Book List

<h2 style="text-align: center;">အပိုင်း ၅၇၃</h2> <h2 style="text-align: center;">မပြောပလောက်ဘူး(၂)<br /> *</h2> <p> </p> <p>ဒီအချိန်၌ မည်သည့် ရွေးချယ်စရာမှ မကျန်တော့ပေ။ စတေးမှုပြုရန်သာ ရှိ၏။<br /> <br /> "ဘုန်း.."<br /> ဆေဘာတစ်ရာဂိုဏ်းမှ ပါရမီရှင်က ထပ်မံ တိုက်ခိုက်မှု ပြုလိုက်ပြန်၏။ ယခုအချိန်၌ သူ၏ ဆေဘာဓားချက်သည် ပိုမို ကြမ်းကြုတ်လာခဲ့သည်။<br /> <br /> ဓားချက် တစ်ချက်ချင်းစီတိုင်းသည် တစ်ခုတည်းအဖြစ် ပေါင်းစပ်သွားပြီး ဓားချက်တစ်ရာတိုင်းသည် ခုတ်ပိုင်းမှုတစ်ခုအဖြစ် ပြောင်းလဲသွားသည်။ ဤသည်မှာ သံသယဝင်စရာ မကောင်းလောက်အောင် စွမ်းအားအကြီးဆုံး သတ်ဖြတ်ခြင်းဓားချက် ဖြစ်၏။<br /> <br /> "ဒါဆို... ဒါက ဆေဘာတစ်ရာဂိုဏ်းရဲ့ အထူး သိုင်းပညာပေါ့.."<br /> <br /> "ဘယ်လောက် စွမ်းအားကြီးလိုက်လဲ.."<br /> <br /> လူအုပ်မှာ အံ့သြနေကြ၏။ စင်မြင့်၏ အထက်တွင် အုပ်ဆိုင်းနေသည့် ဓားအလင်းလွှာများသည် မျက်စိတစ်မှိတ်အတွင်း၌ ဓားချက်တစ်ခုတည်းအဖြစ် ဖွဲ့စည်းလာခဲ့ပြီး ကောင်းကင်မှ သက်ဆင်းလာခဲ့၏။ ပတ်ဝန်းကျင်ကို ထိန်လင်းသွားစေသည်။<br /> <br /> ဤသည်မှာ ဓားချက်တစ်ချက်တည်းဖြစ်ပေမယ့် ကောင်းကင်နှင့်ကမ္ဘာမြေကြီးအား နှစ်ပိုင်းဖြတ်ပိုင်းတော့မည့်နှယ် ရှိသည်။<br /> <br /> "သူက အသက်ကိုစတေးခြင်း သတ်ဖြတ်ခြင်း သိုင်းကွက်ကို အသုံးပြုနေတာပဲ.."<br /> <br /> သိုင်းတစ်ထောင်အရှင်သခင်နှင့် အခြားလူများ အားလုံးမှာ လေးနက်သွားကြသည်။ ထိုအသက်ကို စတေးသည့် အတတ်ဖြင့် ဆိုပါက ရွှီယန်ကို သတ်ဖြတ်နိုင်လောက်လေမလား... သို့မဟုတ် ဒဏ်ရာအပြင်းအထန် ရရှိစေလောက်လေမလား။<br /> <br /> ရွှီယန်မှာလည်း ဓားချက်တစ်ချက်ကို ခုတ်ပိုင်းလိုက်သည်။ တောင်နှင့်မြစ်၏ ပုံရိပ်များက ပေါ်လာခဲ့၏။ ထိုမြေမျက်နှာသွင်ပြင် အတွင်းတွင် အလွှာပေါင်းများစွာထပ်နေသည့် ဓားအလင်းသည် ပြေပျောက်သွားသည့်ဟန်ရသည်။<br /> <br /> ပြီးနောက် အသာတကြည် ခုတ်ပိုင်းသည့် ဓားချက်တစ်ချက်က အဆုံးမသတ်နိုင်သည့် သတ်ဖြတ်မှုဆန္ဒများ ကြီးထွားလာခဲ့၏။<br /> <br /> "အချိန်ကျပြီ.."<br /> ဆေဘာတစ်ရာဂိုဏ်းမှ ပါရမီရှင်မှာ တောင့်တင်းသွားခဲ့သည်။ သူ၏ခန္ဓာကိုယ်မှ သွေးရောင်အလင်းတို့ ရုတ်တရက် ထွက်ပေါ်လာခဲ့၏။ ကြောက်စရာကောင်းသည့် သတ်ဖြတ်ခြင်းဆန္ဒက ရုတ်တရက် သက်ဆင်းလာခဲ့သည်။<br /> <br /> "ဝူ့စ်.."<br /> သွေးရောင် ဆေဘာအလင်းသည် အကွာအဝေးနှင့် အတားအဆီးများကို ဖြတ်ကျော်ကာ လျှပ်တပြက်အတွင်း ရွှီယန်၏ရှေ့တွင် ပေါ်လာခဲ့သည်။<br /> <br /> ထိုကြောက်စရာကောင်းလှသည့် သတ်ဖြတ်ခြင်းစိတ်ဆန္ဒသည် အကြွင်းမဲ့သော တားမြစ်ခြင်း အသိတစ်ခုကို သယ်ဆောင်ထား၏။<br /> <br /> သို့ရာတွင် ထိုဓားချက်ကို ခုတ်ပိုင်းပြီးသည်နှင့် ဆေဘာတစ်ရာဂိုဏ်းမှ ပါရမီရှင်သည် ဒီဗိုင်းဝိဉာဉ်အား ဆုံးရှုံးသွားရသည့်နှယ် ရှိသည်။ သူ၏အသက်ဓာတ်မှာ  ခြောက်ခန်းလုမတတ် ဖြစ်သွားပြီး ရုပ်ပိုင်းဆိုင်ရာခန္ဓာကိုယ်မှာ မျက်စိဖြင့် တွေ့မြင်နိုင်သည့်အမြန်နှုန်းဖြင့် ညှိုးနွမ်းလာခဲ့သည်။<br /> <br /> သို့ပေမယ့် နောက်ဆုံးအချိန်၌ ပြုံး၏။ ရွှီယန်သည် ဒီတိုက်ခိုက်မှုကို ဘယ်လိုလုပ်ပြီး ခုခံနိုင်မည်လဲ။<br /> <br /> သတ်ဖြတ်ခြင်းဓားကွက်ကို ထုတ်ဖော်လိုက်သည်နှင့် ရှိနေကြသည့် သိုင်းသမားအားလုံးတို့မှာ မှင်သက်သွားကြသည်။ ဤသည်မှာ မည်မျှ ကြောက်စရာကောင်းသည့်  လျှို့ဝှက်အတတ်တစ်ခု ဖြစ်သနည်း။<br /> <br /> ထန်းကျီ၏မျက်နှာက မဲမှောင်သွားပြီး ပုဆိန်က သူ၏လက်ထဲသို့ ရုတ်တရက် ကျရောက်လာခဲ့သည်။<br /> သို့ရာတွင် သူ့အနေနှင့် ကူညီချင်လျှင်တောင် အလွန်နောက်ကျနေပြီး ဖြစ်၏။ ထိုတိုက်ခိုက်မှုသည် အလွန်မြန်ဆန်ကာ အလွန် စွမ်းအားကြီးမားလှသည်။<br /> <br /> ဆေဘာတစ်ရာဂိုဏ်းမှ ပါရမီရှင်ကို ယခုမျှ ကြောက်စရာကောင်းသည့် ဓားချက်မျိုး ထုတ်ဖော်လာမည်ဟု မည်သူမှ ထင်မထားခဲ့ပေ။ ဤသည်မှာ သူ၏ ခွန်အားအဆင့်နှင့် စွမ်းဆောင်နိုင်သည်ထက် ကျော်လွန်နေသည့် တိုက်ခိုက်မှု ဖြစ်၏။<br /> <br /> "ယုတ်မာလိုက်တာ.."<br /> ထန်းကျီမှာ အံ့သြမှုနှင့် ဒေါသထွက်မှုတို့ဖြင့် ပြည့်နှက်နေပါသည်။ ထိုကဲ့သို့သော လျှို့ဝှက်အတတ်မျိုးကို သိုင်းတစ်ထောင်ခန်းမက စွမ်းအားအကြီးမားဆုံး ပုဂ္ဂိုလ်များ၏ အကူအညီဖြင့်သာ ကျင့်ကြံနိုင်ပေလိမ့်မည်။<br /> <br /> ဤသည်မှာ အဆင့်လွန် စိတ်ဝိဉာဉ်ဂိုဏ်းများ၏ စစ်မှန်သည့် နက်ရှိုင်းမှုနှင့် နည်းလမ်းများလေလား။ အရှက်မဲ့ပေမယ့် ပါရမီရှင်များအကြား စည်းမျဉ်းများအတွင်းတွင်ပါဝင်ပြီး ပြိုင်ပွဲအတွင်းတွင် ကိုယ့်ကိုယ်ကိုယ် သေဆုံးစေသည့် တိုက်ကွက်မျိုးအား မထုတ်ဖော်ရဟု ကန့်သတ်မထားပေ။<br /> <br /> ကျင့်ကြံမှုတွင် စွမ်းအားကြီးပုဂ္ဂိုလ်များ၏ ကူညီမှုမှာတော့ သိုင်းတစ်ထောင်ခန်းမအနေနှင့် ဝန်ခံမှုပြုမည်မဟုတ်ပေ။<br /> <br /> ထို့အပြင် စည်းမျဉ်းများအတွင်း၌ ထိုကဲ့သို့ မလုပ်ဆောင်ရဟု ကန့်သတ်ချက်လည်း မရှိပါ။ ပါရမီရှင်များ၏ တိုက်ပွဲအတွက် စည်းမျဉ်းများကို ရေးဆွဲရာတွင် မည်သူမှ ထိုကဲ့သို့သော နည်းလမ်းမျိုးကို စိတ်ကူးခြင်း မရှိခဲ့ကြပေ။<br /> <br /> မည်သူမှ ဆေဘာတစ်ရာဂိုဏ်းရှိ ပါရမီရှင်ကို ယခုမျှကြောက်စရာကောင်းသည့် သတ်ဖြတ်ခြင်းစိတ်ဆန္ဒတစ်ခုအား ထုတ်ဖော်လာမည်ဟု ထင်မထားခဲ့ပေ။ ရွှီယန်လည်း အပါအဝင် ဖြစ်၏။ ထို့ကြောင့် သူသည် တစ်ဖက်လူ၏ ခွန်အားမှာ ထိုမျှသာဖြစ်သည်ဟု တွေးမိလိုက်သည်။<br /> <br /> ဓားတစ်ချက်တည်းနှင့် ရန်သူကို သတ်ဖြတ်ရန် ပြုတော့မည့်အချိန်၌ ရုတ်တရက် သတ်ဖြတ်ခြင်းဆန္ဒတစ်ခု သက်ဆင်းလာခဲ့၏။<br /> <br /> သွေးရောင်ဆေဘာသည် အလွန်တောက်ပစွာဖြင့် တားမြစ်ခြင်း အသိတစ်ခုကို သယ်ဆောင်ထားသည်။ ဤသည်မှာ ဒီဗိုင်းဝိဉာဉ်နှင့် အသက်ဓာတ်စွမ်းအင်တို့ကို လောင်ကျွမ်းစေခြင်းဖြင့် ထုတ်လုပ်လိုက်သည့် ဓားချက်ဖြစ်၏။<br /> <br /> မျက်စိတစ်မှိတ် အတွင်းတွင် အရာအားလုံးတို့သည် တိုက်ခိုက်မှု၏ ဝါးမျိုမှုအား ခံလိုက်ရသည်။ ထိုကဲ့သို့သော လျှို့ဝှက်အတတ်မျိုးသည် ဆေဘာတစ်ရာဂိုဏ်းမှ ပါရမီရှင်တစ်ယောက်တည်း ကျင့်ကြံနိုင်သည့်အရာ မဟုတ်ပေ။<br /> <br /> ကျင့်ကြံခဲ့လျှင်တောင် လျှပ်တပြက်အတွင်း ဒီဗိုင်းဝိဉာဉ်နှင့် အသက်ဓာတ်တို့ကို လောင်ကျွမ်းစေကာ ဓားတစ်ချက်တည်း၌ ထည့်ပေါင်းနိုင်မည် မဟုတ်ပေ။<br /> <br /> သူ၏ ခွန်အားအဆင့်နှင့် နားလည်မှုအရ ပြုလုပ်နိုင်စွမ်းမရှိပါ။ ထို့အပြင် လူတစ်ယောက်၏ ဒီဗိုင်းဝိဉာဉ်နှင့် အသက်ဓာတ်တို့ကို လောင်ကျွမ်းစေရာတွင် လိုအပ်ချက်အချို့ ရှိနေ၏။<br /> <br /> သံသယဝင်စရာ မကောင်းလောက်အောင် အသန်မာဆုံးပုဂ္ဂိုလ်တစ်ယောက်က သူ့ကို ကူညီပြီး ကျင့်ကြံစေခဲ့တာ ဖြစ်ပေလိမ့်မည်။ ထိုအခါမှသာ ကြိုတင်ပြင်ဆင်ထားမှုဖြင့် လျှပ်တပြက်အတွင်း ဓားချက်ကို ထုတ်ဖော်နိုင်မည် ဖြစ်၏။<br /> <br /> အသက်ဓာတ်လောင်ကျွမ်းခြင်း သတ်ဖြတ်ခြင်းဓားကွက်က ရုတ်တရက်ရောက်လာခဲ့ရာ မျက်စိတစ်မှိတ်အတွင်း အန္တရာယ်အတွင်းသို့ ကျရောက်သွားသည်ဟု ဆိုနိုင်ပါသည်။<br /> <br /> သို့ပေမယ့် ရွှီယန်သည် ဒီဗိုင်းဆန္ဒအဆင့် သိုင်းသမားတစ်ယောက် မဟုတ်တော့ပေ။ မူလဒီဗိုင်းအဆင့်သို့ ချိုးဖျက်သွားပြီး ဖြစ်၏။<br /> <br /> သူ၏ သိုင်းပညာအတွေ့အကြုံတို့မှာလည်း ကြွယ်ဝနေပြီး ဖြစ်သည်။ အန္တရာယ်ကို ကိုင်တွယ်နိုင်သည့် အရည်အချင်းမှာ နိမ့်ကျခြင်း မရှိပါ။<br /> <br /> ထိုကဲ့သို့သော ရုတ်တရက်ဆန်လှသည့် အန္တရာယ်မျိုးကို ပထမဆုံးအကြိမ် ကြုံတွေ့ရခြင်း ဖြစ်လျှင်တောင် ကြောက်ရွံ့သွားခြင်း သို့မဟုတ် ပုံပျက်သွားခြင်းတို့ မရှိပေ။<br /> <br /> "ဝူ့စ်.."<br /> လျှပ်တပြက်အတွင်း ရွှီယန်သည် နေရာမှ ပျောက်ကွယ်သွား၏။ ခြားနားသည့် နေရာတစ်ခုစီသို့ ရွေ့လျားသွားသည်။<br /> <br /> "တယ်လီပို့ခြင်း..."<br /> သို့ရာတွင် သူ၏မျက်နှာက အနည်းငယ် ပြောင်းလဲသွား၏။ သူ၏ ရှောင်ရှားမှုကြောင့် သွေးနီရောင်ဆေဘာအလင်းသည် အခြားနေရာသို့ ထိမှန်သွားခြင်း မရှိပါ။ အဲ့ဒီ့အစား သူ့ဆီသို့ ထပ်မံ တိုးဝင်လာခဲ့၏။<br /> <br /> "ဟန့်.."<br /> ရွှီယန်က နှာခေါင်းရှုံ့သည်။ သွေးနီရောင်ဆေဘာအလင်းသည် သူ့ကိုပစ်မှတ်ထားကာ ဒီဗိုင်းဝိဉာဉ်အား လောင်ကျွမ်းစေခဲ့သည့် တိုက်ခိုက်မှုဖြစ်၏။ ထို့ကြောင့် တိမ်းရှောင်လိုပါက အသုံးမဝင်ပေ။ ခွန်အားဖြင့် အနိုင်ယူခြင်းကသာလျှင် ထိုတိုက်ခိုက်မှုကို ဖယ်ရှားနိုင်၏။<br /> <br /> "ဝူ့စ်.."<br /> သွေးနီရောင်အလင်းသည် လျှပ်တပြက်အတွင်း အလွန်နီးကပ်လာခဲ့၏။ ရွှီယန်မှာ ရှောင်ထွက်သွားခြင်း မရှိပါ။ သူ၏ လက်နှစ်ချောင်းကို ရှေ့သို့ ညွှန်လိုက်၏။<br /> <br /> ဒီဗိုင်းစွမ်းအင်ကို လှည့်လည်လိုက်ချိန်၌ ဆေဘာအလင်းက ကောင်းကင်နှင့်ကမ္ဘာမြေကြီးကို လင်းလက်သွားစေသည်။ ကျယ်ပြောလှသည့် မှန်ကန်ခြင်း အသိတစ်ခုအား သယ်ဆောင်ထား၏။<br /> <br /> "ရွှင်.."<br /> သိုင်းသမားအားလုံးတို့သည် သူတို့၏နားထဲ၌ ဓားညည်းသံတစ်ခုကို ကြားလိုက်ရသည်။ ပြီးနောက် ရွှီယန်ကသူ၏ဓားချက်အား ထုတ်လိုက်၏။<br /> <br /> ထိုဓားသည် လေထဲ၌ လျှပ်စီးမိုးကြိုးတစ်ခုအား ပေါ်လာစေသည့်ဟန် ရသည်။ ကောင်းကင်၏ အပြစ်ပေးသကဲ့သို့ ရှိနေ၏။<br /> <br /> "မိုးကြိုးဓားချက်..."<br /> <br /> "ဘုန်း.."<br /> <br /> မိုးကြိုးဓားချက်သည် နတ်ဘုရား၏ အပြစ်ပေးမှုသဖွယ် ထွက်ပေါ်လာပြီး သွေးနီရောင် ဆေဘာအလင်းနှင့် ထိပ်တိုက်တွေ့ဆုံ၏။ ကျယ်လောင်သောအသံတစ်ခုနှင့်အတူ ပတ်ဝန်းကျင်အား ဆူညံသွားစေသည်။<br /> <br /> လေထဲတွင် မိုးကြိုးနှင့် သွေးနီရောင်အလင်းတို့ ပေါက်ကွဲထွက်လာပြီး သွေးနီရောင် မီးတောက်တစ်ခုသဖွယ် ပျံ့နှံ့သွားသည်။ ၎င်းတို့က ဝါးမြိုသွားသည့် အရာအားလုံးတို့သည် ဗလာနတ္ထိအဖြစ် ပျောက်ကွယ်သွားခဲ့၏။<br /> <br /> "အုန်း.."<br /> တိုက်ပွဲ၏ အားလှိုင်းတို့က လွင့်စင်သွားပြီး အသက်ဓာတ်လောင်ကျွမ်းခြင်း သတ်ဖြတ်ခြင်းဆန္ဒကို အသုံးပြုခဲ့သည့် ဆေဘာတစ်ရာဂိုဏ်းမှ ပါရမီရှင်သည် ရုပ်ပိုင်းဆိုင်ရာခန္ဓာမှာ သုတ်သင်ခြင်းခံလိုက်ရပြီး ပြာအဖြစ်ပြောင်းလဲသွားခဲ့သည်။<br /> <br /> အားလုံးတို့သည် တိတ်ဆိတ်သွားခဲ့၏။ ထိုကဲ့သို့သော ကြောက်စရာကောင်းသည့် ဓားချက်သည် ရွှီယန်အား ဒဏ်ရာအပြင်းအထန် ရစေခြင်းပင် မရှိခဲ့ပေ။<br /> အဲ့ဒီ့အစား အလွယ်တကူ ကာကွယ်လိုက်နိုင်၏။<br /> <br /> ဒီအချိန်၌ ရွှီယန်သည် လက်ထဲတွင် ဓားကိုကိုင်ထားပြီး ထက်မြသည့် အကြည့်ဖြင့် သိုင်းတစ်ထောင်ခန်းမ၏ ဂိတ်တံခါးဆီသို့ ကြည့်လိုက်သည်။ ပြောကြသည်မှာ သိုင်းတစ်ထောင်ခန်းမရှိ လူများသည် အရှက်အမဲ့ဆုံးဖြစ်၏။ ဒီတစ်ကြိမ်တွင် ထိုစကားအား နက်ရှိုင်းစွာ သက်သေပြခဲ့လေသည်။<br /> <br /> "ဒီလောက် နိမ့်ကျတဲ့လှည့်ကွက်... မင်းတို့တွေ အသက်ဓာတ်ကိုလောင်ကျွမ်းပြီး ဒီဗိုင်းဝိဉာဉ်ကို ပျက်စီးစေလည်း ဒီလောက်ထက်ပိုပြီး ဘားမှမဟုတ်ပါဘူး.."<br /> <br /> ရွှီယန်၏ လှောင်ပြောင်သည့်အသံက ပဲ့တင်ထပ်လာ၏။ သိုင်းတစ်ထောင်အရှင်သခင်နှင့် အကြီးအကဲ အားလုံးတို့မှာ ညှို့မှိုင်းသွားကြသည်။<br /> <br /> ဆေဘာတစ်ရာဂိုဏ်းရှိ ပါရမီရှင်သည် ရုတ်တရက်သူ၏ သတ်ဖြတ်ခြင်းဆန္ဒကို အသုံးပြုခဲ့ပေမယ့် ရွှီယန်ကို မသတ်နိုင်ရုံမက ဒဏ်ရာရရှိခြင်းကိုပင် မဖြစ်စေခဲ့ပေ။<br /> <br /> ရွှီယန်၏ခွန်အားသည် မျှော်လင့်ထားတာထက် ထပ်မံကျော်လွန်နေပြန်၏။ ဒီကောင်သာ မသေပါက သူတို့အနေနှင့် စိတ်ပြေနိုင်မည် မဟုတ်ပေ။<br /> <br /> ဤသည်မှာ အတိတ်တုန်းက သွေးနတ်ဆိုး၏ ပုံရိပ်ကို ပြန်လည်မြင်တွေ့ရသကဲ့သို့ရှိ၏။ သူတို့၏ အထင်သေးမှုနှင့် ဂရုမစိုက်မှုက သွေးနတ်ဆိုး၏ ကပ်ဘေးကို ဖြစ်ပေါ်လာခဲ့စေသည်။<br /> <br /> "ကြောက်ဖို့ ကောင်းလွန်းတယ်... လုံးဝ ကြောက်ဖို့ကောင်းလွန်းတယ်.."<br /> <br /> ချွေဟွားယွီက နဖူးမှချွေးများကိုသုတ်ကာ သူ၏အကြည့်သည် ဓားကိုကိုင်ဆွဲထားသည့် မောက်မာသည့် လူငယ်အပေါ်သို့ ကျရောက်သွားသည်။ မျက်လုံးများ၌ လေးစားမှုတို့ ပြည့်နှက်လာခဲ့၏။<br /> <br /> လင်းနယ်မြေတွင် မကောင်းဆိုးဝါးပါရမီရှင် တစ်ယောက် ထွက်ပေါ်လာခဲ့လေပြီ။ သူသည် အတိတ်တုန်းက သွေးနတ်ဆိုးထပ်ပင် ပိုမိုကာ ကြောက်စရာကောင်း၏။<br /> <br /> "အသက်ဓာတ်ကို လောင်ကျွမ်းစေပြီး သတ်ဖြတ်ဖို့လုပ်ခဲ့တယ်... သိုင်းတစ်ထောင်ခန်းမက ဒီလောက်တောင်မှ ပြင်ဆင်ထားတာပဲ...ဒါပေမယ့် ရွှီယန်ကို ကာလိုက်နိုင်မယ်လို့ ထင်မထားခဲ့ဘူး။ ကြောက်ဖို့ကောင်းလိုက်တာ.."<br /> <br /> ယွီလင့်စံအိမ်၏ အစစ်အမှန် ဆက်ခံသူများထဲမှ တစ်ယောက်ဖြစ်သည့် အလျောက် ချွေဟွားယွီသည် သိုင်းတစ်ထောင်ခန်းမ၏ နည်းလမ်းများအကြောင်းကို သိရှိပါသည်။<br /> <br /> သစ်ပင်ကြီးပေါ်တွင် ရပ်နေသည့် ယရုံသည် ခုနကတုန်းက ရွှီယန်ကို သေဆုံးရတော့မည်ဟု လုံးဝထင်ထားခဲ့၏။ သို့ပေမယ့် ရလဒ်အနေနှင့် သူသည် အသက်ရှင်ရုံမက မည်သည့်ဒဏ်ရာမှပင် မရခဲ့ပေ။<br /> <br /> "ဒီတစ်ကြိမ် ရင်ဆိုင်ပြီးတဲ့အခါမှာ သူသတိရှိနေမှာပဲ။ နောက်တစ်ကြိမ်မှာ ဘာထိခိုက်မှုမှ ဖြစ်စေနိုင်တော့မှာ မဟုတ်လောက်ဘူး.."<br /> <br /> ဆေဘာသခင်အကြီးအကဲက လေးနက်စွာပြောသည်။ ကျန်ရှိနေသည့် ပါရမီရှင်များအကြားတွင် အများစုတို့သည် ဆေဘာတစ်ရာဂိုဏ်းမှ ပါရမီရှင်နှင့် ခွန်အားတူညီ၏။<br /> <br /> အသက်ဓာတ်လောင်ကျွမ်းခြင်း သတ်ဖြတ်ခြင်း အတတ်၏ စွမ်းအားမှာလည်း အများကြီး ခြားနားနေမည်မဟုတ်ပါ။<br /> <br /> ရွှီယန်အနေနှင့် ယခုဓားချက်ကို ကာနိုင်လိုက်ရာ အခြားလူများ၏ ဓားချက်များကိုလည်း ကာနိုင်မှာဖြစ်၏။ သိုင်းတစ်ထောင်အရှင်သခင်က အသက်ကိုနက်ရှိုင်းစွာရှူသည်။<br /> <br /> "အဲ့ဒါဘာဖြစ်လဲ... ငါတို့တွေ ရွှီယန်ရဲ့ခွန်အားကို စမ်းသပ်ပြီး ဘယ်လိုရင်ဆိုင်ရမလဲလို့ စဉ်းစားတာပေါ့.."<br /> <br /> ဂိုဏ်းကြီး၇ဂိုဏ်း၊ မိသားစု၈ခုနှင့် နိုင်ငံ၃နိုင်ငံတို့မှ ပါရမီရှင်များသည် အသေခံများသာ ဖြစ်၏။ သူတို့ကိုအသုံးပြုကာ ရွှီယန်၏ တုံ့ပြန်မှုတို့အား စမ်းသပ်ကြည့်ရပေမည်။<br /> <br /> သိုင်းတစ်ထောင်ခန်းမမှ စစ်မှန်သည့် ပါရမီရှင်သည် လှုပ်ရှားမှုပြုသည်နှင့် ရန်သူကို ပိုမိုထိရောက်စွာ နားလည်နေပြီးဖြစ်မှာ ဖြစ်သည်။<br /> <br /> "ရွှီယန်က ဆက်ပြီးတော့ စိန်မခေါ်တော့ရင်ရော.."<br /> <br /> "ဟန့်... ဒါဆိုလည်း ငါတို့တွေသူ့ကို စိန်ခေါ်တာပေါ့။ လူတိုင်းကို သူအနိုင်ယူနိုင်မယ်လို့ ငါမယုံဘူး.."<br /> <br /> သိုင်းတစ်ထောင်အရှင်သခင်က မဲမှောင်သောမျက်နှာဖြင့် ပြောသည်။ ဆက်တိုက်တိုက်ခိုက်ရမည်ဆိုလျှင်တောင် သူတို့အနေနှင့် ရွှီယန်ကို ဒီနေရာတွင် ပိတ်နှောင်ထားရပေလိမ့်မည်။ မဟုတ်ပါက သိုင်းတစ်ထောင်ခန်းမ၏ မျက်နှာကို မည်သည့်နေရာသို့ သွားထားရမည်နည်း။<br /> <br /> "သိုင်းတစ်ထောင်ခန်းမက အမှိုက်တွေ...မင်းတို့မှာလောင်ကျွမ်းနိုင်တဲ့အသက် ဘယ်လောက်ရှိလဲလို့ ငါကြည့်တာပေါ့.."<br /> <br /> ရွှီယန်က အေးစက်စွာပြောပြီးနောက် သူ၏ဓားဖြင့် ချိန်ရွယ်ပြီး မောက်မာစွာပြောသည်။<br /> <br /> "လာခဲ့... နောက်ဆုံးအကြိမ်တုန်းကလိုပဲ ငါးယောက်အတူတူလာကြ... ငါမင်းတို့ ငါးယောက်ကို  တစ်ယောက်တည်းစိန်ခေါ်တယ်.."<br /> <br /> ထိုစကားထွက်ပေါ်လာသည်နှင့် သိုင်းသမားအားလုံးတို့သည် ထိတ်လန့်သွားကြ၏။ ခုနက အသုံးပြုခဲ့သည့် တိုက်ခိုက်မှုသည် အလွန် ကြောက်စရာကောင်းနေပြီးဖြစ်၏။<br /> <br /> ရွှီယန်ကတော့ ထိုသို့သော တိုက်ကွက်ကို လူငါးယောက်တစ်ပြိုင်နက်အသုံးပြုမည်အား ကြောက်ရွံ့ခြင်းမရှိပေဘူးလား။ ဖြစ်နိုင်သည်မှာ သူသည် ယုံကြည်ချက်လွန်ကဲနေသည်လား။ လူငါးယောက်၏ တိုက်ခိုက်မှုကို ခံနိုင်မည်လား။<br /> <br /> 'မောက်မာတာတော့တကယ်ပဲ..'<br /> ယရုံက ကိုယ့်ကိုယ်ကိုယ်ရေရွတ်သည်။<br /> <br /> "လူငယ်တွေများ စိတ်လိုက်မာန်ပါ နိုင်လိုက်တာ.."<br /> ထန်းကျီက ခေါင်းကိုရမ်းကာ သက်ပြင်းချသည်။ ချွေဟွားယွီမှာ အလွန်စိတ်လှုပ်ရှားနေ၏။<br /> <br /> သူသည် စိတ်ဝိဉာဉ်ပဲစေ့ကို ပါးစပ်အတွင်းသို့ ဆက်လက်ထည့်ကာ ကျယ်လောင်စွာဝါး၏။ စိတ်လှုပ်ရှားနေသည့် မျက်နှာက နီရဲလာပြီး ကိုယ့်ကိုယ်ကိုယ်ရေရွတ်သည်။<br /> <br /> "မယုံနိုင်စရာပဲ မယုံနိုင်စရာပဲ... ဒါကစိတ်လှုပ်ရှားဖို့ကောင်းလွန်းတယ်.."<br /> <br /> "သူပြောတဲ့အတိုင်း တိုက်ပေးလိုက်ကြစမ်း... ရွှီယန်ရဲ့ မောက်မာမှုတွေ ဘယ်နေရာကနေ လာတယ်ဆိုတာကို ငါကြည့်ချင်သေးတယ်.."<br /> <br /> ဆေဘာသခင်အကြီးအကဲက ဒေါသတကြီး ပြော၏။ ပါရမီရှင်ငါးယောက်တို့ကိုကြည့်ကာ အမိန့်ပေးသည်။<br /> <br /> "အားကုန်သာတိုက်... အသက်ဓာတ် လောင်ကျွမ်းခြင်း သတ်ဖြတ်ခြင်းသိုင်းပညာကို အတူတူအသုံးပြုကြ.."<br /> <br /> "ဟုတ်ကဲ့ပါ အကြီးအကဲ.."<br /> ဂိုဏ်း၇ဂိုဏ်း၊ မိသားစုကြီး၈ခုနှင့် နိုင်ငံ၃နိုင်ငံတို့မှ ပါရမီရှင်များက ပျက်သားသည့် မျက်နှာများဖြင့် ခေါင်းငြိမ့်ကြသည်။ တိုက်ခိုက်ရန်အတွက် အဆင်သင့်ဖြစ်နေ၏။<br /> <br /> "ဝူ့စ်.."<br /> သူတို့ငါးယောက်သည် လေထဲသို့ မြောက်တက်သွားပြီး ရွှီယန်ကို တစ်ခါတည်း ဝန်းရံလိုက်ကြသည်။ သူတို့၏ ရည်ရွယ်ချက်မှာ ပြင်းထန်ကြမ်းကြုတ်စွာ သတ်ဖြတ်ရန်ဖြစ်၏။<br /> <br /> အနီးကပ်ကြည့်ရှု့နေသည့် သိုင်းသမားများသည် မျက်လုံးများမှာ စူးစိုက်နေပြီး နှလုံးသားတို့ အခုန်မြန်လာခဲ့၏။<br /> <br /> ပါရမီရှင်ငါးယောက်တို့သည် ရွှီယန်ကို အလယ်တွင်ဝန်းရံထားကြပြီး ကြောက်စရာကောင်းလှသည့် သတ်ဖြတ်ခြင်း အတတ်ကို လျှပ်တပြက်အတွင်း ဖော်ထုတ်ရန် အဆင်သင့် ဖြစ်နေပါပြီ။ ရွှီယန်သည် ပုန်းအောင်းရန်အတွက် မည်သည့်နေရာမှ မရှိတော့ပေ။</p> <p> </p> <p> </p> <p>***</p> <p> </p>


Save