Book List

<h2 style="text-align: center;">အပိုင်း ၅၇၆</h2> <h2 style="text-align: center;">နှလုံးသားဓားအဆင့်၏ အကြီးစားကျွမ်းကျင်မှုသို့ ရောက်ရှိခြင်း၊</h2> <h2 style="text-align: center;">ဒီဗိုင်းကိရိယာ၏ စွမ်းအား<br /> *</h2> <h2 style="text-align: center;"> </h2> <p>ကြည့်ရှု့နေသူ အားလုံးတို့မှာ ထိတ်လန့်သွားကြသည်။ ပါဝင်ဆင်နွှဲသူများမှာ ပိုမိုကာပင် အံ့ဩနေပြီး ပြောစရာစကား မဲ့ကုန်ကြ၏။<br /> <br /> ဒီအချိန်၌ သိုင်းတစ်ထောင်ခန်းမမှ ပါရမီရှင်ငါးယောက်တို့သည် မျက်လုံးများ ပြူးကျယ်စွာ ပွင့်ဟနေပြီး မျက်နှာ၌ မယုံကြည်နိုင်မှုတို့ဖြင့် ပြည့်နက်နေကြသည်။<br /> <br /> ရွှီယန်၏ ပုံရိပ်လေးခုတို့သည် ရုတ်တရက် ပေါ်လာခဲ့ပြီး အရပ်မျက်နှာလေးခု၌ နေရာယူထားသည်။ သူတို့သည် သင်္ကေတ တစ်မျိုးမျိုးကို ဖွဲ့စည်းထားပုံပေါ်ပြီး အချို့နက်ရှိုင်းသည့် လျှို့ဝှက်ဆန်းကြယ်မှုတို့ဖြင့် ဆက်နွှယ်နေပုံ ရှိသည်။<br /> <br /> အစပိုင်းတွင် သူတို့သည် ငါးယောက်တစ်ယောက် ရင်ဆိုင်ရ၍ အားသာချက် ရခဲ့၏။ သို့ပေမယ့် မျက်စိတစ်မှိတ် အတွင်းတွင် တစ်ယောက်တစ်ယောက် ဖြစ်သွားခဲ့လေပြီလား။ ထို့အပြင် ရန်သူငါးယောက်တို့မှာ ရွှီယန်ငါးယောက် ဖြစ်သည်။<br /> <br /> "မင်း မင်း မင်း..."<br /> ဆေဘာကို ကိုင်စွဲထားသည့် လူငယ်မှာ စကားမပြောနိုင်ဘဲ ဖြစ်နေ၏။<br /> <br /> "ဒါက လှည့်ကွက်အသေးလေးပါ... ဘာလို့ ဒီလောက်တောင် ဖြစ်သွားတာလဲ.."<br /> <br /> ရွှီယန်တို့ငါးယောက်က တစ်ပြိုင်နက် ပြောလိုက်ကြ၏။<br /> <br /> ဤသည်မှာ လှည့်ကွက်လေးတစ်ခု လေလား။<br /> <br /> ရွှီယန်သည် စကားတစ်ခွန်း ပြောပြီးနောက် ခဏတာရပ်တန့်သွားရ၏။ ဤသည်မှာ သူ၏ ပထမဆုံးအကြိမ် ဒီဗိုင်းကိုယ်ပွား အတတ်ကို အသုံးပြုခြင်းဖြစ်ရာ အနည်းငယ် အကြမ်းထည်နိုင်သေးသည်။<br /> <br /> ထို့ကြောင့် စကားပြောလိုက်သည်နှင့် ကိုယ်ပွားအားလုံးကလည်း တစ်ပြိုင်နက် လိုက်လံ ပြောကြားကြ၏။ အတွေးတစ်ချက်နှင့်အတူ ထိန်းချုပ်ပြီး ဆက်လက်ပြောသည်။<br /> <br /> "အရမ်းကြီးအံ့ဩနေဖို့ မလိုပါဘူး... ဒါက သိုင်းပညာရဲ့ ဆန်းကြယ်မှုတစ်ခုလေးပဲ။ ကြည့်ရတာ ငါးယောက်ရှိပုံပေါ်ပေမယ့် တကယ့်တကယ်က ငါတစ်ယောက်တည်း ရှိတာ။ အခြားလေးယောက်က ဒီဗိုင်းအနှစ်သာရ ကိုယ်ပွားတွေပဲ.."<br /> <br /> ရွှီယန်က ထူးမခြားနားစွာ ပြောသည်။ ဤသည်မှာ ဒီ ရေတွင်းထဲမှ ဖားသူငယ်များ၏ အမြင်များကို ကျယ်ပြန့်အောင် လုပ်ဆောင်ပေးရမည့် အချိန်ဖြစ်၏။<br /> <br /> ဒီတစ်ကြိမ်တွင် စကားပြောလိုက်ချိန်၌ သူ၏ အဓိကခန္ဓာသာ ပြောခဲ့ပြီး ကိုယ်ပွားလေးခုလုံးမှာ တိတ်ဆိတ်စွာသာ ရှိနေပါသည်။<br /> <br /> "ဒီနေ့မှာ... ငါရွှီယန် ဒီနေရာမှာ သိုင်းတစ်ထောင်ခန်းမကို... ကိုယ့်ကိုယ်ကိုယ် အဆင့်လွန်ဂိုဏ်းတစ်ခုလို့ သမုတ်ထားတဲ့ ဂိုဏ်းတစ်ခုကို.. သိုင်းပညာရဲ့ ဆန်းကြယ်မှုတွေကို မြင်တွေ့ခွင့်ရစေမယ်။ အဲ့ဒီ့အခါမှ သူတို့ကိုယ်သူတို့ အမြင်အရမ်းကျဥ်းနေပြီး သူတို့ရဲ့ ပါရမီရှင်တွေကို အရမ်းကြီး တော်ဝင်ဆန်တယ်လို့ ထင်နေတဲ့အတွေးတွေကို ဖြေဖျောက်နိုင်မှာ။ ငါ့ရဲ့မျက်လုံးထဲမှာ သူတို့က ဘာမှမဟုတ်ဘူး.."<br /> <br /> ကိုယ်ပွားတစ်ခုက အသာပြော၏။<br /> <br /> "တိုက်ခိုက်ရအောင်... ဒီနေ့မှာ ဓားအခင်းအကျင်းက ဘာလဲဆိုတာကို မင်းတို့တွေ သိကြရလိမ့်မယ်.."<br /> <br /> နောက်ထပ်ရွှီယန်၏ ကိုယ်ပွားတစ်ခုက ထပ်ပေါင်းပြောသည်။<br /> <br /> လူတိုင်းမှာ ကြောင်တောင်သွားကြ၏။<br /> <br /> ဆေဘာကို ကိုင်စွဲထားသည့် လူငယ်က အသက်ကိုနက်ရှိုင်းစွာရှူပြီး တုန်ခါနေသည့် နှလုံးသားကို အတင်းတည်ငြိမ်စေလိုက်သည်။ အံကိုကြိတ်ကာ အော်၏။<br /> <br /> "သတ်ကြ.."<br /> ဒီတိုက်ပွဲသည် ရှောင်လွှဲလို့မရပေ။ ရွှီယန်က ယခုမျှ အံ့သြစရာကောင်းလှသည့် ပညာရပ်တို့ကို ထုတ်ပြလာလျှင်တောင် သူတို့အတွက် ဆုတ်ခွာရန် အကြောင်းပြချက် မရှိပါ။<br /> <br /> "ဒါက ငါတို့ကို လှည့်ဖြားချင်တာကလွဲပြီး ဘာမှမဟုတ်ဘူး... မင်းအခြားလူတွေကိုပဲ အရူးလုပ်ရင် လုပ်လို့ရမယ်။ မင်းရဲ့ သနားစရာကောင်းတဲ့ ပုံရိပ်ယောင်လေးနဲ့ ငါတို့ကို လိမ်ညာလို့မရဘူး.."<br /> <br /> လှံကိုကိုင်စွဲထားသည့် လူငယ်က ဒေါသတကြီး အော်လိုက်ပြီးနောက် သူ၏လှံဖြင့် ထိုးစိုက်လိုက်၏။<br /> <br /> "အသေအချာပဲ... လူကိုလာပြီးတော့ ပုံရိပ်ယောင်အတတ်နဲ့ လှည့်ဖြားနေတယ် ရယ်စရာပဲ.."<br /> <br /> သံလက်အိတ်ကို ဝတ်ဆင်ထားသည့် လူငယ်ကလည်း ဝင်ရောက်ပြောကြားသည်။ သူတို့သည် ဤသည်မှာ ပုံရိပ်ယောင် မဟုတ်ကြောင်းကို သိကြပေမယ့် ကိုယ့်ကိုယ်ကိုယ်လှည့်ဖြားကာသာ စိတ်အခြေအနေများကို မြှင့်တင်ရသည်။ နှလုံးသားထဲရှိ ပုန်းအောင်းနေသည့် အကြောက်တရားကို ဖယ်ထုတ်ရပေမည်။<br /> <br /> "ဒါဆို ဒါက ပုံရိပ်ယောင်ပေါ့... ဒါပေမယ့် ဒီပုံရိပ်ယောင်တွေက အရမ်းစွမ်းအားကြီးတာပဲ.."<br /> <br /> "ငါတောင် တော်တော်လန့်သွားတယ်... တကယ်ကို ဆန်းကြယ်တဲ့ ပညာရပ်တစ်ခုလို့ ထင်သွားတာ.."<br /> <br /> ရှိနေကြသည့် သိုင်းသမားအားလုံးမှာ ထိုစကားကို ကြားရပြီးနောက် စိတ်သက်သာရာ ရသွားကြ၏။ ဖြစ်နိုင်သည်မှာ သူတို့သည် အနည်းငယ် အလှမ်းကွာနေသဖြင့် ပုံရိပ်ယောင်တစ်ခု ဖြစ်သည်ကို နားမလည်ခြင်း ဖြစ်ပေလိမ့်မည်။<br /> <br /> လူပေါင်းများစွာတို့သည် ဤသည်မှာ ပုံရိပ်ယောင်မဟုတ်ဟု ခံစားနေရပေမယ့် မည်သူမှ ထုတ်ဖော်ပြောကြားခြင်း မပြုပေ။ မျက်မှောင်ကျုံ့ကာသာ တိတ်ဆိတ်နေကြ၏။<br /> <br /> သိုင်းတစ်ထောင်အရှင်သခင်နှင့် အခြားအကြီးအကဲများမှာ မျက်မှောင်ကျုံ့သွားသည်။ ဤသည်မှာ ပုံရိပ်ယောင်လေလား။ ပုံရိပ်ယောင်ဆိုလျှင်တောင် ယခုမျှအထိ လှည့်ဖြားနိုင်ရာ အမှန်တကယ်ကို အံ့သြဖို့ကောင်းနေဆဲဖြစ်သည်။<br /> <br /> "ပုံရိပ်ယောင်ပဲ ဖြစ်လောက်မှာမလား... ဒီလိုမျိုးဆန်းကြယ်တဲ့ ပညာရပ်တွေကို ငါတစ်ခါမှ မကြားဖူးဘူး.."<br /> <br /> အကြီးအကဲတစ်ယောက်က ကိုယ့်ကိုယ်ကိုယ်နှစ်သိမ့်စွာဖြင့်ပြော၏။ အခြားလူများမှာ တိတ်ဆိတ်နေပါသည်။<br /> <br /> "ဘုန်း.."<br /> <br /> "ပုံရိပ်ယောင်လား.."<br /> <br /> ရွှီယန်က အသာပြုံးကာ လှောင်ပြောင်စွာ ကြည့်သည်။<br /> <br /> "မင်းတို့အားလုံး စပြီးတော့ တိုက်သင့်တယ်... ဒါမှမဟုတ်ရင် လှုပ်ရှားဖို့အခွင့်အရေး ရမှာ မဟုတ်တော့ဘူး.."<br /> သူက ထူးမခြားနားစွာ ပြော၏။<br /> <br /> "သတ်ကြ.."<br /> <br /> ငါးယောက်သားသည် လှုပ်ရှားမှုပြုလိုက်သည်နှင့် စွမ်းအင်များက ပေါင်းစပ်ကာ သိုင်းပညာများက လိုက်ဖက်ညီစွာဖြင့် တိုက်ခိုက်မှုငါးခုတို့ ထွက်ပေါ်လာခဲ့၏။<br /> <br /> သူတို့၏ အသွင်အပြင်များသည် ညီညာနေကာ နေရာယူထားသည်မှာ ပြီးပြည့်စုံ၏။ ပြီးနောက် ဒုတိယတိုက်ခိုက်မှုက နီးကပ်စွာ လိုက်ပါလာခဲ့သည်။ ထိုပူးပေါင်းတိုက်ခိုက်မှု အတတ်သည် အမှန်တကယ်ကို ထူးခြားမှုရှိ၏။<br /> <br /> "ဘုန်း.."<br /> <br /> "ပူးပေါင်းတိုက်ခိုက်မှု အတတ်လေးပါပဲ... ဘာမှ မဟုတ်ဘူး.."<br /> <br /> ရွှီယန်ကရယ်ကာ ကိုယ်ပွားတစ်ခုက ဓားတစ်ချက်ကို ထုတ်လွှတ်လိုက်သည်။ နဂါးဟိန်းသံတစ်ခု ထွက်ပေါ်လာ၏။<br /> <br /> နောက်ထပ် ကိုယ်ပွားတစ်ခု၏ ဓားအလင်းမှာလည်း မိုးကြိုးပစ်ချက်တစ်ခုသဖွယ် ကျဆင်းလာခဲ့သည်။ သူ၏ ပုံရိပ်များက နေရာများပြောင်းလဲနေပြီး ဓားချက်များက ထက်မြစွာ ကူးလူးကာ တိုက်ပွဲပြင်တွင် ဖြတ်သန်းသွားလာနေသည်။<br /> <br /> "ဒါက ဓားအခင်းအကျင်းပဲ... သေသေချာချာကြည့်ကြ.."<br /> ဓားအလင်းငါးခုတို့သည် အခြား သိုင်းသမားများနားလည်ရန် ခက်ခဲသည့် သင်္ကေတနှင့် စည်းမျဉ်းများအတိုင်း ကန့်လန့်ဖြတ်သွားသည်။<br /> <br /> လျှပ်တစ်ပြက်အတွင်းတွင် သူတို့၏ ဓားအလင်းမှာ ပိုမိုကြမ်းကြုတ်လာသည်ဟုသာ ခံစားလိုက်ရ၏။ ဆုတ်ခွာရန် လမ်းကြောင်းအားလုံးတို့ကို ပိတ်ဆို့ကာ လေဟာနယ်အားလုံးတို့ကို တားမြစ်ထားသည်။<br /> <br /> ကြက်ခြေခတ် ပျံသွားနေသည့် ဓားအလင်းသာရှိ၏။ ဓားအလင်းတိုင်းသည် ခြားနားသည့် သတ်ဖြတ်ခြင်းနည်းလမ်းတစ်ခုကို သယ်ဆောင်ထားသည်။<br /> <br /> ဤသည်မှာ လူငါးယောက်က ဓားတာအို အမျိုးအစားငါးခုတို့ကို အသုံးပြုနေသည့်ဟန် ရှိ၏။ ထက်မြသည့် ဓားချက်တစ်ချက်ဖြင့် ဓားအလင်းတို့ လက်သွားပြီး ပုံရိပ်များက နေရာပြောင်းသွားသည်။ သိုင်းတစ်ထောင်ခန်းမမှ ပါရမီရှင်များ၏ ပူးပေါင်းတိုက်ခိုက်မှုကို ဖျက်ဆီးကာ သူတို့၏ ပူးပေါင်းထားသည့် အရှိန်အဝါကို လျှပ်တပြက်အတွင်း ပြိုလဲသွားစေသည်။<br /> <br /> ဤနည်းအားဖြင့် အခြေအနေသည် ရွှီယန်က သူတို့ငါးယောက်ကို ဝန်းရံထားသကဲ့သို့ ဖြစ်လာခဲ့၏။ သူတို့ငါးယောက်က ရွှီယန်ကို ဝန်းရံထားခြင်း မဟုတ်တော့ပေ။<br /> <br /> "ဘယ်လိုဖြစ်နိုင်မှာလဲ.."<br /> ကြည့်နေသူအားလုံးတို့မှာ မှင်သက်သွားကြသည်။ ရှေ့ရှိမြင်ကွင်းကို ကြည့်ကာ သိုင်းတစ်‌ထောင်ခန်းမရှိ ပါရမီရှင်ငါးယောက်တို့က ရွှီယန်ကို တိုက်ခိုက်နေခြင်း မဟုတ်ကြောင်းအား တွေ့လိုက်ရသည်။<br /> <br /> သူတို့သည် ရွှီယန်ငါးယောက်၏ တိုက်ခိုက်မှုကို ရင်ဆိုင်နေရခြင်းသာ ဖြစ်၏။ ရှင်းလင်းစွာပင် နှစ်ဖက်လုံးတွင် လူငါးယောက်တို့ ရှိနေ၏။ သို့ပေမယ့် သိုင်းတစ်ထောင်ခန်းမ၏ ပါရမီရှင်များမှာ ရွှီယန်၏ တိုက်ခိုက်မှုအောက်တွင် ကျရောက်နေပုံ ပေါ်သည်။<br /> <br /> ဤသည်မှာ ဓားအခင်းအကျင်းလေလား။ မည်မျှ အံ့သြစရာကောင်းကာ နက်ရှိုင်းသည့် ပညာရပ် ဖြစ်သနည်း။<br /> <br /> "သိုင်းတစ်ထောင်ခန်းမက ပါရမီရှင်တွေရဲ့ ပူးပေါင်းတိုက်ခိုက်မှုက အရမ်းကို ချိနဲ့လွန်းတယ်... မဟုတ်ဘူး.. စိတ်ဝိဉာဉ်ဂိုဏ်းတွေရဲ့ ပူးပေါင်းတိုက်ခိုက်မှု အတတ်တွေအားလုံးက ဓားအခင်းအကျင်းအောက်မှာ ချိနဲ့သွားတာ.."<br /> <br /> "ဒါတောင်မှ ရွှီယန်က လျှို့ဝှက်အတက်ပညာ တစ်ခုနဲ့ ကိုယ့်ကိုယ်ကိုယ်ကိုယ်ခွဲပြီး ဓားအခင်းအကျင်းကို ပြသခဲ့တာပဲ.."<br /> <br /> "တကယ်လို့ ခြားနားတဲ့ လူငါးယောက်သာ ဒါကို အသုံးပြုလာခဲ့ရင်ရော.."<br /> <br /> ချွေဟွားယွီမှာ နှလုံးသားထဲတွင် တုန်ခါနေမိ၏။ ဒီဓားအခင်းအကျင်း အတတ်သည် ရှင်းလင်းစွာပင် ... စိတ်ဝိဉာဉ်ဂိုဏ်းများ၏ ပူးပေါင်းတိုက်ခိုက်မှုအတတ် အားလုံးတို့ကို နင်းချေနိုင်လေသည်။<br /> <br /> ယရုံမှာ မျက်မှောင်ကျုံ့သွား၏။ ဒီအချိန်၌ သူမသည် ရွှီယန်၏ လျှို့ဝှက်ဆန်းကြယ်သည့် ဆရာဖြစ်သူနှင့် ပတ်သက်ပြီး ပိုမိုကာပင် သိရှိလိုလာခဲ့၏။<br /> <br /> "ဖြစ်နိုင်တာက ရွှီယန်ရဲ့ဆရာက ကောင်းကင်အရှင် တစ်ယောက်များလား။ ဒဏ္ဍာရီဆန်တဲ့ ကောင်းကင်အရှင်တောင်မှ ဒီလို အံ့သြစရာကောင်းတဲ့ ပညာတွေ မရှိလောက်ဘူး.."<br /> <br /> ယရုံမှာ အလွန်အံ့ဩနေ၏။<br /> <br /> တိုက်ပွဲမှာ ဆက်လက်ဖြစ်ပွားနေပြီး ဓားအခင်းအကျင်း၏ နက်နဲမှုတို့သည် ဆက်လက် ပေါ်ပေါက်လာခဲ့သည်။ သိုင်းတစ်ထောင်ခန်းမမှ ပါရမီရှင် ငါးယောက်တို့သည် ပူးပေါင်းတိုက်ခိုက်မှု တစ်ခုကိုပင် ထုတ်လွှတ်၍ မရနိုင်အောင် ရှိနေ၏။<br /> <br /> ထို့အပြင် သူတို့အားလုံးသည် ရန်သူ၏ တိုက်ခိုက်မှုများကို ရင်ဆိုင်ရင်းဖြင့် အားအင်ကုန်ခမ်းနေကြပြီး အန္တရာယ်အတွင်းသို့ အချိန်မရွေး ဝင်ရောက်သွားတော့မည့်နှယ် ရှိသည်။</p> <p> </p> <p>***</p> <p> </p>


Save