Book List

<h2 style="text-align: center;">‎အခန်း ( ၄၂၈ )</h2> <h2 style="text-align: center;">ကောင်းကင်ဖုံးလွှမ်း အင်မော်တယ်ဘုရင်၊ ငြင်းဆန်ရန် ခက်ခဲခြင်းနှင့် အချိန်ဆွဲခြင်း</h2> <h2 style="text-align: center;">‎*</h2> <p>‎</p> <p>‎</p> <p>‎သူ၏ရှေ့ရှိ ချန်းရှီအင်မော်တယ်ဘုရင်ကို ကြည့်သည့် ယွဲ့လင်အင်မော်တယ်ဘုရင်၏ အမူအရာမှာ အနည်းငယ် မှိုင်းညို့နေလေသည်။</p> <p>‎</p> <p>‎</p> <p>‎ဒီကောင်က တစ္ဆေလို လိုက်ကပ်နေတာပဲ!</p> <p>‎</p> <p>‎</p> <p>‎သူသည် ချီလျန်မျိုးနွယ်ဝင် တစ်ဦးဆိုသည့် အထောက်အထားကို သူ သိသွားကတည်းက အရိုးကို တွယ်ကပ်နေသော လောက်ကောင်လိုပင် သူ့အား မနားတမ်း နှောင့်ယှက်နေခဲ့ရာ ကာကွယ်ရန်ပင် မဖြစ်နိုင်သလောက် ဖြစ်နေပြီ။</p> <p>‎</p> <p>‎</p> <p>‎" ယွဲ့လင်... မင်း စဉ်းစားဖို့ အမွှေးတိုင်တစ်တိုင်စာ အချိန်ပဲ ရမယ်... အဲဒီနောက်တော့ မင်းရဲ့ ရွေးချယ်မှုကို ငါအရှင် သိချင်တယ် "</p> <p>‎</p> <p>‎</p> <p>‎ချန်းရှီအင်မော်တယ်ဘုရင်သည် ယွဲ့လင်အင်မော်တယ်ဘုရင်အား စူးစိုက်ကြည့်နေကာ သူ၏မျက်လုံးထဲတွင် ခြိမ်းခြောက်သည့် အရိပ်အယောင်များ တဖျပ်ဖျပ် လက်နေ၏။</p> <p>‎</p> <p>‎</p> <p>‎သူ ဆက်မစောင့်နိုင်တော့ပေ။ အထူးသဖြင့် ရှေးဟောင်းမကောင်းဆိုးဝါးအင်မော်တယ်ဘုရင် ဤနေရာ၌ အကြောင်းပြချက်မရှိ ကျဆုံးသွားပြီးနောက်တွင် သူ ပို၍ပင် စိုးရိမ်ပူပန်လာခဲ့သည်။ အချိန်ထပ်ဆွဲနေပါက မျှော်လင့်မထားသော ပြဿနာများ ဖြစ်လာမည်ကို သူ စိုးရိမ်သဖြင့် ယွဲ့လင်အင်မော်တယ်ဘုရင်အား နောက်ဆုံး ဆုံးဖြတ်ချက်ချရန် ဖိအားပေးဖို့ အလွန်အလျင်စလို ဆင်းသက်လာခဲ့ခြင်း ဖြစ်သည်။</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်မှ သဘောတူလျှင် အဆင်ပြေလိမ့်မည်။ သဘောမတူပါက အင်အားသုံးရန် သူ ပြင်ဆင်ထားပြီး ဖြစ်၏။ မည်သို့ပင်ဆိုစေ သူ လိုချင်တပ်မက်နေသည်မှာ ယွဲ့လင်အင်မော်တယ်ဘုရင်၏ အင်မော်တယ်ဘုရင် မူလချီစွမ်းအင်ပင် ဖြစ်သည်။</p> <p>‎</p> <p>‎</p> <p>‎ယွဲ့လင်ကို ဖမ်းမိသည်နှင့်တစ်ပြိုင်နက် သူ၏ အင်မော်တယ်ဘုရင် မူလချီစွမ်းအင် အားလုံးကို မျိုချကာ ကံကြမ္မာကို လုယူနိုင်မည် ဖြစ်လေသည်။</p> <p>‎</p> <p>‎</p> <p>‎" ငါ့ကို စဉ်းစားဖို့ အချိန်ပိုပေးရင်တောင် ငါ့ရဲ့ အဖြေက တစ်ခုတည်းပဲ... မင်း အိပ်မက်မက်နေလိုက် "</p> <p>‎</p> <p>‎</p> <p>‎ချန်းရှီအင်မော်တယ်ဘုရင်၏ အတင်းအကျပ် ဖိအားပေးမှုကို ရင်ဆိုင်ရသောအခါ ယွဲ့လင်အင်မော်တယ်ဘုရင်သည် မျက်မှောင်ကျုတ်ကာ တုံ့ဆိုင်းမှုမရှိ ပြန်လည် ချေပလိုက်၏။</p> <p>‎</p> <p>‎</p> <p>‎တစ်ချိန်တည်းမှာပင် သူ၏စိတ်ထဲတွင် တိတ်တဆိတ် သတိထားနေမိ၏။ ချန်းရှီအင်မော်တယ်ဘုရင်၏ အမူအရာသည် မကောင်းသော ရည်ရွယ်ချက်များ ရှိနေကြောင်း ထင်ရှားနေ၍ ဤတစ်ကြိမ်တွင် သူ့ကို နောက်ဆုတ်သွားအောင် လုပ်ရန်မှာ ထိုမျှ လွယ်ကူလိမ့်မည် မဟုတ်ချေ။</p> <p>‎</p> <p>‎</p> <p>‎" ငါအရှင်က မင်းကို အခွင့်အရေး ပေးခဲ့တယ်... မင်းကိုယ်တိုင် အမိအရ မဆုပ်ကိုင်နိုင်ခဲ့တော့လည်း ငါအရှင့်ကို အပြစ်တင်လို့ မရဘူးပေါ့ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ ပြတ်သားသော သဘောထားကို မြင်သောအခါ ချန်းရှီအင်မော်တယ်ဘုရင်၏ မျက်နှာထားမှာ တဖြည်းဖြည်း မှိုင်းညို့လာကာ သည်းခံနိုင်စွမ်း ကုန်ဆုံးသွားပုံရလေသည်။</p> <p>‎</p> <p>‎</p> <p>‎သူသည် မိုးကုတ်စက်ဝိုင်းဆီသို့ တစ်ချက်ကြည့်လိုက်ကာ အသံဩဩဖြင့် ပြောဆိုလိုက်၏။</p> <p>‎</p> <p>‎</p> <p>‎" ကောင်းကင်ဖုံးလွှမ်း အင်မော်တယ်ဘုရင်... ဒီကိစ္စကို ဝင်ပါပေးဖို့ အလုပ်ရှုပ်ခံပါဦး "</p> <p>‎</p> <p>‎</p> <p>‎" ဟီးဟီး... ကိစ္စသေးသေးလေးပါ "</p> <p>‎</p> <p>‎</p> <p>‎ကျယ်ပြောလှသော ကမ္ဘာလောက၏ ထောင့်နေရာတိုင်းမှ ခပ်ဟဟ ရယ်သံတစ်ခု ပဲ့တင်ထပ်လာ၏။</p> <p>‎</p> <p>‎</p> <p>‎နောက်တစ်ခဏတွင် မင်ရည်ကဲ့သို့ မည်းနက်မှောင်မိုက်သော ညဉ့်ယံတစ်ခုမှာ ကမ္ဘာလောက၏ ထောင့်ပေါင်းစုံကို မျိုချသွားလျက် ချန်းရှီအင်မော်တယ်ဘုရင်နှင့် ယွဲ့လင်အင်မော်တယ်ဘုရင် နှစ်ဦးစလုံးကို လွှမ်းခြုံသွားလေသည်။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်?!</p> <p>‎</p> <p>‎</p> <p>‎ညကောင်းကင်ယံကဲ့သို့ ကျယ်ပြောကာ တိတ်ဆိတ်ငြိမ်သက်နေသော ညဥ့်ယံကြီးမှ သူ့အား ဝန်းရံသွားသည်ကို မြင်လိုက်ရသောအခါ ယွဲ့လင်အင်မော်တယ်ဘုရင်၏ အမူအရာမှာ ချက်ချင်းပင် မယုံနိုင်လောက်အောင် အကျည်းတန်သွားတော့၏။</p> <p>‎</p> <p>‎</p> <p>‎ဤသည်မှာ ကောင်းကင်ဖုံးလွှမ်း အင်မော်တယ်ဘုရင်၏ နာမည်ကျော် အဆုံးအဖြတ်ပညာရပ် ဖြစ်သော ' ကောင်းကင်ဖုံးလွှမ်းခြင်း ပညာရပ် ' ပင် ဖြစ်သည်။ ၎င်းသည် ကောင်းကင်နှင့်မြေကြီးရှိ အရာခပ်သိမ်းကို သူ၏ ကောင်းကင်ဖုံးလွှမ်း နယ်ပယ်အတွင်းသို့ ချုပ်လှောင်ထားနိုင်၍ ၎င်းအတွင်း ကျရောက်သွားသူများသည် လှောင်ချိုင့်တွင်းမှ ငှက်များကဲ့သို့ ထွက်ပြေးစရာ လမ်းစမရှိတော့ချေ။</p> <p>‎</p> <p>‎</p> <p>‎အရေးအကြီးဆုံးအချက်မှာ ဤကောင်းကင်ဖုံးလွှမ်း နယ်ပယ်အတွင်း၌ လှိုင်းဂယက်များ အားလုံး ပြင်ပသို့ လုံးဝ မသက်ရောက်ခြင်းပင် ဖြစ်သည်။</p> <p>‎</p> <p>‎</p> <p>‎ကောင်းကင်ဖုံးလွှမ်း နယ်ပယ်အတွင်း၌ အင်မော်တယ်ဘုရင်အဆင့် တိုက်ပွဲတစ်ခု ပေါက်ကွဲထွက်ပေါ်လာလျှင်တောင်မှ နယ်ပယ်၏အပြင်ဘက်သို့ လှိုင်းဂယက်တစ်ခုမျှ ပြန့်နှံ့သွားမည် မဟုတ်ပေ။</p> <p>‎</p> <p>‎</p> <p>‎အတိတ်က အင်မော်တယ်နှင့် နတ်ဆိုး စစ်ပွဲအတွင်း၌ ကောင်းကင်ဖုံးလွှမ်း အင်မော်တယ်ဘုရင်သည် ဤကောင်းကင်ဖုံးလွှမ်းခြင်း ပညာရပ်ကို အားကိုးကာ အင်မော်တယ်ဘုရင် သုံးပါးကို အောင်မြင်စွာ ထောင်ချောက်ဆင် ဖမ်းဆီးနိုင်ခဲ့ပြီး ၎င်းတို့ထဲမှ တစ်ပါးကို ချေမွ သန့်စင်ပစ်နိုင်ခဲ့သည်။ ထိုအချိန်အတွင်း၌ နတ်ဆိုးနယ်မြေမှ နတ်ဆိုးဧကရာဇ်အဆင့် တည်ရှိမှုများပင်လျှင် မူမမှန်မှု အနည်းငယ်ကိုမျှ သတိမထားမိခဲ့ကြချေ။</p> <p>‎</p> <p>‎</p> <p>‎ဤအောင်မြင်မှုကြောင့်ပင် ကောင်းကင်ဖုံးလွှမ်း အင်မော်တယ်ဘုရင်၏ နာမည်သည် အရပ်ဆယ်မျက်နှာသို့ တုန်လှုပ်သွားစေခဲ့ကာ အင်မော်တယ်ဘုရင်အဆင့်များထဲတွင် ဘီလူးကြီးတစ်ပါးအဖြစ် ချီးကျူးခံခဲ့ရသည်။</p> <p>‎</p> <p>‎</p> <p>‎အင်မော်တယ်ဘုရင် ဘီလူးကြီးဆိုသည်မှာ သာမန် အင်မော်တယ်ဘုရင်များကို ကျော်လွန်ကာ အင်မော်တယ်ဘုရင်အဆင့်၏ အထွတ်အထိပ်တွင် ရပ်တည်နေသော တည်ရှိမှုများအတွက်သာ သီးသန့်ပေးထားသော ဘွဲ့အမည်တစ်ခုဖြစ်ကာ အင်မော်တယ်ဘုရင်အဆင့်အတွင်း သူတို့၏ကြောက်မက်ဖွယ်ကောင်းသော တိုက်ခိုက်ရေးစွမ်းအားကို ကိုယ်စားပြုလေသည်။</p> <p>‎</p> <p>‎</p> <p>‎ဤကောင်းကင်ဖုံးလွှမ်း အင်မော်တယ်ဘုရင်သည် အင်မော်တယ်နယ်မြေရှိ လက်ချိုးရေတွက်၍ရနိုင်သော အင်မော်တယ်ဘုရင်အဆင့် ဘီလူးကြီးများထဲမှ တစ်ပါးပင် ဖြစ်သည်။</p> <p>‎</p> <p>‎</p> <p>‎သို့သော် သူ၏ မောက်မာသော အမူအကျင့်ကြောင့် ရှေးဟောင်း အင်မော်တယ်နှင့် နတ်ဆိုး စစ်ပွဲပြီးဆုံးပြီးနောက် မည်သို့ဖြစ်သည်မသိ အင်မော်တယ်ဧကရာဇ် တစ်ပါးကို စော်ကားမိကာ အပြစ်ပေးခံခဲ့ရ၏။ ထို့ကြောင့် သူသည် သိုသိုသိပ်သိပ် နေထိုင်ခဲ့၍ အင်မော်တယ်နယ်မြေရှိ သက်ရှိများရှေ့မှောက်တွင် မည်သည့်အခါမျှ ပြန်လည်မပေါ်လာတော့ချေ။</p> <p>‎</p> <p>‎</p> <p>‎ယနေ့တွင် ထိုသူသည် လဝိညာဉ် ကောင်းကင်ဘုံ၌ ပေါ်လာလိမ့်မည်ဟု မမျှော်လင့်ထားခဲ့ပေ။ ထို့အပြင် ချန်းရှီအင်မော်တယ်ဘုရင်၏ ဖိတ်ခေါ်ချက်အရ သူ့ကို ပစ်မှတ်ထားရန် ရောက်လာခြင်း ဖြစ်လေသည်။</p> <p>‎</p> <p>‎</p> <p>‎" ကောင်းကင်ဖုံးလွှမ်း အင်မော်တယ်ဘုရင်! ရှင်နဲ့ ကျွန်မ အရင်က ရန်ငြိုးလည်းမရှိသလို အခုလည်း မုန်းတီးစရာ မရှိပါဘူး... ဘာလို့ ဒီနေ့ ကျွန်မကို လာဆန့်ကျင်ရတာလဲ "</p> <p>‎</p> <p>‎</p> <p>‎ယွဲ့လင်အင်မော်တယ်ဘုရင်၏ ရင်ထဲတွင် သတိထားမှုများ မြင့်တက်လာကာ ပြင်းထန်စွာ အော်ဟစ်လိုက်၏။</p> <p>‎</p> <p>‎</p> <p>‎ချန်းရှီအင်မော်တယ်ဘုရင်၏ တာအိုကျင့်ကြံမှုနှင့် စွမ်းအားမှာ သူ့ထက်သာလွန်သော်ငြား တစ်ပါးတည်းဖြစ်၍ သူ့ အနေဖြင့် မနိုင်လျှင်တောင် ထွက်ပြေးလွတ်မြောက်နိုင်စွမ်း ရှိသေးသည်။</p> <p>‎</p> <p>‎</p> <p>‎သို့သော် ကောင်းကင်ဖုံးလွှမ်း အင်မော်တယ်ဘုရင် ပါဝင်လာပါက ကွာခြားသွားလေပြီ။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်မှ သူ၏ ကောင်းကင်ဖုံးလွှမ်း နယ်ပယ်ကို ထုတ်ဖော်လိုက်သည်နှင့် ယွဲ့လင် ထွက်ပြေးရန်မှာ အလွန် ခက်ခဲသွားမည်ဖြစ်သည်။ အကယ်၍ သူသာ ချန်းရှီအင်မော်တယ်ဘုရင်နှင့် ပူးပေါင်းလိုက်ပါက ယွဲ့လင်၏သေရေးရှင်ရေးမှာ ပို၍ပင် မသေချာတော့ချေ။</p> <p>‎</p> <p>‎</p> <p>‎သို့သော် ဤကောင်းကင်ဖုံးလွှမ်း အင်မော်တယ်ဘုရင်သည် အဘယ်ကြောင့် ချန်းရှီအင်မော်တယ်ဘုရင်ကို ကူညီ၍ သူ့အား ဆန့်ကျင်ရသနည်း။</p> <p>‎</p> <p>‎</p> <p>‎" ဟက်... ငါအရှင်က မင်းနဲ့ ဘာရန်ငြိုးမှ မရှိတာတော့ အမှန်ပါပဲ... ဒါပေမယ့် တာအိုရောင်းရင်း ချန်းရှီရဲ့ ကမ်းလှမ်းချက်တွေကို ငါအရှင်လည်း မငြင်းချင်လို့ပါ "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်သည် ခပ်ဟဟ ရယ်မောလိုက်သော်လည်း သူ၏အသံတွင် အေးစက်သည့် အရိပ်အယောင်များ ပါဝင်နေ၏။</p> <p>‎</p> <p>‎</p> <p>‎ထိုစကားကို ကြားသောအခါ ချန်းရှီအင်မော်တယ်ဘုရင်၏ မျက်ခွံများ တွန့်သွားလေသည်။ ကောင်းကင်ဖုံးလွှမ်း အင်မော်တယ်ဘုရင်ကို အကူအညီတောင်းရန် သူ တော်တော်လေး တန်ရာတန်ကြေး ပေးခဲ့ရသည်။</p> <p>‎</p> <p>‎</p> <p>‎ကြိုတင် ဆုကြေးအနေဖြင့် အင်မော်တယ်ဘုရင် လက်နက်တစ်ခုကို ပေးခဲ့ရုံသာမက ကိစ္စပြီးပါက လဝိညာဉ် ကောင်းကင်ဘုံ၏ နှလုံးသားကို ကောင်းကင်ဖုံးလွှမ်း အင်မော်တယ်ဘုရင်ထံ ပေးအပ်မည်ဟုလည်း ကတိပေးခဲ့ရသည်။ သူ လိုချင်သည်မှာ ယွဲ့လင်အင်မော်တယ်ဘုရင် တစ်ယောက်တည်းသာ ဖြစ်၏။</p> <p>‎</p> <p>‎</p> <p>‎ထို့အပြင် ချန်းရှီအင်မော်တယ်ဘုရင်သည် သူ၏ အင်မော်တယ်ဘုရင် တာအိုကို ကောင်းကင်ဖုံးလွှမ်း အင်မော်တယ်ဘုရင်အား နှစ်တစ်သောင်းကြာ အခမဲ့ လေ့လာကြည့်ရှုခွင့် ပေးအပ်ရမည် ဖြစ်သည်။</p> <p>‎</p> <p>‎</p> <p>‎ဤသို့သော တန်ရာတန်ကြေးကို ပေါ့ပါးသည်ဟု မဆိုနိုင်ပေ။</p> <p>‎</p> <p>‎</p> <p>‎အထူးသဖြင့် နောက်ဆုံးအချက်မှာ အင်မော်တယ်ဘုရင် တစ်ပါးစီတိုင်း ကျင့်ကြံထားသော အင်မော်တယ်ဘုရင် တာအိုသည် သူတို့၏ ခရီးလမ်းတစ်လျှောက် ပြင်းပြင်းထန်ထန် ကြိုးစားဖန်တီးထားရခြင်းဖြစ်၍ အင်မော်တယ်ဘုရင်တိုင်း၏ အဓိကလျှို့ဝှက်ချက်ဟု ဆိုနိုင်ကာ သူတို့၏ မျိုးဆက်များကိုပင် လက်ဆင့်ကမ်းပေးလေ့ မရှိပေ။</p> <p>‎</p> <p>‎</p> <p>‎အဘယ်ကြောင့်ဆိုသော် အခြား အင်မော်တယ်ဘုရင်တစ်ပါးမှ ကိုယ့်၏အင်မော်တယ်ဘုရင် တာအိုကို မြင်တွေ့သွားပါက ၎င်း၏ စစ်မှန်သော အနှစ်သာရနှင့် နက်နဲမှုများကို နားလည်သဘောပေါက်သွားနိုင်၍ ဟာကွက်များနှင့် အားနည်းချက်များကိုပင် ရှာဖွေတွေ့ရှိသွားနိုင်သောကြောင့် ဖြစ်သည်။</p> <p>‎</p> <p>‎</p> <p>‎အကယ်၍ နောက်ပိုင်းတွင် သူတို့နှစ်ဦး ယှဉ်ပြိုင်တိုက်ခိုက်ရပါက တစ်ဖက်လူသည် သေချာပေါက် ရှုံးနိမ့်ခြင်းမရှိသည့် အနေအထားတွင် ရပ်တည်နေနိုင်ပေလိမ့်မည်။</p> <p>‎</p> <p>‎</p> <p>‎ထို့ကြောင့် အင်မော်တယ်ဘုရင်တစ်ပါးသည် သူ သေဆုံးမသွားသေးသရွေ့ သူတို့ ကျင့်ကြံဖန်တီးထားသော အဓိက တာအိုကို မည်သူ့ကိုမျှ လွှဲပြောင်းပေးလေ့ မရှိကြချေ။</p> <p>‎</p> <p>‎</p> <p>‎သို့သော် ယခုအခါ ယွဲ့လင်အင်မော်တယ်ဘုရင်အား ကိုင်တွယ်ရန်အတွက် ချန်းရှီအင်မော်တယ်ဘုရင်သည် သူ တစ်သက်တာ ဖန်တီးထားသော တာအိုကို ကောင်းကင်ဖုံးလွှမ်း အင်မော်တယ်ဘုရင်အား လေ့လာကြည့်ရှုရန် ပေးအပ်သည့်အထိပင် လုပ်ဆောင်ခဲ့၏။ ဤသည်မှာ ကောင်းကင်ဖုံးလွှမ်း အင်မော်တယ်ဘုရင်ရှေ့တွင် သူ၏အားနည်းချက်များကို ထုတ်ဖော်ပြသလိုက်ခြင်းနှင့် ညီမျှလေသည်။ ဤသို့သော တန်ရာတန်ကြေးမှာ မကြီးမားပေဘူးလော။</p> <p>‎</p> <p>‎</p> <p>‎သို့သော် ယွဲ့လင်ကို ဖမ်းမိမည်ဆိုပါက စွန့်လွှတ်ရသမျှ အရာအားလုံးမှာ တန်ဖိုးရှိပေလိမ့်မည်။</p> <p>‎</p> <p>‎</p> <p>‎ယွဲ့လင်ကို ဖမ်းမိသည်နှင့်တစ်ပြိုင်နက် သူ၏ အင်မော်တယ်ဘုရင် မူလချီစွမ်းအင်ကို မျိုချကာ ကောင်းကင်ဖုံးလွှမ်း အင်မော်တယ်ဘုရင်နှင့် တန်းတူဖြစ်သော အင်မော်တယ်ဘုရင်အဆင့်၏ အထွတ်အထိပ်သို့ ချက်ချင်း တက်လှမ်းနိုင်မည် ဖြစ်သည်။</p> <p>‎</p> <p>‎</p> <p>‎အင်မော်တယ်ဘုရင် တာအိုအတွက်မူ နောက်ပိုင်းတွင် ပြင်ဆင်၍ ပြီးပြည့်စုံအောင် လုပ်ဆောင်ရန် အချိန်အများကြီး ရရှိမည် ဖြစ်သည်။</p> <p>‎</p> <p>‎</p> <p>‎အဆိုးဆုံးအခြေအနေတွင် အင်မော်တယ်တာအိုတစ်ခုကို အသစ်ပြန်လည်ကျင့်ကြံရန် အချိန်ကြာမြင့်စွာ အကုန်ခံရလျှင်တောင် တန်ဖိုးရှိပေသည်။</p> <p>‎</p> <p>‎</p> <p>‎မည်သို့ပင်ဆိုစေ အင်မော်တယ်ဘုရင်အဆင့် တည်ရှိမှုတစ်ခုအတွက် အပေါများဆုံးအရာမှာ ရှည်လျားသော သက်တမ်းနှင့် အချိန်ပင် ဖြစ်သည်။</p> <p>‎</p> <p>‎</p> <p>‎သို့သော် အင်မော်တယ်ဘုရင် ဘီလူးကြီးတစ်ပါးအဖြစ်သို့ အဆင့်တက်ရန် အခွင့်အရေးမှာ မျှော်လင့်နိုင်သော်လည်း အလွယ်တကူ ရရှိနိုင်သည့်အရာ မဟုတ်ချေ။</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်၏ စကားများကို နားထောင်နေစဉ် ယွဲ့လင်အင်မော်တယ်ဘုရင်၏ရင်ထဲတွင် တဖြည်းဖြည်း အောက်ခြေအထိ နစ်မြုပ်သွားသလို ခံစားလိုက်ရ၏။</p> <p>‎</p> <p>‎</p> <p>‎ချန်းရှီအင်မော်တယ်ဘုရင်သည် ကောင်းကင်ဖုံးလွှမ်း အင်မော်တယ်ဘုရင် ငြင်းပယ်၍မရနိုင်သော သတ်မှတ်ချက်များကို ကမ်းလှမ်းခဲ့ကြောင်း သူ သိလိုက်ရသည်။ ထို့ကြောင့်သာ သူ့အား ကိုင်တွယ်ရန် ထိုသူ့ကို အကူအညီ တောင်းနိုင်ခဲ့ခြင်း ဖြစ်သည်။</p> <p>‎</p> <p>‎</p> <p>‎ယခု သူ့ကို လွယ်လွယ်ကူကူ နောက်ဆုတ်သွားအောင် ဖျောင်းဖျရန်မှာ ထိုမျှ ရိုးရှင်းလိမ့်မည် မဟုတ်ချေ။</p> <p>‎</p> <p>‎</p> <p>‎" လဝိညာဉ် ကောင်းကင်ဘုံက ဝိညာဉ်ဧကရာဇ်ရဲ့ လက်အောက်မှာ ရှိတာလေ... ဒီမှာ ဒီလို မဆင်မခြင် လုပ်နေရင် ဝိညာဉ်ဧကရာဇ်ကို အနှောင့်အယှက်ပေးမိမှာ မကြောက်ဘူးလား "</p> <p>‎</p> <p>‎</p> <p>‎ကောင်းကင်ဖုံးလွှမ်း အင်မော်တယ်ဘုရင်အား နောက်ဆုတ်ရန် ဖျောင်းဖျဖို့ မဖြစ်နိုင်သလောက် ရှိနေကြောင်း သိသော်လည်း ယွဲ့လင်အင်မော်တယ်ဘုရင်သည် လက်လျှော့ရန် ငြင်းဆန်နေဆဲပင်။</p> <p>‎</p> <p>‎</p> <p>‎တစ်ချိန်တည်းမှာပင် သူသည် တိတ်တဆိတ် အချိန်ဆွဲနေ၏။</p> <p>‎</p> <p>‎</p> <p>‎လဝိညာဉ် ကောင်းကင်ဘုံ၏ နှလုံးသားသည် ယခုအခါ ကုချန်၏လက်ထဲတွင် ရှိနေပြီဖြစ်သည်။</p> <p>‎</p> <p>‎</p> <p>‎ချန်းရှီအင်မော်တယ်ဘုရင် ရောက်လာသည်ကို ထိုလူ သတိထားမိလောက်ပြီ မဟုတ်လော။</p> <p>‎</p> <p>***</p> <p> </p>


Save