Book List

<h2 style="text-align: center;">‎အခန်း ( ၄၂၃ )</h2> <h2 style="text-align: center;">အားလုံးက အထင်လွဲမှုတွေပါ။ အတိတ်က ဘာတွေဖြစ်ခဲ့တာလဲ။</h2> <h2 style="text-align: center;">သူရဲ့ နောက်ခံက ဘာလဲ</h2> <h2 style="text-align: center;">‎*</h2> <p>‎</p> <p>‎</p> <p>‎ချီလျိုမှ ကုချန်အား ချီလျန်မျိုးနွယ်၏ လက်ရှိ အရှင်သခင်ဟု ပြောလိုက်သောအခါ ယွဲ့လင်အင်မော်တယ်ဘုရင်၏ စိတ်ထဲတွင် ဖြစ်နိုင်ချေကို ချက်ချင်း တွေးမိလိုက်၏။ ထိုအရာမှာ ဤသူသည် ချီလျန်မျိုးနွယ်တစ်ခုလုံးကို အတင်းအကျပ် အစေခံအဖြစ် သစ္စာခံခိုင်းထားခြင်း ဖြစ်ရမည်။</p> <p>‎</p> <p>‎</p> <p>‎ချီလျန်မျိုးနွယ်မှ ဆန္ဒအလျောက် အညံ့ခံလိမ့်မည်ဟု ယွဲ့လင်အင်မော်တယ်ဘုရင် လုံးဝ မတွေးခဲ့မိပေ။</p> <p>‎</p> <p>‎</p> <p>‎ရှေးဟောင်းခေတ်က ချီလျန်မျိုးနွယ်သည် အဘယ်ကြောင့် ကြီးမားသော အန္တရာယ်ကို ရင်ဆိုင်ကာ အင်မော်တယ်နယ်မြေကို သစ္စာဖောက်ကာ နတ်ဆိုးနယ်မြေသို့ ဝင်ရောက်ခဲ့သနည်း။ အင်မော်တယ်ဘုရင်များထံ အညံ့မခံလိုဘဲ အခြားသူများ၏ဖိနှိပ်မှုကို မခံလိုသောကြောင့် မဟုတ်ပါလော။</p> <p>‎</p> <p>‎</p> <p>‎သို့သော် ယခုအခါ ချီလျန်မျိုးနွယ်မှာ အတင်းအကျပ် အစေခံအဖြစ်ခိုင်းခံနေရရာ ယွဲ့လင်အင်မော်တယ်ဘုရင်မှာ မည်သို့ ဒေါသမထွက်ဘဲ နေမည်နည်း။ ချီလျို၏မျက်နှာပေါ်ရှိ ရိုးသားစွာ ကြည်ညိုလေးစားနေသော အမူအရာကိုမူ ယွဲ့လင်အင်မော်တယ်ဘုရင် လုံးဝ မယုံကြည်ခဲ့ပေ။</p> <p>‎</p> <p>‎</p> <p>‎အင်မော်တယ်ဘုရင်အဆင့် တည်ရှိမှုတစ်ခုအတွက် အင်မော်တယ်ဘုရင်အောက် အဆင့်ရှိသူကို အညံ့ခံစေရန်မှာ အလွန်လွယ်ကူလှ၏။ သူတို့၏ ဝိညာဉ်အမှတ်အသားကို ထိန်းချုပ်လိုက်ရုံဖြင့် ဝိညာဉ်အမှတ်အသား အထိန်းချုပ်ခံရသူသည် တစ်ဖက်လူကို သူတို့၏ အမြင့်မြတ်ဆုံး အရှင်သခင်အဖြစ် သဘာဝကျကျ မှတ်ယူသွားမည် ဖြစ်သည်။</p> <p>‎</p> <p>‎</p> <p>‎ငါ့ရဲ့ ချီလျန်မျိုးနွယ်က ဒီလောက်အထိ ရုန်းကန်ခဲ့ရတာတောင် နောက်ဆုံးမှာ ဒီလိုအဆုံးသတ်မျိုးနဲ့ ရင်ဆိုင်ရလိမ့်မယ်လို့ မထင်ထားခဲ့ဘူး။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ မျက်လုံးများထဲတွင် နက်ရှိုင်းစွာ မြှုပ်နှံထားသော ဝမ်းနည်းမှုများ ပေါ်လာ၏။ သူသည် အလွန်အမင်း ရင်နာနေသော်လည်း သူ၏ အထောက်အထား အစစ်အမှန်ကိုမူ မဖော်ပြရဲသေးပေ။</p> <p>‎</p> <p>‎</p> <p>‎" ဘိုးဘေး... အထင်လွဲနေပါပြီ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှာ တိတ်ဆိတ်နေလျက် သတ်ဖြတ်လိုစိတ် အနည်းငယ် ထွက်ပေါ်လာသည်ကို ခံစားလိုက်ရသောအခါ ချီလျိုသည် ဤဘိုးဘေး တစ်ခုခု အထင်လွဲနေပြီဖြစ်ကြောင်း ချက်ချင်း သဘောပေါက်သွား၏။ ထို့ကြောင့် သူသည် အလျင်အမြန် ရှင်းပြလိုက်၏။</p> <p>‎</p> <p>‎</p> <p>‎" အရှင်သခင်ကို ကျွန်မတို့ ချီလျန်မျိုးနွယ်ရဲ့ အရှင်သခင်အဖြစ် တင်မြှောက်တာက... အရှင်သခင်က အတင်းအကျပ် ဖိအားပေးလို့ မဟုတ်ပါဘူး... ချီလျန်မျိုးနွယ် တစ်ခုလုံး တိုင်ပင်ဆွေးနွေးပြီး စုပေါင်းဆုံးဖြတ်ခဲ့ကြတာပါ... တကယ်လို့ အရှင်သခင်သာ မရှိခဲ့ရင် ချီလျန်မျိုးနွယ်ဟာ ပျက်သုဉ်းသွားတာ ကြာပါပြီ... ဒီနေ့အထိတောင် ရှင်သန်နိုင်ခဲ့မှာ မဟုတ်ပါဘူး "</p> <p>‎</p> <p>‎</p> <p>‎ချီလျန်မျိုးနွယ် ယနေ့တိုင် ရှင်သန်နေနိုင်ခြင်းနှင့် လက်ရှိ အဆင့်အတန်းကို ရရှိထားခြင်းမှာ ကုချန်ကြောင့်သာ ဖြစ်ကြောင်း ချီလျိုသည် ရှင်းလင်းစွာ သိထား၏။</p> <p>‎</p> <p>‎</p> <p>‎အကယ်၍ ချီမုန်သာ ထိုအချိန်က ပါးနပ်စွာဖြင့် ဤအရှင်သခင်ကို အသိအမှတ်မပြုခဲ့ဘဲ ချီလျန်မျိုးနွယ်အတွက် အလှည့်အပြောင်းတစ်ခု မယူဆောင်လာပေးခဲ့ပါက လက်ရှိ ချီလျန်မျိုးနွယ်သည် ရှီမိုကောင်းကင်အရှင်၏ သွယ်ဝိုက်သော ခွင့်ပြုချက်ဖြင့် နယ်မြေအသီးသီးမှ နတ်ဆိုးအရှင်များ၏ ဝါးမျိုခြင်းကို ခံရကာ အရိပ်အယောင်ပင် ကျန်ရစ်မည်မဟုတ်ချေ။</p> <p>‎</p> <p>‎</p> <p>‎အရှင်သခင် ရှိနေခြင်းကြောင့်သာ ချီလျန်မျိုးနွယ်သည် အဆုံးမဲ့ ကောင်းကင်ဘုံအတွင်း အကြီးဆုံး မျိုးနွယ်စု ဖြစ်လာရုံသာမက တစ်ချိန်က အရပ်ရှစ်မျက်နှာသို့ ထွက်ပြေးပုန်းအောင်းခဲ့ရသော ချီလျန်မျိုးနွယ်ဝင်များ အားလုံးလည်း ချီလျန်မျိုးနွယ်ထံ ပြန်လာကာ မျိုးနွယ်စုဝင်များနှင့် ပြန်လည်ဆုံဆည်းနိုင်ခဲ့ကြသည်။</p> <p>‎</p> <p>‎</p> <p>‎ဤအရာအားလုံးမှာ အရှင်သခင်၏ စွမ်းအားအပေါ် လုံးလုံးလျားလျား မှီခိုနေရခြင်း ဖြစ်သည်။</p> <p>‎</p> <p>‎</p> <p>‎ဤအခြေအနေများအောက်တွင် လက်ရှိအချိန်၌ ချီလျိုနှင့် ချီမုန် သားအမိနှစ်ယောက်တည်းကသာ ကုချန်အား သူတို့၏ ဝိညာဉ်အမှတ်အသားများကို အမှန်တကယ် ပေးအပ်ကာ အရှင်သခင်အဖြစ် အသိအမှတ်ပြုထားသော်ငြား အခြားသော ချီလျန်မျိုးနွယ်ဝင် အားလုံးမှာလည်း ကုချန်ကို ရိုးသားစွာ ယုံကြည်လေးစားကြ၍ ချီလျန်မျိုးနွယ်၏ အရှင်သခင်ဆိုသော ကုချန်၏ ဂုဏ်ပုဒ်ကို မည်သည့် မျိုးနွယ်စုဝင်ကမျှ မေးခွန်းထုတ်ခြင်း မရှိကြချေ။</p> <p>‎</p> <p>‎</p> <p>‎ထို့ကြောင့် ချီလျို ပြောခဲ့သကဲ့သို့ပင်။</p> <p>‎</p> <p>‎</p> <p>‎ကုချန်အား သစ္စာခံခြင်းမှာ ချီလျန်မျိုးနွယ် တစ်ခုလုံး၏ စုပေါင်းဆုံးဖြတ်ချက်ဖြစ်ပြီး အတင်းအကျပ် ဖိအားပေးမှု မဟုတ်ပေ။</p> <p>‎</p> <p>‎</p> <p>‎" မင်းက ချီလျန်မျိုးနွယ်ကို အထင်ကြီးလွန်းနေပြီ... အင်မော်တယ်ဘုရင် တစ်ပါးတောင် မရှိတဲ့ မျိုးနွယ်စုတစ်ခုကို ငါကိုယ်တော်က ဘာကိစ္စ အတင်းအကျပ် သစ္စာခံခိုင်းနေရမှာလဲ "</p> <p>‎</p> <p>‎</p> <p>‎ကုချန်မှ အေးဆေးစွာ ပြောလိုက်သော်လည်း သူ၏အသံသည် ယွဲ့လင်အင်မော်တယ်ဘုရင်၏ နားထဲသို့ ရောက်သွားသောအခါ သူ့အား ရုတ်တရက် တုန်လှုပ်သွားစေ၏။</p> <p>‎</p> <p>‎</p> <p>‎ကုချန်၏စကားက စောစောက သူ၏အတွေးများမှာ မှားယွင်းနေကြောင်း သဘောပေါက်သွားစေခဲ့သည်။</p> <p>‎</p> <p>‎</p> <p>‎စိုးရိမ်စိတ်က သူ၏ဆင်ခြင်တုံတရားကို ဖုံးလွှမ်းသွားခဲ့၏။ သူ၏စိတ်ထဲတွင် ချီလျန်မျိုးနွယ်၏ အဆင့်အတန်းသည် ပြိုင်ဘက်ကင်းကာ အခြား မည်သည့်အရာနှင့်မျှ နှိုင်းယှဉ်၍မရပေ။</p> <p>‎</p> <p>‎</p> <p>‎သို့သော် အမှန်တကယ်တွင် သူ့ကို မထည့်သွင်းဘဲ စဉ်းစားလျှင် လက်ရှိ ချီလျန်မျိုးနွယ်၌ ထျန်းကျွင်းအဆင့် အနည်းငယ် ရှိနေလျှင်ပင် အခြေနေ ကောင်းလှပြီ ဖြစ်သည်။</p> <p>‎</p> <p>‎</p> <p>‎ထို့ပြင် သူ၏ရှေ့ရှိ ဤသူသည် အင်မော်တယ်ဘုရင်များထဲမှ ဘီလူးကြီးတစ်ပါးဖြစ်သော ရှေးဟောင်းမကောင်းဆိုးဝါးအင်မော်တယ်ဘုရင်ကိုပင် ယခုလေးတင် သတ်ဖြတ်ခဲ့သူ ဖြစ်သည်။ ဤသို့သော တည်ရှိမှုက အားနည်းသော မျိုးနွယ်စုတစ်ခုကို အတင်းအကျပ် သစ္စာခံခိုင်းရန် အဘယ်ကြောင့် လိုအပ်မည်နည်း။</p> <p>‎</p> <p>‎</p> <p>‎တစ်ခုတည်းသော ဖြစ်နိုင်ချေမှာ ချီလျန်မျိုးနွယ်သည် ကံကြမ္မာ၏ အလှည့်အပြောင်းတစ်ခုကြောင့် ဤစွမ်းအားရှင်ကို မှီခိုနိုင်ခဲ့ခြင်းသာ ဖြစ်ရမည်။</p> <p>‎</p> <p>‎</p> <p>‎ဤအချက်ကို သဘောပေါက်သွားသောအခါ ယွဲ့လင်အင်မော်တယ်ဘုရင်၏ ရင်ထဲရှိ သတ်ဖြတ်လိုစိတ်များသည် ဒီရေကျသကဲ့သို့ ချက်ချင်း ဆုတ်ခွာသွားကာ အရိပ်အယောင်မျှပင် မကျန်တော့ချေ။</p> <p>‎</p> <p>‎</p> <p>‎သူသည် ချီလျိုအား စူးရှစွာ ကြည့်လျက် ပြောဆိုလိုက်၏။</p> <p>‎</p> <p>‎</p> <p>‎" နတ်ဆိုးနယ်မြေကို ရောက်ကတည်းက ချီလျန်မျိုးနွယ် ကြုံတွေ့ခဲ့ရသမျှ အရာအားလုံးကို ငါ သိချင်တယ် "</p> <p>‎</p> <p>‎</p> <p>‎ထိုစကားကို ကြားသောအခါ ချီလျိုသည် ကုချန်၏ ခွင့်ပြုချက်ကို တောင်းခံရန် သူ့အား ထပ်မံကြည့်လိုက်၏။</p> <p>‎</p> <p>‎</p> <p>‎" သူ့ကို ပြောပြလိုက်ပါ "</p> <p>‎</p> <p>‎</p> <p>‎ကုချန်မှ အေးဆေးစွာ ပြောဆိုလိုက်၏။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်အား အရာအားလုံး ပြောပြလိုက်လျှင်လည်း ကိစ္စမရှိပေ။ သူ နောက်ဆုတ်သွားမည်ကိုလည်း သူ လုံးဝ မကြောက်ရွံ့ချေ။</p> <p>‎</p> <p>‎</p> <p>‎နတ်ဆိုးနယ်မြေနှင့် အင်မော်တယ်နယ်မြေ နှစ်ခုလုံးတွင် သူ၏ကိုယ်ပွားများ ရှိနေသည့်ကိစ္စကိုမူ ယွဲ့လင်အင်မော်တယ်ဘုရင်မှတစ်ဆင့် ပေါက်ကြားသွားစေမည်ကို သူ ပို၍ပင် မကြောက်ပေ။ သူကိုယ်တိုင်က ချီလျန်မျိုးနွယ်ဝင် တစ်ဦးဆိုသော အရောင်မပြရဲသည့် လျှို့ဝှက်ချက်တစ်ခု ရှိနေရာ ကုချန်နှင့် ပတ်သက်သည့် အချက်အလက်များကို မည်သို့ ပေါက်ကြားရဲမည်နည်း။</p> <p>‎</p> <p>‎</p> <p>‎ချီလျန်မျိုးနွယ် တစ်ခုလုံး၏ သေရေးရှင်ရေးသည် လက်ရှိတွင် ကုချန်၏လက်ထဲ၌ ရှိနေလေ၏။</p> <p>‎</p> <p>‎</p> <p>‎ကုချန်၏ညွှန်ကြားချက်ကို ရရှိပြီးနောက် ချီလျိုသည် သူ၏အတွေးများကို စုစည်းကာ ချီလျန်မျိုးနွယ် ပုန်ကန်၍ နတ်ဆိုးနယ်မြေသို့ ဝင်ရောက်ခဲ့သည့် ရှေးဟောင်းခေတ်မှ စတင်ကာ ပြောပြလေတော့သည်။</p> <p>‎</p> <p>‎</p> <p>‎ချီလျိုသည် အသေးစိတ် အချက်အလက်တိုင်းကို မပြောဘဲ အဓိက အချိန်ကာလများရှိ အဖြစ်အပျက်ကြီးများကိုသာ ရွေးချယ်ပြောပြခဲ့၏။</p> <p>‎</p> <p>‎</p> <p>‎သို့သော် ထိုသို့ဖြစ်စေကာမူ ချီလျန်မျိုးနွယ်သည် ရှီမိုကောင်းကင်အရှင်၏ တိတ်တဆိတ်ရော၊ ပေါ်ပေါ်ထင်ထင်ပါ ပစ်မှတ်ထားခြင်းကို ခံရကာ အခက်အခဲများနှင့် ကြုံတွေ့ခဲ့ရပုံကို ပြောပြချိန်တွင် ယွဲ့လင်အင်မော်တယ်ဘုရင်၏ မျက်နှာပေါ်၌ ထိန်းမရသော ဒေါသများ ထွက်ပေါ်လာပြီး ရှီမိုကောင်းကင်အရှင်ကို သွားရောက်တိုက်ခိုက်ချင်နေသည့်အလား ဖြစ်နေလေသည်။</p> <p>‎</p> <p>‎</p> <p>‎ထို့နောက် ဘိုးဘေးချီရှောင် အင်မော်တယ်ဘုရင်အဆင့်သို့ တက်လှမ်းရန် ကြိုးစားစဉ် ကျရှုံးကာ ကျဆုံးသွားခဲ့ရသည့် သတင်းကို ချီလျိုမှ ပြောပြသောအခါ ယွဲ့လင်အင်မော်တယ်ဘုရင်၏ လှပသော မျက်နှာပေါ်တွင် ဝမ်းနည်းမှု အရိပ်အယောင်များ ပေါ်လာ၏။</p> <p>‎</p> <p>‎</p> <p>‎" ဘိုးဘေးချီရှောင်... တကယ်ပဲ ကျဆုံးသွားခဲ့တာလား "</p> <p>‎</p> <p>‎</p> <p>‎ချီလျန်မျိုးနွယ် အင်မော်တယ်နယ်မြေကို မပုန်ကန်မီကတည်းက ချီရှောင်သည် ချီလျန်မျိုးနွယ်၏ ထျန်းကျွင်းအဆင့် ဘိုးဘေးများထဲမှ တစ်ပါး ဖြစ်ခဲ့သည်။</p> <p>‎</p> <p>‎</p> <p>‎နောက်ပိုင်းတွင် ချီလျန်မျိုးနွယ် နတ်ဆိုးနယ်မြေသို့ ပုန်ကန်ထွက်ပြေးသည့် လုပ်ငန်းစဉ်အတွင်း အခြား ဘိုးဘေးများအားလုံး ကျဆုံးသွားခဲ့ကာ ချီရှောင် တစ်ဦးတည်းကသာ ချီလျန်မျိုးနွယ်ကို ဦးဆောင်၍ နတ်ဆိုးနယ်မြေသို့ ဝင်ရောက်နိုင်ခဲ့သည်။</p> <p>‎</p> <p>‎</p> <p>‎သူ အားနည်းချိန်က ဘိုးဘေးချီရှောင် မည်မျှ ညင်သာစွာ လမ်းညွှန်ပြသပေးခဲ့သည်ကို ယွဲ့လင်အင်မော်တယ်ဘုရင် မှတ်မိနေသေး၏။ သို့သော် ဘိုးဘေးချီရှောင် သေဆုံးသွားခဲ့ပြီ။</p> <p>‎</p> <p>‎</p> <p>‎" ဒီကိစ္စက အဲဒီရှီမိုကောင်းကင်အရှင်နဲ့ သေချာပေါက် ပတ်သက်နေရမယ် "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်သည် တည်ငြိမ်စွာ ပြောလိုက်သော်လည်း သူ၏ရင်ထဲတွင်တော့ သတ်ဖြတ်လိုစိတ်များ ဆူပွက်နေလေသည်။</p> <p>‎</p> <p>‎</p> <p>‎ဘိုးဘေးချီရှောင်၏ ကျင့်ကြံမှုမှာ နက်နဲလှသည်။ နတ်ဆိုးနယ်မြေသို့ ပုန်ကန်ရောက်ရှိလာ၍ ပြန်လည်ကျင့်ကြံပြီးနောက်တွင်ပင် အင်မော်တယ်ဘုရင်အဆင့်သို့ တက်လှမ်းရန် နီးကပ်နေသည့် အဆင့်အထိ ရောက်ရှိနိုင်ခဲ့၏။</p> <p>‎</p> <p>‎</p> <p>‎သူ၏ အင်မော်တယ်ဘုရင်အဆင့်သို့ တက်လှမ်းမှု ကျရှုံး၍ ၎င်းကြောင့် ဒဏ်ရာရနိုင်သော်လည်း  သေဆုံးသွားရန်မှာ ဖြစ်နိုင်ချေ အလွန်နည်းပါးလှသည်။</p> <p>‎</p> <p>‎</p> <p>‎အကြီးမားဆုံး ဖြစ်နိုင်ချေမှာ ရှီမိုကောင်းကင်အရှင်မှ ဝင်ရောက်စွက်ဖက်ခဲ့ခြင်းကြောင့် ဘိုးဘေးချီရှောင် ဝမ်းနည်းဖွယ် ကျဆုံးသွားခဲ့ရခြင်း ဖြစ်သည်။</p> <p>‎</p> <p>‎</p> <p>‎ဒေါသထွက်စရာ၊ မုန်းတီးစရာကောင်းလိုက်တာ!</p> <p>‎</p> <p>‎</p> <p>‎အကယ်၍ အင်မော်တယ်နှင့် နတ်ဆိုးနယ်မြေတို့ ယခုတိုင် စစ်ပွဲဖြစ်ပွားနေဆဲဆိုပါက ဘိုးဘေးချီရှောင်အတွက် လက်စားချေရန် ရှီမိုကောင်းကင်အရှင်ကို ရှာဖွေ၍ အဆုံးအဖြတ် တိုက်ပွဲဆင်နွှဲရန် သူ ရှေ့တန်းသို့ သေချာပေါက် သွားရောက်မည် ဖြစ်သည်။</p> <p>‎</p> <p>‎</p> <p>‎ဘိုးဘေးချီရှောင် သေဆုံးမှုက အဲဒီရှီမိုကောင်းကင်အရှင်နဲ့ ပတ်သက်နေတာလား။</p> <p>‎</p> <p>‎</p> <p>‎ဤစကားကို ကြားသောအခါ ချီလျိုမှာ လန့်ဖျပ်သွားသော်ငြား ယွဲ့လင်အင်မော်တယ်ဘုရင်၏ မျက်လုံးများထဲရှိ အတက်အကျဖြစ်နေသော သတ်ဖြတ်လိုစိတ်ကို မြင်သောအခါ သူ မနေနိုင်စွာ ပြောဆိုလိုက်မိ၏။</p> <p>‎</p> <p>‎</p> <p>‎" ဘိုးဘေး... အရမ်း ဒေါသမထွက်ပါနဲ့... ရှီမိုကောင်းကင်အရှင်က နောက်ပိုင်းမှာ အရှင်သခင်ရဲ့ သတ်ဖြတ်တာကို ခံလိုက်ရပါပြီ... ပြီးတော့ အဲဒီရှီမိုကောင်းကင်ကလည်း အခု အဆုံးမဲ့ ကောင်းကင်ဘုံ ဖြစ်သွားပြီလေ "</p> <p>‎</p> <p>‎</p> <p>‎ချီလျို၏ ရိုးရှင်းသော စကားအနည်းငယ်သည် ယွဲ့လင်အင်မော်တယ်ဘုရင်၏ ရင်ထဲတွင် ကြီးမားသော မုန်တိုင်းတစ်ခုကို ဖန်တီးလိုက်လေသည်။</p> <p>‎</p> <p>‎</p> <p>‎ရှီမိုကောင်းကင်အရှင် သေသွားပြီ... ပြီးတော့ ဒီလူက သတ်လိုက်တာတဲ့လား!</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ အကြည့်များမှာ ကုချန်ထံသို့ အလိုအလျောက် ရောက်ရှိသွား၏။</p> <p>‎</p> <p>‎</p> <p>‎သူက နတ်ဆိုးနယ်မြေမှာ ရှီမိုကောင်းကင်အရှင်ကို သတ်ခဲ့ပြီး အင်မော်တယ်နယ်မြေမှာလည်း ရှေးဟောင်းမကောင်းဆိုးဝါးအင်မော်တယ်ဘုရင်ကို သတ်ခဲ့တယ်။</p> <p>‎</p> <p>‎</p> <p>‎ဒီလူ... ဒီလူမှာ တကယ်ပဲ ဘယ်လို နောက်ခံမျိုး ရှိနေတာလဲ!</p> <p>***</p> <p> </p>


Save