန်သွားခဲ့လေသည်။ နတ်ဘုရားပေါင်းတစ်သောင်း အင်ပါယာ မြို့တော်မှာ သေမင်းနှင့် မိစ္ဆာစစ်တပ်များ၏တိုက်ခိုက်မှုကို ခံခဲ့ရသည်ဖြစ်ရာ သူသည်သူ၏ မိသားစုနှင့်အတူ နေထိုင်ချင်သောကြောင့် ဖြစ်လေသည်။</p> <p>ရန်ရှောက်ထျန်းက အမှောင်နဂါးကိုမိစ္ဆာမျောက်ဝံ၊ မိုးကြိုးပြာနဂါးစပါးအုံးမြွေတို့နှင့် တခြားသူများကိုပါ မိတ်ဆက်ပေးလိုက်လေသည်။</p> <p> မိစ္ဆာမျောက်ဝံနှင့် တခြားသူများမှာသူတို့ရှေ့ရှိ မျက်နှာဖုံးစွပ်အဖိုးကြီးမှာ လွန်ခဲ့သော နှစ်ပေါင်းတစ်သိန်းကျော်က ပြိုင်ဘက်ကင်းပညာရှင်ကြီးအမှောင်နဂါး ဖြစ်နေသည်ကို သိရှိသွားကြ သဖြင့် အံ့အားသင့်သွားကြပြီး အမြန်ဆုံးဂါရဝပြုလိုက်ကြလေသည်။</p> <p>နောက်ရက်များတွင် ရန်ရှောက်ထျန်းသည်နတ်အိမ်တော်တွင်သာနေထိုင်ပြီး သူ၏ မိသားစု ကို အဖော်ပြုပေးနေလေသည်။</p> <p>ရံဖန်ရံခါတွင် မင်းသမီးဝမ်နင်းနှင့် ကျန်းချန်ချန်တို့လည်း နတ်အိမ်တော်ရှိ ရန်မိသားစုဆီသို့ လာရောက်လည်ပတ်တတ်ကြလေသည်။</p> <p>ထိုအမျိုးသမီးနှစ်ဦးမှာ ခဏခဏလာရောက်လည်ပတ်သဖြင့် ရန်လင်အာနှင့်ရင်းနှီးသွားကြ တော့သည်။ အကြိမ်တိုင်းတွင်ရန်လင်အာကထိုအမျိုးသမီးနှစ်ဦးကိုဆွဲခေါ်သွားပြီး မရပ်မနား စကားပြောနေတတ်လေသည်။</p> <p>မင်းသမီးဝမ်နင်းနှင့် ကျန်းချန်ချန်တို့အပြင် ယန်မိသားစုခေါင်းဆောင်နှင့် ရှန်မိသားစု ခေါင်းဆောင်တို့ကလည်း သူတို့၏သမီးများကိုခေါ်ဆောင်လာပြီး ရန်ရှောက်ထျန်းဆီသို့ နေ့တိုင်း လာရောက်လည်ပတ်ကြလေသည်။ နောက်ဆုံးတွင် ရန်ရှောက်ထျန်းသည် သူ တံခါးပိတ်ကျင့်ကြံ တော့မည်ဟုသာ ပြောလိုက်ရတော့သည်။</p> <p>ရန်ရှောက်ထျန်းသည် အမှန်တကယ်ပင်ကောင်းကင်ကံကြမ္မာနတ်ဘုရားကျောက်တုံး များကို သန့်စင်ရန်အတွက် အလုပ်များနေရခြင်း ဖြစ်လေသည်။</p> <p>ယခုအကြိမ် နတ်ဘုရားနယ်မြေ မဟာပြိုင်ပွဲတွင် ဆုအဖြစ်ရရှိခဲ့သော ကောင်းကင်ကံကြမ္မာ နတ်ဘုရားကျောက်တုံး သုံးဆယ့်ခုနစ်တုံးမှာ သူ၏နတ်ဘုရားပင်လယ်ကမ္ဘာကို အပြည့်အဝ ခိုင်မာအောင် လုပ်ရန်အတွက်လုံလောက်လေသည်။</p> <p>ရန်ရှောက်ထျန်းသည် ဟွန်ယွမ်ကောင်းကင်ကံကြမ္မာကို ကျင့်ကြံထားကြောင်း၊ အမြင့်မြတ် ဆုံး ဘုရင်သိုင်းဝိညာဉ်နှင့် အနက်ရှိုင်းဆုံးပင်လယ်အရှင်သခင်ဝိညာဉ်ကွင်းဆက်တို့ကို ပိုင်ဆိုင်ထား ကြောင်းသတင်းများမှာ ချန်ဆန်းတိုက်ကြီးတစ်ခုလုံးသို့ပျံ့နှံ့သွားခဲ့ပြီး တစ်ကမ္ဘာလုံးကို တုန်လှုပ် စေခဲ့လေသည်။</p> <p>ချန်ဆန်းတိုက်ကြီးပေါ်ရှိ မရေမတွက်နိုင်သောဂိုဏ်းများနှင့်မိသားစုများ၊ တပည့်များမှာ ရန်ရှောက်ထျန်းကို အလွန်အမင်းအားကျနေကြတော့သည်။ တပည့်အမြောက်အမြားမှာ ရန်ရှောက် ထျန်းကို တစ်ကြိမ်မျှမြင်တွေ့ခွင့်ရရန်အတွက်နတ်ဘုရားပေါင်းတစ်သောင်းအင်ပါယာ မြို့တော် ဆီသို့ မိုင်ပေါင်း ထောင်ချီ ခရီးနှင်လာကြလေသည်။</p> <p>မျက်စိတစ်မှိတ်အတွင်းမှာပင် လဝက်ကုန်ဆုံးသွားခဲ့လေပြီ။</p> <p>ရန်ရှောက်ထျန်းသည် နောက်ဆုံး၌ကောင်းကင်ကံကြမ္မာ နတ်ဘုရားကျောက်တုံး သုံးဆယ့် ခုနစ်တုံးစလုံးကို အပြည့်အဝသန့်စင်ပြီးသွားခဲ့ပြီး သူ၏နတ်ဘုရားပင်လယ်ကမ္ဘာမှာလည်း အံ့ဩဖွယ်ကောင်းလောက်အောင် ခိုင်မာသွားခဲ့လေပြီ။</p> <p>“နောက်ဆုံးတော့ ငါ ဒုတိယမြောက်ဟွန်ယွမ်ကောင်းကင်ကံကြမ္မာကို တောင့်ခံနိုင်ခဲလေပြီ”</p> <p>သို့သော် အင်ပါယာမြို့တော်အတွင်း၌ ကမ္ဘာဦးဖျက်ဆီးခြင်းဘေးဒုက္ခကိုလှုပ်ခတ်ခြင်းမှာ ရုတ်ရုတ်သဲသဲဖြစ်စေနိုင်လေသည်။ ထို့ကြောင့်ထိုညတွင်ရန်ရှောက်ထျန်းသည် အင်ပါယာ မြို့တော်မှ တိတ်တဆိတ်ထွက်ခွာလာခဲ့ပြီး မြို့တော်နှင့်လုံလောက်အောင်ဝေးကွာသော လူသူကင်းမဲ့သည့် တောင်ကုန်းတစ်ခုဆီသို့ ရောက်ရှိလာခဲ့လေသည်။</p> <p> </p> <p> </p> <p style="text-align: center;">***</p>


Save