Book List

<h2 style="text-align: center;">အပိုင်း ၅၈၂</h2> <h2 style="text-align: center;">သရွှမ်မြို့၌ ခန္ဓာကိုယ်ကျင့်ကြံမှု သိုင်းပညာ၏ စွမ်းအားကိုပြသခြင်း(၃)<br /> *</h2> <p> </p> <p>ကြမ်းကြုတ်သော အော်သံတစ်ခုနှင့်အတူ သူတို့သည် ရှေ့သို့ ပြေးတက်သွားကြ၏။ မုန့်ချုံကို တိုက်ခိုက်မှုများအတွင်း၌ နစ်မြုပ်သွားစေသည်။<br /> <br /> "သူ့ကိုဝိုင်းကြ.."<br /> အံ့ဖွယ်သုံးပါးမျှော်စင်၏ ဂိုဏ်းချုပ်က နက်ရှိုင်းသည့်အသံဖြင့် အမိန့်ပေးသည်။<br /> <br /> လူ့ဘီလူးကြီးမှာ စွမ်းအားကြီးမားပုံ ပေါ်ပေမယ့် ၎င်းသည် တုံ့ပြန်မှု အလွန်နှေးကွေးမည် ဆိုသည်ကို သံသယဝင်စရာ မလိုပေ။<br /> <br /> "ဝိုင်းချင်တာလား.."<br /> မုန့်ချုံက ပြုံးသည်။ သူ၏ လက်သီးကြီးက ဖြတ်သန်းလွှဲရမ်းလာပြီး အလွန်စူးရှစွာနှင့် လျှင်မြန်စွာ ရွေ့လျားလာခဲ့၏။<br /> <br /> တိုက်ခိုက်မှုများက သွက်လက်မှုနှင့် မြန်ဆန်မှုတို့ ပေါင်းစပ်ထားပြီး မည်သည့် ကျန့်ကြာနေသည့် အသွင်အပြင်မှ မပြပေ။ သူထုတ်လွှတ်သည့် လက်သီးချက်တိုင်းသည် အလွန်ပြင်းထန်လှ၏။<br /> <br /> လေနှင့်မိုးကြိုးတို့၏ မာန်ဖီသံများနှင့်အတူ အကြီးအကဲများထဲမှ တစ်ယောက်ကို အသဲအသန် လိုက်လံတိုက်ခိုက်နေပြီး အခြား တိုက်ခိုက်မှုများကိုတော့ လုံးဝ လျစ်လျူရှု့ထားသည်။ သူသည် ရုပ်ပိုင်းဆိုင်ရာ ခံနိုင်ရည်အား လုံးဝ ယုံကြည်ချက်ရှိ၏။<br /> <br /> မုန့်ချုံသည် ခြောက်မီတာရွှေခန္ဓာအဖြစ် ပြောင်းလဲပြီးနောက် သူ၏ခံနိုင်ရည်တို့မှာ ပိုမိုကာပင် မြင့်တက်လာခဲ့သည်။<br /> <br /> သူ၏ ပစ်မှတ်ထားခြင်းကိုခံရသည့် အကြီးအကဲသည် ဝင်ရောက်လာနေသည့် ကြမ်းတမ်းလှသည့် လက်သီးချက်များကို ရှောင်ရှားနိုင်ခြင်းမရှိဘဲ မျက်နှာ၌ မျှော်လင့်ချက်မဲ့အမှုတို့ ပြည့်နက်လာခဲ့၏။<br /> <br /> အံ့ဖွယ်သုံးပါးမျှော်စင်၏ ဂိုဏ်းချုပ်နှင့် အခြားအကြီးအကဲများက မုန့်ချုံကို အပြင်းအထန် တိုက်ခိုက်ကြသည်။ သို့ပေမယ့် သူ၏ခန္ဓာကိုယ်သည် တုန်ခါသွားလင့်ကစား၊ မသေခြင်းချပ်ဝတ်သည် အပ်ကွဲသွားလင့်ကစား သိလာသည့် မည်သည့်ထိခိုက်မှုကိုမှ ဖြစ်စေနိုင်ခြင်း မရှိပေ။<br /> <br /> "ငါ မင်းနဲ့အတူ သေမယ်..."<br /> အကြီးအကဲက သူ၏ လျှို့ဝှက်အတတ်ကို အသုံးပြုလိုက်ပြန်၏။<br /> <br /> "ဘုန်း.."<br /> မုန့်ချုံ၏ ခန္ဓာကိုယ်ကြီးသည် နောက်သို့ခြေလှမ်းအနည်းငယ် ဆုတ်ခွာသွားပြီးမှသာလျှင် ဟန်ချက်ကို လျှင်မြန်စွာ ထိန်းနိုင်လိုက်သည်။ သူသည် ပြုံးကာ အခြားအကြီးအကဲများကို ကြည့်ပြီးပြော၏။<br /> <br /> "ဒီတစ်ခေါက် မင်းတို့အလှည့်ပဲ..."<br /> အံ့ဖွယ်သုံးပါးမျှော်စင်၏ ဂိုဏ်းချုပ်နှင့် အကြီးအကဲများမှာ ချက်ချင်းပင် အေးစက်မှုကို ခံစားလိုက်ရသည်။ ကြည့်နေကြသည့် လူအားလုံးတို့လည်း နှလုံးသားထဲ၌ ထိတ်လန့်နေကြ၏။<br /> <br /> မုန့်ချုံသည် အံ့သြစရာကောင်းလောက်အောင် ကြမ်းတမ်းလှပါသည်။ တစ်ကြိမ်တွင် လူတစ်ယောက်ကို တမင်ပစ်မှတ်ထားကာ တိုက်ခိုက်၏။<br /> <br /> အစက ဤသည်ကို ကိုယ့်သေတွင်းကိုယ် တူးနေခြင်းဖြစ်မည်ဟု တွေ့မိခဲ့ကြသည်။ သို့ပေမယ့် သေဆုံးမည့်လူမှာ အံ့ဖွယ်သုံးပါးမျှော်စင်၏ ဂိုဏ်းချုပ်နှင့် အကြီးအကဲများသာ ဖြစ်နေမည်ဟု ထင်မထားခဲ့ပေ။<br /> <br /> စိတ်ဝိဉာဉ်ဂိုဏ်းမှ စွမ်းအားကြီး ပုဂ္ဂိုလ်များသည် မုန့်ချုံ၏ ကြီးမားလှသည့် ခန္ဓာကိုယ်ကြီးကို ကြည့်ကာ အလွန်လေးနက်စွာ ရှိနေကြသည်။<br /> <br /> လေလွင့်သိုင်းသမား တစ်ယောက်တွင် ဘယ်လိုလုပ်ပြီး ယခုကဲ့သို့ စွမ်းအားကြီးကာ ထူးခြားသည့် သိုင်းပညာတစ်ခုကို ပိုင်ဆိုင်ထားရသနည်း။ ဤသည်မှာ မည်သည့် သိုင်းပညာကျင့်စဉ်တစ်ခု ဖြစ်သနည်း။ အလွန်ကြောက်ဖို့ကောင်းလွန်းလှသည်။<br /> <br /> အံ့ဖွယ်သုံးပါးမျှော်စဉ်၏ ဂိုဏ်းချုပ်မှာ ဆုတ်ခွာလို၏။ သို့ပေမယ့် မုန့်ချုံက ပြုံးကာပြောသည်။<br /> <br /> "တိုက်ပွဲက စတင်ပြီးပြီဆိုတော့... အဆုံးသတ်တဲ့အထိ တိုက်ရမယ်... နောက်ဆုတ်တာက ခွင့်မပြုဘူး.."<br /> <br /> "သူ့ကိုတိုက်ကြ.."<br /> အံ့ဖွယ်သုံးပါးမျှော်စင်၏ ဂိုဏ်းချုပ်က ဒေါသတကြီးအော်၏။ သူသည်လည်း နောက်ဆုံးအချိန်အထိ တိုက်ခိုက်ရန် ပြတ်သားလာခဲ့သည်။<br /> <br /> ကျန်ရှိနေသည့် အကြီးအကဲများလည်း တူညီသည့် စိတ်အခြေအနေအတွင်းသို့ ဝင်ရောက်နေ၏။ သူတို့၏ မျက်လုံးများက အေးစက်ကာ စွမ်းအင်တို့ မြင့်တက်လာခဲ့သည်။<br /> <br /> ချက်ချင်းပင် တိုက်ခိုက်မှု အားလုံးတို့ကို အတူတူ ထုတ်လွှတ်လိုက်ကြ၏။ မုန့်ချုံ၏ ဦးခေါင်းအား ချိန်ရွယ်ခဲ့သည်။<br /> <br /> "ဘုန်း.."<br /> သွေးရောင်အလင်းက လွှမ်းခြုံလာခဲ့ပြီး အံ့ဖွယ်သုံးပါးမျှော်စင်မှ လူများသည် သူတို့၏ အစွမ်းအထက်ဆုံး လျှို့ဝှက်အတတ်ကို ကိုယ်ပိုင် အသက်ဓာတ် အဆီအနှစ်အား ခမ်းခြောက်စေပြီး အသက်သွင်းလိုက်၏။<br /> <br /> မုန့်ချုံ၏မျက်နှာက ခက်ထန်သွားသည်။ ဒီအချိန်၌ သူသည် သန်မာသည့် အန္တရာယ်အငွေ့အသက်ကို ခံစားလိုက်ရ၏။ ဒီတိုက်ခိုက်မှုကိုသာ ထိပ်တိုက် ရင်ဆိုင်မိပါက သူ၏ ရုပ်ပိုင်းဆိုင်ရာ ခန္ဓာကိုယ်ခုခံမှုကို ပျက်စီးသွားစေပြီး ပြင်းထန်သည့်ဒဏ်ရာများ ရရှိလာမှာ ဖြစ်သည်။<br /> <br /> ပါးစပ်အတွင်းသို့ ဒန်ဆေးလုံးတစ်ပုလင်းအား လောင်းထည့်လိုက်ပြီးနောက် ရွှေရောင်အလင်းတို့ တောက်ပစွာ ပြန်လည်ထွက်ပေါ်လာ၏။ အထွတ်အထိပ် အခြေအနေအထိ ရောက်ရှိသွားသည်။<br /> <br /> သူသည် စွမ်းအားကြီးမားသည့် လက်သီးချက်များကို အောင်မြင်စွာ ထိုးနှက်ပြီးနောက် မိုးခြိမ်းသံတို့နှင့်အတူ လက်သီးများဆီမှ ဆေဘာအလင်းပင် ထွက်ပေါ်လာခဲ့သည်။<br /> <br /> "ဘုန်း.."<br /> အံ့ဖွယ်သုံးပါးမျှော်စင်၏ ဂိုဏ်းချုပ်နှင့် သူ၏အပေါင်းအပါများသည် လုံးဝ ပြက်သားစွာ ရှိနေကြ၏။ သူတို့သည် လေနှင့်မိုးကြိုးတို့ကို ဖျက်ဆီးကာ ဝင်ရောက်လာနေသည့် ဆေဘာအလင်းကို ပြိုလဲသွားစေပြီး မုန့်ချုံ၏ ဦးခေါင်းဆီသို့ တစ်ခါတည်း ထိမှန်ရန် ရည်မှန်းတိုက်ခိုက်၏။<br /> <br /> မုန့်ချုံက အနောက်ဘက်သို့ အလွန်လျှင်မြန်သည့် အမြန်နှုန်းဖြင့် ဆုတ်ခွာသွားသည်။<br /> <br /> "အချိန်ကျပြီ.."<br /> အခိုက်အတန့်တစ်ခုတွင် သူသည် အသံပြုလိုက်ပြီး လက်ကို ဆေဘာတစ်ချောင်းအဖြစ် အသုံးပြုကာ ဆေဘာအလင်းတစ်ခုကို ထုတ်လွှတ်လိုက်သည်။ကျယ်လောင်သော ပေါက်ကွဲသံတစ်ခုနှင့် အတူ ရန်သူ၏ တိုက်ခိုက်မှုမှာ အလယ်ခေါင်မှ ကွဲထွက်သွားခဲ့သည်။<br /> <br /> ချက်ချင်းပင် သူသည် နောက်ထပ် ဆေဘာဓားချက်တစ်ခုကို ထပ်မံထုတ်လွှတ်လိုက်၏။ ရန်သူ၏တိုက်ခိုက်မှုကို မရေမတွက်နိုင်သည့် အပိုင်းအစများအဖြစ် ပြောင်းလဲသွားစေသည်။<br /> <br /> သို့ပေမယ့် ဝင်ရောက်လာနေသည့် တိုက်ခိုက်မှုစွမ်းအားသည် အလွန်ကြမ်းတမ်းနေဆဲ ရှိ၏။ သို့ပေမယ့် တစ်ခုတည်းအဖြစ် စုစည်းနေသည့် စွမ်းအားတို့သည် ဆယ်ခုကျော်အထိ ကွဲထွက်သွားခဲ့၏။<br /> <br /> "အဆင်သင့်ဖြစ်ပြီ.."<br /> <br /> မုန့်ချုံ၏ မျက်လုံးများက ကျဉ်းမြောင်းသွားပြီး သူသည် တိုက်ခိုက်မှုကို အားနည်းအောင် လုပ်ဆောင်ပြီးဖြစ်ရာ ခံနိုင်ရည်ရှိပြီဟု တွေးမိလိုက်သည်။<br /> <br /> ကောင်းကင်တူတစ်ရာ သန့်စင်ခြင်းအတတ်အား အသက်သွင်းကာ ထိုတိုက်ခိုက်မှုကို ရုပ်ပိုင်းဆိုင်ရာ ခန္ဓာကိုယ်နှင့် တိုက်ရိုက်ခံယူ၏။<br /> <br /> "ဘုန်း.."<br /> မသေခြင်းချပ်ဝတ်က ပျက်စီးသွားပြီး သူ၏ ခန္ဓာကိုယ်ပေါ်တွင် ဒဏ်ရာများ ပေါ်ပေါက်လာခဲ့သည်။ သို့ရာတွင် ကောင်းကင်တူတစ်ရာ သန့်စင်ခြင်းအတတ်၏ သန့်စင်မှု ဖြစ်စဉ်အတွင်းတွင် တိုက်ခိုက်မှု၏ စွမ်းအားများသည် သန့်စင်ခြင်းစွမ်းအားအဖြစ် ပြောင်းလဲသွားခဲ့၏။ ဤသည်က သူ၏ သိုင်းပညာ အဆီအနှစ်အဖြစ် ပြောင်းလဲလာခဲ့သည်။<br /> <br /> မုန့်ချုံသည် သူစုစည်းထားသည့် သိုင်းပညာအခြေခံသည် ပြီးပြည့်စုံခြင်းသို့ ရောက်ရှိရန် အနည်းငယ်သာလိုအပ်တော့ကြောင်းကို ခံစားလိုက်ရသည်။ ထိုလိုအပ်နေသည့် အနည်းငယ်သည် ဒန်ဆေးလုံးအချို့ သို့မဟုတ် စိတ်ဝိဉာဉ်ဆေးပင်အချို့ကို သန့်စင်ခြင်းနှင့် အချိန်ခဏလောက် ကျင့်ကြံခြင်းဖြင့် ပြီးပြည့်စုံခြင်းသို့ ရောက်ရှိစေနိုင်၏။<br /> <br /> ထိုအချိန်၌ သူ၏ မသေခြင်းရွှေခန္ဓာ ဒုတိယအဆင့်ကို ချိုးဖျက်ရန် အချိန်သို့ ရောက်ရှိပေလိမ့်မည်။ သရွှမ်မြို့ရှိ တိုက်ပွဲကြီးသည် အဆုံးသတ်သင့်ပြီ ဖြစ်၏။</p> <p> </p> <p> </p> <p>***</p> <p> </p>


Save