Book List

<h2 style="text-align:center">အခန်း (၄၉၁)</h2> <h2 style="text-align:center">သူ လာရဲမလားဆိုတာ ငါ သိချင်သေးတယ်</h2> <h2 style="text-align:center">*</h2> <p> </p> <p> </p> <p>မိစ္ဆာမျောက်ဝံကြီးသည် ချက်ချင်းဆိုသလိုပင် ကောင်းကင်ဖျက်ဆီးမိစ္ဆာဘိုးဘေးကို လျှို့ ဝှက်နည်းလမ်းဖြင့်ဆက်သွယ်လိုက်ပြီး ပန်းပေါင်းတစ်ရာနတ်ဘုရားဂိုဏ်းနှင့် လွန်ခဲ့သောနှစ်အနည်း ငယ်အတွင်း ထိုဂိုဏ်းအတွင်းရှိနဂါးချင်းရွှမ်လေး၏အခြေအနေများကိုစုံစမ်းရန် ခိုင်းစေလိုက် လေသည်။</p> <p>မိစ္ဆာမျောက်ဝံကြီးသည် ရန်ရှောက်ထျန်းကိုကောင်းကောင်းသိထားလေသည်၊ သူတို့၏ သခင်လေးမှာ ယခုအကြိမ်တွင်အလေးအနက်ရှိနေကြောင်း သူ နားလည်ထားလေသည်၊</p> <p>သူသည် သူတို့၏သခင်လေးက အမျိုးသမီးတစ်ဦးအပေါ် ဤမျှအထိအလေးထားသည်ကို တစ်ခါမျှ မမြင်ဖူးခဲ့ပေ။</p> <p>ချင်းရွှမ်လေးမှာ သခင်လေး၏ ထိမရသော အကြေးခွံဖြစ်နေပုံရလေသည်။</p> <p>ပန်းပေါင်းတစ်ရာ ဓားနတ်ဘုရားမက သူတို့သခင်လေး၏စကားကို အလေးထားလိုက်နာ လိမ့်မည်ဟု မျှော်လင့်ရပေလိမ့်မည်။</p> <p>မဟုတ်လျှင် ပန်းပေါင်းတစ်ရာ နတ်ဘုရားဂိုဏ်းမှာ သွေးချောင်းစီးသွားနိုင်လေသည်။</p> <p>ရန်လင်အာမှာလည်း သူမ၏အစ်ကို စိတ်တိုနေသည်ကိုခံစားမိနေလေသည်၊ နဂါးချင်း ရွှမ်လေးမှာ သူမ၏အစ်ကိုအတွက် မည်မျှအထိအရေးပါကြောင်း သူမသိရှိထားလေ သည်။</p> <p>ထိုသို့ဖြင့် ရန်ရှောက်ထျန်းနှင့်တခြားသူများမှာ တွင်းနက်ပျံသန်းရေးအာကာသယာဉ်ပေါ်သို့ တက်လိုက်ကြပြီး နတ်ဘုရားပေါင်းတစ်သောင်းအင်ပါယာ မြို့တော်ဆီသို့အမြန်ဆုံး ပြန်လာခဲ့ ကြလေသည်။</p> <p>ရန်ရှောက်ထျန်းနှင့် တခြားသူများနတ်ဘုရားပေါင်းတစ်သောင်းအင်ပါယာ မြို့တော်သို့ ပြန်လာနေချိန်တွင် နဂါးချင်းရွှမ်၊ ဒူမေနှင့် အခြားသောပန်းပေါင်းတစ်ရာနတ်ဘုရားဂိုဏ်းမှ တပည့် များမှာလည်း ပန်းပေါင်းတစ်ရာနတ်ဘုရားဂိုဏ်းသို့ ပြန်လည်ရောက်ရှိသွားခဲ့ကြလေပြီ။</p> <p>သူတို့ ပြန်ရောက်သည်နှင့် ပန်းပေါင်းတစ်ရာဓားနတ်ဘုရားမသည် ဒူမေနှင့်တိန်းချွမ်းတို့ကို ချက်ချင်းခေါ်ယူပြီး ဝိညာဉ်သားရဲတောအုပ်ခရီးစဉ်အကြောင်းကို မေးမြန်းခဲ့လေသည်။</p> <p>“မင်းတို့ ညီမလေးကဘယ်လိုဝိညာဉ်ကွင်းဆက်မျိုးကို စုစည်းခဲ့တာလဲ” ဟု ပန်းပေါင်း တစ်ရာ ဓားနတ်ဘုရားမက မေးလိုက်သည်။</p> <p>ဒူမေက ခဏမျှတုံ့ဆိုင်းသွားပြီးနောက် ခေါင်းငုံ့ကာ ပြောလိုက်သည်။</p> <p>“ဆရာ့ကို လျှောက်တင်ပါတယ်၊ ကျွန်မတို့ဝိညာဉ်သားရဲတောအုပ်ကို ရောက်တဲ့အခါ ညီမလေးရဲ့ သူငယ်ချင်းနဲ့တွေ့ခဲ့ပါတယ်၊ အဲဒီသူငယ်ချင်းကပဲညီမလေးကိုဝိညာဉ်သားရဲ ဖမ်းပေး ခဲ့တာပါ။ အဲဒီအချိန်မှာကျွန်မတို့က အနားမှာမရှိနေလို့ ညီမလေးဘယ်လိုဝိညာဉ်ကွင်းဆက်မျိုး စုစည်းခဲ့သလဲဆိုတာ ကျွန်မတို့မသိပါဘူး”</p> <p>“မင်းတို့ ညီမလေးရဲ့ သူငယ်ချင်းဟုတ်လား” ဟု ပန်းပေါင်းတစ်ရာ ဓားနတ်ဘုရားမက ဇဝေဇဝါဖြင့် မေးလိုက်သည်။</p> <p>“သူက အသက်ဆယ့်ငါး၊ ဆယ့်ခြောက်နှစ်အရွယ်လူငယ်လေးတစ်ယောက်ပါ။ သူက နတ်နဂါးအင်ပါယာက စစ်မှန်သောနတ်နဂါးနတ်ဘုရားဂိုဏ်းကလို့ပြောပါတယ်၊ ညီမလေးနဲ့ ငယ်ငယ်ကတည်းကသိခဲ့ကြတာလို့လည်းပြောပါတယ်” ဟု ဒူမေက အမြန်ပြန်လည် လျှောက်တင် လိုက်လေသည်။</p> <p>စစ်မှန်သောနတ်နဂါးနတ်ဘုရားဂိုဏ်း ဟုတ်လား။</p> <p>ပန်းပေါင်းတစ်ရာ ဓားနတ်ဘုရားမကခေါင်းညိတ်ပြလိုက်ပြီး စိတ်ထဲမှာတော့ အလေးမထား ခဲ့ပေ။</p> <p>“ဂိုဏ်းချုပ်... ညီမလေးရဲ့ အဲဒီ သူငယ်ချင်းက အရမ်းကို မောက်မာတာပါ” ဟု တိန်းချွမ်းက ထိုအချိန်တွင် မကျေမနပ်ဖြင့် ပြောလိုက်သည်။</p> <p>“ကျွန်တော်က စကားတစ်ခွန်းပိုပြောမိတာကို သူကသူ့ရဲ့လက်အောက်ငယ်သားကို ကျွန် တော့်ရဲ့ ပါးစပ်ကို ဖြဲပစ်ဖို့ ခိုင်းစေခဲ့တာပါ”</p> <p>ပန်းပေါင်းတစ်ရာ ဓားနတ်ဘုရားမက မျက်မှောင်ကြုတ်လိုက်ပြီး ဒူမေကို မေးလိုက်သည် -</p> <p>“ဒါ အမှန်ပဲလား”</p> <p>ဒူမေမှာ ဘာမှ ဖုံးကွယ်မထားရဲတော့ပေ။</p> <p>“ဒါ အမှန်ပါပဲ”</p> <p> သူမက ရှင်းပြတော့မည့်ဆဲဆဲတွင် တိန်းချွမ်းကထပ်မံ၍ကြားဖြတ်ပြောလိုက်ပြန်သည်။</p> <p>“ကျွန်တော်တို့ ထွက်လာတဲ့အခါမှာ အဲဒီလူငယ်လေးကစီနီယာအစ်မကို ရုတ်တရက် ခေါ်ပြီး ဂိုဏ်းချုပ်ဆီကို ပြောခိုင်းချင်တဲ့ စကားတစ်ခွန်း ရှိတယ်လို့ ပြောခဲ့ပါတယ်”</p> <p>“အို... ငါ့ဆီကို စကားပါးလိုက်တယ် ဟုတ်လား” ဟု ပန်းပေါင်းတစ်ရာ ဓားနတ်ဘုရားမက ဒူမေကို မနေနိုင်ဘဲ ကြည့်လိုက်မိသည်။</p> <p>ဒူမေမှာ ခက်ခဲနေပုံရလေသည်။</p> <p>“သူ ဘာပြောခဲ့သလဲဆိုတာကို စကားလုံးတစ်လုံးချင်းစီအတိုင်း ငါ့ကိုပြောပြစမ်း”</p> <p>ပန်းပေါင်းတစ်ရာဓားနတ်ဘုရားမ၏အသံမှာ မကျယ်လှသော်လည်း ငြင်းဆန်၍မရသော အရှိန်အဝါ ပါရှိနေလေသည်။</p> <p>ဒူမေက စိတ်ကို တင်းထားပြီး ပြောလိုက်သည်။</p> <p>“သူက ဆရာ့ကိုညီမလေးအပေါ်ကောင်းကောင်းဆက်ဆံဖို့ ပြောခိုင်းလိုက်တာပါ။ အကယ်၍ နောင်ကျရင်ညီမလေးက ပန်းပေါင်းတစ်ရာနတ်ဘုရားဂိုဏ်းမှာ တစ်ခုခုမတရားခံရတာ မျိုး ရှိခဲ့ရင်သူက...”</p> <p>သူမသည် ဤနေရာတွင် စကား ရပ်သွားတော့သည်။</p> <p>“သူက ဘာဖြစ်မှာလဲ”</p> <p>ပန်းပေါင်းတစ်ရာ ဓားနတ်ဘုရားမ၏ လေသံမှာ အေးစက်မှုများ ပါရှိနေပြီ ဖြစ်လေသည်။</p> <p>ဒူမေ စကားမဆုံးသေးသော်လည်း ၎င်းမှာကောင်းသောစကားမဟုတ်ကြောင်း သူမ ခန့်မှန်းမိနေလေသည်။</p> <p>“သူကိုယ်တိုင် ကျွန်မတို့ပန်းပေါင်းတစ်ရာနတ်ဘုရားဂိုဏ်းကိုလာပြီး ရှင်းပြချက်တောင်း မယ်လို့ ပြောလိုက်တာပါ” ဟု ဒူမေက ရိုးသားစွာသာ လျှောက်တင်လိုက်ရတော့သည်။</p> <p>“မောက်မာလိုက်တာ”</p> <p> ပန်းပေါင်းတစ်ရာဓားနတ်ဘုရားမသည် ၎င်းကို ကြားလိုက်ရသည်နှင့်တစ်ပြိုင်နက် ဒေါသ တကြီးဖြင့် ဘေးရှိစားပွဲကိုလက်ဝါးဖြင့်ရိုက်ခွဲပစ်လိုက်လေသည်။</p> <p> “ဂျူနီယာလေးတစ်ယောက်က ငါ့ကို သတိပေးရဲတယ် ဟုတ်လား”</p> <p>“သူက ငါ့ကို ဘယ်လိုလုပ်ဆောင်ရမယ်ဆိုတာ သင်ပေးဖို့ ကြိုးစားနေတာလား”</p> <p>ပန်းပေါင်းတစ်ရာ ဓားနတ်ဘုရားမ ဤမျှအထိဒေါသထွက်နေခြင်းမှာ မဆန်းလှပေ၊ သူမသည်သိက္ခာရှိလှသော အမျိုးသမီးဓားနတ်ဘုရားမတစ်ဦးဖြစ်ပြီး ချန်ဆန်းတိုက်ကြီးပေါ်ရှိ အစွမ်းထက်သောကျင့်ကြံသူအားလုံး၏လေးစားမှုကိုခံနေရသူဖြစ်သော်လည်း ယခုအခါ ဂျူနီယာ လေးတစ်ယောက်က သူမကို သတိပေးရဲသည်တဲ့လား။</p> <p>“သူက သေတွင်းထဲကို တည့်တည့်တိုးဝင်ချင်နေတာပဲ” ဟု ပန်းပေါင်းတစ်ရာ ဓားနတ် ဘုရားမက တွေးမိလေလေ ပို၍ စိတ်တိုလာလေလေဖြစ်နေတော့သည်။</p> <p>စစ်မှန်သောနတ်နဂါးနတ်ဘုရားဂိုဏ်းမှ ရှေးဟောင်းဘိုးဘေးနှင့် နတ်နဂါးအင်ပါယာ မိသားစု မှ ရှေးဟောင်းဘိုးဘေးတို့ပင်လျှင် သူမ၏ရှေ့တွင်ဝပ်တွားနေကြရခြင်း ဖြစ်လေသည်။</p> <p>စစ်မှန်သောနတ်နဂါးနတ်ဘုရားဂိုဏ်းမှ တပည့်လေးတစ်ယောက်က သူမကိုသတိပေးရဲ သည်တဲ့လား။</p> <p>“ဆရာ... အဲဒီ လူငယ်လေးက သာမန်မဟုတ်ပုံရပါတယ်” ဟု ဒူမေက ပြောလိုက်သည်။</p> <p>“သူ့ရဲ့ လက်အောက်ငယ်သား နှစ်ယောက်က အရမ်းကို အစွမ်းထက်ပါတယ်”</p> <p>ပန်းပေါင်းတစ်ရာ ဓားနတ်ဘုရားမသည် ဒူမေ၏စကားကို တိုက်ရိုက်လျစ်လျူရှုလိုက် ပြီးနောက် ဂိုဏ်းအကြီးအကဲတစ်ဦးကို ခေါ်ယူကာ အမိန့်ပေးလိုက်သည်။</p> <p>“အခုကစပြီး နဂါးချင်းရွှမ်ကို ဂိုဏ်းရဲ့သယံဇာတတွေအသုံးမပြုခိုင်းနဲ့တော့။ သူမကို လစဉ်ပေးနေတဲ့ဆေးလုံးတွေနဲ့ ဝိညာဉ်ကျောက်တုံးတွေကိုရပ်ဆိုင်းလိုက်၊ ပြီးတော့ သူမရဲ့ကျင့်ကြံ မှုကို လမ်းညွှန်ပေးနေတဲ့ ရှေးဟောင်းဘိုးဘေးအားလုံးကိုလည်း လမ်းမညွှန်ခိုင်းနဲ့တော့”</p> <p>“ဒါ့အပြင် သူမကိုအမာခံတပည့်တွေရဲ့ဂူဗိမာန်ထဲကနေ ဖယ်ထုတ်လိုက်ပြီး အပြင်စည်း တပည့်တွေရဲ့ ဝင်းထဲမှာပဲနေခိုင်းလိုက်”</p> <p>“အကယ်၍ သူမကဂိုဏ်းထဲကနေထွက်သွားဖို့ကြိုးစားရင် သူမရဲ့ကျင့်စဉ်တွေနဲ့ နတ်ဘုရား စွမ်းရည်တွေ အားလုံးကို ပြန်လည်သိမ်းဆည်းပစ်လိုက်စမ်း”</p> <p>ပန်းပေါင်းတစ်ရာဓားနတ်ဘုရားမ၏ အေးစက်သောအသံမှာ ခန်းမဆောင်အတွင်း ပဲ့တင် ထပ်သွားတော့သည်။</p> <p>ဂိုဏ်းအကြီးအကဲမှာ ဆွံ့အသွားသော်လည်း ပန်းပေါင်းတစ်ရာဓားနတ်ဘုရားမ၏ ဖြူဖျော့ နေသောမျက်နှာကိုမြင်သောအခါ ဘာမှထပ်မပြောရဲတော့ဘဲ လေးစားစွာဖြင့်နာခံပြီး အမိန့်ကို ဆောင်ရွက်ရန် ထွက်ခွာသွားတော့သည်။</p> <p>“အဲဒီ လူငယ်လေးက ငါ့ရဲ့ပန်းပေါင်းတစ်ရာနတ်ဘုရားဂိုဏ်းကို ကိုယ်တိုင်လာပြီး ရှင်းပြချက်တောင်းမယ်လို့မပြောခဲ့ဘူးလား” ဟု ပန်းပေါင်းတစ်ရာ ဓားနတ်ဘုရားမက လှောင်ပြောင်လိုက်သည်။</p> <p> “သူ ငါ့ရဲ့ ပန်းပေါင်းတစ်ရာ နတ်ဘုရားဂိုဏ်းကို လာပြီး ရှင်းပြချက် တောင်းရဲမလားဆိုတာ ငါ သိချင်သေးတယ်”</p> <p>အမှန်တကယ်တွင်မူ သူမ၏ လုပ်ရပ်များမှာ ထိုလူငယ်လေးကြောင့်သာမဟုတ်ပေ။</p> <p>သူမသည် နဂါးချင်းရွှမ်ပြန်ရောက်လာသည်နှင့် သူမ၏သယံဇာတများ အားလုံးကို ရပ်ဆိုင်း ပစ်ရန် ကြိုတင်စီစဉ်ထားခဲ့ပြီးသားဖြစ်လေသည်။</p> <p>ဒူမေသည် ပါးစပ်ကိုဟလိုက်ပြီး တစ်စုံတစ်ခုကိုပြောချင်သော်လည်း နောက်ဆုံးတွင် ဘာမှ မပြောဖြစ်တော့ပေ။</p> <p>...</p> <p>ရန်ရှောက်ထျန်းသည် သူ၏နတ်ဘုရားအိမ်တော်သို့ ပြန်ရောက်လာခဲ့လေပြီ။</p> <p>နတ်ဘုရားအိမ်တော်သို့ပြန်ရောက်သည်နှင့် သူသည်ကောင်းကင်ဖျက်ဆီးမိစ္ဆာဘိုးဘေးကို စုံစမ်းမှုရလဒ်များကို မေးမြန်းခဲ့လေသည်။</p> <p>ကောင်းကင်ဖျက်ဆီမိစ္ဆာဘိုးဘေးက စကားထစ်လျက် လျှောက်တင်လိုက်သည်။</p> <p>“သခင်လေးကို လျှောက်တင်ပါတယ်၊ နဂါးချင်းရွှမ်လေး ပန်းပေါင်းတစ်ရာ နတ်ဘုရား ဂိုဏ်းကိုပြန်ရောက်ပြီးတဲ့နောက်မှာ ပန်းပေါင်းတစ်ရာဓားနတ်ဘုရားမက သူမရဲ့သယံဇာတတွေ အားလုံးကိုရပ်ဆိုင်းပစ်လိုက်ပါတယ်၊ သူမကိုလစဉ်ပေးနေတဲ့ဆေးလုံးတွေနဲ့ ဝိညာဉ်ကျောက် တုံးတွေကိုမပေးတော့သလို သူမကိုလမ်းညွှန်ပေးနေတဲ့ ရှေးဟောင်းဘိုးဘေးအားလုံးကိုလည်း လမ်းမညွှန်ဖို့ တားမြစ်လိုက်ပါတယ်”</p> <p>“ဒါ့အပြင် သူမကိုအမာခံတပည့်တွေရဲ့ဂူဗိမာန်ထဲကနေဖယ်ထုတ်လိုက်ပြီး အပြင်စည်း တပည့်တွေရဲ့ ဝင်းထဲမှာပဲနေခိုင်းထားပါတယ်”</p> <p>ကောင်းကင်ဖျက်ဆီးမိစ္ဆာဘိုးဘေး၏ သတင်းပို့ချက်ကိုနားထောင်ပြီးနောက် ရန်ရှောက် ထျန်း၏ မျက်နှာအမူအရာမှာ ပို၍ ပို၍ အေးစက်လာတော့သည်။</p> <p>ပန်းပေါင်းတစ်ရာ ဓားနတ်ဘုရားမက သူ၏စကားကို လုံးဝ အလေးမထားခဲ့ပုံရလေသည်။</p> <p>“ပန်းပေါင်းတစ်ရာဓားနတ်ဘုရားမက ဘာဖြစ်လို့ချင်းရွှမ်နဲ့အတူ ဝိညာဉ်သားရဲတော အုပ်ကို မလိုက်သွားခဲ့တာလဲဆိုတာ ခင်ဗျားသိလား” ဟု ရန်ရှောက်ထျန်းက ထပ်မံ၍ အေးစက်စွာ မေးလိုက်သည်။</p> <p>“ပန်းပေါင်းတစ်ရာ နတ်ဘုရားဂိုဏ်းကရှေးဟောင်းဘိုးဘေးကြီးက ရှေးဟောင်းနဂါးမျိုး နွယ် ကျင့်စဉ်တစ်ခုကို ရရှိခဲ့လို့ဖြစ်ပုံရပါတယ်၊ သူက အောင်မြင်မှု အမြန်ရချင်နေတာပါ။ ဒါကြောင့် သူက နဂါးမျိုးနွယ်သွေးပါတဲ့ နဂါးချင်းရွှမ်နဲ့အတူ ဒွန်တွဲကျင့်ကြံချင်နေတာပါ” ဟု ကောင်းကင်ဖျက်ဆီးမိစ္ဆာဘိုးဘေးက အသံကိုနှိမ့်ပြီးပြောလိုက်သည်။</p> <p> “နဂါးချင်းရွှမ်က အဲဒါကို ငြင်းဆန်ခဲ့ပါတယ်”</p> <p>၎င်းကို ကြားလိုက်ရသောအခါ ရန်ရှောက်ထျန်း၏မျက်လုံးများတွင် သတ်ဖြတ်လိုစိတ်များ ပြည့်နှက်သွားတော့သည်၊ သူသည်မိစ္ဆာမျောက်ဝံကြီးနှင့် အမှောင်နဂါးတို့ကို ပြောလိုက်သည်။</p> <p>“ပြင်ဆင်ထားကြ၊ ငါတို့ ပန်းပေါင်းတစ်ရာ နတ်ဘုရားဂိုဏ်းကို သွားမယ်”</p> <p>“ဟုတ်ကဲ့ပါ သခင်လေး”</p> <p> မိစ္ဆာမျောက်ဝံကြီးနှင့် အမှောင်နဂါးတို့ကလေးစားစွာပြောလိုက်ကြသည်၊ သူတို့၏ သတ်ဖြတ်လိုစိတ်များမှာလည်း ဟိန်းဟောက်နေပြီး ကြောက်မက်ဖွယ်ကောင်းသော အရှိန်အဝါ များမှာ အတိုင်းအဆမဲ့ ပျံ့နှံ့သွားတော့သည်။</p> <p>“သခင်လေး... ပန်းပေါင်းတစ်ရာနတ်ဘုရားဂိုဏ်းက ဖူထုအင်ပါယာရဲ့ထိပ်တန်းဂိုဏ်း တစ်ခုပါ။ ကျွန်တော်တို့လူတွေပိုပြီးခေါ်သွားရင်ကောဘယ်လိုလဲ” ဟု ကောင်းကင်ဖျက်ဆီးမိစ္ဆာဘိုး ဘေးက အကြံပြုလိုက်သည်။</p> <p>ရန်ရှောက်ထျန်းက ခေါင်းခါပြလိုက်သည် -</p> <p>“မလိုပါဘူး”</p> <p>ပန်းပေါင်းတစ်ရာ နတ်ဘုရားဂိုဏ်းမှာ ဖူထုအင်ပါယာ၏ထိပ်သီးဂိုဏ်းဆယ်ခုထဲမှ တစ်ခု ဖြစ်သော်လည်း ၎င်းမှာယင်လေဂိုဏ်း သို့မဟုတ်အဆိပ်နဂါးနန်းတော်တို့နှင့် နှိုင်းယှဉ်လျှင် အတော်လေး နိမ့်ကျနေဆဲဖြစ်လေသည်။</p> <p>“အစ်ကိုကြီး... သတိထားပါနော်” ဟု ရန်လင်အာက စိုးရိမ်တကြီး ပြောလိုက်သည်။</p> <p>ရန်ရှောက်ထျန်းက ခေါင်းညိတ်ပြလိုက်သည်။</p> <p>ခဏအကြာတွင် ရန်ရှောက်ထျန်း၊ မိစ္ဆာမျောက်ဝံကြီးနှင့် အမှောင်နဂါးတို့မှာ လေထဲသို့ ပျံတက်သွားကြပြီး ကမ္ဘာ့အစွန်းသို့ပျောက်ကွယ်သွားကြတော့သည်။</p> <p>အင်ပါယာမြို့တော်မှထွက်ခွာပြီးနောက် ရန်ရှောက်ထျန်းသည်တွင်းနက်ကြီးပျံသန်းရေး ယာဉ်ကို အသက်သွင်းလိုက်ပြီး ပန်းပေါင်းတစ်ရာနတ်ဘုရားဂိုဏ်းဆီသို့ အမြန်ဆုံးအရှိန်ဖြင့် ချဉ်းကပ်သွားလေသည်။</p> <p>ဖူထုအင်ပါယာအတွင်းသို့ရောက်ရှိသောအခါ ရန်ရှောက်ထျန်းက မိစ္ဆာမျောက်ဝံကြီးကို ပြော လိုက်သည်။</p> <p>“ကျုပ်ရဲ့ တိုကင်ကိုယူပြီး ယင်လေဂိုဏ်းကိုသွားလိုက်စမ်း။ ယင်လေဂိုဏ်းကို ကျုပ်ကို ကူညီဖို့အတွက် ပန်းပေါင်းတစ်ရာနတ်ဘုရားဂိုဏ်းကိုလာဖို့ ပြောလိုက်”</p> <p>“အဲဒီအချိန်ကျရင် ငါတို့ ပန်းပေါင်းတစ်ရာ နတ်ဘုရားဂိုဏ်းမှာ ဆုံကြတာပေါ့”</p> <p>သူ တောင်းဆိုလျှင် ယင်လေဂိုဏ်းမှာ သေချာပေါက် လာပေလိမ့်မည်။</p> <p>“ဟုတ်ကဲ့ပါ သခင်လေး”</p> <p>မိစ္ဆာမျောက်ဝံကြီးမှာ ယင်လေဂိုဏ်းဆီသို့ လျင်မြန်စွာ ပျံသန်းသွားလေသည်။</p> <p>တစ်ချိန်တည်းမှာပင် ရန်ရှောက်ထျန်းနှင့်အမှောင်နဂါးတို့မှာ ပန်းပေါင်းတစ်ရာ နတ်ဘုရား ဂိုဏ်းဆီသို့ ဆက်လက်ပျံသန်းသွားကြလေသည်။</p> <p>ရန်ရှောက်ထျန်း ပန်းပေါင်းတစ်ရာနတ်ဘုရားဂိုဏ်းဆီသို့ပျံသန်းနေစဉ်မှာပင် ပန်းပေါင်း တစ်ရာ နတ်ဘုရားဂိုဏ်း၌ အမာခံတပည့်မဟာပြိုင်ပွဲကိုကျင်းပနေလေသည်။ ပန်းပေါင်းတစ်ရာ ဓားနတ်ဘုရားမနှင့် ပန်းပေါင်းတစ်ရာနတ်ဘုရားဂိုဏ်းမှ အဆင့်မြင့်အရာရှိကြီးများမှာ ပင်မစင်မြင့် ထက်တွင်ထိုင်ပြီး ကြည့်ရှုနေကြလေသည်။</p> <p>အားပေးသံများမှာ အဆက်မပြတ် ပဲ့တင်ထပ်နေတော့သည်။</p> <p>ပန်းပေါင်းတစ်ရာ နတ်ဘုရားဂိုဏ်းမှာ စည်ကားသိုက်မြိုက်လို့နေတော့သည်။</p> <p> </p> <p> </p> <p> </p> <p style="text-align:center">***</p>


Save