Book List

<h2 style="text-align: center;">အပိုင်း ၅၈၃</h2> <h2 style="text-align: center;">လင်းနယ်မြေတစ်ခုလုံးအား အံ့ဩသွားစေခြင်း၊</h2> <h2 style="text-align: center;">သိုင်းတစ်ထောင်ခန်းမ၏ လိုက်လံမှု<br /> *</h2> <p> </p> <p>သရွှမ်မြို့ရှိ တိုက်ပွဲကြီးသည် မုန့်ချုံ၏ အံ့ဖွယ်သုံးပါးမျှော်စင်မှ ဂိုဏ်းချုပ်နှင့် အကြီးအကဲများကို တစ်ယောက်တည်း သတ်ဖြတ်ခဲ့မှုဖြင့် အဆုံးသတ်ခဲ့၏။<br /> <br /> အံ့ဖွယ်သုံးပါးမျှော်စင်မှာ သိုင်းတစ်ထောင်ခန်းမ၏ လက်အောက်ရှိ ထိပ်တန်း စိတ်ဝိဉာဉ်ဂိုဏ်းတစ်ခုဖြစ်သည်။ သို့ပေမယ့် ယခုအချိန်၌ ၎င်းသည် စွမ်းအားကြီးပုဂ္ဂိုလ်အားလုံး နီးပါးတို့ သတ်ဖြတ်ခြင်း ခံခဲ့ရပြီး ထိပ်တန်းစိတ်ဝိဉာဉ်ဂိုဏ်း တစ်ခု၏ ဂုဏ်သိက္ခာတို့ ဆုံးရှုံးသွားခဲ့၏။<br /> <br /> မုန့်ချုံ၏ ခြောက်မီတာမြင့်မားသည့် ခန္ဓာကိုယ်နှင့် ရွှေရောင်ချပ်ဝတ်တို့ အကြောင်းသည်လည်း လင်းနယ်မြေ၏ ဒေသအသီးသီးဆီသို့ မုန်တိုင်းတစ်ခုနှယ် ပျံ့နှံ့သွားသည်။<br /> <br /> သူသည် ရွှီယန်၏ အပြုအမူလောက် ထည်ဝါခြင်း မရှိပေမယ့် မရေမတွက်နိုင်သည့် စိတ်ဝိဉာဉ်ဂိုဏ်းများနှင့် သိုင်းသမားများစွာတို့ကို အံ့သြသွားစေဆဲ ရှိ၏။<br /> <br /> မုန့်ချုံသည် ဆေဘာအရှင်သခင်ဟု အမည်တွင်ပြီး သရွှမ်မြို့၌ စိတ်ဝိဉာဉ်ဂိုဏ်းများ၏ ပါရမီရှင်အားလုံးတို့ကို အနိုင်ယူကာ အံ့ဖွယ်သုံးပါးမျှော်စင်ကို တစ်ယောက်တည်း ပြိုလဲသွားစေခဲ့သည်။<br /> <br /> "သိုင်းတစ်ထောင်ခန်းမက ကံတွေ ဆိုးနေတာလား..."<br /> <br /> "ဟုတ်မယ်... သူတို့က အရမ်းအရှက်မဲ့လွန်းလို့ ဝဋ်ပြန်လည်တာ ဖြစ်လိမ့်မယ်.."<br /> <br /> စိတ်ဝိဉာဉ်နယ်မြေရှိ သိုင်းလောကတွင် သိုင်းတစ်ထောင်ခန်းမနှင့် ပတ်သက်ပြီး ဆွေးနွေးမှုများစွာ ပေါ်လာခဲ့၏။<br /> <br /> ဓားဂိုဏ်းရှိ ပါရမီရှင်နှင့် ဂိုဏ်းချုပ်တို့ကို ရွှီယန်က သတ်ဖြတ်ခဲ့သည်။ ဤသည်မှာလည်း သိုင်းတစ်ထောင်ခန်းမ၏ လက်အောက်ခံဂိုဏ်းတစ်ခု ဖြစ်၏။<br /> <br /> အံ့ဖွယ်သုံးပါးမျှော်စင်ရှိ ပါရမီရှင်တို့ကို မုန့်ချုံက သတ်ဖြတ်ခဲ့သည်။ ဂိုဏ်းချုပ်နှင့် အကြီးအကဲများလည်း အပါအဝင်ဖြစ်၏။ ဤသည်က သူတို့၏ ခွန်အားကို ကြီးစွာ လျော့ကျသွားစေသည်။ ဤသည်မှာလည်း သိုင်းတစ်ထောင်ခန်းမ၏ လက်အောက်ခံ အင်အားစုတစ်ခု ဖြစ်၏။<br /> <br /> သိုင်းတစ်ထောင်ခန်းမ ကိုယ်တိုင်မှာလည်း ပါရမီရှင်များ သတ်ဖြတ်ခြင်းခံရကာ ဒီဗိုင်းကိရိယာပင် လုယူခြင်းခံခဲ့ရ၏။ အဆင့်လွန် စိတ်ဝိဉာဉ်ဂိုဏ်းများ အကြားတွင် သိုင်းတစ်ထောင်ခန်းမသည် ပထမဆုံး အရှုံးပေါ်ကာ အထိနာခဲ့ခြင်း ဖြစ်သည်။<br /> <br /> မုန့်ချုံနှင့် ရွှီယန်တို့ကြောင့် စိတ်ဝိဉာဉ်နယ်မြေရှိ သိုင်းလောကသည် စိတ်လှုပ်ရှားစရာ ကောင်းမှုတို့ဖြင့် ပိုမိုအုံကြွလာခဲ့၏။ ပါရမီရှင်များအကြား တိုက်ပွဲကို ပိုမိုကာပင် စည်ကားလာစေသည်။<br /> <br /> "သူတို့တွေ ရွှီယန်ကို ဖမ်းမမိသေးဘူးလား..."<br /> <br /> "မမိသေးဘူး.."<br /> <br /> "သိုင်းတစ်ထောင်ခန်းမရဲ့ ဂုဏ်သတင်းတော့ ကုန်ပြီထင်တယ်.."<br /> <br /> "ရွှီယန်ကလည်း တကယ့်ကောင်ပဲ... သိုင်းတစ်ထောင်ခန်းမရဲ့ ဒီဗိုင်းကိရိယာကို လုယူပြီးတော့ လိုက်ဖမ်းတာကိုတောင်မှ ရှောင်ပြေးနိုင်ခဲ့တယ်.."<br /> <br /> အစက လူတိုင်းသည် ရွှီယန်ကို အကြာကြီး ပြေးနိုင်ခြင်းမရှိဘဲ သိုင်းတစ်ထောင်ခန်းမရှိ စွမ်းအားကြီးပုဂ္ဂိုလ်များ၏ သတ်ဖြတ်ခြင်းကို ခံရမည်ဟု ထင်ထားခဲ့၏။<br /> သို့ရာတွင် ရွှီယန်သည် လွတ်လွတ်လပ်လပ် လှည့်လည်သွားလာနေပုံ ရသည်။<br /> <br /> သိုင်းတစ်ထောင်ခန်းမရှိ ဆေဘာသခင် အကြီးအကဲသည် အသဲအသန် လိုက်နိုင်ရှာဖွေနေဆဲရှိပြီး ယခုအချိန်အထိ မတွေ့နိုင်သေးပေ။<br /> <br /> "ရွှီယန်ပေါ်လာတယ်.. ရွှီယန်ပေါ်လာတယ်..."<br /> <br /> "တကယ်လား...သူ အသတ်ခံလိုက်ရပြီလား.."<br /> <br /> "မဟုတ်ဘူး... သူသိုင်းတစ်ထောင်ခန်းမရဲ့ စွမ်းအားကြီးပုဂ္ဂိုလ်တစ်ယောက်ကို သတ်ဖြတ်ပြီး ထွက်ပြေးသွားပြန်ပြီ.."<br /> <br /> ရံဖန်ရံခါ၌ ရွှီယန်၏သတင်းတို့ ပေါ်လာလေ့ရှိ၏။ သူ၏ တည်နေရာများမှာ လျှို့ဝှက်မနေပေ။<br /> <br /> ထိုကဲ့သို့ အကြိမ်ကြိမ် ဖြစ်ပွားပြီးနောက် လူတိုင်းသည် ရွှီယန်မှာ သူ၏တည်နေရာအား တမင် သတင်းထုတ်ပြန်ခဲ့ခြင်း ဖြစ်မည်ဟု သံသယဝင်လာခဲ့၏။ သိုင်းတစ်ထောင်ခန်းမ၏ စွမ်းအားကြီးပုဂ္ဂိုလ်များ လိုက်လံသတ်ဖြတ်မှုကို ဖြစ်ပေါ်အောင် ဖန်တီးနေဟန်ရသည်။<br /> <br /> "ဒန်ဆေးနတ်သမီး အကြောင်းကို မင်းကြားပြီးပြီလား... အံ့ဖွယ်သမားတော်လေ... ပြောကြတာက.. သူမက အခြေခံထိခိုက်ထားတဲ့ သိုင်းပညာရှင်တစ်ယောက်ကိုတောင်မှ ပြန်ကောင်းအောင် ကုသနိုင်တယ်တဲ့.."<br /> <br /> "ငါလည်းကြားတယ်... သူမရဲ့ဆေးပညာက တကယ့်ကို အံ့သြဖို့ကောင်းလွန်းတယ်.."<br /> <br /> "ဟုတ်တယ်... ငါနဲ့ ဘယ်နှစ်ဝမ်းခွဲလဲမသိ တော်တဲ့ အမျိုးတစ်ယောက်ရဲ့ သားရဲ့ သွေးသောက်ညီအကိုရဲ့ ညီ  စိတ်ဝိဉာဉ်ဂိုဏ်းက ယုတ်မာတဲ့ကောင်တွေကြောင့် အခြေခံ လုံးဝ ပျက်စီးသွားခဲ့ရတယ်။ ပြီးတော့ ဒုက္ခိတတစ်ယောက် ဖြစ်သွားခဲ့တယ်။ ဒါပေမယ့် အခု ပြန်လည်ကောင်းမွန်နေပြီး သူ့ရဲ့ခွန်အားတောင် ကောင်းကင်လူသားငယ်အဆင့်ကို ရောက်နေပြီ.."<br /> <br /> "တကယ်ပဲ အဲ့လောက်ကြီး အံ့သြဖို့ကောင်းလို့လား.."<br /> <br /> "ဒါပေါ့.."<br /> <br /> "ဒန်ဆေးနတ်သမီးက ဘယ်နေရာမှာလဲ..."<br /> <br /> "လော့ဒေသမှာ... ချန်ချင်းစံအိမ် ဆိုပြီးတော့ တည်ထားတယ်။ အစက ချီမင်ဂိုဏ်းရဲ့နေရာပဲ.."<br /> <br /> လင်းနယ်မြေတလျှောက်တွင် ရွှီယန်နှင့် မုန့်ချုံတို့၏ သတင်းများမှာ ခြိမ့်ခြိမ့်သဲသဲ ပျံ့နှံ့နေပြီး သိုင်းသမားတိုင်းသည် သူတို့၏ အကြောင်းကို ဆွေးနွေးနေကြသကဲ့သို့ နောက်ထပ် သတင်းသစ်တစ်ခုလည်း စတင်ပျံ့နှံ့လာခဲ့သည်။<br /> <br /> ချန်ချင်းစံအိမ်၏ ဒန်ဆေးနတ်သမီး စုလင်းရှုံသည် အံ့ဖွယ်ကောင်းသည့် ကုသခြင်း စွမ်းအားတို့ကို ပိုင်ဆိုင်ထားပြီး သေသူကိုပင် ပြန်ရှင်အောင်လုပ်နိုင်၏။ မည်သည့် ပြင်းထန်လှသည့် ဒဏ်ရာကိုမဆို လူသာ မသေပါက ပျောက်ကင်းအောင် ကုသပေးနိုင်သည်။<br /> <br /> သို့ပေမယ့် ကုသမှုစရိတ်ကို တတ်နိုင်ရန်လိုအပ်၏။<br /> စရိတ်မှာ စိတ်ဝိဉာဉ်ဆေးပင်များ ဖြစ်သည်။<br /> <br /> လူအချို့မှာ အလွန်အံ့သြနေကြပြီး လင်းနယ်မြေတွင် ယခုကဲ့သို့သော လျှို့ဝှက်ဆန်းကြယ်သည့် အတတ်ပညာတစ်ခု မည်ကဲ့သို့ ပေါ်လာသနည်းဟု တွေးတောမိကြ၏။<br /> <br /> အချို့မှာတော့ မယုံကြပေ။ သို့ပေမယ့် မည်သို့ပင် ဆိုစေကာမူ ဒန်ဆေးနတ်သမီး စုလင်းရှုံ၏ အမည်သည် လင်းနယ်မြေတလျှောက် စတင်ပျံ့နှံလာခဲ့၏။<br /> <br /> "စီနီယာအစ်ကိုကြီးက အရမ်းကို စွမ်းအားကြီးလွန်းတယ်.."<br /> <br /> မြို့ကြီးတစ်မြို့တွင် ဦးခေါင်းပေါ်၌ ဆံပင်အတုကို ဝတ်ဆင်ထားသည့် မုန့်ချုံက မနေနိုင်ဘဲ ရေရွတ်၏။ အစက သူသည် သိုင်းတစ်ထောင်ခန်းမ၏ ဂိတ်တံခါးဆီသို့ သွားရောက်လိုခဲ့သည်။ သို့ပေမယ့် ရရှိလာသည့် သတင်းများအရ သူ၏ စီနီယာအကိုကြီးသည် သိုင်းတစ်ထောင်ခန်းမရှိ ပါရမီရှင်အားလုံးတို့ကို သတ်ဖြတ်ခဲ့သည့်အပြင် ဒီဗိုင်းကိရိယာကိုပါ လုယက်ပြီး ထွက်ပြေးသွားသည်ဟု ကြားရ၏။<br /> <br /> ယခုအချိန်၌ သိုင်းတစ်ထောင်ခန်းမသည် ရူးသွပ်နေပါသည်။ ထို့ကြောင့် ဂိတ်တံခါးကို သွားရောက်ပိတ်ပင်မည့် စိတ်ကူးကို ဖယ်ထုတ်လိုက်ရ၏။ သူသာ ဒီအချိန်၌ သိုင်းတစ်ထောင်ခန်းမ၏ ဂိတ်တံခါးဆီသို့ သွားရောက်သောင်းကြမ်းပါက သိုင်းတစ်ထောင်ခန်းမ၏ စွမ်းအားကြီးပုဂ္ဂိုလ်များ အားလုံးကို ပေါက်ကွဲသွားစေမှာဖြစ်သည်။<br /> <br /> "ဒါမှမဟုတ်ရင်... ငါ လိင်ယွင်တောင်စံအိမ်ရဲ့ ဂိတ်တံခါးကို သွားပြီးပိတ်သင့်လား.."<br /> <br /> မုန့်ချုံသည် အတွေးနက်သွား၏။ သူနှင့် လိင်ယွင်တောင်စံအိမ်တို့ အကြားတွင် တိုက်ရိုက်ရန်ငြိုးတို့ ရှိမနေရာ တံခါးဝ၌ သွားပိတ်ကာ သောင်းကြမ်းခြင်းသည် မကောင်းလောက်ပါ။<br /> <br /> ထို့အပြင် သိုင်းတစ်ထောင်ခန်းမ၏ သင်ခန်းစာအပြီးတွင် လိင်ယွင်တောင်စံအိမ်သည် တိုက်ရိုက်ဆန်စွာ တုံ့ပြန်မည်  မဟုတ်လောက်ပေ။<br /> <br /> သူ့အနေနှင့် ကြောက်ရွံ့ခြင်း မရှိပေ။ ဆရာပေးထားသည့် ဒီဗိုင်းဆန်းကြယ်စွမ်းအား ကျောက်စိမ်းအဆောင်  ဆောင်ထား၏... သို့ရာတွင် သိုင်းလောကတွင် နာမည်တစ်ခုကို တည်ဆောက်ရာ၌ ကိုယ့်ကိုယ်ကိုယ်သာ မှီခိုသင့်ပေသည်။<br /> <br /> 'အရင်ဆုံး နေရာတစ်ခုရှာပြီး အချိန်တစ်ခုတော့ တံခါးပိတ်ကျင့်ကြံရမယ်... မသေခြင်းရွှေခန္ဓာရဲ့ ဒုတိယအဆင့်ကို အမြန်ချိုးဖျက်ရမယ်.."<br /> <br /> မုန့်ချုံသည် အတွေးနက်သွား၏။ သူသည် မသေခြင်းရွှေခန္ဓာ၏ ဒုတိယအဆင့်သို့ ချိုးဖျက်မှုအပြင် မသေခြင်းရွှေခန္ဓာ၏ တတိယအဆင့်ရှိ ကျင့်စဉ်တို့ကိုလည်း နားလည်သဘောပေါက်ရန် လိုအပ်သေးသည်။<br /> <br /> ဒီအချိန်သည် ၎င်းတို့ကို လေ့လာရန် အချိန်ဖြစ်၏။ သူသည် ဒုတိယအဆင့်သို့ ချိုးဖျက်ခါနီး ရှိနေပါပြီ။ ထို့ကြောင့် တတိယအဆင့်ရှိ ကျင့်စဉ်သဘောတရားတို့ကို ကြိုတင်နားလည်အောင် ပြုလုပ်ရမည် ဖြစ်၏။<br /> <br /> 'ငါ့ရဲ့ ရုပ်ပိုင်းဆိုင်ရာ ခန္ဓာကိုယ် သိုင်းပညာစနစ်သာ ဒီဗိုင်းဆန်းကြယ်စွမ်းအား အဆင့်ကို ချိုးဖျက်ပြီးရင် ဘယ်လို ဒီဗိုင်းဆန်းကြယ် စွမ်းအားတွေ ရရှိလာလောက်မလဲ..'<br /> <br /> မုန့်ချုံသည် မျှော်လင့်နေမိ၏။<br /> <br /> 'အဆင့်ချိုးဖျက်ပြီးတဲ့ အခါကျရင် ငါလည်း လင်းနယ်မြေတလျှောက် အတွေ့အကြုံ လိုက်ယူသင့်တယ်။ နေရာတိုင်းမှာ အခြားသိုင်းသမားတွေနဲ့ သိုင်းပညာဖလှယ်ရမယ်။ လောကကြီးကို အရပ်မျက်နှာ အားလုံးမှာ နားလည်အောင် လုပ်ရမယ်။ အတွေ့အကြုံတွေကို စုဆောင်းရမယ်..'<br /> <br /> မုန့်ချုံသည် နှလုံးသားထဲတွင် အစီအစဉ်တစ်ခုအား ချမှတ်ပြီးနောက် မြို့ထဲမှထွက်ကာ တံခါးပိတ်ကျင့်ကြံရန် နေရာတစ်ခုကို ရှာဖွေသည်။<br /> <br /> 'အခုအချိန်မှာ ဂျူနီယာ ညီမလေးလည်း နာမည်ကျော်ကြားနေပြီ..'<br /> <br /> သိုင်းသမားများ၏ ဒန်ဆေးနတ်သမီး အကြောင်းကို ဆွေးနွေးနေပုံကို ကြားရပြီးနောက် သူသည် မနေနိုင်ဘဲအံ့သြသွား၏။<br /> <br /> 'ဒါပေမယ့်... နှိုင်းယှဉ်ကြည့်မယ်ဆိုရင် စတုတ္ထညီရဲ့ ဂုဏ်သတင်းက နည်းနည်း နိမ့်ပါးနေသေးတယ်..'<br /> <br /> ဖန်းဟောင်မှာ ယွီကျိုး၏ မျိုးဆက်စုံမဟာမိတ်အဖွဲ့ခွဲခေါင်းဆောင်ဖြစ်ပေမယ့် ဂုဏ်သတင်းအနည်းငယ်သာ ရှိသည်ဟု ဆိုနိုင်၏။<br /> <br /> သူသည် ယွီကျိုး၏ အုပ်ချုပ်ပုံစနစ်ကို ပထမဆုံး ချိုးဖျက်ခဲ့သူ ဖြစ်ကာ လင်းနယ်မြေ၏ အုပ်ချုပ်ပုံစနစ်ကို ပထမဆုံး စိန်ခေါ်ခဲ့သူဖြစ်လျှင်တောင် ယွီကျိုးမှာ အလွန် အားနည်းလွန်းလှသည်။ ထို့ကြောင့် အာရုံအများကြီးကို ဆွဲဆောင်နိုင်ခြင်း မရှိပေ။<br /> <br /> ရွှီယန်သည် သူ၏ လမ်းကြောင်းပေါ်တွင် သတ်ဖြတ်လိုစိတ်အပြည့်ဖြင့် ရပ်နေသည့် အဘိုးအိုကို ကြည့်ကာ အနည်းငယ် မျက်မှောင်ကျုံ့သွား၏။<br /> <br /> ထိုအဘိုးအို၏ အငွေ့အသက်တို့သည် အလွန် ထူးဆန်းနေပြီး သူ့ကို အန္တရာယ်အငွေ့အသက်အား ရေးတေးတေး ပေးစွမ်းနေ၏။<br /> <br /> "ရွှီယန်... အနှိုင်းမဲ့တဲ့ ပါရမီရှင်လား... ဒီနေ့မှာတော့ မင်းသေရမယ်.."<br /> <br /> အဘိုးအို၏ အက်ကွဲနေသည့်အသံက လွင့်ပျံလာခဲ့၏။<br /> <br /> "သိုင်းတစ်ထောင်ခန်းမက လူလား.."<br /> ရွှီယန်သည် မျက်မှောင်ကျုံ့သွား၏။ ဒီအဘိုးအိုသည် မူမှန်ခြင်း မရှိပေ။<br /> <br /> ဒီတစ်ကြိမ်တွင် သူသည် အရိပ်အယောင်အချို့ကိုသာ ဖော်ပြခဲ့ခြင်း ဖြစ်၏။ ဘယ်လိုလုပ်ပြီး ဒီအဘိုးကြီးကို ရောက်ရှိလာစေခဲ့သနည်း။<br /> <br /> "ရေခဲဆေဘာဓား ဘယ်မှာလဲ.."</p> <p> </p> <p> </p> <p>***</p> <p> </p>


Save