Book List

<h2 style="text-align: center;">အခန်း (၁၃၆၂)</h2> <h2 style="text-align: center;">စံနမူနာပြ မသေမျိုးလှေ ယွမ်လုံ</h2> <h2 style="text-align: center;">*</h2> <p> </p> <p> </p> <p>​ဖန့်ချန်၏ စိတ်အာရုံမှာ တစ်ချက် လှုပ်ရှားသွားပြီး ကြာနီနတ်မိမယ်ငယ်၏ စိတ်ခံစားချက်မှာ အနည်းငယ် ပုံမှန်မဟုတ်သည်ကို သတိပြုမိလိုက်သည်။</p> <p>သူမက သူ ထိုနေရာတွင် ကျန်ရစ်ခဲ့ခြင်းမှာ သူမတစ်ယောက်တည်းအတွက်ကြောင့်ဟု ထင်မှတ်နေပုံရသည်။</p> <p>​အမှန်တကယ်တော့ ထိုသို့တွေးခြင်းမှာလည်း မှားသည်ဟု မဆိုသာချေ။</p> <p>​သူသည် ကြာနီနတ်မိမယ်ငယ်အား မိမိ၏ မျက်စိအောက်မှ အပျောက်မခံရန် အမှန်တကယ်ပင် ဆုံးဖြတ်ထားပြီးသား ဖြစ်သည်။</p> <p>​ကြာနီနတ်မိမယ်ငယ်၏ စကားကြောင့် လူတိုင်းမှာ တွေးတောစရာ ဖြစ်သွားကြသည်။</p> <p>​မိစ္ဆာဂူဂိုဏ်း မှ လင်းယွမ်က သက်ပြင်းချကာ</p> <p>"တကယ်တော့ ကျုပ်တို့အားလုံးက လင်းကွေ့ကြယ်တာရာနယ်မြေက လာကြတာဆိုတော့ ဒီကိုရောက်တဲ့အခါ စုစုစည်းစည်း ရှိကြရမှာပေါ့။ ဒါပေမဲ့ ဖန့်မိတ်ဆွေမှာ ပိုကောင်းတဲ့ လမ်းစရှိနေရင်တော့ ကျုပ်တို့အတွက်နဲ့ တန့်နေဖို့ မလိုပါဘူး။ ကျင့်ကြံသူဆိုတာ ရှေ့ကိုမတက်ရင် နောက်ပြန်ဆုတ်နေတာနဲ့ အတူတူပဲ။ အမြင့်ဆုံးကို အဆက်မပြတ် တက်လှမ်းနိုင်မှသာ တစ်ဦးတည်းသော ထူးခြားတဲ့ ရှုခင်းတွေကို မြင်နိုင်မှာလေ"</p> <p>​ယွီဝူရှီးနှင့် အခြားသူများမှာမူ တစ်ဦးကိုတစ်ဦး ကြည့်လိုက်ကြသော်လည်း ဘာမျှမပြောဘဲ ဖန့်ချန်ကိုသာ စိုက်ကြည့်နေကြသည်။</p> <p>​"တခြားသူတွေရဲ့ အဖွဲ့ထဲဝင်တာက ဘေးကင်းလုံခြုံမှုအတွက် အာမခံချက်ရှိနိုင်တာ မှန်ပါတယ်။ ဒါပေမဲ့ ခုနက မင်းတို့လည်း ကြားမှာပါ၊ အကျိုးအမြတ်ကို ကျင့်ကြံခြင်းအဆင့်နဲ့ လူဦးရေအပေါ် မူတည်ပြီး ခွဲဝေတာလေ။ ငါက ဘေးဒုက္ခဖြတ်ကျော်ခြင်းအဆင့်ပဲ ရှိသေးတာ၊ အဲဒီလိုအဖွဲ့မျိုးထဲမှာ ဘယ်လောက်အထိ အစွမ်းပြနိုင်မှာမလို့လဲ "</p> <p>​ဖန့်ချန်က ခပ်အေးအေး ပြုံးလျက်</p> <p> "အဲဒီအဖွဲ့မှာ အထက်က တက်လှမ်းခြင်းအဆင့်တွေ ရှိသလို၊ အဆင့် ၁ ထိုက်ယီမသေမျိုးလည်း ရှိနေတယ်။ တားမြစ်နယ်မြေထဲ တစ်ခေါက်သွားလို့ ရလာတဲ့ အကျိုးအမြတ်ထဲက ငါ့လက်ထဲ ရောက်လာမယ့် ဝေစုဟာ ထင်ထားတာထက် အများကြီး နည်းသွားလိမ့်မယ်"</p> <p>​"ငါ ဒီမှာကျန်ရစ်ဖို့ ရွေးချယ်တာကတော့ တကယ်တော့ အကြီးကြီး တစ်ခုကို လောင်းကြေးထပ်ချင်လို့ပါ။ မင်းတို့နဲ့အတူတူဆိုရင် ရလာတဲ့အရာတွေထဲက ခုနစ်ပုံကို အထက်ကို ပေးသွင်းပြီးလို့ ကျန်တဲ့ သုံးပုံထဲမှာ ငါက အများဆုံး ဝေစုရမှာလေ။ အဲဒီရလဒ်က ရွှမ်ဝမ်ရှေ့ပြေးအဖွဲ့ထဲ ဝင်တာထက် အများကြီး ပိုပြီး ရနိုင်ချေ ရှိပါတယ်"</p> <p>​လူတိုင်း၏ မျက်ဝန်းများ ဝင်းလက်သွားကြသည်။</p> <p>​မုံချင့်လင်က မရယ်ဘဲ မနေနိုင်တော့ဘဲ</p> <p> "ဒါမှ ကျင့်ကြံသူ စစ်စစ်ပေါ့။ ဟိုတွေး ဒီတွေးနဲ့ တွန့်ဆုတ်နေတာက ဘာမှမဟုတ်ဘူး။ အဖွဲ့ခေါင်းဆောင်လို စိတ်ဓာတ်မျိုးမှ ကျင့်ကြံသူတစ်ယောက်မှာ ရှိသင့်တဲ့ သတ္တိပဲ ။ ကျမတို့ရဲ့ ကျင့်ကြံခြင်းက သူတို့ကို ခဏတာ မမီသေးတာ ဖြစ်နိုင်ပေမဲ့ နောင်ကျရင်လည်း မမီဘူးလို့ မဆိုလိုဘူးလေ။ အန္တရာယ်တွေကို ဘေးဖယ်ပြီး မီးထဲကနေ ရတနာနှိုက်ယူနိုင်မှသာ လူတကာရဲ့ ထိပ်မှာ နေနိုင်မှာပေါ့ "</p> <p>​လူတိုင်းက တစ်ခဲနက် ထောက်ခံကြသည်။</p> <p>​ကျင့်ကြံသူတစ်ယောက်အနေဖြင့် ထိုလမ်းပေါ်သို့ စတင်ခြေချကတည်းက လောင်းကစားဆန်သော စိတ်ဓာတ်မှာ ရှိပြီးသားပင်။</p> <p>ဖန့်ချန်က သူတို့နှင့်အတူ အကြီးစား လောင်းကြေးထပ်ရန် ဆုံးဖြတ်လိုက်ခြင်းမှာ သူတို့အတွက် အခွင့်အရေးပင် ဖြစ်သည်။</p> <p>ရှေးဟောင်းတားမြစ်နယ်မြေထဲတွင် ကံကောင်းထောက်မ၍ ရတနာတစ်ခုခု ရှာတွေ့ခဲ့ပါက ချက်ချင်းပင် ထိပ်တန်းသို့ တက်လှမ်းနိုင်ပေလိမ့်မည်။</p> <p>​"စီနီယာလင်းက ဒီနေရာကို အရင်နှံ့အောင် လေ့လာပြီးမှ မသေမျိုးလှေ သွားထုတ်ပါလို့ ပြောထားပေမဲ့၊ အခု ကျုပ်တို့ လူစုံနေတုန်းမှာပဲ တခါတည်း သွားထုတ်လိုက်ကြတာ ပိုကောင်းမယ် ထင်တယ်။ ကျွယ်မင်နန်းတော်ရဲ့ မသေမျိုးလှေတွေက တော်တော်ထူးခြားတယ်လို့ ကြားဖူးတယ်၊ ဘယ်လိုမျိုး ထူးခြားတာလဲဆိုတာ ကျမတော့ သိချင်လှပြီ"</p> <p>ဟု မုံချင့်လင်က အကြံပြုသည်။</p> <p>​လူတိုင်းက ခေါင်းညိတ်ထောက်ခံရင်း ဖန့်ချန်ကို ကြည့်လိုက်ကြသည်။</p> <p>​ဖန့်ချန်ကိုယ်တိုင်လည်း လင်းတုန်းပြောသော ထူးခြားသည့် မသေမျိုးလှေအကြောင်းကို သိချင်နေသဖြင့် လူတိုင်းကို ခေါ်ဆောင်ကာ ဂုဏ်ပြုနန်းတော် သို့ ထွက်လာခဲ့သည်။</p> <p>​ဝိညာဉ်ကျောက်တုံးများ ထုတ်ယူသည်ဖြစ်စေ၊ မသေမျိုးလှေ ထုတ်ယူသည်ဖြစ်စေ သို့မဟုတ် တားမြစ်နယ်မြေမှ ရလာသော ရတနာများကို ပေးအပ်သည်ဖြစ်စေ ထိုဂုဏ်ပြုနန်းတော်မှတစ်ဆင့်သာ ဆောင်ရွက်ရခြင်းဖြစ်သည်။</p> <p>​သူတို့ ထိုနေရာသို့ ရောက်သောအခါ လူအုပ်စုကြီးတစ်စုက ဂုဏ်ပြုနန်းတော်ထဲသို့ ဂုဏ်ယူဝင့်ကြွားစွာ ဝင်သွားသည်ကို မြင်လိုက်ရသည်။</p> <p>ဦးဆောင်လာသူမှာ အဆင့် ၁ မသေမျိုး တစ်ဦးဖြစ်သည်။</p> <p> ထိုသူသည် ဘေးဘယ်ညာသို့ပင် မကြည့်ဘဲ ခေါင်းကိုမော့ကာ ရဲရဲဝံ့ဝံ့ လျှောက်လှမ်းသွားရာ ကျားလှမ်း နဂါးလှမ်းကဲ့သို့ အရှိန်အဝါ တစ်မျိုး ရှိနေလေသည်။</p> <p>​သူ့နောက်တွင် တက်လှမ်းခြင်းအဆင့်နှင့် ဘေးဒုက္ခဖြတ်ကျော်ခြင်းအဆင့် ကျင့်ကြံသူ အတော်များများ ပါလာပြီး အချို့မှာ သူတို့၏ ရလဒ်များကို သိကျွမ်းသူများအား ဝင့်ကြွားစွာ ပြောပြနေကြသည်</p> <p>"ကျုပ်တို့ အဖွဲ့ခေါင်းဆောင်က ကျုပ်တို့ကို ခေါ်ပြီး နံပါတ် (၁၅၇) ရှေးဟောင်းတားမြစ်နယ်မြေထဲကနေ အဆင့် ၁ ထိုက်ယီမသေမျိုးတွေ လိုအပ်တဲ့ နတ်ဆေးပင်  မြောက်ရေခဲပုစဉ်းမြက် ကို လုယူခဲ့တာပဲ"</p> <p>​"ဟူးးး"</p> <p>​ဂုဏ်ပြုနန်းတော်အတွင်းရှိ ကျင့်ကြံသူများမှာ အသက်ရှူမှားသွားကြသည်။</p> <p>ဤနေရာရှိ ကျင့်ကြံသူများ၏ အနိမ့်ဆုံးအဆင့်မှာ တာအိုပေါင်းစပ်ခြင်းအဆင့် ဖြစ်ပြီး ထိုအဆင့်ရှိမှသာ တားမြစ်နယ်မြေထဲသို့ မသေမပျောက် စူးစမ်းနိုင်စွမ်း ရှိကြခြင်းဖြစ်သည်။</p> <p>ထိုအဖွဲ့၏ ရလဒ်ကို ကြားလိုက်ရသောအခါ လူတိုင်း၏ မျက်ဝန်းထဲတွင် လိုချင်တပ်မက်သော အလင်းတန်းများ ပေါ်ထွက်လာတော့သည်။</p> <p>​အဆင့် ၁ ထိုက်ယီမသေမျိုးတို့ လိုအပ်သော နတ်ဆေးပင် မြောက်ရေခဲပုစဉ်းမြက်  ၎င်းသည် အနည်းဆုံး မသေမျိုးကျောက်တုံး ၂၀၀ ခန့် တန်ဖိုးရှိသည်။</p> <p>ခုနစ်ပုံကို အထက်သို့ ပေးအပ်ပြီး သုံးပုံတစ်ပုံ ကျန်ခဲ့လျှင်ပင် မသေမျိုးကျောက်တုံး ၆၀ ခန့် ရရှိမည်ဖြစ်သည်။</p> <p>​ထိုပမာဏမှာ အဆင့် ၁ မသေမျိုးသာမက၊ အဆင့် ၂ မသေမျိုးများပင် မျက်စိကျလောက်ပြီး အဆင့် ၃ မသေမျိုးများပင် စိတ်လှုပ်ရှားသွားစေမည့် ငွေကြေးပမာဏပင်။</p> <p>​ဂုဏ်ပြုနန်းတော်ရှိ အကြီးအကဲမှာ အဆင့် ၂ မသေမျိုးတစ်ဦးဖြစ်ပြီး ထိုရှေ့ပြေးအဖွဲ့ ခေါင်းဆောင်နှင့် ရင်းနှီးစွာ စကားပြောဆိုနေသည်။</p> <p> ထို့နောက် လူတိုင်း၏ ရှေ့မှောက်တွင်ပင် ထိုနတ်ဆေးပင်ကို ယူဆောင်လိုက်ပြီး ဈေးနှုန်းအတိုင်း မသေမျိုးကျောက်တုံး ၆၀ ကို ထုတ်ပေးလိုက်သည်။</p> <p>​"အဖွဲ့ခေါင်းဆောင်... ကျနော် စုံစမ်းကြည့်ရသလောက်တော့ ဒီအဖွဲ့က ကျားဘုရင် ရှေ့ပြေးအဖွဲ့တဲ့။ ဒီမှာရှိတဲ့ နာမည်ကြီးအဖွဲ့တွေက နာမည်နောက်မှာ ဘုရင် ဆိုတဲ့ စကားလုံး ထည့်တတ်ကြပုံပဲ။ အဲဒီ အဆင့် ၁ မသေမျိုးကို ကျားဘုရင်လို့ ခေါ်ကြပြီး သူက သွေးသားမိစ္ဆာနတ်ဘုရား  လမ်းစဉ်ကို လိုက်စားထားတာတဲ့၊ သူ့ရဲ့ မူလကိုယ်ကလည်း မိစ္ဆာကျင့်ကြံသူ  တစ်ယောက်ပဲ"</p> <p> လင်းယွမ်က ဖန့်ချန်အနားသို့ တိုးကပ်ကာ တိုးတိုးလေး သတင်းပေးသည်။</p> <p>​ဖန့်ချန်သည် ထိုအချက်အလက်များကို အလွန်အမင်း စိတ်မဝင်စားချေ။</p> <p> သူ၏ စိတ်ထဲတွင် မသေမျိုးကျောက်တုံး သုံးထောင်ကို မည်သို့ စုဆောင်းရမည်နည်းဟုသာ တွေးနေမိသည်။</p> <p>​ရှေးဟောင်းတားမြစ်နယ်မြေထဲမှာ စစ်မှန်တဲ့ မသေမျိုးလမ်းစဉ် တစ်ခုခု တွေ့သလိုမျိုး ဟန်ဆောင်ပြီး အဲဒါကို ရောင်းစားရင်ကော</p> <p>​မဖြစ်သေးဘူး... ဝမ်ချုံးစန်းတောင်မှ အဲဒီလို အဆုံးသတ်မျိုး ကြုံခဲ့ရတာ။</p> <p>ငါသာ အဲဒီလိုလုပ်ရင် အထက်က လူကြီးတွေရဲ့ အာရုံစိုက်မှုကို ခံရလိမ့်မယ်။</p> <p>အဲဒီအချိန်ကျ ရှေးဟောင်းမသေမျိုး တစ်ဦးနှစ်ဦးလောက် ဆင်းလာရင် ငါ့ရဲ့ အတုအယောင် နည်းလမ်းတွေက သူတို့ကို လှည့်စားနိုင်မှာမဟုတ်ဘူး၊ ဘေးဒုက္ခပဲ ကြုံရလိမ့်မယ်</p> <p>​ဖန့်ချန်သည် သူ၏ စိတ်ကူးကို ချက်ချင်းပင် ပယ်ဖျက်လိုက်သည်။</p> <p>​မှန်လေးကို အသုံးချပြီး နံပါတ် (၁၅၇) ရှေးဟောင်းတားမြစ်နယ်မြေထဲမှာပဲ လှည့်ပတ်ကြည့်တာ ပိုကောင်းပါလိမ့်မည်။</p> <p>ဘယ်လိုအန္တရာယ်မျိုးနဲ့ပဲ ကြုံရပါစေ၊ သူ့မှာ အဆင့် ၄ ဓားမသေမျိုး ဟွမ်ဝူကျိ ရှိနေသည်မဟုတ်ပါလား။</p> <p>ဟွမ်ဝူကျိ ၏ အစွမ်းမှာ အဆင့် ၅ မသေမျိုးများပင် ထည့်တွက်ရမည့် အနေအထားတွင် ရှိသည်။</p> <p>​ကျားဘုရင်ရှေ့ပြေးအဖွဲ့သည် မသေမျိုးကျောက်တုံးများကို ရယူပြီးနောက် ဝမ်းသာအားရ ထွက်ခွာသွားကြရာ ဂုဏ်ပြုနန်းတော်အတွင်း အနည်းငယ် ပြန်လည် တိတ်ဆိတ်သွားသည်။</p> <p>​ဖန့်ချန်သည် လူတိုင်းကို ခေါ်ဆောင်ကာ ထိုအဆင့် ၂ မသေမျိုး အကြီးအကဲရှေ့သို့ သွား၍ ဂါရဝပြုလိုက်သည်</p> <p>"စီနီယာ... ကျနော်တို့ မသေမျိုးလှေ လာထုတ်တာပါ"</p> <p>​ထိုအဆင့် ၂ မသေမျိုးမှာ လူတိုင်းကို အမှတ်မထင် ကြည့်လိုက်ရာ ဖန့်ချန်၏ ခါးရှိ ကြေးနီရောင် ကျောက်စိမ်းပြားကို မြင်သောအခါ မျက်နှာတွင် အပြုံးတစ်ခု ပေါ်လာပြီး</p> <p>"ဩော်... လင်းမိတ်ဆွေ အခုလေးတင် ခေါ်လာတဲ့ လူသစ်တွေပဲ။ မင်းက စစ်ဆေးပွဲမှာ ကြေးနီရောင် ကျောက်စိမ်းပြားတောင် ရခဲ့တာလား "</p> <p>​"မဆိုးဘူး... မဆိုးဘူး။ စည်းကမ်းအရ မင်းက လင်းမိတ်ဆွေနဲ့ အတူပါလာတာဆိုတော့ လင်းကွေ့ကြယ်တာရာနယ်မြေကပဲ ဖြစ်မှာပေါ့။ သေချာ ကြိုးစားကြ၊ နောင်ကျရင် အလားအလာ အများကြီး ရှိပါတယ်"</p> <p>​ထိုသူသည် ပြောရင်းဖြင့် သူ၏ ဝတ်ရုံအင်္ကျီလက်ထဲမှ လက်တစ်ဝါးစာခန့်ရှိသော မသေမျိုးလှေလေးတစ်စင်းကို ထုတ်ယူကာ ဖန့်ချန်အား ကမ်းပေးလိုက်သည်</p> <p>"ဒါက ကျွယ်မင်နန်းတော်ရဲ့ စံနမူနာပြ မသေမျိုးလှေ  ယွမ်လုံ ပဲ။ မသေမျိုးတံဆိပ်  တစ်ခု ပါရှိပြီး ကောင်းကင်အဆင့်နိမ့် ရတနာလို့ သတ်မှတ်လို့ရတယ်။ ဒါပေမဲ့ မင်းတို့ရဲ့ ကျင့်ကြံခြင်းအဆင့်နဲ့ မောင်းနှင်ဖို့ ခက်ခဲတဲ့အတွက် အထဲမှာ ပြုပြင်ပြောင်းလဲမှု အနည်းငယ် လုပ်ထားတယ်။ ပြန်ယူသွားပြီး သန့်စင် ပြီးရင်တော့ အထဲက လျှို့ဝှက်ချက်တွေကို သိလာပါလိမ့်မယ်"</p> <p>​ကောင်းကင်အဆင့်နိမ့် ရတနာ</p> <p>​လူတိုင်း၏ မျက်ဝန်းများ တောက်ပသွားကြသည်။</p> <p>​ကျွယ်မင်နန်းတော်၏ အပြင်စည်းကျင့်ကြံသူ ဖြစ်လာရုံရှိသေးသည်၊ သူတို့ ပေးအပ်သော မသေမျိုးလှေမှာ ကောင်းကင်အဆင့် ရတနာ ဖြစ်နေလေပြီ။</p> <p>သူတို့ကဲ့သို့ တာအိုပေါင်းစပ်ခြင်းအဆင့် ကျင့်ကြံသူများအတွက် ကောင်းကင်အဆင့် ရတနာဆိုသည်မှာ ပုံမှန်အားဖြင့် မော့ကြည့်ရုံသာ တတ်နိုင်သည့် အရာဖြစ်သည်။</p> <p>​ယခုမူ အလွယ်တကူ ရရှိလိုက်ပြီ ဖြစ်သည်။</p> <p> ၎င်းမှာ မသေမျိုးလှေတစ်စင်းသာ ဖြစ်သော်လည်း ကျွယ်မင်နန်းတော်၏ အခြေခံအုတ်မြစ်မှာ မည်မျှ ကြောက်မက်ဖွယ် ကောင်းကြောင်း သိသာလှပေသည်။</p> <p>​"ဖန့်ဂျူနီယာက မသေမျိုးလှေ ထုတ်ပြီးပြီလား "</p> <p>​သူတို့နောက်ကွယ်မှ ရင်းနှီးသော အသံတစ်ခု ထွက်ပေါ်လာရာ လှည့်ကြည့်လိုက်သောအခါ ရွှီချန့် ဖြစ်နေသည်။</p> <p>​ရွှီချန့်က တစ်စုံတစ်ခုကို စဉ်းစားနေဟန်ဖြင့် လူတိုင်းကို တစ်ချက်ပြုံးပြပြီးနောက် ထိုအဆင့် ၂ မသေမျိုး အကြီးအကဲကို ဆိုလိုက်သည်</p> <p>"စီနီယာဝူ... ချုံးရွှီ ရှေ့ပြေးအဖွဲ့က ကျမတို့ ရွှမ်ဝမ် အဖွဲ့ထဲကို ပူးပေါင်းလိုက်ပါပြီ။ ဒါက သူတို့ မူလက သုံးခဲ့တဲ့ ယွမ်လုံနံပါတ်လှေပါ။ ဒီဝေစုကို အသုံးချပြီး ကျမတို့ရဲ့ ကျန့်လုံ နံပါတ်လှေကို ပြုပြင်ထိန်းသိမ်းဖို့နဲ့ အဆင့်မြှင့်ဖို့ လျှောက်ထားချင်ပါတယ်"</p> <p>​ရွှီချန့်သည် လက်တစ်ဝါးစာ မသေမျိုးလှေလေးတစ်စင်းကို ကမ်းပေးလိုက်သည်။</p> <p>​ထိုအခါမှသာ သူမ၏ နောက်ကွယ်တွင် ဘေးဒုက္ခဖြတ်ကျော်ခြင်းအဆင့် ကျင့်ကြံသူ ဆယ်ဂဏန်းခန့် စိတ်ဓာတ်ကျနေသည့် အမူအရာဖြင့် ရပ်နေကြသည်ကို လူတိုင်း မြင်လိုက်ရသည်။</p> <p>​မသေမျိုးလှေကို အသုံးချပြီး ပြုပြင်ထိန်းသိမ်းမှုနဲ့ အဆင့်မြှင့်တင်မှု ပြုလုပ်တာလား</p> <p>​လူတိုင်း၏ စိတ်ထဲတွင် အတွေးတစ်ခု ဝင်လာသည်။</p> <p> ရွှီချန့်က ဖန့်ချန်ကို စတင်ပြီး ကမ်းလှမ်းခဲ့ခြင်းမှာ ဖန့်ချန် ရရှိမည့် မသေမျိုးလှေ ဝေစုအတွက်ကြောင့်လား</p> <p>​ထိုအချက်ကို တွေးမိသည်နှင့် မုံချင့်လင်နှင့် အခြားသူများမှာ ရွှီချန့်အား မသိမသာ မျက်စောင်းထိုးလိုက်ကြတော့သည်။</p> <p> </p> <p> </p> <p style="text-align: center;">***</p>


Save