Book List

<h2 style="text-align: center;">အခန်း (၇၂၀)</h2> <h2 style="text-align: center;">တတိယမြောက် တာအိုပေါင်းစည်းခြင်းအဆင့် နတ်ဆိုးကျောက်တိုင် ၃</h2> <h2 style="text-align: center;">*</h2> <p> </p> <p> </p> <p> </p> <p> </p> <p>အမည်းရောင်လေပြင်းသည် ချက်ချင်းပျောက်ကွယ်သွားလေရာ၊ ခွန်အားကြီးမားလှသော ဝက်ဝံနတ်ဆိုးကြီး၏ လက်မောင်းနှစ်ဖက်ဟာ ဆွေးမြေ့နေသောဝါးခြမ်းကဲ့သို့ ကျိုးပဲ့သွားလေသည်။</p> <p> </p> <p>ထို့နောက် ရင်ဘက်ရိုးများကျိုးကြေသွားပြီး၊ ၎င်း၏ ခန္ဓာကိုယ်ကြီးတစ်ခုလုံးမှာ ထိန်းချုပ်နိုင်စွမ်းကင်းမဲ့စွာ လွင့်စင်ထွက်သွားကာ၊ ဂူပေါက်တစ်ခုလုံးကို ပြိုကျပျက်စီးစေလေတော့သည်။</p> <p> </p> <p>၎င်း၏ ကျင့်ကြံခြင်းစွမ်းအားဖြင့်ပင် ဤမျှသနားစရာကောင်းလှသော အခြေအနေသို့ ရောက်ရှိသွားရလေရာ၊ ၎င်း၏ ရင်ဘက်ထဲတွင် ရှိနေသော သားဖြစ်သူမှာမူ ဆိုဖွယ်ရာ မရှိတော့ချေ။</p> <p> </p> <p>အတွင်းကလီစာများ အားလုံးကြေမွသွားပြီး အသက်ဝိညာဉ် ချုပ်ငြိမ်းသွားခဲ့လေပြီ။</p> <p> </p> <p>"မင်း... မင်း..."</p> <p> </p> <p>ဧရာမ ဝက်ဝံနတ်ဆိုးကြီးသည် မြေပြင်ပေါ်သို့ လဲကျသွားပြီးနောက်၊ ၎င်း၏ အပေါ်မှသေဆုံးနေသည့် အလောင်းကောင်ကို အတင်းအကျပ်ဖယ်ထုတ်လိုက်ကာ၊ နောက်သို့ ဆုတ်ခွာနိုင်ရန် အစွမ်းကုန် ရုန်းကန်တွားသွားနေလေသည်။</p> <p> </p> <p>ပြဿနာများမပေါ်ပေါက်စေရန်အလို့ငှာ၊ နဂါးဘုရင်ကြီးသည် ဟုန်ကျယ်အနောက်ပိုင်းရှိ အင်အားစုများ၏ ဖြန့်ကျက်တည်ရှိမှု အခြေအနေများကို အသေးစိတ်ရှင်းပြထားခဲ့ပြီး ဖြစ်သည်။</p> <p> </p> <p>တာအိုပေါင်းစည်းခြင်းအဆင့်ရှိ ကျင့်ကြံသူများကို ပိုင်ဆိုင်ထားသော အင်အားစုများကိုလည်း သူတို့ အလွန်ပင် ရင်းနှီးကျွမ်းဝင်ခဲ့ပြီးဖြစ်လေ၏။ သို့ရာတွင် ၎င်း၏ ရှေ့မှောက်၌ ရပ်တည်နေသော ဤပုဂ္ဂိုလ်များမှာ ထိုစာရင်းထဲတွင်ပါဝင်ခြင်း မရှိခဲ့ချေ။</p> <p> </p> <p>အကြောင်းတစ်စုံတစ်ရာကြောင့်၊ မကြာသေးမီက ထွက်ပေါ်ခဲ့သော ကောလာဟလတစ်ခုသည် ဝက်ဝံနတ်ဆိုး၏ စိတ်အာရုံထဲသို့ ရုတ်တရက်လျှပ်တစ်ပြက် ဝင်ရောက်လာလေသည်။</p> <p> </p> <p>၎င်း၏ မျက်လုံးများထဲတွင် ကြောက်ရွံ့တုန်လှုပ်မှုတို့ အထင်းသားပေါ်လွင်လာတော့သည်။</p> <p>ဤမျှရက်စက်ကြမ်းကြုတ်သော အဖွဲ့အစည်းတစ်ခု အမှန်တကယ်တည်ရှိနေခဲ့ပြီး၊ ထူးဆန်းစွာပင် ၎င်းတို့သည် မိမိထံသို့ ရောက်ရှိလာခဲ့ခြင်း ဖြစ်လေ၏။</p> <p> </p> <p>ထိုသို့ တွေးလိုက်မိသည်နှင့် တစ်ပြိုင်နက်၊ ၎င်းသည် အနက်ရောင်ဝတ်ရုံဝတ်ဆင်ထားသော လူငယ်လေးဆီသို့ အလိုအလျောက်လှမ်းကြည့်လိုက်မိတော့သည်။ ကျစ်လန်က သူ့ကို ဘာကြောင့် ဖိတ်ခေါ်ခဲ့ရသလဲ ဆိုသည်မှာ အံ့သြစရာ မဟုတ်တော့ချေ။</p> <p> </p> <p>ဤလူငယ်လေးတွင် ဤမျှထိတ်လန့်ဖွယ်ကောင်းသော နောက်ခံအင်အား ရှိနေခဲ့သည်ကိုး။</p> <p> </p> <p>"ကျင့်ကြံသူ စီနီယာကြီးများ၊ ကျုပ်ပြောတာကို နားထောင်ပေးကြပါ"</p> <p> </p> <p>ဝက်ဝံနတ်ဆိုးကြီးသည် ပြင်းထန်လှသော နာကျင်မှုကို ကြိတ်မှိတ်ခံစားရင်း အသက်ကို ပြင်းပြင်းရှူသွင်းကာ မဝံ့မရဲဆိုလိုက်သည်။</p> <p> </p> <p>"ကျုပ်... ကျုပ်က အစကတည်းက အနောက်ပိုင်း နဂါးနန်းတော်က ချီတာ့ရဲ့ လက်အောက်ငယ်သား တစ်ဦးပါ... စီနီယာကြီးတို့ရဲ့ လမ်းညွှန်မှုအောက်ကို ဝင်ရောက်ဖို့ ကျုပ်ဆန္ဒရှိပါတယ်၊ အသက်ရှင်ခွင့်လေးတစ်ခုလောက်တော့ ပေးသနားပါ"</p> <p> </p> <p>ကြီးမားကျယ်ပြန့်လှသော အရိပ်မည်းကြီးတစ်ခုသည် ဝက်ဝံနတ်ဆိုး၏ ခန္ဓာကိုယ်ကို ဖုံးလွှမ်းသွားလေပြီး၊၎င်း၏ ဝေဝါးနေသော အကြည့်များအောက်တွင်ပင်၊ ထိုခန့်ညားထည်ဝါလှသော ပုံရိပ်ကြီးက ခေါင်းကို အနည်းငယ်ငြိမ့်ပြကာ "ကြိုဆိုပါတယ်။" ဟု ဆိုလိုက်လေ၏။</p> <p> </p> <p>ထိုစကားကို ကြားလိုက်ရသောအခါ၊ ဝက်ဝံနတ်ဆိုး၏ မျက်နှာပေါ်တွင် သေဘေးမှ သီသီလေး လွတ်မြောက်သွားရခြင်းအတွက် ဝမ်းမြောက်ဝမ်းသာဖြစ်သွားသော အရိပ်အယောင်များ ရုတ်တရက် ပေါ်ထွက်လာပြီး "ကျေးဇူးတင်ပါတယ် စီနီယာကြီး၊ ကျေးဇူးတင်ပါတယ် စီနီယာကြီး..." ဟု ကမန်းကတန်း ဆိုလိုက်တော့သည်။</p> <p> </p> <p>"ရပါတယ်။" ဟူသော စကားသံနှင့်အတူ၊ ခယ်ရှစ်စန်းသည် သူ၏ ညာဘက်ခြေထောက်ကို မြှောက်ကာ၊ ဝက်ဝံနတ်ဆိုး၏ ခေါင်းကို အေးစက်ရက်စက်စွာပင် နင်းချေပစ်လိုက်လေတော့သည်။</p> <p> </p> <p>[ကျောက်စိမ်းဖြူမြို့တော် သံမဏိဝက်ဝံနတ်ဆိုးကို သတ်ဖြတ်ပြီး။ စုစုပေါင်း သက်တမ်း ၃၉၀၀၀၀ နှစ်၊ လက်ကျန်သက်တမ်း ၁၂၀၀၀၀ နှစ်၊ စုပ်ယူပြီး။]</p> <p> </p> <p>[လက်ကျန် နတ်ဆိုးသက်တမ်း- ၂၃၉၀၀၀၀ နှစ်]</p> <p> </p> <p>"အရှေ့ခန်းမထဲကို ဝင်ခွင့်ပြုလိုက်ပါ။"</p> <p> </p> <p>ကိစ္စပြီးပြတ်သွားပြီ ဖြစ်ကြောင်းကို မြင်တွေ့လိုက်ရသောအခါ၊ ရှန်းယီသည် လက်ယမ်းကာ ခယ်ရှစ်စန်းကို သူ၏ နတ်ဝိညာဉ်အတွင်းသို့ ပြန်လည် သိမ်းဆည်းလိုက်လေသည်။</p> <p> </p> <p>အဘယ်ကြောင့်ဆိုသော် သူသည် ယင်ယန်တံဆိပ်ပြားထက်စာလျှင် ရွှေရောင်သင်္ကေတရွှမ်ဓားကို ပိုမိုအသုံးပြုလေ့ရှိသောကြောင့် ဖြစ်သည်။</p> <p> </p> <p>ဝက်ဝံနတ်ဆိုး သုံးကောင် ပေါင်းလိုက်လျှင် နတ်ဆိုးသက်တမ်း ၃၂၀၀၀၀ နှစ်အထိ ရရှိခဲ့ပေသည်။ ယင်းကို ကြည့်ခြင်းအားဖြင့်၊ သခင်ကြီးချီ၏ ပြုစုပျိုးထောင်မှုကို ခံခဲ့ရခြင်းမှာ အမှန်တကယ်ပင် ထိုက်တန်လှပေသည်။</p> <p> </p> <p>သူတို့၏ ကျင့်ကြံခြင်း အရှိန်အဟုန်မှာ အခြားသောနတ်ဆိုးများထက် များစွာ မြန်ဆန်လှပေသည်။</p> <p> </p> <p>လက်ရှိ ရှန်းယီအတွက် နတ်ဆိုးသက်တမ်းကို အများဆုံးကုန်ဆုံးစေသောအရာမှာ အမည်မဲ့တောင်၏ လျှို့ဝှက်နည်းစနစ်များမှလွဲ၍ အခြားမရှိချေ။</p> <p> </p> <p>ထိုအရာများမှာ မသေမျိုးနိယာမများ မဖြစ်နိုင်သည်ကို ထည့်မပြောလျှင်ပင်၊ အကယ်၍ အမှန်တကယ် ဖြစ်နေခဲ့လျှင်ပင်၊ နတ်ဆိုးသက်တမ်း နှစ်သန်းကျော်ဆိုသည်မှာ နည်းစနစ် ခုနစ်အုပ်၊ ရှစ်အုပ်ခန့်ကို လေ့လာရန်အတွက် လုံလောက်လှပေသည်။</p> <p> </p> <p>ဤဟုန်ကျယ်အနောက်ပိုင်းသို့ လာရောက်ရသော ခရီးစဉ်မှာအမှန်တကယ်ပင် တန်ဖိုးရှိလှသည်ဟု ခံစားလိုက်ရပြီး၊ ရုတ်တရက်ပင် သူ၏ ကြွယ်ဝမှုမှာ သိသိသာသာတိုးတက်လာသကဲ့သို့ ခံစားလိုက်ရလေ၏။</p> <p> </p> <p>ရှန်းယီသည် နတ်ဆိုးကျောက်တိုင် တစ်ခုကို ဖန်တီးလိုက်ပြီးနောက်၊ နတ်ဆိုးမူလများကို စတင်စုစည်းကာ၊ ဤသံမဏိဝက်ဝံနတ်ဆိုး၏ နတ်ဝိညာဉ်ကို အသစ်တစ်ဖန် ပြန်လည်ပုံဖော်လိုက်လေတော့သည်။</p> <p> </p> <p>ဝက်ဝံနတ်ဆိုး ကိုယ်တိုင်ပင်လျှင်၊ ၎င်းအား ထိုအဆင့်အတားအဆီးကိုဖြတ်ကျော်နိုင်ရန် ကူညီပေးမည့်အရာမှာ ၎င်း၏ သားနှစ်ကောင်၏ အသက်ဝိညာဉ်များဖြစ်နေလိမ့်မည်ဟု စိတ်ကူးမိခဲ့မည် မဟုတ်ချေ။</p> <p> </p> <p>အလောင်းသုံးလောင်းသည် တစ်ချိန်တည်းမှာပင် သွေးမြစ်တစ်စင်းအဖြစ် ပြောင်းလဲသွားပြီး၊ နတ်ဆိုးကျောက်တိုင်အတွင်းသို့ စီးဝင်သွားလေ၏။</p> <p> </p> <p>ယင်းက နတ်ဆိုးကျောက်တိုင်အား လုံးဝအသစ်စက်စက် အဆင့်အတန်းတစ်ခုသို့ အောင်မြင်စွာ တက်လှမ်းစေနိုင်ခဲ့လေ၏။</p> <p> </p> <p>ချီမိသားစု၏အကြီးဆုံးသခင်၏ နှစ်ပေါင်းများစွာ အကုန်အကျခံခဲ့ရသော ဘဏ္ဍာအရင်းအမြစ်များမှာ နောက်ဆုံးတွင် ဤအချိန်၌အကျိုးအမြတ်များ ထွက်ပေါ်လာခဲ့လေပြီဖြစ်သည်။</p> <p> </p> <p>နတ်ဆိုးဝိညာဉ်တိုင်းသည် အန်းယီကဲ့သို့ အကုန်အကျသက်သာအောင် စွမ်းဆောင်နိုင်သည် မဟုတ်ချေ။ တာအိုပေါင်းစည်းခြင်းအဆင့်ရှိ နတ်ဆိုးကျောက်တိုင်ကို ထိန်းချုပ်နိုင်ရန်အတွက် လိုအပ်သောနတ်ဆိုးဝိညာဉ်၏ စွမ်းအားမှာ အလွန်တရာပင် ထိတ်လန့်ဖွယ်ကောင်းလှပေ၏။</p> <p> </p> <p>တာအိုပေါင်းစည်းခြင်းအဆင့်နှင့် ခြေတစ်လှမ်းသာကွာဝေးတော့သော ဤဝက်ဝံနတ်ဆိုးကိုပင်၊ နတ်ဆိုးမူလနှစ်ဆယ်ကျော်ဖြင့် ၎င်း၏ နတ်ဆိုးဝိညာဉ်ကို ပြန်လည်ပုံဖော်ပြီးနောက်၊ ရှန်းယီက နောက်ထပ်ဆယ်ခုကျော် ထပ်မံ ပေါင်းထည့်ပေးလိုက်ရမှသာ၊ သူ၏ ရှေ့မှ နတ်ဆိုးကျောက်တိုင်မှာ အသက်ဝင်လာခဲ့လေတော့သည်။</p> <p> </p> <p>"..."</p> <p> </p> <p>ရှန်းယီသည် ပိုမိုအစွမ်းထက်သော ခန်းမသခင် နှစ်ဦးကို ရရှိထားပြီးဖြစ်သော်ငြားလည်း၊ သူ့၏ မျက်နှာပေါ်ရှိ အမူအရာမှာမူ အနည်းငယ်လှုပ်ခတ်သွားခဲ့သေး၏။</p> <p> </p> <p>တတိယမြောက် တာအိုပေါင်းစည်းခြင်း</p> <p>အဆင့် နတ်ဆိုးကျောက်တိုင်၊ ယင်း၏ အဓိပ္ပာယ်မှာ ယခုအခါသူ့တစ်ဦးတည်း၏ အင်အားဖြင့်ပင် ဟုန်ကျယ်အနောက်ပိုင်းရှိ ထိပ်တန်းအင်အားစုတစ်ခု ဖြစ်သော ပန်ရှန်းဂိုဏ်းကို ကျော်လွန်သွားခဲ့ပြီ ဖြစ်ကြောင်းကို ဆိုလိုနေလေသည်။</p> <p> </p> <p>"ရှူံးလုက သခင်ကို ရိုသေကျိုးနွံစွာဂါရဝပြုပါတယ်"</p> <p> </p> <p>မိမိကိုယ်တွင်းရှိကြီးမားလှသော အပြောင်းအလဲကြီးကို ခံစားမိလိုက်သောအခါ၊ ရှူံးလုသည် မိမိရှေ့မှ ပုံရိပ်အနည်းငယ်ကို လှမ်းကြည့်လိုက်ပြီး၊ ထိုအချိန်မှသာ သူတို့အထဲတွင် မည်သူက အမှန်တကယ်အကြောက်မက်ဖွယ် အကောင်းဆုံး ဖြစ်သည်ကို ရှင်းလင်းစွာသိမြင်သွားလေတော့သည်။</p> <p> </p> <p>အထူးသဖြင့် သူ၏ အငယ်ဆုံးသားကို လက်တစ်ချက်ရိုက်ရုံဖြင့် သတ်ဖြတ်ခဲ့ပြီး၊ သူ့ကိုလည်း ပြင်းထန်စွာ ဒဏ်ရာရရှိစေခဲ့သော ထိုသေးသွယ်သည့် ပုံရိပ်လေးပင်။ ယခုအခါတွင်မူ၊ သူမသည် အနက်ရောင်ဝတ်ရုံဝတ်ဆင်ထားသော ပုံရိပ်၏ နောက်ကွယ်တွင် ကျိုးနွံစွာရပ်နေပြီး၊ အစေခံမိန်းကလေး တစ်ဦးကဲ့သို့ အန္တရာယ်ကင်းမဲ့လှသည့်ဟန် ပေါက်နေလေ၏။</p> <p> </p> <p>တာအိုပေါင်းစည်းခြင်းအဆင့်ရှိ ခွန်အားကြီးမားလှသောပုဂ္ဂိုလ်တစ်ဦးက ဤကဲ့သို့သော အနေအထားမျိုးကိုပြသနေခြင်းမှာ အမှန်တကယ်ပင် အံ့သြတုန်လှုပ်ဖွယ် ကောင်းလှပေသည်။</p> <p> </p> <p>ကြောက်လန့်ဖြစ်ဖွယ်ကောင်းလှသော စီနီယာကြီး နှစ်ဦးမှာ အစောင့်အရှောက်များ လုံးဝမဟုတ်ကြချေ။ သူကဲ့သို့ပင် အစေခံအဖြစ် ဖိနှိပ်ချုပ်ချယ် ခံထားရသူများသာ ဖြစ်လေသည်။</p> <p> </p> <p>သခင်က အစောပိုင်းက အဘယ်ကြောင့်များ ဤမျှ တည်ငြိမ်နေခဲ့သနည်းဆိုသည်မှာ အံ့သြစရာ မဟုတ်တော့ချေ။ သူတို့သည် မိမိ ရှူံးလုကို ပစ်မှတ်ထားနေခဲ့ကြသည်မှာ ထင်ရှားလှပေသည်။</p> <p> </p> <p>...</p> <p> </p> <p>အနီရောင်မေပယ်တောင်ကြား၊ တိတ်ဆိတ်ငြိမ်သက်နေသော ခြံဝင်းတစ်ခုအတွင်း၌</p> <p> </p> <p>ယွဲ့ထျန်းရှဲ့ ပင်လျှင် နတ်သမီး ကျစ်လန်၏ တည်ငြိမ်သော အမူအရာအောက်ရှိ ဒေါသတရားကို သတိထားမိလိုက်၏။ မည်သို့ ပြုလုပ်ရမည်ကို မသိတော့သဖြင့်၊ သူသည် သူမအား "ဒါက သူ ကိုယ်တိုင် ရှာတဲ့ ပြဿနာပါ၊ မင်းနဲ့ ဘာမှ မသက်ဆိုင်ပါဘူး။" ဟု နှစ်သိမ့်ပေးရုံသာ တတ်နိုင်တော့သည်။</p> <p> </p> <p>"ထျန်းရှဲ့၊ ဒီတစ်ကြိမ် ရှင့်ရဲ့ အကူအညီအတွက် ကျေးဇူးတင်ပါတယ်၊ ဒါပေမဲ့ အခုအချိန်မှာတော့ ဘယ်သူ့မှာတာဝန်ရှိတယ် ဆိုတာကို ကျွန်မ မဆွေးနွေးချင်သေးဘူး။" နတ်သမီး ကျစ်လန်သည် အနည်းငယ်ဝန်လေးနေသော အပြုံးတစ်ခုကို အတင်းအကျပ် ဖော်ပြလိုက်လေသည်။</p> <p> </p> <p>တာအိုမိတ်ဆွေ ရှန်း၏ စွမ်းအားမှာ မည်မျှပင် ရှိစေကာမူ၊ သူသည် သူမ ဖိတ်ခေါ်ထားသော ဧည့်သည်ဖြစ်ပြီး နတ်ဆိုး၏ ပြန်ပေးဆွဲခြင်းကို ခံလိုက်ရပြီ ဖြစ်သည်။</p> <p> </p> <p>မိမိကိုယ်မိမိ အပြစ်တင်ခြင်း၊ နတ်ဆိုးကို အပြစ်တင်ခြင်းတို့မှာ လက်ခံနိုင်ဖွယ် ရှိသော်လည်း၊ ဖြတ်သန်းသွားလာနေသော ကျင့်ကြံသူတစ်ဦးကိုအပြစ်တင်ခြင်းမှာမူ အနည်းငယ် အကြောင်းပြချက် ခိုင်လုံမှု မရှိလှချေ။</p> <p> </p> <p>ထို့ပြင် ဤအချိန်တွင် အရေးအကြီးဆုံးကိစ္စမှာ သူ့ကို မည်သို့ ကယ်တင်ရမည်ဆိုသည့် အချက်ပင်။ ကျန်သည်တို့မှာ အရေးမကြီးတော့ချေ။</p> <p> </p> <p>"..."</p> <p> </p> <p>သူမ၏ လေသံမှာ နူးညံ့သိမ်မွေ့သော်လည်း၊ ယွဲ့ထျန်းရှဲ့သည် မိမိစကားမှားသွားကြောင်းကို သိရှိလိုက်ပြီး၊ စိတ်ထဲတွင် အနည်းငယ် စိတ်အနှောင့်အယှက် ဖြစ်သွားမိလေသည်။</p> <p> </p> <p>ချက်ချင်းဆိုသလိုပင်၊ ဤအနှောင့်အယှက်ဖြစ်မှုသည် ရှန်း အမည်ရသော ထိုလူငယ်လေးအပေါ်သို့ သဘာဝအလျောက် ကျရောက်သွား၏။</p> <p> </p> <p>ဤမျှ မိမိကိုယ်မိမိယုံကြည်မှု လွန်ကဲနေသော်လည်း၊ ယင်းမှာ သူရှိသမျှစွမ်းရည် အားလုံးပင် ဖြစ်နေလေသည်။ ဤမျှ နီးကပ်သောအကွာအဝေးတွင်၊ အနီရောင်နီတောင်ကြားမှ တောင်ကြားသခင် ဆိုပင်လျှင် တစ်စုံတစ်ရာ ရုန်းရင်းဆန်ခတ် ဖြစ်အောင်လုပ်ဆောင်နိုင်စွမ်း ရှိပေလိမ့်မည်။</p> <p> </p> <p>သို့ရာတွင် ဤလူငယ်လေးမှာမူ အသံတိတ် ကာလွတ်မြောက်ခြင်းမရှိဘဲ အဖမ်းခံလိုက်ရလေသည်။</p> <p> </p> <p>ယခုအခါတွင် သူသည် ထိုလူငယ်ကို ကာကွယ်ရန် နည်းလမ်း ရှာဖွေရတော့မည်။ ဤသည်မှာ မည်ကဲ့သို့သော ငရဲမီးလို အခြေအနေမျိုးနည်း။</p> <p> </p> <p>"ယွင်ဟယ်ဂိုဏ်းကို သတင်းပို့ပြီး၊ အဲ့စီနီယာကြီးကို အမြန်လာဖို့ ကျွန်မ တောင်းဆိုထားပြီးပြီ။ အချိန်ကျလာရင်၊ အနီရောင်မေပယ်တောင်ကြားကိုစောင့်ရှောက်ပေးဖို့နဲ့ အဲဒီနတ်ဆိုးတွေ ပြဿနာမရှာအောင် သေချာကြည့်ပေးဖို့ ရှင့်ကို ဒုက္ခပေးရဦးမယ်။"</p> <p> </p> <p>နတ်သမီး ကျစ်လန်သည် သူမ၏ စိတ်လှုပ်ရှားမှုများကို လျင်မြန်စွာထိန်းညှိလိုက်ပြီး၊ ထိုအကြောင်းအရာကို လုံးဝ ကျော်သွားလိုက်တော့သည်။</p> <p> </p> <p>ယွဲ့ထျန်းရှဲ့မှာ ကူညီပေးရန် သဘောကောင်းသူ ဖြစ်ရာ၊ သူ၏ စကားမတတ်မှုကိုဝေဖန်ရန် သူမတွင် အခွင့်အရေး မရှိချေ။</p> <p> </p> <p> </p> <p style="text-align: center;">***</p>


Save