Book List

<h2 style="text-align: center;">အခန်း (၄၈၈)</h2> <h2 style="text-align: center;">သခင်လေး ရှောက်ထျန်း။</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ယခုအကြိမ်ဝိညာဉ်သားရဲတောအုပ်သို့သွားရာတွင် ရန်ရှောက်ထျန်းသည် လူအများကြီး မခေါ် ခဲ့ပေ၊ မိစ္ဆာမျောက်ဝံကြီးနှင့် အမှောင်နဂါးတို့ကိုသာခေါ်ဆောင်သွားခဲ့ခြင်းဖြစ်လေသည်။</p> <p>သို့သော် လမ်းတွင်ရန်ရှောက်ထျန်းသည်ချန်ဆန်းစံအိမ်တော်သို့ တစ်ခေါက်ပြန်ဝင်ခဲ့လေ သည်။</p> <p>ပြီးခဲ့သည့်အကြိမ်က ကျန်းယုံကျန်းသည် သူနတ်ဘုရားနယ်မြေမဟာပြိုင်ပွဲတွင် ထိပ်သီး ဆယ်ယောက်စာရင်းထဲဝင်ခဲ့မည်ဆိုပါက အပိုဆုအနေဖြင့်နတ်ဘုရားအဆင့် ဆေးလုံးတစ်လုံး ပေး မည်ဟုပြောခဲ့သော်လည်း ကျန်းယုံကျန်းမှာထိုနတ်ဘုရားအဆင့်ဆေးလုံးကို သူ့အားမပေးရသေး ခြင်းဖြစ်လေသည်။</p> <p>ထို့ကြောင့် သူသည် ကျန်းယုံကျန်းထံမှ ထိုနတ်ဘုရားအဆင့်ဆေးလုံးကိုတောင်းရန်အတွက် ချန်ဆန်းစံအိမ်တော်သို့ ပြန်ဝင်ခဲ့ခြင်းဖြစ်လေသည်။</p> <p>ကျန်းယုံကျန်းက ရန်ရှောက်ထျန်းပြန်လာသည်ကိုမြင်သောအခါ ဘာမှမပြောဘဲ ထိုနတ် ဘုရားအဆင့်ဆေးလုံးကို ချက်ချင်းပေးလိုက်လေသည်။</p> <p>ရန်ရှောက်ထျန်းမှာ အကြာကြီးမနေခဲ့ပေ၊ နတ်ဘုရားအဆင့်ဆေးလုံးကိုယူပြီးနောက် သူ၏ ညီမလေး၊ အမှောင်နဂါးတို့နှင့်အတူ ခရီးကိုဆက်လက်ထွက်ခွာခဲ့လေသည်။</p> <p>ဝိညာဉ်သားရဲတောအုပ်သို့ သွားမည့်ခရီးမှာမနီးလှသဖြင့် သူတို့မြန်မြန်သွားရမည် ဖြစ်လေ သည်။</p> <p>သို့သော် ကမ်းရိုးတန်းအင်ပါယာအချို့၏နယ်စပ်များကိုဖြတ်ကျော်စဉ်တွင် အင်ပါယာအသီး သီး၏နယ်စပ်များမှာ အင်အားကြီးရန်သူနှင့်ရင်ဆိုင်နေရသကဲ့သို့ တင်းကျပ်စွာစောင့်ကြပ်နေကြ သည်ကို မြင်တွေ့လိုက်ရလေသည်။</p> <p>၎င်းကို မြင်သောအခါ မိစ္ဆာမျောက်ဝံကြီးက ပြောလိုက်သည်။</p> <p>“အခုရက်ပိုင်း ချန်ဆန်းတိုက်ကြီးရဲ့ကမ်းရိုးတန်းဒေသတွေက သိပ်ပြီးမအေးချမ်းလှဘူး။ ပင်လယ်ရပ်ခြားနိုင်ငံအသီးသီးကကျူးကျော်ဝင်ရောက်ပြီး သယံဇာတတွေကိုလုယက်ဖို့ ခဏခဏ လာနေကြတယ်”</p> <p>“ပင်လယ်ရပ်ခြားနိုင်ငံတွေဟုတ်လား”</p> <p> ရန်ရှောက်ထျန်းက မျက်မှောင်ကြုတ်လိုက်မိသည်။</p> <p>အခုရက်ပိုင်း သူသည်တံခါးပိတ်ကျင့်ကြံနေသဖြင့် ထိုကိစ္စများကိုဂရုမပြုမိခဲ့ခြင်း ဖြစ်လေ သည်။</p> <p> မိစ္ဆာမျောက်ဝံကြီးက ခေါင်းညိတ်ပြလိုက်သည်။</p> <p>“လွန်ခဲ့တဲ့ နှစ်တွေက မသေနိုင်သောသေမင်းနတ်ဘုရားနဲ့ ဟွန်ချွမ်ဂိတ်တို့ကပြဿနာတွေ ရှာနေကြတာကို အခွင့်ကောင်းယူပြီးပင်လယ်ရပ်ခြားနိုင်ငံအသီးသီးက ကျွန်တော်တို့ ချန်ဆန်းတိုက် ကြီးရဲ့ ကမ်းရိုးတန်းဒေသတွေကိုလုယက်ဖို့ ခဏခဏလာနေကြတာပါ”</p> <p>ပင်လယ်ရပ်ခြားနိုင်ငံများအကြောင်းကိုပြောလိုက်သောအခါ အမှောင်နဂါး၏မျက်လုံး များ မှာလည်း အေးစက်သွားပြီး ရွံရှာသောအမူအရာများပြည့်နှက်နေတော့သည်။</p> <p>“ပင်လယ်ရပ်ခြားနိုင်ငံတွေက ရည်မှန်းချက်ကြီးမားပြီး အမြဲတမ်းဂဏာမငြိမ်ဖြစ်နေကြ တာ။ သူတို့ကကျွန်တော်တို့ချန်ဆန်းတိုက်ကြီးဆီကို သယံဇာတတွေလုယက်ဖို့ ခဏခဏလာနေ ကြတာပဲ”</p> <p>မိစ္ဆာမျောက်ဝံကြီးက ခေါင်းခါယမ်းလိုက်ပြီး ပြောလိုက်သည်။</p> <p>“ပင်လယ်ရပ်ခြားနိုင်ငံတွေက စိတ်အနှောင့်အယှက်ဖြစ်စရာကောင်းပေမဲ့ သူတို့ရဲ့ အစွမ်း ကမနည်းလှဘူး။ ချန်ဆန်းစံအိမ်တော်တောင်မှဘာမှမတတ်နိုင်ဘူး။ ဟိုတုန်းက ချန်ဆန်းအရှင်သခင် ကိုယ်တိုင်တောင်မှ ပင်လယ်ရပ်ခြားက ဖုံးကွယ်နေတဲ့အန္တရာယ်တွေကို မဖြေရှင်းနိုင်ခဲ့ဘူး”</p> <p>ရန်ရှောက်ထျန်း ခေါင်းညိတ်ပြလိုက်သည်။</p> <p>သူသည် ပင်လယ်ရပ်ခြားနိုင်ငံများအကြောင်းကို အနည်းငယ်သိထားလေသည်။</p> <p>ချန်ဆန်းတိုက်ကြီး၏အလွန်တွင် အတိုင်းအဆမဲ့သောပင်လယ်ပြင်ကြီး ရှိလေသည်။</p> <p>ထိုပင်လယ်ပြင်ကြီးအတွင်းတွင် နိုင်ငံပေါင်းသောင်းနှင့်ချီရှိလေသည်။</p> <p>ထိုနိုင်ငံများသည် ချန်ဆန်းတိုက်ကြီးကိုအမြဲတမ်း တပ်မက်နေခဲ့ကြပြီး ချန်ဆန်းတိုက်ကြီး၏ ကမ်းရိုးတန်းအင်ပါယာများကို ကျူးကျော်ရန်အတွက်စစ်တပ်များကို ခဏခဏစေလွှတ်လေ့ရှိကြ လေသည်။ တစ်ခါတစ်ရံတွင် သူတို့သည် ကမ်းရိုးတန်းမြို့အချို့ကိုတိုက်ခိုက်ပြီး သယံဇာတများကို လုယက်တတ်ကြလေသည်။</p> <p>ပို၍ ရွံစရာကောင်းသည်မှာ သယံဇာတများကိုလုယက်ပြီးနောက် ထိုလူများသည် သူတို့ တွေ့သမျှ လှပသောအမျိုးသမီးများကို တိုက်ရိုက်ပြန်ပေးဆွဲသွားလေ့ရှိကြခြင်းဖြစ်လေသည်။</p> <p>ထိုအမျိုးသမီးများ၏ ကံကြမ္မာကိုခန့်မှန်းကြည့်နိုင်လေသည်၊ သူတို့မှာပုံမှန်အားဖြင့် အရှက် ခွဲခံရပြီး သေဆုံးသွားတတ်ကြလေသည်။</p> <p>၎င်းတင်မကဘဲ ချန်ဆန်းတိုက်ကြီးမှ ကုန်သည်အဖွဲ့များပင်လယ်ထဲသို့ သွားကြမည်ဆိုပါက ပင်လယ်ရပ်ခြားနိုင်ငံများကသိရှိသွားလျှင် ထိုကုန်သည်အဖွဲ့များကို ကြားဖြတ်တိုက်ခိုက်ရန်အတွက် စစ်တပ်များကို စေလွှတ်လေ့ရှိကြလေသည်။</p> <p>ထို့ကြောင့် ချန်ဆန်းတိုက်ကြီးနှင့် ပင်လယ်ရပ်ခြားနိုင်ငံများမှာ ရှေးယခင်ကတည်းက ရန်ငြိုး ရန်စများရှိနေခဲ့ခြင်းဖြစ်လေသည်။</p> <p>“ပင်လယ်ရပ်ခြား နိုင်ငံတွေ...” ဟု ရန်ရှောက်ထျန်းက တိုးတိုးလေး ရေရွတ်လိုက်မိသည်။</p> <p>သူသည် ဓားပေါင်းတစ်သောင်းတိုက်ကြီးသို့ သွားမည်ဆိုပါက အတိုင်းအဆမဲ့သောပင်လယ် ပြင်ကြီးကိုဖြတ်ကျော်ရမည်ဖြစ်ရာ ၎င်းမှာပင်လယ်ရပ်ခြားနိုင်ငံများကိုဖြတ်ကျော်ရမည်ဟု ဆိုလို ခြင်းဖြစ်လေသည်။</p> <p>ထိပ်တန်းအဆင့် ဝိညာဉ်ကျောက်တုံးများဖြင့်မောင်းနှင်ထားသဖြင့် တွင်းနက်ကြီးပျံသန်း ရေးယာဉ်မှာ ဝိညာဉ်သားရဲတောအုပ်ဆီသို့ ဆက်တိုက်ချဉ်းကပ်သွားလေသည်။</p> <p>ရန်ရှောက်ထျန်းသည် ကျန်းယုံကျန်းပေးလိုက်သောနတ်ဘုရားအဆင့် ဆေးလုံးကို နတ်ဘုရားသစ်ပင်ဆီသို့ တိုက်ရိုက်ကျွေးလိုက်လေသည်။ နှစ်ရက်အကြာတွင် အသက်ပင်နတ်ဘုရား အသီးနှစ်လုံး ထွက်ပေါ်လာခဲ့လေပြီ။</p> <p>ထို့ကြောင့် ခရီးသွားနေစဉ်အတွင်း ရန်ရှောက်ထျန်းသည် အသက်ပင်နတ်ဘုရားအသီးများ ကို စားသုံးပြီးကျင့်ကြံနေတော့သည်။</p> <p>လမ်းတွင် မိစ္ဆာမျောက်ဝံကြီးနှင့် အမှောင်နဂါးတို့က ရန်လင်အာကို ကျင့်ကြံမှုများလမ်းညွှန် ပေးခဲ့ကြလေသည်။</p> <p>ကြီးကျယ်သောပညာရှင်ကြီးနှစ်ဦး၏ လမ်းညွှန်မှုအောက်တွင် ရန်လင်အာ၏ကျင့်ကြံမှုမှာ အံ့မခန်းတိုးတက်လာခဲ့လေသည်။ သူမ၏ဓားသိုင်းနှင့် အခြားသောနတ်ဘုရားစွမ်းရည်များ အားလုံး မှာ လျင်မြန်စွာတိုးတက်လာခဲ့လေပြီ။</p> <p>ရန်ရှောက်ထျန်းသည် အသက်ပင်နတ်ဘုရားအသီးနှစ်လုံးကို သန့်စင်ပြီးနောက်တွင် သူတို့ သည် နောက်ဆုံး၌ဝိညာဉ်သားရဲတောအုပ်သို့ ရောက်ရှိလာခဲ့ကြလေသည်။</p> <p>သို့သော် ဧကရာဇ်အဆင့်ဒုတိယအလွှာအလယ်ပိုင်းသို့တက်လှမ်းပြီးနောက်တွင် ရှေ့သို့ ဆက်လက်တက်လှမ်းရန် ပိုမိုခက်ခဲလာခဲ့လေသည်။ အသက်ပင်နတ်ဘုရားအသီး နှစ်လုံးကို သန့်စင် ပြီးနောက်တွင် ရန်ရှောက်ထျန်းသည်ဧကရာဇ်အဆင့်ဒုတိယအလွှာအဆုံးပိုင်းသို့သာ တက်လှမ်း နိုင်ခဲ့လေသည်။</p> <p>သူသည် ဧကရာဇ်အဆင့်တတိယအလွှာသို့ တက်လှမ်းရန်ခြေတစ်လှမ်းသာ လိုတော့ လေသည်။</p> <p>“သခင်လေး... ရှေ့ကဝိညာဉ်သားရဲတောအုပ်ပါပဲ” ဟု မိစ္ဆာမျောက်ဝံကြီးက လျှို့ဝှက် အခန်းပြင်ပမှ ပြောလိုက်သည်။</p> <p>ရန်ရှောက်ထျန်းသည် လျှို့ဝှက်အခန်းအတွင်းမှထွက်လာပြီး သူ၏ရှေ့ရှိ ဝိညာဉ်သားရဲ တောအုပ်ကိုကြည့်ကာ လွန်ခဲ့သောနှစ်အနည်းငယ်ကအနက်ရှိုင်းဆုံး ပင်လယ်အရှင်သခင်ကို ဖမ်းဆီး ခဲ့သည့် မြင်ကွင်းကို ပြန်လည်မြင်ယောင်လာခဲ့လေသည်။</p> <p>ထိုမြင်ကွင်းမှာ ယခုထက်တိုင်မျက်စိထဲတွင်ရှိနေဆဲဖြစ်ပြီး မျက်စိတစ်မှိတ်အတွင်းမှာပင် နှစ်အနည်းငယ် ကုန်ဆုံးသွားခဲ့လေပြီ။</p> <p>သူသည် တွင်းနက်ကြီးပျံသန်းရေးယာဉ်ကိုသိမ်းဆည်းလိုက်ပြီး တခြားသူများနှင့်အတူ လေထဲမှ ပျံသန်းသွားလေသည်။</p> <p>ဝိညာဉ်သားရဲတောအုပ်မှာ လွန်ခဲ့သောနှစ်များကအတိုင်းပင်ဖြစ်နေပြီး မည်သည့်အပြောင်း အလဲမျှ မရှိပေ။ လမ်းတောက်လျှောက်တွင် ဝိညာဉ်သားရဲတောအုပ်အတွင်းသို့ ဝိညာဉ်သားရဲ ဖမ်းရန် ဝင်လာကြသော တပည့်များကို နေရာတိုင်းတွင်တွေ့မြင်နိုင်လေသည်။</p> <p>ထိုတပည့်များမှာ ဗုဒ္ဓအစဦးအင်ပါယာ၊ နတ်နဂါးအင်ပါယာနှင့် နတ်ဘုရားပေါင်း တစ် သောင်းအင်ပါယာတို့မှတပည့်များဖြစ်ကြလေသည်။</p> <p>ရန်ရှောက်ထျန်းသည် ယခုအကြိမ်တွင် သူ၏ညီမလေးအတွက် သက်တမ်းတစ်သိန်းကျော် ရှိသောဝိညာဉ်သားရဲတစ်ကောင်ကိုရွေးချယ်ပေးရန်လိုအပ်သည်ဖြစ်ရာ ရန်ရှောက်ထျန်းနှင့် တခြား သူများမှာ ဝိညာဉ်သားရဲတောအုပ်၏ အနက်ရှိုင်းဆုံးနေရာသို့ ဆက်လက်ပျံသန်းသွားကြလေသည်။</p> <p>ညချမ်းအချိန်သို့ တဖြည်းဖြည်း ရောက်ရှိလာခဲ့လေပြီ။</p> <p>ရန်ရှောက်ထျန်းက ကောင်းကင်ကိုကြည့်ကာ ပြောလိုက်သည်။</p> <p>“ဒီည နားဖို့ နေရာတစ်ခုရှာကြရအောင်၊ မနက်ဖြန်မှခရီး ဆက်ကြတာပေါ့”</p> <p>ထို့ကြောင့် သူတို့သည်တောင်တန်းဒေသတစ်ခုကိုရှာဖွေတွေ့ရှိခဲ့ကြပြီး မီးပုံတစ်ခုကို ဖိုလိုက်ကြကာ မိစ္ဆာမျောက်ဝံကြီးကဝိညာဉ်သားရဲငယ်တစ်ကောင်ကို သွားရောက်ဖမ်းဆီးခဲ့ပြီး မီးပုံပေါ်တွင်ကင်လိုက်လေသည်။</p> <p>အနံ့မှာ အလွန်တရာဆွဲဆောင်မှု ရှိလှပေသည်။</p> <p>ရန်ရှောက်ထျန်းက သူ၏ညီမလေးရန်လင်အာအတွက် သားရဲခြေထောက်တစ်ဖက်ကို လှီးပေးလိုက်လေသည်။</p> <p>သူတို့ စားသောက်နေစဉ်မှာပင် အဝေးမှတပည့်အုပ်စုတစ်စုလမ်းလျှောက်လာကြသည်ကို တွေ့လိုက်ရလေသည်။</p> <p>အစပိုင်းတွင် ရန်ရှောက်ထျန်းမှာ သိပ်ပြီးဂရုမစိုက်ခဲ့သော်လည်း အမျိုးသမီးတပည့်တစ်ဦး ကိုမြင်လိုက်ရသောအခါ သူသည်မနေနိုင်ဘဲရပ်တန့်သွားပြီး သူမကိုအသေအချာစိုက်ကြည့်နေမိ တော့သည်။</p> <p>ရန်လင်အာမှာ သူမ၏အစ်ကိုဖြစ်သူ၏ ထူးဆန်းသောအပြုအမူကိုမြင်သောအခါ လှည့် ကြည့်လိုက်ပြီး ချက်ချင်းဆိုသလိုပင် ထိတ်လန့်တကြားအော်ဟစ်လိုက်လေသည်။</p> <p>“အစ်မ ချင်းရွှမ် ပဲ... အစ်မချင်းရွှမ်” ဟု ပြောရင်း သူမကလက်ကိုအပြင်းအထန် ဝှေ့ယမ်း လိုက်ကာ အလွန်တရာဝမ်းသာသွားတော့သည်။</p> <p>အမျိုးသမီးတပည့်မှာ အော်ဟစ်သံကိုကြားလိုက်ရသဖြင့် လှည့်ကြည့်လိုက်လေသည်။ ရန်လင်အာကို မြင်လိုက်ရသောအခါ သူမ၏လှပသော မျက်နှာတွင်လည်း အံ့ဩသော အမူအရာများ တို့ကပေါ်လာတော့သည်။</p> <p>“ညီမလေး လင်အာ” ဟု ပြောရင်း သူမကအမြန်လမ်းလျှောက်လာခဲ့လေသည်။</p> <p>ရောက်ရှိလာသူမှာ ပန်းပေါင်းတစ်ရာအမျိုးသမီးဓားနတ်ဘုရားမကို ဆရာအဖြစ် တင်မြှောက်ထားပြီး ပန်းပေါင်းတစ်ရာနတ်ဘုရားဂိုဏ်းသို့ဝင်ရောက်ခဲ့သော နဂါးချင်းရွှမ်လေး ဖြစ်နေလေသည်။</p> <p>ရန်ရှောက်ထျန်းသည် နဂါးချင်းရွှမ်လေးလမ်းလျှောက်လာသည်ကိုမြင်သောအခါ သူ၏ ညီမလေးနှင့်အတူ မတ်တပ်ရပ်လိုက်လေသည်။</p> <p>သူသည် နဂါးချင်းရွှမ်လေးကို စိုက်ကြည့်နေမိတော့သည်။</p> <p>နှစ်အနည်းငယ် ကြာပြီးနောက်တွင် ထိုစဉ်ကတည်းက ဝေးကွားသွားခဲ့ရသည့်မိန်းကလေး ငယ်လေးဖြစ်ခဲ့သော နဂါးချင်းရွှမ်လေးမှာ ယခုအခါတွင် အင်မတန်ချောမောလှပသော အမျိုးသမီး ငယ်လေးတစ်ဦးအဖြစ်ကြီးပြင်းလို့လာခဲ့လေပြီဖြစ်သည်၊ သူမသည်သူ၏ညီမလေး ရန်လင်အာ ထက်ပင် ပို၍အရပ်ရှည်ကာ ၁.၇ မီတာခန့်ပင်မြင့်လေသည်။</p> <p>သူမ၏ လှပသောမျက်လုံးလေးများမှာတောက်ပနေပြီး အသားအရေမှာလည်း အလွန်တရာ လှပနေတော့သည်။ အလှအပနှင့်ပတ်သက်လျှင်နဂါးချင်းရွှမ်လေးမှာ ကျန်းချန်ချန် သို့မဟုတ်မင်းသ မီးဝမ်နင်းတို့နှင့်ယှဉ်လျှင်ပင် နိမ့်ကျမှုမရှိပေ။</p> <p>နဂါးချင်းရွှမ်လေး လမ်းလျှောက်၍လာပြီးနောက် သူမနှင့်ရန်လင်အာတို့မှာ တွေ့ဆုံသည့် အခိုက်မို့ စိတ်လှုပ်ရှားစွာဖြင့်ဖက်လိုက်ကြလေသည်။</p> <p>သူမသည် ဤနေရာတွင် ရန်လင်အာနှင့်တွေ့ဆုံရလိမ့်မည်ဟု အမှန်တကယ်မထင်ထားခဲ့ပေ။</p> <p>“ညီမလေးလင်အာ... ဘယ်လိုလဲ၊ အဆင်ပြေရဲ့လား” ဟု နဂါးချင်းရွှမ်လေးက ဝမ်းသာ အားရမေးလိုက်သည်။</p> <p>ရန်လင်အာက ခေါင်းညိတ်ပြလိုက်ပြီးနောက် ပြုံးကာပြောလိုက်သည်။</p> <p>“ညီမလေးအဆင်ပြေပါတယ်၊ အစ်မချင်းရွှမ်ကိုအရမ်းသတိရနေတာပါ၊ ညီမရဲ့အစ်ကို ကလည်းအစ်မကိုခဏခဏသတိရနေတာပါ” ဟု ပြောရင်း သူမကရန်ရှောက်ထျန်းကို နဂါးချင်းရွှမ် လေးအား ညွှန်ပြလိုက်လေသည်။</p> <p> “ညီမအစ်ကိုနဲ့ အစ်မတို့မတွေ့ဖြစ်တာနှစ်အနည်းငယ်ရှိပြီမဟုတ်လား။ အစ်မက ညီမလေး အစ်ကိုကို မှတ်မိသေးရဲ့လားဆိုတာ ညီမသိချင်မိတယ်”</p> <p>နဂါးချင်းရွှမ်လေးက သူညွန်ပြရာသို့ကြည့်လိုက်ရာ ရန်ရှောက်ထျန်း၏မျက်လုံးများနှင့် ဆုံတွေ့သွားတော့သည်။ ချက်ချင်းဆိုသလိုပင်နဂါးချင်းရွှမ်လေး၏နှလုံးသားတို့မှာ ရပ်တန့်၍မရနိုင် တော့ သကဲ့သို့ ရင်ခုန်သံများတို့မှာလည်းမြန်ဆန်သွားလေတော့သည်။ သူမသည် ရန်ရှောက် ထျန်းကိုကြည့်ကာ အနည်းငယ်ရှက်ကိုးရှက်ကန်းလေး ဖြစ်သွားတော့သည်။</p> <p>ထိုအခိုက်သူသည်မခို့တရို့အကြည့်လေးဖြင့်ကြည့်ရင်း…</p> <p>“သခင်လေး ရှောက်ထျန်း”</p> <p>လွန်ခဲ့သော နှစ်ပေါင်းများစွာကလမင်းနီတောအုပ်တွင် ရန်ရှောက်ထျန်းနှင့် ပထမဆုံးတွေ့ဆုံ ခဲ့စဉ်ကလည်း သူမသည် သူ့ကိုသခင်လေးရှောက်ထျန်း ဟု ခေါ်ခဲ့ခြင်း ဖြစ်လေသည်။</p> <p>နှစ်အနည်းငယ် ကြာပြီးနောက်တွင် ဤရင်းနှီးနေသော “သခင်လေး ရှောက်ထျန်း” ဟူသော အခေါ်အဝေါ်ကိုကြားလိုက်ရသဖြင့် ရန်ရှောက်ထျန်း၏နှလုံးသားတို့မှာလည်းနွေးထွေးလို့သွားပြီး သူကစိုက်ကြည့်ရင်းဖြင့် ပြုံးလိုက်ကာ</p> <p>“ညီမလေး ချင်းရွှမ်”ဟုခေါ်လိုက်လေသည်။</p> <p>နဂါးချင်းရွှမ်လေးနှင့်အတူ လိုက်ပါလာသောပန်းပေါင်းတစ်ရာနတ်ဘုရားဂိုဏ်းမှ တပည့် များမှာ နဂါးချင်းရွှမ်လေး ဤသို့ဖြစ်နေသည်ကိုမြင်သောအခါအံ့အားသင့်သွားကြလေသည်။</p> <p>လူတိုင်း၏အမြင်တွင် ညီမလေးနဂါးမှာအမြဲတမ်းတည်ငြိမ်ပြီး အလေးအနက်ရှိလှသော် လည်း ယနေ့တွင်မူ လူငယ်လေးတစ်ဦး၏ရှေ့တွင်ရှက်နေသည်တဲ့လား။</p> <p>ပန်းပေါင်းတစ်ရာ နတ်ဘုရားဂိုဏ်းမှ အမျိုးသားတပည့်တစ်ဦးဖြစ်သော တိန်းချွမ်းမှာ ၎င်းကို မြင်သောအခါ ပို၍ပင်မနာလိုဖြစ်သွားပြီး မေးလိုက်သည်။</p> <p>“ညီမလေး နဂါး... ဒီနှစ်ယောက်ကဘယ်သူတွေလဲ”</p> <p>နဂါးချင်းရွှမ်လေးမှာ ပန်းပေါင်းတစ်ရာအမျိုးသမီးဓားနတ်ဘုရားမ၏ တိုက်ရိုက်တပည့် တစ်ဦးဖြစ်သလို၊ နတ်နဂါးအင်ပါယာမှမင်းသမီးတစ်ပါးလည်းဖြစ်လေသည်။ သူမတွင် အဆင့် အတန်းနှင့်ပါရမီရှိနေသဖြင့် ပန်းပေါင်းတစ်ရာနတ်ဘုရားဂိုဏ်းတွင် သူမကိုသဘောကျသူများ မနည်း လှပေ၊ တိန်းချွမ်းမှာလည်း ထိုသူများထဲမှတစ်ဦးဖြစ်လေသည်။</p> <p>နဂါးချင်းရွှမ်လေးက ရန်ရှောက်ထျန်းကိုကြည့်လိုက်ရာ သူမ၏လှပသော မျက်လုံးများမှာ တောက်ပလို့နေတော့သည်။</p> <p>“သခင်လေး ရှောက်ထျန်း နဲ့ ညီမလေးလင်အာတို့က ငါ့ရဲ့သူငယ်ချင်းတွေပါ၊ ငါတို့က ငယ်ငယ်ကတည်းကသိခဲ့ကြတာလေ”</p> <p>ငယ်ငယ်ကတည်းက သိခဲ့ကြတာ ဟုတ်လား။</p> <p>ဒါဆိုရင် ငယ်သူငယ်ချင်းတွေလို့ ဆိုလိုတာလား။</p> <p> </p> <p> </p> <p style="text-align: center;">***</p>


Save