Book List

<h2 style="text-align: center;">‎အခန်း ( ၄၂၁ )</h2> <h2 style="text-align: center;">လူက အပြစ်ကင်းသော်လည်း ရတနာပိုင်ဆိုင်ထားခြင်းက အပြစ်ဖြစ်နေခြင်း၊ ချီလျို အံ့အားသင့်သွားခြင်း</h2> <h2 style="text-align: center;">‎‎*</h2> <p> </p> <p> </p> <p>‎" ငါတို့ ချီလျန်မျိုးနွယ်မှာလည်း အင်မော်တယ်ဘုရင်အဆင့် တည်ရှိမှုတစ်ခု ရှိနေတာလား "</p> <p>‎</p> <p>‎ကုချန်၏စကားကို ကြားသောအခါ ချီလျိုသည် ရင်ခုန်သံများ မြန်ဆန်လာကာ မယုံနိုင်ဖြစ်နေရ၏။</p> <p>‎‎</p> <p>‎အချိန်မည်မျှ ကြာခဲ့ပြီနည်း။</p> <p>‎‎</p> <p>‎အဆုံးမဲ့ ရှေးခေတ်များစွာအကြာ ချီလျန်မျိုးနွယ် အင်မော်တယ်နယ်မြေမှ ပုန်ကန်မထွက်ခွာမီကတည်းက သူတို့သည် သူတို့ကိုယ်ပိုင် အင်မော်တယ်ဘုရင်တစ်ပါး ပေါ်ထွန်းလာရန် အမြဲတစေ တောင့်တခဲ့ကြ၏။ သို့သော် ချီလျန်မျိုးနွယ် အင်မော်တယ်နယ်မြေမှ အတင်းအကျပ် ထွက်ခွာခဲ့ရသည့်တိုင် ဤမျှော်လင့်ချက်ကြီးသည် ဘယ်သောအခါမှ အကောင်အထည် ပေါ်မလာခဲ့ပေ။</p> <p>‎‎</p> <p>‎ထိုအချိန်က ချီလျန်မျိုးနွယ်ဝင် အများအပြား၏ အမြင်တွင် သူတို့မျိုးနွယ်မှ ကိုယ်ပိုင် အင်မော်တယ်ဘုရင်တစ်ပါးသာ ပေါ်ထွန်းလာခဲ့ပါက အင်မော်တယ်နယ်မြေရှိ အခြားအင်အားစုများ၏ ဖိနှိပ်မှုကို ခံရတော့မည် မဟုတ်ဘဲ အင်မော်တယ်နယ်မြေ၌ ဂုဏ်သိက္ခာရှိရှိ နေထိုင်နိုင်မည်ဟု တွေးထင်ခဲ့ကြသည်။</p> <p>‎</p> <p>‎‎သို့သော် ကံမကောင်းစွာဖြင့် ထိုမျှော်လင့်ချက်မှာ မည်သည့်အခါမှ အောင်မြင်မလာခဲ့ချေ။</p> <p>‎‎</p> <p>‎ထို့အပြင် နတ်ဆိုးနယ်မြေသို့ ရောက်ရှိလာပြီးနောက် နယ်မြေနှစ်ခု၏ ကောင်းကင်နှင့်မြေကြီး တာအိုများ ကွဲပြားခြားနားမှုကြောင့် နတ်ဆိုးဧကရာဇ်မှ ချီလျန်မျိုးနွယ်အပေါ် သက်ရောက်နေသည့် အင်မော်တယ်နှင့် နတ်ဆိုးနယ်မြေ ကူးပြောင်းခြင်း၏ ဆိုးကျိုးများကို ဖြေရှင်းပေးခဲ့သော်လည်း နောက်ပိုင်း ချီလျန်မျိုးနွယ်ဝင် အားလုံးသည် အင်မော်တယ်နယ်မြေမှ အရာအားလုံးကို စွန့်လွှတ်ကာ အသစ်က ပြန်လည်ကျင့်ကြံခဲ့ကြရ၏။</p> <p>‎‎</p> <p>‎ဤသည်က ချီလျန်မျိုးနွယ်အတွက် အင်မော်တယ်ဘုရင်တစ်ပါး ပေါ်ထွက်လာရန် ပို၍ပင် ခက်ခဲသွားစေခဲ့သည်။ ထို့ကြောင့် ယခုအချိန်အထိ ချီလျန်မျိုးနွယ်တွင် ကိုယ်ပိုင် အင်မော်တယ်ဘုရင်ဆိုသည်မှာ မရှိသေးပေ။</p> <p>‎‎</p> <p>‎သို့သော် ယခု အရှင်သခင်က အင်မော်တယ်ဘုရင်အဆင့်သို့ တက်လှမ်းသွားသည့် ချီလျန်မျိုးနွယ်ဝင် တစ်ဦးရှိနေပြီး ထိုသူမှာ အင်မော်တယ်နယ်မြေ၌ ရှိနေသေးကြောင်း ပြောပြလာ၏။ ဤသတင်းက ချီလျိုအား မည်သို့ အံ့အားမသင့်ဘဲ နေနိုင်မည်နည်း။</p> <p>‎‎</p> <p>‎" ငါတို့ ချီလျန်မျိုးနွယ်မှာသာ အင်မော်တယ်ဘုရင်တစ်ပါး စောစောစီးစီး ပေါ်ထွက်လာခဲ့မယ်ဆိုရင်..... "</p> <p>‎‎</p> <p>‎ချီလျိုသည် ရောယှက်နေသော ခံစားချက်များဖြင့် တီးတိုးရေရွတ်လိုက်၏။ အကယ်၍ အင်မော်တယ်နယ်မြေ၌သာ ချီလျန်မျိုးနွယ်ကို ဦးဆောင်မည့် အင်မော်တယ်ဘုရင်တစ်ပါး ရှိခဲ့ပါက မျိုးနွယ်စုဝင်များမှာ အကြောက်တရားဖြင့် နေထိုင်စရာ မလိုတော့ရုံသာမက နောက်ဆုံးတွင် မိခင်မြေကိုစွန့်ခွာ၍ အင်မော်တယ်နယ်မြေကို ပုန်ကန်ရန်လည်း လိုအပ်မည်မဟုတ်ပေ။</p> <p>‎‎</p> <p>‎သို့သော် ချီလျို၏ရေရွတ်သံကို ကြားသော်လည်း ကုချန်မှာ မည်သို့မျှ မှတ်ချက်မပေးချေ။</p> <p>‎‎</p> <p>‎သူ၏အမြင်မှာ ချီလျိုနှင့် လုံးဝ ကွာခြားလေသည်။ ချီလျန်မျိုးနွယ်တွင် အင်မော်တယ်ဘုရင်တစ်ပါး ပေါ်ထွက်လာလျှင်တောင် ဘာဖြစ်သွားမည်နည်း။</p> <p>‎‎</p> <p>‎အင်မော်တယ်နယ်မြေမှ ထိုအင်မော်တယ်ဘုရင်များသည် ယခင်က ချီလျန်မျိုးနွယ်ကို စိတ်မဝင်စားခဲ့ကြခြင်းမှာ ချီလျန်မျိုးနွယ်ဝင်များတွင် ထူးခြားသော ပါရမီရှိသော်လည်း အင်မော်တယ်ဘုရင်အဆင့် တည်ရှိမှုများအတွက် မည်သည့်အကူအညီမှ မပေးနိုင်သောကြောင့် ဖြစ်သည်။</p> <p>‎‎</p> <p>‎သို့သော် ချီလျန်မျိုးနွယ်တွင် အင်မော်တယ်ဘုရင်တစ်ပါး ပေါ်ထွက်လာခဲ့မည်ဆိုလျှင်ရော။</p> <p>‎</p> <p>‎‎ထိုရှေးဟောင်း အင်မော်တယ်ဘုရင်များသည် မည်သို့ စိတ်မဝင်စားဘဲ နေမည်နည်း။ ယွဲ့လင်အင်မော်တယ်ဘုရင်၏ အခြေအနေကို ကြည့်ခြင်းအားဖြင့် ဤအချက်ကို သိနိုင်ပေသည်။ သူသည် ချီလျန်မျိုးနွယ်ဝင် တစ်ဦးဖြစ်ကာ ယခုအခါ အင်မော်တယ်ဘုရင်တစ်ပါး ဖြစ်နေသော်လည်း အဘယ်ကြောင့် ချီလျန်မျိုးနွယ်အကြောင်း စုံစမ်းရာတွင် သူ၏ စစ်မှန်သော ရည်ရွယ်ချက်နှင့် အထောက်အထားကို မထုတ်ဖော်ရဲလောက်အောင် သတိထားနေရသနည်း။</p> <p>‎‎</p> <p>‎ရိုးရိုးရှင်းရှင်း ပြောရလျှင် သူ၏ အထောက်အထားသာ ပေါ်ပေါက်သွားပါက အကျိုးဆက်များကို သူကိုယ်တိုင်ပင် ခံနိုင်ရည်ရှိမည် မဟုတ်သောကြောင့်ပင်။</p> <p>‎‎</p> <p>‎လူက အပြစ်ကင်းသော်လည်း ရတနာပိုင်ဆိုင်ထားခြင်းက အပြစ်ဖြစ်နေ၏။</p> <p>‎‎</p> <p>‎အရာအားလုံးကို ဖိနှိပ်နိုင်လောက်အောင် လုံလောက်သော စွမ်းအား မရှိသရွေ့ နောက်ဆုံးတွင် ကိုယ့်ကိုယ်ကိုယ် ကာကွယ်နိုင်မည် မဟုတ်ပေ။ ထို့ကြောင့် တစ်နည်းအားဖြင့် ချီလျန်မျိုးနွယ်မှ နတ်ဆိုးနယ်မြေသို့ ပုန်ကန်ထွက်ပြေးခဲ့ခြင်းက အလွန် ပညာသားပါသော ဆုံးဖြတ်ချက်တစ်ခု ဖြစ်ခဲ့သည်။</p> <p>‎‎</p> <p>‎နတ်ဆိုးနယ်မြေသို့ ဝင်ရောက်ကာ လျှို့ဝှက်ချက်များကို ဖုံးကွယ်၍ အသစ်က ပြန်စခြင်းက အင်မော်တယ်နယ်မြေ၌ အကြောက်တရားဖြင့် အမြဲနေထိုင်ကာ တစ်မျိုးနွယ်လုံး အခြားသူများ၏ ခွဲဝေယူခြင်းကို မည်သည့်အချိန် ခံရမည်မှန်း မသိရခြင်းထက် ပိုကောင်းလေသည်။ နတ်ဆိုးနယ်မြေသို့ ရောက်ရှိပြီးနောက် ကံမကောင်းစွာဖြင့် ရှီမိုကောင်းကင်အရှင်၏ ပစ်မှတ်ထားခြင်းကို ခံလိုက်ရသည်မှာ ကံဆိုးခြင်းသက်သက်သာ ဖြစ်၏။</p> <p>‎‎</p> <p>‎" ဒါပေမယ့် ဒီယွဲ့လင်က ချီလျန်မျိုးနွယ်ဝင် တစ်ယောက် ဖြစ်နိုင်တယ်ဆိုတော့ ပြောရလွယ်သွားပြီ "</p> <p>‎‎</p> <p>‎ကုချန်မှ မေးစေ့ကို ပွတ်သပ်လျက် တွေးတောလိုက်သည်။ ယွဲ့လင်အင်မော်တယ်ဘုရင်သည် ချီလျန်မျိုးနွယ်မှ ဖြစ်ကြောင်း စိတ်ထဲတွင် သေချာသလောက် ရှိနေသော်လည်း အတည်ပြုရန် စမ်းသပ်ကြည့်ရဦးမည် ဖြစ်သည်။</p> <p>‎‎</p> <p>‎" တကယ်လို့ မင်းနဲ့ ယွဲ့လင်အင်မော်တယ်ဘုရင်ကို ပေးတွေ့လိုက်မယ်ဆိုရင် သူက ချီလျန်မျိုးနွယ်ဝင် ဟုတ်မဟုတ် မင်း အတည်ပြုနိုင်မလား "</p> <p>‎</p> <p>‎ကုချန်မှ လေးနက်စွာ မေးမြန်းလိုက်၏။</p> <p>‎‎</p> <p>‎" သေချာပေါက် အတည်ပြုနိုင်ပါတယ် "</p> <p>‎‎</p> <p>‎ချီလျိုသည် တုံ့ဆိုင်းမှုမရှိ ပြန်လည် ဖြေကြားလိုက်၏။</p> <p>‎‎</p> <p>‎" အရှင်သခင်... ကျွန်မက ချီလျန်မျိုးနွယ်ဝင် တစ်ယောက်ဖြစ်ပြီး ရှေးကတည်းက လက်ဆင့်ကမ်းလာတဲ့ လျှို့ဝှက်ချက်များစွာကို သိထားပါတယ်... တကယ်လို့ အဲဒီယွဲ့လင်အင်မော်တယ်ဘုရင်သာ ချီယွဲ့အစစ်ဆိုရင် ဒီရှေးဟောင်း လျှို့ဝှက်ချက်တွေကို သူ သေချာပေါက် သိနေမှာပါ... သူ့ကို မေးခွန်း နည်းနည်းလောက် မေးလိုက်ရုံနဲ့ သူ ဘယ်သူလဲဆိုတာ အတည်ပြုနိုင်ပါလိမ့်မယ် "</p> <p>‎‎</p> <p>‎" အရမ်းကောင်းတယ် "</p> <p>‎‎</p> <p>‎ချီလျို၏အဖြေကို ကြားသောအခါ ကုချန်သည်  ကျေနပ်စွာ ခေါင်းညိတ်လိုက်ကာ ပြောဆိုလိုက်၏။</p> <p>‎‎</p> <p>‎" ဒါဆိုလည်း မင်းကို သွားပြီး အတည်ပြုခိုင်းရတာပေါ့ "</p> <p>‎‎</p> <p>‎သွားပြီး အတည်ပြုရမယ်? ဒါပေမယ့် အဲဒီယွဲ့လင်အင်မော်တယ်ဘုရင်က အင်မော်တယ်နယ်မြေမှာ မဟုတ်ဘူးလား။</p> <p>‎‎</p> <p>‎ချီလျိုမှာ မှင်သက်သွား၍ အရှင်သခင်မှ သူ့ကို မည်သို့ခေါ်သွားကာ အတည်ပြုခိုင်းမည်ကို နားမလည်နိုင်ဖြစ်နေသည်။ ယွဲ့လင်အင်မော်တယ်ဘုရင်မှာ ဝေးကွာလှသော အင်မော်တယ်နယ်မြေတွင် ရှိနေကာ သူသည်လည်း နတ်ဆိုးနယ်မြေတွင် ရှိနေ၏။ သူတို့နှစ်ဦး တွေ့ဆုံရန်ပင် မဖြစ်နိုင်ရာ မည်သို့ အတည်ပြုမည်နည်း။</p> <p>‎‎</p> <p>‎ချီလျို ဇဝေဇဝါဖြစ်နေစဉ်မှာပင် သူ၏နတ်ဝိညာဉ် တစ်စိတ်တစ်ပိုင်းသည် ခန္ဓာကိုယ်မှ ထွက်ခွာသွားကာ ဝေးကွာလှသော လေဟာနယ်ပြင်ရှိ အမည်မသိ နေရာတစ်ခုဆီသို့ လွင့်ပျံသွားသည်ကို ရုတ်တရက် ခံစားလိုက်ရလေသည်။</p> <p>‎</p> <p>‎</p> <p>‎…………</p> <p>‎</p> <p>‎</p> <p>‎အင်မော်တယ်နယ်မြေ.....</p> <p>‎</p> <p>‎</p> <p>‎ကုချန်သည် အေးဆေးတည်ငြိမ်စွာ မတ်တပ်ရပ်နေ၏။</p> <p>‎</p> <p>‎</p> <p>‎သူ၏ဘေးတွင် ပုံရိပ်ယောင်တစ်ခု ဖြည်းညင်းစွာ ထွက်ပေါ်လာကာ ချီလျို၏ အသွင်သဏ္ဍာန်အဖြစ် ပြောင်းလဲသွားလေသည်။</p> <p>‎</p> <p>‎</p> <p>‎ကုချန်၏ ခန္ဓာကိုယ်သုံးခုစလုံးသည် တူညီသော နတ်ဝိညာဉ်ကို အသုံးပြုထားကာ ချီလျိုသည်လည်း သူ့ကို အရှင်သခင်အဖြစ် အသိအမှတ်ပြုထားသည်မှာ ကြာပြီဖြစ်ရာ မူလခန္ဓာကိုယ်အပါအဝင် ခန္ဓာကိုယ်သုံးခုစလုံးသည် ချီလျိုအား အချိန်မရွေး ဆင့်ခေါ်နိုင်လေသည်။</p> <p>‎</p> <p>‎</p> <p>‎" ဒီနေရာက..... "</p> <p>‎</p> <p>‎</p> <p>‎ချီလျို၏ပုံရိပ်သည် ဖြည်းညင်းစွာ ပီပြင်လာ၏။ သူ၏ပတ်ဝန်းကျင်တွင် လည်ပတ်နေသော ထူထပ်လှသည့် အင်မော်တယ် ဝိညာဉ်ချီများကို ခံစားလိုက်ရချိန်တွင် သူ၏ လှပသော မျက်လုံးများ ချက်ချင်း ပြူးကျယ်သွားတော့၏။</p> <p>‎</p> <p>‎</p> <p>‎ဒါက... ဒါက အင်မော်တယ်နယ်မြေလား!</p> <p>‎</p> <p>‎</p> <p>‎ဒါပေမယ့် သူနဲ့ အရှင်သခင်က ခုနလေးတင် နတ်ဆိုးနယ်မြေမှာ ရှိနေခဲ့တာလေ။ အရှင်သခင်က သူ့ကို အင်မော်တယ်နယ်မြေဆီ ဘယ်လိုလုပ် ဆင့်ခေါ်လိုက်တာလဲ!</p> <p>‎</p> <p>‎</p> <p>‎ချီလျို၏စိတ်ထဲတွင် ဗြောင်းဆန်သွားလျက် အလွန်အမင်း တုန်လှုပ်သွားရလေသည်။</p> <p>‎</p> <p>‎</p> <p>‎အဆုံးမဲ့ ကောင်းကင်ဘုံများကို ဖြတ်ကျော်ကာ ချီလျန်မျိုးနွယ်၏ မိခင်မြေဖြစ်သော အင်မော်တယ်နယ်မြေသို့ ရုတ်တရက် ရောက်ရှိလာခြင်းက သူ၏နတ်ဝိညာဉ် တစ်စိတ်တစ်ပိုင်းမျှသာ ဖြစ်နေစေကာမူ ချီလျိုအား မယုံနိုင်အောင် ဖြစ်စေခဲ့သည်။</p> <p>‎</p> <p>‎</p> <p>‎အရေးကြီးဆုံးအချက်က အရှင်သခင်... အရှင်သခင်က နတ်ဆိုးနယ်မြေမှာ မဟုတ်ဘူးလား။ ဒါဆို... ဒီတစ်ယောက်က ဘယ်သူလဲ!</p> <p>‎</p> <p>‎</p> <p>‎တုန်လှုပ်မှုနှင့် ရိုသေလေးစားမှုများ ပြည့်နှက်နေသော ချီလျို၏အကြည့်များမှာ ကုချန်၏ပုံရိပ်ဆီသို့ မလှည့်ကြည့်ဘဲ မနေနိုင်တော့ချေ။</p> <p>‎</p> <p>‎</p> <p>‎" ငါကိုယ်တော် တစ်ယောက်တည်းကသာ မင်းကို ဒီကို ဆင့်ခေါ်နိုင်တာလေ "</p> <p>‎</p> <p>‎</p> <p>‎ချီလျို၏ အံ့အားသင့် မှင်သက်နေသော ပုံစံကို ကြည့်လျက် ကုချန်သည် အေးဆေးတည်ငြိမ်စွာ ပြောလိုက်၍ သူ၏ချီအငွေ့အသက် အနည်းငယ်ကိုပါ ထုတ်လွှတ်ပြသလိုက်၏။</p> <p>‎</p> <p>‎</p> <p>‎ချီလျိုသည် သူ၏နတ်ဝိညာဉ် အမှတ်အသားကို သူ့ထံ ပေးအပ်ထားသည်မှာ ကြာပြီဖြစ်ကာ သူ့အား ဘယ်တော့မှ သစ္စာဖောက်နိုင်မည် မဟုတ်ချေ။ ရန်သူ့လက်ထဲ အမှတ်မထင် ကျရောက်သွားလျှင်တောင်မှ သူ၏ အဓိက ဝိညာဉ်အမှတ်အသားမှာ ကုချန်၏လက်ထဲတွင် ရှိနေသောကြောင့် တစ်ဖက်လူက သူ၏ဝိညာဉ်ကို မွှေနှောက်လိုလျှင်ပင် ကုချန်နှင့် ပတ်သက်သည့် မည်သည့် အချက်အလက်ကိုမျှ ရရှိမည် မဟုတ်ပေ။</p> <p>‎</p> <p>‎</p> <p>‎ထို့ကြောင့် ကုချန်သည် သူ၏ ကိုယ်ပွားနှင့် ပတ်သက်သော လျှို့ဝှက်ချက်ကို ချီလျိုအား ထုတ်ဖော်ပြသရန် ဝန်လေးမနေခဲ့ချေ။</p> <p>‎</p> <p>‎</p> <p>‎ဒီတစ်ယောက်ကလည်း အရှင်သခင်ပဲလား!</p> <p>‎</p> <p>‎</p> <p>‎သူ၏ရှေ့ရှိ ပုံရိပ်နှင့် သူ၏ ဝိညာဉ်နက်ရှိုင်းရာတွင် ရိုက်နှိပ်ထားသော အလွန် ရင်းနှီးကျွမ်းဝင်လှသည့် ချီအငွေ့အသက်ကို ခံစားလိုက်ရသောအခါ ချီလျို၏ရင်ထဲရှိ တုန်လှုပ်မှုမှာ ပျောက်ကွယ်မသွားဘဲ ပို၍ပင် ပြင်းထန်လာလေသည်။</p> <p>‎</p> <p>‎</p> <p>‎သူ၏ရှေ့ရှိ ဤပုံရိပ်သည် အရှင်သခင်၏ သာမန် ကိုယ်ပွားတစ်ခုမျှသာ မဟုတ်ကြောင်း သူ သိလိုက်၏။</p> <p>‎</p> <p>‎</p> <p>‎အဘယ်ကြောင့်ဆိုသော် အရှင်သခင်သည် မကြာသေးမီကမှ နတ်ဆိုးနယ်မြေ၌ အင်မော်တယ်ဘုရင်အဆင့်သို့ တက်လှမ်းခဲ့ခြင်း ဖြစ်သည်။ သူ၏ကိုယ်ပွားတစ်ခုသည် အင်မော်တယ်နယ်မြေ၌ ရှင်သန်နိုင်မည် မဟုတ်ဘဲ အင်မော်တယ်နယ်မြေ၏ ကောင်းကင်နှင့်မြေကြီး စွမ်းအားများ၏ သနားညှာတာမှုကင်းမဲ့စွာ ချေမွပစ်ခြင်းကို ခံရမည်သာ ဖြစ်သည်။</p> <p>‎</p> <p>‎</p> <p>‎သို့သော် သူ၏ရှေ့ရှိ ဤပုံရိပ်၏ ချီအငွေ့အသက်သည် နတ်ဆိုးနယ်မြေမှ အင်မော်တယ်ဘုရင်တစ်ပါးနှင့် လုံးဝ ကွဲပြားနေလျက် အင်မော်တယ် ဝိညာဉ်ချီများ လွှမ်းခြုံနေကာ တာအိုကို ရရှိထားသော အင်မော်တယ်ဘုရင်တစ်ပါး၏ အသွင်အပြင် အပြည့်အဝ ရှိနေ၍ အရှင်သခင်နှင့် လုံးဝ ဆန့်ကျင်ဘက် ဖြစ်နေလေသည်။</p> <p>‎</p> <p>‎</p> <p>‎ဒါက... အရှင်သခင်ရဲ့ မွေးရာပါ လျှို့ဝှက်ပညာရပ်များ ဖြစ်နေမလား။</p> <p>‎</p> <p>‎</p> <p>‎မတူညီတဲ့ ခန္ဓာကိုယ်နှစ်ခုအဖြစ် ခွဲထွက်နိုင်ပြီး အင်မော်တယ်နဲ့ နတ်ဆိုးနယ်မြေ နှစ်ခုလုံးမှာ တာအိုကို ရရှိနိုင်တယ်ပေါ့။</p> <p>‎</p> <p>‎</p> <p>‎ဒါ... ဒါက အရှင်သခင် တစ်ယောက်တည်းနဲ့တင် အင်မော်တယ်ဘုရင် နှစ်ပါးနဲ့ ညီမျှနေတယ်ဆိုတဲ့ သဘော မဟုတ်ဘူးလား!</p> <p>***</p> <p> </p>


Save