Book List

<h2 style="text-align: center;">အခန်း ( ၄၂၆ )</h2> <h2 style="text-align: center;">ကောင်းကင်ဘုံသို့ ပြောင်းရွှေ့ခြင်း၊ ဆယ်နှစ်တာ ကတိကဝတ်နှင့်</h2> <h2 style="text-align: center;">သဘောပေါက်နားလည်ခြင်း</h2> <h2 style="text-align: center;">‎*</h2> <p>‎</p> <p>‎</p> <p>‎ဒါက... ဘိုးဘေးက သူတို့ကို ခေါ်နေတာလား။</p> <p>‎</p> <p>‎</p> <p>‎နားထဲတွင် ပဲ့တင်ထပ်လာသော ညင်သာသော်ငြား အာဏာပါသည့် အသံကို ကြားလိုက်ရချိန်၌ ကုမိသားစုဝင် အားလုံး၏ မျက်နှာပေါ်တွင် ဖုံးကွယ်မထားနိုင်သော အံ့အားသင့်မှုများ ထွက်ပေါ်လာ၏။</p> <p>‎</p> <p>‎</p> <p>‎သူတို့၏မှတ်ဉာဏ်ထဲတွင် ဘိုးဘေးသည် ကုမိသားစုထံ ပထမဆုံး ပြန်လည်ရောက်ရှိလာကာ ကုမိသားစုအား ဘိုးဘေးနယ်မြေမှ ရှင်သန်ခြင်းတားမြစ်နယ်မြေသို့ ပြောင်းရွှေ့မည်ဟု ကြေညာရန် အားလုံးကို စုရုံးခိုင်းခဲ့သည့် အချိန်မှလွဲ၍ မိသားစုဝင် အားလုံးကို ယခုလို ဆင့်ခေါ်ခြင်းမျိုး တစ်ခါမှ မရှိခဲ့ဖူးသောကြောင့်ပင်။</p> <p>‎</p> <p>‎</p> <p>‎အများအားဖြင့် မိသားစုခေါင်းဆောင်နှင့် ဘိုးဘေးကုဝူရှန့်တို့ကိုသာ ဆင့်ခေါ်လေ့ရှိသည်။</p> <p>‎</p> <p>‎</p> <p>‎သို့သော် ယခုအခါ ဘိုးဘေးသည် ကုမိသားစု တစ်ခုလုံးကို နောက်တစ်ကြိမ် ထပ်မံဆင့်ခေါ်လိုက်ပြန်ရာ မည်သည့်ကိစ္စများ ရှိနေမည်နည်း။</p> <p>‎</p> <p>‎</p> <p>‎ကုမိသားစုဝင်များ၏ ရင်ထဲတွင် လှိုင်းဂယက်များ ထနေလေသည်။ ကုချန် မည်သည့်အရာကို ညွှန်ကြားရှင်းပြမည်ကို သူတို့ မသိကြသော်လည်း တွေးကြည့်ရုံဖြင့်ပင် အလွန်အရေးကြီးသော ကိစ္စကြီးတစ်ခု ဖြစ်ရမည်ကို သိနိုင်ပေသည်။</p> <p>‎</p> <p>‎</p> <p>‎" အရှင်သခင်က ကုမိသားစု တစ်ခုလုံးကို ဆင့်ခေါ်ရုံတင်မဟုတ်ဘဲ ငါတို့ကိုပါ ခေါ်လိုက်တာပဲ "</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့၏ လှပသော မျက်လုံးများထဲတွင် ဇဝေဇဝါဖြစ်မှုနှင့် ခန့်မှန်းတွေးတောမှုတို့ ရောယှက်နေ၏။</p> <p>‎</p> <p>‎</p> <p>‎ကုမိသားစု တစ်ခုလုံးကို ဆင့်ခေါ်ခြင်းက သူ၏မျိုးဆက်များကို ညွှန်ကြားချက် ပေးလို၍ ဖြစ်နိုင်သည်။ သို့သော် သူနှင့် ဖီးနစ်ဧကရာဇ်တို့ ပါဝင်နေခြင်းက မည်သည့်အဓိပ္ပာယ်နည်း။</p> <p>‎</p> <p>‎</p> <p>‎အမှန်တကယ်တော့ ကောင်းကင်နတ်သမီး ရှောင်းယွဲ့၏ အာရုံခံနိုင်စွမ်းအရ ကုချန်ထံ ဆန္ဒအလျောက် အညံ့ခံကာ ကောင်းကင်တားမြစ်နယ်မြေသို့ လိုက်ပါလာခဲ့သော ဧကရာဇ်တစ်ပိုင်းအဆင့် နဂါးအိုကြီးပင်လျှင် ဆင့်ခေါ်မှုကို ရရှိထားသကဲ့သို့ ခန္ဓာကိုယ်ကို ကျုံ့ကာ အထက်ကောင်းကင်ပင်မခန်းမဆောင်ဆီသို့ အပြေးအလွှား သွားနေကြောင်း သိလိုက်ရ၏။</p> <p>‎</p> <p>‎</p> <p>‎ဒါက ဘာကြောင့်များလဲ။</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့မှာ လုံးဝ နားမလည်နိုင်ဖြစ်နေသော်လည်း ညွှန်ကြားချက်အတိုင်း ကောင်းကင်ပင်မခန်းမဆောင်ဆီသို့ ချက်ချင်း သွားလိုက်လေသည်။</p> <p>‎</p> <p>‎</p> <p>‎သူနှင့် နှိုင်းယှဉ်လျှင် ကုမိသားစုဝင် မဟုတ်ကြသော ဖီးနစ်ဧကရာဇ်နှင့် ရှေးဟောင်းဧကရာဇ် ကျန်းထျန်းတို့မှာ များစွာ ပို၍ တည်ငြိမ်နေကြ၏။ သူတို့သည် ကောင်းကင်နတ်သမီး ရှောင်းယွဲ့နှင့် မတူဘဲ ယခုအခါ ကုချန်၏ အစေခံများ ဖြစ်နေကြလေပြီ။</p> <p>‎</p> <p>‎</p> <p>‎အရှင်သခင်မှ မည်သို့ပင် အမိန့်ပေးပေး သူတို့ လိုက်နာလုပ်ဆောင်ရုံသာ ရှိသည်။ ထိုကိစ္စများကို တွေးတောနေရန် မလိုအပ်ပေ။</p> <p>‎</p> <p>‎</p> <p>‎မကြာမီမှာပင် ကုမိသားစု အပါအဝင် ကောင်းကင်တားမြစ်နယ်မြေအတွင်းရှိ သက်ရှိအားလုံးသည် အထက်ကောင်းကင်ပင်မခန်းမဆောင်အတွင်း စုဝေးရောက်ရှိလာကြ၏။</p> <p>‎</p> <p>‎</p> <p>‎အထက်ကောင်းကင် ပင်မခန်းမဆောင်သည် အပြင်ပန်းအားဖြင့် သေးငယ်ပုံရသော်လည်း ၎င်းအတွင်း၌ အဆုံးမဲ့ ကြယ်သမုဒ္ဒရာနှင့် နှိုင်းယှဉ်နိုင်သော ကျယ်ပြောလှသည့် အတွင်းကမ္ဘာတစ်ခု ပါရှိလေသည်။ ထို့ကြောင့် အထက်ကောင်းကင် တားမြစ်နယ်မြေရှိ သက်ရှိများအားလုံး စုဝေးနေသော်လည်း ဤဧရာမ ခန်းမဆောင်ကြီးသည် ကျပ်တည်းနေသည်ဟု မခံစားရချေ။</p> <p>‎</p> <p>‎</p> <p>‎လူစုံသွားသည်ကို မြင်သောအခါ ကုချန်သည် အချိန်မဖြုန်းတော့ဘဲ လိုရင်းကိုသာ တိုက်ရိုက် ပြောလိုက်၏။</p> <p>‎</p> <p>‎</p> <p>‎" အထက်ကောင်းကင်တားမြစ်နယ်မြေကို အင်မော်တယ်နယ်မြေဆီ ပြောင်းရွှေ့ဖို့ ငါ ရည်ရွယ်ထားတယ်... မင်းတို့အားလုံး ဒီအဆုံးမဲ့ကမ္ဘာက ကိစ္စတွေကို ရှင်းလင်းပြင်ဆင်ဖို့ ဆယ်နှစ် အချိန်ရမယ် "</p> <p>‎</p> <p>‎</p> <p>‎" ဆယ်နှစ်ပြည့်ရင် ငါကိုယ်တော်က အထက်ကောင်းကင် တားမြစ်နယ်မြေကို အင်မော်တယ်နယ်မြေဆီ ပြောင်းရွှေ့မယ်... အဲဒီအချိန်ကျ အင်မော်တယ်နယ်မြေကို မသွားချင်တဲ့သူ ရှိရင် နေခဲ့ဖို့ ရွေးချယ်နိုင်တယ်... လိုက်မလား နေခဲ့မလားဆိုတာ မင်းတို့ သဘောဆန္ဒအတိုင်းပဲ "</p> <p>‎</p> <p>‎</p> <p>‎ကုချန်၏စကားများမှာ တိုတောင်းလှသော်လည်း သူ ပြောပြီးသည်နှင့်တစ်ပြိုင်နက် ငြိမ်သက်နေသော ရေကန်ထဲသို့ ဗုံးတစ်လုံး ပစ်ချလိုက်သကဲ့သို့ လူတိုင်း၏ရင်ထဲတွင် ဧရာမ လှိုင်းလုံးကြီးများ ချက်ချင်း ရိုက်ခတ်သွားလေတော့သည်။</p> <p>‎</p> <p>‎</p> <p>‎ဘိုးဘေးက ဘာပြောလိုက်တာလဲ။ အထက်ကောင်းကင် တားမြစ်နယ်မြေကို အင်မော်တယ်နယ်မြေဆီ ပြောင်းရွှေ့မယ်။</p> <p>‎</p> <p>‎</p> <p>‎အရှင်သခင်က ဘာပြောလိုက်တာလဲ။ သူက အထက်ကောင်းကင် တားမြစ်နယ်မြေကို အင်မော်တယ်နယ်မြေဆီ ခေါ်သွားချင်တာလား။</p> <p>‎</p> <p>‎</p> <p>‎ထိုနေရာရှိ လူတိုင်း၏စိတ်ထဲတွင် ဆင်တူသော အတွေးများ အသီးသီး ပေါ်လာကြ၏။ ထိုအထဲတွင် ကောင်းကင်နတ်သမီး ရှောင်းယွဲ့မှာ အထူးသဖြင့် ယုံကြည်နိုင်စရာ မရှိလောက်အောင် ခံစားနေရသည်။</p> <p>‎</p> <p>‎</p> <p>‎အဘယ်ကြောင့်ဆိုသော် မကြာမီကမှ ကုချန်သည် သူ့အား အင်မော်တယ်နယ်မြေသို့ ခေါ်ဆောင်သွားနိုင်ကြောင်းနှင့် ဤအခွင့်အရေးကို လက်လွတ်ခံလိုက်ပါက အင်မော်တယ်နယ်မြေသို့ မည်သည့်အချိန်မှ ပြန်သွားနိုင်မည်ကို မသေချာကြောင်း ပြောခဲ့ဖူးသောကြောင့်ပင်။</p> <p>‎</p> <p>‎</p> <p>‎ထိုအချိန်က ကောင်းကင်နတ်သမီး ရှောင်းယွဲ့သည် အချိန်ကြာမြင့်စွာ တုံ့ဆိုင်းနေခဲ့သော်လည်း နောက်ဆုံးတွင် ကောင်းကင်တားမြစ်နယ်မြေ၌သာ ကျန်ရစ်ရန် ရွေးချယ်ခဲ့ကာ ကုမိသားစုဝင်များနှင့်အတူ အင်မော်တယ်နယ်မြေသို့ သွားရောက်ရန် အနာဂတ် အခွင့်အရေးကိုသာ စောင့်ဆိုင်းရန် ဆုံးဖြတ်ခဲ့သည်။</p> <p>‎</p> <p>‎</p> <p>‎သို့သော် ထိုအချိန်မှစ၍ အချိန်မည်မျှပင် ကြာသေးသနည်း။ အရှင်သခင်သည် ကောင်းကင်တားမြစ်နယ်မြေ တစ်ခုလုံးကို အင်မော်တယ်နယ်မြေသို့ ပြောင်းရွှေ့ရန် အမှန်တကယ် ပြင်ဆင်နေလေပြီ။ အရှင်သခင်သည် အင်မော်တယ်နယ်မြေနှင့် အဆုံးမဲ့ကမ္ဘာကြား အောင်မြင်စွာ အသွားအပြန်လုပ်နိုင်မည့် နည်းလမ်းကို ရှာတွေ့သွားပြီလော။</p> <p>‎</p> <p>‎</p> <p>‎ကောင်းကင်နတ်သမီး ရှောင်းယွဲ့မှာ အံ့အားသင့်သွားသော်လည်း တစ်ချိန်တည်းမှာပင် သူ၏ရင်ထဲတွင် ကြီးမားသော သက်သာရာရမှုများ ပြည့်နှက်သွားလေသည်။</p> <p>‎</p> <p>‎</p> <p>‎သူ၏ ယခင် ဆုံးဖြတ်ချက်မှာ မည်မျှ ပညာသားပါကြောင်း တွေးမိကာ သက်သာရာရသွားခြင်း ဖြစ်၏။</p> <p>‎</p> <p>‎</p> <p>‎အကယ်၍ သူသာ ယခင်က အရှင်သခင်နှင့်အတူ အင်မော်တယ်နယ်မြေသို့ သွားရန် ရွေးချယ်ခဲ့ပါက ယခုအချိန်တွင် အင်မော်တယ်နယ်မြေ၏ တစ်နေရာရာ၌ လမ်းပျောက်နေလောက်ပေပြီ။ အနာဂတ်တွင် ကုမိသားစု အင်မော်တယ်နယ်မြေသို့ လာရောက်လျှင်တောင်မှ ကုမိသားစုနှင့် သူ၏ဆက်ဆံရေးမှာ သဘာဝကျကျပင် မှေးမှိန်သွားမည်ဖြစ်ရာ အရင်လို ပြန်ဖြစ်နိုင်တော့မည် မဟုတ်ချေ။</p> <p>‎</p> <p>‎</p> <p>‎သို့သော် ယခုအခါ သူသည် ကုမိသားစုနှင့်အတူ အင်မော်တယ်နယ်မြေသို့ ဂုဏ်သိက္ခာရှိရှိ ပြောင်းရွှေ့နိုင်လေပြီ။</p> <p>‎</p> <p>‎</p> <p>‎ဤရလဒ်နှစ်ခုကြားရှိ ကွာခြားချက်မှာ ကောင်းကင်နှင့်မြေကြီးကဲ့သို့ပင် ဖြစ်လေသည်။</p> <p>‎</p> <p>‎</p> <p>‎" ဘိုးဘေး... ဒါဆို ကျွန်မတို့ ကုမိသားစုက အနာဂတ်မှာ အင်မော်တယ်နယ်မြေမှာ အခြေချတော့မယ်ဆိုတဲ့ သဘောလား "</p> <p>‎</p> <p>‎</p> <p>‎ကုချင်းရွဲ့သည် လျှာလေးထုတ်ကာ မယုံကြည်နိုင်သည့် အမူအရာဖြင့် မေးမြန်းလိုက်၏။</p> <p>‎</p> <p>‎</p> <p>‎အဲဒါ အင်မော်တယ်နယ်မြေလေ!</p> <p>‎</p> <p>‎</p> <p>‎ရှေးခေတ်မှ ယနေ့တိုင်အောင် မဟာဧကရာဇ်အဆင့် ကျွမ်းကျင်သူ မည်မျှများများ သေမျိုးကမ္ဘာတွင် ပိတ်မိနေလျက် အင်မော်တယ်တက်လှမ်းရန် မျှော်လင့်ချက် ကင်းမဲ့နေခဲ့ရသနည်း။</p> <p>‎</p> <p>‎</p> <p>‎ယခင်က တားမြစ်နယ်မြေများရှိ အရှင်များအားလုံး ထွက်ပေါ်လာကာ ကောင်းကင်ချောက်နက်ကို ဖောက်ထွက်ရန် ကြိုးစားခဲ့ကြသော်လည်း နောက်ဆုံးတွင် ကျရှုံးမှုဖြင့်သာ အဆုံးသတ်ခဲ့ရသည်။</p> <p>‎</p> <p>‎</p> <p>‎သို့သော် ယခုအခါ အသံတိတ် တိတ်ဆိတ်စွာဖြင့် ဘိုးဘေးသည် ကောင်းကင်တားမြစ်နယ်မြေကို အင်မော်တယ်နယ်မြေသို့ ခေါ်ဆောင်သွားနိုင်သည်ဟု ပြောနေသည်လော။</p> <p>‎</p> <p>‎</p> <p>‎ဤသည်မှာ ဘိုးဘေးမှ အင်မော်တယ်နယ်မြေသို့ သွားနိုင်မည့် နည်းလမ်းကို ကျွမ်းကျင်ပိုင်နိုင်နေပြီဟု ဆိုလိုခြင်း မဟုတ်လော။</p> <p>‎</p> <p>‎</p> <p>‎ဤသည်က သူတစ်ဦးတည်း တက်လှမ်းခြင်း မဟုတ်ဘဲ ကောင်းကင်တားမြစ်နယ်မြေ တစ်ခုလုံးကို အင်မော်တယ်နယ်မြေသို့ ခေါ်ဆောင်သွားခြင်း ဖြစ်လေသည်။</p> <p>‎</p> <p>‎</p> <p>‎၎င်းတို့နှစ်ခုကြားတွင် မယုံနိုင်လောက်အောင် ကြီးမားသော ကွာခြားချက် ရှိ၏။ ပထမအချက်က ကိုယ့်၌ အင်မော်တယ်နယ်မြေသို့ သွားနိုင်သည့် စွမ်းအားရှိကြောင်းကိုသာ သက်သေပြနိုင်သည်။ သို့သော် ဒုတိယအချက်၏ အခက်အခဲမှာမူ မည်မျှပို၍ မြင့်မားမည်ကိုပင် မသိနိုင်ချေ။</p> <p>‎</p> <p>‎</p> <p>‎ဤမျှ ပေါက်ကွဲအားပြင်းသော သတင်းသည် ကုချင်းရွဲ့ကို မည်သို့ မတုန်လှုပ်စေဘဲ နေမည်နည်း။</p> <p>‎</p> <p>‎</p> <p>‎ကုဝူရှန့် အပါအဝင် အခြား ကုမိသားစုဝင်များသည်လည်း ကုချင်းရွဲ့ကဲ့သို့ပင် ခံစားနေရလေသည်။</p> <p>‎</p> <p>‎</p> <p>‎ရှေးခေတ်မှ ယနေ့တိုင်အောင် အင်မော်တယ်တက်လှမ်းခြင်းသည် ကျင့်ကြံသူအားလုံး လိုက်စားသော ပန်းတိုင်ဖြစ်သည်မှာ ယုံမှားသံသယဖြစ်ဖွယ် မရှိချေ။ သို့သော် မဟာဧကရာဇ်အဆင့်များပင်လျှင် အင်မော်တယ်တက်လှမ်းရန် မျှော်လင့်ချက် ကြီးကြီးမားမား မထားရဲခဲ့ကြပေ။</p> <p>‎</p> <p>‎</p> <p>‎ယခု ရှိနေသော ကုမိသားစုဝင်များအတွက်မူ သူတို့သည် အင်မော်တယ်တက်လှမ်းရန်ဆိုသည်ကို တွေးပင် မတွေးဖူးကြချေ။</p> <p>‎</p> <p>‎</p> <p>‎သို့သော် ယခုအခါ ဘိုးဘေးက အားလုံးကို အင်မော်တယ်နယ်မြေသို့ အတူတကွ ခေါ်ဆောင်သွားမည်ဟု ဆိုနေသည်။ မည်သူမျှ ဘာမှလုပ်စရာမလိုဘဲ ရိုးရိုးသားသားဖြင့် 'ပက်လက်နေရင်း အနိုင်ရ' လိုက်ခြင်းပင် ဖြစ်သည်။</p> <p>‎</p> <p>‎</p> <p>‎ဒီသတင်းကို ကြားရင် ဘယ်သူက 'မကြောင်' သွားဘဲ နေပါ့မလဲ!</p> <p>‎</p> <p>‎</p> <p>‎ဖီးနစ်ဧကရာဇ်သည်လည်း ဘေးမှနေ၍ တိတ်တဆိတ် သက်ပြင်းချလိုက်လေသည်။</p> <p>‎</p> <p>‎</p> <p>‎တစ်ချိန်က သူသည်လည်း ကောင်းကင်ချောက်နက်ကို အောင်မြင်စွာ ဖောက်ထွက်နိုင်ခဲ့ပါက ဖီးနစ်နားခိုရာတောင်ကုန်းမှ သူ၏မျိုးဆက်များအားလုံးကို အင်မော်တယ်နယ်မြေသို့ အတူတကွ ခေါ်ဆောင်သွားမည်ဟု တွေးခဲ့ဖူးသည်။ 'လူတစ်ယောက် တာအိုကို ရရှိတာနဲ့ သူ့ရဲ့ ကြက်တွေ၊ ခွေးတွေတောင် ကောင်းကင်ဘုံကို တက်လှမ်းခွင့်ရတယ်' ဆိုသည့် စကားအတိုင်းပင် ဖြစ်လေသည်။</p> <p>‎</p> <p>‎</p> <p>‎သို့သော် ရလဒ်မှာ ကျရှုံးမှုသာ ဖြစ်ခဲ့သည်။ သူကိုယ်တိုင်ပင် အင်မော်တယ်တက်လှမ်းရန် မျှော်လင့်ချက် မရှိတော့ရာ ဖီးနစ်နားခိုရာတောင်ကုန်းမှ မျိုးဆက်များကို အင်မော်တယ်နယ်မြေသို့ ခေါ်ဆောင်သွားရန်ဆိုသည်မှာ ပြောနေစရာပင် မလိုတော့ချေ။</p> <p>‎</p> <p>‎</p> <p>‎သို့သော် နှစ်တစ်ရာမျှသာ ကြာပြီးနောက် သူသည် အင်မော်တယ်နယ်မြေသို့ တက်လှမ်းရန် နောက်ထပ် အခွင့်အရေးတစ်ခု ရရှိလိမ့်မည်ဟု မည်သူက ထင်မှတ်ထားခဲ့မည်နည်း။ ဤတစ်ကြိမ်တွင်တော့ ကောင်းကင်ဘုံသို့ တက်လှမ်းမည့် 'ကြက်နှင့်ခွေးများ' ထဲမှ တစ်ကောင်အဖြစ် သူ ပြောင်းလဲသွားခဲ့လေပြီ။</p> <p>‎</p> <p>‎</p> <p>‎ဤကြီးမားလှသော ကွာခြားချက်အရ ကံကြမ္မာ၏ အံ့သြဖွယ်ကောင်းမှုကို လူတိုင်းအား မှင်သက်သွားစေရန် လုံလောက်ပေသည်။</p> <p>‎</p> <p>‎</p> <p>‎သို့သော် သူ၏ းအဆင့်အတန်းမှာ တာအိုရရှိသူတစ်ဦးမှ 'ကြက်နှင့်ခွေး' အဖြစ်သို့ ပြောင်းလဲသွားခဲ့သော်လည်း ဖီးနစ်ဧကရာဇ်မှာ လုံးဝ ဂရုမစိုက်ခဲ့ချေ။</p> <p>‎</p> <p>‎</p> <p>‎ကြက်နဲ့ခွေး ဖြစ်တော့ရော ဘာဖြစ်လဲ။</p> <p>‎</p> <p>‎</p> <p>‎အကယ်၍ အထက်ကောင်းကင်တားမြစ်နယ်မြေနှင့် မပူးပေါင်းဘဲ ဟွမ်သွမ့်လေဟာနယ်ထဲသို့ စွန့်စားဝင်ရောက်သွားခဲ့ကြသော ထိုတားမြစ်နယ်မြေ အရှင်သခင်များသာ ဤသတင်းကို သိခဲ့ပါက ယခုအချိန်တွင် ဤကြက်နှင့်ခွေးများ ဖြစ်လာရန် အလုအယက် ကြိုးစားကြမည်မှာ သေချာပေသည်။</p> <p>‎</p> <p>‎</p> <p>‎အဲဒီ စွမ်းအား၊ အဲဒီ သတ္တိ၊ အဲဒီ အမြော်အမြင်မျိုး မရှိရင် ကြက်နဲ့ခွေး ဖြစ်ဖို့တောင် အခွင့်အရေး ရမှာမဟုတ်ဘူးလေ!</p> <p>‎</p> <p>‎</p> <p>‎သူ၏မျိုးဆက်များအတွက် နှမြောစရာကောင်းသည်မှလွဲ၍ပေါ့။</p> <p>‎</p> <p>‎</p> <p>‎ထားလိုက်ပါတော့... အနာဂတ်မှာ အခွင့်အရေးရလာပြီး စွမ်းအားရှိလာတဲ့အခါ သူတို့ကို အင်မော်တယ်နယ်မြေဆီ ခေါ်လာဖို့ နည်းလမ်းရှာလည်း မနောက်ကျသေးပါဘူးလေ။</p> <p>‎</p> <p>‎</p> <p>‎ကုချန်၏စကားသည် ထိုနေရာရှိ လူတိုင်း၏စိတ်ခံစားမှုများကို လှုပ်ခတ်သွားစေသော်လည်း အဆုံးမဲ့ကမ္ဘာကို စွန့်ခွာရန် တွန့်ဆုတ်နေသူ မရှိသလောက် နည်းပါးလှကာ အားလုံးသည် အင်မော်တယ်နယ်မြေသို့ သွားရန်သာ လိုလားနေကြ၏။</p> <p>‎</p> <p>‎</p> <p>‎ဖီးနစ်ဧကရာဇ်တို့လို လူများကို ပြောနေစရာပင် မလိုတော့ချေ။ သူတို့သည် ဤကမ္ဘာလောကတွင် နှစ်သန်းပေါင်းများစွာ ရှင်သန်ခဲ့၍ အင်မော်တယ်တက်လှမ်းရန်မှတစ်ပါး အခြား မည်သည့်အရာကိုမျှ မရှာဖွေတော့ရာ ဤအဆုံးမဲ့ကမ္ဘာကို သံယောဇဉ်တွယ်စရာ ဘာမှမရှိတော့ပေ။</p> <p>‎</p> <p>‎</p> <p>‎ကုမိသားစုအတွက်မူ လူသားမျိုးနွယ်၏ သစ္စာဖောက်မှုများကို အကြိမ်ကြိမ် ကြုံတွေ့ခဲ့ရပြီးနောက် ဤအဆုံးမဲ့ကမ္ဘာအပေါ် သံယောဇဉ် ကင်းမဲ့နေခဲ့သည်မှာ ကြာပြီဖြစ်သည်။ အဆုံးမဲ့ကမ္ဘာကို စွန့်ခွာရမည်ဆိုလျှင်တောင် သူတို့အတွက် မည်သည့် ဝမ်းနည်းမှုမျှ ရှိမည်မဟုတ်ချေ။</p> <p>***</p> <p> </p>


Save