Book List

<h2 style="text-align: center;">‎အခန်း ( ၄၂၂ )</h2> <h2 style="text-align: center;">ယွဲ့လင်နှင့် တွေ့ဆုံခြင်း၊ ပြင်းထန်သော လှိုင်းဂယက်များနှင့် ချီလျန်မျိုးနွယ်၏ အရှင်သခင်</h2> <h2 style="text-align: center;">‎*</h2> <p>‎</p> <p>‎</p> <p>‎မျက်စိတစ်မှိတ်အတွင်းမှာပင် ချီလျို၏ရင်ထဲတွင် ယခင်က မကြုံဖူးသော ရိုသေလေးစားမှုများ ဖြစ်ပေါ်လာလေသည်။</p> <p>‎</p> <p>‎</p> <p>‎သူ၏အရှင်သခင်ကို လုံလောက်အောင် နားလည်ထားပြီဟု အစက ထင်မှတ်ခဲ့သော်လည်း သူ၏ရှေ့ရှိ မြင်ကွင်းက သူသိထားသမျှမှာ ရေခဲတောင်၏ ထိပ်ဖျားလေးမျှသာ ဖြစ်ကြောင်း ပြောပြနေလေသည်။</p> <p>‎</p> <p>‎</p> <p>‎" ကောင်းပြီ... အဲဒီ ယွဲ့လင်အင်မော်တယ်ဘုရင်ကို သွားတွေ့ဖို့ ငါနဲ့လိုက်ခဲ့ "</p> <p>‎</p> <p>‎</p> <p>‎ချီလျို၏ အံ့အားသင့်နေသော အမူအရာကို ကြည့်လျက် ကုချန်မှာ ခပ်ဟဟ ရယ်မောလိုက်ပြီးနောက် ပေါ့ပေါ့ပါးပါး လက်ဝှေ့ယမ်းကာ လဝိညာဉ် ကောင်းကင်ဘုံဆီသို့ ချီလျိုကို ခေါ်ဆောင်သွားလေသည်။</p> <p>‎</p> <p>‎</p> <p>‎လဝိညာဉ် ကောင်းကင်ဘုံသို့ ရောက်ရှိသောအခါ ကုချန်သည် သူ၏ အင်မော်တယ်ဘုရင် အရှိန်အဝါ အနည်းငယ်ကို တမင် ထုတ်လွှတ်လိုက်၏။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် လဝိညာဉ် ကောင်းကင်ဘုံအတွင်း၌ ရှိနေသေးသရွေ့ ဤအရှိန်အဝါကို ခံစားမိသည်နှင့်တစ်ပြိုင်နက် သူ့ကို ချက်ချင်း လာတွေ့လိမ့်မည်ဖြစ်ကြောင်း သူ သိထား၏။</p> <p>‎</p> <p>‎</p> <p>‎...</p> <p>‎</p> <p>‎</p> <p>‎" ဟင်... သူက ဘာပြန်လာလုပ်တာလဲ "</p> <p>‎</p> <p>‎</p> <p>‎ကုချန် မျှော်လင့်ထားသည့်အတိုင်းပင် သူ၏ အရှိန်အဝါ အနည်းငယ်ကို တမင် ထုတ်လွှတ်လိုက်သောအခါ ယွဲ့လင်အင်မော်တယ်ဘုရင်သည် ချက်ချင်း ခံစားသိရှိသွားရာ သူ၏မျက်နှာပေါ်တွင် အံ့သြမှုနှင့် သံသယများ ထွက်ပေါ်လာလေ၏။</p> <p>‎</p> <p>‎</p> <p>‎ယခုလေးတင် ထွက်သွားသော ကုချန်သည် အဘယ်ကြောင့် ဤမျှမြန်မြန် ပြန်ရောက်လာရ</p> <p>‎သည်ကို သူ နားမလည်နိုင်ချေ။</p> <p>‎</p> <p>‎</p> <p>‎ဒီလောက်မြန်မြန် ချီလျန်မျိုးနွယ်နဲ့ ပတ်သက်တဲ့ သတင်းကို ရှာတွေ့သွားတာတော့ မဟုတ်လောက်ပါဘူး။</p> <p>‎</p> <p>‎</p> <p>‎" အဓိပ္ပာယ်မရှိလိုက်တာ... ဟိုအင်မော်တယ်ဘုရင်တွေ ခုလေးတင် ထွက်သွားတာလေ... သူတို့ကို ပြန်ခေါ်သလို ဖြစ်သွားမှာကို သူ မကြောက်ဘူးလား "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှာ စိတ်ထဲမှ ကျိန်ဆဲလိုက်မိ၏။</p> <p>‎</p> <p>‎</p> <p>‎ချန်းရှီအင်မော်တယ်ဘုရင်နဲ့ တစ်ခြားသူတွေ ခုလေးတင် ထွက်သွားရုံရှိသေးတာကို ဒီလူက ဒီလောက်တောင် မဆင်မခြင် ပြန်လာရဲတယ်ပေါ့။ ချန်းရှီနဲ့ တစ်ခြားသူတွေကို ဆွဲဆောင်မိသွားမှာ သူ တကယ် မကြောက်ဘူးလား။</p> <p>‎</p> <p>‎</p> <p>‎သို့သော် မကျေနပ်မှုများ ရှိနေသော်ငြား ယွဲ့လင်အင်မော်တယ်ဘုရင်သည် ကုချန်၏အရှိန်အဝါကို ခံစားမိသည်နှင့်တစ်ပြိုင်နက် သူရှိရာနေရာသို့ ချက်ချင်း ပြေးသွားလိုက်၏။</p> <p>‎</p> <p>‎</p> <p>‎သူသည် ဤ 'ကပ်ဆိုးနတ်ဘုရား' အား အမြန်ဆုံး ထွက်သွားရန် ဖျောင်းဖျချင်သည်။ ထိုသို့မဟုတ်ပါက အခြား အင်မော်တယ်ဘုရင်များ ထိုသူ့ကို ရှာတွေ့သွားလျှင် သူ့ကိုပါ ဆက်စပ်တွေးတောကြမည်ဖြစ်ရာ သူ့အနေဖြင့် ဖြေရှင်းနိုင်တော့မည် မဟုတ်ချေ။</p> <p>‎</p> <p>‎</p> <p>‎အသက်ရှူချိန် အနည်းငယ် ကုန်လွန်သွား၏။ ယွဲ့လင်အင်မော်တယ်ဘုရင်သည် ကုချန်၏ရှေ့သို့ ရောက်ရှိလာလေသည်။</p> <p>‎</p> <p>‎</p> <p>‎" ရှင် ဘာလာလုပ်တာလဲ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ မေးမြန်းသံတွင် မကျေနပ်မှု အနည်းငယ် ပါဝင်နေ၏။</p> <p>‎</p> <p>‎</p> <p>‎" ငါကိုယ်တော်က ကျိန်းသေပေါက် အရင်က သဘောတူညီချက်ကို အဆုံးသတ်ဖို့ လာတာပေါ့ "</p> <p>‎</p> <p>‎ကုချန်မှ အေးဆေးတည်ငြိမ်စွာ ပြောဆိုလိုက်သည်။</p> <p>‎</p> <p>‎</p> <p>‎" အရင်က သဘောတူညီချက်? "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှာ လန့်ဖျပ်သွားပြီးနောက် မယုံကြည်နိုင်စွာဖြင့် ပြောဆိုလိုက်၏။</p> <p>‎</p> <p>‎</p> <p>‎" ရှင် ဆိုလိုတာက... အဲဒီချီယွဲ့နဲ့ ပတ်သက်တဲ့ သတင်းကို ရှင် ရှာတွေ့သွားပြီလား "</p> <p>‎</p> <p>‎</p> <p>‎" အတိအကျပဲ "</p> <p>‎</p> <p>‎</p> <p>‎ကုချန်သည် အနည်းငယ် ခေါင်းညိတ်လိုက်ပြီးနောက် ယွဲ့လင်အင်မော်တယ်ဘုရင်အား နောက်ပြောင်လိုသော အပြုံးဖြင့် ကြည့်ကာ ပြောဆိုလိုက်သည်။</p> <p>‎</p> <p>‎</p> <p>‎" မင်းကို ယွဲ့လင်အင်မော်တယ်ဘုရင်လို့ ခေါ်ရမလား... ဒါမှမဟုတ် ချီယွဲ့လို့ ခေါ်ရမလား "</p> <p>‎</p> <p>‎</p> <p>‎ကုချန်၏စကားမှာ ယွဲ့လင်အင်မော်တယ်ဘုရင်၏ နားထဲတွင် မိုးကြိုးပစ်ချလိုက်သကဲ့သို့ ပေါက်ကွဲသွားလေသည်။</p> <p>‎</p> <p>‎</p> <p>‎သူ၏လျှို့ဝှက်ချက်တစ်ခု ဖော်ထုတ်ခံလိုက်ရသကဲ့သို့ ခံစားလိုက်ရ၍ လှပသော မျက်လုံးများထဲတွင် မသိမသာ ထိတ်လန့်မှုများ ဖြတ်ပြေးသွားသော်လည်း ချက်ချင်းပင် တည်ငြိမ်သွားကာ အတင်းအကျပ် ဟန်လုပ်၍ ပြောဆိုလိုက်၏။</p> <p>‎</p> <p>‎</p> <p>‎" ရှင် ဘာတွေပြောနေတာလဲ... ကျွန်မ ဘာမှ နားမလည်ဘူး "</p> <p>‎</p> <p>‎</p> <p>‎သို့သော် သူ၏အမူအရာမှာ တည်ငြိမ်နေသော်လည်း ရင်ထဲတွင်တော့ ဗြောင်းဆန်နေလေပြီ။</p> <p>‎</p> <p>‎</p> <p>‎သူက ချီယွဲ့ဆိုတာကို ဒီလူ ဘယ်လိုလုပ် သိသွားတာလဲ!</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် သူ၏ခံစားချက်များကို လျင်မြန်စွာ ဖိနှိပ်ထားနိုင်ခဲ့သော်လည်း ခဏတာ ပြောင်းလဲသွားသော သူ၏အမူအရာကို ကုချန်မှ အပြည့်အဝ မြင်တွေ့လိုက်ရ၏။ ဤသည်က သူ၏ အစောပိုင်း ခန့်မှန်းချက်ကို ပိုမို အတည်ပြုပေးလိုက်ခြင်းပင်။</p> <p>‎</p> <p>‎</p> <p>‎သို့သော် သူသည် ယွဲ့လင်အင်မော်တယ်ဘုရင်၏ မေးခွန်းကို ပြန်မဖြေဘဲ သူ၏ဘေးရှိ ချီလျိုကို ကြည့်ကာ အေးဆေးတည်ငြိမ်စွာ ပြောဆိုလိုက်၏။</p> <p>‎</p> <p>‎</p> <p>‎" သူက ချီလျန်မျိုးနွယ်ရဲ့ လက်ရှိ ခေါင်းဆောင်ပဲ... မင်းမှာ မေးစရာရှိရင် သူ့ကို မေးလို့ရတယ် "</p> <p>‎</p> <p>‎</p> <p>‎ဒီလူက ချီလျန်မျိုးနွယ်ရဲ့ လက်ရှိ ခေါင်းဆောင်?</p> <p>‎</p> <p>‎</p> <p>‎ကုချန်၏စကားကြောင့် ယွဲ့လင်အင်မော်တယ်ဘုရင်မှာ မှင်သက်သွားကာ ယခုအချိန်အထိ သူ လျစ်လျူရှုထားခဲ့သော ချီလျိုအား အလိုအလျောက် လှည့်ကြည့်လိုက်ရာ သူ၏ မျက်လုံးထဲတွင် အံ့သြမှုများ ပြည့်နှက်သွားလေသည်။</p> <p>‎</p> <p>‎</p> <p>‎ဒီလူက ချီလျန်မျိုးနွယ်ရဲ့ ခေါင်းဆောင်? ဘယ်လောက်တောင် ရယ်စရာကောင်းလိုက်တဲ့ ဟာသလဲ!</p> <p>‎</p> <p>‎</p> <p>‎ချီလျန်မျိုးနွယ်သည် နတ်ဆိုးနယ်မြေသို့ အလုံးစုံ ဝင်ရောက်သွားခဲ့ပြီဖြစ်သည်။ ဤသူသည် ကျပန်းလူတစ်ယောက်ကို ရှာလာကာ ချီလျန်မျိုးနွယ်၏ ခေါင်းဆောင်အဖြစ် ဟန်ဆောင်ခိုင်းနေသည်။</p> <p>‎</p> <p>‎</p> <p>‎သူ့ကို အရူးလို့ ထင်နေတာလား။</p> <p>‎</p> <p>‎</p> <p>‎သို့မဟုတ် သူသည် ချီလျန်မျိုးနွယ်မှ ဟုတ်မဟုတ် သိရှိရန် ဤနည်းလမ်းကို အသုံးပြု၍ တမင်သက်သက် စမ်းသပ်နေခြင်းလော။</p> <p>‎</p> <p>‎</p> <p>‎ထိုသို့တွေးမိပြီးနောက် ယွဲ့လင်အင်မော်တယ်ဘုရင်သည် ချက်ချင်း သတိထားလိုက်ကာ ကုချန်အား အေးစက်သော အမူအရာဖြင့် ကြည့်၍ ပြောဆိုလိုက်၏။</p> <p>‎</p> <p>‎</p> <p>‎" တာအိုရောင်းရင်း... ဒီဟာသက မရယ်ရဘူးနော် "</p> <p>‎</p> <p>‎</p> <p>‎" ဘိုးဘေး... ကျွန်မက တကယ်ပဲ ချီလျန်မျိုးနွယ်ရဲ့ လက်ရှိ ခေါင်းဆောင်ပါ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် သူ့ကို မယုံကြည်ပုံရကာ ကုချန်နှင့်ပင် ထိပ်တိုက်တွေ့တော့မည့် အခြေအနေကို မြင်သောအခါ ချီလျိုမှ အလျင်အမြန် ညင်သာစွာ ပြောဆိုလိုက်၏။</p> <p>‎</p> <p>‎</p> <p>‎" ဘိုးဘေး မယုံရင် ဒါတွေအားလုံးကို ကျွန်မ သက်သေပြနိုင်ပါတယ် "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် အင်မော်တယ်နှင့် နတ်ဆိုးနယ်မြေတို့ စစ်ပွဲဆင်နွှဲခဲ့သည့် ရှေးခေတ်ကတည်းက တည်ရှိခဲ့သော ချီလျန်မျိုးနွယ်ဝင် တစ်ဦးဖြစ်သည်။ မျိုးဆက်အလိုက် ကြည့်မည်ဆိုပါက ချီလျိုမှ သူ့အား ဘိုးဘေးဟု ခေါ်ဆိုခြင်းမှာ မမှားယွင်းချေ။</p> <p>‎</p> <p>‎</p> <p>‎သူ၏ ဘိုးဘေးနှင့် အရှင်သခင်တို့ ပဋိပက္ခဖြစ်မည်ကို ချီလျို စိုးရိမ်နေသဖြင့် ယွဲ့လင်အင်မော်တယ်ဘုရင် မတုံ့ပြန်မီ သူ ချက်ချင်း ပြောဆိုလိုက်ခြင်း ဖြစ်သည်။</p> <p>‎</p> <p>‎</p> <p>‎" ရှေးတုန်းက... ကျွန်မတို့ ချီလျန်မျိုးနွယ် အင်မော်တယ်နယ်မြေကနေ မထွက်ခွာခင်က ဘိုးဘေးလေးပါး ရှိခဲ့ပါတယ်... သူတို့ကတော့..... "</p> <p>‎</p> <p>‎</p> <p>‎" ကျွန်မတို့ ချီလျန်မျိုးနွယ်ရဲ့ အဓိက ကျင့်စဉ်ကတော့..... "</p> <p>‎</p> <p>‎</p> <p>‎ချီလျိုသည် ချီလျန်မျိုးနွယ်၏ အဓိကအဖွဲ့ဝင်များသာ သိနိုင်ပြီး မည်သည့်အခါမျှ ပေါက်ကြားမည်မဟုတ်သော လျှို့ဝှက်ချက် အတော်များများကို ထုတ်ဖော်ပြောပြလိုက်သည်။</p> <p>‎</p> <p>‎</p> <p>‎အကယ်၍ ဤယွဲ့လင်အင်မော်တယ်ဘုရင်သည် ချီယွဲ့ အစစ်ဆိုပါက ဤလျှို့ဝှက်ချက်များကို သေချာပေါက် သိလိမ့်မည်ဟု သူ ယုံကြည်ထား၏။</p> <p>‎</p> <p>‎</p> <p>‎ချီလျို၏စကားသံများမှာ ဆက်တိုက်ထွက်ပေါ်လာကာ သူ၏ရှင်းပြချက်ကို နားထောင်နေသော ယွဲ့လင်အင်မော်တယ်ဘုရင်မှာ မိုးကြိုးပစ်ခံရသကဲ့သို့ ခံစားလိုက်ရသည်။</p> <p>‎</p> <p>‎</p> <p>‎ချီလျို တွေးထားသည့်အတိုင်းပင် သူသည် ဤချီလျန်မျိုးနွယ်၏ အဓိက လျှို့ဝှက်ချက်များကို သိရှိထားကာ ဤလျှို့ဝှက်ချက်များအပေါ် အခြေခံ၍ ချီလျိုသည် ချီလျန်မျိုးနွယ်ဝင် တစ်ဦးဖြစ်ကြောင်းကို သူ အလွယ်တကူ ကောက်ချက်ချနိုင်လေသည်။</p> <p>‎</p> <p>‎</p> <p>‎ဒီလူက တကယ်ပဲ ချီလျန်မျိုးနွယ်ဝင် တစ်ယောက် ဖြစ်နေတာပဲ။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် ချီလျိုအား စူးစိုက်ကြည့်နေ၍ သူ၏ရင်ထဲတွင်လည်း ဗြောင်းဆန်နေပြီ ဖြစ်သည်။</p> <p>‎</p> <p>‎</p> <p>‎" ငါကိုယ်တော်ကို မင်းရဲ့နတ်ဝိညာဉ်ကို ကြည့်ခွင့်ပေးပါ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် သူ၏ရင်ထဲမှ လှုပ်ရှားမှုများကို ဖိနှိပ်ထားကာ ပြောဆိုလိုက်၏။</p> <p>‎</p> <p>‎</p> <p>‎ဤလျှို့ဝှက်ချက်များကို ချီလျန်မျိုးနွယ်၏ အဓိကအဖွဲ့ဝင်များသာ သိနိုင်ကာ မည်သည့်အခါမျှ ပေါက်ကြားသင့်သည့်အရာ မဟုတ်သော်လည်း သတိထားသည့်အနေဖြင့် ယွဲ့လင်အင်မော်တယ်ဘုရင်သည် စိတ်အေးသက်သာရာရစေရန် နောက်ထပ် အတည်ပြုချက်များ ပြုလုပ်လိုသေး၏။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ တောင်းဆိုချက်ကို ကြားသောအခါ ချီလျိုသည် ကုချန်၏ခွင့်ပြုချက်ကို တောင်းခံသည့်အလား ကုချန်အား ချက်ချင်း လှည့်ကြည့်လိုက်၏။</p> <p>‎</p> <p>‎</p> <p>‎ကုချန်သည် စကားမပြောဘဲ ညင်သာစွာသာ ခေါင်းညိတ်ပြလိုက်၏။ ထို့နောက် ယွဲ့လင်အင်မော်တယ်ဘုရင်သည် သူ၏နတ်ဝိညာဉ်စွမ်းအား အနည်းငယ်ကို ချီလျို၏နတ်ဝိညာဉ်ထဲသို့ ထည့်သွင်းလိုက်လေသည်။</p> <p>‎</p> <p>‎</p> <p>‎သူမးသည် ချီလျို၏နတ်ဝိညာဉ် မှတ်ဉာဏ်များကို မစစ်ဆေးဘဲ ချီလျို၏နတ်ဝိညာဉ် လှိုင်းများကိုသာ ဂရုတစိုက် ခံစားကြည့်ခြင်း ဖြစ်သည်။</p> <p>‎</p> <p>‎</p> <p>‎တူညီသော သွေးကြောဆက်နွှယ်မှုရှိသည့် အဖွဲ့ဝင်များအကြားတွင် သူတို့၏ခန္ဓာကိုယ်ထဲ၌ စီးဆင်းနေသော သွေးများကဲ့သို့ပင် နတ်ဝိညာဉ်လှိုင်းများမှာ တူညီကြပြီး အတုအယောင် ပြုလုပ်၍ မရနိုင်ချေ။</p> <p>‎</p> <p>‎</p> <p>‎သေချာစွာ စစ်ဆေးပြီးနောက် ယွဲ့လင်အင်မော်တယ်ဘုရင်၏ ရင်ထဲတွင် အနည်းငယ် တုန်ခါသွား၏။ အဘယ်ကြောင့်ဆိုသော် ချီလျိုဟု အမည်ရသော ဤအမျိုးသမီးသည် ချီလျန်မျိုးနွယ်ဝင် အစစ်ဖြစ်ကြောင်း ယခုအခါ သူ အပြည့်အဝ အတည်ပြုနိုင်ပြီ ဖြစ်သောကြောင့်ပင်။</p> <p>‎</p> <p>‎</p> <p>‎ဒါပေမယ့်.....</p> <p>‎</p> <p>‎</p> <p>‎" ရှင်တို့ နှစ်ယောက်က ဘယ်လို ပတ်သက်နေတာလဲ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှ ကုချန်အား ကြည့်ကာ မေးမြန်းလိုက်၏။ သူ၏မျက်လုံးထဲတွင်လည်း သတိထားမှုများ ပြည့်နှက်နေလေသည်။</p> <p>‎</p> <p>‎</p> <p>‎ချီလျို၏အထောက်အထားကို အတည်ပြုပြီးဖြစ်သော်လည်း သူ၏သတိထားမှုကို မလျှော့ရဲသေးပေ။ စောစောက ကုချန်အပေါ် ချီလျို၏ အပြုအမူနှင့် လုပ်ရပ်များအရ သူတို့နှစ်ဦး၏ ဆက်ဆံရေးမှာ မရိုးရှင်းကြောင်း သူ အလွယ်တကူ သိနိုင်လေသည်။</p> <p>‎</p> <p>‎</p> <p>‎အရာအားလုံး မရှင်းလင်းသေးမီ သူ့အနေဖြင့် မည်သည့် အချက်အလက်ကိုမျှ ပြင်ပလူများအား သေချာပေါက် ထုတ်ဖော်ပြောပြမည် မဟုတ်ချေ။</p> <p>‎</p> <p>‎</p> <p>‎" ကျွန်မရဲ့ အရှင်သခင်က ကျွန်မတို့ ချီလျန်မျိုးနွယ်ရဲ့ အရှင်သခင်ပါ "</p> <p>‎</p> <p>‎</p> <p>‎ကုချန်၏ခွင့်ပြုချက်ကို ရရှိထားပြီးဖြစ်ရာ ချီလျိုမှ ချက်ချင်းပင် ပြန်လည် ဖြေဆိုလိုက်၏။ သို့သော် ဤအဖြေ၏ရလဒ်သည် ယွဲ့လင်အင်မော်တယ်ဘုရင်၏ နားထဲသို့ ရောက်သွားသောအခါ ကြည်လင်သော ကောင်းကင်မှ မိုးကြိုးပစ်ချလိုက်သကဲ့သို့ ဖြစ်သွားတော့သည်။</p> <p>‎</p> <p>‎</p> <p>‎လက်ရှိ... ချီလျန်မျိုးနွယ်ရဲ့ အရှင်သခင်?! ဒီလူက ချီလျန်မျိုးနွယ် တစ်ခုလုံးကို အစေခံအဖြစ် သစ္စာခံခိုင်းထားတာလား?!</p> <p>‎</p> <p>‎</p> <p>‎မျက်စိတစ်မှိတ်အတွင်းမှာပင် အမည်တပ်၍မရသော ဒေါသတစ်ခု ယွဲ့လင်အင်မော်တယ်ဘုရင်၏ ရင်ထဲတွင် ပြည့်နှက်သွားတော့၏။ သူသည် ကုချန်အား မကြည့်ဘဲ မနေနိုင်တော့ချေ။ သူ၏ လှပသော မျက်လုံးများထဲတွင်လည်း ဖုံးကွယ်မထားနိုင်သော သတ်ဖြတ်လိုစိတ်များ ပြည့်နှက်နေလေတော့သည်။</p> <p>‎***</p> <p> </p>


Save