Book List

<h2 style="text-align: center;">အပိုင်း ၅၇၂</h2> <h2 style="text-align: center;">မပြောပလောက်ဘူး<br /> *</h2> <p> </p> <p>သိုင်းတစ်ထောင်ခန်းမ၏ ဂိတ်တံခါးရှေ့တွင် ပါရမီရှင်များ၏ တိုက်ပွဲမှာ ထပ်မံစတင်ခဲ့၏။ သိုင်းသမားအားလုံးတို့မှာ သမိုင်းတစ်ခုကို ထပ်မံကြုံတွေ့ရတော့မည်ဖြစ်၍ စိတ်လှုပ်ရှားနေကြသည်။<br /> <br /> 'အရင်တုန်းက သွေးနတ်ဆိုးကို အရမ်းရဲတင်းပြီး မောက်မာလွန်းလှပြီလို့ တွေးထားခဲ့တာ... အခုအချိန်အထိ အသက်ရှင်နိုင်ခဲ့ပြီး လူတစ်ယောက်ရဲ့အထက်မှာ သူ့ထက်ပိုကောင်းတဲ့လူ အမြဲတမ်းရှိနေတယ် ဆိုတာကို ကံကောင်းပြီး နားလည်နိုင်ခဲ့တယ်... ရွှီယန်က သွေးနတ်ဆိုးထက်ကို ပိုပြီးတော့ ရူးသွပ်တယ်..'<br /> <br /> အကြီးအကဲတစ်ယောက်က သက်ပြင်းချစွာ ပြော၏။ ရွှီယန်သည် သိုင်းတစ်ထောင်ခန်းမ၏ ဂိတ်တံခါးရှေ့တွင် ပထမဆုံး စိန်ခေါ်ခဲ့သူ ဖြစ်သည်။<br /> <br /> "ဒါက အရမ်း စိတ်လှုပ်ရှားဖို့ ကောင်းလွန်းတယ်.."<br /> ချွေဟွားယွီလည်း နန်းတော်၏ ပြတင်းပေါက်ကိုမှီကာ စိတ်ဝိဉာဉ်ပဲစေ့ လက်တစ်ဆုပ်ကို ကိုင်ရင်းက ပွဲကြည့်နေ၏။<br /> <br /> သူသည် ပဲစေ့များကို တစ်စေ့ပြီးတစ်စေ့ ပါးစပ်အတွင်းသို့ ပစ်ထည့်ကာ ဖြစ်ပေါ်လာတော့မည့် တိုက်ပွဲကို စိတ်အားထက်သန်မှုအပြည့်ဖြင့် ကြည့်ရှု့နေပါသည်။<br /> <br /> တိုက်ခိုက်ခြင်း စင်မြင့်ပေါ်တွင် ရွှီယန်က လေပေါ်သို့ မြင့်တက်သွား၏။ သိုင်းတစ်ထောင်ခန်းမမှ ပါရမီရှင်လည်းတူညီစွာ ဖြစ်သည်။<br /> <br /> ဘာပဲဖြစ်ဖြစ် သူတို့သည် စင်မြင့်ပေါ်တွင် တိုက်ခိုက်ပါက စင်တစ်ခုလုံး လျှပ်တပြက်အတွင်း ပျက်စီးသွားပြီး မည်သည့်ခံနိုင်ရည်မှ ရှိမည်မဟုတ်ပေ။<br /> <br /> သိုင်းတစ်ထောင်ခန်းမ၏ ပါရမီရှင်မှာ စင်မြင့်၏ ပြိုပျက်ခြင်းအတွက် ဂရုစိုက်ခြင်း မရှိပေ။ သို့ပေမယ့် စင်မြင့်မှာ သိုင်းတစ်ထောင်ခန်းမ၏ အဝင်ဝနှင့် နီးကပ်လွန်းရာ တိုက်ပွဲ၏ ရိုက်ခတ်မှုများ ဖြစ်ပေါ်လာနိုင်သည်။ ထို့ကြောင့် ရွှီယန်နှင့်အတူ လေထဲသို့လိုက်ကာ ကောင်းကင်ထက်တွင် တိုက်ပွဲကိုဆင်နွှဲ၏။<br /> <br /> "ရွှီယန်... မင်းကများ သိုင်းတစ်ထောင်ခန်းမလို အဆင့်လွန်ဂိုဏ်းတစ်ခုကို စိန်ခေါ်ရတယ်လို့.. ဘယ်က သတ္တိတွေ ရလာတာလဲ...ဒီနေ့မှာ မင်း သေချာပေါက် သေရမယ်.."<br /> <br /> ထိုပါရမီရှင်၏ အရှိန်အဝါက မြင့်တက်လာပြီး ဆေဘာဓားမှာ လင်းလက်လာခဲ့သည်။ သူ၏ခွန်အားသည် ပြီးခဲ့တုန်းက ပါရမီရှင်၅ယောက်တို့ထက် များစွာ ပိုမိုသာလွန်၏။<br /> <br /> "ဒါက ဂိုဏ်း၇ဂိုဏ်းထဲက တစ်ဂိုဏ်းဖြစ်တဲ့ ဆေဘာတစ်ရာဂိုဏ်းက ပါရမီရှင်တစ်ယောက်မလား.."<br /> <br /> "ဟုတ်တယ်.. သူပဲ... သူ့ရဲ့ခွန်အားကို ဒီလောက်အထိ ကြီးမားလာမယ်လို့ ထင်မထားခဲ့ဘူး.."<br /> <br /> လူအုပ်အတွင်းရှိ သိုင်းသမားများစွာတို့သည် တိုက်ပွဲအတွင်းရှိ ပါရမီရှင်ကို မှတ်မိလိုက်ကြ၏။ ဤသည်မှာ ဆေဘာတစ်ရာဂိုဏ်းမှ ဖြစ်သည်။ သူသည် သိုင်းတစ်ထောင်ဒေသတွင် နာမည်ကျော်ကြား၏။<br /> <br /> ဆေဘာတစ်ရာဂိုဏ်းမှ ဂိုဏ်းချုပ်နှင့် အကြီးအကဲများသည် သူတို့၏ပါရမီရှင်အား စိတ်အားထက်သန်စွာ ကြည့်ရှု့နေကြသည်။ ရွှီယန်ကိုသာ သတ်ဖြတ်နိုင်ပါက သူတို့ဂိုဏ်း၏ ဂုဏ်သတင်းမှာ ကြီးစွာ တိုးတက်လာမှာဖြစ်၏။<br /> <br /> နိုင်ငံ၃နိုင်ငံ၊ ဂိုဏ်း၇ဂိုဏ်းနှင့် မိသားစုကြီး၈ခုတို့တွင် သိုင်းတစ်ထောင်ခန်းမသို့ ဝင်ရောက်သွားခဲ့သည့် ပါရမီရှင်များ ရှိကြသည်။ သူတို့သည် လဝက်ကြာအောင် စွမ်းအားကို မြှင့်တင်ပြီး လျှို့ဝှက်အတတ်များကို ကျင့်ကြံခဲ့ကြ၏။ ထို့ကြောင့် တိုတောင်းလှသော အချိန်အတွင်းတွင် သူတို့၏ခွန်အားသည် ယခုမျှ ကြီးမားစွာ တိုးတက်လာခဲ့လေသည်။<br /> <br /> အဆင့်လွန် စိတ်ဝိဉာဉ်ဂိုဏ်းများ၏ နက်ရှိုင်းမှုနှင့် နည်းလမ်းများသည် အမှန်တကယ်ကို စိတ်ကူးကြည့်ရန်ပင် ခက်ခဲလှ၏။ လင်းနယ်မြေကို မရေမတွက်နိုင်သည့် ခေတ်များစွာ အုပ်စိုးလာခဲ့သည့် အဆင့်လွန် စိတ်ဝိဉာဉ်ဂိုဏ်းများမှာ အမှန်တကယ်ကို အထင်ကြီးစရာကောင်းလှသည်။<br /> <br /> ရွှီယန်သည် ထူးမခြားနားစွာ ရှိ၏။ တစ်ဖက်လူ၏ ခွန်အားသည် များစွာ ပိုမိုသန်မာလာခဲ့ပေမယ့် သူသည် ဒီဗိုင်းဆန္ဒအဆင့်၌ မဟုတ်တော့ပေ။ မူလဒီဗိုင်းအဆင့်သို့ ချိုးဖျက်ပြီး ဖြစ်၏။<br /> <br /> မကြာသေးခင်ကမှ အဆင့်တက်ခဲ့ခြင်း ဖြစ်လျှင်တောင် စုစုပေါင်းခွန်အားသည် လွန်ခဲ့သည့်လဝက်က အခြေအနေနှင့် နှိုင်းယှဉ်နိုင်သည့်အရာ မဟုတ်တော့ပေ။<br /> <br /> သူသည် လက်ညှိုးနှင့် လက်ခလယ်တို့ကို ထောင်ကာ ကောင်းကင်သို့ ချိန်ရွယ်ပြီးနောက် ၎င်းတို့သည် ဒီဗိုင်းစွမ်းအင်ဖြင့် ဓားရှည်တစ်ချောင်းအဖြစ်သို့ ပြောင်းလဲလာခဲ့၏။<br /> <br /> "မောက်မာတဲ့ကောင်.."<br /> ဆေဘာတစ်ရာဂိုဏ်းမှ ပါရမီရှင်မှာ ဒေါသတကြီး ဖြစ်သွားသည်။ ရွှီယန်သည် သူ့ကို အလွန်စော်ကားလွန်းလှ၏။ ဓားကိုပင် ထုတ်ခြင်းမပြုခဲ့ပေ။<br /> <br /> သူသည် မာန်ဖီပြီးနောက် ဆေဘာဖြင့် ခုတ်ပိုင်းချလိုက်သည်။ တစ်ဖက်လူ၏ စော်ကားမှုနှင့် မောက်မာမူအတွက် ဒေါသထွက်မိပေမယ့် တိုက်ခိုက်သည့် အရာတွင် အသန်မာဆုံးတိုက်ခိုက်မှုကို အသုံးပြုခဲ့၏။<br /> <br /> မုန်တိုင်းထန်သည့် ဆေဘာအလင်းသည် ပြင်းထန်စွာ ထွက်ပေါ်လာခဲ့၏။ ဤသည်မှာ ဆေဘာတစ်ရာဂိုဏ်း၏ အစွမ်းထက်ဆုံး သိုင်းပညာဖြစ်ကာ သိုင်းတစ်ထောင်ခန်းမမှ သက်ဆင်းလာသည့် စွမ်းအားကြီး ဆေဘာဓားသိုင်းတစ်ခုလည်း ဖြစ်သည်။ ဓားချက်တစ်ရာဆေဘာဟု ခေါ်၏။ ဓားချက်တစ်ခုတည်းတွင် ဓားချက်အခုတစ်ရာတို့ ထပ်ဆင့်ထားလေသည်။<br /> <br /> "မပြောပလောက်တဲ့ စကေးလေးနဲ့..."<br /> ရွှီယန်က အေးစက်စွာရယ်သည်။ သူသည် လက်နှစ်ချောင်းကို ချိန်ရွယ်လိုက်ချိန်၌ ဒီဗိုင်းစွမ်းအင်ဖြင့် ဖွဲ့စည်းထားသည့် ဓားရှည်ကြီးက ထိုးစိုက်သွားသည်။ ကြည့်ရသည်မှာ သာမန်ဆန်ကာ အထင်ကြီးစရာမရှိဘဲ လက်လှုပ်လိုက်ရုံဖြစ်ပေမယ့် ဓားစွမ်းအင်မှာတော့ ဆေဘာတစ်ရာ ဂိုဏ်း၏ ပါရမီရှင်၏ တိုက်ခိုက်မှုကို လျှပ်တပြက်အတွင်း ပြိုလဲသွားစေခဲ့သည်။<br /> <br /> "ဘုန်း.."<br /> ဆေဘာအလင်းမှာ ပေါက်ကွဲထွက်ကာ ပျောက်ကွယ်သွားခဲ့၏။ တစ်ဖက်လူသည် နောက်သို့ ဆုတ်ခွာသွားရကာ မျက်နှာမှာ မယုံကြည်နိုင်မှုတို့ဖြင့် ပြည့်နက်နေပါသည်။<br /> <br /> ရွှီယန်က လက်ကိုမြှောက်ကာ ဖမ်းဆုပ်လိုက်ချိန်၌ ဒီဗိုင်းစွမ်းအင်ဖြင့် ဖွဲ့စည်းထားသည့် ဓားရှည်တစ်ချောင်းသည် လက်ဝါးအတွင်းသို့ ရောက်ရှိလာခဲ့သည်။<br /> <br /> ဓားဆန္ဒက တိတ်တဆိတ် ပျံ့နှံ့သွားကာ ပတ်ဝန်းကျင်ကို ထိုးဖောက်သွားပြီး အရာအားလုံးနှင့် ပေါင်းစပ်၏။ ဆေဘာတစ်ရာဂိုဏ်းရှိ ပါရမီရှင်မှာ ၎င်းကို သတိထားမိခြင်း  လုံးဝမရှိပေ။<br /> <br /> "ကြည့်ရတာ ရွှီယန်က ပိုပြီးတော့ စွမ်းအားကြီးလာတာပဲ.."<br /> <br /> "သူ ဒီလဝက်ကို အချိန်ဆွဲလိုက်တာ ခွန်အားကို သွားပြီး မြှင့်တင်ဖို့များလား.."<br /> <br /> ကြည့်ရှု့နေကြသည့် သိုင်းသမားများ အကြားတွင် ပြီးခဲ့တုန်းက တိုက်ပွဲကို ကြုံတွေ့ခဲ့သည့် လူများမှာ အံ့သြမှုတို့ဖြင့် ပြည့်နက်လာခဲ့သည်။ ဒီလဝက်အတွင်းတွင် ရွှီယန်သည် အလွန်သန်မာလာခဲ့၏။<br /> <br /> "မင်းတို့တွေ သတိထားမိလား... ရွှီယန်ရဲ့ သိုင်းပညာမှာ ခြားနားချက်အချို့ ရှိနေတယ်... သူ့ရဲ့သိုင်းပညာ စွမ်းအားက တကယ့်ကိုမူမမှန်ဘူး.."<br /> <br /> "ငါလည်းသတိထားမိတယ်... ကြည့်ရတာ ငါနားလည်ထားတဲ့ သိုင်းပညာစွမ်းအားနဲ့ အများကြီး ကွာခြားတယ်။ ပိုပြီးတော့ မြင့်မြတ်နေသလိုပဲ.."<br /> <br /> "ရွှီယန်ရဲ့ သိုင်းအဆင့်ကို မင်းတို့သိကြလား... ကြည့်ရတာ စိတ်ဝိဉာဉ်သန့်စင်ခြင်းအဆင့် ကောင်းကင်လူသားနဲ့မတူဘူး.."<br /> <br /> သိုင်းသမားများစွာမှာ ပဟေဠိဖြစ်သွားကြ၏။ ရွှီယန်၏ သိုင်းပညာသည် သူတို့၏ ဗဟုသုတများထက် ကျော်လွန်နေပါသည်။ စိတ်ဝိဉာဉ်နယ်မြေ၏ သိုင်းပညာစံနှုန်းနှင့် မတူညီဟန်ရ၏။<br /> <br /> "ရွှီယန် ဒီလောက်အထိ စွမ်းအားကြီးနေတာ အံ့သြစရာမရှိဘူး... သူကျင့်ကြံတဲ့ သိုင်းပညာကလည်း တကယ့်ကိုထူးကဲတာပဲ... ကြည့်ရတာ အဲ့ဒါက သူ့ရဲ့ယုံကြည်ချက် အရင်းအမြစ်လည်း ဖြစ်လိမ့်မယ်.."<br /> <br /> "ဟုတ်တယ်... သူကျင့်ကြံတဲ့ သိုင်းပညာရဲ့အဆင့်က အရမ်းကို ထိပ်တန်းကျနေမှာ။ အဲ့ဒါကြောင့် မို့လို့သာ အဆင့်လွန်စိတ်ဝိဉာဉ်ဂိုဏ်းရဲ့ ပါရမီရှင်တွေကို လာပြီးစိန်ခေါ်ရဲတာ.."<br /> <br /> သိုင်းသမားအချို့မှာ အများကြီး စဉ်းစားမနေပါ။ ရွှီယန်၏ သိုင်းပညာကျင့်စဉ်သည် အလွန် နက်ရှိုင်းလွန်းခြင်း ဖြစ်မည်ဟုသာ တွေးကြ၏။<br /> <br /> "အတိတ်တုန်းက အဆုံးမဲ့ကြယ်တာရာ အကယ်ဒမီက သိုင်းပညာတွေကို သုတေသနပြုဖို့အတွက် အဓိကထားလုပ်ဆောင်ခဲ့ကြတယ်... ပြီးတော့ အထူးသီးသန့် သိုင်းပညာကျင့်စဉ် တစ်ခုကိုလည်း ဖန်တီးနိုင်ခဲ့တယ်လို့တောင် ပြောကြတယ်။ ရွှီယန်က‌ရော သူတို့ရဲ့သိုင်းပညာသဘောတရားတွေကို ကျင့်ကြံထားတာများလား.."<br /> <br /> "ဒီဖြစ်နိုင်ခြေက မဖြစ်နိုင်တာ မဟုတ်ဘူး.."<br /> ပြီးခဲ့တုန်းက အဆုံးမဲ့ ကြယ်တာရာအကယ်ဒမီ၏ ခေတ်အခါကို မှီခဲ့ကြသည့် သိုင်းသမားအချို့တို့မှာ အံ့ဩစွာဖြင့် ခေါင်းငြိမ့်ကြသည်။<br /> <br /> ဂိတ်တံခါးရှိ သိုင်းတစ်ထောင်ခန်းမ အရှင်သခင်နှင့် အခြားလူများမှာ ညှို့မှိုင်းစွာ ရှိလာကြ၏။<br /> <br /> "ရွှီယန်က ပိုပြီးတော့တောင်မှ သန်မာလာတယ်... ပြီးတော့ သူကျင့်ကြံတဲ့ သိုင်းပညာက..."<br /> <br /> သူတို့၏ အသိအမြင်နှင့်ပင် ရွှီယန်၏ သိုင်းပညာမှာ သာမန်မဟုတ်ကြောင်းကိုသာ တွေ့မြင်နိုင်ပါသည်။ ထို့အပြင် သူတို့သည် ရွှီယန်၏ ခွန်အားအဆင့်ကိုပင် တိကျစွာ ဆုံးဖြတ်နိုင်ခြင်း မရှိကြပေ။<br /> <br /> သူသည် စိတ်ဝိဉာဉ်သန့်စင်ခြင်းအဆင့် ကောင်းကင်လူသားတစ်ယောက် ဖြစ်လာပြီးပြီလား။<br /> <br /> ထို့အပြင် သိုင်းတစ်ထောင်ခန်းမရှိ စွမ်းအားကြီး ပုဂ္ဂိုလ်များသည် ပြီးခဲ့တုန်းက အဆုံးမဲ့ကြယ်တာရာ အကယ်ဒမီရှိ ဝူထန်းနန်နှင့် အခြားလူများသည် သုတေသနပြုလုပ်ကာ ထူးကဲသည့် သိုင်းကျင့်စဉ်တစ်ခုကို ဖန်တီးခဲ့ခြင်း ဖြစ်မည်ဟုလည်း ယုံကြည်ကြ၏။<br /> <br /> "မင်းက စွမ်းအားကြီးပါတယ်... ဒါပေမယ့် ဒီလောက်အထိပဲ.."<br /> <br /> ဆေဘာတစ်ရာဂိုဏ်းရှိ ပါရမီရှင်၏မျက်နှာက အေးစက်ကာ ခက်ထန်လာခဲ့သည်။ ရွှီယန်၏ ဓားချက်တစ်ချက်က သူ၏ တိုက်ခိုက်မှုတို့ကို ပျက်စီးသွားစေခဲ့၏။ထို့ကြောင့် မည်မျှပင် တိုက်ခိုက်စေကာမူ တစ်ဖက်လူ၏ ပြိုင်ဖက်မဟုတ်သည်ကို နားလည်လိုက်သည်။<br /> <br /> သူ့အနေနှင့် လုပ်ဆောင်နိုင်သည်မှာ အသက်ဓာတ်လောင်ကျွမ်းခြင်း သတ်ဖြတ်ခြင်းအကွက်ကို အသုံးပြုရန်သာ ရှိ၏။ သို့ရာတွင် ၎င်းကို အသုံးပြုလိုက်သည်နှင့် သူသည် သေချာပေါက် သေဆုံးရမှာ ဖြစ်သည်။ အချိန်အကြာကြီး အသက်ရှင်နိုင်မည် မဟုတ်တော့ပေ။</p> <p> </p> <p> </p> <p>***</p> <p> </p>


Save