Book List

<h2 style="text-align: center;">အပိုင်း ၅၇၅</h2> <h2 style="text-align: center;">ဒီဗိုင်းစွမ်းအင် ကိုယ်ပွားဖြင့် အရပ်မျက်နှာအားလုံးတို့အား ထိတ်လန့်စေခြင်း(၂)<br /> *</h2> <h2 style="text-align: center;"> </h2> <p>သိုင်းတစ်ထောင်ခန်းမမှ မည်သူမှ ရှေ့ကိုတက်ကာ စိန်ခေါ်ခြင်း မပြုရသေးခင်တွင်... ရွှီယန်က လေထဲတွင် ဂုဏ်ယူစွာရပ်ရင်းမှ သိုင်းတစ်ထောင်ခန်းမဆီသို့ အေးစက်စွာ ကြည့်သည်။<br /> <br /> "သိုင်းတစ်ထောင်ခန်းမရဲ့ ပါရမီရှင်တွေ ဘယ်နားမှာလဲ.."<br /> သူက နှာခေါင်းရှုံ့သည်။<br /> <br /> "ဒီကောင်တွေ အားလုံးက သတ္တိမရှိတဲ့ ငကြောက်တွေလား... တိုက်ခိုက်ဖို့ အရမ်းကို ကြောက်နေကြတာလား.."<br /> <br /> "သေမှာကြောက်နေတယ်ဆိုရင် အနိုင်အရှုံးပွဲပဲ တိုက်ခိုက်လို့ ရတယ်လေ။ သေခြင်းရှင်ခြင်း မလုပ်တော့ဘူး။ ငါရွှီယန်က သတ်ဖြတ်တာကို ခုံမင်တဲ့လူတစ်ယောက် မဟုတ်ဘူး.."<br /> <br /> ခဏတာရပ်တန့်နေပြီးနောက် သူက ဆက်လက်ပြောသည်။<br /> <br /> "တကယ်လို့ ငါ့ကိုတစ်ယောက်တည်းနဲ့ အနိုင်ယူဖို့ယုံကြည်ချက် မရှိရင်လည်း တစ်ခါတည်း ငါးယောက်စီလာလို့ရတယ်။ ဘာပဲဖြစ်ဖြစ် ငါရွှီယန်က ဒီလောကကြီးမှာ အနှိုင်းမဲ့တဲ့ ပါရမီရှင်တစ်ယောက်ပဲ။ မင်းတို့ကိုအခွင့်အရေးပေးဖို့က ငါ့ရဲ့ သဘောထား ကြီးမြတ်မှုလည်းဖြစ်တယ်.."<br /> <br /> သိုင်းသမား အားလုံးတို့သည် သိုင်းတစ်ထောင်ခန်းမဆီသို့ ခေါင်းလှည့်ကြည့်မိကြ၏။ ထည်ဝါလှသည့် အဆင့်လွန် စိတ်ဝိဉာဉ်ဂိုဏ်းတစ်ခုသည် မိမိ၏ တံခါးဝရှေ့တွင်ပင် စိန်ခေါ်မှုကို ခံခဲ့ရ၏။<br /> <br /> ဂိုဏ်းရှိပါရမီရှင်များအား ရှေ့သို့တက်ကာ လက်ခံခိုင်းခြင်းမပြုပဲ လက်အောက်ခံ အဖွဲ့အစည်းများမှ လူများကိုစေလွှတ်ရန်လည်း ထိုပါရမီရှင် အားလုံးတို့မှာ ရှုံးနိမ့်ပြီးဖြစ်သည်။<br /> <br /> ဖြစ်နိုင်သည်မှာ ဒီအချိန်၌ သိုင်းတစ်ထောင်ခန်းမရှိ ပါရမီရှင်တို့လည်းပဲ မထွက်လာတော့ပေဘူးလား။ သို့မဟုတ် ရွှီယန်ပြောခဲ့သလိုပင် သူတို့သည် ငကြောက်များလေလား။<br /> <br /> "ရွှီယန်... မင်းက ကိုယ့်သေလမ်းကို ကိုယ့်ရှာနေတာပဲ... ဒါဆိုလည်း မင်းရဲ့ဆန္ဒကို ဖြည့်ဆည်းပေးမယ်.."<br /> <br /> အကြီးအကဲတစ်ယောက်က အေးစက်စွာပြောသည်။<br /> <br /> "ငါးယောက်ပဲလား..."<br /> ဒီတစ်ကြိမ်တွင် တိုက်ခိုက်မှုပြုမည့် လူငါးယောက်တို့သည် သိုင်းတစ်ထောင်ခန်းမမှ ပါရမီရှင်များ ဖြစ်ကြပြီး နိုင်ငံ၃နိုင်ငံ၊ မိသားစု၈ခုနှင့် ဂိုဏ်း၇ခုတို့မှ ပါရမီရှင်များထက် များစွာ သာလွန်ကြသည်။<br /> <br /> ပုံရိပ်ငါးခုတို့သည် သိုင်းတစ်ထောင်ခန်းမ၏ ဂိတ်တံခါးမှ ထွက်ခွာလာကြ၏။ တစ်ယောက်ချင်းစီတိုင်းသည် ခြားနားသည့် သိုင်းပညာများဖြစ်သည့် ဆေဘာ၊ လက်သီး၊ လှံ၊ လှံပုဆိန်နှင့် ပုဆိန်တို့ကို အသုံးပြုကြသည်။<br /> <br /> သူတို့သည် ဓားပညာကို တမင် ရှောင်ရှားထားကြ၏။ ရှင်းလင်းစွာပင် သိုင်းတစ်ထောင်ခန်းမ သည်လည်း သူတို့၏ ဓားပညာသည် ရွှီယန်ထက် နိမ့်ကျသည်ဟု ယူဆထားပါသည်။ ရွှီယန်၏ မှော်ဆန်လှသည့် ဓားပညာအပေါ် ကြောက်ရွံ့နေကြ၏။<br /> <br /> "အရမ်း စွမ်းအားကြီးလွန်းတယ်.."<br /> သူတို့ငါးယောက် ပေါ်လာသည်နှင့် သိုင်းသမားများ အားလုံးသည် မနေနိုင်ဘဲ ကြီးစွာ အံ့ဩသွားကြ၏။ ဤသည်မှာ သိုင်းတစ်ထောင်ခန်းမရှိ ပါရမီရှင်များ၏ ခွန်အားလေလား။<br /> <br /> ငါးယောက်တစ်ယောက် တိုက်ခိုက်ကြမည်ဖြစ်ရာ သိုင်းတစ်ထောင်ခန်းမ၏ ဂုဏ်သိက္ခာသည် အနည်းငယ်ညှိုးနွမ်းသွားလျှင်တောင် သူတို့၏ ပါရမီရှင်များသည် နိုင်ငံ၃နိုင်ငံ၊ ဂိုဏ်း၇ခု၊ မိသားစုကြီး၈ခုမှ ပါရမီရှင်များထက် များစွာ ပိုမိုသန်မာကြောင်းကို လက်ခံရပေလိမ့်မည်။<br /> <br /> ကြီးမားသည့် အငွေ့အသက် ကျယ်ပြောသည့် အရှိန်အဝါနှင့် စွမ်းအင်ပေါင်းစပ်မှုမှ ဖြစ်ပေါ်လာသည့် စွမ်းအားကြီးမားသည့် ခွန်အားသည် ပြီးခဲ့တုန်းက ငါးယောက်ထက် များစွာ ပိုမိုသာလွန်၏။<br /> <br /> တစ်ယောက်ချင်းစီတိုင်းသည် အထွတ်အထိပ် စိတ်ဝိဉာဉ်သန့်စေခြင်းအဆင့် ကောင်းကင်လူသားများ ဖြစ်ကြသည်။ ထို့အပြင် ခြားနားသည့် သိုင်းပညာငါးခုကို ပေါင်းစပ်ထားခြင်းက သူတို့၏ တိုက်ခိုက်မှုစွမ်းအားကို ပိုမိုကာပင် သန်မာစေပြီး ရင်ဆိုင်ရခက်ခဲအောင် ဖြစ်စေသည်။<br /> <br /> "ရွှီယန်... မင်းကတကယ်ပဲ သန်မာတယ်... ဒါကြောင့်မို့လို့ ငါတို့တွေ တစ်ယောက်ချင်းစီတိုင်းဆိုရင် ဘယ်သူမှ မင်းရဲ့ပြိုင်ဖက် မဟုတ်ဘူး။ ဒါပေမယ့် ငါးယောက်လုံးကို ရင်ဆိုင်ချင်တာက မင်းရဲ့သေလမ်းကို မင်းရှာတာပဲ.."<br /> <br /> ဆေဘာကို ကိုင်စွဲထားသည့် လူငယ်က အေးစက်စွာကြည့်သည်။ ငါးယောက်သည် ပြန့်ကွဲသွားခြင်းမရှိဘဲ အဲ့ဒီ့အစား စုစည်းနေ၏။ သူတို့၏ စွမ်းအင်များမှာ ပေါင်းစပ်နေပြီး ပူးပေါင်းတိုက်ခိုက်မှု သိုင်းပညာတစ်မျိုးကို ကျင့်ကြံထားဟန် ရသည်။<br /> <br /> ရွှီယန်က ငါးယောက်သားကို မျက်မှောင်ကျုံ့စွာကြည့်သည်။ အနည်းငယ်စိတ်ပျက်စွာ ခံစားလိုက်ရ၏။ ကြည့်ရသည်မှာ သိုင်းတစ်ထောင်ခန်းမသည် သူတို့၏ စစ်မှန်သည့် ပါရမီရှင်များကို ထိန်ချန်ထားသေးသည့်ဟန် ရှိသည်။<br /> <br /> အဘယ်ကြောင့် စစ်မှန်သည့် ပါရမီရှင်များကို ထုတ်လွှတ်တိုက်ခိုက်ခိုင်းခြင်း မပြုသည်ကို နားမလည်နိုင်ဘဲ ရှိနေ၏။<br /> <br /> ပြောကြသည်မှာ အဆင့်လွန်စိတ်ဝိဉာဉ်ဂိုဏ်းများရှိ ပါရမီရှင်များအားလုံးသည် စိတ်ဝိဉာဉ်ခန္ဓာများအား ပိုင်ဆိုင်ထားကြ၏။ သို့ပေမယ့် ဒီငါးယောက်အတွင်းတွင်တော့ မည်သူမှ စိတ်ဝိဉာဉ်ခန္ဓာအား ပိုင်ဆိုင်ထားခြင်း မရှိပေ။ ဆိုလိုသည်မှာ သူတို့သည် သိုင်းတစ်ထောင်ခန်းမ၏ အဓိကပါရမီရှင်များ မဟုတ်ကြပါ။<br /> <br /> စိတ်ဝိဉာဉ်ခန္ဓာများ၏ စွမ်းအားသည် ခြားနားကြပေမယ့် စိတ်ဝိဉာဉ်ခန္ဓာအား ပိုင်ဆိုင်ထားခြင်း မရှိသည့် ပါရမီရှင်တစ်ယောက်ကို မည်ကဲ့သို့ ထိပ်တန်းပါရမီရှင်ဟု ယူဆနိုင်မည်နည်း။<br /> <br /> "ကြည့်ရတာ... ငါ သိုင်းတစ်ထောင်ခန်းမ အပေါ်ကို ဖိအားအချို့ ထပ်ပေးဖို့လိုသေးတယ်.."<br /> ရွှီယန်၏ မျက်လုံးများက အနည်းငယ် ကျဉ်းမြောင်းသွားသည်။<br /> <br /> "စစ်မှန်တဲ့ ပါရမီရှင်တွေဆိုတာ အဆင့်တူအတွင်းမှာ ပြိုင်ဖက်ကင်းတယ်... တစ်ယောက်တည်းနဲ့ အယောက်တစ်သောင်းကို တိုက်ခိုက်နိုင်တယ်ဆိုတာ ပုံမှန်ပဲ။ မင်းတို့ငါးယောက်လောက်ဆို ပြောစရာတောင် မလိုဘူး.."<br /> <br /> ရွှီယန်က အသာပြောသည်။ သူသည် ဆရာဖြစ်သူ၏ စကားကို မှတ်မိ၏။ အဆင့်တူအတွင်းတွင် လူအယောက်တစ်သောင်းကို တိုက်ခိုက်နိုင်သည်မှာလည်း ပုံမှန်သာ ဖြစ်သည်။<br /> <br /> သူသည် ထိုကဲ့သို့ စွမ်းဆောင်နိုင်ခြင်း မရှိပေမယ့် သူ၏ပန်းတိုင်မှာ အဆင့်တူအတွင်းတွင် လူအယောက်တစ်ထောင်ကို အနိုင်ယူရန် ဖြစ်သည်။<br /> <br /> သိုင်းသမားများမှာ ရွှီယန်၏ မောက်မာမူအတွက် နေသားကျလုနီးပါး ရှိနေပြီ ဖြစ်ပေမယ့် ဒီအချိန်၌ အားလုံးမျက်စံလှည့်မိကြသည်။ အဆင့်တူအတွင်းတွင် လူတစ်ယောက်သည် ပြိုင်ဖက်ကင်းစွာ နေနိုင်မည်ကို နားလည်နိုင်သေးသည်။ သို့ပေမယ့် အဆင့်တူသည့် အယောက်တစ်သောင်းကို အနိုင်ယူနိုင်မည်မှာတော့ လုံးဝ မဖြစ်နိုင်ပေ။<br /> <br /> ပါရမီရှင်တစ်ယောက်သည် အလွန့်အလွန် စွမ်းအားကြီးမားနေလျှင်တောင် သူ၏ တစ်ယောက်တည်းခွန်အားနှင့် အဆင့်တူသည့် အယောက်တစ်သောင်းကို ရင်ဆိုင်တိုက်ခိုက်ရန် လုံးဝမဖြစ်နိုင်ပေ။<br /> <br /> တစ်သောင်းကို မဆိုထားနှင့် တစ်ရာကို တိုက်ခိုက်ရန်ပင် ဖြစ်နိုင်ခြင်း မရှိပေ။ ဤသည်မှာ အဆင့်တူအတွင်း တိုက်ခိုက်ခြင်း ဖြစ်၏။ ခွန်အားအဆင့် မြင့်မားသည့်လူက အခြားသူများကို တိုက်ခိုက်ရန် မိမိ၏ခွန်အားကို ဖိနှိပ့်ထားခြင်း မဟုတ်ပေ။<br /> <br /> ထို့အပြင် အဆင့်တူအတွင်းတွင် ပါရမီရှင်များစွာတို့လည်း ရှိ၏။ သူတို့အနေနှင့် အနည်းငယ်အားနည်းလျှင်တောင် ပါရမီရှင်များ ဖြစ်နေသေးသည်။ တစ်ယောက် သို့မဟုတ် လူအနည်းငယ်ကို အနိုင်ယူနိုင်တာ ဖြစ်နိုင်လျှင်တောင် ဆယ်ယောက် သို့မဟုတ် အယောက်တစ်ရာကို အနိုင်ယူရန် လုံးဝမဖြစ်နိုင်ပေ။<br /> <br /> အယောက်တသောင်းဆိုလျှင် စိတ်ကူးကြည့်ဖို့ပင် ဝေးသေး၏။<br /> <br /> "ဒီလောက် မောက်မာတဲ့လူ..."<br /> ဆေဘာကို ကိုင်ဆောင်ထားသည့် လူငယ်မှာ ပြောစရာစကား မဲ့နေ၏။<br /> <br /> "ငါရွှီယန်က ဘယ်တော့မှ မမောက်မာဘူး... ငါ့ကိုမောက်မာတယ်လို့ ထင်တာ.. မင်းတို့တွေက ရေတွင်းထဲကဖားတွေ မို့လို့ပဲ။ အဲ့ဒါကြောင့်မို့လို့ စစ်မှန်တဲ့သိုင်းပညာကို နားမလည်ကြဘူး။ ဒီနေ့မှာ ငါမင်းတို့ကို စစ်မှန်တဲ့သိုင်းပညာ ဘာလဲလို့ ပြပေးမယ်.."<br /> <br /> ရွှီယန်က ဂုဏ်ယူစွာ ပြုံးသည်။ မူလဒီဗိုင်းအဆင့်သို့ ချိုးဖျက်ပြီးနောက် သူ၏ ဒီဗိုင်းခန္ဓာအား စုစည်းနိုင်ခဲ့၏။ ယနေ့တွင် ဒီလူများကို သိုင်းပညာ၏ စစ်မှန်သည့် အနှစ်သာရဟူသည့်အား ပြပေးလိုက်ပေမည်။ သိုင်းတစ်ထောင်ခန်းမကို ပိုမိုဖိအားပေးမည် ဖြစ်၏။<br /> <br /> လူအုပ်မှာ ထုံထိုင်းနေပြီး ဖြစ်သည်။<br /> <br /> "ရွှီယန်က တကယ့်ကို ပါရမီရှင်တစ်ယောက်ပဲ... စကားတစ်ခွန်းထက် တစ်ခွန်းက ပိုပြီးတော့ ကြွားဝါလာခဲ့တယ်။  ငါအခုနားလည်ပြီ... စစ်မှန်တဲ့ မောက်မာမှုဆိုတာ  လွန်ကျူးတဲ့စကားလုံးတွေကို တည်တည်ငြိမ်ငြိမ်နဲ့ ထုတ်ပြောနိုင်ခြင်းပဲ။ ဥပမာအားဖြင့် ငါတို့ကို စစ်မှန်တဲ့သိုင်းပညာကို မြင်တွေ့ရစေမယ်ဆိုတော့ သူဆိုလိုတာက ငါတို့ကျင့်ကြံတဲ့ သိုင်းပညာတွေအားလုံးက အတုတွေလို့ မဟုတ်ဘူးလား.."<br /> <br /> "အား... မင်းပြောတာမှန်တယ်..."<br /> <br /> "ငါ့မှာလည်း သူ့လိုမျိုး ပါရမီနဲ့စွမ်းအားသာရှိရင် သူထက်ထောင်ပိုပြီးတော့ ရူးသွပ်ဦးမယ်.."<br /> <br /> "တော်စမ်းပါ.. မင်းမှာသာဒီလိုမျိုး ပါရမီမျိုး၊ ခွန်အားမျိုးရှိရင် မင်းလိုခွေးကောင်က စိတ်ဝိဉာဉ်ဂိုဏ်းတွေရဲ့ နောက်လိုက်ခွေးဖြစ်ပြီးတာ ကြာနေပြီ.."<br /> <br /> "မင်းက သေချင်နေတာပဲ.."<br /> သိုင်းသမားများမှာ တစ်ယောက်နှင့်တစ်ယောက် ပြောဆိုနေရင်းမှ စကားများပွဲအချို့ပင် ဖြစ်ပေါ်လာခဲ့၏။<br /> <br /> "ရွှီယန်... ငါတို့က သိုင်းတစ်ထောင်ခန်းမရဲ့ ပါရမီရှင်တွေပဲ.. ဒါကြောင့်မလို့ မင်းကို မမျှမတ မလုပ်ချင်ဘူး... မင်းမှာပထမဆုံး တိုက်ခိုက်မှုပြုဖို့အတွက် အခွင့်အရေးရှိတယ်.."<br /> <br /> ဆေဘာကို ကိုင်ဆောင်ထားသည့် လူငယ်က အေးစက်စွာပြောသည်။ သူတို့၏ အငွေ့အသက်များက ပေါင်းစပ်သွားပြီး စွမ်းအင်များက ဆက်သွယ်နေ၏။ သိုင်းအတတ် ငါးခုတို့အား ပူးပေါင်းကာ ငါးယောက်လုံး၏ တိုက်ခိုက်မှုနှင့် ခုခံမှု စွမ်းအားအားလုံးကို စုစည်း၏။<br /> <br /> သူတို့သည် တစ်ယောက်တစ်ယောက်ချင်း တိုက်ခိုက်လျှင် ရွှီယန်၏ ပြိုင်ဖက်မဟုတ်ဟု သိကြ၏။ သို့ပေမယ့်အတူတူ ပူးပေါင်းတိုက်ခိုက်လျှင်တော့ အခြေအနေက ခြားနားသွားမည် ဖြစ်သည်။<br /> <br /> ငါးယောက်သား၏ အရှိန်အဝါကို ကြည့်ကာ ရွှီယန်က မနေနိုင်ဘဲ သုံးသပ်သည်။<br /> <br /> "ပူးပေါင်းတိုက်ခိုက်မှုလား... စိတ်ဝိဉာဉ်နယ်မြေရဲ့ သိုင်းပညာမှာ အခင်းအကျင်းတွေ မရှိဘူး။ အခင်းအကျင်းရဲ့ သဘောတရားတွေကိုလည်း မသိကြဘူး.."<br /> <br /> "ငါသာ ငါ့ကိုယ်ငါ အသွင်ငါးခုအဖြစ် ခွဲထုတ်ပြီး ဒီဗိုင်းအနှစ်သာရ ကိုယ့်ပွားတွေနဲ့ ဓားအခင်းအကျင်းတစ်ခုကို ဖွဲ့စည်းလိုက်ရင်ရော။ အဲ့လိုဆိုရင် ဘယ်လိုစွမ်းအားမျိုး ထွက်လာနိုင်မလဲ... ဒါက စမ်းကြည့်သင့်တယ်.."<br /> <br /> ရွှီယန်သည် စိတ်ကူးတစ်ခု ရလာခဲ့၏။ သိုင်းတစ်ထောင်ခန်းမရှိ ပါရမီရှင်ငါးယောက်တို့သည် သူ့ကို တိုက်ခိုက်ရန်အတွက် ပူးပေါင်းတိုက်ခိုက်မှုတစ်ခုအား ခင်းကျင်းနေပါသည်။<br /> <br /> ထိုသို့ဆိုပါက သူကလည်း ဒီဗိုင်းအနှစ်သာရကို အသုံးပြုကာ ကိုယ်ပွားလေးခုတို့ကို ခွဲထုတ်မည် ဖြစ်သည်။ ဒီလူများကို သိုင်းပညာ၏ အနှစ်သာရအား ဉာဏ်အလင်းရစေမည် ဖြစ်သည်။<br /> <br /> ဓားအခင်းအကျင်း၏ စွမ်းအားသည် သူတို့၏ ပူးပေါင်းတိုက်ခိုက်မှုထက် များစွာ သာလွန်နေမှာဖြစ်၏။<br /> <br /> "ပူးပေါင်းတိုက်ခိုက်မှုလား... မင်းတို့ဟာတွေက ကလေးကစားတာထက် မပိုပါဘူး... ဒီနေ့မှာ မင်းတို့ ဂုဏ်သတင်းကြီးမားပါတယ်ဆိုတဲ့ အဆင့်လွန်စိတ်ဝိဉာဉ်ဂိုဏ်းကို စစ်မှန်တဲ့ အခင်းအကျင်းတာအိုက ဘာလဲလို့ ငါပြပေးလိုက်မယ်။ ဓားအခင်းအကျင်းရဲ့ စွမ်းအားကို ခံစားကြည့်လိုက်ဦး.."<br /> <br /> "ဂရုတစိုက်ကြည့်ကြ မျက်တောင်မခတ်နဲ့..ဟားဟားဟား..."<br /> ကျယ်လောင်သော ရယ်သံတစ်ခုနှင့်အတူ ရွှီယန်၏ ခန္ဓာကိုယ်သည် တောက်ပစွာ လင်းလက်လာခဲ့၏။<br /> လျှပ်တပြက်အတွင်း နောက်ထပ် ပုံရိပ်လေးခုတို့ ထွက်ပေါ်လာကာ ခြားနားသည့် အရပ်မျက်နှာများဆီသို့ ပျံ့နှံ့သွားသည်။<br /> <br /> အစပိုင်းတွင် တိုက်ပွဲပြင်ပေါ်၌ ရွှီယန်တစ်ယောက်သာ ရှိနေ၏။ သို့ပေမယ့် ဒီအချိန်တွင်တော့ ရွှီယန်ငါးယောက်တို့ ဖြစ်လာခဲ့၏။<br /> <br /> အားလုံးသည် တိတ်ဆိတ်သွားခဲ့သည်။ ကွင်းပြင်တစ်ခုလုံးသည် အပ်သံပင် မကြားရပေ။<br /> <br /> ဤသည်မှာ မည်ကဲ့သို့သော သိုင်းပညာဖြစ်သနည်း။ လောကကြီးတွင် ယခုမျှ ဆန်းကြယ်လှသည့် အတတ်ပညာမျိုး ရှိနေသည်လား။<br /> <br /> "ဘယ်လိုဖြစ်နိုင်မှာလဲ.."<br /> သိုင်းတစ်ထောင်ခန်းမ၏ ဂိတ်တံခါးရှေ့တွင် သိုင်းတစ်ထောင်အရှင်သခင်နှင့် အကြီးအကဲများမှာ ထိတ်လန့်သွားကြသည်။ သူတို့အားလုံးသည် စိတ်ဝိဉာဉ်နယ်မြေ၏ ထိပ်တန်းတည်ရှိမှုများ ဖြစ်ကြပြီး အဆင့်လွန်စိတ်ဝိဉာဉ်ဂိုဏ်း၏ ဦးဆောင်သူများ ဖြစ်သည်။<br /> <br /> ရှည်လျားသည့် အမွေအနှစ်ကို ဆက်ခံကာ သိုင်းပညာလျှို့ဝှက်အတတ်များစွာကို သိရှိ၏။ သို့ရာတွင် ရှေ့ရှိမြင်ကွင်းက အားလုံးကို ပြောစရာစကား မဲ့သွားစေခဲ့သည်။<br /> <br /> ရွှီယန်သည် ဘယ်လိုလုပ်ပြီး ငါးယောက်ဖြစ်လာခဲ့သနည်း။ လူတစ်ယောက်သည် ဘယ်လိုလုပ်ပြီး နောက်ထပ်လေးယောက်အဖြစ် ပိုင်းခြားနိုင်သနည်း။<br /> သိုင်းပညာတွင် ထိုကဲ့သို့သော မှော်ဆန်သည့် အတတ်မျိုး မရှိပေ။<br /> <br /> ဒီအချိန်၌ သိုင်းတစ်ထောင်ခန်းမရှိ စွမ်းအားကြီးပုဂ္ဂိုလ်များ၏ မျက်လုံးများထဲတွင် မသိသာသည့် စိုးရိမ်မှုတစ်ခု ပေါ်လာခဲ့သည်။ သူတို့ကိုယ်သူတို့ပင် သတိမထားမိသည်မှာ သူတို့၏ မျက်လုံးများထဲတွင် အကြောက်တရားတစ်ခု ပေါ်ထွန်းလာခြင်း ဖြစ်၏။<br /> <br /> "ရွှီယန်က သေရမယ်.."<br /> သိုင်းတစ်ထောင်အရှင်သခင်က ခက်ထန်စွာ ပြောသည်။ သူ၏လေသံက သတ်ဖြတ်လိုမှုတို့ဖြင့် ပြည့်နက်နေ၏။<br /> <br /> "ဒါက ဘယ်လိုသိုင်းပညာမျိုးလဲ.."<br /> သိုင်းသမားအားလုံးတို့မှာ မှင်သက်နေကြပြီး သူတို့၏ မျက်လုံးများက ပြူးကျယ်နေ၏။ မျက်တောင်ခတ်ခြင်းပင် မရှိပေ။<br /> <br /> "ရွှီယန်တော့ အန္တရာယ်ကျရောက်ပြီ.."<br /> ထန်းကျီ၏မျက်နှာက မဲမှောင်သွားသည်။ ဒီဗိုင်းကိရိယာကို တင်းကြပ်စွာ ဆုပ်ကိုင်ရင်းက ပုဆိန်ကို အဆင်သင့်ပြင်ထား၏။<br /> <br /> ရွှီယန်သည် ယခုမျှသော မှော်ဆန်လှသည့် သိုင်းပညာကိုပြသခဲ့ရာ သိုင်းတစ်ထောင်ခန်းမမှာ ဒီအတိုင်းနေမည်မဟုတ်ပေ။ သူတို့သည် အရာအားလုံးကို အသုံးပြုကာ ရွှီယန်ကို သတ်ဖြတ်မည်ဖြစ်၏။<br /> <br /> "ဒါက ကြောက်ဖို့ကောင်းလွန်းတယ်... အရမ်း ကြောက်ဖို့ကောင်းလွန်းတယ်... ရွှီယန်သာ မသေဘူးဆိုရင် လင်းနယ်မြေက သိုင်းသမားအားလုံး သူ့ကို ဦးညွှတ်ကြရလိမ့်မယ်။ သေချာပေါက် ထိပါးလို့မဖြစ်ဘူး.."<br /> <br /> "သွေးနတ်ဆိုးက သုံးကြိမ်တိုင်အောင် ကျဆုံးပြီးတဲ့အထိ ပြန်လည်မြင့်တက်နိုင်ခဲ့တယ်။ ရွှီယန်ကတော့ သူ့ထက်တောင် ပိုကြောက်စရာကောင်းပြီး ပိုနတ်ဆိုးဆန်တယ်။ ရင်ဆိုင်ဖို့ ပိုခက်ခဲမှာ.."<br /> <br /> "မဟုတ်ဘူး... ယွီလင့်စံအိမ်က အဘိုးကြီးကို ငါသေသေချာချာပြောရမယ်... ရွှီယန်ကို ထိပါးလို့ မဖြစ်ဘူး။ မဟုတ်ရင် အခြေအနေတွေ ဆိုးရွားကုန်လိမ့်မယ်.."<br /> <br /> ချွေဟွားယွီက ကိုယ့်ကိုယ်ကိုယ် ရေရွတ်ရင်းက နဖူးရှိချွေးစေးများကို သုတ်သည်။ သူ၏စိတ်ထဲတွင် ရွှီယန်၏ လုရှင်ထင်းအား စိန်ခေါ်သည့်တိုက်ပွဲ၌ ကြောင်ကြီးပေါ်တွင်ထိုင်ကာ လက်ဖက်ရည်သောက်နေသည့်လူ၏ ပုံရိပ်က ပေါ်လာခဲ့၏။<br /> <br /> လက်တစ်ဝှေ့နှင့် ကောင်းကင်နှင့်ကမ္ဘာမြေကြီး၏ စွမ်းအားက သက်ဆင်းလာခဲ့သည်။ မည်မျှ ထည်ဝါလိုက်သနည်း။<br /> <br /> ယခုအချိန်၌ ရွှီယန်က ယခုကဲ့သို့ မှော်ဆန်လှသည့် သိုင်းပညာတစ်ခုကို ထုတ်ဖော်ပြသလာခဲ့၏။ ထိုသို့ဆိုပါက ကြောင်ပေါ်ရှိ ထိုပုဂ္ဂိုလ်သည် သူ၏ဆရာ ဖြစ်ရာ မည်မျှပင် ကြောက်စရာကောင်းလိုက်မည်နည်း။<br /> <br /> ရွှီယန်သည် သိုင်းတစ်ထောင်ခန်းမ၏ ဂိတ်တံခါးရှေ့သို့ လာရောက်ကာ စိန်ခေါ်ရဲလေသည်။ ဤသည်မှာ သူ၏ ကိုယ်ပိုင်ခွန်အားနှင့် ရဲစွမ်းသတ္တိတို့အပြင် အကြီးမားဆုံးယုံကြည်ချက်မှာ ထိုလျှို့ဝှက်ဆန်းကြယ်သည့် ဆရာဖြစ်သူဆီမှ လာခဲ့ခြင်း ဖြစ်ပေလိမ့်မည်။<br /> <br /> "ဘယ်လို... ဘယ်လိုလုပ်ပြီး လူတစ်ယောက်က ငါးယောက် ဖြစ်သွားတာလဲ.."<br /> <br /> ယရုံမှာလည်း ပြောစရာစကား မဲ့လောက်အောင် အံ့သြနေပါသည်။ ထိုက်မြှောင်ဂိုဏ်းသည် အမွေအနှစ်တို့အလွန်ရှည်လျားကာ သိုင်းတစ်ထောင်ခန်းမပင် နားမလည်သည့် သိုင်းလောက၏ လျှို့ဝှက်ချက်များနှင့် သိုင်းပညာများကို သိရှိ၏။<br /> <br /> သို့ပေမယ့် ယခုမျှ ဆန်းကြယ်လှသည့် သိုင်းပညာတစ်ခု လောကကြီးတွင် ရှိနေမည်ဟု မကြားဖူးပေ။<br /> <br /> "ရွှီယန်ရဲ့ ဆရာက ဘယ်သူလဲ။ သူက အနှိုင်းမဲ့တဲ့ ပုဂ္ဂိုလ်တစ်ယောက်လား... သူက တကယ်ပဲ ကြောက်ဖို့ကောင်းတာလား.."<br /> <br /> ဒီအချိန်၌ ယရုံသည် ရွှီယန်၏ဆရာမှာ စစ်မှန်သည့် အနှိုင်းမဲ့သူတစ်ယောက်ဟု စတင် ယုံကြည်လာခဲ့၏။</p> <p> </p> <p> </p> <p> </p> <p>***</p> <p> </p>


Save