Book List

<h2 style="text-align: center;">Chapter 2</h2> <h2 style="text-align: center;">ထွက်ပြေးခြင်း</h2> <h2 style="text-align: center;">*</h2> <p> </p> <p> </p> <p>“လူသားမျိုးနွယ်တွေနဲ့ တွေ့ကြပြီပဲ၊ ကောင်းပြီလေ။”</p> <p> </p> <p>ကျွမ်းရွှေကလန်ရဲ့ တပ်ဖွဲ့က ပြင်းထန်စွာ ထိုးစစ်ဆင်လာပေမဲ့ အဝေးက ဖင်းဂေါ့တွေကတော့ ကြောက်ရွံ့ခြင်း အလျှင်းမရှိပါဘူး။ သူတို့ရဲ့ တိုက်ခိုက်လိုစိတ်တွေ တဟုန်းဟုန်း တောက်လောင်နေပါပြီ။ ကျွမ်းရွှေကလန် တပ်ဖွဲ့ကို သူတို့ ပြန်လည် ထိုးနှက်တိုက်ခိုက်လာကြပါတယ်။</p> <p> </p> <p>နှစ်ဖက်တပ်တွေ အနီးကပ် မထိတွေ့မိခင်မှာတင် မရေမတွက်နိုင်တဲ့ မှော်ရတနာတွေနဲ့ လျှို့ဝှက်ကျင့်စဉ် တွေဟာ မူလတာအိုအဆင့်ဖင်းဂေါ့တွေအပေါ် မိုးရွာချသလို ကျရောက်သွားပါပြီ။</p> <p> </p> <p>မူလတာအိုအဆင့် ဖင်းဂေါ့ တစ်ယောက်ချင်းစီမှာ မသေနိုင်တဲ့ ခန္ဓာကိုယ် ရှိကြပြီး အလွန်အမင်း ပြင်းထန်ကြမ်းတမ်းစွာ တိုက်ခိုက်တတ်ကြပါတယ်။ သူတို့ဟာ ကျွမ်းရွှေကလန်ရဲ့ တိုက်ခိုက်မှုတွေကို အံတုရင်း ကျွမ်းရွှေတပ်ဖွဲ့ရဲ့ စစ်ဝင်္ကပါတွေဆီကို မရပ်မနား တိုးကပ်လာကြပါပြီ။</p> <p> </p> <p>ကျွမ်းရွှေကလန် စစ်ဝင်္ကပါတွေကို ဦးဆောင်သူတွေဟာ ကီ ကျင့်စဉ်လမ်းစဉ်က လွတ်မြောက်အင်မော်တယ်တွေပါ။ သူတို့ဟာ ဖင်းဂေါ့တွေကို အနားအကပ်ခံမှာ မဟုတ်ပါဘူး။ ဒါကြောင့် ဖင်းဂေါ့အုပ်စုက သူတို့ရဲ့ တိုက်ခိုက်မှု အကွာအဝေးထဲ ရောက်လာတာနဲ့ တပြိုင်နက် အရှိန်အဟုန်ကို ရပ်တန့်လိုက်ပြီး အကွာအဝေးတစ်ခုကနေပဲ ဖင်းဂေါ့တွေကို အဝေးရောက် ဆက်တိုက် တိုက်ခိုက်နေကြပါတယ်။</p> <p> </p> <p>အခြားတစ်ဖက်မှာတော့။</p> <p>ဂျူဟွာ၊ ကျွမ်းရွှေဖင်ချိုးနဲ့ ကျန်တဲ့ နှစ်ယောက်တို့ဟာလည်း ကြောက်မက်ဖွယ်ကောင်းတဲ့ မြေကမ္ဘာ ဖင်းဂေါ့နဲ့ တိုက်ပွဲဖြစ်ပွားနေပါတယ်။</p> <p> </p> <p>ဒီမြေကမ္ဘာ ဖင်းဂေါ့ရဲ့ တန်ခိုးကျင့်စဉ်အဆင့်က သိပ်မမြင့်လှပေမဲ့ သူ့ရဲ့ ခန္ဓာကိုယ်ကတော့ အလွန်တရာ ထိတ်လန့်စရာ ကောင်းပါတယ်။ သူ့ရဲ့ သန်မာလှတဲ့ လက်ခြောက်ဖက်ကို ဝှေ့ယမ်းလိုက်ရုံနဲ့တင် လွတ်မြောက်အင်မော်တယ် လေးဦးအပေါ် ကြီးမားတဲ့ ဖိအားတွေ သက်ရောက်လာပါပြီ။</p> <p>အဲဒီ ကြောက်မက်ဖွယ် စွမ်းအားဟာ ထိပ်တန်း လွတ်မြောက်အင်မော်တယ်တွေ တောင့်ခံနိုင်တဲ့ ကန့်သတ်ချက်ကို ကျော်လွန်နေပါတယ်။</p> <p> </p> <p>“ဟားဟားဟား... လူသားတွေ၊ သေကြစမ်း... သေကြစမ်း။”</p> <p> </p> <p>မြေကမ္ဘာ ဖင်းဂေါ့က ရူးသွပ်စွာ ရယ်မောရင်း သူ့ပတ်ပတ်လည်မှာ ယင်ကောင်တွေလို ပျံဝဲနေတဲ့ ဂျူဟွာတို့ လေးယောက်ကို တရစပ် တိုက်ခိုက်နေပါပြီ။</p> <p> </p> <p>ရံဖန်ရံခါမှာ လေးယောက်သားဆီက တိုက်ခိုက်မှုတွေ ထွက်ပေါ်လာပေမဲ့ ဖင်းဂေါ့ကတော့ အမှုမထားပါဘူး။ သူက ခုခံဖို့တောင် မကြိုးစားဘဲ သူ့ရဲ့ အစွမ်းထက်လှတဲ့ ခန္ဓာကိုယ်နဲ့ပဲ အသာလေး တောင့်ခံထားပါတယ်။</p> <p> </p> <p>ဒီလေးယောက်ထဲမှာ တိုက်စစ်အပြင်းထန်ဆုံးကတော့ ဓားအင်မော်တယ် ဖြစ်သလို ကျင့်စဉ်အဆင့် အမြင့်ဆုံးဖြစ်တဲ့ ဂျူဟွာပါပဲ။ ဂျူဟွာဟာ အခုချိန်မှာ ဒါပိ ဓားသိုင်းရဲ့ စတုတ္ထမြောက် အကွက်ဖြစ်တဲ့ သတ်ဖြတ်မှုတစ်ရာသိုင်းကွက်ကိုပဲ အသုံးပြုနေပေမဲ့ သူ့ရဲ့ အစွမ်းက ထိပ်တန်း လွတ်မြောက်အင်မော်တယ် အဆင့်မှာ ရှိနေပါတယ်။ ကျွမ်းရွှေကလန်ရဲ့ စစ်ဝင်္ကပါ အရှိန်အဝါနဲ့ ပေါင်းစပ်လိုက်တဲ့အခါ သူ့ရဲ့ တိုက်ခိုက်မှုတွေက ပိုပြီး ကြောက်စရာ ကောင်းလာပါတယ်။</p> <p> </p> <p>ဒါတောင်မှ ဂျူဟွာ တိုက်ခိုက်လိုက်တိုင်းမှာ ဖင်းဂေါ့ရဲ့ ခန္ဓာကိုယ်ပေါ်မှာ ပေအနည်းငယ်လောက်ပဲ ရှည်တဲ့ ဒဏ်ရာသေးသေးလေးတွေပဲ ဖြစ်ပေါ်စေပါတယ်။ ဒီလို ဒဏ်ရာမျိုးကတော့ ခန္ဓာကိုယ် ပြန်လည်ကောင်းမွန်နိုင်စွမ်း မြင့်မားတဲ့ ဖင်းဂေါ့အတွက် အရေပြား ပွန်းရုံလောက်ပါပဲ။</p> <p> </p> <p>ဂျူဟွာတောင် ဒီလိုဆိုရင် ကျန်တဲ့ သုံးယောက်အကြောင်း ပြောနေစရာ မလိုတော့ပါဘူး။</p> <p> </p> <p>ကျွမ်းရွှေဖင်ချိုးကတော့ သာမန် ထိပ်တန်း လွတ်မြောက်အင်မော်တယ် တစ်ယောက်ပါပဲ။ ပြီးခဲ့တဲ့တစ်ခေါက်က ဂျူဟွာနဲ့ သရေကျခဲ့တာဟာ နယ်မြေတန်ခိုးစွမ်းအင် အားသာချက်ကြောင့်သာ ဖြစ်ပါတယ်။ လေလွင့်တိမ်တိုက် ကလည်း ကျွမ်းရွှေဖင်ချိုးနဲ့ သိပ်မကွာပါဘူး။ ဒါပေမဲ့ ချင်းမူလင်းရဲ့ စွမ်းဆောင်ရည်ကတော့ အတော်လေး အထင်ကြီးစရာ ကောင်းပါတယ်။ သူမဟာ အဖြူရောင် ငှက်မွှေးယပ်တောင်ကို ကိုင်ထားပြီး ယပ်တောင်ကို ဝှေ့ယမ်းလိုက်တိုင်း အဆုံးမဲ့ လေပြင်းတွေကို ဖြစ်ပေါ်စေပါတယ်။ ဒါက မြေကမ္ဘာ ဖင်းဂေါ့ကို မထိခိုက်စေနိုင်ပေမဲ့ သူ့ရဲ့ လှုပ်ရှားမှုကိုတော့ နှောင့်နှေးစေပါတယ်။</p> <p> </p> <p>ဒါက အချိန်ဆွဲချင်နေတဲ့ ဂျူဟွာတို့အတွက်တော့ တကယ့်ကို အကျိုးရှိစေပါတယ်။</p> <p> </p> <p>ဂျူဟွာတို့ အချိန်ဆွဲနေတယ်ဆိုတာကို မြေကမ္ဘာ ဖင်းဂေါ့က မကြာခင်မှာပဲ ရိပ်မိသွားပါတယ်။ သူဟာ တုံ့ဆိုင်းမနေဘဲ ပြင်းထန်ပြီးသား တိုက်ကွက်တွေကို နောက်ထပ် အဆင့်တစ်ခုအထိ မြှင့်တင်လိုက်ပါပြီ။ သူ့ရဲ့ လက်ခြောက်ဖက်အပြင် သူ့ရဲ့ ပြောင်ချောနေတဲ့ ဦးခေါင်းပေါ်မှာ ဧရာမ မျက်လုံးကြီးတစ်လုံး ပေါ်လာပါတယ်။</p> <p>အဲဒီမျက်လုံးကြီးဟာ ပေါ်လာတာနဲ့ တပြိုင်နက် ဖင်းဂေါ့နဲ့ အနီးဆုံးမှာ ရှိနေတဲ့ လေလွင့်တိမ်တိုက် အင်မော်တယ် ကို စိုက်ကြည့်လိုက်ပါပြီ။</p> <p> </p> <p>ချက်ချင်းဆိုသလိုပဲ ရွှေရောင်အလင်းတန်းတစ်ခုက လေလွင့်တိမ်တိုက်ရဲ့ မျက်နှာဆီကို ပျံသန်းသွားခဲပါတယ်။</p> <p> </p> <p>ဝုန်း။</p> <p>လေလွင့်တိမ်တိုက် ရှောင်တိမ်းဖို့ အချိန်မရလိုက်ဘဲ အဲဒီ ရွှေရောင်အလင်းက ထိမှန်သွားခဲ့ပါပြီ။</p> <p> </p> <p>ကြောက်မက်ဖွယ် ရွှေရောင်အလင်းတွေ ပျောက်ကွယ်သွားတဲ့အခါ ပြာလဲ့လဲ့ ဒိုင်းငယ်လေးတစ်ခုဟာ အားအင်ကုန်ခမ်းစွာနဲ့ အောက်ကို ကြွေကျသွားပါတယ်။ လေလွင့်တိမ်တိုက် ကိုယ်တိုင်လည်း မျက်နှာ ဖြူဖျော့သွားပြီး အနောက်ကို အသည်းအသန် ဆုတ်ခွာသွားရပါပြီ။</p> <p> </p> <p>အခုနက ဒိုင်းငယ်လေးက ပြာလဲ့တိမ်တိုက်ဒိုင်းလို့ ခေါ်တဲ့ ကာကွယ်ရေး အလွန်ကောင်းမွန်တဲ့ အင်မော်တယ်အဆင့် မှော်ရတနာပါ။ လေလွင့်တိမ်တိုက်ဟာ အဲဒီဒိုင်းကို သူ့ရဲ့ အသက်ကယ် ရတနာအဖြစ် အလွန် တန်ဖိုးထားခဲ့ပါတယ်။ အစောပိုင်းက ဖင်းဂေါ့ရဲ့ လက်သီးချက်တွေကို ရင်ဆိုင်ရချိန်တုန်းကလည်း ဒီဒိုင်းနဲ့ စစ်ဝင်္ကပါရဲ့ အကူအညီကြောင့် ခက်ခက်ခဲခဲ တောင့်ခံထားနိုင်ခဲ့တာပါ။</p> <p>အခုတော့ အားကိုးရတဲ့ ပြာလဲ့တိမ်တိုက်ဒိုင်း ဟာ ဖင်းဂေါ့ရဲ့ ရွှေရောင်အလင်းတစ်ချက်တည်းနဲ့တင် အသုံးမဝင်တော့ဘူး ဆိုတာကို ဘယ်သူက ထင်ထားမှာလဲ။</p> <p> </p> <p>“အားလုံး သတိထားကြ။ ဒါက ချန်ကျင်းမျိုးနွယ် ရဲ့ ထူးခြားတဲ့ နတ်ဘုရားသိုင်းပညာ တုံးရွှမ် ရွှေရောင်အလင်းပဲ။” ဂျူဟွာက စိတ်ချင်းဆက်သွယ်ပြီး အလေးအနက်ထား သတိပေးလိုက်ပါတယ်။ အဲဒီနောက် သူက ဆက်ပြောလိုက်ပါပြီ။</p> <p>“လေလွင့်တိမ်တိုက် အင်မော်တယ်။ မင်းရဲ့ ကာကွယ်ရေး ရတနာ ပျက်စီးသွားပြီဆိုတော့ အခုကစပြီး ခပ်ဝေးဝေးမှာပဲ နေပါ၊ ငါတို့ကို စောင့်..”</p> <p>ဂျူဟွာရဲ့ စကားက တန်းလန်းကြီး ရပ်တန့်သွားပါတယ်။</p> <p>အခုချိန်မှာ သူ့ရဲ့ နတ်ဘုရားအာရုံအရ လေလွင့်တိမ်တိုက်ဟာ  အဝေးကြီးကို ဆုတ်ခွာသွားပါပြီ။ ပြီးတော့ ရပ်တန့်မယ့် အရိပ်အယောင် လုံးဝ မရှိပါဘူး။ ဒါတင်မကဘဲ သူ့ရဲ့ အရှိန်ကလည်း အစကနေ အခုအချိန်အထိ လျော့မသွားပါဘူး။</p> <p> </p> <p>သံသယဖြစ်စရာ မလိုတော့ပါဘူး။ သူထွက်ပြေးသွားပါပြီ။</p> <p> </p> <p>ဒီအချိန်မှာ ကျွမ်းရွှေဖင်ချိုးက ရုတ်တရက် စိတ်ချင်းဆက်သွယ်ပြီး ပြောလိုက်ပါတယ်။</p> <p>“ဂျူဟွာ... ကလန်ညီနောင်၊ ဒီမြေကမ္ဘာ ဖင်းဂေါ့မှာ တုံးရွှမ် ရွှေရောင်အလင်း ရှိနေတယ်။ လေလွင့်တိမ်တိုက်ကလည်း ပြေးသွားပြီ။ ငါတို့ သုံးယောက်တည်းနဲ့တော့ သူ့ကို တားနိုင်မှာ မဟုတ်ဘူး။ ကိုယ့်အသက်ကိုယ် အရင်ကယ်ဖို့ပဲ ဦးစားပေးရအောင်။”</p> <p> </p> <p>“...”</p> <p>ဂျူဟွာ ဘာမှပြန်မပြောတော့ပါဘူး။ သူ မျှော်လင့်ထားတဲ့အတိုင်းပါပဲ၊ သူ့ရဲ့ အာရုံခံစားမှုအရ ကျွမ်းရွှေဖင်ချိုးဟာလည်း သူတို့ကို စွန့်ခွာပြီး ထွက်ပြေးသွားခဲ့ပါပြီ။</p> <p> </p> <p>ဂျူဟွာဟာ သူ့ရဲ့ နတ်ဘုရားအာရုံနဲ့ ချင်းမူလင်း ကို အကဲခတ်ကြည့်လိုက်ပါတယ်။ သူမရဲ့ မျက်နှာဟာ ဖြူဖျော့နေပေမဲ့ အနည်းဆုံးတော့ အရှေ့က နှစ်ယောက်လို ဘာကိုမှ ဂရုမစိုက်ဘဲ ထွက်မပြေးသွားသေးပါဘူး။</p> <p>“ဒီချင်းမူလင်းကတော့ အဲဒီနှစ်ယောက်ထက်စာရင် ပိုပြီး အားကိုးရတာပဲ” ဆိုတဲ့အတွေးက ဂျူဟွာ့ခေါင်းထဲ လက်ခနဲ ဖြတ်ပြေးသွားပါတယ်။ အဲဒီနောက် သူက ချင်းမူလင်းကို စိတ်ချင်းဆက်သွယ်ပြီး ပြောလိုက်ပြီ။</p> <p>“အင်မော်တယ် ချင်းမူလင်း။ ခဏနောက်ဆုတ်လိုက်ပါ၊ ပြီးရင် ဒီဖင်းဂေါ့ကို လေပြင်းတွေနဲ့ပဲ အနှောင့်အယှက်ပေးထားချေ။ သူ့ရဲ့ တုံးရွှမ် ရွှေရောင်အလင်း ကိုလည်း သတိထားဦး။”</p> <p> </p> <p>“ကောင်းပါပြီ။”</p> <p>ဂျူဟွာရဲ့ စကားကို ကြားလိုက်ရတဲ့အခါ ချင်းမူလင်းဟာ လွတ်ငြိမ်းချမ်းသာခွင့် ရလိုက်သလို ခံစားလိုက်ရပါတယ်။ ဂျူဟွာ ဘာဆက်လုပ်မလဲဆိုတာကို သူမ ဂရုမစိုက်နိုင်တော့ပါဘူး။ သူမရဲ့ ခန္ဓာကိုယ်ဟာ လျှပ်တပြက် လှုပ်ရှားသွားပြီး အဝေးတစ်နေရာဆီကို အမြန် ပျံဝဲဆုတ်ခွာသွားပါတော့တယ်။</p> <p> </p> <p>ချင်းမူလင်း ဆုတ်ခွာသွားတာနဲ့ ဂျူဟွာဟာ တုံ့ဆိုင်းမနေတော့ပါဘူး။ သူက သူ့ရဲ့ အင်မော်တယ်ဓားကို ညွှန်ကြားလိုက်တဲ့အခါ မူလက အင်မော်တယ်ဓား ကိုးစင်းနဲ့ ဖွဲ့စည်းထားတဲ့ ဓားဝင်္ကပါဟာ ချက်ချင်း ကွဲထွက်သွားပါတယ်။ အဲဒီနောက် ဓာတ်ကြီးသုံးပါး ဓားဝင်္ကပါသုံးခုဟာ စကြ၀ဠာတည်ရှိမှုအတွင်းမှာ ချက်ချင်း ပေါ်ထွက်လာပါတယ်။</p> <p> </p> <p>ဂျူဟွာ ခဏလောက် စဉ်းစားလိုက်ပြီးနောက် သူ့ရဲ့ သိုလှောင်ခန်းမှော်ရတနာထဲကနေ လီထျန် အင်မော်တယ်ဓား တစ်စင်းကို ထုတ်ယူပြီး သူ့ဘေးနားမှာ အဆင်သင့် ပြင်ထားလိုက်ပါပြီ။</p> <p>အပြည့်အစုံ ဖွဲ့စည်းထားတဲ့ လီထျန် ဓားဝင်္ကပါ ဟာ အကောင်းဆုံးထဲက အကောင်းဆုံးဖြစ်သလို လီထျန် အင်မော်တယ်ဓား တစ်စင်းတည်းကတောင်မှ ထိပ်တန်းအဆင့် အင်မော်တယ်မှော်ရတနာလို့ သတ်မှတ်နိုင်ပါတယ်။ သူ့ရဲ့ အစွမ်းကို လျှော့တွက်လို့ မရပါဘူး။</p> <p> </p> <p>တကယ်တော့ ဂျူဟွာ ဒါကို ထုတ်သုံးတာဟာ ကြိုတင်ကာကွယ်တဲ့ အနေနဲ့ပဲ ဖြစ်ပါတယ်။ ဘာပဲဖြစ်ဖြစ် အခု သူက ဒီမြေကမ္ဘာ ဖင်းဂေါ့ကို တစ်ယောက်တည်း ရင်ဆိုင်ရတော့မှာ မဟုတ်လား။</p> <p>မြေကမ္ဘာ ဖင်းဂေါ့က တုံးရွှမ် ရွှေရောင်အလင်း ကို သုံးလိုက်တဲ့ အချိန်ကနေ ဂျူဟွာက သူ့ရဲ့ ဓားဝင်္ကပါကို သုံးပိုင်း ခွဲလိုက်တဲ့ အချိန်အထိဟာ မျက်စိတစ်မှိတ်အတွင်းမှာ ဖြစ်ပျက်သွားတာပါ။</p> <p> </p> <p>ဒါကို မြင်တဲ့အခါ မြေကမ္ဘာ ဖင်းဂေါ့က ရူးသွပ်စွာ ရယ်မောပြီး မေးလိုက်ပါတယ်။</p> <p>“အသင်လူသား... မင်းရဲ့ အပေါင်းအဖော်တွေ အားလုံး ငါ့ကို ကြောက်ပြီး ထွက်ပြေးကုန်ပြီ။ မင်းက ဘာလို့ မပြေးသေးတာလဲ”</p> <p> </p> <p>“ငါက ဘာလို့ ပြေးရမှာလဲ”</p> <p>ဂျူဟွာက တည်ငြိမ်စွာပဲ ပြန်မေးလိုက်ပါတယ်။</p> <p> </p> <p>“မပြေးဘူးလား... ဒါဆိုရင်တော့ သေပေတော့။”</p> <p>ဖင်းဂေါ့က မာန်ဖီဟိန်းဟောက်လိုက်ပါတယ်။ သူ့ရဲ့ ကြောက်မက်ဖွယ် လက်ခြောက်ဖက်ဟာ ချက်ချင်းပဲ အလင်းတန်း ခြောက်ခုအဖြစ် ပြောင်းလဲသွားပြီး ဂျူဟွာ့ဆီကို ဒီရေလှိုင်းကြီးတွေလို တစ်ဟုန်ထိုး ဝင်ရောက်လာပါပြီ။</p> <p> </p> <p>အစောပိုင်းတုန်းက ဂျူဟွာတို့ဘက်မှာ လူလေးယောက် ရှိတာကြောင့် ဂျူဟွာဟာ အများဆုံး လက်မောင်း နှစ်ဖက်ရဲ့ တိုက်ခိုက်မှုကိုပဲ တစ်ပြိုင်နက် ရင်ဆိုင်ခဲ့ရတာပါ။ အခုတော့ လက်ခြောက်ဖက်လုံးကို တစ်ပြိုင်နက် ရင်ဆိုင်ရတာဟာ အရင်က လက်နှစ်ဖက်တည်း ရင်ဆိုင်ရတာနဲ့ လုံးဝကို ခြားနားသွားခဲ့ပါတယ်။</p> <p> </p> <p>ဒါပေမဲ့ မြေကမ္ဘာ ဖင်းဂေါ့ရဲ့ တိုက်ခိုက်မှုတွေက ဘယ်လောက်ပဲ ပြင်းထန်နေပါစေ ဂျူဟွာကတော့ ကြောက်ရွံ့ခြင်း မရှိပါဘူး။ သူ့ရဲ့ တန်ခိုးစွမ်းအားတွေ ဖြာထွက်လာတာနဲ့အတူ ဓာတ်ကြီးသုံးပါး ဓားဝင်္ကပါ သုံးခုဟာ ဧရာမ ဓားအလင်းတန်း သုံးခုအဖြစ် ရုတ်တရက် ပြောင်းလဲသွားပြီး ဖင်းဂေါ့ရဲ့ လက်ခြောက်ဖက်ကို အရှိန်အဟုန်ပြင်းစွာ ထိပ်တိုက် ရင်ဆိုင်လိုက်ပါတော့တယ်။</p> <p> </p> <p> </p> <p style="text-align: center;">***</p>


Save